Ka Nupepa Kuokoa, Volume LVIII, Number 43, 22 ʻOkakopa 1920 — Page 2
| This text was transcribed by: | Kamehameha Schools Gift To Dr. Chun |
| This work is dedicated to: | Dr. Michael J. Chun |
Ka Nupepa Kuokoa
KE KILOHANA POOKELA NO KA LAHUI HAWAII.
1st column: @@@@@@@@@@@@@@@@@@@@@@@@@@@@@@@@@@@@@@@@@@@@@@@@
$4800 i ka makahiki, o na hoolilo no ka ai ame na mea e ae aole pono e oi aku mamua o $1800 i ka makahiki, o koe ana iaia he $3000 i ka makahiki, oia kena loaa makahiki. E lilo ana ka haumana i puka a i hoi aku ma Nanakuli i knanaka kuokoa me ka loaa o na loaa makahiki maikai; no ka haumana e hana ana ma ke ano he kupakako no ka hui aole oia e lilo ana i kanaka kuokoa, koe wale no a ike ola i ka malama hana i ke dala a i ole hoomoe aku paha i kana mau dala, me na hui hoopukapuka dala e nui aku ai kona pomaikai, in a aole pela aole e loaa ana iaia he noho ana kuokoa, in a no ka hiki iaia ke malama dala e loaa ana paha iaia me kahi o ka $1500, a i ole $2000 paha, aka laki ke loaa ia haina dala iaia.
E Mr. Meia, e huli aku oe nou iho i ka moolelo o J_Kahinu, kekahi o na kanaka Hawaii i loaa ke kuonoono i keia la a e noho mai ia ma Kaunakakai, Molokai, a maluna hoi o kekahi aina hookuonoono, a pela hoi me ka moolelo o na kanaka Hawaii o keia au i loaa ka ike ia oe.
Ke manaoio nei au he mea pono loa e hooholoia ka bila hoopulapula no ka pomaikai o na kanaka Hawaii.
E ALUALU HOU ANA I KA NOHO LUNAHOOMALU.
Me ke kakali ole ahiki i ka maopopo ana ae o na hoa oloko o ka hale o na lunamakaainana, m ake koho baloka o ka la 2 ae noi o Novemaba, eia ka Mea Hanohano H. L. Holstein o Kohala, ke hana e nei no i knoa ikaika i wahi e lilo hou ai iaia ka noho lunahomalu ana, n okeia kau ae o ka ahaolelo kuloko.
I keia kulanakauhale iho nei ka Mea Hanohano H.L. Holstein, ma ke kalaudina mai, o ke kakahiaka Sabati aku la i hala, a ma ka Mauna Kea o ka Poakoln nei i huli hoi bon aku ai oia no Kohala.
I ka hoomaopopo aku, wahi ana, aole he kanalua no ke kohoia o na moho o ka aoao Repubalika, ma Hawaii Komohana , no ka mea, he uuku loa kahi mauaolana o n amoho Demokarata malaila, uo kela maopopo loa paha, o kona kohoia a puka, ma ke koho baloka ae nei, pela iho la oia i hele e mai ai e hoopapa i ko Honolulu nei mau moho, no ka haawi ana aku i ka lakon mau kakoo ana iaia i lunahoomalu no ka hale.
Aia maluna o na lunamakaainana o na Mokupuni o Hawaii, Maui ame Kauai ka manaolana o H. L. Holstein, no ka loaa hou iaia o ka hanohano, e noho lunahoomalu no ka hale, me kona manaolo no nae e loaa ana no he poe kakoo iaia maiwaena ae o na moho e kohoia ana o Oahu nei.
Aole nae o ka Mea Hanohano H. L. Holstein wale no ke hana e nei, no ka loaa o ka ikaika iaia, i wahi e lilo hou aku ai ka noho hoomalu ana o ka ha'e o na lunamakaainana malalo ona, aka o ka pnulu no kekahi nana i hoao e kala'i iaia, i kela kau aku nei i hala, o ka ahaolelo, eia kela puulu ke haha mua nei i ka mauao o na moho i waeia ae nei, o na mokupuni leulehu.
