Ka Nupepa Kuokoa, Volume LIX, Number 4, 28 January 1921 — E LAWELAWEIA NA KEEHINA E PALEKANA AI. [ARTICLE]

E LAWELAWEIA NA KEEHINA E PALEKANA AI.

~~ Ua lilo na poino a ka waikahe o na pule aku nei i hala, i waiho iho ai, ma na wahi like ole o keia Teritore, i mea a'o mai ia kakou, e pono e lawelaweia aku na keehina apau, e palekan?i ai, ma na ino o kela ano ma keia mua aku.

Ma Waimea, Kauai, ua nui maoli na home i lilo i ka wai, a i halana pu ia hoi e'ka wai; ka mea i ike mūa ole ia no na makahiki lehulehu ae nei i hala, ma na manawa o na ino i iike me kela; he mea nae keia e haawi mai ana i kekahi haawina a'o maikai loa, e hanaia aku na palewai a kiekie, ma na wahi ikaika o ka wai e kahe aku ai i ka wa ua nui; e hoomakaukauia hoi na auwar ame na puka hookahe wai, ma na ano e loaa hou ole ai ka pilikia ame ka poino ma keia mua aku. O ka halana pu ia ana o kekahi mau kauiiale mawaho ae nei o Waikiki e ka wai, he mea ia ,e a'o mai ana i na poo o ke aupuni, ma ka manawa e hoopihaia aku ai na aina haahaa malaila, a e hoomoeia aku ai na paipu lawe meaino, he mea pono e loaa kekahi auwai akea, no ke omo tfna i ka wai, i ka wa ino.

O na uwapo i ike maoli ia ka hiki ole ke omōia ka wai me ka maalahi, e imiia aku na alahele apau e hooiia ae ai ke kupono; a ma na wahi haahaa hoi a ka wai i imi aku ai i kona alahele hoopoino i na aina ame nā kauhale, e hanaia ae a kiekie. O ka olelo kaulana a kahiko: "Iluna no ka ua waele e ke pulu," o kekahi keia o na olelo kupono loa e laweia mai a malama, ma ka hoomakaukau e ana i keia manawa, no ka wa e hoea hou mai ai o ka ino, ma keia niua aku!