Ka Nupepa Kuokoa, Volume LVIII, Number 43, 22 ʻOkakopa 1920 — Page 8

Ka Nupepa Kuokoa

KE KILOHANA POOKELA NO KA LAHUI HAWAII.

 

MOOLELO O KA AHAHAUI C. E. O MAUI. MOLOKAI AME LANAI, KAU O SEPT., 1920.

-

            Noho ka Ahahui C. E. o ka Moku@ o Maui, Molokai ame Wailuku, Maui, i ka Ooalima, Sept. 10, 1920, hora 1:30 @ a pau i ka hora 3:30 p. m.

            Hoomakaia na hana me ka himeni @ L. H., me ka pule a ka peresidena. Hoomaopopoia na lala o ka aha i hiki mai:

            Mrs. Holoiona, presidena, Mrs. Lily Kapoo, elele; dora Kaaimoku, pres., Mrs. Alice Tilton, elele; Miss Louisa Kalaaupa, alakai, Jeremiah Kaaikamaau, elele; Mrs. Mahoney. pres., Mrs. Makuakane, elele; Mrs. Kaehu Brown, elele; Wm. Hoopii pres., MRs. Hannah Kalino, elele; Mrs. K. Mills, elele; MRs. Annie Kaumaheiwa, pres., M. P. Waiwaiole, elele; Mrs. Kapalolo, pres., J. K. Kina. NA elele e ae i hiki mai, oia o L. A. Kanae, D. K. Wailehua, G. Ewaliko, Mrs. Ulualoha Keliiaa, Miss Ma@ Foo Chaug, W. E. Saffery, MRs. Liliaa Hirano, MRs. J. O. Nakeleawe, Mrs. Keha Aliona, MRs. Inaina, MRs. Ale Wong, Mrs. K. Rhee.

            Na hoa mau: L. B. Kaumeheiwa, M. M. Kahiapo, J. W. Kalua, Edw. M. Kepoo. R. J. K. Nawahine, Rev. E. E. Pleasant. J. P. Inaina, J. S. Poepoe, J. K. Kahoopii, Rev. Tate, J. P. Kalohelaui, Rev. Crider, Rev. H. P. Judd. J. F Welehi. L. G. Davis, MRs. Annie Kahiapo, Mrs. Annie Nitchell, Mrs. W. K Saffery, James Davis, Geo. E. Lake, M. P. Waiwaiole, Rev. Roiola ame C. Makekau.

            Hapaiia ke koho ana i na komite like ole: Komite hookohu, Moses M. Kahiapo: Komite imi kumuhana, M. P. Waiwaiole, J. W. Kalua, James Davis; komite pa'i, M. N. Kahiapo; komite o na hoike papahelu peresidena, D. K. Wailehua. G. Ewaliko, J. K. Kuia; komite o na hoike elele C. E. kihapai, D. A. Kanae, J. D. Kealoha, J. A. Mitchell: komite hoike puuku me ka moolelo, W E. Saffery me D. K. Kaeoamoku: komite hoalohaloha. James Davis, Jos. Welehi, Mrs. Ale Wong.

            Hapaiia ka heluhelu ana i na hoike papahelu C. E. Na Mrs. MAhoney i ka boike o Puunene Camp 5, me $1; na Mrs. Holiona i ko Paia me $1; na Mrs. @ Ho i ko Paia me 50c; na MRs. @ Kalaaupa i ko Paihiihi Jr me 50c; na Mrs. K. Kapalolo i ko Kalanikahua Hou me $1; na Mrs. Annie Kaumebeiwa i ko Kaahumanu me $1; na Mrs. Iuaina ko Huelo me $1; na WmHoopii i ko Kahului me $1; na ke kakauolelo i ka hoike papahelu o Haliimaile, Wainee, Keanae, Wanananalua me Keawaala'i me $1 pakahi.