Oiai ua hoakaka ae ka Mea Hanohano no H. L. Holstein, i knoa manao no ka makemakeia e lilo ka noho lunahoomalu o ka hale i ka Mea Hanohano J. K. Jarrett, i ka nana aku, aole pela maoli, ka iini o ka puulu e kue aku ana iaia, aka e waihoia akua ana ia hanohano ia Norman Lyman o Hawaii Hikina, ka mea a lakou i hoomaopopo ai i keia manawa e koho ia mai ana oia a puka.
Ua loaa ka ike i ka puulu e kue nei i ka Mea Hanohano Holstein ma ka haawi ana aku i keia hanohano ia Norman Lyman o Hilo, e weluwel nliilii ana ka lokahi o na lunamakaainana mai Hawaii mai, mahope o ka Mea Hanohano Holstein, a hui pu iho hoi me na lunamakaainana o Oahu nei, e lanakila ana ka lakou moho.
Me Keia mau hoolala ana no nae, ma ka aoao o ka puulu nana i kue i ka Mea Hanohano Holstein, i ke kau aku nei i hala, a e kue hou aku ana no hoi iaia i keia kau, ua paa no kona inanao, oia aku ana no ka lunahoomalu o ka hale o na lunamakaainana, ma ka wa e noho mai ai ke ku kuikawa, o ka ahaolelo iloko ae nei o ka mahina o Novemaba, mahope aku o ke koho baloka nui, a pela aku no i ka wa e noho mai ai ke kau mau o ka ahaolelo, iloko o ka mahina o Feberuari o keia makahiki ae.
HOAHEWALA O CRABTREE NO KA HOLONUI.
O R. N. Crabtree i hoopiiia ae ai no ka holonui, ua ikeia kona pili i ka he wa e ka papa kiure a ka aha hookolokolo kuapuni a ka Lunakanawai J. J. Banks ma ka Poalua nei mahope o ka hookolokoloia ana no ka manawa pokole, a mahope hoi o ka noonoo ana o ke kiure mai ka hora 11 mai o ke kakahiaka ahiki i ka hora G o ke ahiahi. Ma ka hora 9 o ka la apopo e kauia mai ai ka hoopai maluna o Crabtree. He 10 wale no mau kiure i noho e hoolohe i keia hihia, no ka lawa ole mai keia o na kiure ma ka manawa i waeia ai no ka hoolohe ana i keia hihia.
O H. E. Stafford, ka hope loio kulauakauhale ame kalana, ma ka aoao hoopii, no ka lawa ole o na kiure i waeia e noho ai e hoolohe i keia hihia he umi wale no i hiki e loaa ua ae mai ka lolo o ka aoao pale a pela i waeia ai i umi wale no mau kiure. O ka mamakamua loa paha keia o na hihia a we kabi kiure i hoolohe ai i kekahi hihia i umi wale no mau lunakanawai, aole e like me ia mamua he umikumamalua ka lawa o ke kiure.
HE 14, 695 KA HUINA NUI O KA E POE KOHO PALOKA
O ka heluna o na kane i hopaa ae i ko lakou mau inoa ana ka Poalua uei he 270; o ka huina nui o na kane i hoopaa i ko lakou mau inoa ahiki ia la he 9,378 ke koena o na kane i hoopaa ole i ko lakou mau inoa i kohoia 622.
O ka huina o na wahine i hele ae e hoopaa i ko lakou mau inoa ma ka Poalua nei 355, a o huina nui o na wahine i hoopaa i ko lakou mau inoa a o lakou hoi kekahi poe e koho paloka ana ma ka la 2 oe nei o Novemaba he 5, 317, o ke koena aku o na wahine i kupono e koho paloka i kohoia he 1,683. Maikai maoli keia huina o na wahine iloko o keia manawa pokole loa o ko lakou hoopaa ana ae i ko lakou mua inoa.
O ka huina nui o na kane kupono i ke koho paloka i hoopaa ae i ko lakou mau inoa a pela hoi me na wahine he 14, 695, no ka mokupuni holookoa o Oahu.
He eona haneri ame ka iwakaluakumamalima mau kane ame na wahine i hele ae e hoopaa i ko lakou mau inoa ma ka Poalua nei ahiki i ke aumoe o ia la, ka manawa i paa hou ai ka buke a ke kakauolelo kulanakauhale ame kalana Kalauokalani o keia heluna nui ae la ka i manaoia e pau loa ae ana i ka hele e koho ma ka la 2 ae nei o Novemaba. He iwakaluakumalima ka oi aku o keia huina mamua o ka ke kakauolelo Kalauokalani i koho ai.
