Ka Nupepa Kuokoa, Volume LVIII, Number 53, 31 December 1920 — Page 6
This text was transcribed by: | Kamehameha Schools Gift To Dr. Chun |
This work is dedicated to: | Dr. Michael J. Chun |
Ka Nupepa Kuokoa
KE KILOHANA POOKELA NO KA LAHUI HAWAII.
NUPEPA KUOKOA, HONOLULU, T. H. POALIMA, DEREMABA 31, 1920.
NA KUMU POINO OU E HAWAII LAHUI.
Mr. Sol. Hanohano, Aloha oe: -E ae mai oe i wahi kowa uuku o ka kaua hiwahiwa noʻu, e wehewehe aku ai i keia poomanao e kau ae la maluna, oiai, eia kakou e ka lahui ke hana nei a ke hooikaika nei e ola a e ulu hou ko kakou lahui, nolaila, he mea pono ia kakou e panipani i na pukaliu apau e holomoku nei ko kakou lahui i ka make.
O na kumu poino o ko kakou lahui @ʻa i hoomaopopo ai, a e waiho aku nei hoi imua o oukou e ka lahui, o ia no keia mau kumu malalo iho, a na oukou no hoi e wae a kaana no oukou iho.
1. O ko kakou nele i na kauka lapaau o ka lahui oiwi, o ia kekahi poino nui o ka lahui.
Mamuli o ko kakou nele ana i na kauka lapaau o ko kakou lahui ponoi, ua nele kakou i na kiai nana e makaala i ko kakou palekana ame ko kakou ola; a ua kaa aku ia mea iloko o ka lima o na malihini i ike ole i ke aloha ia oe e Hawaii lahui.
No eia kumu aole ka hilinai iloko o ka lahui no keia poe malihini, a nolaila, ua hoopalaleha wale na Hawaii i ke kii ana i ke kauka i ka wa kupono e hoopauia ai ka pilikia, aka, ua hoopaneenee wale a hala ka wa kupono, a pau ka manaolaua, alaila kii i ke kauka, he mea maopopo he poino ka hopena.
O keia hilinai ole no o ka lahui i na kauka malihini, oia iho la no ke kumu i hilinai aku ai kekahi poe Hawaii i na kahuna hoopunipuni, oiai ua oi ae kona hilinai i kona lahui ponoi mamua o ka lahui e, a o ia hilinai kuhihewa nae ka mea nana i onou aku i kekahi heluna nui o ko kakou lahui, ma ke ala o ka poino.
Eia ko kakou elele alii ke hooikaika nei i ke kanawai hoopulapula i na Hawaii i mea e ulu a e hoolaupai hon ia ai ka aina, aka, in a e hoi aku ana na Hawaii i@na o na aina i haawiia mai ia lakou, no ka hookuonoono ame ka hoopulapula ana i ka lahui, a waiho aku i ko lakou palekana ame ko lakou ola iloko o na lima o na kauka malihini, ke kana@na loa nei au i ka holopono o ia mea, oiai elike no me ke kulana o ka lahui i keia la pela no auanei ke hiki mai ia manawa ka hilinai ole i na kauka o na lahui e.
Nolaiia i mea e holopono ni keia kumuhana hoolaupai, he mea pono e loaa na kauka o ka lahui oiwi na lakou e kiai a e makaala i ko kakou ola e Hawaii lahui.
2. O ka mare nui o na waine Hawaii i na lahui e, o ia kekahi pukaliu nui nana e hoomi nei ia oe e Hawaii lahui.
Mamuli o ka mare nui o na wahine i na lahui e, ke pii hikiwawe ae nei ka heluna o na hapa Hawaii a kokoke e oi mamua o na Hawaii piha.
Ina o keia mau hapa Hawaii e mare aku lakou i na lahui e, no elua a i ole ekolu hanauna mahope aku, e ninau aku au ia oukou. he Hawaii anei lakou ma hope aku o kela mau hanaana ekolu? Haina: Aole, he lahui malihini lakou. Aka hoi in a o keia nui hapa Hawaii e huli ae lakou a mare iho me Hawaii ponoi, e hoemiia mai ana ko lakou koko malihini, ahiki i ka wa e lilo ai lakou i mau Hawaii piha.
Nolaila. @ na alakai o ka lahui, in a ua ike oukou i kekahi alahele ma ke kanawai, a ma kekahi ano e ae paha e hoopau ia ai keia mare nui ana o na wahine Hawaii i na lahui e, ano ka wa e hana aku ai, aole e kali o hala ka wa kupono.
3. O ka waiona o ia kekahi kupuino nana i hopooino ia oe e Hawaii.
I na wa ae nei i hala, ka wa e hele laula ana ka waiona iluna o ka aina, ua nui na poino i loaa i ka lahui mamuli o ka waiona, aole o ka poino wale no ka i loaa i ka lahui, aka o ka ilihune ame ka nele pu kekahi.
