Ka Nupepa Kuokoa, Volume LVIII, Number 51, 17 December 1920 — Page 6

Ka Nupepa Kuokoa

KE KILOHANA POOKELA NO KA LAHUI HAWAII.

     Aole nae i lilo ka piha ana aku o na kanaka iloko o kela @, i kumu no Leola e kuha's iho ai, oiai he mea maa loa mia, in a oia e himeni ana, aia wale no kona noonoo apau maluma o kana himeni, nolaila ua hoopina ae la ioa i na mea apau e hoopuni ana iaia, he hoopoina ae la oia i na mea apau e hoopuni ana iaia, he hookai wale no mea iloko o kona puuwai o ia kana himeni e mele ana, a e hookani ana hoi maluna o ka piano.

 

     "Ua lawa anei koi makemake e kuu bihopa maikai, no kela himeni ana mai la a Miss Dale," i huli ae ai ka Haku Baumona. a kamailio aku la i ka bihopa, e ku pu ana @ne ia.

 

     "He ku i ka nani kona leo, a he kaili puuwai maoli no hoi ke ano o kana himeni ana," wahi a ka bihopa, me ka piha hoihoi o kona mau maka.

 

     "Pehea, he makemake anei kou e lohe ia Miss Dole i ka himeni me kona hookani pu i ka okana?" i pai mai ai no ka Haku Baumona.

 

     "E noi aku ana au ia oe e kuu haku. ua lawa ae la ko'u himeni ana i keia po, malia no kekahi manawa okoa aku e hoolawaia ai ka makemake o kuu bihopa," wahi a Leola, @ne kona hoomaopopo koke ana iho, ua hele oloko o kela keena a piha i na malihini, a iaia nae i ike aku ai i ka Lede Waka, i koke aku la:

 

     E oluolu hoi oe e ka lede Waka e himeni mai ia kakou?"

    

     "Aole paha he mea maikai na'u ka hooko ana aku i kau noi e Miss Dale. no ka mea ke hilahila neiau, no ka hiki ole ia'u ke himeni a like aku ka nani me kau himeni ana."

 

     "Mai hoolalau mai hoi paha oe, e hoolawa ae oe i ka makemake o na malihini e kakali mai nei," i mau mai ai no @ Miss Dale. i ke koikoi ana. a hui pu mai la no hoi ka Haku Baumona, ma ke koikoi ana i ka Lede Waka, e himeni, nolaila hiki ole ho la i ua wahine nei ke hookololohe aku, o kona ku mai la no ia, a hele ae la no ka piano.

 

     He wahine akamai ka Lede Waka i ka hookani piano, i hakalia no a kau kona mau manamanalima iluna o ka papa ki. o ke kapalili aku la no ia, o ka mea apiki nae, ua kuemi hope loa aku la ka nui o na malihini noloko o ke keena hookipa. mamuli paha o ko lakou kamaaina loa i ka hookani ana a ka Lede Waka, i ka piano, a pela pu hoi me kona himeni.

 

     Oiai hoi ka Lede Waka e hookani la i ka piano, ua komo mai la o Pilipo Daika, me ka hele loa ana mai, a ku iho la ma ka aoao o Leola, me ka pane ana mai o ua kanaka nei:

 

     "Pehea la e Miss Dale, ua loaa anei ia oe kekahi mau leo mele maikai loa maloko o keia mau pepa leo mele? Owau ponoi no ka mea nana i hoonohonoho i keia mau pepa mele, eia nae hoi, ua poina au i kahi i waiho ai, o na leo mele nani loa, me ka hele ana mai o ua o Pilipo no kahi i waihoia ai na leo mele, me ko Leola hahai pu ana mai mahope on a ma ke ano he hana paa rula ia, a mahope o ka lolelole ana iho o ua o Pilipo no kekahi manawa i na pepa leo mele. kamailio ae la:

 

     "Ua lako maoli, i ka loaa koke ana iho la ia'u o na mele a'u i makemake loa ai," wahi ana me ka lolelole ana ae i na aoao o kekahi buke, me ka hoikeike pu ana mai hoi imua o Leola. "Aole au i moeuhane mua, i ko'u wa i hoonohonoho ai i keia mau pepa leo mele, e hoea mai ana ka manawa a'u e hoikeike aku ai ia oe e Miss Dale."

 

     "Ke hoomaikai nui aku nei au ia oe e Mr. Daika."

 

     "Owau ka'u e olelo ae, no ko'u hoomaikai, no keia manawa no ka lilo ana ma ko'u aoao, ka hoikike ana aku i keia mau pepa leo mele."

 

     "No keaha iho la ke kumu?" me ka hoomanao koke ana mai o ua o Leola. i na mea a ke kauna wahine Hao o ke kamailiio ana aku iaia, no ka pipilipaa loa o ka noonoo o Sa Geofere maluna o Pilipo Daika.

