Ka Nupepa Kuokoa, Volume LIX, Number 1, 7 Ianuali 1921 — Page 5

Ka Nupepa Kuokoa

KE KILOHANA POOKELA NO KA LAHUI HAWAII.

 

He Moolelo no

HALIAKA WANAWOKA

a i ole

Ka huepaupia Ana o Kekakhi Meahuna Pohihihi --- Ka Lanakila Mau

Ana o Ka Oiaia.

_______

 

            I ke ao ana ae nae ma kekahi la mai, ike iho la ua o Haliaka i ka nawaliwali o kona kino, maumuli o ka hoohanaia ana o kona noonoo ma kela po holookoa, ke hooikaika ae la oia e ala mailuna mai o ka moe, aole nae he hiki, nolaila he hookahi no hana ma kona aoao, o ia ka hoololo ana.

            No ka manawa mua loa no hoi, akahi no oia a ike i ke ano maoli o kela rumi, o ia hoi, aole he mau puka aniani i hanaia, aole no hoi he mau puka komo, koe wale no kekahi mau aniani i hanaia maluna iho, ua hana maoli ia no i wahi e hoopaaia ai o kekahi mea i loohia i ka pupule.

            "Ma ka'u koho iho, ua hana maoli ia no keia rumi, no ka hoopaa ana i kekahi mea, i loohia i ka ma'i pupule," wahi a ua o Haliaka i hooho ae ai, me kona hooikaika ana ae e ala mai iluna, me ka naka pu ana ae hoi me ka haalulu no ka noonoo ana iho, e hoopaa mau loa ia aku ana paha oia maloko o kela wahi.

            Oiai nae, aole i pili ikik na lihilihi maka o Haliaka ma kela po holokoa ke ike iho la oia i ka hoolulumi mai o kona mau maka e hiamoe, nolaila o kona hina hou aku la no ia ilalo, a hiamoe aku la. No kekahi mau hora kela hiamoe malie ana o ua o Haliaka, ua puoho ae la oia, a ike i ka waiho o kekahi mau meaai iluna o ke pakaukau, me he mea la, o ka waiho koke ia ana mai no ia e kekahi mea ana nae i lohe ole ae ai i ka nakeke, a e waiho pu ana hoi kekahi lole hou i luna o ka noho, i laweia mai nona e komo ai.

            Oiai ua hele a minomino kona lole, no ka mea me kela lole no oia i hiamoe ai, ala mai la oia i luna, a wehe ae la i kela lole kahiko on a, a komo mai la i ka lole hou i ka hoolakoia mai ai, e Akeneki, a i kona holoi ana i kona mau maka a kahi hoi i kona lauoho, o kona noho iho la no ia ma ka aoao o ke pakaukau, a hoomaka iho la e ai, i na mea i laweia mai nana.

            I kela inu ana aku i ke pola kope, a ai aku hoi i na meaai e ae, akahi no ua o kaliaka a ike iho. i ka maikai o kona kino, ano ikaika ae la no hoi oia, nolaila hele aku la oia e nana pono, i ke ano o ka hanaia ana o kela rumi, ma ka hoopapa ana i na papa i paleia ma na paia.

            "Ke paa loa nei ko'u manao, aia no kekahi puka i hanaia ma kekahi wahi ma ke ano nalowale loa," i hooho ae  ai oia me kona noke ana aku i ka huli ma kela ame keia wahi, me ka loaa ole he wahi hoailona iaia no ka puka ana e ake loa la e ike.

            No kana mea ole e hana hou ak uai, ho iae la ua o Halio kela rumi, me ka maopopo ole iaia o kekahi puka, ia wa i hooho hou ae ai ua o Haliaka: "He keu aku maoli keia a ka rumi ano e: a ua paa loa ko'u manao, aole he hana e aku. I manaoia ai no keia rumi, no ka hoopaa v@le ana no ia i kekahi mea i hoohia i ka ma'i pupule. Ina e loihi loa ana ko'u noho ana maloko nei, e ku a pupule maoli ana au.

            "Heaha la ka manao nui o ka hoopaa ana o Akeneki ia'u maloko nei o keia rumi?" Ke manaoio nei nae au aole he hana hiki ole i kela wahine ke hooko, i mea e hookoia ai kona manao lapuwale. Ua kulike loa na ano o keia wahine me na mea a Mele Wela o ka hoakaka ana mai ma ka po nei, no Judika Gilibati, malia he kaikamahine ponoi loa oia na kela wahine. He keu aku kela a na wahine lapuwale maoli!"