Ina e aui ae kakou a nana aku ihope i ka wa e noho mana ana ka Moi Alekohola, ua nui ka pilikia o ka lahui ma ke ola aole ma ke ola wale no, aka ma ka waiwai kekahi.
No ka waiona i pulumi aku i na aina o ko kakou poe kuonoono apau i loko o ka lima o na malihini hoomakaulii aina, a ola aku lakou iloko o ka hune ame ka hoopiliwale.
Ua ahona iki kakoa i keia wa, mamuli o ka hookapuia ana mai nei o ka waiona, aka, aole ia i kaawale loa aku, eia no ke maauhele nei iwaena o ka lahui me kana mau hana hoopoino.
Ina e ala like kakou ka lahui a kokua i ke aupuni ma ka hoolilo ana ia kakou i mau maka e kiei a haolo ana ma na poopoo apau, kahi e puhi ia mai nei ka okolehao a e hanaia mai nei ke suaipa, a hoike aku ia mea i ke aupuni, e kanana ka weli o ka poe hana ia mau hana haʻihaʻi kanawai. a hoopau ia mau hana a pela e kaawale loa ak uai keia kupuino mailuna aku o ko kakou aina aloha.
4. O ka hemahema a makaukau ole o na makuahine Hawaii i ka malama ana i ka lakou mau keiki, a o ka nele i ka manao aloha ame ka hiipoi ia lakou, o ia kekahi puka liu nana e hoemi nei ka lahui.
He heluna nui o na makuahine Hawaii o keia au, ua nele loa lakou i ka makaukau no ka malama ame ka lianai ana i na keiki, oiai o na hoonaauao ana o keia wa, aia no ia iluna o na mea hoonaauao, a nele ke aʻoia ana ma na mea pili i ka home ame ka noho ohana ana. Meaha ka waiwai o ke aʻoia ana i ka hookani piano ame ka hulahula, oiai he mau mea ia e alakai aku ana iaia i ka puni lealea, a no ke ake nui i keia mau mea, na ia mea i kono nui aku i na kaikamahine Hawaii e mare i na lahui e, i ko ko lakou manao puni lealea!
Mamuli o ka hemahema a makaukau ole o na makuahine Hawaii i ka malama ame ka hanai ana i na keiki, ua ikeia ka ni o ka make iwaena o na keiki a na Hawaii; o ka lahui e holomoku ana ka make iwaena o na opio, he lahui poino ia, no ka mea, ke laweia la na pulapula nana e hookawowo a e hooulu i ka lahui.
O ka nele i ke aloha ame ka hiipoi i na keiki, o ia kekahi mea i iko nui ia iwaena o na wahine Hawaii, ua haawiia na keiki i na ohana ame ka poe e na lakou e malama.
Ina i like na makuahine Hawaii me ka makuahine Roma i kona wa i ninauia aku ai: Heaha la kaoa anau waiwai makemake loa Ua puili mai la oia i kana mau keiki i kona poli, a pane akula: "O keia kaʻu mau waiwai makamae loa."
He mea oiaio, o na mea e ae apau e loaa ana lakou me ke dala ame ke gula, aka, o ke keiki mai ka Makua lani wale mai no ia.
5. O ka nele i na home kahi e malama ia ai na keiki makua ole, na keiki poo ole, na keiki a na makua ilihune, ame na keiki a na makua lehulehu loa o na keiki, a biki pono ole i ka makua ke hanai a hoonaauao ia lakou; o keia mau pulapula o ka lahui, he mea pono e loaa i mau home e malama, hanai a e hoonaaunoia ai; hookahi home no na kaikamahine.
E aʻoia na keikikane ma na hana e hiki ai ia lakou ke malama i ko lakou ohana ma keia hope aku, e laa na hana ike lima, na hana mahiai, na hana lawaiʻa, etc., a o na kaikamahine hoi e aʻoia lakou ma na loina o ka noho home ana ame kanoho ohana ana, olaa ke kuke, holoi, humuhumu, malama ame ka hanai ana i na bebe.
I mea e loaa ai keia ike hope i na kaikamahine, he mea pono e hoopili pu ia i home hoohanau keiki me keia home, a o na keiki e waihoia iho ana na ka home e malama, e kaa aku no lakou malalo o ka malama ana a na kaikamahine nunui o keia home, a o ia ike e loaa ana ia lakou, he ike waiwai nui ia, i ka wa e loaa ai ko lakou ohana ponoi, a i ka wa e nunui kupono ai na keiki o keia mau home no ka mare ana, e hoomareia o hapa Hawaii me Hawaii ponoi aohe hoi he olelo ana no Hawaii me Hawaii.
Me keia mau wehewehe ke waiho aku nei au na oukou e ka lehulehu e wae no oukou iho, a o na mea waiwai ole e kapae ae.
