Ka Nupepa Kuokoa, Volume LVIII, Number 52, 24 December 1920 — Page 2
| This text was transcribed by: | Kamehameha Schools Gift To Dr. Chun |
| This work is dedicated to: | Dr. Michael J. Chun |
Ka Nupepa Kuokoa
KE KILOHANA POOKELA NO KA LAHUI HAWAII.
Kanawai 29
(BILA SENATE HELU 27)
E HOOMAHUAHUA AI I KA HAAWINA KULA NO KE KAU E PAU ANA I DEKEMABA 31, 1920
E hooholoia e ka Ahaolelo o ka Teritore o Hawaii:
Pauku 1. I pakui no na haawina dala i hookaawaleia no ka mihana kula e ke Kanawai 232 o na Kanawai Kau o 1919, ma keia ke hookaawaleia nei keia may huina pakui no ka makahiki 1921, a ke amanaia nei a ke kauohaia nei no hoi ka puuku o ka Teritore e pakui aku i ka ratio helu auhau no ka makahiki 1921 i ka hapa ratio pakenala kupono e hiki ai e loaa ia mau huina pakui no na hana i hoikeia penei:
WAIHONA NUI.
Na lako kula (pakui)… … … … … … … $11,000.00
Na waihona buke me na buke (pakui)… … 5,000.00
Ao ana i na hana hooikaika kino (ikamu hou):
Uku o ke kumu alakai Teritore, Sept. 1
A i Dek. 31, ma ka $275.00 o ka mahina… … … … … … $1,100.00
Na lilo kaahele, kumu alakai Teritore,
no eha mahina… … … … … … … … … … … … .. … 300.00
Pa'i ana… … … … … … … … … … … … … … … … … … … … 200.00 1,600.00
Huina… … … … … … … … … … … … … … … … … … $17,600.00
Na kula Kaokoa:
Kula Kumu Teritore--
Malama ana âme hooponopono hou (pakui)… … … … … … … … … $1,200.00
Hana ana a pau pono o ka hale ao hana
lima na pono me na lako… … … … … … … … … … … … … 15,000.00
Na hale moa (mea hou)… … … … … … … … … … … … … … … … 15,000.00
No na haumana (mea hou)… … … … … … … … … … … … … … … 20,000.00 51,200.00
Kula A'o Kumu Teritore (pakui)… … … … … … … … … … … … … 1,400.00
Kula no na keiki kina (pakui)… … … … … … … … … … … … … … 2,400.00 3,800.00
Na bita o ke kau o 1918-1919 e koe ana aole
i hookaaia mamuli o ka hookomo ole ai
ana mai mamua ae o Ianuari 15, 1920. 346.92
Na bila no ia kau no e koe ana aole i hoo
kaaia no ka lawa ole o waihone… 886.56 1,233.48
Huina Waihona Nui…….. $73,833.48
WAIHONA KAOKOA
No hale hou na pakui me na hooponopono hou:
Hawaii Hikina $40,000.00
Hawaii komohana 49,000.00
Kulanakauhale o Hilo 47,000.00
Maui 40,000.00
Kauai 45,000.00
Kulanakauhale o Honolulu 99,200.00 347,800.00
Na Pono me na lako:
Hawaii Hikina 5,000.00
Kulanakauhalo o Hilo 5,000.00 10,000.00
Halihali ana i na haumana:
Hawaii Komohana 5,000.00
Hawaii Hikina 5,000.00 10,000.00
Laku Hale:
Kauai 5,000.00
Kuaaina o Oahu 5,000.00 10,000.00
Huina waihona kaokoa….. $377,800.00
PAUKU 2. E mana keia Kanawai i kona aponoia ana
Aponoia i keia la 24 o Novemaba, M.H. 1920
C.J McCarthy
Kiaaina o ka Teritore o Hawaii
Kanawai 30
(BILA SENATE HELU 32)
HE KANAWAI
E PILI ANA I NA KULA OLELO E ME NA KUMU A'O O LAILA
E hooholoia e ka ahaolelo o ka Teritore o Hawaii
PAUKU 1. O ka huaolelo "kila olelo e" i hoikeia maloko o keia kanawai e hoomaopopoia no oia kekahi kula maloko o laila e a'oia ai kekahi olelo okoa ae i ka olelo Enelani a i ole olelo Hawaii palia, koe nae na kula Sabati. O ka huolelo "oihana" e @ no oia ka "oihana hoonaauao o ka Teritore o Hawaii."
