Ka Nupepa Kuokoa, Volume LIX, Number 3, 21 January 1921 — Page 7

Ka Nupepa Kuokoa

KE KILOHANA POOKELA NO KA LAHUI HAWAII.

He Moolelo no

Lelola Dale

a i ole

Mai ke kulana nele a i ka waiwai Na Aloha Elua i ka Ipo Hookahi

me he mea la nae o ke kulana maoli o leola iloke o koia manawa ana e noho haku nei ma ke kakel ua lilo i mea hoohauoli loa aleu i kona manao. ka ike mau ana i kela ame keia la. ua ike no hoi oia, aole loa kekahi hana @ a mau ninau pohihihi, paha, i hiki ola ia kikila ke hooko me ka maalahi loa. a o na olelo apau mai keia kanaka opio aku, ke o mau laia ma kona mau pepeaio i kela ame keia manawa ana e hoomanao ae ai nona.

'oiai nae laua e hele pu nei, ma ka laua huakai hololio ua hoopilia loa ia aku o leola me ka hauoli, eia nae. ke haohao loa la oia i ke kamailio, mau ole aku o kikila iaia, elike me ke ano mau o kela kanaka, ma na manawa e ne a laua e hele pu ai; me kekahi mau manawa e ae. e kuhikuhi aku ana o kikila ma kekahi mau wahi. no ke kokua ana mai i kana mau mea e hoakaka aku ana imua o kona kokoolua. a oia no hoi ka mea mua loa i ka wa e oil: ae ai o kekahi mau holoholona liilii ma na aoao o ke alanui; ma keia la nae, aole kela kulana o ka makaala me kikila, aia wale no kona mau mana imua kahi i nana ai, e hoike mai ana ia ano, ua mamao loa kona noonoo i kahi e loa.

i ko laua hoea ana aku no burukale, lele iho la o kikila mailuna mai o kona lio, a kokua aku la ia leoia. i ka lele ana mai illo a hoopaa aku la i ko laua mau lio ma kekahi kumulaau. oiai hoi o leola i komo aku ai maloko o kekahi hale, no ka nana ana i kekahi wahine ma'i: a hele aku ka hoi o kikila no kekahi hale okoa aku, no ke noi ana i wai nona e inu ai.

na kekahi wahine aoo i hawai mai i wai no kikila e inu ai, me kona ike ana mai i ke kaumaha ma ka helehelena o ke ka nakaopio, ka mea hoi i kamaaina i na kanaka apau e noho ana malaila:

"Ea, aole he maikai iki o kou ano e Mr. Kinikela i keia kakahiaka, me he mea la, ua loaa oe i ka ma'i. o ka popoho o ka pua rose ma kou mau papalina, ua auhee aku ia mai ia oe aku."

"O ka pua rose. ea. no na kaikamahine opiopio wale no ia," i pane aku ai o kikila ma ke ano hoomakeaka.

"akahi ka hoi au a hoomanao mai la i na mea a sa geofere e kamailio mai ai i kona wa e hoea mai ai ianei. He mea maa iaia ka hele mau ana mai e ike ia makou, clike no hoi me keia au o ka hoea ana mai la. a i ko'u wa e haawi aku ai iaia i kekahi pua rose u'i e ulu ana iloko o ka malapua, e olelo mai ana kela, he hookahi no pua rose nani, o ia ka popoha memela o na papalina. i loko o ia mau la, he memele maiki maoli no ko'u mau papalina elike me pele madena pehea o pole?"

"Ma ka'u mau mea i hoomaopopo nona, he o ia mau no ke kulana o kona ola kino." wahi a kikila, me kā hookahahaia mai o kona noonoo, no ke ano o ka ninau a kela wahine iaia no pole.

"Iwaena o na kaikamahine apau e noho nei makuna o na aina o miss dale. ma ko'u manao, o pole hookahi wale no ke kaikamahine, e pono e loaa na manao hauoli iaia, aole anei pela kou manao e Mr. kinikele?"

