Ka Nupepa Kuokoa, Volume LIX, Number 4, 28 January 1921 — Page 8
| This text was transcribed by: | Kamehameha Schools Gift To Dr. Chun |
| This work is dedicated to: | Dr. Michael J. Chun |
Ka Nupepa Kuokoa
KE KILOHANA POOKELA NO KA LAHUI HAWAII.
KA WAIKAHE NUI MA WAIMEA, KAUAI.
Ma ka h@@@ 12:30 p.m., Ianuari 16, 1921. Sabati nei, i hoea mai ai kekahi waikahe ikaika loa i ike ole ia kona lua ma keia mau kahawai, ahiki i keia la. Ua hoomaka mai ka pii ana o ka wai mai ka uuku mai ahiki i ka lilo maoli ana o na halemoa, na pa puaa, na hale noho, na lio, na humulaau nunui ame na mea e ae apau e loaa ana ma ko kakou alahele. Ko Makaweli ka mua a mahope ko Waimea.
Na hale i lilo ma Makaweli ame Waimea: 1, no Ting Chong, ma Waikolu, Makaweli; ; halehoahu laiki no Hironaga, he hale nui keia, Makaweli; 3, halekuae no Sam Sing me elua haneri dala ileko o ke kinim, ma Makaweli; 4, hale no Mrs. Kuia Nakapaahu, o Punilei Manini ame kona ohana ke noho ana ilaila; aohe mea lawe, a ua olohelohe, Makaweli; 5, elua hale ma ka aina o Anna Kapuniai, aoao Waimea; 6, ka halekuai e ku ana ma ka huina o na muliwai me na waiwai oloko, aoao ma Waimea; 7, elua hale no na Kepani ma ia wahi hookahi no.
O keia mau hale apau loa i lilo aku la i luahi na keia wai, ua lawe pu aku lakou i na loka aahu, na lakok moe, na lako meaai ame ka ai pu a ka poe no lakou keia mau home.
O ka hale noho H. M. Naawi, ua hukiia aku ia e ka wai a paa i ua kumula@@ e ulu ana mamua o ke alo; a lilo loa aku ka hale paina ame ka hale kahuimu a hoahu ai a lakou.
Ko Waipa âme ko Paahana, ua hooneeia mai kahi mua i ku ai.
O ka nui o na hale i koe a keia wai o ke komo aua, ua waiho iho i ka lepo iloko o ia mau hale i like ka hohonu me ka loi kalo, nana i hoolilo aku i ka maika o na aahu ame lole moe o na ano apau i lepo.
Aohe ola i poino i keia wai, eia nae, ke kaikamahina o 9 makahiki oia o Miss Keala Nawai ka i lilo, a mamuli o ka n@@p@@ maikai o kela kaikamahine, ua p@liki oia i ka lau o ke ko ahiki i ka wa i loaa kau ai i kona uncle a pakele.
O ka nui o na poho a keia wai i waiho mai ai mahope nei, aia ia ma kahi @ na haneri tausani mai o a o o Waimea n@i wale no@ oiai ua hoopihaia kekahi mau aina me ka pohaku, ka lepo an@ ke one, ua palahaia kekahi mau ma@@@@ a pepe i ka honua, ua oki hou ia ma kauwahi i mau kahawai hou e kahu ai o ka wai i keia wa mawaho ae o na waiwai o na halekuai lehulehu i @@@@@@@ e ka wai.
O ka wai o ke Sabati nei aole ia he wai @@@@@@; o ia hoi, i hoea mai mamua o kekahi kuana ikaika i haule ma@ aka, he wai keia me ka ua ole, eia nae ka Kapau Kanoa (w) no keia kahwai:
"Iuka no ka na e ua ai,
Na ka omaka o ka wai e hele i kai o Luhi, etc."
Peia paha hoi keia.
He maa ka kawau no keia o makou nei mai ke Karisimaka mai, aohe nialie maikai, a e p@n ana, nae paha, no ka mea, ua komo kauhale, ai puaa, ai moa no hoi a ai wahi ko ame ke kalo.
Hauoli makahiki iwakaluakumamakahi i awili pu ia me ke kaumaha.
S.D.Z. NAAHIELUA, SR.
Waimea, Kauahi, Ian. 18, 1921.
HE PANE I KA HOAHANAU
Mr. Lunahooponopono o ke Kilohana, Solomon Hanohano:--E oluolu mai oe i wahi keena iki nou, uo ka pane ana aku i ka hoolaha a ia hoahanau, George M. Kauaulaleua, ma ka hana a Kristo, "Ka Leo Kahea a ke Akua e Mihi," o Ianuari 23.
He hoolaha keia no ka pomaikai o ka poe manaoio he Akua maluna ae o ko ke ao nei apau, wahi ana i kakau ai.