He 85 ka oi ae o na wahine mamua o na kane i hele ae e hoopaa i ko lakou mau inoa ma ka Poalua nei, a ma na apana hoi he umikumamalima ka oi aku o ka poe koho paloka o ka apana eha. O ka huina ma na apana Apana Eho 148 kane a 157 mau wahine; Apana Elima 122 mau kane a 198 mau wahine.
Ma ka nana iho ua maikai maoli ka heluna o na kane i hoopaa i ko lakou mau inoa, no ka mea mailoko mai o 10,000 ka heluna nui o na kane kupono i ke koho paloka i kohoia, he 622 wale no nae ka heluna i koe, a e manaoia ua pau paba ia poe kane i ka hele maluna o ua mokukaua,, a i ole ua loaa ole paha he manawa no lakou e hele ae ai e hoopaa i ko lakou mau inoa, a i ole he hoopalaleha maoli iho no paha.
No na wahine hoi, ua maikai maoli ko lakou heluna, ka poe i hele ae e hoopaa i ko lakou mau inoa, iloko o kela manawa pokole loa, e hiki ai no ke manaoio iho no kekahi kau koho paloka hou aku e pau loa ae ana lakou i ka hele ka oi aku o na wahine i hoopaa ai i na ka oi aku o na whine hoopaa ai i na inoa mamua o ka hapalua o ko lakou heluna nui i kohoia.
Aohe manawa i ikeia ai ka nui loa o na kane i hele ae e hoopaa i ko lakou mau inoa e like iho la me keia, a aohe ua hoi he manawa iloko o ua kau koho paloka o na makahiki lehulehu i hala aku nei i ikeia ai keia heluna nui o ka poe kupono i ke koho paloka nona keia huina he 14, 695.
Ma keia koho paloka laula e malamaia ana ma ka Poalua o Novemaba ia 2 o keia halalo paloka laula e wkypupunn keia malalo nei na moho Elele, Senaton ame lunamakaainana a 14,695 poe koho paloka e koho ai no lakou keia mau inoa:
Na Elele I ka Ahaolelo Lahui
J. K. Kalanianaole, Repubalika
L. I.. McCandless, Demokalaka
Na Senatoa
Repubalika- Ahia, Wm. M.; Judd, I. M.; Lucas, John
Demokarata- Ateherley, Mary; Miles, William E; Robertson, Archie;
Na Lunamakaainana
APANA EHA
Repubalika- Andrew Lorrin; Cooke, C.M.; Cristy, A.M.; Jarrett, J.K.; Lowery, F. D. Wilder, O.P.;
Demokarata- Alameida, C.L.; Awana, Theo.; Pringle, C.D.; Roberts, C.I..; Slattery, N.R.
APANA ELIMA
Repubalika- Archer, F.K.; Crawford, Eli J.; Fernanadez, E.K.; Mann, sam; Marino Jr. E. H. S.; Vierra, A.K.;
Demokalaka- Ahuna, R.; Ah Nee, G.K.; Holt Jr, G.H.; Kalakiela, J.; Kupihea, D.M.; Uluihi, J.
LAWE HOU LA KA AINA HOOKUONOONO O CUTTER.
O Stanely Cutter i kamaaina ia e kekahi hapa o ko HOnolulu poe he haole i hana me ka hui kaa uwila o Honolulu, ua kipakuia mai la oia mailuna mai o kona aina hookuonoono ma Waiakea, Hawaii, no kekahi mau kumu kue ma kona aoao i ka aelike i hanaia ai mawaena o ke aupuni ame ia, a ua hooleia ka hoihoi ana mai iaia o kona mau hoolilo no kekahi hale ana o ke kululu ana maluna o kona apana aina nona na lilo he $390. O ke kumu mai o kela ua loaa ka ike i na komisina aina aohe noho o Cutter maluna o kona apana aina hookuonoono, elike me ia koiia ai ma ke kanawai, a o kekahi epa ana o ka hana ana oia kona kaai ana aku i kana oo ko o ka 1921 i kekahi Kepani lawe aelike hana. Ua manaoia keia hana ana he kue maopopo i ka ae like home hookuonoono. Kolohe no keia ano hana; he makemake hoi i ka aina, peia iho la ka ka hana i mea e nele hou ai. Ua pono ka nele ana he kolohe.