Me ka Lunahooponopono âme kou mau keiki paahana koʻu aloha.
Kou oiaio,
J. S. WILMINGTON.
HULAHULA NUI I MALAMAIA E KA PUUHONUA.
Kuu Solomon Hanohano, aloha kaua: Eia mai no au ke hooluhi hou nei ia oe no ke poomano e kau ae la maluna i piha me ka ulumahiehie.
Ma ke ahiahi pumehana o ka Poaha, la 16, hora 7:30 i weheia mai ai na hana mai na kaula keleawe o na mea kani i noho alakaiia e Poropeka Mekia Kealakai, a ua piha maoli ka rumi hulahula i na lede ame na keonimana, he nani maoli no ke uana aku, oiai o ka hapanui o ia no ko kaua iʻo ame ko kaua koko no ke ake ana e holomua keia hana nui e nee nei i keia manawa.
Ke ike aku la au i na lede ame ua keonimana ua ano opiopio maoli, a mea aku la au i koʻu hoa, aole hoi ha kaua i suiolo loa, ke lawe palanehe nei no hoi kaua i kela kiina palanehe, no kela ako no e hoopulapula i na mea maikai imua o ka malamalama o ka uwila, ua nani maoli na mea apau, ma ka nana aku a kou kiu, oiai o ka makamua paha keia o ka hoohuiia ana o na Hawaii ma keia hana no ka imi ana i alahele e pono ai keia ninau no ka pono o ka lahui mai o a o a oiai me ka nana ole ae i ka poe ku e mai, aka no ka imi e holopono keia hana ano nui.
Oiai na mea apau e piha ana me ka hauoli i komo mai ai ka lio heihei o Waialua, oia o Akoni Kaoo, me kona kulana hiehie, e alakai ana mamua ame na iiwi makaonaona e uhai mai ana mahope on a, ua nui ka pa'ipa'iia i kona manawa i komo mai ai oiai e hoomakaukau ana i ke kahua a na mea apau, e ake ana e ike i na mea e hanaia mai ana, a i ke kani ana ae i ka hora 10, o ia ka manawa i haawiia iaia i hoomaka ae ai oia i kona apana hana, o ia ka hula alaapapa, he u'i maoli no.
Oiai kou kiu e nana ana, aia ma ko'u aoao he u'i paakea, e haa wale ana no, e oni ana imua a ihope, oiai au e hoakaka ana, mea mai la ua u'i nei o Ainapo, e kala mai oe ia'u, o koia anei ka hula a na Hawaii? Ae aku la au, a mea aku la, aloe o keia wale no, aka he nui aku na ano hula. O ka mua loa keia o ko'u ike ana. Ae in a o ka mua keia, e ha'i aku au ia oe o ka helu ekahi keia o na ano hula, no ka mea, he hooikaika i ka pauku kino o na wahine, oiai aole he piii o ka papalina ame ka opu, elike me ka oukou ano hula; ua nui kona puiwa i ka'u mau olelo, a ole la mai la oia. heaha la ka manao nui o ka'u olelo! Mea aku la au, ua oleloia e ka poe haole, he hula kupono ole kana Hawaii, no ka wali loa o ke kikala e lele liilii ai ka lehu o kapuahi a kepa lakou he pekana; mea aku la au, i ko'u nana ana aole loa oe e ike ana he keonimana kekahi e hula pu ai, pui ka papalina me ka papalina, pela me ka opu i ka opu e manene ai ke kumu o ka hana; ua nui ka akaaka o keia lole i ka'u mai olelo hoakaka.
Ua nui ka mahaloia o na mea ihana ia mai e Kaoo ame na kaikamahine ana, ame kela hula a Kaoo, e ku mai ai oia hookahi wale no, me na uliuli elua, e paa ana i ka lima ame kekahi kaikamahine e hookani mai ana i ka ukulele, nana aku oe la i ua keiki nei, he hoi aku ia ka hema, a ia hoi ana mai i ka akau o ka pupue iho la ia i kahi hookahi, me he la e haawi ana i ka ai hoopau o kanikoha, naueue ka honua, ua nui ka uwa ia o keia hula ana a ua eueu nei.
Ua piha me ka hauoli na mea apau, a ua makepono no hoi na dala i kokua mai ai no keia hana nui.
Me oe e kuu kapena opio ko'u welina pau ole. Kou mau,
J.K. MOKUMAIA
HE BUKE MOOLELO KAUA
Ma ka la 15 ae nei o ka mahina o Ianuali e waihoia aku ai imua o ka lehulehu he buke moolelo e pili ana no ke kaua i kakauia e Mr. W. K. Hussey kekahi o na keiki Hawaii i komo iloko o ke kaua, a i huli hoi mai hoi no Hawaii nei, me na alina hoomaewaewa a na poka a ke enemi.