PAUKU 2. Aole kekahi mea e lawelawe hoohana i kekahi kula a'o olelo e maloko nei o ka Teritore o Hawaii, ke ole a hiki hoi i ka hana mua ana i palapala noi a loaa mai he palapala ae e lawelawe aku pela mai ka oihana hoonaauao mai i ka oihana hoonaauao aku o ka Teritore.
PAUKU 3. Aole kekahi mea e a'o maloko o kekahi kula a'o olelo e ke ole a hiki hoi i kona wa e noi mua ai a loaa mai he palapala ae e lawelawe aku pela mai ka oihana hoonaauao mai a e manaoia no ua komo pu a ua hui like ia ka poe e lawelawe hooponopono a i ole e lawelawe ana i na mana hookele i kekahi o ia ano kula ma ka manao o keia kanawai.
PAUKU 4. Aole palapala ae e a'o maloko o kekahi kula a'o olelo e e haawiia ke ole a hiki hoi i ka hoomaopopo ana o ka oihana hoonaauao i ke kupono i'o o ka mea noi no ia mea a ua lawa hoi na hoomaopopo ana i ke kulana nohona kaulike ia meal ka hoomaopopo ana i ka moolelo lahui Amelika me kona mau mahele hooponopono aupuni, a ke ike i ka heluhelu, kakau a kamailio i ka olelo Enelani.
Aka nae hoi, o na hoakaka pili i ka ike i ka olelo Enelani e hoomaopopoia no ia ma ke ano laula iloko o na makahiki elua ma hope iho o ka mana ana o keia Kanawai; a e hoomaopopola no hoi he mea paakiki ka loaa ana iloko o ia manawa o na kumu i lawa pono na hookupono ana mamuli o keia pauku a ia wa hookahu kupono no ke a'o ana i kekahi olelo e. A eia hou no hoi, a ma keia ke hoikeia nei o ka manao maoli o keia Kanawai e hooponopono a aole hoi e hookapu i ka lawelaweia ana o ke a'o ma na kula olelo e me ke a'o ana i na olelo e; aka e hooponopono ia i hiki ia na haumana Amelika ke hooholomuaia, a ma keia ke kauohaia nei ka oihana hoonaauao e hooko aku i ka manao o keia kanawai e like me na hoakaka i hoikeia maloko nei.
PAUKU 5. Mamua o ka hoopuka ana i palapala ae e lawelawe a'o i kekahi kula olelo e a i ole e a'o paha maloko o ia kula e @ aku no ka oihana hoonaauao i ka mea noi no ia palapala ae e kakaunoa i kekahi palapala hoopaa e hooia ana ka mea noi ma e loaa aku ka palapala ae e lawelawe a e a'o maloko o kekahi o ia ano kula, e hooko no a e malama i na kaunoho o keia kanawai me na hooponopono a me na kauoha a ka oihana hoonaauao, a e like me ka makaukau piha i loaa, e alakai no i ka noonoo me na haawina a na haumana maloko o ia kula ma ke ano e hiki ai ke lilo lakou i poe makaainana maikai a makee i ka pono Amelika a aole hoi e a'o a i ole ae paha ia poe haumana e a'oia maloko o ia kula i kekahi mau mea i kulike ole me ka manao i hoakakaia maloko nei.
PAUKU 6. Aole kula a'o olelo e e lawelaweia i ke kakahiaka mamua ae o na hora kula o na kula aupuni a i ole i na hora o na kula aupuni e kula ana. A aole no hoi kekahi haumana e hele i kekahi kula olelo e no ka manawa oi aku i ka hookahi hora i kele me keia la a aole hoi e oi aku maline o eono hora iloko o kekahi pule, a aole no hoi e oi aku i ke kanakolu-kumawalu pule i loko o kekahi makahiki kula.
Aka nae hoi e hiki no i oihana hoonaauao, ma kona mano kaulike ponoi, me ke apono hoi a ke Kiaaina, e hoomaalahi ae i na kaupalena i hoikeia maloko o keia pauku in a i manaoia he mea kupono ia a he ku-e ole hoi i ka manao maoli o keia Kahanwai.