 

     "No ka mea, ua piha loa au me ka hauoli, i ka ike ana aku i ka loaa ana ia oe o keia mau waiwai in a paha aole au, @ oe ka haku o keia kakela i keia la."

 

     "Pela no, aka mae, he mea no na'u e hauoli nei, i oi aku mamua o ka mea hiki ia'u ke hoakaka aku imua ou, no ko'u hooneleia ana mai me keia mau waiwai, no ka mea, pela wale no i hoea mai ai i ko'u ike ana ia oe e Miss Dale."

 

     "Ina aole au, ua maopopo loa, o oe ka haku o ke Kakela Lome nei," wahi hou a Leola me ka hele a haikea kona mau papalina.

 

     "He mea oiaio ia, aka na. heaha ka waiwai o ka loaa ana ia'u o keia kakela nani. in a aole he hauoli iloko o'u. Mai manao iho oe e Leola, aia he wahi manao lili iloko o'u, no ka lilo ana, o oe ka haku o keia kakela, he hookahi wale no mea nui loa iloko o kuu puuwai. o ia no ka ike aku i kou noho hauoli ana," alaila hoi iho la ka leo o ua kanaka nei a i ka nanahe loa. me he mea la e hawanawana mai ana. a mamua nae o kona hoopuka hou ana mai i kekahi mau huaolelo, ua komo e mai la ka Haku Baumona iloko, a i mai la:

 

     "E Miss Dale, ke hoomakaukauia mai la he mau pakaukau, no ka paani pepa hahau ana, ua makaukau anei oe no kela ano lealea?" wahi ana, me ka hoopiha loa ia aku o Pilipo Daika, i ka hoonaukiuki, no kela kahmahaia ana mai o ka laua mau olelo. oiai hoi o Leola i huli ae ai me ka haikea o kona helehelena, a paa aku la i ka Haku Baumona, ka mea hoi nana i hookomo aku i na manao hoohuoi iloko o ua haku opio nei. ua kamailioia kekahi mau olelo maikai ole e Pilipo Daika, pela iho la i hele ai a haikea ka helehelena o Miss Dale.

 

     Alakai aku la ka Haku Baumona no ke keena e ku mai ana o na pakaukau no ka paani pepa hahau ana, a mahope o ka hoohala ana o na malihini ma ka paani ana me ka pepa hahau, no hookahi hora, ua hoea mai la i ka wa e huli hoi aku ai na malihini no ko lakou mau home.

 

     Aia na kaa lehulehu ke kakali mai la mawaho o ka hale, ke nana aku, moe kaoo i kau a mea o ka hele a loihi ka laina o na kaa a iwaena o ka poe hope loa o ka haalele ana iho i ke kakela o Pilipo Daika ame kona kaikuahine, me ka Lede Waka kekahi, a oiai ko laua kaa e holo ana me ka malie, kulou aku la o Pilipo imua a ninau aku la i ka Lede Waka:

 

     "Pehea, ua kamailio aku nei anei oe ia Miss Dale, i na mea a kaua i kukakuka mua ai?"

 

     "Ua hooko aku au i ka hana au i hooili mai ai maluna o'u, a he mea na'u e kaena nei, no ka hiki ana ia'u ke hooko aku ia hana me ka makaukau apau i loaa ia'u."

 

     "Pehea, manao no anei oe. ua holopono kau mau hooikaika ana?"

 

     "Aole e hiki ia'u ke hooia aku imua ou e Pilipo, no ka holopono o ka'u mea i hooikaika aku ai," wahi a ka Lede Waka, me ka hoopinana ana ae i kona mau poohiwi a elua, a hoomau hou mai la i kana kamailio ana: "Ua hoolohe mai oia me ka maikai i ka'u mau olelo apau i kamailio aku ai imua on a, a ma kahi o kona haawi mai i ka minoaka, a i ole hoopinana ae paha i kona mau poohiwi, elike me ke ano o na wahine o ke kulana hanohano, ua lilo mai la oia i mea kupale no ka pono o Mr. Kinikele, a ma kekahi olelo ana ae hoi, me he mea la, e kapa okoa mai ana ola la'u i ka hoopunipuni."

 

     "Pupuku iho la ko Pilipo Daika mau ku'emaka, no ka holopono ole o ka hana ma ka aoao o kona kaikuahine, a o la kana o ka pane ana mai:

 

     "Alaila, manao anei oe, aole i manaoio mai o Miss Dale, i kau mau mea apau i kamailio aku ai iaia?"

