Ka Nupepa Kuokoa, Volume LVIII, Number 50, 10 December 1920 — Page 7

Ka Nupepa Kuokoa

KE KILOHANA POOKELA NO KA LAHUI HAWAII.

HE MOOLELO NO

Elese, ka U‘i Nohea i Liliia

A I OLE

Ka Ipo Aloha a ke Kanaka Waiwai

 

"Oia, na‘u kena leka," i pande aku ai ka wahine i piha me na manao pihoihoi. "Mai a wai mai nei kena leka o ka hooana ia ana mai nei?" He leka pili anei kena no Else?"

"Aohe au i ike i ka mea nana i kakau kena leka, o ke kauoha wale no e lawe mai au i kena leka ianei ka i haawina mai ia‘u e kekahi mea i maopopo ole ia‘u, wahi o ka pane a ke kanaka elemakule a o kona oili koke aku la no na iwaho mai ka holo aku ano pouliuli ana no ia manawa.

"E mama, wehe ae oe i kena leka a nana iho na manao i kakuia," i noi mai ai o Kete.

O ko Mrs. Beranadona uhae ae la no hoi ia i ka wahi me na lima e haalulu ana a heluhelu ae la a nui leo i lohe mai o Kete, a i ka hope loa iho la oia i kona leo, no kona @iha kaumaha loa iho la ia manawa.

"E mama! O Elese!" i hooho mai ai o Kete me ka leo mai o ka mea i piha ke kaumaha.

la minuke me he mea la he mea kaumaha loa kekahi i hookauia iho maluna o na poohiwi o Mrs. Beranadona; me he mea la ua oi loa aku kona luahine ia minuke mamua o ko na manawa e ae mamua aku ; kulou iho la kona pooilalo a ke lewalewa lano hoi kona mau lima ma kona aoao, a i ka hala ana o kekahi mau fninuke o kona lulumiia ana @ na manao ulupuni i ke aloha i awili pu ia me ka inaina, aea ae la kona poo iluna, a hele mai la a ku ma ka aoao o ke kaikamahine me ka pane ana iho me ka leo kuoo, aka nae me ka piha i ka ehaeha i ka i ana iho :

"E Kete, ohe o‘u manaoio i na mea i hoakakaia maloko o keia leka, aka nae, e hele au i mea e ikeia ai o ka oiaio. Aole e ae mai ana ke Akua i kela kaikamahine maemae hala ole e hoopoinoia oia ma kekahi ano. Eia ka‘u kauoha ia oe, oiai au e hele ana ea e noho oe ma ka hale nei a e pule me ka ikaika ame ke kuio.

"Ina pela, e lawe pu aku oe i na wahi kenikeni a kakou apua me oe, aohe i ikeia aku ka hele mai o ka poe pakaha a aihue o ko‘u noho hookahi iho me ka hiki ole ia‘u ke hana aku i kahi mea, o ka lilo aku no ia a pua loa. O kekahi no hoi in a no kou halawai me kekahi ulia ma ke ala ua loaa ka mea nana e hoopau ae i kou pilikia. Hoolimalima aku i kekahi kaalio ina no kou manao me ia kaalio e hikiwawe aku ai oe i kela hale i kuhikuhiia mai la.

"A eia hou, in a, e mama, in a he oiao ka hoakaka a kena leka, in a ua apuhiia oia a ua hoopoinoia oia, mai hana aku oe i ka mea i oi aku mamua o ke aloha, aka, e hoomanao oe e pono kaua e aloha aku iaia a oi aku mamua o ko na manawa i hala. O, e kau aku maluna o ka mea e hoopoiona ana a i ole i hoopoino iaia na ahewa ana a pua a ka Mea Mana Loa no ka hoopoinoia ana o ka ino maemae o kekahi kaikamahine hala ole!" wahi a Kete o ka pane ana mai i ka makuahine.

Aohe pane aku o Mrs. Beranadona no ia mau olelo a ke kaikamahine aka kunou wale aku la no kona poo me ka leha iki wale ana aku no. O ka lalau aku la no ia o ka makuahine i kona papale ooma ame kona koloka hoopumehana, hookomo iho la i kaua wahi ekedala me na wahi kenikeni liilii iloko o ka pakeke, lele aku la e honi ia Kete, a kaha aku la hele me ke pani ana aku i ka puka mahope ona.