HE HOOHENO NO KALANIANAOLE
O ke alii wale no ka'u makemake,
O ka luhi o maua me ia nei,
Ahiki aku i ka pahu baloka,
Koho pololei ia Kalanianaole.
Hui.
E o'u mau haku makaainana,
O Kauai o Mano Kalanipo,
Ahiki aku i ka pahu baloka,
Mai poina ia Kalanianaole.
He elele mau ia na ka lahui,
I ke kapikala a o Wakinekona,
A ka la 2 a o Novemaba,
Mai poina ia Kalanianaole.
Na'i ana i ka pono
Kaulike no ka lehulehu,
Ahiki aku i ka pahu baloka,
Mai poina ia Kalanianaole.
Hakui ae PETER KAMANO.
Makahuena L. Station.
E KOHO IA HON. DAVID M. KUPIHEA I LUNAMAKAAINANA, APANA KOHO ELIMA.
HON. DAVID M. KUPIHEA.
He eha wale no mau kumu ano nui e hiki ai e hookuponoia ua moho holo halola no ka ahaolelo, a oukou e na haku makaainana e noii a e nana mua ai, heaha ma ke kua a heaha ma ke alo, i waiwai ka baloka a oukou e haawi aku ai, penei:
1. He kanaka kuokoa, nona ponoi kona noho ana ma na ano apau.
2. He kanaka i loaa ka makaukau ma ke kanawai, a maopopo ma na olelo a i elua; sure oluna, sure olalo, lawa kupono ma kona mau aoao apau.
3. He kanaka e paa ana i ka Pono Kivila laua o ka lehulehu, aole no ke kuai a piepiele wale aku.
4. He kanaka i houhou mua ole ia, ua pukaihi (stool pigeon) e kekahi puulu hapuku waiwai.
E hoopaanaau i keia mau olelo e kau ae la maluna, pela e maopopo ai ia oukou ke ano o ia mea i kamailio mau ia e hoopono ma ka ahaolelo.
Eia hou he olelo naauao a kahiko: No ka home: ''He ikaika ke kanaka i ke kaena i ka wa pilikia ole aka, he hohewale i ka wa o kona pilikia.
No ka ahaolelo: ''He ikaika ke kanaka i ke kaena, oiai mawaho nei, aka, he hohewale a he maka'u wale i kona komo ana ilaila.''
-Kupihea, (Fighting) Dave.
E o'u mau haku makaainana, eia mai ka Kupihea ma mau kanawai i hooikaika ai no ka pono a pmaikai o kakou no apau loa e noho nei ma ka Paeaina lolopuni o Hawaii nei.
Moolelo Pokole pili i ka Mana Koho o na Wahine e Waihoia Imua o na Mana Koho ma ke Koho Balota Akea.
Plebiscite Record.
E Koho Baloka Apono (mua ia) ka Ninau Mana Koho Baloka o na Wahine o ke Teritore o Hawaii, 1913.
Ua apono mua ka ahaolelo Repubalika i kela kumuhana ma ke kau mua o 1913 ahiki mai uo i ke kau ahaolelo o 1919. Hoole hou lakou i ka hooholo loa ana i ke kanawai (koho apono) helu 243 a Lunamakaainana Jarret (i holo i ka Hale) ma ka pii ana aku i ka aha senate, Aperila, 1919.
Penei e maopopo ai: Woman Suffrage
-House Joint Resolution NO. 1. Olelo hooholo hui helu 1. Hookomoia ae e Rep. Spalding o Kauai, e noi ana i ka ahaolelo o Amerika e hoololiia ke kanawai kumu, a e koho baloka hoapono mua ia ka ninau mana koho baloka o na wahine ma keia Teritore, etc.
O ka hoolilo koho balota o $15,000, ua hookomoia ae i ka Hale, Feb. 19, 1913.
Woman Suffrage. House Joint Resolution No. 3. Olelo hooholo hui helu 3. Na Hon. David M. Kupihea, hookomoia Feb. 25, 1913, penei:
Olelo hooholo-E hooholoia e ka Hale o na Lunamakaainana ame ka Aha Senate Hui o ka Akaolelo o ke Teritore o Hawaii.