E aneha aku ana o kikila e ninau pono aku i ke manao o na mea a kela wahine o ke kamailio ana mai iaia no pole, oili e mai la nae o leola iwaho, nolaila haalele aku la oia i kona lio, me ka hoopalaka pu ana iho o ua o kikila i na olelo a kela wahine, o ke kamailio ana mai, na olelo hoi ana i ike ai mahope mai. i ka manao maoli o ka mea a kela wahine i ninau mai ai iaia.

Ma kela huakai huli hoi a kikila me Leola. he o ia mau no ka menule o kikila, aohe kamailio wale ae. aole i maopopo ia Leola. in a paha ua loaa aku ka ike ia kikila no kela noi ana mai a ka haku Baumona iaia i wahine nana. pela hoi kona noho pouliuli. no kela ala ana o kikila, mawaho o ke kakela i ka po, e makaala ana no kekahi mau hana hoopoino i ke kakela, oiai ka ua e haluku ana me ka ikaika.

He hookahi wale no ana mea e hoomaopopo mai la ma ka helehelena o kikila, o ia ke kaumaha. ka haku-nu no hoi o ua kanaka nei ka mea i maa ole iaia mamua aku, a o ia ka ua o Leola o ka i okoa ana mai:

"ke manzo nei au ua hoopau wale ia paha kou mau manawa waiwai e Mr. Kinikele e a'u i keia kakahiaka," wahi a kaona o ke kakela lome, ia laua i hoea aku ai i kahi o ke alanui e moe pololei ana no ke kakela.

"o ko'u mau manawa apau, nou wale no ia e miss dale, ua hiki ia oe ke hoounauna mai ia'u i na manawa apau au e makemake ai"

"maanao ana ka hou au, aia wale no la kou noonoo no kau mau hana o ka aina holoholona."

"aole he pilikia o na hana malaila a aole no o'u noonoo, no ka'u mau hana."

"ina hoi ha aole ou noonoo no kau mau hana, alaila heaha ka mea nana i hookaumaha ia oe i keia kakahiaka?"

"he nanaina kaumaha anei kau e ike mai nei maluna o'u?" wahi a kikila me ka hoao ana aku e minoaka.

"ae, aole pela kou ano i na manawa apau a kaua e liele ai i ka hololio, o keia la wale no, pela au i manao ae nei, malia paha. aia kou noonoo nui ana no kau mau hana, ma ka aina hanai holoholona."

aia iloko o ka noonoo o kikila, na mea nana i hookaumaha iaia, elike me ka Leola e hoomaopopo mai la ma kona mau maka, aole nae on a makemake e hoike ae i kama mau mea huna, nolaila ūpiki ae la oia i kona mau lehaleha, i ole ai e hoopuka aku i na mea e kumakaia ai ola. a no kona pane ole aku hoi. i hoomau mai ai no o Leola i ke kamailio ana:

"malia paha he nuhou maikai ole kau o ka lohe ana, mai kahi wawao mai i keia kakahiaka iho @ pela oe i kaumaha ai?"

"aole o'u mau hoaloha o na aina mamao."

"ina ua hele oe i no hoaloha ma na aina mamao, alaila ua loaa ia oe he mau hoaloha lehulehu maanei nei, aole anei pela e Mr. kinikele?"

"Ae, ua nui i'o ko'u mau hoaloha maaneu nei. o ke kumu ea, he oi ae ka pumehana o no puuwai o na kanaka pelekana, mamua o na lahui e ae."

"ma ka'u hoomaopopo iho. o oe e Mr. Kinikele. kekahi o na kanaka ano nui loa ma keia wahi. e lohe mau ana au i kou inoa. ma na waha o na mea apau. he hookahi no a lakou mea e kamailio ai. o ia no ka mahalo nou: a mai ka waha mai o ka wahine ma'i a'u i hele aku nei e ika, i kamailio mai ai oia i na mea maikai wale no nou: me he kaiki ponoi la oe nana."

"Malia paha i mahalo mai la oia ia'u. no kuu haawi ana aku i hookahi paona ti iaia. i kela mau la aku nei." alaila noke okoa ae la o kikila i ka akaaka.