Aohe ana noonoo ana ae no ka hele ana aku e hoolimalima i kaalio, no ka mea,, e holo ana ke kaa uwila o ke alanui ia manawa i kona manawa i hoea aku ai i ke alanui ekolu, o kona awiwi aku la no ia a kau iluna o kekahi kaa a holo aku la no kahi o ka hale i hoakakaia maloko o ka leka.

O kahi o na hael a Elese e noho ana i kuhikuhiia maloko o ka leka he mamo loa mai kahi aku o ka laina kaa uwila nolaila i kona hoea ana aku ma kekahi kihi alanui, ua lele iho la oia ilalo a hoomaka aku la ka helewawae ana ma ka aoao o ke alanui, me ka makaala mau i ka nana i ka helu o ka hale i hoakakaia mai ai iaia ma ka leka.

Aole no i liuliu loa ia wahi i hala mai iaia o ka hele ana aku hoea aku la ioa i ka hale, o ka helu o ka pa i hoakakaia maloko o ka leka e kau mai ana ma ka pukapu nolaila noonoo iho la oia ua pololei na mea i hoakakaia maloko o ka leka.

Oiai oia e hele ana a e nana ana i ka helu o na pahale pohe ana nana ana iho i ka leka, no ka mea, ua paanaau loa iaia ka helu i hoikeia mai ai. a oka lua no hoi ia o ka hale mai kekahi kihi mai o ke alanui. I ka loaa ana o ka hale iaia o kona komo aku la no ia a nana aku la i ka inoa e kau mai ana ma ka pahuleka. O Kalaka ka inoa o ka mea nana ia pahuleka, a ia manawa ua hookuhau ia iho la oia malia ua huhewa kana hale o ke komo ana aku, aka, no kona hoomanao loa no ia iluna o ka lanai, me kona noonoo pu iho la in a paha oia e hookani aku ana i ka @ele e puka mai ana kekahi mea me ka huhu a kipaku mai iaia no ka mahaoi hele ana aku ia hale, a hoopuka mai i kekahi mau olelo hailiili e eha iho ai oia a kipaku pu mai iaia e hele.

Aka nae, me kela manao ikaika iho la iloko on a o kona kaomi aku la no ia i ke pihi aohe nae me ka ikaika loa no ka mau no o kela manao kakanalua iloko on a. I kona ike ana aohe hamumu mai oloko o ka hale noonoo iho la ioa aohe paha i ikaika ke kani ana aku la o ka @ele e hoalaia aku ai ka hiamoe o ka poe oloko o ka hael, nolaila hookani hou aku la oia no ka lua o ka manawa. Kakali iho la ioa no kekahi minuke no ka paneia mai o kana kahea. No ka hala ana o kekahi manawa me kona lohe ole aku i ka hamumu mai maloko, kaomi hou aku la oia i ke pihi me ka ikaika, me kona piha i ka manao koa ia manawa.

He mink paha ma ia hope iho weheia mai ana ka puka ma kekahi ano kupanaha loa. Ua loaa mau ka manaolana ia Mrs. Beranadona e paneia mai ana kana kahea maloko mai o ka ohe kamailio, eia nae, aohe leo o ia ano i puka mai. nolaila o kona pii okoa aku la no ia no ka hale maluna.

Laia i kau aku ai i luna, o kona komo aku la no ia a papani hou mai la i ke panipuka a paa mahope on a. O ka mea kupanaha loa i kana noonoo iho iloko o kela kani loihi o ka hele ana o ka hookani ana aku, aohe nae hookahi mea i oili mai a niuau mai iaia no kona makemaek o ia hoea ana aku a iole nonoi aku paha no ka aeia ana mai e komo aku.

Oiai oia e ku ana ma ke poo o ke alanuipii, he mau kapupi kakaikahi wale no ka mamao o ka puka mai iaia aku, ke ku la oia me ka lelele o kona oili heaha la maloko aku o ka puka a owai la ke oili mai ana e hui me ia,

la manawa ua weheia mai la ka puka o ka lumi oe a oili mai ana kekahi mea a ninau mai la: "O oe mai la anei ia e Hale?"

 

 

Naka ae la ke kino o ka makuahine ia manawa a pili iho la kona mau maka. Ua lohe pono loa aku la oia i ka leo o Else, kana kaikamahine.

"Owai oe? Heaha ko makemake o ka hele ana mai la ianei?" i ninau mai ai o Elese me ka haalulu o kona leo ia manawa.

"O, e Elese, kuu lei o oe anei ia?"

"O, mama, mama!" wahi a Elese o ka hooho ana mai.