He buke keia i pa'iia ma ka olelo Beritania, nona ka inoa "Lest We Forget," aka e unuhiia aku ana ma ka olelo Hawaii, no ka pomaikai o na Hawaii makaukau ole i ka olelo Beritania.
Aia maloko o keia buke moolelo na kii like ole o na hoouka kaua lehulehu ma na kahua o Europa, ma ka manawa o ke kaua nui ke ao nei i kaahope aku la.
Ma ka pule hope o ka mahine ae nei o Ianuali e haalele iho ai o Mr.W. K. Hussey ia Honolulu nei, no ka Mokupuni Kaili La, no ka hoolauna ana aku iaia iho imua o kolaila mau makaainana, me ka lawe ana mai i na kauoha a ka poe e makemake ana e loaa he mau buke na lakou, e hala ana paha he mahina okoa iaia ma kela mokupuni.
Mahope o kona kaahelo ana i Kauai e holo aku ana oia no Maui ame Hawaii. O ka Rev. Samuel K. Kamaiopili kekahi e kaahele pu aku ana me ia ma kana mau huakai no ua mokupuni.
He kuai buke a kuai nupepa ka Mr.W.K. Hussey hana e lawelawe nei i keia manawa, na buke like ole ame na nupepa o na aina o ame ko Hawaii nei mau nupepa no hoi aia kona kaa e loaa ai i na lau apau mamua pono iho o ka halekuai o ka Hale o na Alii o Hawaii, ma ka aoao makai o ke alanui Moi, e kokoke la i ke alanui Papu.
NA ANOAI O KA MAKANI HAIHAI LAUHAU O OLOWALU
Mr. Sol. Hanohano, aloha Karisimaka kaua: E oluolu mai kou ahonui e hoike ae i na huaolelo e kau ae la maluna, i ike mai ai na kini haipule o kaua.
Ma ka po o ka la 4 ame ka la 17 o keia mahina o Dekemaba, 1920, i wehe ae ai na keiki o ua aina nei, he ahamele a me hulahula maloko o ke theatre o Olowalu, a ma ka po o ka la 17 i wehe hou ai ma Puukolii, Kaanapali.
O ka mano nui o ka hanaia ana o keia ahamele me hulahula, no ka hooponopono a hoomaemae ana no ia i na hemahema o ka hale o ke Akua, o ka Hoomana o Iesu Kristo o ka Poe Hoano o na la Hope Nei, ma o ke komo ana mai o na keikikane ame na kaikamhine i hiii aku ko lakou nui ma kahi o ka 26.
He u'i a he nani na himeni i meleia mai, a ka puu e moni ai aole e pau ka ono.
Pau ia, haula iho oe o ka hulahula,
nana iho oe la,
Niniu poahi ka'u lehua,
I ka ai kikepa a na manu,
Manuahi ko ihu e ka huapala,
He ala ka ilina me ke onaona.
Nana iho oe lawe a lilo i ke kake o
Lehua, na keikikane a na wahine e wili
ana o ka akau a hoi o ka hema.
Hemahema ka lawena ua lolelole,
Ua ewa ka plina me ka nihoniho!
Nihoniho mai nei ko palekoki,
I ka iho makawalu a ka lihilihi.
Hu ae ia ka aka a ka poo makaikai.
A oiai o kou kiu kekahi e huli ana i wahi pakana nona, aohe loaa, ua lawe no ka poe u'i a pau loa aohe opala koe.
Okaloaa o keia ahamele i weheia ae la he $218; nui kela!
O ke alakai nana i lawelawe keia
hana oia no o John Kina, ame kona mau
paalalo. Imua e na keiki a haule mai na lani. Kou a mau,
JOSEPH KALANA.
Olowalu, Dec. 18, 1920.
PITTSBURG, Dec. 27. Hookahi ka naka i make a he 40 i hoehaia ma ke ahiahi loa ana iho o ka la i neinei ma ka manawa o kekahi kaa uwila i holonui mai ai me ka hiki ole ke hoopaaia a hooku'i me kekahi kaa e holo mai ana ma ia alanuihao hookahi.
OLELO HOOLAHA.
NA KAIKAMAHINE O HAWAII
Ke poloai aku nei ka Hale o na Alii o Hawaii ia oe e hiki kino mai ma ke anaiana ike e haawiia ae ana e lakou, no ka hoomanao apa i ka la hanau o ke Kamaliiwahine Wahikaahuula Kawananakoa, ko lakou Ikulani Hoano, ma ke kakahiaka o ka La Makahiki Hou, mai ka hora umi a umi kumamalua, a ka Helu 1438 Alanui Pensacola. 6433 Dec. 31.