 

     "Pela maoli no ko'u ike aku, no ka mea ia'u e noku aku ana i ka hoonuinui, no ka halawai mau o Mr. Kinikele me Pole Madena, ua olelo okoa mai oia, he kanaka keonimana oiaio loa o Mr. Kinikele, a o ka hoike oiaio no kana mau olelo, o ia no ka olelo ana mai, ua lawe aku ka Haku Baumona ia Mr. Kinikele i hoaloha oiaio loa nona."

 

     "Ea, o ka haku Baumona anei kekahi ma ka aoao'e kokua ana ia Mr. Kinikele?" wahi a Pilipo Daika, me ka pupuku hou ana iho o kona mau maka.

 

     "Ae," wahi a ka Lede Waka, me ka nui ana iho o kona hanu. "Ma ka'u koho aku, aia ka pilikia nui, e pohihihi ai ka holopono o na mea a kaua i hoolala ai, ma'o ke komo ana mai la o ka haku Baumona. O kela manao hoohuoi ou no Kinikele, ke kauwa a Miss Dale, manao au, aole he hopohopo ana ilaila, aka aia ka hopohopo no ka Haku Baumona. Auhea oe e Pilipo, aole keia he wahi hana maalahi i ka nana aku, elike me ia a kaua i manao ai i kinohi, aka he paio hahana loa keia, e konoia mai ai oe e haawi i kou piha maalea apau, i wahi e kaa ai ka lanakila ma kou aoao."

 

     "Ua ike au i ke ano o ka'u mea e hana nei, a ua paa loa kuu manao, e hoea mai ana ka lanakila ma ko'u aoao."

 

    "Pehea, aia anei he mau kumu ano nui loa. i paa ai kou manao no ke kaa o ka lanakila ma kou aoao?"

 

    "Pela ko'u manaoio, e paa malie loa ana nae au i ka'u mau kumu maikai loa. a i kuu wa e ike ai, o ka manawa maikai iho la ia, e ike auanei ka mea e hoao mai ana e paio me a'u. i kona ku i kahi o ka hoka," alaila haawi mai la o Pilipo he minoaka, o ka mea i piha i ka epa, a kona kaikunane, a o ia kana o ka pane ana mai:

 

     "Ke lana nei ko'u manao, aole oe e Pilipo, e hana aku ana i kekahi mea e hoohaahaaia ai kou inoa maikai."

 

     "Heaha ke ano maikai ole au e kamailio mai nei a Pilipo?"

 

    "Mai ninau mai oe ia'u e kuu kaikuahine, aole au e hoike aku ana ia oe i keia manawa. He hookahi mea au e noonoo iho i keia wa, aia ma ko'u aoao ka lanakila, me ka nana ole i ke ano o ia lanakila e loaa aku ana ia'u."

 

     "Mai pupuahulu oe e Pilipo, ma kau mau mea apau i noonoo ai, o hoea mai auanei i kou wa e mihi ai," wahi a ka Lede Waka, me ka paa ana mai i kekahi lima ma ka poohiwi o Pilipo.

 

     Papale ae la o Pilipo i ka lima o kona kaikuahine, mai kona mau poohiwi ae, no ka mea aole on a hoihoi iki i na olelo hoopohala a kona kaikuahine, a o ia kana i pane mai ai:

 

     "Ke ice nei au, ua hele oe a piha me ka pihihoi, mamuli paha o ka'u mau olelo o ke kamailio ana aku nei. E hoolana i ka manao e kuu kaikuahineo a e waiho mai oe i na mea apau maluna o'u, owau no ka ike i ke alahele e hiki ai ia'u ke hoohoka aku i ko'u mau hoa paonioni ma keia hana nui."

 

MOKUNA XVL

 

     Aia kekahi olelo noeau a na kanaka Paniolo o kela au kahiko, e olelo ana: "e waiho aku na ke Akua e kaupaona i ka mea pono, e lilo ana nae ia i mea e hoka ai kekahi."

 

     Aole i maopopo i ka mea kakau moolelo, kahi i loaa mai ai o keia olelo noeau, ua like aku kona naauao me Solomona, me ka pilipono loa o keia olelo noeau i ke Kakela Lome, a kaua e ike aku ai ma keia hope aku.

 

    Malalo o ka hookele ana a Leola, i kona mau waiwai, na ike maoli ia ka holopono, ka mea i ike mua ole ia pela, eia ike maoli ia ka holopono, ka mea i ike mua ole ia pela, eia nae, ua lilo ia  holomua i mea e hoehaehaia aku ai ka manao o kekahi mea.

 

     Oiai o keia ka manawa mua loa i lawe ae ai o Leola, i ke ko'iko'i o ka hoohana ana i kona waiwai, ua hoike mai oia i kona makaukau maoli, o kekahi kumu, mamul no ia o ka loaa ana iaia o ka hoonaauao kiekieia; no ka mea i ka manawa a Mr. Foda, e hoakaka mai ai iaia i na mea pili loa i na waiwaipaa, ua hiki loa ia Leola ke hoomaopopo aku me ka pohihihi ole.