"i kela whine aku la. haawai oe i paona @. i ka haku Bauwona hoi. aohe au mea i haawi aku ai iaia." wahi a Leola. me ha hoonalonalo ana i ka manao o kana mea i kamailio mai ai. no ka pane ana i na olelo a kikila.

"Alaila, he mau ku-e anei kekahi ma kou aoao, no ko'u lilo ana i hoaloha no kela haku opio?"

Mamua nae o ka hiki ana ia Leola ke pane mai no kela mau olelo, ua pienaena ae la kona lio, me ka i koke ana kau o kikila:

"E akahele loa oe e Miss Dale, ke ike aku la au i ka pienaena o kou lio."

"manao au, aole he hopohopo ana, he keu aku a ka noho malie loa o kei lio, me he hipa keiki la, e holo kaua. akahi mai la ka molowa i ka hele malie," o ke peku ae la no ia o Leola i kona lio, a mamua o ka loaa ana he manawa ia Kikila. e hopu aku ai i na kaula kaohi, o ka oili aku la no ia o ka lio o Leola, me ke kaohi ana mai nae o Kikila i kona lio, a kahea aku la ia Leola, e akahele loa, a e hoao oia e kaohi mai i ka lio, i ole ai e aha'i iaia. eia nae aole he hoolohe mai o Leola, koe wale no kona huli ana mai ihope, me ka  noke ana mai i ka akaaka, me ha mea la, ke lilo la ka holo o kona lio i mea hoohauoli loa mai i kona manao.

No kela ike mai o Kikila, aole he kaohi o Leola i kona lio. ua hoomaka okoa mai la oia e alualu mahope, me kona hookuu no nae ia Leola e holo mamua. No kekahi manawa keia holo like ana o laua pela, alaila hoohuli ae la o Leola i kona lio ma kahi o kekahi kula palahalaha, ia wa i hoomaopopo aku au o kikila, ke oi loa aku la ka mama holo o ka lio o Leola, akahi oia a hoomaopopo iho, i ke kulana kupilikii, nolaila hoomaka aku la oia e alualu, me ka manao, e loaa aku iaia na kaula kaohi o kela lio, alaila e akakuu mai ana kona holo ana, ua kuhihewa loa nae ia noonoo ana on a pela, no ka mea i ka wa lohe mai ai o ka lio o Leola i ke pahupahu aku o na kapuai wawae o ka lio o kikila, ua hooi loa ia aku ak holo o ua lio eleele nei.

Me ka leo nui i kahea okoa aku ai o kikila ia Leola e paa a paa i na kaul kaohi a e puliki hoi i ka hulu o ka a-i o ka lio, ua lohe mai la o Leola i kela leo kahea, a huli mai la ihope, a ma ka kikila-ike aku i kona kelekelena, ua hele maoli a haikea, e hoike mai ana i ka noho maua ana o ka lio maluna o ka mea e kau ana maluna o kona kua.

Ke ika la o Kikila i ka poino ekauaku ana maluna o Leola, nolaila hapai ae le oia i kana huipa iluna a hahau iho la i kona lio me ka ikaika, ke hoomau la no hoi i ke peku ana i na kui ke-pa in a ka aoao, ua like nae ka holo o kona lio me ka ole imua o ka lio eleele, no ka mea he lio kaumaha ko ua o Kikila, a hui pu iho no hoi me kona kaumaha, aole he wahimea a lihi launa aku mahope o ka lio o Leola.