I keia la e heie nei, ua makaukau loa oe no ka hooko ana hoi i ka olelo a ke kahuna o ke Alii Kamehamhea, e hoi hou mai ana ke Akua i Hawaii nei, he namu ka olelo. Pehea la o hiki ai ke hilinai aku na hoapaahana, o ka pono i keia kahuna au e olelo nei, no ka mea, ke hai mai nei no oe malalo iho, "Eia ka he lahui kanaka hoomana i ka pohaku i ka mea uhane ole." Alaila ua pololei iho la kela manao ou, ea, kaawale ana kaua maanei, no ka mea i ka wa o Kamehameha I e noho moi ana, aole i komo mai ke Akua i Hawaii nei ia manawa au no e olelo nei he Akua i hele mai mai Enelani ahiki iho la i Hawaii nei a Opukahala i uwe waimaka aku ai i na kumukula o ka pono e hele mei i kona aina.
Pua ia, e eia hou: E hoi hou mai ana ke Akua i Hawaii nei, o ke Akua hea keia, o Ieho@a anei? Ina no Oia Ia, ea, ua noho mua no ke Akua mana loa me na kupuna o kakou, a ua loaa mua no ka malamalama mai kinohi mai no.
Heaha hou aku ke aloha a kakou e hoomaopopo ole nei, wahi a ke Kahu o Kawaiahao i kukala mai ai oia ma ka awai, ke manao ia nei e kukuluia aku ana kekahi kiahoomanao no Heneri Opukahaia ma ka aoao mauka o Kawaiahae i ka luawaimapuna e pili la i ke alanui Moi, i luawaimapuna hoi e pipii mau ana iluna, i inu aku ai hoi kaua i ka wai o ke ana mau loa i mea no kaua e hoomanao mao ai ia Opukahaia.
"Ua noho lakou i New England, Amerika, he aina ia no ka poe ahiu, he Ilikini; nui ko lakou mau kaua ana, aole haalele ko lakou Akua ia lakou, ua lanakila no ahiki mai no i ko kakou aina nei, o ia ano hookahi no elike no me kela lahui. E kuu hoa maikai, ke hoohalike mai nei oe i ko kaua lahui Hawaii aloha maikai me ka Ilikini, he ahiu ko lakou ano, me ke kaua wale no e pono ai. Ea, hiki mai na misionari i Hawaii nei i ka makahiki 1820-21, ua maemae mua ka aina aloha o kaua i ka Nai Aupuni, mai o a o o ka Paeaina, aohe kanaka ahiu, aohe heo he kaua hou, ua noa, ua maluhia, ua hiki ka luahine, na elemakule a me na keike ke hele a moe ma ke alanui, mahea la ia wahi, me ka maikai ame ka makau ole, no ka mea, uapaholaia ae ka maua o ke kanawai a ka Moi Kamehameha i kau mai ai ma o a maanei o ka aina, ke kahawai kaulana loa au e ike nei ke Kanawai Mamalahoa, no ka mea ke ike nei kakaou, aole na ke kanaka i loaa mua ka malamalama ka hoonaauaoia hoi mai na kula mai, a o ia hoi ma kekahi olelo ana ae (civilized man), aka mai ke kanaka i loaa ole keia mea he malamalama, aia no oia iloko o ka p@ uli, ke au no o ka pekana ma ka aoao Kristiano ke nana aku.
"Mai ko kakou ao ia ana i ka pono ahiki i kela la, aole i hoomaopopo ka kou i ka oiaio o ke Akua oia wale no kakaou ma ka lehelehe e olelo nei; aole i hoomaopopo i ka olelo o ke Akua, a ike aku hoi i ke ano o ke Akua."
E kuu hoa maikai, pa mai la ka hoi au i kau olelo pupuka loa, "eia wale no kakou ma ka lehelehe e olelo nei,"--kahaha, kohu ole no hoi kau olelo ana peia, o kakaou pu ka kekahi i loko o ia mai, e mai noho oe a peni hou me ia, aole ia he hana naauao, no ka mea, aia no kekahi poe ke hoomanawanui nei i ka pono o ke Akua, ke hoeko nei no i Kono makemake, ke auamo nei no i na haawe o ka luuluu au e hiki ole nei ke hana, aka, he hiki no i kekahi poe e ae.
"Aole ka he hoomaopopo i ka olelo a ke Akua, "ea, hui pu iho la oe iloko o keia hoomaopopo ole, kupaianaha no. E hoike mai ana oe i kou kulana, aia no oe i ke au o Kamehameha I a mamua iki aku paha, pau ia. "A ike aku hoi i ke ano o ke Akua." Ae, aia oe iloko o ka hana Kristiano e hana mai nei i keia manawa, e, ma kau hana ma ka pono ikeia ai ke ano o ke Akua. A, i makemake loa oe i ikemaka ia Iehova, e kakali iki oe apau pono kau hana ma keia ao, aia a hoi oe ma ke ao o Iesu Kristo e ike ana oe Iaia. Aka, ma ke ao nei, makehewa, aohe oe e ike ana i Kona helehelena, a ike ole ka hoi i Mose ke kanaka a hoa walaau niau me la.