 

     Ma ka manawa malalo o Sa Geofere, ka hoohana ana i ka aina hanai holoholona, aole loa oia i ike iki, i ka pomaikai o kela hana , aka nae, i ka wa i kaa aku ai ka hoohana ana malalo o Kikila Kinikele, ua hookahaha loa ia aku ka manao o Mr. Foda no ka holomua, me ka lilo no na kela aina e uku i kona mau hoolilo ponoi iho, me ke koe o kekahi puka mahuhua i kela ame keia hapaha o ka makahiki.

 

     Ua lilo nae keia holomua loa o ka aina hanai holoholona, malalo o ka Kikila hoohana ana, i mea maikai ole loa i ka manao o Kalaina, ke poo kuene. O keia kanaka ka mea nana e malama ana i ka aina hanai holoholona, i ka wa e ola ana o Sa Geofere, a i kona make ana aku, ua mau no ka hoohana ana o Kalaina i kela aina, a o ka mea oiaio loa, o na pomaikai e loaa ana mai kela aina mai, ua holo pololei aku ia i keia kanaka, me kona aihue ana mai na loaa like ole mai, a lawe nona iho.

 

     He mau manawa lehulehu no ka Sa Geofere o ka nana ana i kana mau buke moohelu waiwai, a oiai nae he kanaka nui kela o ke dala, aole oia i hoopau manawa wale, ma ke kuekaa ana aku i kela ame keia itamu, aka ua manaoio mai oia, i na mea apau a Kalaina, e kamailio aku ai iaia.

 

     He hookahi wale no kanaka i maopopo i kela mau hana aihue a Kalaina oia no o Pilipo Daika a oiai nae, aole na Pilipo kela mau dala mahuahua a ke poo kuene e aihue mau ana. nolaila ua noho hamau loa oia, no kona ike e hoea mai ana a ka la, e hoolilo aku ai oia ia Kalaiaina, i mea paahana no ka hooko ana i kona mau manao lapowale.

 

     No kekahi manawa loihi, kela hoomau ana, o Mr. Kalaina i kaaihue, me ka loaa ole aku o na manao hoohuoi iloko on a, ua ikeia kana hana kolohe, aka nae, he mau mahina mamua o ka make ana aku o Sa Geofere, ua hele holholo wale aku la no o Pilipo no ka hale e noho ana o Mr. Kalaina, me ka loaa ana aku o ua kanaka nei, e hooponopono ana i kana mau buke moohelu waiwai..

 

     Ua hookipaia aku la o Pilipo Daika me ka hauoli e Mr. Kalaina, mamuli o ka ike ana mai o ke poo kuene, he hoaloha pilipaa loa o Pilipo no kona haku, mahope iho o ko laua hoohala ana i kekahi manawa, ma ke kamailio ana, ia wa i hoohele aku ai ka Pilipo kamailio ana ma kahi o na mea a kalaina i hana ai:

 

    "He keu maoli ka makepono o kela mauu maloo au o ke kuai hoolilo ana aku ia Keoni, ke kanaka lawelawe e Mr. Kalaina."

 

    "Heaha auanei ka makepono, o ke kumukuai maa no ia e kuai mau ia nei o ka mauu e Mr. Daika.

 

    "Pela anei ka mea oiaio?" wahi a Pilipo Daika me ka lulu ana aku i ka lehi o kona ciga. "Ma ka'u ike hope ana i kau buke moohele waiwai, he ekolu wale no paona ana i uku ai no ka piha ka hookahi."

 

     "He ekolu i'o anei  paona e Mr. Daika?" wahi a Mr. Kalaina, ma ke ano hookuoo, me he mea la, aole he pololei o ka ekolu paona i hookomoia iloko o kana buke.

 

     "He ekolu paona i paa maloko o ka buke o ka mea oiaio loa nae, he eha paona a Mr. Keoni o ka uku ana mai, no ka piha kaa mauu hookahi.

 

     No ka ike o Mr. Kalaina ua loaa pono kona kolohe ua loliae la kela helehelena hoihoi on a, a ke nana aku, ua hele a kunahihi a pane wale mai la no, ma ke ano e manaoia aku ai, aole he kolohe iki iloko on a:

 

     "Ina he ekolu paona o ka piha kaa mauu hookahi ea, alaila ua hewa kela e Mr. Daika, ua hiki loa ia'u ke hele aku e ike ia Sa Geofere, a hooponopono hou i ka huahelu, i kakau hewa ia e a'u."