Pale loa ae la oia i ke panipuka a hamana, a oili mai la a ku ma kahi o ka puka me kona aahu moe po e paa ana ma kona kino ua like oia me kekahi anela.

O ko ka makuahine hele aku la n oia me ke ano hikaka a hopu aku la i aElse i paa mai ai o Elese iaia, aole e hina iho ma ka paepae puka.

"O mama, pehea i pololei mai nei kou hele ana mai ianei, a hawai i kuhikuhi aku nei ia oe ianei au e loaa mai ai ia oe?" i hawanawana iho ai o Elese.

"Pehea hoi oe i hiki ai i keia hale, e else?" i ninau aku ai ka makuahine me ka leo haalulu.

O ko Elese papani mai la no ia i ka puka. la manawa aohe on a hilahila a maka‘u paha, aka aia nae maloko o kona naau ka ehaeha, oia wale no ae. Ua ehaeha loa oia ia manawa no kona noonoo ana iho aia iloko o kona mama kekahi manao hoohuoi nona ua haulehia oia i ka hewa, a he kuleana no nae ko kona makuahine e noonoo iho ai pela.

"Ua manao paha oe ua haulehia au i ka hewa, e mama. ea?" i ninau mai ai o Elese oiai oia e alakai aku ana i ka makuahine noloko o ka rumi moe," e manaoio mai oe i ka‘u e hoike aku nei ia oe aohe wahi kiko eleele iki maluna o‘u, aole ma kuu kino a aole no hoi ma kuu inoa.

"He wahine au i mareia i nei manawa, e mama, i ohe mai oe. Ua hana au i ka'u olelo hoohiki aole au e hoike iki aku ia mea i kekahi mea, a aole no hoi ia oe, aka nani hoi ia ua hoea kino mai la oe ianei i nei manawa, me kou mau maka ame kou leo e hoahewa mai nei ia‘u olelo hooiki aole au e hoike iki aku mea i kekahi mea, a aole no hoi ia oe, aka nani hoi ia ua hoea kino mai la oe ianei i nei manawa, me kou mau maka ame kou leo e hoahewa mai nei ia‘u no ko‘u hewa, ke ike nei au e hoomama mai ana no na Lani ia‘u mai ka‘u hoohiki ae."

"Owai kau kane o ka mare ana?"

"O Hale Venona ka hoalui o Mr. Harisona, ke poo o ka hui a Harisona & Co."

"A aia la hoi oia ihea?"

la manawa alawa ae la ka Elese nana ana ma o a maanei o ka rumi a i kona hoomano ana iho ua hele ka o Hale ma kela aumoe a aole i hoi mai, pane mai la :

"Ma ke ahiahi nei no kona hele ana aohe nae i hoi iki mai ahiki i nei manawa. I ke kani ana mai nei o kau @ele manao aku nei au oia la, eia ka o oe; ua olelo mai oia e hoi mai ana i keia kakahiaka a ke manao nei au he hoea mai paha koe on a i ka hale nei i nei manawa."

"Alila o oe hookahi wale no ka i moe maloko o keia hale mehameha i ka po nei?" i ninau aku ai ka makuahine. Pii ae la ka ula ma ko Elese mau papalina a pane mai la,

"Ae, e mama."

"Ea, ua huluaa maoli no ka hoi oe o ka noho hookahi ana iloko o keia hale ; in a paha n oka hoao mai o kekahi poe e hoopilikia ia oe pehea la oe e palekana ai mai ia pilikia ae? A i ka la aku la i ne@inei, pehea, o oe wale no koloko o keia hale ?"

"O mua pu no me Hale ka i nei a hele no hoi i ka holoholo. Ke kani hou mai la ka @ele, a me he mea la oia kela, ua hoi mai la. E ike aku ana oe iaia, e mama !"

O ka holo aku la no ia o ua o Elese me ka mama no ka wehe ana mai i ka puka olalo o ka hale, a he mau sekona mahope iho, lohe aku la ka makuahine i ka nui o ka leo o ua o Elese o ka pane ana aku ia Hale me ka hauoli : "O Hale, ua hoi ma la ka oe?"

 

Mokuna XLI - Hoike Ana i ka Mea Oiaio

 

O na mano ehaeha i loaa ia Hale Venona iloko o na hora loihi mahope o kela kamailio ana a laua me Mokana aole a hiki ke hoakakaia ae ma ke ano e hiki ai i kekahi ke hoomaopopo.