E kuu hoahanau maikai, he hooponopono a hoonauao ana aku keia maka mea pololei a kakou i ike ai he pono ia a he maikai hoi, a o na mea e ae au i hoolaha ai he maikai no.
Me ke aloha i ka lunahooponopono ame kou mai limahan maikai.
GEO. W. MAIOHO.
594 South Hotel St., Honolulu.
NA MEA OI AE O KEIA OLA ANA
O keia ola ana kekahi ia o na mea maikai oi ae a ke Akua i haawi mai ai. O ke kuko ana i na mea maikai ole, o ia no na mea e hoopilikia mai ana i ke ola o ke kanaka.
O keia ola ana o ia no kekahi ano o ke Akua. Aole wa e elemakula ai ke Akua, aole On a wa e popopo ai, aole On a wa e make ai. Ua loaa ia oe keia mau ano apau.
O kela uhane i loaa ia oe, o ia no ka malamalama o ke ao nei. Aole i kau palenaia ke ola iloko ou, aole hoi ia i ike ia mea, he manawa; he keikialii no ke keneturia, a he kaikainahinealii hoi no ka wa pau ole. Ua loaa mua oe ma mua o ka hanaia ana o na hoku o ka iani. Ina e hoolilooia keia ao i mau puulehu, a e nalowale aku hoi na mea apau, e mau ana no oe, e ola ana hoi no ke ao hou.
He keikialii oe iloko o ke kihapai o ke ola. E hoonnioni ae oe i kou lunaikehala, a e hoopulapula ae hoi oe i na mea maikai o kou ola uhane ana.
O keia ola ana, o ia no kou aupuni ua piha ia me na mea paahana like ole, i kali mai ana o kou hoohana aku ia lakou, a i kou hoohana ana ia lakou, e ike auanei oe i ka holomua o kau mau hana apau, me ka nui o na pomaikai e loaa ana ianei.
JOHN KALAMA NAUKANA.
HE HOOMAIKAI NUI IA MRS. CARRIE ROBINSON.
O maua o na mea no laua na inoa ma lalo iho nei, ke haawi aku nei i ka maua hoomaikai nui ia oe, no ka loaa ana mai ia maua o kau makana Karisimaka e poina ole ai, no ka mea, he makuahine i kapa mau ia i na wa apau, he puuwai hamama ame ke aloha.
Nolaila ko maua hoomanao nou, no kau mau mea maikai apau i loaa mai ia mana. E ukaliia kau mau hana maikai apau me ke oiaio, a na ke Akua e alakai ia kakou apau iloko o Kona malu. Amene.
Me ke alpha pu no. O maua no i huiia.
MRS. W. E. KINIMAKA.
W. E. KINIMAKA,
Keauhou, Kona, Jan. 16, 1920.
HE WAHI KANENAE ALOHA NO KOU LUAUI MAKUAHINE
E oluolu mai oe e ka Lunahooponopono o ka Nupepa Kuoakoa, Sol. Hanohano, Aloha oe a nui me kou mau hoa luhi o ka papapai no'u kekahi rumi kaawale o ke Kilohana, no ke poomanao e kau ae la maluna, i ike mai ai na kinin makamaka o kuu mama e noho ana mai ka la hiki ma Kumukahi a ka weiona a ka la i ka mole olu o Lehua.
Ua hanauia o Waiakaalae (w) mai ka puhaka mai o Kohikohikoku (k) ame Kepaa (w) ma Opikihao, Puna, Hawaii, i ka makahiki 1813; ua naauao oia i ka manawa i hiki mai ai ka olelo a ke Akua i keia paeaina.
Ua haalele mai oia i keia ola ana ma ka kora elua o ka wanaao, la Karisimaka, ma ko makou home ma Kahua, Hilo, imua ou kana kaikamahine hookahi wale iho no e ola nei, ame na moopuna kuakahi he eiwa e ola nei, ame na moopuna kualua, he umikumamakolu; a oiai no hoi ua manao ia, i ke ao ana ae o ka Poaono, e hoomoe aku ai iaia i kona home lua, oiai hoi kau mau keiki e hele aua no ke kuai ana i hale nona, o ia no hoi kekahi o na la ino loa, u kui iho la ka hekili me ka ikaika, ua olapa ae ka uwila, me ka haluku i ho o na pakaua nunui, no ia kumu ua hoopaneeia kona ia e kanu ai a Lapule ae.