 

     Pahola ae la ka minoaka ma na papalina o Pilipo Daika no kona ike, ua loaa pono iaia ke kolohe, alaila i mai la:

 

     He keu no paha kou piha maalea e Mr. Kalaina. No na mahina he umi kumamalua ae nei i hala, ua lilo kekahi manawa nui o'u ma ka hale, i manawa e nana ai i kau mau buke, a ua maopopo loa ia'u aole wale no o na mauu a Keoni i uku mai ai kau i hana hewa ai, aka o na itamu no apau, ma ka aoao akau o kau buke a ma ka aoao heme hoi, e pololei mau ana ia, a i ka houluulu ana o na hewa i hanaia e oe iloko o ka makahiki holookoa, ua hiki aku ma kahi o ka ekolu ame ka eha haneri paona, ua komo ia iloko o kou mau pakeke."

 

     Aole e hiki ia Mr. Kalaina ke alo ae mai ka loaa pono ana aku o kona kolohe, nolaila, ke naka la kona mau kuli me ka haalulu, ua hele mai la hoi kona helehelena a haikea pu o ia no oe o kekahi pepa keokeo ke nana aku , a pane mai la nao ua kanaka nei, me ke ano hookanaaho wale no:

 

     "Malia paha ua kuhihewa oe e Mr. Daika," wahi ana me ka aneane hiki pono ole ke pane mai i kela mau olelo.

 

     "Ua maopopo no ia oe e Mr. kalaina, aole loa au i kuhihewa; aka aia ma kahi o ka ekolu a eha haneri paona o na dala a kou haku, au i aihue ai iloko o ka makahiki a oi aku no paha i kekahi manawa."

 

     Hoao ae la o Mr. Kalaina e ku iluna mai kona noho ae, aohe mnae e hiki, ua like na olelo a Pilipo i kamailio aku ai iaia no kona kolohe, me kekahi ukana kaumaha loa, i kau iho maluna o kona mau poohiwi, a pane ae la me ka leo o ke kanaka, iloko o ka pilikia:

 

     "E aloha mai oe e Mr. Daika ia'u!"

 

     "O ka mea pololei maoli, e hoopaaia oe maloko o ka halepaahao no na makahiki elima me ka hana i na hana ikaika." alaila hilinai mai la o Pilipo ihope kekahi noho, me ka nana pono ana aku a Mr. Kalaina, oiai ua kanaka nei e pupue mai ana i kona noho. "Malia paha ua nui loa no kela mau makahiki elima, a pehea no hoi, in a i ekolu makahiki kou hoopa'i?"

 

     "O, e aloha mai oe ia'e e Pilipo Daika," i uwalo okoa mai ai o Kalaina me ka pahola ana mai i kona mau lima a elua imua o Pilipo. "Ua oiaio na mea apau au i kamalio mai nei, aole e hiki hou iho ia'u ke huna i ka mea oiaio, aole nae au i manao, ua hiki aku ma kahi o ka ekolu haneri paona a'u i lawe ai, mamuli o ka'u mau hemahema i hana ai maloko o na buke."

 

     Ma kela wahi, i noke okoa ae ai o Pilipo Daika i ka akaaka, no kona ike mai, ua lilo o Kalaina he pio nana, me ka pane ana aku:

 

     "Aole loa he aloha iloko o'u no na kanaka hupo elike me oe e Mr. Kalaina. Manao no anei oe e hiki ana ia hana kolohe au ke ku mau me ka ike ole ia? Ina no ka hoea kino ae o Mr. Keoni imua o Sa Geofere. a hoohalahala aku, no kona uku ana he eha paona no ka piha mauu hookahi, pehea iho la ia?"

 

     "Aole o Sa Geofere, he kanaka maa i ka nana ana i na buke moohelu waiwai."

 

     "Ma ke ano nae, he hoaloha au no Sa Geofere, ua hiki ia'u ke nana i kela mau buke, a ma ia ano iho la no hoi, i loaa pono ai ia'u kou kolohe, pehea iho la ia?"

 

     Hiki hou ole aku la ia Kalaina, ke noho malie, oiai ua ahuwale kana mau hana apuhi i kona haku nolaila hoohehee okoa mai la oia, mailuna mai o kona noho ahiki i ke kukuli ana aku imua o Pilipo, a hoomaka hou mai la e uwalo no kona pono:

 

     "E hoopakele ae oe e Pilipo ia'u, ke ae aku nei au me ka oiaio loa, ua hewa loa au elike me kau mau mea i ike ai maloko o na buke moohelu waiwai. Ke waiho aku nei au ia'u iho malalo ou, me ka makaukau e hana aku i kau mau mea apau i makemake ai, in a e huna ana oe i kela mau mea a'u i hana ai."