Ua hoea hou aku la oia imua o kona makuakane me ka hoike no na mea i kamailioia mawena on a ame Mokana, koe na mea e pili ana no Elese, no kona manao ana iho he mea maikai ole ka hoomahuahua ana aku i ka haawe kaumaha aluna o kona makuakane i kaumaha mau kona nonoo no ka pilikia ana e auamo ana ia manawa.

"E pono owau ke alana aku ia‘u iho nona, aole hoi ka hookomo hou ana aku i kuu makuakane iloko o kekahi pilikia hou, e hoohikiwawe koke ia aku ai kona mau la i ka lua kupapau," wahi a Hale i olelo iho ai iaia iho.

Ua nui a lehulehu na mea na lakou i hooluuluu i ko Hale moonoo ma ka manawa ana i makemake ai e loaa kana olelo hooholo. I na oia i hoopau i kona makemake ana e lawe ia Elese i wahine nana mamua o kona hoopunipuni ana iaia me kela mare hoopunipuni, in a la ua maalahi loa ma koa aoao, ua hiki iaia ke hana elike me kona makemake, aohe no hoi ana mea e maka‘u ae ai, no ka mea, ia manawa aohe ana ninau ana ae no ko Elese inoa maikai na kona makuahine no ia e makaala nonoa iho aka aole pela, i nei manawa ua komo kuhohonu loa aku oia iloko i ka naele o ka ppilikia. nolaila o kana hana pono wale no o ka haalele aku ia Ma@ela a mare ae ia Elese.

Me keia mau noon like ole i lupea loa ia ai kona lunamano a hoomau iho la i ka holoholo ana maluna o na alanui ahiki i ka malamalama ana, me ka hooikaika e loaa iaia ke alahele maalahi loa e puka laelae aku ai oia i ke ao malamalama.

Mai lilo ole paha i mea e hoouluhua loa ia ai kona noonoo in a i loaa he hiamoe maikai ia po, aka oiai ua hiki ole e loaa iaia he hooluolu ana, ua hoomau iho la oia ia ka holoholo hope loa oia ka hoi ana mai e ike ia elese a e hoike aku iaia i na mea oiaio apua, a e noi pu aku iaia no ke koua ana mai iaia e hana i ka pono i na mea apua.

Me keia manao iloko on a i huli mai ai oia e hoi no kahi hale kaupaku palahalaha, a mea kona alahele no ka hale ua lehulehu na kanaka opio ana o ka halawai ana, e hikakak kekahi poe ma ha‘i o na alanui.

Iaia e ike aku ana i kela mau kanaka ke noonoo iho la no oia nona iho, no hookahi a elua paha manawa o kona hana ana elike me ia poe, a ua hoahewa loa iho la nae oia iaia iho i nei manawa no kona hana ana ia hana. He mea hoehaeha loa no hoi i koua noonoo kona hoomanao ana ae i kona alakai hewaia ana e Mokana, no ka mea, na Mokana i alakai hewa iaia a lilo oia i kanaka on a a in a hana maikai ole e ae.

"Aohe kuleana e hoahewa wale aku ai no i kekahi no kana mau hewa i hana ai." wahi ana i noonoo iho ai nona iho.

"A eia nae," wahi hou ana o ka noonoo ana iho," in a aole au i alakai hewaia e kela kanaka a ka maalea ame ke akamai nui wale, a in a no hoi aole kekahi kanaka i alakai hewaia e kekahi mea, aole loa e hele hewa ana kekahi a aole no e komohia ana iloko o ka pilikia e hiki ole ai i kekahi ke puka laelae aku mailoko ae ia mau pillkia me ka loaa o ka ino maikai ia mea.

He helehelna kaumaha a inoino loa kona ma ka manawa ana o ka pii ana aku ma ke alanuipii o kahi hale, oiai nae, he kanaka helehelena u‘i no oia, aka mamuli o na manao kaumaha like ole iloko on a ua hoano-e loa ia ae kona helehelena. O kona manao ia manawa oia no ka hoike ana aku ia Elese e hoopau i ko laua mare ana, kona hauoli wale n ohoi o ia mau aku.

 

la Elese i wehe mai ai i ka puka nona e komo mai ai ua ke mai la oia aia kekahi mea kupanaha iloko o ko Elese eo o ia hoohoo ana aku i kona inoa, aka aohe ana mea i oohuoi iho no ka oiaaio i amanawa, a i ka lua o ka Elese uaolelo o ka pane ana aku ua like oia me kekahi mea uli a aa i a manawa e hiki ole ai ke puai mai kona leo.