            No kana mea ole e hana ho uak uai, hoi ae la ua o Haliaka a maluna o ka moe, o kona hiamoe aku la no ia, aole no hoi i loihi iho kona hoololo ana, o kona hiamoe aku la no ia no kekahi mau hora, aka puiwa oia i kona lohe ana mai i kekahi nakeke, a ia kaakaa ana ae o kona mau maka, aia hoi, e ku aku ana o Akeneki ma ka aoao o kona moe, a e haka pono aku ana hoi kona mau maka, me ka huhu maluna on a.

 

MOKUNA XXII

 

            "O ke aloha kakahiaka no kou e Haliaka," i pane mai ai o Akeneki, me ka ueue ana ae o kona kino. "I hele mai la au e ninau ia oe, pehea kou hoohala i ka po nei, maloko o keia rumi?"

            Aohe a Haliaka pane no kela mau olelo a Akeneki, aka ala ae la oia mailuna mai o ka moe, a hele aku la a noho maluna o kekahi noho paipai, me ka huli pono ana mai imua o Akeneki.

            "Alaila e hoao mai ana ka paha oe e Haliaka, e hoohaehae ia'u ea?" wahi hou a Akeneki, me kona ano hoonaukiuki, no ka ike ana aku i ka pane ole mai o Haliaka i kana mau olelo. Aole no a Haliaka pane no kela mau olelo, aka ke noho hoola'i malie wale la no oia maluna o ka noho paipai, me ka hooluliluli ana imua a ihope aia hoi kana nana ana mai maluna o na maka o Akeneki, a o ia ka ua wahine ino nei o ka pane hou ana aku.

            "Ke makemake nei au e lohe, heaha ka mea nui iloko o kou noonoo, i pane ole mai ai oe i ka'u mau olelo i kamailio aku nei ia oe me ka oluolu?"

            "Aole no he mea nui e ae iloko o ko'u noonoo, koe wale n okeia, ua hookahaha loa ia mai ko'u manao i ka ike ana, ua like pu maoli oe me ka omole, ka hinuhinu mawaho, aia nae i loko ka oi kahi i noho ae ai. Pehea la ke Akua i hana mai ai i kekahi wahine, he maikai kona elehelena ke nana aku, ua piha nae kona naau, me na hana ku i ka lokoino ame ka lapiwale?"

            Ua like keel mau olelo a Haliaka i pane aku ai, me kekahi pahi i hou ia aku i ka puuwai o Akeneki, no kona hilahila i ka hoikeia ana aku o kona mau ano lapuwale, a o ia kana o ka pane ana mai:

            "Ua hoala mai oe i ka inaina iloko o'u e haliaka, e konoia mai ai au, e hapai ae i kuu lima a haawi ho uaku i pa'i mahanahana ma kou papalina, no ka lua o ka manawa, no kau mau olelo i kamailio mai nei," me ka hapai pu ana ae o ua o Akeneki i kona lima iluna, a hookuu hou iho la no nae ilalo, me ka hooko ole mai i kana mau mea i kamailio mai ai.

            "Aole au i hele mai nei no ka hui pu ana me oe e Haliaka, ma ke ano e paku'iku'i olelo, a e hoolohe aku paha i kena mau mea au e kamailio mai nei, a e hoolohe aku paha i kena mau mea au e kamailio mai nei, aka i hoea mai la au, no ka waiho ana aku imua ou, i ka'u mau mea i noonoo ai. Ua hooholo au, he mea pono e hoouna aku oe i kekahi leka ia Robaka Pilina, e hoakaka aku ana i kou moolelo, oiaio, elike me kau i lohe ai ma ka po nei, a i kou ae ana mai i keia manao, e hookuu aku no au ia oe e hele lanakila, me kou hoohiki mai nae, aole oe e halawai hou me Robaka. O na manao apau ae e kakau aku ai, na'u ia e kamailio aku, o kau ke kakau iho maluna o ka pepa."

            "Aole i'o paha ko'i ae aku i kou manao lapuwale!" i pane mai ai o Haliaka me ka piha huhu

            "I ka paa ana o kau leka i ke kakau o wau ponoi ka mea nana e hoouna aku imua o Robaka, i pane hou mai ai o Akeneki, me kona hoolohe ole mai i ke kahamaha ana aku o Haliaka. "mawaho ae o kela hana, e hoohiki paa mai oe imua o'u, aole oe e hele e huli ia Robaka; aole hoi e huli hoi aku no Kiliva Hale, a in a no kou halawai pu me ia, ma ke ano ulia, aole loa oe e hoike aku imua on a, i na mea e pili ana ia oe.