PAUKU 7. E loaa no i ka oihana hoonaauao ka mana piha i kela me keia wa e hoomaopopo no ka haawina a mau haawina paha e a'o ai me ke ano o na buke e a'oia ai maloko o kekahi kula olelo e, a aole haawina e ae e a'oia a mau boke okoa ae paha popoia e ka oihana hoonaauao. Aole buke e hoohanaia ana ma kekahi kula olelo e e hoolakoia mamule o na lilo o ka oihana hoonaauao.
PAUKU 8. Ina ka oihana hoonaauao me kekahi manawa e hoomaopopo i ko kekahi mea paa palapala ae e lawelawe hoohana i kekahi kula olelo e a i ole e a'o paha maloko o laila lawe kupono ole e like me na hoakaka maloko nei, a i ole ua ku-e paha a hoohemahema paha i ka hooko i kekahi o na mea i kauohaia ma keia Kanawai, a i ole i na rula hooponopono a kauoha paha a ka oihana hoonaauao alaila e hiki no i ka oihana hoonaauao ia wa a ma ia manawa hoi e hoopau i ka mana o ka palapala ae i haawi mua ia a e lilo no ia ma ia wa i mea ole a i mea mana ole no hoi.
Eia nae hoi, mamua ae o ka hana ana pela e hoike mua aku ka oihana hoonaauao i ka mea paa ia palapala ae e kauoha aku ana e hoike mai i pane pale in a he kumu kana e hiki ole ai e lilo ia hana i mea noonooia a e haawi aku hoi ia mea paa palapala ae i manawa piha no kona loheia ma ka aoao pale. O ka olelo hooholo a ka oihana hoonaauao e lilo no i me mana paa
PAUKU 9. O kekahi mea e lawlawe hookele ana i kekahi kula olelo e a i ole e a'o ana paha maloko o kekahi kula olelo e. e ku-e ana i na hoakaka maloko o keia Kanawai a i ole e uhaki ana paha i kekahi o na kauoha i hoakaaia maloko o laila a i ole ku-e paha i na rula hooponopono a mau kauoha paha a ka oihana hoonaauao e ku no i ka hewa no kekahi mikamina a i ke ahewaia ana no ia hana e hoopaiia no mamuli o kekahi uku hoopai e oi ole ana maluna o iwakalua-kumalima dala ($25.00). O kela me keia la pakahi e ku-eia ai o keia Kanawai e manaola no he ofeni kaokoa
PAUKU 10. E mana keia Kanawai ma ka la mua o Iolai,1921. Aponoia i keia la 24 o Novemaba, M. H. 1920
C. J. McCARTHY
Kiaaina o ka Teritore o Hawaii
KANAWAI 31
(BILA SENATE HELU 34)
HE KANAWAI
E HOOMAOPOPO ANA NO KA HOOHANAIA NO KA MANAWA O NA WAIHONE KAOKOA.
E Hooholoia e ka Ahaolelo o ka Teritore o Hawaii:
PAUKU 1. Ua amanaia ka puuku o ka Teritore, ma a me ka ana o ke Kiaaina o Hawaii, mahope iho o ke kukakuka ana o ke Kiaaina me ke poo o ka oihana ia ia ka hoolilo o na waihona kaokoa, e hoohana aku no ka manawa i kekahi mahele a hapa paha o ia mau waihone kaokoa o ka Teritore, no na hana pili i ka uku ana i na kikoo dala maluna o ka Puuku no na aie hoonee hana o ka Teritore i kela me keia wa o na dala kuike maloko o ka Waihona Teritore e lawa kupono ole ai no ka uku ana aku ia; aka nae o na huina dala e laweia ana pela e hoihoi hou ia no maloko o ka waihona no ke pani ana ia mau waihona kaokoa iloko o na la oi ole aku i ka umi-kumamalima mahope koke iho o ka la kuwala o na auhau waiwai me na auhau loaa.
PAUKU 2. O na huaolelo "waihona kaokoa," e like me ia i hoikeia maloko o keia Kanawai, e hoomaopopoia no oia na waihona loaa a pau o ka lehulehu mawaho ae o na loaa mau, na haawina loaa aie, na waihona hoahu me na waihona kula.
PAUKU 3. O na kanawai a pau i ole na mahle kanawai i kulike ole me keia ma keia ke hoopau loa ia nei ma na wahiwale no nae i kulike ole.