No ke kapalulu mau aku nae o ko kikila lio mahope, ua kaha ae la ka lio o Leola ma ka aoao hema, e holo aku ai a hoea i ke alanui akea, aia hoi mawaena o keia wahi a laua e holo aku nei ame ke alanui, e waiho ana kekahi awawa nuku i hoopuniia kona mau aoao e kekahi pa laau.

ke ike la o kikila, in a oia e hoomau aku ana i ka hole pololei ana mahope o ka lio o Leola, aohe mea hiki iaia ke hana aku no ka palekana o kona, haku wahine, nolaila hoohuli ae la oai i kona lio. make kukulu akau, a hoomaka aku la e kuupau i ka holo o ka lio, aia ke poino. Iloko nae o ka holo o kona lio o kana e hoomaopopo la, he keu aku no ka oi aku o ka holo o ka lio eleele. a ua hiki loa iaia ke ike mai i ka helehelena o Leola. ua hele a haikea. o ia no oe, o ka mea i aneane loa e lele ae kona aho hope.

He nui na manawa a kikila i komo ai iloko o na heihei o kela ano, aole nae oia i ike i kekahi kulana kupilikii loa elike me ia ana e ike aku la ia Leola, aka nae aole no i pau kona manaolana. no ka hiki iaia ke hoopakele ae i kona haku wahine, nolaila hoomau aku la no oia i ke holo ana ae ma kekahi aoao mai, me ka nalu ana iho i loko on a, in a he lio oi aku kona o ka holo. aole loa e hiki i ka lio eleele ke ahai aku i kona haku, elike me kela.

Ke ahuwale loa mai la ka pa laau, a ke hookokoke mau aku nei hoi ua o Kikila. i kahi e hoea ae ai ka lio o Leola, a i ke kokoke loa ana aku i ka lio eleele no kahi o ka pa laau, i hoopuniia ai i ke awawa, ua hoomaopopo aku la ua lio nei i ka poina, eia nae aole e hiki ke hoopaa iho i kona holo ana. he hookahi wale no hana pono. o ia ka lele aku maluna o ka pa, me ka nana ole i ka hopena e kau mai ana maluna on a ame ka mea e kau ana maluna o kona kua. ua loaa pu ka hoomaopopo ana ia Leola no kona poino. o kahi manaolana moowini wale no i koe iloko on a. o ia kona ika ana mai ia Kikila e holo pono ae ana mamua o kahi a kona lio e holo aku nei. alalia kahea aku la oia. me ka leo o ka mea i hele a piha i ka maka'u i ka i ana aku:

"E hoopakele ae oe ia'u! Ehoopakele ae ia'u!" a mauamua o ka pa ana aku o ka ihy i kona lio i ka pa laau. o ka lilo mai la no ia o Leola iloko o na lima wikani o Kikila, a iloko no hoi o ia manawa hookahi i hooku'i aku ai ka lio eleele i ka pa laau, a hina aku la ilalo, me ka hiki ole ke ala hou mai iluna.

Ma kela lilo ana mai o Leola ia Kikila ua kuuwelu ae la na lauoho o ua kaikamahine nei a luhe iho la ma ka poohiwi o Kikila, aia hoi kona poo ke pili mai la ma ka umauma o ke kanaka opio. eia nae aole he onioni ae o ua o Leola. no ka mea ua maule aku la oia, i kau a mea o ka piha loa i ka pihoihoi ame ka maka'u.

I ke ku malie loa ana iho o ka lio o ua o Kikila, hapai pono ae la oia i ke poo o Leola iluna, me ka hoopili ana iho hoi o kona papalina ma ka papalina nohea o Leola, o kana mea nae i hoomaopopo iho ai. o ia no ka hanu malie ana, ae o Leola, a puliki ae la no hoi na lima iaia, a me ka malie loa i kaakaa a puliki ae la no hoi na lima iaia, a me ka malie loa i kaakaa ae ai na maka o Leola a nana ae la i kona hoopakele, alaila upo'i hou iho la. me ka mau no nae o kela puliki ia Kikila.