            Hapaia ka heluhelu ana in a hoike elele C. E. Na Mrs. Makuakane i ko Puunene Camp 5 me $2; na Mrs. Kaehu Brown i ko Waikapu me $2; na Mrs. Haua Kalino i ko Kahului me $2; na MRs. K. Rhee i ko Huelo me $2; na J. Kukahiko i ko Paia me $1; na Mrs. A. Tilton i ko Paihiihi me $2; na Jeremiah Kaaikamanu i ko Paihiihi Jr. me $1; na M. P. Waiwaiole i ko Kaahumanu; na Mrs. K. Mills i ko Haliimaile me $2; na Mrs. Unualoha Keliiaa i ko Keawala'i me $2; na Miss Maraea Foo Chan i ko Kihei me $2; na W. E. Saffery i ko Kaanapali me $2; na Mrs. Lilian Hirano i ko Wainee me $2; na Mrs. J. P. Nakeleawe i ko Kalaiakamanu me $2; na Mrs. Kiha Aliona i ko Kaluaaha me $2; na J. K. Kuia i ko Kalanikahua Hou me $2; na J. K. Kuia i ko Kalanikahua Hou Jr. me $1; na Mrs. Wong i ko Puunene Camp @ me $2; na ke kaukaolelo i ko Nahiko me $2; na G. Ewaliko i ko Keanae me $2 na D. K. Wailehua i ko Wanana lua me $2; na L. A. Kanae i ko kaupo me $2

            Na M. P. waiwaiole i noi mai e kapaeia na rula; kokuaia a aponoia; a uana no i heluhelu mai ka hoike a ke komite imihana; I, lulu dala mau keia ahar, 2, hooponopono ana i na hoike papahelu ame hoike elele me ka pa'i ana; 3, hoomaopopo hou ana i ka waihona o $10,000; 4, koho ana i ke kakauleta i ka Ahahaui Paeaina ma Hilo; 5, uku kakauolelo o keia aha; 6. ke ola o ka PAeaina ma Hilo; 7, na lilo o ka peresidena ame kakauleta i ka Paeaina ma Hilo; 8, hoike a na C E. ma Hilo.

            Na R. J. K. Nawahine i noi mai e aponoia ka hoike a ke komite imihana, a hooloha mai ka presidena, he wa lulu dala keia, no keia kumuhana, loaa lulu $8.50. Hapai hou ia ka heluhelu ana i na hoike i koe. Na MRs. Annie Kahiapo i ka hoike komite hoeueu o Makawao Akau; na Mrs. Haehae Kukahiko i ko Mokawao Hema; na J. W. Kawaakoa i ko Maui HIkina; na W. E. Saffery i ko Maui Komohana.

            Hapaiia ka noonoo ana i ke kumuhana 2. no ke pa'i ana i ka papahelu C. E. o na apana. Na R. J. K. Nawahine i noi mai e apono loa ana i keia kumuhana, a na ke komite hooko e pa'i aku ame ka unuhiia ae o na lilo mai ka waihona mai o keia aha.

            3. Hoomapopo ana i ka waihona o $10,000. Na ka peresidena i hoolaha mai e lilo na lala apau i hookaa ole i ka waihona o $10,000 e uku koke aku i na koena i koe.

            4. Koho ana i kakauleta i ka Aha Paeaina ma Hilo: hooholoia o M. M. Kahiapo no ke kakauleta, a ma ke noi a R. J. K. Nawahine e apono ana ame kopa lilo kaahele he $25.

            5. Uku kakauolelo o keia aha, $10; hooholoia e uku aku.

            6. No ke ola nia ka Aha Paeaina ma Hilo. Na ka peresidena i paipai mai e makaala na ahahui apai.

            7. Hoike C. E. ma Hilo, hooholoia e malama pu ia ka hoike C. E. Hookuu me ka himeni L. H., 141, me ka pule a ke kakauolelo.