PAUKU 4. E mana keia kanawai i kona wa e aponoia ae
C. J. McCARTHY
Kiaaina o ka Teritore o Hawaii
KANAWAI 32
(BILA SENATE HELU 9)
HE KANAWAI
E HOOMAOPOPO AI I HAAWINA DALA PAKUI NO KA UKA O NA KUMU KULA AUPUNI, NA KAHU KULA ME NA KUMU POO ILOKO O KA MAKAHIKI 1921.
E Hooholoia e ka Ahaolelo o ka Teritore o Hawaii:
PAUKU 1. I pakui no na haawina dala i hookaawaleia mamua ae nei no ka uka o na kumu kula aupuni, na kahu kula me na kumu poo no ke kau e pau ana i Dekemaba 31, 1921, ma keia ke hookaawaleia nei no ia mau hana iloko o ka makahiki 1921 ka huina pakui o elima haneri kanawaly-kumamaha tausani dala ($584,000.00), a ke amanaia nei a ke kauohaia nei ka puuku o ka Teritore e pakui aku i ka ratio auhau no ka makahiki 1921 i hapa ratio pa keneta kupono e hiki ai e loaa ia huina nui o elima haneri kanawalu-kumamaha tausani dala ($584,000.00) a emi iho hoi mamuli o kekahi koena e waiho ana maloko o ka wahona kula nui, e like me ia e hoomaopopoia ai maloko o na buke a ka luna hooia teritore no Dekemaba 31, 1919.
PAUKU 2. O ke koena e waiho ana maloko o ka waihona kula nui no Dekemaba 31, 1919, i hiki aku ka huina i ka hookahi haneri me uni tausani elima haneri me kanawalu-kumamaono a me 38/100 dala ($110,568.38), e like me ia e ikeia ai maloko o na buke a ka luna hooia teritore, ma keia ke hookaawaleia ae nei no ka uku o na kumu kula, na kahu kula, me na kumu poo iloko o ka makahiki 1921.
PAUKU 3. E mana keia Kanawai i kona wa e aponoia ai Aponoia i keia la 25 o Novemaba, M. H. 1920
C. J. McCARTHY
Kiaaina o ka Teritore o Hawaii
KANAWAI 33
(BILA SENATE HELU 21)
HE KANAWAI
E HOOLOLI AI I KA PAUKU 1251 O NA KANAWAI HOULUULUIA O HAWAII, 1915 O NA KANAWAI HOULUULUIA O HAWAII, 1915, E PILI ANA I KA AUHAU
E Hooholoia e ka Ahaolelo o ka Teritore o Hawaii:
PAUKU 1. O ka Pauku 1251 o na Kanawai Houluuluia o Hawaii, 1915, ma keia ke hoololiia nei i heluhelu ai e like me ia mahpoe iho nei:
"Pauku 1251. Na hokuu auhau. Aka nae, o ka auhau i kauia mamuli o na hoomaopopo ana maloko o keia mokuna maluna o na waiwai paa e ohiia maluna wale no o ka waiwai paa i oi aku ka waiwai io maluna o umi-kumamalima haneri dala in a ka mea hookaa auhau e noho io ana maluna o ia waiwai paa ma ke ano o kona home wale no ial a eia hou no hoi o ka auhau e kauia maluna o ka waiwai paa e ohiia maluna wale no o ke 33.3% o ka waiwai paa i oi aku ka waiwai io maluna o ka waiwai io o ekolu tausani dala ma ka mea hookaa auhau e noho maoli ana maluna o ia waiwai paa ma ke ano o kona home ia; a eia hou no hoi o ka auhau e ohiaia maluna wale no o ke 66.6% o ia maluna o ka waiwai paa i oi aku ka waiwai io maluna o elima tausani dala, in a ka mea hookaa auhau e noho maoli ana maluna o ia waiwai paa ma ke ano o kona home walke no ia; a eia no hoi aole hookuu auhau e aeia no ka waiwai o na kopolena, na hoa-hui a i ole na hui; a eia hou no hoi o ka auhau i kauia mamuli o na hoomaopopo ana maloko o keia mokuna maluna o na waiwai lewa e ohiia maluna wale no o na lako hale i oi aku ka waiwai io maluna o ka eono haneri dala in a nae ka mea hookaa auhau e hoohana ana ia mau lako hale maloko o kona home; a eia hou no hoi o na hookuu auhau i hoikeia ae nei aole e aeia aku no na home oi aku mamua o hookahi no kekahi mea hookaa auhau; a eia no hoi o ka auhau i kauia mamuli o na hoomaopopo ana maloko o keia mokuna maluna o na waiwai lewa okoa ae i ua lako hale e ohiia no maluna wale no o na waiwai lewa i oi aku ka waiwai io maluna oekolu haneri dala (300.00); aku nae, aole hookuu auhau e loaa i kekahi mea i kuleana i ka hookuu auhau malina o ka home a me, a i ole na lako hale e like me ia i hoomaopopoia maluna ae nei."