"Eia kuu makuahine i ka hale nei, e Hale," i pane aku ai Elese. "Ke nauoli nei au i ko‘u hoi ana mai la."

Ia komo ana mai la ana ua like oia me kekahi kanaka i oopuliia ka noonoo a panii aku la ka puka ma hope on a. Ke ku la hoi o elese me ka manao e honi aku ana la hoi o Hale iaia, aohe nae. ua komo loa aku la no o Hale noloko o ka rumi moe.

"E Hale," i pane mai ai o Elese me ka piha i ke kahaha no ko Hale ano e. "ua huhu anei oe ia‘u? Aole au i hoike aku nei ia mama-aole a‘u mea i hoike aku nei iaia."

"Huhu? Aole. Aohe o‘u kuleana e huhu aku ai ia oe, a aohe no hoi he kumu iki e huhu aku ai au. Pehea ka loihi hele mai ai a nawai oia i hoike aku eia oe ianei?"

"Aohe i maopopo ia‘u ka mea nana oia i hoike aku, e Hale." wahi a Elese me ka hopu ana mai i ka lima o Hale a pau aku la i kona ma ke ano hoomalimali loa. "Ke manao nei au ua manao oia he hewa paha kekahi i hanaia, aka ua hiki ia oe ke hoakaka aku iaia me ka oiaio loa aole hewa iki i hanaia maluna o‘u, a e hauoli iho ana oia. E mama o Hale Venona keia kuu kane a‘u i hoike mua aku nei ia oe!"

La manawa nana ae la o Hale imua a ike ae la ia Mrs. Beranadona.

Ina paha i ike mua ua o Hale i ka helehelena o Mrs. Beranadona i ka la mamua aku in a la ua hiki iaia ke ike ae ua luuluu a inoino loa ka uaau o Mrs. Beranadona Nana ae la ua o Hale i ka helehelena o ka makuahine o laua e nana pono mai ana iaia, me je mea la e noonoo ana oia iloko iho on a ua hoopoino paha ua o Hale i ke kino o ke kaikamahine ana.

"O Mrs. Beranadona!" wahi ana

la manawa ku koke mai la o Mrs. Beranadona a hele mai la a pili ma ka aoao o Hale a huki aku la i ka lima o Elese mai ko Hale ima aku, me a i pu ana mai :

"Ina he kuleana kou i keia lima alaila aohe o‘u kuleana e lawe mai ai aka in a aole alaila ua pono ko‘u lawe ana mai la; ua loaa anei ia o ke kuleana?"

Huli ae la o HAle a pane iho la ia Elese i ka i ana iho:

"E oluolu anei oe e hookawale aku ma kahi e a haalele mai i ko makuahine me a‘u no kekahi manawa?"

"Ina o kou makemake ia, e Hale, e hookaawale i‘o aku au ia‘u ma kahi e."

"E mama, e ae mai oe e hooko aku au i kana noi e pono au e hana aku elike me kana i noi mai la in a no he mea ia e ku-e aku ana i kou makemake. Aole anei ou hoomanao iho no kau mea i olelo mai ai ia‘uno hookahi manawa i kuu manawa e lilo ai i wahine amre na kekahi kanaka ka‘u hana mua no ka mea no ia e pili ana i ka‘u kane. E hele aku nei au e Hale?"

"Kamailio ae! Kauoha ae oe iaia no ke plae ana ae i ka‘u kauoha in a he kuleana kou iaia!" i pane mai ai o Mrs. Beranadona me ka leo ko‘iko‘i o ka mea mana ia Elese.

Haikea ae la ko Hale helehelena ia manawa a me kona aa ole e nanan mai ia Elese huki aku la oia i kona lima a kamailio mai la me ka leo liilii:

"Aohe o‘u kuleana iaia nei!"

Nana pono aku la o Elese iaia ia manawa me ka piha i ke kahaha, aaila paa aela i kona mau lima mama kona umauma alaila pane mai la:

"Aohe i maopopo ia oe ko maua manao e Hale. Aohe o‘u makemake e pale i ka mama kauoha. Ehoike aku ana o mama ia oe nana no ia olelo i i mai ai ia‘u o ke kane ka‘u mea noonoo mua mamua o kekahi mea e ae, Aole anei pela, e mama? Ke hoomanao nei au ia olelo au ia‘u i kuu manawa e noho kane ole ana, o oe hookahi wale no ka‘u mea e hoolohe aku ai, aka, in a au e mare i ke kane, alaila o ke kane ka‘u mea e hoolohe aku ai aole kekahi mea okoa e ae. O, mai mokuahana olua ua loha like au ia olua a elua!" wahi a Elese.