La Hana Elua

            Noho hou ka halawai hana a ka Ahahui C. E. o na Mokupuni o Maui, Molokai me Lanai, ma ka Luakini o Kaahumanu, Waioluku, Maui, i ka Poakahi, Sept. 13, 1920, hora 12 m., a pau i ka hora 1:30 p. m.

            Hapaiia ka noonoo ana i na koena hana i pau ole. Na D. K. Wailehua i ka hoike komite o na hoike papahelu nona ka huina o 12 i heluheluia a aponoia.

            Na L. A. Kanae i ka hoike komite o na hoike elele C. E. Jr. ame Sr., heluheluia a ponoia.

            Na E. M. Kepoo, hoike komite o na hoike komite hoeueu me kiai, noua ka huina o eha, heluheluia a aponoia.

            Na W. E. Saffery, hoike komite a ka puuku me kakauolelo, heluheluia a aponoia.

            Na R. J. K. Nawahine, he noi i keia aha, e hoomana i ke kakauolelo o keia aha, e haawi aku i ka olelo hoomaikai mai keia aha aku, i ka Ekalesia o Kaahumanu.

            Na Joseph F. Weleli i noi mai e noouooia ka huina dala hoike K. S. ame ka hoike C. E. nona ka huina o $91.50. Ma ka noonooia ana, ma hooholoia e @hele i ka hapalua like, a ua apono loa ia o ia hoi $47.45 no ka mahele hookahi.

            Na ka peresidena i hoolaha mai he mea pono e lohe na lala i ka huina loau o keia aha i keia kau. Na ke kakauolelo i hoolaha mai he mea pono e lohe na lala i ka huina loaa o keia aha i keia kau. Na ke kakauolelo i hoolaha mai he $121.30 ka huina loaa, a ua noi mai o M. P. Waiwaiole e apono loa ana i ka hoike a ke kakauolelo.

            He mau manao paipai mai ka peresidena mai, oiai ua hiki mai kakou i ka wa e hoopanee ai keia aha, he mea pono e hoomanao na C. E. i ko lakou mau mahele no ka waihona kumau o ke C. E. o ka Paeaina, ame na olelo paipai i na peresidena me na elele e hoi aku kakou a e hana, a e hooholomua aku no ka hana a ko kakou Haku aloha o Iesu Kristo.

            Hookuu keia aha me ka himeni 141 L. H. N., me ka pule a ka peresidena

MOSES M. KAHIAPO.

Kakauolelo Ahahui C. E., Mokupuni o Maui, Molokai ame Lanai.

 

MARE IA PUA KOKOHILI KAAPEAE O HAWAII NEI

 

            Ma ka alanui ewalu o Kaimuki a ma ka home o na makua o ke kane i awaiauluia ae ai o Mr. Sanford Dole Hiolomaikalaui Blake, me Miss Carrie Fernandez, ma ka ahiahi noe o ka Poaha, Sept. 30, 1920, e ka Makua Uhane Ulrieh o ka hoomana Katolika, hora 7 p. m., imua o na ohana elua o ka paamare, ame Sanford B. Dole, ke kupuna hookama o ke kane.

            Ua malamaia ka mare elike me ke anoano o ia oihana, mahope o ka ike ana i ka paamare, ua apo aku o S. B. Dale i kana mau moopuna me kona mau lima elua, a hoopili mai i kona poli me ka haawi ana iho i na olelo hoolana no na opuu hou e hahai i a ko laua mau la e ka holomua ame na pomaikai iloko o ka maluhia ,ame ke aloha oiaio o kekahi i kekahi.

            He maikai ka mare no na mea apau.