O ka mea apiki, eliko no me ka ino o ka Poaono, pela no i ka Lapule ae; na kakali aku makou me ka ohana me ka hoomanawanui, aole nae i malie iki; aka, ua haawi mai ke Akua i Kona lokomaikai, ma o ka malie iki ana ae o ka ua.
Mahope iho o kona nale ana aku, a oiai na keiki elua e uhi ana iaia, me ka lepo, o ia no ka manawa i iliki hou iho ai kekahi hekili ikaika i hui pu ia me na kulupakaua ikaik; a hoomanao ae la au i kana i hai mai ai iau, oiai kona mau la e kau ana no ka pu lehua, aia auanei ahiki mai i kuu la hope, e ike no auanei oe i na hoailona like ole, alaila hoomanao ihooe, aole kaua nolalo lilo, aka, aia kaua i ke anawaena.
O kona kupunakane kualima he kanaka hapa Akua oia, ua olelo ia he hapa o kona kino mai kona poo ahiki i kona wawae, he pahoehoe, a o kekahi hapa he kino kanaka maoli.
I ka wa e hiki mai ai o ka opulepule iaia, ua hiki iaia ke lele iluna me he manu la, aole loa e hiki i kana wahine, a iole kaikamahine paha, pela pu me ka ohana, ke hookokoke aku iaia, oiai he kau ka weli ke nana aku i kona ano, mamuli iho la o keia kumu, ua laweia oia e ke akua o kona mau kupuna i ka aina o Polapola a ua haalele iho oia i kana wahine ame kana kaikamahine hookahi wale no, a o ke kumu hoi nana i hoolaupai mai i keia hanauna hou.
Aole paha i poina i ko ke Kuokoa poe heluhelu i kekahi hoolaha hoaloha loha no Mr. Manunui i kela makahiki aku nei i hala, e hai ana kana kaikamahine, oia hoi o Mrs. David Hoapili, i ka mookuauhau o kona makuakane, oiai he hanauna oia mai ia Kamapikai mai. Nolaila, o keia Kamapikia, o ke kupunakane kualima ia o kuu mama, a he kuku kualima pu no Mr. Manunui.
Nolaila o Kamapikai, oia no ua kanaka eepa nei, he hapa pahoehoe a he hapa kanaka. Nolaila o Mr. Manunui, o kona kaikunane hookahi wale iho no ia iloko o keia hanauna, a oiai ua hala mua oia ma kela ao, no laila, ua imi aku la no hoi kona kaikuahine iaia.
He makuahine heahea oia, he lokomaikai, e ike ana oia mai ka poe kiekie a haahaa, he wahine haipule oia, he lala kahiko no hoi noloko o ka Ekalesia o Iesu Kristo o ka Poe Hoano o na La Hope Nei, ma ka apana o Kahua ame Honomu i hui ia.
Mamuli o kona palupalu, ua waiho aku oia i ka hana a ke Akua, aka, aole no ia he mea nona e poina ai i ka olelo a ke Akua.
Aole oia i hooluhi mai ia makou, aole no hoi i hoohewahewa mai, aka, me he aihua la ka make i kii mai ai a lawe aku la i Kana o ka uhane, a waiho iho i ke kino lepo na makou e u aku me ka waimaka.
E Mrs. Keluia Waiohinu e, ma ke Kuokoa paha oe i ike iho ai, i ka haalele ana mai o ka makuahine o kaua, i keia ola ana, ka makua hoi nana i imi aku a loaa o oe ka makamaka o ka aina ai haaheo o Kakuhihewa.
Ua pau, ua hala oia i ke ala hoi ole mai, o kona alahele i hala aku la, he alahele ia no na mea apau, nolaila uumi ia ke aloha makua!
Ia oe e W. K. Stevens aole oe e ike hou ana i ko Great Grandma, ua hala oia i ke ala hoi ole mai; aia paha oe ke nanea la i ka olu a Hanalei, Kauai, eia au ko kuku ame ka ohana ke noho aku nei me ka luuluu.
E James Steves, ua pau kou ike hou ana ia kuku, aole hoi oe e lohe ou ana iaia e kahea aku ana ia oe o kuu moopun haole ae keia, ua nalo oia no ka wa pau ole. Aloha oe e kuu keiki, na hoa luhi pu me ke kupunawahine o oukou, o ka noho ana o Umikoa Ranch, no olua ka pilikia ke nou poo la na kupuna mahope o olua, pale ia ae ke anu iniki ili, oiai ke aloha ia olua e na moopuna e paila ana.
Nolaila e Umikoa Ranch ua pau kou hoope hou ana i na kulukehau huihui ma na papalina o kuu mama.
E Kalopa o, ua pau kou ike hou ana i kuu mama e maalo aku ana ma kou mau alanui. Ua piha i kuu mama na makahiki hookahi haneri ame ehiku o kona hanu ana i na ea o keia ao; ua make palupalu maoli no oia!