"Auhea oe, e Elese kuu kaikamahine, o ka‘u i olelo aku ai ia oe e haawi aku oe i kau hana mua keia ia oe. O, e kuu kaikamahine ua hoopoinoia oe e keia kanaka mamuli o kou makapo!"

"E Hale, hoike ae oe ia mama ua kuhihewa loa oia a ua kapa aku nei hoi i kekahi inoa maikai ole loa ia oe. Ua makemakeo Hale e lilo ia mare i meahuna nolaila au i hoike ole aku nei ia oe. Kumakaia ia‘u! O, e mama aole ia no ka hoopoino ana ia‘u aka no ka hoopakele ana ae ia‘u me kuu inoa maikai oia kona mea i mare mai ai ia‘u.

"Ua haaleleia ae maua mahope ma kela la a makou i hele ai i ka hoomaha maluna o ka mokupuni, a no kona maka'u o lilo kela hele ana o maua wale no, a no kona minamina i kuu ino maikai a ka lehulehu e olelo mai ai ua haulehia paha au i ka hewa me ia nei, in a no ka loheia ae ma ke akea, pela oia i mare mai ai ia‘u. Hoike ae oe. e Hale, ia mama in a mea oiaio apua!" wahi a Elese.

No kekahi manawa ma ia hope iho aohe wahi leo leheia maloko o ka rumi a no ka meha loa aneane no e hiki e loheia aku na pana ana a na puuwai o kela ame keia mea pakahi o lakou.

"E Elese," wahi a Hale o ka pane ana mai ; "makemake au ia oe e hoolohe mai ia‘u ahiki i ka hope loa o ka‘u moolelo e hoike aku ana. Ua hoi mai nei au me kuu moeuhano mua ole e halawai ana au me ko makuahine maloko nei o keia hale, me keia manao paa iloko o‘u e hoike aku au ia oe i ka mea oiaio a o ka oiaio wale no."

"E hoike mai i ka mea oiaio? Heaha ia mea oiaio au e hoike mai ana a heaha la kou manaoio maoli, e Hale." @ pane mai ai o Elese, me ka nana ana ae i kona kakuahine, e nana pono mai ana iaia me ka helehelena hoowahawaha, inaina a piha hoahewa.

"Eia no ko‘u manao he kanaka hewa loa au. Ua hana aku au i kekahi hana hoopunipuni loa ia oe ma o ko‘u mare ana aku ia oe ma ke ano hoopunipuni aole ma ke ano oiaio i ku i ke kanawai. Na ke Akua e hoopakele ae ia‘u!"

Ua hiki ole iho la ia Hale ke kamailio hou aku, a huli aku la kona alo i kahi e. I kana noonoo iho ia manawa ua oi aku kon aehaeha mamua o ka mea hik iiaia ke hoomanawanui iho.

Mai loaa ole iho paha ia haawina iaia ia manawa in a hoi o laua wale no me Elese ke kamailio ia mea a nalo iho ia laua a no ka loaa ana iho o kekahi manao iaia malia e huikalaia mai ana paha oia no ia hewa ana i hana ai hookanaie wale ae la no oia ia manawa.

"E Hale!" i lohe mai ai oia i kekahi leo hauhau uwe.

"E kuu milimili, kuu mea aloha hoi," i hooho mai ai ka leo o ka makuahine, me na waimaka e hiolo ana ma kona mau papalina. "E ae mai oe e hoi ka@a!"

"E Mrs. Beranadona e hoolohe mai : Aole au he kanaka ino loa elike paha me ia au e noonoo la. I keia manawa i hoike aku au ia oe ua like ko elese maemae me na anela o ka lani, aohe i hoopoino ia kona kino aole hoi kona moa maika, @@ mau ia mau ano maikai on a me ia i keia manawa.

 

 

Aole oe e manao iho o kona hele pu ana me a‘u ua hoopoinoia oia aloe loa! Koe ka hewa e hapala wale ia mai ana no i kona inoa e ka poe manaoino.  ka poe i ihe i kona kaawale ana mai kona home mai i keia po iho la.

