Ka Nupepa Kuokoa, Volume LIX, Number 1, 7 January 1921 — NA KEIKI MAKUAOLE MA EUROPA [ARTICLE]

NA KEIKI MAKUAOLE MA EUROPA

Ua hoea mai ka leo uwalo i Hawaii nei, no na kokua pili dala, no ka pono o kekahi mau kaukani keiki makuaole, e noho njai la ma Europa, na,keiki no lakou na makua i make i ke kaua aku nei i hala. Aia ke ola o kela poe keiki iloko o ko kakou mau lima, aole ma Hawaii nei wale no i pā-e . mai ai keia leo uwalo, aka ma na wahi apuni ka honua nei; e kunana wa!e a|cu anei i ko lakou ana'i ka potoli ame ke anu? Aole M kela poe keiki, ka hewa, i hooneleia ai lakou i na makua, a i hookomo aku paha ia lakou iloko is ke kulana, e kauka'i mai ai i ko lakou pono mai ia kakou aku. Oke kaua ako lakou mau makua i molia aku ai i ko lakou mau ola, he kaua ia i hooukaia nb ka lanakila ame ka maluhia a kakou e hauoli nei i keia la. Ina he mana oaloha'kekalii iloko o kakou, alaila e haawi elike me ka mea hiki, i'na no ia he uuku, e lilo ana no ia i mea nui, ma ka hoohuihui ana ae i na kokua a kela ame keia e haawi ai. Eia ka ana i keia hana iloko o ka lima o ke Ke'a Ulaula ma Honolulu nei, i noho poo ia e Mr. A. L. Castle; e lilo no i mea nona e hauoli ai, ke haawi kela ame keia i kana kokua ana iaia! E makaala iloko o keia mau la, eia ke loli nei ke ea o ka aina, malia o kipa hou mai ka ma'i flu, o keia no ka manawa i hoea mai ai ma ka makahiki aku nei i hala,, aohe hewa o ka hoomakaukau mua f i na mea e hiki ai ke pale akfl i ka lanakila. ana o kela ma'i maluna o kakou!