Ua mare kuu mama ekolu manawa, ua mare mua oia me Daniela Ohumukini, a ua hanau mai o Haili Onaona Ohumukini (k) ame au, Mrs. Keaohu Keliinui. Ua mare hou, oia me Poni Oopa, a o Iokepa Keliikuloa kana kane hope a moe aku la oia i ka opu o ka honua.
Ke noi aku nei au i ka oluolu o ka poe apau i haawi mai i ka lakou makana pua ame ka poe i komo pu mai me makou i na hora o ko makou luuluu, e lawe aku i ka makou mau hoomaikai, no ko oukou komo pu ana mai me makou iloko o ko makou luuluu me ke kaumaha, a na ke Akua, ka Makua mana loa e hooluolu mai i akakou apau. Nana no i haawi mai a Nana no e lawe aku.
O makou iho no me ka luuluu,
Me na Keiki ame na Moopuna.
MR.S KEOAHU KELIINUI.
NA MEAHOU O KOLOA
Nui ka makani âme ka ua ma Koloa nei i keia mau pule elua, ke hele la a kuululu i ke anu, i ahona i kahi pola kope.
Ma ka la 16, o ia ka Lapule, hora 7:50 minuke o ke kakahiaka, i wehe hamamaia mai ai na ipukawai o Kulanihakoi, ka mea nana i hoolaale aku i ka poe apau, e huli aku i ko lakou wahi e pakele ai.
Oiai ka ua e hana mao ole ana iloko o keia mau hora elua a oi, hoolana puia kekahi mau hale e ka wai, pulu na waiwai like ole, lilo ka moa, lilo ka puaa, ame na mea like ole e loaa aku ana i kona ikaika.
Na uwapo kaaahi, ua hoohiloia e ka wai, na alanui ua waiho waie ke a, he ooi mai hoi kau ke nana aku, a he mau lua nunui, ma kekahi wahi o keia mau alanui, he ku i ka weliweli ka hana a ka wai, e pulami ana i na mea apau e loaa aku ana me ka nana ole.
Ma Koloa nei i hoohuiia ae ai ma ka mare e ka Rev. S. K. Kaulili, o Mr. James Keawe Mahu, keiki o ka Uanoe o Koloa, ame Miss Mabel Simeona, kaikamahine o Maui no ka Oi, he maikai ka mare no na mea apau.
Mahope iho o ka pau ana, ua huli hoi mai la laua ma ka home a hoonuu iho la i na mea apau i hoomakaukauia, oiai na kulu pakaua e loku hala ole ana, ia Hanale e hokake hele ana ma o a maanei, ku ana kou opu i ke pueku mahanahana a Keoni bulu, pau loa ae la au malaila, hopu kahi papale hoi pololei no Makahuena, me kau wahi sweetheart.
No laila, ke haawi aku nei keia makapeni i ka hoomaikai ame na mahalo a nui i na makua no laua ka home, Mr. ame Mrs. J.S. Chandlre no na mea maikai apau e oluolu ai ma ke kino, i hoomakaukauia mai, a pela pu no hoi me ka paamare ia haawina hookahi, hooloihi, hoolaupai iwaena o ko laua noho ana iloko o ke aloha.
Ua hala aku la no Honolulu kuu hoaloha maikai, Mr. J.S. Chandlre, no kekahi hana ano nui; e ukaliia kana huakai me na pomaikai he nui, a huli hoi mai la no i keia la.
Me ka Lunahooponopono ka mahalo nui, ame na keiki oniuhua kepau o kou papapai kou adieu.
Owau mau no,
PETER KAMANO.
Makahuena Light Station, Koloa.
NA LEKA KII OLE IA MAI AHIKI IANUARI 22, 1921
Eli, Henry Kamai, Maria
Hoomana,Mrs Chas Kane, Robt (2)
Kaawa, Mrs Luika Kanuha, Gladys
Kanilehua, D Kawainui, Emily
Kaaihue, R P Lono, Fiora
Kau, Miss Lucy Keaunui, Miss Jos
Kahalewai, D Nakapaahu, Miss A
Kahelau, A Lei Nahaolelua, Mary
Kahalekai, Agnes Punihaole, Mrs L
Kaluna, Mrs Pauole, Miss M
Kalepa, Susan Pahia, Jno.
Kamalolo, Julia
HOOLAHA KUAI O NA APANA AINA AUPUNI
Ma ka hora 10 a.m., Poakolu, Reberuary 23, 1921, ma ka puka komo mamua o ka Hale Kapitala, HOnolulu, T.H., malaila e kuai hooliloia aku ai ma ke kudala akea i ka mea koho kiekie loa, na apana aina ma ke kahua o ka Halepaahao Teritore kahiko, maloko o ka Apana o Iwilei, i kupono no ke kukulu an ai mau hale hoahu ukana:
Apana Ili Kumukuai
Helu Kapua Kuea Haahaa.