"No‘u iho ua makaukau au e mihi aku a e hoomaikai ae hoi i kuu inoa no ka hewa a‘u i hana ai ma o ka lawe ana mai iaia i keia hale. Ua ike ke Akua o ka pomaikai nui e pono e loaa ia‘u ma keia minuke a kakon e akoakoa nei on a no ke kapa ana aku iaia nei he wahine mare na‘u."

"E Elese ua lohe ae la oe i kana mea i kamailio mai la. Pehea, he oiaio anei ia? Aole anei oia i hoohaumia i kou inoa maemae?" i ninau mai ai ka makuahine.

Ia manawa aia ko Elese mau maka maluna o Hale kahi i nana pono ai a no ia kumu aohe oia i lohe pono aku i na olelo a ka makuahine o ka ui ana mai la iaia. Aole hiki iaia ke hoomaopopo iho ia manawa ua hoike ae o Hale i ka mea oiaio i kona makuahine.

"E Hale, no ke aha la oe i hoike ole ae nei ia mama i ka mea oiaio. E Hale, aole anei au he wahinemare nau?"

"E Elese, aole, he oia mau kou hihia ole ma kekahi ano ahiki i keia manawa!"

Ia manawa lele mai la ka makuahine a apo aku la ia Else i kona alo, a kamailio iho la me ka leo huhu:

"Aole oe he wahine nana, elike me kana i hoike mai la ia oe. Aole keia he hale kupono na kekahi kanaka e lawe mai ai i kekahi wahine a kaikamhine paha nona ka inoa maemae i makee nui ia. O keia ano hale ua kupono na na wahine i haaleleia e ka lakou mau kane e noho ai eia nae ua lawe mai oia ia oe ianei no ka hoopoino ana ia oe, eia mae ka‘u e mahalo ae, oia ko na lani ae ole e hookoia kona makemkae.

"Mai hoolohe hou aku oe i kekahi o kana mau olelo ma nei mau aku a mai ae aku hoi oe lala no kona noi mai @ huikalaia aku oia. Ina aole i hoikeia ae nei ia‘u kou wahi @ loaa mai ai a ua hoea mai nei hoi au i ka manawa kupono loa e hoopoino ole ia ai oe, in a aole keia kanaka opio e noonoo iho ana no kona hoopilikiaia aku. E hoi kaua i nei manawa a mai kali hou iho!"

"E Hale, e olelo ae oe he hoopunipuni kau i hoike mau mai nei he mare hoopunipuni wale no kela mareia ana o kaua, i lohe ae e mama; hoike ae oe i ka mea oiaio ua mareia kaua a o ka pu iho la no ia o ko maua koi hou ana mai ia‘u e hoi, a no ka mea, o oe, a o oe wale no ka mea kuleana maluna o‘u i nei manawa," wahi a Elese, me ka leo liilii loa aneane elike me ka leo hawanawana.

"Aole oe he wahinemare na‘u, e else." i pane hou aku ai o Hale. "O kela mare hoopunipuni i hanaia ai maluna o kahi mokupuni, na ike au he hana aphui kiekie loa ia i hoolalaia mamua ae o ka manawa. E Elese e hoolohe mai, ua hoike aku au ia oe i ka mea oiaio oia hoi i kuumanawa e hoi mai ai i ka hale nei i keia kakahiaka e hoike aku ana au i ka mea oiaio ia oe, a o iakeia au i lohe mai nei; ua hoike aku nei au i ka mea oiaio wale no. Aole ana anei oe e manaoio mai ana i ka‘u i hoike aku nei?"

"Ae, ua hoike mai nei oe i ka mea oiaio, e Hale, aka he oia mau no nae ko‘u kanalua. Ina he oiaio na mea apua au i hoike mai nei, alaila ua hana mai oe ia‘u i kekahi hana hoehaeha loa," wahi a elese, me ka aneane ana iho e maule.

"Ae; ua lokoino loa au ma ia hoike ana aku nei, aka aole hiki ia‘u ke huna iho i kekahi mea he pono e lohe aku oe mamua hoi o kou noho inau iloko o ka pouli me ka maopopo ole ia oe o ka mea oiaio."

"Me ia mau mea oiaio no nae au o ka hoike ana mai la ke ike nei au oia mau no ko‘u aloha ame ko‘u hilinai maluna ou." i uwe iho ai o Elese.

Hopu mai la ka makuahine i kona lima a lakai aku la iaia me he mea la he kaikamahine uuku loa oia ia manawa i hiki pono ole ke hele.