 

     Ke ae i'o mai nei anei oe i kou hewa? I hoIike no ia ae ana ma kou aoao, ke makemake nei au e kakau aku oe maluna o kekahi apana pepa, i ka'u mau mea apau e kamailio aku ai."

 

     Kokolo aku la o Mr. Kalaina ahiki i kahi e ku ana o ke pakaukau, a i ka waiho ana o ka pepa imua o kona alo, lalau akula i ka peni me ka paa ana e iloko o kona mau manamanalima haalulu, a o ia ka Pilipo i kauoha aku ai iaia e kakau ihuo:

 

     "Ke ae nei au, ua lawe au i na dala ma ke ano aihue mai kuu haku Sa Geofere mai, i kela ame keia manawa, i hiki aku ka huina, ma kahi o na haneri paona."

 

     "E kakau iho oe i kou inoa, malalo ona manao maluna ae," i kauoha akuai o Pilipo Daika.

 

     Ke kanalua la o Mr. Kalaina, i ke kakau ana i kona inoa, me ka nana ana mai ia Pilipo a i mai la: "Heaha kau mea e hana aku ai me keia pepa? Ina e kaa aku ana keia pepa malalo o kou malu, o ko'u komo ana aku no ia iloko o ka poino."

 

     "Ina no aole keia pepa, ua hiki loa ia'u ke hoopilikia aku ia oe ma na ano apau.

 

     "Ae, ua maopopo ia'u ia mea, aka nae, heaha kau mea e hana aku ai me keia pepa? Ina e hoole aku ana au i ke kakau ana i ko'u inoa, malalo o keia palapala, pehea iho la ia?"

 

     "Ina aole oe e kakau ana i kou inoa alaila ua hiki loa ia'u ke hele aku imua o Sa Geofere, a hoakaka aku imua ona, i ke ano o kau mau mea i hana ai ai no kona mau waiwai, a imua on a oe e noi aku ai, i kana mau huikala ana mai. Ua ike no oe, aole loa o Sa Geofere, he kanaka e huikala ana, ke maopopo iaia, ke ko'iko'i o keia hewa au i hana ai. E kakau iho oe i kou inoa malalo o kena pepa a haawi mai ia'u a maloko nei a kuu pakeke e waiho ai. E hoohana ana paha au i keia palapala, aole paha, e nana aku nae kaua, ua ili iho maluna o'u ke ko'iko'i, o ka imi ana mai i ke alahele e hiki ole ai ia'u ke hoohana i keia palapala au i kakau ponoi ai me kou lima."

 

     "E kakau i'o aku au i ko'u inoa, a ke hoohiki aku nei no hoi au imua ou, ua makaukau loa au e hooko aku i kau mau kauoha apau."

 

     "E kakau i'o aku au i ko'u inoa, a ke hoohiki aku nei no hoi au imua ou, ua makaukau loa au e hooko aku i kau mau kauoha apau."

 

     Ua maikai kena mea au i hana mai la. E hoomanao nae, aole au i noi aku nei ia oe, no ka hana ana mai i kekahi mea, a malia aole loa no paha he mea au e hana mai ai ma keia mua aku, aka nae in a e hoea mai ana he wa ma keia mua aku, a'u i makemake ai ia oe, alaila e hoomanao i keia palapala a'u e papa nei."

 

     Ma kela wahi o na kuka'i olelo ana mawaena o Pilipo Daika ame Mr. Kalaina, i huli hoi aku ai o Pilipo no kona home, me ka holopono loa o kana mau mea apau i makemake ai, a noho iho la no Iroi o Mr. Kalaina, me ka hiki ole iaia ke hoopoina, no kela palapala ana i kakauinoa ai, e hoike ana i kona hewa, o ka lawe aihue ana i na dala a kona haku.

 

     Aole loa he manawa a Pilipo Daika i hoohana ai i kela palapala oiai o Sa Geofere e ola ana, a oiai he mau manawa lehulehu no i halawai pu aio Pilipo Daika me Mr. Kalaina , aole no he mau mea i kamailio hou ia, e pili ana no kela palapala koe wale no nae, ka maka'u mau o Kalaina ke ike aku ia Pilipo.

 

     Ma ka po mahope mai o kela paina i haawiia e Leola, ala no o Mr. Kalaina maloko o kona home kahi i noho ai, e kau ana no kona ipupaka ma kona waha a e ku ana hoi he kiaha gini me ka wai ma kona aoao, ei nae i ka nana aku i ua kanaka nei, aole i lilo ke ala o ka uwahi o kona ipupaka ame ke kiaha gini. i mea'e hoohauoliia aku ai oia.