No ka manawa mua loa iloko o ko Kilila ola ana, i hiki hoi ole iho ai iaia. ke uumi me ka hoomanaeanui i ka iini a kona puuwai. ua hele mai la kona aloha no Leola a hanini mawaho o ke kiaha. o kona hapai pono mai la no ia ia Leola iluna, papale ae la hoi i ka lauoho e luhe ana ma kona helehelena a honi iho la, me ka pane ana iho i keia mau huaolelo:

"O e kuu aloha, nani ka lokomaikai o no lani, i ka ae ana mai e lilo au i mea nana e hoopakele ae i kou ola i keia la!"

ua hoi pono mai ka noonoo maikai iloko o Leola i keia manawa. he mea kau la i kela honi ana iho a Kikila iaia. a lilo ia i kumu nona e ku-e mai ai, aole nae pela. oi loa mai la kona puliki ana ia Kikila, me ka hooho ana ae:

"O e Kikila. e hoopakele ae oe ia'u!"

"O, e kuu aloha, ua palekana oe, aole au mea e maka'u ai," i pane iho ai o Kikila me ke kulou ana iho e honi ia Leola.

Me ka malie loa. i lele iho ai o Kikila mailuna iho o ke lio, a noho iho la iluna o ka mauu, me ka hii ana no ia Leola mamua o kona alo. aka nae i ke kaakaa ana ae o na maka o ua kaikamahine nei, i hookukulu ae ai o Kikila iaia iluna, a oiai laua a elua e ku ana iluna. nana pono mai la o Leola ma ua maka o kona hoopakele, o kana mea e hoomaopopo mai la. o ia no ka nohoalii o ka oluolu ka waipa he ame ka oiaio maluna o kela kanaka opio, ka mea no hoi ana i ike mau aku ai maluna on a i na wa apau.

Aole he pua i leo mai ia Leola aku, no ia kumu, i kaa mai ai ma ko Kikila aoao, ke kamailio mau ana: "pehea ua maikai anei oe e Miss Dale i keia manawa?"

Ina paha i kahea maoli aku o Kikila i ka inoa o Leola, in a ua lilo ia i mea maikai i ka noonoo o ke kaikamahina opio. aole nae pela. i kela kamailio ana aku on a. ma ka inoa Miss Dale, ua huli aku la ka nana ana a Leola i kahi e, me ka pane ana mai no nae:

"Ae, ua maikai loa au i keia manawa, a pehea kela lio, ua make anei?"

"aloe i make key lio, aka nae, ke manna nei au, ua haki kona mau wawae. aole au noonoo hou ana aki i koe no keia lio. pehea ua ikaika loa anei ka'u kaili ana mai ia oe ma luna mai o kela lio?"

Aole a Leola pane no kela mau olelo, aka huli pono mai la oia nana ma na maka o kona hoopakele, a'o ia ka Kikila i hoomau hou aku ai i ke kamailio ana:

"aole a'u hana pono e ae i kia ai, ma kela manawa o ko'u hoomaopopo ana e halawai aku ana oe me ka poina, o ka hohao wale no ma na ano apau e hiki ana ia'u. pela iho la au i kaili mai ai ia oe me na lima ikaika, a ma ia hana ana ua loaa anei ia oe kekahi eha? mai hilahila oe i ka hoika ana mai ia'u i ka mea oiaio lao!"

"aole he wahi eha i loaa ia'u.?" wahi ana me ka nana ana mai in a na maka o Kikila, me he mea la e haawi okoa mai ana iaia iho, na kela kanaka opio, a i hou mai la: "pehea auanei e loaa ai ia'u ka eha, no ka mea iloko o kou mau lima, ilaila wale no ka palekana ame ka maha e loaa ai."

 

MOKUNA XXII.

 

"Ua homamaia mai kuu manao, mamuli o ka holopono ana o ka'u mau mea apau i noonoo ai no kou palekana." alaila me kona kakali ole mai no ka Leola pane, haalele iho la oia i ke kaikamahine opio, a hele aku la no kahi o ka lio eleele e waiho mai ana, me ka wehe ana ae i ka noho o Leola mailuna mai o ke kua o kela lio, me ka hoopuka pu ana ae ikeiamau olelo:

"o key ka manawa hope loa e kau ai ka noho maluna o kou kua e keia lio ino. a ko haku, o ka manao ana, pela iho la e hookoia ai kona mau manao lapuwale," alaila haalele aku la i kahi o ka lio eleele a hoi mai la no kahi e ku ana o kona lio, me ka wehe ana mai i kona noho, a hookau aku la i ka noho o Leola maluna o kona lio, no keia hana nae a Kikila i ninau okoa mai ai o Leola iaia:

"heaha ke kumu o kou wehe ana mai la i ka noho mai ke kua ai o kela lio."