HAINA NANE
Mr. Solomon Hanohano, ke kapena wiwo ole nana e hookele nei i ka mokukaua Alabama, a o ka hokuhele hoi o ka Pakipika, ke kilohana pookela no ka lahui Hawaii, aloha nui kaua: E oluolu hoi oe e hookipa iho i keia wahi malihini ma kekahi wahi kaawale o ka hiwahiwa a ka lahui, o ia ka Nupepa Kuokoa, i ka'u haina o ka nane Ka kelemaluikaleo i paha i ho ai penei:
Eia au la he kama, he kupa a he ewe a he keiki papa hoi no Hawaii nui akea, o ke keiki au a Kapukapu me Holei, ke kiai pali au o Panau, Puna i Hawaii; no'u na akaku like ole ekolu e maalo nei, pela au i heaia mai ai o ko ka honua holookoa, na aloha ekolu ka ipo hookahi.
He keiki au ua kupa a ua papa ma ka aina a ma ke kai, a i ole au e loaa ia oe ilaila, alaila e kali malie iho oe ahiki mai o Mahelani, e manao ae oe owau se hoa. Owai au ia oe?
Haina: Have. O ka have, o ia ka ipo aloha a na akaku ekolu e maalo nei i ka welelau makani. He keiki kupa ka have ma ka aina a ma ke kai. Kupa ma ke kai, o ia no ke kau maluna o ke kia o na moku ame na wahi like ole no o ka moku, o na ano moku like ole, he mea hoike i ke ano ame ka pilikia, healakai ia no kekahi moku malihini e komo ana iloko o kekahi awakumoku, like no ke kupa o ka have ma ke kai me ko ka aina, he ewe, he keiki pap no Hawaii nui akea; pololei keia, e wi ana ko niho, He wahi olelo kia ua kamaina ia kakou e na Hawaii Dam fool o Kawaihae; holaila o Kawaihae, he aina ia he keiki papa no Hawaii nui akea.
He kiai pali no Panau, Puna i Hawaii, Heaha ka pali Haina: He pahuhae, pa oe i ke pa'i. Heaha ke kiai Haina: He have. Eha aku la oe, a i ole au e loaa ia oe ilaila, e kakali malie iho oe ahiki mai o Mahealani. O Mahealani he mahine piha ia, he poepoe maikai, o ke ano o keia kaona, peneia no ia, o ia no ka piha ana o ka makahiki me keia o ia na la nui elike me ko Keoki Wakinekona la 22 o Feb,, ahiki i kekahi la 220 Feb. piha ka makahiki, like ia me Mahealani, alila kau ka have maluna o na pahuhae ame na wahi like ole.
He malihini au i ko alo, a ua kamaaina no nae i ko leo. He malihini io no ka have Amerika no Hawaii nei o ke kamaaina no, o ia ka have Hawaii ame have hoku he mau aikane aloha, ahiki i keia la, mili a malamaia e ke aupuni keia mea o ka have. O ka have he mea hooko i ke kauoha ma kekahi ano, kamaaina i ko leo, aole leo kamaaina imua o ko alo, hookahi i paa i ka mele, have ka ilio mahe oe, me ke kihi o ka hale kahi pili ai. Nolaila o ka leo o ka ilio he leo kamaaina loa ia ia kaua.
Na akaku ekolu maalo nei; akahi, ka molina ualula o ka have; elua ka molina keokeo o ka have; ekolu, ka molina polu o ka haie. O keia na aloha ekolu i ka ipo hookahi, o ia no ka have.
He inoa ko'u ua kaulana apuni na moku, he mea oiaio kela, o ka hae hoku he have ia ua kaluana apuni o Hawaii nei, a komo loa aku i na aina puni ole, a ke noho poo nei no ke aupuni o Hawaii i keia manawa, pela o Pilipine, Pokukala ame kekahi mau wahi e ae o ke ao nei. No laila o ka'u haina o ka nane a Kakelamaluikaleo o ia keia: Hae hoku.
Ke lana nei ko'u manao e hoi puolo mai ana no ke keiki o ka makani kilioopu, a no ka mea, ua loaa pono aku la oi i ka ai a ka lua, i ke alapii a ka opae. Ke aloha Karisimaka ame Hapenuia no kou e J.W.K. Kakelamaluikaleo ame na hoa huli mea pohihihi.
Me ka Luanahooponopono âme na keiki o ka papapa'i ko'u adieu.
J.H. L. KEIKI O KA WAIHOIHOILAULAI
Ua hoi nele ke keiki o ka makani kilioopu, ua ewa loa ka pilina me ka nihoniho. Huli hou ia mai L.H.
TERITORE O HAWAII
Keena o ka Puuku, Honolulu, Oahu.
Ma ka hana e hoopau ana i ka HONOLULU FILM COMPANY, LTD.
OIAI, o ka HONOLULU FILM COMPANY, LTD., he hui i a i kukuluia a e ku ana malalo a ma kamana o na kanawai o ke Teritore o Hawaii, i kalike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia i koiia ai ma ke kanawai.
NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana mamau a e kuleana noi paha i keia manawa ma kekahi ano iloko o ka hui i ololoia, e pono e waiho mai i na kue ana no ka aeia aku o ka palapala noi i oleloia maloko o keia keena mamua ae o ka hora 12 awakea o ka la 28 o Feberuari, 1921, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Mooko, Honolulu, ma ka hora 13 awakea o ka la oleloia, a e boike mai i ke kumu, in a he kumu kekahi i wahi e ae ole ia aku ai ka palapala noi oleloia.
DELBERT E. METZGER
Puuku, Teritore o Hawaii.
Honolulu, Dekemaba 18, 1920.
6432 Dec. 24, 31, 1920; Jan. 7, 14, 21, 28; Feb. 4, 11, 18, 25, 1921.
MA KE KAUOHA
TERITORE O HAWAII.
Keena o ka Puuku, Honolulu, Oahu.
Ma ka hana e hoopau ana i ke GARDEN ISLE FRUIT COMPANY, LIMITED.
Oiai, o ke GARDEN ISLE FRUIT COMPANY, LIMITED. he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia ano, ua waihoia mai iloko o keia keena he palapala noi no ka hoopau ana i ka hui i oleloa, hui pu me kekahi palapala i hooiaioia i hoohui pu ia me ia, elike me ia i koiia ai ma ke kanawai.
NOLAILA, ma keia ke haawiia aku nei ka hoolaha i kekahi mea, a i na kanaka apau he mau kuleana mamua a e kuleana nei paha i keia manawa ma kekahi ano iloko o ka hui oleloia, e pono e waiho mai i na kue ana no ka aeia aku o ka palapala noi i oleloia, e pono e waiho mai i na kue ana no ka aeia aku o ka palapala noi i oleloia maloko o keia keena, mamua ae o ka hora 12 awakea o ka la 3 o Ianuari, 1921, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia a e hoike mai i ke kumu, in a he kumu kekahi i wahi e ae ole ia aku ai ka palapala noi i oleloia.
DELBERT E. METZGER,
Puuku, Teritore o Hawaii.
Honolulu, Okatoba 121, 1920.
6424 Oct. 29; Nov. 5, 12,19,26; Dec. 3, 10, 17, 24, 31.
TERITORE O HAWAII.
Keena o ka Puuku, Honolulu, Oahu.
Ma ka hana e hoopau ana i ka HAWAII COTTON COMPANY, LIMITED. OIAI, o ka HAWAII COTTON COMPANY, LIMITED, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia, e like me ia i koiia ai ma ke kanawai.
NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kulaa nei paha i keia manawa ma kekahi ano iloko o ka hui i oleoia, e pono e waiho mai i na kue ana no ka aeia aku o ka palapala noi i ololoia mloko o keia keena mamua ae o ka hora 12 awakea o ka la 21 or Feberuari, 1921, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia a e hoike mai i ke kumu, in a he kumu kekahi i wahi e ae ole ia aku ai ka palapala noi i oleoia.
DELBERT E. METZGER
Puuku, Teritore o Hawaii.
Honolulu, Dekemaba 14, 1920.
6431 Dec. 17, 24, 31, 1920; Jan. 7, 14, 21, 24; Feb. 4, 1921.
TERITORE O HAWAII.
Keena o ka Puuku, Honolulu, Oahu.
Ma ka hana e hoopau ana i ke THRUMʻS, LIMITED.
Oiaia, o ke THRUMʻS LIMITED, he hui ia i kukuluia a e ku ana malalo ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me in, elike me ia i koiia ai ma ke kanawai.
NOLAILA, ma keia ke haawiia aku nei ka hoolaha i kekahi mea, a i na kanaka apau he mau kuleana mamua a e kuleana nei paha i keia manawa ma kekahi ano iloko o ka hui i oleloia, e pono e waiho mai i na ku e ana no ka aeia aku o ka palapala noi i oleloia maloko o keia keena, mamua ae o ka hora 12 awakea o ka la 17 o Ianuari, 1921, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo ho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike mai i ke kumu, in a he kumu kekahi i wahi e ae ole ia kau ai ka palapala noi oleloia.
DELBERT E. METZGER
Puuku, Teritore o Hawaii.
Honolulu, Novemaba 3, 1920.
6425 Nov. 5, 12, 19, 26; Dec. 3, 10, 17, 24, 31 1920; Jan. 7 1921.
TERITORE O HAWAII.
Keena o ka Puuku, Honolulu, Oahu.
Ma ka hana e hoopau ana i ke KAPAA AUTO STAND COMPANY, LTD.
OIAI, o ke KAPAA AUTO STAND COMPANY, LTD., he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kana wai i hoomakaukauia ma na hana o keia ano, ua waihola mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui, pu ia me ia, elike me ia i koiia ai ma ke kanawai.