 

     O ka mea oiaio loa, aole ia mea he hauoli iloko o ka noonoo o Mr. Klaina mai kela manwa mai o ka loaa pono ana o kona kolohe ia a Pilipo Daika a mumuli wale no o kona hoolalau ana, a hui pu iho me ka ike mau ole aku ia Pilipo, pela iho la i hoomamaia mai ai kona manao. Pehea nae ka nui o ka hoopilikiaia o kona noonoo, no kona kaa ana aku malalo o ka mana Pilipo Daika, ua hooi loa ia ae kona piliki i ka wa i hoea aku ai o Kikila Kinikele, a lawe ae la i ka noho luna.

 

     I kinohi o ko Kikila noho hana ana aku aole loa he hoihoi iki o Mr. kalaina iaia, aka mahope mai, i kona hoohiki okoa ana, e hana aku ana oia ma na ano apau e hiki ai i kona mana hooko aua no ka hoopilikia ana ia Kikila.

 

MOKUNA XVII

 

     Ma ka manawa i noho lunanui aku ai o Kikila no ka aina hanai holoholona, aole wale no maluna o na holoholona kana hana; aka ua makaala pu aku oia i na kumukuai o na mea apau e hooliloia ana aole no hoi malaila wale iho la no pau aka ua komo loa aku kana nana ana i ka poe i noho hoolima lima ana malalo o ka waiwai o kona haku wahine ma keia ano iho la i maopopo ai iaia ka nui o ka loaa i kela ame keia mahina.

 

     Aole ma na kumukuai o na waiwai e hooliloia ana ka Mr. Kalaina apuhi ana i kona haku, aka o na hoolimalima no kekahi, nolaila i ko kikila komo ana aku e hokai ma na hana a ua kanaka nei i manao ai, oia ka haku ma na mea apau, ua hooi loa ia ae kona hoowahawaha no Kikila, e hiki ole ai i ka mea kakau moolelo ke hoakaka ae.

 

     Oiai hoi ua o Mr. Kalina e puhi ana i kona ipupaka a e pii mau ae ana hoi i kona kiaha gini i kela ame keia manawa, ke hoohana la oia i kona lolo, i wahi e kau aku ai kekahi poino maluna o Kikila , a e kaawale loa aku ai kela kanaka mai kone noho ana he lunanui no ka aina hanai holoholoma.

 

     Ilokoo kela mau la o ka noho pouliuli ana o na kanaka, he hana maalahi loa na Mr. Kalaina, ka hoomakakui ana ia kinikele ma kekahi manawa o ka po, a e ka o kona enern@ e maalo ae ai imua on a e ki aku oia i ka pu a make me ka au malamalama, he hana hiki ole ia, no ka mea e lilo ana no i mau kumu hoohuoi, in a nei no ka make o Kikila, aole ana e nana i pepehi aku is Kikila make a make, no kona hoihoi ole i kela kanaka opio.

 

     "O ka iini iloko o'u e noho aku nei, o ia no ko'u ike ana aku, e willis ana ke poo o keia kanaka, e ka huila wai," namunamu wale ae ai no ua o Mr. Kalaina. "No kela haku wahine , aole o'u hoihoi iki iaia aka nae, ua paumi ia ae ko'u hoowahawaha no Mr. Kinikele, alaila ku'i iho la oia i ke pakaukau me ka ikaika a no kela nakeke o ke pakaukau aole oia i ike aku i ka weheia ana mai o ka puka o kona hale iaia o ka nana ana mai ma kekahi aoao o ke pakaukau ua puiwa ae la oia me ka hikilele i kona ike ana aku ia Pilipo Daiks e ku pono mai ana imua o kona alo.

 

     "He nui ka makani ame ka ua ma kela po, nolaila ua hoea mai o Pilipo Daika me kekahi kuka koloka hele-ua, a ua lilo ka makani ame ka ua i mea ole i ua kanaka nei aia hoi ka minoaka ma kona mau papalina, iaia i ike mai ai i ka pioo o Mr. Kalaina.

 

     "O ke aloha ahiahi no kou e Mr. Daika, wahi a kalaina o ka pane ana mai, me ka lalau pu ana aku i kekahi noho, a uwai mai la no Pilipo Daika.

 

     "Ae, o ke aloha no kou e Mr. Kalaina. Ke ike nei au aole au hana e ae, o ka hoohauoli wale no ia oe iho. Manao mai nei ka hoi au, eia no la oe ke Kakahui ae nei i kau mau buke moohelu waiwai"

 

     "He hookahi no a'u hana e hoohauoli nei ia'u iho, o ia ka hoopiha ana i ko'u ipupaka, me ke kiaha gini."

 

     "O kau hana wale iho nei paha ia o ka inu no kekahi manawa loihi, aole no he wahi i koe i ka pau no ia o keia omole ia oe. He keu maoli aku no oe e Mr. Kalaina, a ka inu hookina i ka rama."

