Ka Nupepa Kuokoa, Volume LVIII, Number 51, 17 December 1920 — LAWEIA KA LAIKINI KALAIWA. [ARTICLE]

LAWEIA KA LAIKINI KALAIWA.

Ma ka PoalLma aku nei ma ka manawa o ka noho ana o ka aha hoomalu a ka Lunakanawai Lightfoot e hoolohe i ka hihia o Furukawa ame kekahi mau hihia e ae, uji kauia mai ka hoopa'i he $10 uie na koina o ka aha maluna o Furukawa, a mawaho ae oia no ke kamau ana iho i ko ka la-i ua hoopaneeia kona laikini kalaiwa no ekolu mahina. Ma ka pule mamua aku ka halawai mua ana o Furukawa me ka pilikia ma kona manawa i hopuia ai uo ka holonui me ka noonoo ole ae i ko ha'i pono, a ua waiho mai oia me ka aha he $50 bona a holo aku la ma kela aoao o ka mokupuni e pee ai. Ma ka man<awa o ke kaheaia ana mai o kona hihia ma na la mua~o ka pule aku la i hala, aohe oia i hoea mai mamua o 'ka aha e pane no kona hihia, a ma ia ano ua lawe wale ia kona bona. Eia nae, aole oia i pakelo ma ia hiki ole ana ae mamua o ka aha ame ka lawe wale ia ana o kana bona. Mamuli o ka hoopii a Bob Lillis, ka makai o na kaa otomobile, ua hoopuka hou ia aku he palapala hopu nona, a mamuli o ia palapala hopu i hoea kino ae ai o Furukaw.a mamua o ka aha ma kela Poalima a kauia aku la ka hoopa'i o $10 me na koina 6 ka aha, me ka hoopanee pu ia o koim lMLlaiwa<'kaa. āfia no ekolu mahina.