Ka Nupepa Kuokoa, Volume LVIII, Number 51, 17 Kekemapa 1920 — E HOOKOIA KA HOOHIKI E PONO AI [ARTICLE]

E HOOKOIA KA HOOHIKI E PONO AI

Ma ka makahiki aku nei i hala, i hoopaa aku ai | ka papa o na lunakiai i ka huina o elua kaukani i dala. imua o ke komite no ka Pono o na Kamalii, ma ke ano o ke kokua ia a ka papa no ka pono o na kamalii, he mau dala hoi i loaa mai mamuli o ke' %t&i hooiiloia ana. aleu o na waiwai o ka oihana' 'koā i kaa mai ka hoolilo ana malalo o na luna, oikana o ke Kulan'akauhale a Kalana o Ilonolulu nei; o ka mea apiki nae, ma ka manawa a ke ko>mite i makemake mai ai i kela mau dala, ua hooliloia aku la kekahi hapa o kela huina, no: na lilo' hoolewa o ka Meia Fern, i hala aku ma kela aO. - ; Aole he mea hewa ka auamo ana ae o ka papa o na lunakiai i ke ko'iko'i o na hoolilo hoolewa 0 ka Meia Fern, o ka pilikia wale no, o ia ka hooko ole ana i ka hoohiki i haawiiā aku i ke komite no ka. Pono o na Kanialii, nolaila o ka liana pono wale no, o ia ka hoopiha ana aku 0 ka papa lunakiai i ka huina 0 elua kaukani dala, mai kekahi waihona mai o ke aupuni, a hooko aku i ka mea i hoopaaia, me ka imi ole ae i mau kumupale i wahi e alo ae ai i na ko'iko'i o ka hooko ana aku i ka mea i hooholo kahiko ia e ka papa.