(Oi aku a emi mai paha)
42 . . . . . . . . 3657 . . . . . . . . $4,823
43 . . . . . . . . 2692 . . . . . . . . 2, 692
44 . . . . . . . . 3279 . . . . . . . . 3,281
45 . . . . . . . . 4657 . . . . . . . . 4,932
55 . . . . . . . . 3934 . . . . . . . . 4,918
56 . . . . . . . . 3200 . . . . . . . . 3,200
57 . . . . . . . . 3200 . . . . . . . . 3,200
63 . . . . . . . . 3200 . . . . . . . . 4,000
65 . . . . . . . . 2645 . . . . . . . . 3,968
66 . . . . . . . . 3200 . . . . . . . . 4,000
67 . . . . . . . . 3200 . . . . . . . . 4,000
68 . . . . . . . . 3200 . . . . . . . . 4,000
69 . . . . . . . . 3200 . . . . . . . . 4,000
70 . . . . . . . . 3200 . . . . . . . . 4,000
71 . . . . . . . . 3200 . . . . . . . . 4,000
72 . . . . . . . . 3200 . . . . . . . . 4,000
73 . . . . . . . . 3200 . . . . . . . . 4,000
74 . . . . . . . . 3200 . . . . . . . . 4,000
Aelike: Kuike.
Na ka poe e lilo ai e uku i na lilo o ka hoolaha ana ame na kaki e ae e pili ana no ka hoomakaukau ana i na palapala kupono.
Ke hookoe nei ke Teritore i ka pono e hooneo aku i na lako kukulu hale maluna o keia mau apana maloko o kanaono (60) la mahope o ke kuai ana.
No na kii palapala aina ame na hoakaka kau i koe e noi ae ma ke keena o ke Komisina o na Aina Aupuni, ma ka Hale Kapitala, Honolulu.
C.T. BAILEY,
Komisina o na Aina Aupuni
Hanaia ma Honolulu, Ianuari 22, 1921.
Ian. 28; Feb. 18
MA KE KAUOHA
TERITORE O HAWAII
Keena o ka puuku, Honolulu, Oahu
Ma ka hana e hoopau ana i ka HAWAII KOA FURNITURE COMPANY, LIMITED.
OIAI, o ka HAWAII KOA FURNITURE COMPANY, LIMITED, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o kela ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia i koiia ai ma ke kanawai.
NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleana nei paha i keia manawa ma kekahi ano iloko o ka hui i oleloia, e pono e waiho mai i na ku e ana no ka aeia aku o ka palapala noi i oleloia maloko o keia keena, mamua ae o ka hora 12 awakea o ka la 21 o Maraki, 1921, a o kela ame keia mea e makemake ena e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, Honolulu, ma a i ole mamua ae o ka hora 12 awakea o ka la i oleloia, a e hoike mai i ke kumu, in a he kumu kekahi i wahi e ae ole i aaku ai ka palapala noi i oleloia.
DELBERT E. METZGER
Puuku, Teritore o Hawaii
Honolulu, Ianuari 6, 1921
6435- Jan. 14,21,28; Feb 4,11,13,25; Mar. 4,11,18,1921.
TERITORE O HAWAII.
Keena o ka Puuku, Honolulu, Oahu.
Ma ka hana e hoopau ana i ka PACIFIC MARINE PRODUCTS COMPANY, LIMITED, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia i kooia ai ma ke kanawai.
NO LAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana niamua a e kuleana nei paha i keia manawa ma kekahi ano iloko o ka hui i oleloia, e pono e waiho mai i na kue ana no ka aeia aku o ka palapala nei i oleloia maloko o keia keena, mamua ae o ka hora 12 awakea o ka la 31 o Ianuari, 1921, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike mai i ke kumu, in a he kumu ekahi i wahi e ae ole ia aku ai ka palapala noi i oleloia.
DELBERT E. METZGER,
Puuku, Teritore o Hawaii.
Honolulu, Novemaba 23, 1920.
6428- Nov. 26; Dec. 3, 10, 17, 24, 31, 1920; Jan. 7, 14, 21, 28, 1921.
ENDAU DEVELOPMENT COMPANY LIMITED.
HOOPAUIA
Ma keia, ke haawiia aku nei ka hoolaha i ka poe paa aie apau o ka Endau Development Company, Limited, e waiho mai i ka lakou mau koi i ka mea nona ka inoa malalo iho nei, ma ka Rumi 303, Hale Banako o hawaii, kihi o na Alanui Pupu me Kalepa, Honolulu, Kulanakauhale a Kalana o Honolulu, iloko o kanaiwa la, mai ka hoopuka mua i a ana aku o keia hoolaha, o ia hoi he kanaiwa la mai Dekemaba 31, 1920 aku. O na koi apau e waiho ole ia mai ana pela, e hoole mau loa ia aku no.