            Ma ka aoao o ke kane, he Hawaii imiloa, mailoko mau o Pau (k) me Kapo=haakea (w), ka lalani kupu nioniolo o Maui nui a Kamalalawalu (k) noho ia Oiilaniwahine (w) o Kauhiakama (k), Kamalalawalu (k) noho ia Kamaiolani or Kepalaoa (w) o Kauhiololi (k), mai a Kauhiololi (k) ame Kauhiokalani (w) i puka mai ai kona lalani kupuna, ahiki ia Hoikauaikalani Blake (k) me Kawaikapuokalanihoolikelike (w) o Hiolomaikalani Blake i hipuu paa ia iho la, me ka pua rose kau umauma o Europa i opuu a mahala i ka Uakukalahale, Oahu-nui

SAM KUPU KAHULU O HALULU.

 

E AO KANAKA MAI E KA LAHUI

 

            E kuu Solomoa Hanohano, ke alakai e ke Kilohana ma ka olelo HAwaii, Aloha oe:-E ae mai i wahi rumi o ka kana hiwahiwa, no kahi manao pokole maluua ae. He wahi manao no hoi e hoomaikai ana i ko kana lahui ma na mea e pomaiakai ai. He nui na mea e a'o mai nei ia kakou i kela ame keia manawa, mai ko kakou wahaolelo mai, he mau manawa lehulehu o na a'o ana. Mailoko mai no hoi o ka noho ana o kela ame keia ohana, mailoko mai no hoi o na mea i kukulu hoi ia, a mailoko mai no hoi o ko lakou a'o ko kakou ola lahui ana no hoi. Heaha ka manao nui o keia manao ia kakou, he poino anei. He pilikia anei.

            He hoike maopopo no ia aole nae no ka poe i loaa ka manao hoomaopopo, aka o ka pe i loaa ole he manao hoomaopopo ole ia lakou iho. Elike paha ma keia poe e hoomaopopo ole nei i ko lakou mau pomaikai pilipaa, a in a aole lakou e noonoo pono e kaawale loa ae mai ka ke Akua pono i haawi mai ai i ke kanaka. A in a aole kekanaka e malama pono i na kanawai aina, a ke aupuni i haawi mai ai, e hiki mai ana kona la e nele ai i na pono o keia ao. Pela no na kanawai o ke aupuni uhane i na aole e hoomaopopo ke kanaka i ka mea nana i pa'i na kanawai hemolele iloko o ka papa o ka naau, e lilo no ia i uhane make, a o k amake no ia o ke kino.

            Nolaila, aole i makemakeia kakou pela, a o ia keia manao e uwao nei ia kakou ka lahui. Ma kahi o na mea kino na pono honua o keia ola ana.

            O ka lani iluna, o ka honua ilalo, o keia mau mea elua ke kahua o keia kino, penei e maopopo pono ai, o ka lani o ia no ke kanaka o ka honua oia kahi o ke kanaka e noho ai.

            Mai ka aina ahiki iloko o ka moanawai, he honua no ia i hoopihaia i na pomaikai no ke kanak e ola ai. O ka hana hoi a ke kanaka, o ia kona hoomaopopo i na mea maikai nona e pono ai. He nui no na mea maikai ame na mea maikai ole maluna o ka honua, na mea ono ame an mea awaawa, aka, aia iloko o ke kino o ke kanaka elike me ka ke Akua i hookumu ai, ua paa loa ia, aole e loli, o ia ka mea nona e hooponopono i ka hana a kela ame keia kino pakahi.

            O na Kino i loaa ke ao kanaka hoomaopopo iaia iho i na mea maikai hoomaopopo i kona mau hoalauna, a oi loa aku hoi ka hoomaopopo i ke Akua, ka mea nona ka maikai, i waiho mua ia i loko on a i kona wa i hele mai ai i keia ao me keia kino. Alaila ua hoalaia mai oia mai ka make mai, a ua hanau hou hoi elike me ke keiki uuku. Alaila ua ike oia iaia iho, a ua pomaikai oia. Heaha na mea pono no kakou e hana ai.