Ke noiia aku nei ka Ahaolelo Nui o Amerika Huipuia e hooloii i ka pauku 60 o Kanawai Kumu o Hawaii i hiki ai i na wahine mawaho ae o na kane, he makaainana nae no Amerika Huipuia, i hoea aku na makahiki i ka 21, ua hiki e maopopo ma ka olelo, heluhelu ame kakau i ka olelo Ehelani a olelo Hawaii paha, e hookupono aua no ke koho ana i na luna aupuni Teritore ame kalana iloko o ke Teritore o Hawaii.
Ma keia ke hooholo hou ia nei, e kauohaia ke Kiaaina o ke Teritore e hoouna aku i kope oiaio o keia olelo hooholo hui i ka Pereridena o Amerika Huipuia, ka Peresidena o ka Aha Senate, Lunahoomalu o ka Hale o na Lunamakaainana, ka Elele o Hawaii, me ke noi e waihoia aku keia olelo hooholo hui imua o ka Ahaololo Nui a e wiki ka noonooia aua.
DAVID M. KUPIHEA
Lunamakaainana, Apana Elima.
Feb. 25, 1913.
He olelo hooholo hui keia e haawiia ka mana koho (wa ano) me ke koho balota ole o na mana koho o ke Teritore.
He kanawai keia e hoololi ana i ka psuku 60 Ke kanawai Kumu, aole koho balotu hoapono (plebiscite) elike me ka na Repubalika. Kapaeia keia olelo hooholo e na Repubalika.
Aperila, 1913, waihoia mai he palapalu noi e na wahine.
Palapala Noi a na Wahine o ke Kalana a Kulanakauhale o Honolulu
Mea Hanohano H. L. Holstein, Lunahoomalu, Hale o na LUnamakaainana: E ke Keonimana: O makou ka poe no lakou na inoa malalo nei, ke noi haahaa aku nei e maliu mai oe ia makou ma ka mea e pili ana i ka haawi ana mai i ke kuleana koho balota i na wahine o keia Teritore.
Ua maopop no ia oe, he ninau keia i laweia mai a ke noouooia nei e kela ame keia, a ua haawiia aku no keia pono ma kela ame keia mau mokuaina lehulehu. Ke manao nei makou e koua aku i ka manao o na wahine o Hawaii nei, ma na olelo ana ae, o ia no ka iiui nui maanei, maluna o ia ninau a ke manaoio nei makou he hana kaulike ka haawiia ana mai o ke kuleana koho balota elike me ia pono i loaa i na kane.
Aia he elua mau olelo hooholo e nonoi ana i ka Ahaolelo Nui e kauoha ana e hoololiia ke kanawai kumu o ke Teritore nei, i hiki ai e loaa aku ka pono koho i na wahine o ke Teritore, ua hookomoia mai ma keia ahaolelo, a kapaeia, aia ma ke pakaukau o kei Hale.
Aole loa makou i aeia no ka hoolohe ana i kekahi o ia mau bila; aole no he hana pono na makou e hoakaka aku ai ia oukou i na kumu o ko makou iini ana e loaa mai kela pono, aka, he makemake makou e hapai hou ia mai ka olelo hooholo hui helu ekahi mai ke pakaukau ae, a e hooloheia keia olelo hooholo, a e loaa hoi ia makou he manawa kupono e hoike ai i ko makou manao.
Kakauinoaia e na wahine lehulehu, o Mrs. Dowsett et al.
Ua hapaiia mai ka noonoo ana maluna o ka olelo hooholo; ua kueia keia noi e Rep. Kawewehi; nolaila, ua wai ho mai o H. L. Holstein he olelo hooholo hui helu 18, penei:
Concurrent Resolution
Be it Resolved by the house of Representatives and the Senate of the Legislature of the Territory of Hawaii:
That the Congress of the U.S. of America be requested to authorize and direct the Governor of the T. H. to call a special election by the legally qualified electors of the said Territory as registered at the time of said authorization and direction for the purpose of submitting to the electors of said Territory the question of equal suffrage, etc.
That the Congress of the United States be requested to provide a fund of at least $15,000 for defraying the expenses of said special election.
Copies, etc., etc.