"Iloko o ka hapalua hoia mai keia manawa aku e ki aku ana au iaia i ka pu a make."

"O, aole o'u makemake e hana aku oe pela, e waiho malie aku no iaia, malia paha. aole no i nui ka poino i kau aku maluna on a," i uwalo aku ai o Leola imua o kikila.

"O oe no ka haku ame ka on a o kela lio. a elika  me kau makemake, pela no e hookoia aku ai." wahi a Kikila. "in a aole i nui ka poino i loaa i kela lio he hane maalahi loa nana ka hoi ana ae i ka aina hanai holoholona. aka hoi in a ua haki kona mau wawae a elua, alaila o kona wahi no kela e waiho ai ahiki i ka make ana."

Ma kela wahi o na kamailio ana mawaena o laua. alakai mai la o Kikila i kona lio, a ma ka aoao o Leola i aku la: "E kau oe malna o kuu lio nei, a owau ke helewawae aku, pehea, ua maka'u anei oe i ke kau ana ma keia lio?"

"Aole o'u maka'u, no ka mea eia pu oe me a'u, ke hoi like nei no ke kakela." alaila kokua aku la o Kikila ma ka hookau ana ae ia Leola maluna o ka lio, a hoomaka aku la laua e hele ma ke alahele e hoea aku ai no ke kakela, aia no hoi o Kikila ke hele la ma ka aoao o ke lio. me ka paa ana aku o kekahi lima ma ke poo.

Aohe he pane leo mawaena o na opio, no kekahi manawa. ma keia huli hoi ana o laua, no Leola nae aia wale no kana nana ana imua. aka i kela ame keia manawa, e alawa iho ana oia. maluna o Kikila, e hoopa iho ana no hoi kona lima maluna o ke poo, a i ka wa e huli ae ai o Kikila nana iaia, o ke kaumaha kana mea e ike mai ana maluna o ka helehelena o kona hoopakele.

Oiai nae laua e hoi la. he nui na mea a Leola e noonoo ana iloko o kona poo. o kekahi o ia mau ,ea, o ia no kona ninau okoa ana iho iaia, in a paha he hihi'o moeuhane wale no kana mea i ike ai a i ole he mea oiaio loa paha, o ia no kona ninau okoa ana iho iaia, ina paha he hihi'o moeuhane wale no kana mea i ike ai. a i ole he mea oiaio loa paha. o ia ke kapa ana aku o Kikila iaia he aloha nana. pela hoi ke kulou ana mai a Kikila a honi iaia. Ua lilo kela ninau i mea e hoalaia ae ai na manao uilaui iloko o ua kaikamahine opio nei. me he mea la ma kana hoomaopopo iho, he mea oiaio maoli no. ua hoopili mai o Kikila i kona papalina, i kona, a ua hoopil pu mai hoi i kona mau leheleha, me ka honi hoomaumau ana iho iaia.

Ke hoomanao la ua o Leola i kona lohe ana. i ke kahea ana aku o Kikila ma kona inoa ponoi, a pela no hoi kona kahea ana ae ma ka inoa o Kikila. he hoike oiaio hoi no ka hoohihi o ka manao o kekahi no kekahi. eia nae o kana e kahaha loa la. o ia ka noho mumula loa o Kikila, me ke kamailio ole mai iaia. No Kikila nae. ma kela hoi ana o laua, aole on a noonoo nui no Leola, koe wale no kela hoomaikai iloko on a, no ka loaa ana he manawa maikai loa, e puili mai ai ia Leola iloko o koa umaunta. a e honi aku ai hoi iaia. mawaho ae o kela mau mea, ke nana aku la oia iamua, me ha po pouli panopano la.