            E mahi nui i ka aina, in a he aiua kou a in a aole, e hoolimalima i aina me ka poe mea aina. Ia wa hookahi, in a he wahi kupono i ka hanai i kekahi mau holoholona liilii, e hanai i mau kumulau pipi, puaa, pelehu ame ka moa. A ina he kokoke kou wahi i kahakai, mai poina i mau upena lawai'a nau ame on a waapa lawai'a, in a o oe wale no, a in a paha he nui oukou, e pono e malama i keia mau rula, hana no ke Akua, haawi i ka ke Akua.

            O keia iho la no ka ipuka waiwai no ke kanaka maluna o ka aina a Iehova i haawi ai nau a na'u e hana. Ina aole holopono o kau hana, e hoomaopopo i keia rula alakai, o ka poe i hana ole i keia haawina, aole oluolu maikai o ko lakou noonoo. Noonoo ino lakou i na poho a ua make no kekahi poe ma ia ano.

            E hoao i keia mau rula, pela no hoi ehaawi nui mai ai ka uhane i na ike hou no kou pomaikai ame kona pomaikai.

            E hoopoina i na lealea ano ole, no ka mea he lahui puni lealea kakou, mai inu i na wai awaawa, o ia ka mea nana e hoonawaliwali i ke ola iloko ou, a pouli oe, mai haalele i kau wahine no ka makemake i wahine hou; maihookuu wale i na keiki i ko lakou wa ua kupono ole e hoohemahema ia. E a'o mau aku ia lakou i na mea pili kino ame ka uhane.

            Mai hoino i kou hoa iahui ame kekahi mau hoa lahui e ae. E noho me ka hoomaopopo pono i na kanawai he umi o ke Akua, o ia kekahi mea oi ae, no ka mea ,aole ia he mea okoa ae. O oe no ia a o kakou no apau, ke ola a ke Akua i waiho ai no ke ao nei no na mea apau.

            A in a e paa pono iloko o ka papa o ko kakou mau naau ka olelo hemolele a ke Akua, aole kakou e hele hewa hou mai ke aoao ae o ka oiaio.

            Aole no ka mea hookahi wale keia pono, no kakou no apau, e haawi aku ana, e haawi mai ana. Nolaila mai hoohemahema i ka pono i loaa, no oukou paha auanei e hapala mai o ko kakou pau like no ia a nele loa kakou i kahi honua ole, e pule nui i ke Akua i loaa ia kakou ka ipuka ekomo ai i kahi maha, kahi a ke Akua i kauoha ai ia Moke, e kii i kona lahui kauaka e alakai i ka aina hooilina o na kupuna, ka aina e kahe ana o ka waiu ame ka meli; aole ia he aina okoa, o Hawaii nei no ia; ka aina e kahe nei o ke ko ame ka halakahiki, a in a oe e hoohalike ae i keia mau wai ua like loa no.

            Me ka mahalo a nui Lunahoopo nopono ame na keiki o kou keena hoonohohua.

GEO. M. KAUAULALENA.

 

HE HOOMAIKAI.

 

            E ike auanei na mea apau ma keia owau o Levi L. Iosepa, no Kipahulu, Hana, T. H., ma ka aoao mua, ame ua mana koho baloko o Maui, Molokai ame Lanai ma ka aoao elua.

            Ke hoike nei: O ka mea o ka aoao mua i oleloia, mamuli o ka loaa ana mai o na balota mai ka poe mai o ka aoao elua i oleloia, a wae ia au, owau kekahi moho, nolaila ke haawi nei au i ka'u mau hoomaikai kiekie palena ole ia oukou i keia la, a i ka wa e hiki mai ana, a i ka wa pau ole.

            Oiai, aole hiki ia'u ke komo aku ma ko oukou mau home pakahi e haawi ai i na hoomaikai, nolaila ma ka Nupepa Kuokoa au e hoike ai.

            Na ke Akua e malama a kiai ia oukou ahiki i ko kakou hui hou ana.

            I hoike no ka oiaio o keia, ke kakau nei au i ko'u inoa i keia la 8 o Okatoba, 1920.