PAUKU 2. E mana keia Kanawai i Ianuari 1, M. H. 1921 Aponoia i keia la 25 o Novemaba, M. H. 1920.
C. J. McCARTHY
Kiaaina o ka Teritore o Hawaii
KANAWAI 34
(BILA SENATE HELU 27)
HE KANAWAI
E HOOMAOPOPO ANA NO KA HOOKUMU ANA I MAKEKE MUNISIPALA MALOKO O NA HOOPONOPONO ANA A KA PAPA LUNAKIAI O KE KULANAKAUHALE ME KALANA O HONOLULU
E Hooholoia e ka Ahaolelo o ka Teritore o Hawaii:
PAUKU 1. Ke amanaia nei ka papa lunakiai o ke Kulanakauhale me Kalana o Hololulu e kukula a e hoohana i mahele oihana e hoomaopopoia o ka "Makeke Munisipala," e lawelaweia malalo o ka mana me ka hooponopono ana a ia papa no na hana pili i ka lawelawe ana i ka oihana kuai a hoolilo ana i na mea ai hoouluia, na i'a me na mea o ke kai me na mea ai o na wahi mahiai me hanai holoholona, a no ka malama ana a hoohana ana i wahi makeke no ka lehulehu kahi o ka poe e hiki ai e kuai a e hoolilo aku ia mau mea ai malalo o na rula me na hooponopono e hoomaopopoia ae e ia papa.
PAUKU 2. E mana keia Kanawai ma ka la on a e aponoia ai Aponoia i keia la 24 o Nevemaba, M. H. 1920
C. J. McCARTHY
Kiaaina o ka Teritore o Hawaii
KANAWAI 35
(BILA SENATE HELU 24)
HE KANAWAI
E HOLOLI AI I KE KANAWAI 229 O NA KANAWAI KAU O 1919, E HOOMAOPOPO ANA NO KE KUAI LILO ANA MAI I HALE NOHO NO KE KIAAINA O HAWAII.
E Hooholoia e ka Ahaolelo o ka Teritore o Hawaii:
PAUKU 1. O ka Pauku 1 o ke kanawai 229 o na Kanawai Kau o 1919 ma keia ke hooloiia nei i heluhelu ai e like me ai mahope iho nei:
"Pauku 1. O ka huina o kanaha tausani dala ($50,000.00) ma keia ke hookaawaleia nei ma loko ae o na loaa mau o ka Teritore no ke kuai lilo ana mai ma ka hooponopono kanawai ana i kela wahi e waiho nei maloko o Honolulu, Kulanakauhale me Kalana o Honolulu, a i kapaia o "Washington Place" (Wakinekona Hale). A ke hoomaopopoia nei no hoi, aole dala e hooliloia malalo o keia koe wale no mamuli a mahope o kekahi olelo hooholo aha i lawelaweia no ia hana e like me na kuhikuhi maloko o ka mokuna 48 o na Kanawai Houluuluia o Hawaii, 1915, i hoololiia, a mahope hoi o ka hooko pono ia ana o na palapala kii ma ka hoolaha ana e like me ia i hoomaopopoia e ka Pauku 671 o ia mokuna 48."
PAUKU 2. E mana keia Kanawai i kona wa e aponoia ai. Aponoia i keia la 24 o Nevemaba, M. H. 1920.