NOLAILA, ma keia ke haawina aku nei ka hoolaha i kekahi mea, a i na kahaka apau, he mau kuleana mea, a i na kanaka apau, he mau kuleana mamua a e kulenaa nei paha i keia manawa ma kekahi ano iloko o ka hui oleloia, e pono e waiho mai i na kue ana no ka aeia aku o ke palapala noi i oleloia maloko o keia keena, mamua ae o ka hora 12 awakea o ka la 28 o Feberuari, 1921, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, Honolulu, ma ke hora 12 awakea o ka la i oleloia, a e hoike mai i ke kumu, ipa he kumu kekahi i wahi e ae ole ia aku ai ka palapala noi i oleloia.
DELBERT E. METZGER
Puuku, Teritore o Hawaii.
Honolulu, Dekemaba 18, 1920.
6432 Dec. 24, 31, 1920; Jan. 7, 14, 21, 28; Feb. 4, 11, 18, 25, 1921.
HOOMAKAUKAU NO MUA KAU NEI
E Hoao e Hoomakaulii Ano E Malama i ke Dala e wehe i Buke Banako Hoahu me ke
CHINESE-AMERICAN BANK
A NANA AKU I KA ULU O KAU DALA
NA PAHU DALA S1.00 no ka Wehe Kihi o ke Alanui
no ka Hoolimalima Ana i ka Hoahu Moi me Nuuanu
LUAU Na PA, NOHO, PAKAUKAU ame na HALELOLE no ka Hoolimalima.
PEOPLEʻS HARDWARE STORE.
453 Alanui Moi Akau, Kokoke i Palama Settlement.
KELEPONA 2670
6348
I O MAIOLE FURNITURE STORE
(Na noho holimalima me lako pa maanei.)
Na Lako Hale Hou me Kahiko.
Hoolimalima me Kuai Hoolila.
715 Alanui Hema, Honolulu, T.H.,
Kelepona 1695.
TERITORE O HAWAII.
Keena o ka Puuku, Honolulu, Oahu.
Ma ka hana e hoopau ana i ke CHILD & CHALDWELL, LIMITED. OIAI, o ke CHILD & CHALDWELL LIMITED, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ka kanawai i hoomakaukauia ma na hana o keia oano, ua wihoia mai iloko o keia kena he palapala noi ao ka hoopau ana i ka hui oleloia, hui pu me kekahi palapala i hooiaioia,i hoohui pu ia me ia, elike me ia i koiia ai ma ke kanawai.
NOLAILA, ma keia ke haawiia aku nei ka hoolaha i ke kahi mea, a i na kanaka apau he mau kuleana mamua a e kuleana apau he mau kuleana mamua a e kuleana nei paha i keia manawa ma kekahi ano iloko o ka hui i oleloia, e pono e waho mai i na kue ana no ka aeia aku o ka palapal noi i oleloia maloko o keia keena, mamua ae o ka born 12 awakea o ka la 17 o Ianuari, 1921, a o kela ame keia mea e makemake ana e hoolohela aku maiuna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike mai i ke kumu in a he kumu kekahi i wahi e ae ole ia aku ai ka palapala noi i oleloia.
DELBERT E. METZGER
Puuku, Teritore o Hawaii.
Honolulu, Novemaba 3, 1920.
6426 Nov. 12, 19, 26; Dec. 3, 10, 17, 24, 31 1920; Jan. 7, 14, 1921.
TERITORE O HAWAII.
Keena o ka Puuku, Honolulu, Oahu.
Ma ka hana e hoopau ana i ka WAIPAHU ICE & ELECTRIC COMPANY, LIMITED, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui oleloia, hui pu me kekahi palapala i hooiaioia i hoohui pu ia me ia, elike me ia i koiia ai ma ke kanawai.
NOLAILA, ma keia ke haawiia aku nei ka hoolaha i kekahi mea, a ia na kanaka apau, he mau kulena mamua a e kuleana nei paha i keia manawa ma kekahi ano iloko o ka hui i oleloia, pono e waiho mai i na kue ana no ka aeia aku o ka palapala noi i ololoia maloko o keia keena, mamua ao o ka hora 12 awakea o ka la 17 o Ianuari, 1921, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike mai i ke kumu, Ina he kumu kekahi i wahi e ae ole ia aku ai ka palapala noi i oleloia.
DELBERT E. METZGER
Puuku, Teritore o Hawaii.
Honolulu, Novemaba 3, 1920.
6426 Nov. 12, 19, 26; Dec. 3, 10, 17, 24, 31 1920; Jan. 7, 14, 1921.
TERITORE O HAWAII.
Keena o ka Puuku, Honolulu, Oahu.
Ma ka hana e hoopau ana i ka PACIFIC MARINE PRODUCTS COMPANY, LIMITED.
OIAI, o ka PACIFIC MARINE PRODUCTS COMPANY, LIMITED, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui oleloia, hui pu me kekahi palapala i hooiaioia i hoohui pu ia me ia, elike me ia i koiia ai ma ke kanawai.