LEVI L. IOSEPA:

 

Mr. Mea Koho Paloka:

Miss Mea Koho Paloka:

Mrs. Mea Koho Paloka:

 

            Na loina no na paipu lawe meaino no ka hooholomua ana i ke kulanakauhale holooka, aole loa ia e hiki e hana ia i ka manawa ano. Aka nae, e pono e hoomaka ia ma kekahi wai.

 

            O na loina i hoolala ia no Kalihi ame Waikiki, o na itamu mua ia no ka hooholomua ana no ke kulanakauhale holookoda.

            E koho i na Bona.

 

HOOMAKAUKAU NO MUA AKU NEI

            E Hoao e Hoomakaulii Ano---E Malama i ke Dala e wehe i Buke Banako H@ahu me ke

CHINESE-AMERICAN BANK

A NANA AKU I KA ULU O KAU DALA

NA PAHU DALA                                                     $1.00 no ka Wehe                                                       Kihi e ka Alanui

no ka Hoolimalima                                                      Ana i ka Hoahu                                                           Moi me Nuuanu

 

LUAU

Na PA, NOHO, PAKAUKAU ame na HALEOLE no ka Hoolimalima

PEOPLE ʻ S HARDWARE STORE.

453 Alanui Moi Akau, Kokoke i Palama Settlement.

KELEPONA 2670

6348-8wks.

 

CONSULT

 

SANFORD OPTICAL CO.

Phone                                                                                                                                                                                      1740

OPTICIANS

Boston                                                                                                                                                             Prompt and

@                                                                                                                                                                                accurate work

 

MA KE KAUOHA

 

TERITORE O HAWAII.

 

Keena o ka Puuku, Honolulu, Oahu.

            Ma ka hana e hoopau ana i ka WHITNEY & MARSH, LIMITED,.

            OIAI, o ka WHITNEY & MARSH, LIMITED, he hui ia i kukuluia a e ku ana malalo a ma ka maua o na kanawai o ke Teritore o Hawaii, i kulike ai me ke kanawai i hoomakaukauia ma ua hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia koiia ai ma ke kanawai.

            NOLAILA, ma keia ke haawiia aku nei ka hoolaha i kekahi mea, a i ua kanaka apau he mau kuleana mamua a e kuleana nei paha i keia manawa ma kekahi ano iloko o ka hui i oleloia, e pono e waiho mai i ua ku e ana no ka aeia aku o ka palapala noi i oleloia maloko o keia keena, mamua ae o ka hora 12 awakea o ka la 25 o Iktoba, 1920, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike mai i ke kumu, ina he kumu kekahi i wahi e ae ola ia aku ai ka palapala noi i oleloia.

HENRY C. HAPAI,

Kokua Puuku, Teritore o Hawaii. Honolulu, Augate 16, 1920

6414-Aug. 20, 27; Sept. 3, 10, 17, 24; Oct. 1, 8, 15, 22.

 

TERITORE O HAWAII.

 

Keena o ka Puuku, Honolulu, Oahu,

            Ma ka hana e hoopau ana i ke JAPANESE TRADING COMPANU, LIMITED.

            OIAI, o ke JAPANESE TRADING COMPANY, LIMITED, he hui ia i kukuluia a e ku ana malalo a ma ka maua o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ke hoopau ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia i koiia ai ma ke kanawai.

            NOLAILA, ma keia ke hawaiia aku nei ka hoolaha i kekahi mea, a i na kanaka apau he mau kuleana mamua a e kuleana nei paha i keia manawa ma kekahi ano iloko o ka hui i oleloia, e pono e waiho mai i na ku e ana no ka aeia aku o ka palapala noi i oleloia maloko o keia keena, mamua ae o ka hora 12 awakea o ka la 8 o Novemaba, 1920. a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Mooko, Honolulu ma ka hora 12 awakea o ka la i oleloia, a e hoike mai i ke kumu, in a he kumu kekahi i wahi e ae ole ia aku ai ka palapala noi i oleloia.