            "Makou aoao, e ae mai oe e hele auwana kau, ma kela ame keia wahi, aia oe a ae mai i keia mau hoolala ana a'u, alaila e ae aku no au ia oe e haalele iho i keia hale, me ka hoolako pu aku ia oe i kekahi huina dala mahuahua, e lawaai kou mau hoolilo kaahele, no na aina mamo e, kaawale loa ai oe mai ia Robaka aku."

            I loko o keia manawa a Akeneki e noke mai la i ke kamailio imua o Haliaka, aole loa i hoolalau ae ka Haliaka nana ana aku maluna o kona enemi, aka ke haka pono loa la kona mau maka, me ka hulili i ka inaina, a o ia kana8o8 o ka pane ana aku me ka leo kuoo:

            "Manao anei oe e Akeneki, i kou hoea ana mai la noloko nei o keia rumi, ua like me kekahi keiki naaupo a nawaliwali o kona noonoo e hoakaka mai ai oe i kou mau manao lapuwale? Ina ua manao oe he hana maalahi loa nau kma hookikina ana mai ia'u, e hooko aku i kou mau makemake, alaila e lohe oe ea, ua kuhihewa ia noonoo ana ou pela, no ka mea aole loa au e maliu aku ana i kekahi o kau hoopaa ia'u maloko nei o keia rumi ahiki i kuu make ana hoopaa ia'u maloko nei o keia rumi ahiki i kuu make ana, aole loa ia he kumu no'u e haawipio wale aku ai malalo ou."

            "Ua opulepule paha oe, e Haliaka, i kamailio mai ai oe ia'u i kena mau olelo, me ko ike no o ka mea pono wale no ia au e hana mai ai," i pikanana mai ai ka Akeneki pane ana.

            "Aole loa au i opulepule, aka me he mea la, ua oi loa ae ka maikai o ko'u noo, mamua o na manawa e ae au i ike mai ai ia'u."

            "Ina o kena iho la kau pane ea, alaila o keia kou wahi e noho ai, me kou ike hou ole i ka malamalama o ka la, a e manao iho o, o keia kou luakupapau no ka mea aole loa he hookahi i ike i kou haalele ana i ke kula, a kau mai maluna o kou kaa, me ka hoi pololei ana mai no ko'u home nei; ma keia ano iho la, aohe au kauka'i ana aku, no ka hele mai o kekahi poe ma keia hale e huli ai ia oe.

            "O keia hale i kukuluia ai, aia kekahi moolelo i pili loa aku ilaila, in a he makemake kou e lohe, i ke ano o ka hanaia ana o keia rumi. He pupule ke kane a kuu makuahine hanauna, ka on a nona keia waiwai, ua aloha loa oia i kana kane, me ka ae ole e hoihoiia no ka hale pupule e noho ai, ma ia ano iho la i hanaia ai keia rumi nona, me ka hoolakoia i na mea apau e pono ai oia, a i kela ame keia manawa, e hoea mau mai ana kuu makuahine, no ka ike ana i kana kane.

            "Ua lilo kela hoopaaia ana o kela kanaka maloko o keia rumi, i kumu e hooiia aku ai kona pupule, a i wahi nona e hemo ai  iwaho, ua pinana okoa oia maluna o kaupoku, ahiki i ka hoea ana i kahi o ka puka uwahi, malaila i lewalewa ai kona kino, a hiki i ka haule ana i lalo make loa. Ua lohe aku la oe i ka moolelo o ka make ana o ke kane a kuu makuahine, ka mea i kuleana i keia rumi au e noho nei, o ka'u wale no e a'o aku nei ia oe e Haliaka, mai hoao e imi aku i wahi nou e pakele ai, ma ka lawe ana mai i ka hana i hookoia e kela kanaka, o hoea mai auanei i ka loaa, ana ia oe o ka hopena i kau aku maluna on a."

            Hakalia no a pau kela kamailio ana mai a ua o Akeneki o kona hele aku la no ia, no kekahi aoao o ua rumi nei, a pale mai la i kekahi paku, o kona nalowale aku la no ia, me ka maopopo ole, o ke ano o kona hemo ana mailoko aku o kela rumi.

            I kela nalowale ana aku o Akeneki, holo koke mai la o Haliaka, a pale ae la i ka paku, o kana mea i ike aku, he paa wale no ka paia, aka namunamu iho la nae oia i keia mau olelo:

            "Ua pololei no ka'u mea i koho mua ai i kinohi, aia kekahi puka i hanaia a nalo loa, ma kekahi o keia mau paia," alaila hana aku la oia, me ka manao e loaa aku iaia kekahi wahi hakahaka, he mania pu wale no na wahi apau. "Oiai ka noonoo maikai e koe ana iloko o'u, e kuekaaia aku ana e a'u ka meahuna i pili i ka puka i hanaia ma keia paia."