I ko laua nei hoea ana aku nae no ke kakela. ku iho la o Kikila. ma ka aoao o ke lio. no ke kokua ana aku ia Leola. ma ka lele ana mai ilalo, a ia ku ana iho o ke kaikamahin opio iluna o ka honua, akahi no o kikila a pane ae i ka i ana aku:

"ke manao nei au. ua lilo ko kaua hele ana aku nei i ka holoholo i mea nou e luhi ai, e hoi koke oe noloko o kou rumi no ka hooluolu ana."

"Ihea oe e hele aku ana?" wahi a Leola me ka minoaka ana mai. "pehea la e hiki pono ai ia'u ke haawi aku i na hoomaikai palena ole ia oe, no kau mea i hana mai ai no ko'u pono ma keia kakahiaka?"

mamua nae o ka loaa ana o na olelo kupono ia Kikila e pane aku ai, ua lohe aku la laua i ke pahupahu mai o ke alapii o kekakela. a ike aku la no hoi laua i ka holo ana mai o pilipo Daika. a me ka leo i piha me ka pihoihoi. i mai la:

"E Miss Dale, he mea ano nui anei kekahi i loaa ma kai huaka'i holo lio i keia la?"

"Ae, ua halawai au me kekahi ulia." i pane aku ai o Leola: Ma kela wahi i nanakee mai ai o pilipo ia Kikila. me na maka hookokoe ame ka pane ana mai nea: "Ea, heaha ke ano o kela ulia e oluolu hoi oe e Mr. Kinikele e hoakaka pono mai?"

"aole o'u mamo e lilo au i mea nana e hoike aku ia oe i ke ano o ka ulia i loaa ia Miss Dale. aka nae no kou waiho ana mai la na'u e hoakaka aku. nolaila e lohe oe e Mr. Daika i ka mea oiaio loa. a o ia keia: O kela lio wahine eleele au i haawai makana aku ai ia Miss Dale. a'u no hoi i hoike aku ai imua ou, i ko'u ku-e loa, no ke kau ana o kuu haku maluna o kona kua. ua aha'i aku oia ia Miss Dale i keia kakahiaka, a ma ka apua wale no ka pakele ana mai o kona ola."

Ua hele na papalina o Pilioo Daika a haikea, i ka lohe ana mai i na hoakaka a Kikila. aka nae elike me ke ano o na kanaka piha maalea apau. ua hiki loa iaia ke hoomanawanui i kona mau manao maikai ole apau. a'o ia kana o ka i hou ana mai:

"Ua aneane e hiki ol ia'u ke manaoio aku. no ka aha'i ana o kela lio ia Miss Dale! O oe no hoi kekahi e hele pu ana me ia. Pehea i hiki ole ai ia oe ke hana aku i kekahi mea, e lanakila ole ai kela lio maluna o Miss Dale? Malia paha, ua puiwa keia loa. no ke kapalulu aku o kou lio mahope on a? Ma ko'u kamaaina i kela lio, he mea maalahi wale no ke kaohi ana mai iaia."

"Ina i'o paha o oe ka mea e e kau ana maluna o kela lio. in a ua hiki i'o ia oe ke kaohu mai iaia: a ke minamina loa nei au. no kou ike ole ana i ka mea a ua lio punahele nei ou i hana mai ai i keia la."

I uliluli ae ia ke @ o Pilipo Daika. no kona piha i ka hoonaukiuki no na olelo ikaika a Kikila o ke kamailio ana aki iaia. aka nae aole oia i pane mai. ua huli aku la oia no kahi a Leola e hoponopono ana i kona lole, me ka haawi ana aku i kona lima, ma ke ano oia ka mea hana e hoihoi aku ia Leola noloka o ke kakela, me ka i ana mai uae, ma ke ano hoonaukiuki ia Kikila:

"ma ka'u ike, aole oe he kanaka i kupono no ka hele pu ana i ka holoholo me kekahi led." ua lilo kela mau olelo a pilipo i mea e hoopiiia aku ai ka inaina iloko o Kikila. a mamua mae o ka hiki ana iaia ke pane ae, ua kaa e mai la ma ka aoao o Leola ke kamailio ana:

"Ina aole o Mr. Kinikele, he wahine make au i keia la.. no ka mea oia ka mea nana i hoopakele ae i kuu ola mai ka makemai." wahi aua me ka hele o kona mau papalina a lamalama. e hike mai ana, i ke kulike ol o kona oonoo me ko pilipo.

