Ka Nupepa Kuokoa, Volume LVIII, Number 51, 17 December 1920 — HOEA MAI KA MOKUAHI HOU NO HAWWAII NEI. [ARTICLE]

HOEA MAI KA MOKUAHI HOU NO HAWWAII NEI.

Ma ka Poalua nei i ku mai ai ka mokuahi Kulanakauhale o Topeka, ka ( mokuahi hou o ka holo piliaina, e lilo ai keia mokuahi i moku e holoholo aku ai ma na kai o Hawaii nei. . Aole i kapaia ka inoa hou o kela mokuahi i keia manawa, ua manaoia e kapaia aku ana ia me kekahi inoa Hawaii, elike me ka nui o na mokuahi e ae o ka hui mokuahi holo pili aina. O Kapena Freeman o ka Mauna Kea ika mea nana i lawe mai nei i keia mokuahi hou, a wahi ana, he nui ka ino 0 ka moana, ma keia kelepa a kela mokuahi no Honolulu nei ,eia nae iloko o kela ino, ua ike oia he maikai maoli ke kulana o kela mokuahi, aole he rola ino elike me kekahi mau mokuahi nunui. 0 na kanaka hana no apan oluiia o kela mokuahi ma ka manawa i lilo mai ai i ka hui mokuahi holo pili aina, o iakou no na kanaka oluna o keia mokuahi ma ka manawa o ke ku ana mai no kela awa, a e huli hoi aku ana no lakou no Kapalakiko, aka no kekahi mau aliimoku e ae, ua manaoia e noho iho ana lakou no Hawaii nei, me ka hana ana no mahma o kela mokuahl No ka ike ana i ke kulana maoli o kela mokuahi, ua hoohala na lunanui o ka hui mokuahi holo piliaina, i kekahi manawa o ka Poalua nei, ma ka nana ana i kela mokuahi, me ko lakou olelo ana ae i ka maikai maoli o kela moku, a ua kupono loa hoi no na hana i makemakeia ai ma Hawaii nei. Ile mokuahi keia i kuaiia no ke kumukuai i oleloia ae, aia ma kahi o ka $150,000, a o ka hana i manaoia ai no keia mokuahi, o no ke pani ana aku 1 na wahi o na mokuahi i pilikia, ma o kekahi mau poino la, a i ole, hana hou ia paha. He mokuahi keia nona ka loa he 190 kapuai, he 35 kapuai ka laula, a he 18 kapuai ka hohonu, a nona hoi na tona ma kahi o ka 1057, a ua kapiliia hoi me ka hao. Ua kapiliia keia mokuahi iloko o ka makahiki 1884, me kona kaa ana aku imalalo o na ona lehulehu, ahiki wale no i ka lilo ana mai la i ka hui mokuahi holo pili aina, me kona hooliloia ana hoi he mokuahi halihali ohua ame halihali ukana, e holo ana ma na kai like ole o Amerika ame