            No ka hora hookahi a oi aku kela noke ana o Haliaka i ka huli, e nana ana ma na hooku'i ana o na papa apau, aole nae he wahi mea a loaa iki iaia o ka hakahaka, e manao iho ai oia, aia malaila kahi o ka puka i hanaia ai. No kela loaa ole ana ia o kahi o ka puka huna, i waiho ai, hoopau okoa ae la ua o Haliaka i kana huli ana, me ka noonoo ana iho, he hookahi hana kupono ma kona aoao, o ia no kona kakali ana me ka hoomanawanui, ahiki i ke komo hou ana mai o Akeneki, alaila e hoao ana oia e holo okoa mai imua o kahi o ka puka e hamama ae ai, i ka wa a Akeneki e wehe aku ai.

            "He mea maikai ole maoli ka noho pio ana maloko nei o keia keena," i hooho ae ai ua o Haliaka, me ka naka ae hoi o kona kino me ka haalulu, iaia i hoomanao mai ai i ka hopena, o ke kanaka pupule i hoopaa mua ia ai maloko o kela keena. "Ke manaoio nei nae au, in a e malama ana au i ka hoomanawanui, e hoea mai ana no i ka manawa a'u e hemo aku ai mailoko aku o keia wahi me ka maalahi: aka nae, heaha la ka'u mea e hana aku ai i ko'u wa e hemo ai mai keia noho pio ana?

            "No'u âme Robaka, kuu kane, e like ana maua me he mau mea malihini loa kekahi i kekahi, aole e hiki ia'u ke koi aku i ke kulenana o ka wahine mare maluna on a, no ka mea he hana ku i ka hilahila, ka nana aku i kona helehelena, ma hpe iho o ka maopopo ana o ka moolelo i pili i ko'u hanauia ana mai e ko'u makuahine.

            Ma kela wahi, i hiki hou ole iho la ia Haliaka, ke kamailio ae, aka palulu ae la oia i kona mau lima ma na maka, a hoomake aku la e uwe, me ka e haeha maoli o ka naau, i kau a mea o ka lilo o kana mau hooikaika ana e lilo i wahine e haaheo ai o Robaka, i mea ole, pela hoi ke poho wale o kona mau manaolana.

            No ka noonoo nui loa o Haliaka i na mea i pili aku i kona hanauia ana mai, ua palaka pu kona noonoo, no kekahi mae ano nui, o la no ke komohia aku o ka manao aloha o Robaka nona, no ka mea ua ili aku ke ko'iko'i maluna o ka makuakane o Robaka, ke alako ana ia Edita Gilibati iloko o ka hewa, e kaawale ole ae ai oia mai na ahewa e kau aku ana maluna on a. Ua pihi maoli kona uhane maemae me ka moolelo ku i ka hilahila, o kona hanauia ana mai, o ka mea ia nana i alai aku i kona noonoo no na mea e ae e hoopuni ana iaia ame Robaka.

            "Ke paa nei kuu manao, he mea pono e hoikeia aku na mea oiaio apau imua o Robaka; no ka mea he hana maikai ole loa ka hookuu ana aku iaia e manaoio mau, he wahine mare au nana, a ua haalele aku hoi au iaia, me kekahi kumu kupono ole loa," alaila leha aku la kana nana ana no kahi o na lako kakau e wahio mai ana maluna o ke pakaukau, a hooho hou ae la:

            "Owau ponoi no ka mea nana e hoike aku i na mea apau imua on a, ma ke kakau ana i kekahi leka, e hoakaka piha ana i na mea apau, elike me ia i hoikeia mai ai ia'u a i ko'u wa e hemo ai mailoko aku nei o keia rumi, e hookomo no au i kela leka maloko o ka haleleka, i loaa aku ai iaia me ka maalahi loa.

            "O, heaha ana la kona manao ke hoea aku no ka halekula, aole au malaila? Pehea ana la ka manao o na kumukula, ame ko'u mau hoakula, ke maopopo aku ia lakou ua nalowale au me ka maopopo ole i kekahi mea, mai ke kula mai?" Elike me ke ala mau mai o na noonoo like ole iloko o Haliaka, pela iho la no ka hele o kona noonoo a kupouli maoli, a ua o Haliaka e hoomaopopo la, in a e hoomau aku ana oia, i ka hoala ana mai i na manao o kela ame keia ano, e ku a pupule maoli ana oia; nolaila holoi ae la oia i kona mau waimaka, me kona hele ana aku a noho iho la mamua o ke pakukau hoomaka ana iho e kakau i kana leka na Robaka.

 

(Aole i pau.)