E.A. MOTT SMITH
Kahu o ka Endau Development Compant, Limited.
6433- Dec. 31, 1920; Jan 7, 14, 21, 28, 1921.
HOOKAPU KAI LAWAIA
Ke papa a ke hookapu loa ia aku nei na kanaka apau aole e hele e lawaia ma kuu kai lawaia ma Keauau, Kaimana Hila, Oahu, me ka loaa mua ole o ka ae ia mai iau aku, a i ole i kekahi mea okoa ae paha au e hoamana aku ai.
MRS. BLANCHE HUMMEL
Honolulu, Jan. 13, 1921.
6434- Jan. 14, 21, 28.
HOOMAKAUKAU NO MUA AKU NEI
E hoao e Hoomakaulii Ano---E Malama i ke Dala e wehe i Buke Banako Hoahu me ke
CHINESE-AMERICAN BANK
A nana aku i ka ulu o kau Dala
NA PAHU DALA ao ka Hoolimalima
$1.00 no ka Wehe Ana i ka Hoahu
Kihi o ke Alanu Moi me Nuuanu
LUAU Na pa. noho, pakaukau, ame na Halelole no ka Hoolimalima
PEOPLE'S HARDWAR STORE.
453 alangui Moi Akau. Kokoke i Palama Settlement.
KELEPONA 2670
T O Murata Furniture Store
(Na noho hoolimalima me lako pa maanei.)
Na Lako Hale Hou me Kahiko.
Hoolimalima me Kuai Hoolilo.
715 Alanui Hema, Honolulu, T.H., Kelepona 1695
TERITORE O HAWAII
Keena o ka Puuku, Honolulu, Oahu.
Ma ka hana e hoopau ana i ka HONOLULU FILM COMPANY, LTD.
OIAI, o ka HONOLULU FILM COMPANY, LTD., he hui ia i kukuluia a e ku aha malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia i hoohui pu ia me ia, elike me ia i koiia ai ma ke kanawai.
NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleana nei paha i keia manawa ma kekahi ano iloko o ka hui i oleloia, e pono e waiho mai i na kue ana no ka aeia aku o ka palapala noi i oleloia maloko o keia keena, mamua ae o ka hora 12 awakea o ka la 28 o Feberuary, 1921, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Mooko, Honolulu ma ka hora 12 awakea o ka la i oleloia, a e hoike mai i ke kumu, in a he kumu kekahi i wahi e ae ole ia aku ai ka palapala noi i oleloia.
DELBERT E. METZGER
Puuku, Teritore o Hawaii.
Honolulu, Dekemaba 18, 1920.
6432- Dec. 24, 31, 1920; Jan. 7, 14, 21, 28; Feb. 4, 11, 18, 25, 1921.
TERITORE O HAWAII
Keena o ka Puuku, Honolulu, Oahu.
Ma ka hana e hoopau ana i ka THE WATER HOUSE OFFICE OUTFITTING COMPANY, LIMITED.
OIAI, o ka THE WATERHOSUE OFFICE OUTFITITNG COMPANY LIMITED, he hui ia i kukuluia a e ku aha malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia i hoohui pu ia me ia, elike me ia i koiia ai ma ke kanawai.
NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleana nei paha i keia manawa ma kekahi ano iloko o ka hui i oleloia, e pono e waiho mai i na kue ana no ka aeia aku o ka palapala noi i oleloia maloko o keia keena, mamua ae o ka hora 12 awakea o ka la 14 o Maraki, 1921, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Mooko, Honolulu ma ka hora 12 awakea o ka la i oleloia, a e hoike mai i ke kumu, in a he kumu kekahi i wahi e ae ole ia aku ai ka palapala noi i oleloia.
DELBERT E. METZGER
Puuku, Teritore o Hawaii.
Honolulu, Dekemaba 29, 1920.
6434- Jan. 7, 14, 21, 28; Feb. 4, 11, 18, 25; Mar. 4,11, 1921.
TERITORE O HAWAII
Keena o ka Puuku, Honolulu, Oahu.
Ma ka hana e hoopau ana i ka KAPAA AUTO STAND COMPANY LTD.
OIAI, o ka KAPAA AUTO STAND COMPANY LTD., he hui ia i kukuluia a e ku aha malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia i hoohui pu ia me ia, elike me ia i koiia ai ma ke kanawai.
NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleana nei paha i keia manawa ma kekahi ano iloko o ka hui i oleloia, e pono e waiho mai i na kue ana no ka aeia aku o ka palapala noi i oleloia maloko o keia keena, mamua ae o ka hora 12 awakea o ka la 28 o Feberuary, 1921, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Mooko, Honolulu ma ka hora 12 awakea o ka la i oleloia, a e hoike mai i ke kumu, in a he kumu kekahi i wahi e ae ole ia aku ai ka palapala noi i oleloia.