H. L. HOLSTEIN
Representative, Second District.
Wehewehe Manao
Ma keia olelo hooholo kanawai helu 18 e maopopo ai ia oukou e na kane ame ua wahine o keia Teritore, ua pau mua e kala kahiko loa i hoaponoia ai kela kumuhana, no ka waiho ana i ka ninau koho balota o na wahine imua o na mana koho kane o keia Teritore no ke apono mua ana. O ka olelo hooholo helu 18 a Holstein ua like no ia me ka olelo hooholo hui helu 1 a Lunamakaainana Spalding o Kauai, e noi ana i ka Ahaolelo Makua e koho balota mua ia (plebiscite) ka ninau mana koho o na wahine.
He elua olelo hooholo a na Repubalika maluna o ke kumuhana "ninau mana koho o na wahine," e waihoia imua o na mana koho o ke Teritore (referendum). Na H. L. Holstein ame Spalding.
Ua kakooia keia olelo hooholo kanawai a Holstein e na wahine i akoakoa ae ma ka Hale o ua Lunamakaainana ma ka po o ka la 19 o Aperila.
Eia iho na wahine alakai i kakoo i ke koho balota kuikawa maluna o ka ninau pono koho o ua wahine elike me ka manao o ka olelo hooholo hui. Eia ko lakou mau inoa: Mrs. Dowsett, peresidena o ua wahine Repubalika: Mrs. S. Kali, peresidena hui wahine Demokarata; Mrs. Robt. Sharp, ame na ledo e ae.
Ma ke noi a Holstein i kokuaia e Kepihea ua waihoia kela olelo hooholo ame ka palapala noi iloko o ke komite o Oahu no ka noonoo ana; o Lunamakaainana S S. Paxson ka lunahoomalu o keia komite.
Ma ka la 28 o Aperila ua hoihoi ae keia komite i ka lakou hoike penei:
Honolulu, Apr. 28, 1913.
Hon. H. L. Holstein, Speaker House of Representatives, Honolulu.
Sir:- Your special committee composed of the Oahu deletion, to which was referred HOuse Concurrent Resolution No. 18, praying that the Congress of the United States be requested to authorize the Governor of the Territtory of Hawaii to call a special election to vote upon the question of the equal suffrage movement, recommend that the amendment:
Amend the title so as to read "Be it resolved by the HOuse of Representatives, the Senate concurring."
Respectfully submitted,
Democrats- S. S. Paxson, chairman: David M. Kupihea, H. M. Kkaniho, J. K. Paele, Julius W. Aseh, J. S. Kalakiela, Wm. R. Kinslea.
Republicans- C. H. Cooke, Norman Watkins.
Aponoia keia hoike komite la 28, 1913.
E nana aoao 1068 moolelo Hale o na Lunamakaainana, 1913.
Kakoo Ikaika o Kupihea Ma
Nolaiia, e ike mai oukou i ke ano o na hana i lawelaweia e na hoa o ka Hale maluna o ka ninau mana koho o na wahine.
Ma o aku aole mea i maopopo i ka hopena o ia hana, ahiki wale no i ka wa i loaa mai nei o ka mana koho laula i na wahine Amerika apau a hoea mai i keia Teritore.
No Kupihea âme na Demokarata o ka Hale ame na Repubalika i kakoo i keia kumuhana elike me ia i hoikeia maluna, ua kupaa mahope o ka olelo hooholo i aponoia e H. L. Holstein, i aponoia e na wahine i alakaiia e Mrs. Dowsett ame Mrs. Sarah Kali, i aponoia e na Demokarata o ka Hale iloko o ia kau o 1913, aole loa i kueia ka makemake o ua wahine o Hawaii nei maluna o ia ninau elike me ia a kekahi poe moho Repubalika e hoopunipuni hele nei imua o oukou.
Ma ke kau ahaolelo o 1919 ua waiho hou ia mai he mau palapala noi lehulehu i kakauinoaia e na wahine Hawaii ame na kane (referendum or plebiscite) i hoea aku ko lakou heluna i ka elua tausaui a oi, e noi ana e hooholoia i kanawai e koho balota mua ia (plebiscite) keia ninau imua o na mana koho o ia na kane o keia Teritore, mamua hoi o ka hooholo pupuahulu ana ia o kekahi kanawai hookikina, e hoopilikia loa mai ai i ka nohona maluhia o ko lakou mau home, a oiai no, ua kuhaiki loa ka manawa e hiki ai e loaa he wa kupono no ke kakauinoa ana o na wahine Hawaii oiai, ke kau koho kalana a munieipala e nee koke mai ana, aole loa ia he kaulike.