I ko Hale ike ana mai i ke kaiia o Elese e ka makuahine, palulu ae la oia i kona mau maka me kona mau lima, a i kona noonoo iho i manawa me he mea la o kela ame keia kaina wawae o Elese ana e lohe aku ana e hoike mau mai ana ia iaia e hookaawaleia ana laua no ka manawa wale no.

Ua paniia mai la ka puka mahope o laua, a me ka maile loa i hehee iho ai o Hale, me he mea la he lima kaumah@ kekahi e kaomi iho ana iaia ilalo ua haule iho la oia ma luna o ka papahele me ka aneane e maule. O i lohe aku oia i ka halulu o na kapuai wawae o Elese mai ahiki i kona lohe ole hou ana aku.

Ua koe hookahi wale iho la no ua o Hale maloko o ka hale no ka mea ua lawe aku la o Mrs. Beranadona ia Elese me ia no ka hale. O keia ka hua o ka Mokana hana o ka hoolala ana e kailiia o Elese mai ia hale aku a e lawe aku hoi ia Elese a haawi aku ia Harisona.

Oiai o Hale e noho hookahi ana aloko o ka hale a i ka mao ana ae hoi o na manao kupouli o ke aloha no Elese ala mai la iloko on a ka hoomaoopopo ana aohe mea e ae nana i hoolala i kela hana na Mokana no ia alaila hoola@@ iho la oia i ka mea e hoi hou mai ai o Elese me ia a e amre aku ai hoi iaia elike me ke kanawai i koi ai.

 

Mokuna XLII --Ka Pili Hou Ana me KAna Aloha Kahiko

 

Oiai o Hale e noho hookahi ana maloko o ka hale me he mea la i kana noonoo iho ua laweia aku ka malamalama mai kona ola aku, aka nae, o ka hana ana aku e hoi hou mai ai kana mea aloha me ia he hana maalahi wale no ia i kana noonoo iho.

Ua maopopo iaia i keia manawa ua konakona o Elese ia@@ no kona hoopunipuni ana iaia a me hemea la aole oia e ae mai ana e mare me ia in a no kona noi aku e lilo i wahine mare nana. No ia manao aohe on a kanalua, aka oia nae kana o ka nalu ana iho ma kahi o kekahi ninau paakiki loa malaila kona hooikaika loa e lanakila oia maluna o ia pilikia a ua ikeia ka hookoia ana o ia manao ma ia mua aku.

O kana mea nui i koe e noonoo ai i nei manawa oia no ka imi ana i ka mea e hoopakeleia ae ai kona makuakane mai ka pilikia nui mai e kau mai ana maluna on a a maluna o ua o Hale pu kekahi. No ka hoopilipili hou ana aku ia ua o Hale pu kekahi. No ka hoopilipili hou ana aku ia Mabela he hana hoo wahawaha loa ia iaia ia manawa oiai ma kana noonoo ana iho aohe a Mabela noonoo hou ana mai nona mamuli o kona ike ana mai e hele pu ana oia me Elese, a mamuli hoi o ka Mokana hoonuinui ana aku e mare aku ana oia me Elese.

"E hele aku ana au a hoike okoa aku ia Mabela aole au e mare aku ana iaia aka o Elese ka‘u wahine e mare aku ana," wahi ana i nalu ai iaia iho. "Aohe ana noonoo hou ana mai ia‘u he kane hoopalau nana. Mamuli o ka Mabela haha ino loa oia kona hoomahuka ana ia Elese me ka manao e hoomoemoe ia Elese i ka makuakane on a ua lawa loa ia e hookomo mai ai i ka manano konakona iloko o‘u nona.

"Ina e hiki ana ia‘u ke hoopakele i kuu makuakane mai ka pilikia ae alaila e hiki ana ia‘u ke hakoko aku he alo a he alo me na haawina pilikia loa e halawai mai ana me a‘u, a ia manawa e hana aku ai au i kekahi hana hoopoino maluna o Mokana ame Mabela pu."

I ka hala ana o ka hapalua hora iaia ma ka noonoo ana hooholo ih ola oia i kona manao e haalele iho i kahi hale no kekahi manawa, o kona laka iho la noia i kahi hale a paa a lawe aku la e haawi i ke ki i ke kanaka nana e malama ana ia mau kauhale.

Ua hoahewa loa ioa iaia iho no kana mea i hana ai i ka manawa i hala aku, ka oiai ua hanaia ka hana o kana hana pono wale no oia kona hooikaika aku e lanakila oia maluna o kona mau pilikia apua.

(Aole i pau.