C. J. McCARTHY
Kiaaina o ka Teritore o Hawaii
KANAWAI 36
(BILA SENATE HELU 18)
HE KANAWAI
E HOOMAOPOPO AI NO KA HOOKUPONO I NA KUMU KULA NO KA HOOMALU ANA I KA PONO KUPA AMELIKA MALOKO NEI O KA TERITORE O HAWAII
E Hooholoia e ka Ahaolelo o ka Teritore o Hawaii:
PAUKU 1. Aole kekahi mea e lawelawe oihana kumu kula maloko o kekahi kula me ka loaa mua ole o kekahi palapala ae mai ka oihana hoonaauao mai, a e hoopukaia ia palapala ae, me ka auhau ole ia kumu kula, ma ke ano e like me ka ka oihana hoonaauao e hoomaopopo ai. Mamua ae o ka hoopuka ana i kekahi palapala ae i kekahi kumu kula, e hoomaopopo ka oihana hoonaauao nona iho no ka loaa ia kumu o na hookupono ana ma ka ike pili lauala no ke ano hooponopono aupuni Amelika, kona moolelo me kona mau mahele hooponopono aupuni, a he ike i ka heluhelu, kakau a kamailio i ka olelo Enelani; aka nae, e hoomaopopoia na hookupono pili i ka ike olelo Enelani ma ke ano laula iloko o elua makahiki mahope aku o ka mana ana o keia Kanawai.
PAUKU 2. No na hana o keia Kanawai o ka huaolelo "kumu" e hoomaopopoia ua komo pu iloko o kona manao ka poe e lawelawe ana a e hooko ana i na mana hooponopono a mau hana e ae i pili i kekahi kula. O ka huaolelo "kula". E hoomaopopoia ua komo pu iloko o kona manao kela me keia kula, in a malalo o ka mana hooponopono aupuni a mana okoa ae paha, koe na Kula Sabati e hui ana i kela me keia pule.
PAUKU 3. E hiki no i ka oihana ke hoopau i kekahi o ia palapala ae mahope aku o ka hoopukaia ana ke hoomaopopo i ko ka mea e paa ana ia lawa kupono ole ma ka ike a hoomaopopo ana paha i na mea i hoikeia maloko o ka Pauku 1 o keia Kanawai, aka ma ia mea e haawiia aku no i ka mea e paa ana ia palapala ae ka hoomaopopo mua me ka manawa piha kupono i hiki ai e hoike mai i na kumu kupono e paa mau ai ia palapala ae.
PAUKU 4. O kekahi mea e lawelawe ana ma ke ano he kumu e paa ole ana i kekahi palapala ae i hoopauia ii hoopukaia mamuli o keia kanawai, e hoopaiia no i kekahi uku hoopai e oi ole ana i ka iwakalua-kumamalima dala ($25.00).
PAUKU 5. E mana keia Kanawai i Iulai 1, 1921. Aponoia i keia la 24 o Novemaba, M. H. 1920
C. J. McCARTHY
Kiaaina o ka Teritore o Hawaii
HUKIIA NA INIOA NO KA KIURE KIEKIE AME HOOKOLOKOLO
Ma ka hora 9 o ke kakahiaka pua kahi nei i hukiia ai na inoa o na @ o ka aha kiure kiekie ame na papa @ hookolokolo no ke kau o 1921 @ hoomaka ana ma ka Poakahi Ianuali 10, oiai na lunakanawai apau ekolu @ noho ana ma ka noho maloko o ka @ hookolokolo o ka mahelo ekahi o @ aha kaapuni a ka Luuakanawai Franklin.
O ka papa kiure kiekie hou o ka teritore, elike me ka mea maa mau @ 23 mau hoa. Ma ka hora 2 o ka auwina la Poakahi o Ianuari 10 e nina ninauia ai na hoa o ke kiure kiekie no ko lakou kupono e noho i kiure maloko o ke keena o ka Lunakanawai Bank ma ia manawa e haawi ae ai ka luna kanawa i kana mau oleloa'o i na hoa o ia papa kiure, a ma ia manawa no hoi e wai ai mailoko ae o ka poe e hookuponoia ana i lunahoomalu no ia papa kiure. Mahope koke iho o ia manawa e noho ai ia papa kiure a kojo i kakau olelo nana.
O na hoa no ka papa kiure kiekie i waeia ma ka Poakahi nei oia keia ma lalo nei:
C. N. Marques, E. L. Jones, F. O. Boyer, W. E. Miles, J. P. Lynch, O. B. Case, E. H. Paris, H. N. Derby, A. E. Loyd, S. Livingston, C. W. C. Deering, H. . Armitage, H. E. Abbey, M. Baptists, R. W. Shingle, G. H. Buttolph, This. Ahlo, Robt. Hare, C. Ah Sing, H. E. murray, Goo Yee ame E. J. Honan.