HENRY C. HAPAI,

Kokua Puuku, Teritore o Hawaii. Honolulu, Augate 31, 1920,

6416-Sept. 3, 10, 17, 24; Oct. 8, 15, 22, 29; Nov. 5.

 

TERITORE O HAWAII

 

Keena o ka Puuku, Honolulu, Oahu.

            Ma ka hana e hoopau ana i ka OAHU INVESTMENT COMPANY, LIMITED.

            OIAI, o ka OAHU INVESTMENT COMPANY, LIMITED, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu ia me ia ,elike me ia i koiia ai ma ke kanawai.

            NOLAILA, ma keia ke haawiia aku nei ka hoolaha i kekahi moa, a i ua kanaka apau he mau kuleana mamua a e kuleana nei paha i keia manawa ma kekahi ano iloko o ka hui i oleloia, e pono e waiho mai i na ku e ana no ka aeia aku o ka palapala noi i oleloia maloko o keia keena, mamua ae o kahora 12 awakea o ka la 6 o Dekemaba 1920, a o kela ame keia mea e makemake ana e hooloheia aku maluna o ia. mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike mai i ke kumu in a he kumu kekahi i wahi e ae ole ia aku ai ka palapala noi i oleloia.

HENRY C. HAPAI,

Kokua Puuku, Teritore o Hawaii. Honolulu, Sept. 25, 1920.

6420-Oct. 1, 8, 15, 22, 19; Nov. 5, 12, 19, 26; Dec. 3, 1920.

 

KakelameKuke

 

(KAUPELENAIA.)

 

Poe Kalepa ma ke Komisina

 

A HE

 

Poe Agena no na Mahiko Lehulehu

 

He$10 Anei ka Waiwaiio o Kou Mau Maka?

 

156-158 Alanui Hotele

 

Mauka o ka Hokele Young.

            Ua hiki ke loaa ke paa makaaniani no kela mau dala e emi iho, a e hiki ana ke paleia aku ka poino e loaa ana i kou maka, ma o ka nana ana me ka ikaika.

 

Dr. Lewis Edwin Capps

KAUKA RUSHFORTH,

KOKUA,

THOMPSON OPTICAL INSTITUTE

156-158 Alanui Hokele.

Mauka o ka Hokele Young.

 

Kela Laau Kaulana

B.B.C.

 

            He laau i hoohuiia o na launahele, laau e hana pu ana me ka hana a ke Akua, he moomaemae a hooikaika ae i na mea paahana holooka o ke kiao, e kipaku ana i ka ma i kino ame na ma'i ili wale mai, e haawi ana i ke kino i ka ikaika, ke ola ame ka mana i na aalolo.

            E hoopiha ana ka B. B. C. i ke kino me ka ikaika hao o ke ola ame ka ikaika o na la opio. Ua hoo'aia na noe nawaliwali ma na manawa lehulehu mahope o ka inu ana he mau pule wale no. Ua aponoia e na kauka kaulana he nui ame na kanaka iloko o ke ola lahui ana. O ka B. B. C. ka laau kamahao loa ma ke ao.

KAUHA MA NA WAHI APAU.

Keena Kuai Laau B. B. C., 161 Alanui Moi, Honolulu, Hawaii.

 

NUPEPA KUOKOA

 

No ka makahiki (one year)……$2.00

No eon mahina(six months)….$1.00

            O na Dala âme @ Hoolaha Apau a hoouua pololei mai i ka ADVERTISES PUBLISHING COMPANY, LTD., wale no. P. O. Box 208, Honolulu, T. H. 217 Alanui Moi, ma ke keena o ka Nupepa Advertiser.

            Entered at the Post OFfice at Honolulu, T. H., as Second Class Matter.

 

CHARLES S. CRANE….@. @