DELBERT E. METZGER
Puuku, Teritore o Hawaii.
Honolulu, Dekemaba 18, 1920.
6432- Dec. 24, 31, 1920; Jan. 7, 14, 21, 28; Feb. 4, 11, 18, 25, 1921.
KakelameKuke
(Kaupalenaia)
Poe Kalepa ma ke Komisina
Poe Agena no na Mahiko Lehulehu
Teritore o Hawaii,
Kulanakauhale a Kalana
o Honolulu
O W.H. Campbell mamuli o kona hoohiki pono ia ana, ua hoike ae me ka olelo ana he Mea Uku Dala oia no ka First American Savings and Trust Company of Hawaii, Limited, a o ka papa hoike malalo iho nei, he hoakaka oiaio a pololei ia o na waiwai o ka First American Savings and Trust Company of Hawaii, Limited, ahiki me ke komo pu o ka la 31 o Dekemaba, 1920; o ua papa hoike la, ua koi ia mai ia e ka Pauku Helu 3327 o na Kanawai Hoohuihuiia, o 1915, o ke Teritore a Hawaii.
O ke kumuwaiwai i hoamanaia o ka Hui he $200,00.00, i maheleia iloko o 2000 kea ho ka waiwaiio o $100.00 pakahi. O ka heluna o na kea i hoopakaia he 2000, o ke kahahiku pakenaka o ia mea, ua like pu me $14,000.00, na ukuia, e koe ana he $60,000.00 no loaa aie o ka hui ma ka la 31 o Dekemaba, 1920, elike me ia i hoomaopopoia, o ia keia malalo iho nei:
Kumupaa i ukuia mai . . . . $140,000.00
Moohelu Oi . . . . . . . . . . . . 25,000.00
Puka i mahele ole ia . . . . . . 42,243.00
Na hoemi . . . . . . . . . . . . . . 904.64
Na hoahu dala . . . . . . . . . . 1,013,425.88
$1,227,572.92
Na loaa o ka Hui ma ka la 31 o Dekemaba, 1920, o ia keia malalo iho nei penei:
Na haie âme hoemi . . . . . . $ 919,584.10
Na kea, honni ame hoopukapuka . . . 192,856.25
Na waiwai paa . . . . . . . . . 22,048.85
Na waiwai paa aelike kuai . . . 2,400.00
Dala ma ka banako . . . . . . . . 85,134.77
Ukupanee e loaa mai ana . . . . . 5,518.95
$1,227,572.92
W.H. CAMPBELL
Moa Uku Dala.
Hanaia a hoohikiia imua ou i keia la 14 o Ianuari, 1921.
J.H.ELLIS.
Noteri o ka Lehulehu, Apana Hookolokolo Kaapuni Ekahi, Teritore o Hawaii
Ma keia ke hooia aku nei au, o ka papa hoike maluna ae, he kope oiaio a pololei ia o ka papa hoike kumu i waihoia aku maloko o ke keena o ka Puuku o ke Teritore o Hawaii.
J.H. ELLIS
Noter no, ka ehulehu, Apan aHookolokolo Kaapuni Ekahi, Teritore o Hawaii.
6435- Ian. 21, 28; Feb. 4.
Kela Laau Kaulana
B.B.C.
He laau i hoohuiia o na lauahele laau e hana pu ana me ka hana a ke Akua he hoomaemae a hooikaika ae i na mea paahana holookoa o ke kino e kipaku ana i ke mai kino ame na mai ili wale mai, e haawi ana i ke kino i ka ikaika, le ole @@@ ka mana i na nalolo.
E hoopiha ana ka B.B.C. i ke kino me ka ikaika hao o ke ola a me ka ikaika o na la opio. Ua hoolaia na poe nawaliwali ma ua manawa lehulehu mahope o ka ino ana he mau pule wale no. Ua aponoia e na kauka kaulan ahe nui ame na kanaka iloko o ke ola lahui ana. O ka B.B.C. ka laau kamahao loa ma ke ao.
KUAHA MA NA WAHI APAU.
Keena Kuai Laau B.B.C. 161 Alaoui Mai, Honolulu, Hawaii.
NUPEPA KUOKOA
No ka makahiki (one year) . . . . . $2.00
No eono mahina (six months). . . . . 1.00
O na Dala âme na Hoolaha Apau hoouna pololei mai ka ADVERTISER PUBLISHING COMPANY, LTD., wale no P.O. Box 208, Honolulu, T.H.
217 Alanui Moi, ma ke keena o ka Nupepa Advertiser.
Entered at the Post Office at Honolulu, T.H., as Second Class Matter.
CHARLES S. CRANE LUNA NUI