Ekolu mahele o na papa kiure i hukiia o 26 mau hoa pakahi, no kela ame keia mahele o na aha hookolokolo kaapuni: O ka papa kiure hookolokolo hou a ka Lunakanawai Franklin ua kauohala mai lakou e pane ae i ko lakou mau inoa ma ka manawa e kahea inoa ia ai ma ka hora 2 o ka auwina la Poakahi o Ianuari 10, a ma ia manawa lakou e ninaninauia ai no ko lakou kupono e noho i kiure. No ka mahele hoi o ka aha hookolokolo a ka Lunakanawai De Bolt ua kanohaia ae lakou e pane i ko lakou mau inoa ma ka hora 9 o ka Poakahi. Ianuari10, a no na kiure a ka aha hookolokolo a ka Lunakanawai Banks ua makemakeia lakou elike me ia i kauohaia mai e pane aku i ko lakou mau inoa ma ka hora 9 o ke kakahiaka Poalua Ianuari 11.
Na kiure hookolokolo a ka Lunakanawai Franklin -- HBK Auahu, H.S. Davison, D.A. McNamara, W. E. Miles, J. P. Lynch, O. B. Case, E. H. Paris, H. N. Derby, A. E. Loyd, S. Livingston, C. W. C. Deering, H. . Armitage T. A. Honan, W Brede, H. F. Bertelman.
Mahele elua Lunakanawai De Bolt-- F. Huron, A. E. Coxhead, DK hoapili jr. J Kruger, C. N. Marques, E. L. Jones, F. O. Boyer, W. E. Miles, J. P. Lynch, O. B. Case, E. H. Paris, H. N. Derby, A. E. Loyd, A. T. Robello, A J Bright, C Andrews, H Galbraith, P Silva, F H Armstrong, WAK Markham ame WJ Hano.
Kahele ekolu Lunakanawai Banks -- GM Raupp, RS Johnstone, BA Hoke, DA Dowsett, EI Kellett, BH Bond, FA Luning, JN Keola, L Kapawai, JP Hussey, JA Hattie, J Enos, AP Laugsi, HM Dowsett JK WoodWard, FQ Cannon, ame JH Burkett.
He liilii loa na hana i koe na ke kiure kiekie teritore e hana aku ai mamua o ka pau ana o ke kau o 1920. Aohe halawai a ka papa kiure kiekie i nei pule, elike me ka loio kalana Heen o ka hoike ana ae.
HOEA MAI HE MOKU KIAI AWA HOU
Ma ka Poakahi aku la o ka pule i hala ka hoea ana mai ianei o ka moku kiai awa hou e Earp ka inoa o kekahi ia o ka heluna like o na moku i kapilia ai iloko o ka manawa kaua kaa Motor a Ford. E hoohanaia aku ana ia moku e na luna o ka oihana dute awa kuloko no ka hoomakakia ana no ka hoopae ma luia mai o ka opiuma a no na bana hoopakele ola ame na moku. He moku keia i hoohuiia aku me na moku kiai awa o ka mahele no na moku ma na kapakai o Kapalakiko, aka nae o kona awa paa mau oia o Honolulu nei. He 200 kapuai ka loa o nei moku a he 25 ke akea. A elike me ia a na alii o keia moku o ka hoike ana ae he elima mau moku hou aku ka o keia ano e hoounaia mai ana i Hawaii nei no ka hana hoomakukia ma keia mua aku.
Mai ka Mokupuni Mare Mai keia moku o ka holo ana mai la. Aia maluna ono he elua mau pu kuniahi eha iniha hookahi pu ki mokulele. Na ka mahu o hookaa na huila epaepa a o kona mama holo he 18 mile i ka hora. O kona aliimoku keikie oia ka @ CF Howell.
$20 Makana
E ukuia no ka makana o UMI DALA ($10.00) e ka mea nona ka inoa malalo iho nei, no ka waihoia mai iaia no ka nana, ana i ka LIKIKI HOOKAA AUHAU Helu 8901 ame 8902, i hoopukaia ma Honolulu nei, ma a i ole kokoke i ka la 27 o Sepatemaba, 1920.
M. G. K. HOPKINS,
Lunahooia Teritore
@-- Dec. 17, 24, 31.