"in a o keia ka mea oiaio ea. alaila ua aie nui loa makou ia oe." i pane mai ai o pilipo ma ke ano hoomala'e e ka haawi ana mai i kona lima imua o Kikila, aole nae i lalauia aku kela lima, aka wehe ae la o Kikila i kona papale, no ka haawi ana aku i ke aloha ia Leola. o kona lalau aku la no i ke kaulawaha o kona lio, a hele aku la. me ka nana hou ole mai ihope.

Ua ku maoli o Pilipo Daika i kahi o ka hoka, no kela hopu ole ana aku o Kikila i kona lim, ana i noonoo i ho ai, ua hoohaahaa loa ia aku oia. aka huli aku la nae oia imua o Leola a kamailio aku la i keia mau olelo:

"aole e hiki ia'u ke huikala ia'u iho, no na haawina i kau kau maluna ou i keia la." wahi ana me ka leo haalulu. "ua pinepine ka'u mau manawa i kau ai maluna o kela lio, ua hoao iaia ma na ano apau, a ua ike o kela kekahi o na lio maikai loa. pela no hoi au i manao ai, aole he pilikia e loaa ana ia oe i keia la. i ke kau ana maluna on a. Ina he wahi manao ia oe i keia la. i ke kau ana maluna on a. a ke mamaoio nei au, e lokalu mai ana no kou manao me ko'u ma ia mea.

"Ua pololei ka Mr. kinikele mea i hoakaka mai nei imua ou, no ka aha'i ana o kela lio ia'u. a e ole kona koa me ka maka'u ole. pela iho iho la i hiki ai iaia ke hoopakele ae i kuu ola."

"ke manaoio aku nei au i kena mau mea apau au e kamailio mai nei, a malalo iho la o keia ano, ua hookoinoia aku au iloko o kekahi kualana, e hiki ole ai ia'u ke uku. aku i kela kanaka opio, no kana mea i hana mai ai no kou pono. he mea kau maha nae na'u ka hoike ana aku imua ou, no ka ikaika loa ka'u mau olelo i kamailo aku nei iaia, no ka mea o Mr. Kinikele kekahi o na kanaka koa a maka'u ole, me ko'u nana ole i kona huhu hikiwawae."

"owai auanei ia mea nele ole i ka hikiwawe o ka huhu. mamuli o ka ikaika maoli no o kau mau olelo i kamailio aku nei!" i pane mai ai o Leola, no ke kupale ana ia Kikila "aole no ko'u manao maoli no, a ke mihi loa nei au no ia mea a'u i hana aku ai maluna o Mr. Kinikele. Aole loa he wahi noonoo iki iloko o ko'u poo. e hoehaeha aku i ka manao o kekahiu mea, in a no he kelana haahaa loa kona, a ke manao nei au e manaoio mai ana oe e Miss Dale, o ka oiaio wale no ka'u e kamailio aku nei."

"Ae, ke manao nei au, ke kamailio mai nei oe i ka mea pololei, aka i hoike hou ae nei au i ka mea oiaio o Mr. Kinikele ka mea nana i hoopakele ae i kuu ola mai ka make mai i keia la."ua hoea aku la laua i kela manawa. no ke'alapii e moe ana no ka papahele elua o ke kakela. alaila hehi aku la o Leola ke anuu mua loa, no ka hoi pololei ana aku noloko o kona lumi, ua pane e aku la nae o Pilipo iaia i ka i ana aku: "mamua hoi o ko kaua kaawale ana, ke makemake nei au e loha. ua huikala mai anei oe ia'u?"