NOLAILA, ma keia ke haawiia aku nei ka hoolaha i kekahi mea, a ia na kanaka apau, he mau kulena mamua a e kuleana nei paha i keia manawa ma kekahi ano iloko o ka hui i oleloia, pono e waiho mai i na kue ana no ka aeia aku o ka palapala noi i ololoia maloko o keia keena, mamua ao o ka hora 12 awakea o ka la 31 o Ianuari, 1921, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike mai i ke kumu, Ina he kumu kekahi i wahi e ae ole ia aku ai ka palapala noi i oleloia.
DELBERT E. METZGER
Puuku, Teritore o Hawaii.
Honolulu, Novemaba 3, 1920.
6428 Nov. 26; Dec. 3, 10, 17, 24, 31 1920; Jan. 7, 14, 21, 28, 1921.
KakelameKuke
(KAUPALENAIA)
Poe Kalepa ma
ke Komisina
A HE
Poe Agena no na Mahiko
Lehulehu
HOOLAHA A NA KOMIBIA PALENA AINA.
He palapala noi kupono ka i waihoia mai ia'u e na Kahu Waiwai o ka Waiwai o Bernice Pauahi Bishop, no ka hooponopono ana i na palena aina o kekahi mau hapa o ka Ili o Kapakahi, maloko o Waikele, Apana o Ewa, Mokupuni o Oahu, Mahele Kuleana Helu 39, ia D. Kauliokamoa.
Ke haawiia aku nei ka hoolaha ma keia i na on a aina apau e pili kokoke mai ana, a i na kanaka apau i kuleana ma na palena aina i oleloia ae ia, e malamaia, ana he i na palena aina ma luna ae o na h@oa o ka Ili o Kapakahi ma ko'u keena@oihana, Helu @35, Alunui Kaahumanu@ Honolulu, ma ka Poakolu, Ianuari 5, 1921, ma ka hora 9 a. m.
M. D@MONSARRAT,
Komisina o na P@@ena Aina no ka Aha
Hookolokolu @aapaui Ekahi.
Honolulu, Dec. @@ 1920.
ROBERTSON. CA@@LE & OLSON,
Na loio no @ Poe Nei.
6430 Dec. 10, 17,@@ @@ 1920
HOOLAHA LULU MANAWALEA
Ke hoikeia aku nei ka lehe ma keia i na lala apau o ka Hui Kokua a Hookuonoono o na Wahine Oiwi Hawaii e lulu mai i ka lakou kokou hoahanau, Mrs. Maraea Kalapuna Nakila i haalele mai i keia ola ana, a e haawi ae ma ka lima o Miss Helen Allen ma ke keena halawai o ka hui, a i ole ma ka halenoho o ke kakuolelo ohi dala.
MRS. MAIKAI KALEO
Kakauolelo Moolelo H. K. M. W. O. H
Honolulu, Dekemaha 10, 1920.
6430 Dec. 10, 17, 24, 31.
$20 Makana
E ukuia no ka makana o UMI DALA (S10.00) e ka mea nona ka inoa malalo iho nei, no ka waihoia mai iaia no ka nana ana i ka Likiki Hookaa AUHAU Helu 8901 ame 8902 i hoopukaia ma Honolulu nei, ma a i ole konoke i ka la 27 o Sepatemba, 1920.
M. G. K. HOPKINS
Luanahooia Teritora
6431 Dece. 17, 24, 31.
Kela Laau Kaulana
B.B.C.
He laau i hoohuiia o na launahele, laaua e hana pu ana me ka hana a ke Akua he hoomaemae a hooikaika ae i na mea paahana holoo hoa o ke kuoo, e kipaku ana i ka ma'i kino a me na ma'i @ wale mai, e haawi ana i ke kino i ka ikaika, @ @@@ ka mana i na @@lolo.
E hoopiha ana ka B.B.C. i ke kino me ka ikaika hao o ke ola ame ka ikaika o na la apau. Ua hoolaia na poe na waliwali @@ na manawe lehulehu mahope o ka ino ana he mau pule wale no. Ua apoaoia e na kauka kaulana he aui ume na @@@@@ iloko o ke ola lahui ana. O @ B. B. C. ka laau kamalao loa ma ke ao.
KUAHA MA NA WAHI APA@
Keena Kuai Laau B.B.C. 161 @@@@ @@@
Honolulu, Hawaii
NUPEPA KUOKOA
No ka makahiki (one year )…. $3.00
No eon mahina (six months)… 1.00
O na Dala âme na Hoolaha Apau e hoouna pololei mai i ka ADVERTISER
PUBLISHING COMPANY, LTD, wale no P. O. Box 208, Honolulu, T.H. 217 Alanui Moi, ma ke keena o ka Nupepa Advertiser. Entered at the Post Office at Honolulu, T.H. as Second Class Matt@@
CHARLES S. CRANE LUNA @@@