 

     Minoaka ae la ua o Mr. Kalaina , a i mai la: "He po hu'ihu'i keia, aole anei hoi he mea maikai kou inu aua aku i mau kiaha gini, i pumehana aku ai kou kino?"

 

     Hoole aku la o Pilipo, aole on a makemake e inu i kekahi rama, molaila aole o Kalaina i kii aku i kiaha hou no kona hoaloha.

 

     "He hana nui hoi keia au o ka hoea ana mai nei e Pilipo i keia po?" wahi a Mr. Kalaina, me ka nana pono loa ana mai ma ka helehelena o Pilipo.

 

     "I hele wale ae nei no au i ka holoholo i keia po a no ko'u ike ana mai nei e ike ia oe, no ka manao no hoi kekahi eia no paha oe ke hoopapau nei i kau mau buke moohelu waiwai, malia hoi o hiki ia'u ke kokua aku ia oe. Pehea, he o ia mau no anei ka hewa o kau mau buke, elike me kela wa e ola ana o Sa eGeofere?"

 

     No kela ninau ma ke ano hoomaoe mai ia Pilipo aku, naka ae la ke kino o Kalaina i ka haalulu, oiai o keia ka manawa mua loa a Pilipo i kamailio aku ai iaia, no kela kumuhaua kahiko loa, mahope iho o kona kakauinoa ana i kekahi pala pala e ae okoa mai ana i kona hewa aihue i na waiwai o kona haku.

 

     "Aole," wahi a Mr. Kalaina, me ka hoao ana mai e minoaka, o ke ano hoowahawaha nae ia Pilipo. "Aole e hiki ia'u ke hoohana aku i na mea i maa ia'u no ka mea ua oi loa ae ka makaala ia i keia wa."

 

     "Alaila he nana mau anei ko haku wahine, i kau mau buke moohelu waiwai apau?" wahi a Pilipo, me ka hakilo pono loa ana mai ma na maka o kona ho olelo.

 

     "He nui ka poe na lakou e nana, in a aole na kela haku wahine ponoi alaila na kela kanaka lapuwale nana e noho lunanui nei i ka aina hanai holoholona," wahi a Kalaina, me ka nei?"

 

     He hoaloha i'o ae la ka kela kanaka nou e Pilipo! Mai hoao oe e pulapu mai ia'u ua maopopo no ia oe. o kela kekahi o kau mau kanaka hoowahawaha loa, ua hiki i na mea apau i kamaaina i kou ano, ke ike mai."

 

     "Ma ke ano hea, aole he maopopo ia'u, ke ano o kau mea e kamailio mai nei e Mr. Kalaina."

 

     "Penei no ia, a'e lohe oe i ka mea oiaio loa," wahi a Kalaina, me ka ueue ana ae o kona kino me be mea la ke hauoli la oia, i ke kamilio ana mai i kekahi mea maikai ole, no ke kanaka i noho mana mai maluna on a. "O ke kanaka elike me oe e Pilipo, aoele ou makemake e ike aku ia Kikila ma ke kulana ana e paa nei i keia manawa. Iloko o na la i hala, he kanaka nui loa oe ma ke kakela Lome, aka i keia manawa, o Mr. Kinikele ka mea nui mamua ou, a ma na mea i kamailioia mai ia'u ua noa i kela kanaka na wahi apau o ke kakela. aole loa he rumi kapu iaia, a ua hiki no ia'u ke olelo ae, aia ka noonoo nui o Miss Dale maluna on a, no ka mea e ui mau aku ana oia ia Mr. Kinikele, i kana mau mea apau e makemake ai, a e hoolohe ana no hoi o Miss Dale i na olelo a kela kanaka no ka mea ao Kinikele, ka mea nana e kauoha aka ia Miss Dale, i kana lio e kau ai a o ka mea oiaio, ua hoolohe loa a Miss Dale I ke kauoha a Kinikele, aole e kau maluna o kela lio au i haawai."

 

     Haalele aku la o Pilipo Daika i ka noho, a noho mai la ma kaniao o ke pakaukau, oiai oia e hoolohe mai ana i na olelo a Kalaina me ka minoaka ma kona mau papalina, a i mai la:

 

     "Alaila no ko'u pono anei, i hoowahawaha ai oe no kela kanaka ea? Ke haawi aku nei au i ko'u mahala kiekie loais oe e Mr. Kalaina, aole loa e hiki ia'u ke hoopoina I kau mau mea i kamailio mai nei. Ua kamailio mai nei oe ia'u no kela mau la kahiko na la e ola ana no o Sa Geofere aole anei oe i poina i na kana o ia mau la?"

 

(Aole i pau)