O kekahi kumu no aia ka Ahaolelo Makua ke noonoo mai la no ma ia uinau hookahi no, pili i ka hoololi kumukanawai, maluna o ka hoololi maua koho a Susan B. Anthony. He pono laula nae ia no na wahine Amerika apau.
O keia mau palapala noi o elua tausani lede ame kane, he poe Hawaii ka hapanui, he poe wahine Pukiki kekahi, Pake, Etc. Us kakooia keia mau palapala ni e ka hale o na lunamakaainana, kau o 1919, a mamuli o keia mau kumu pololei, i hoomoeia ai ke kanawai senate a Kiwini hookikina helu 48.
Mamuli o keia mau palapala noi, i waiho ae ai o Rep. Jarrett i ka bila kanawai koho balota kuikawa mana koho o na wahine, H. B. helu 234, e kauoha ana e malamaia kekahi koho baloka kuikawa mahina o ka mana koho o na wahine, no ke apono ana a apono ole paha o ka hapanui o na kane. O ka hoolilo no ke koho balota he $10,000.
Holo keia bila ma ka Hale o na Lunamakaainana, la 8 o Aperila, 1919. Pepehiia e na senatoa Repubalika a haule keia kumuhana ahiki i ka pau ana o ke kau.
Pololei
Ua naauao na wahine Hawaii ua makee i ke kaulike, akahele a piha noeau, a he manao Kristiano iloko o lakou, aole makemake i na hana hookikina wale, a hoapakee.
Elike me ka Amerika Huipuia ma kona ahaolelo nui la i hana mai nei, a waiho ae nei imua o na mokuaina he 36 no ke apono ana i ka mana koho o na wahine Amerika, pela no i makemake ai na wahine Hawaii maoli o keia Teritore e hookoia ko lakou makemake ma ia alahele like no, o ia ka naanao ame ke kaulike.
Aole i uiia mai ka manao o na mana koho kane o keia Teritore maluna o keia ninau, nolaila ua ili aku ia kuleana maluna o ke Aupuni Makua. He ninau lahui keia, aole ma keia Teritore wale no.
O ke noi e waihoia ka ninau mana koho o na wahine imua o na kane mana koho, a na lakou e hoapono, i ole ai e ili wale na ahewa ana a ko lakou mau kane maluna o na wahine, in a hemahema ka lakou hoohana ana i ko lakou mau balota, ma keia mua aku, in a oili mai na poino mamuli o ka hoohemahema, he noi kaulike loa keia.
Maikai eia noi, a o keia ka Kupihea ma ame na Repubalika noonoo maikai i kakoo ai aole i ku e aku. Elike no me ka olelo hooholo kanawai hui, i aponoia ma ke kau ahaolelo Repubalika o 1913, i apono mua ia e na wahine, Mrs. Dowsett ame Mrs. Sarah Kali ame na lede maikai e ae, pela no ke noi a na wahine ma ke kau ahaolelo Repubalika o 1919 i pau.
Olelo Naauao
"Aia a kupaa ke kanaka maluna o kona kahuahana e helelei no auanei na mea apau."
Nema Wale
Aole o kakou kuleana nema a hoohuake'o ma ia ninau, o ke Aupuni Makua wale no ke kuleana e nema mai, a e nana mai ia kakou (na Hawaii oiwi), pehea kakou e hoohana aku ai ia pono pilipaa i oi ae maluna o na waiwai makemae apau.
Heaha ko kakou e ku Pehea ana kakou, a mahea kakau e ku ai? Heaha ko kakou kahuhana e ku ai? Heaha na ninau ano nui a kakou e hooikaika i i kela mau la no ka pono laula o ka lehulehu o keia mau paemoku?
Kahuahana, aoao Demokaraa, 1012, Plebiscite, koho baloka apono.
Kahuahana, aoao Demokarata 1914, plebiscite, koho baloka apono.
Kahuahana, aoao Demokarata, 1916, aponoia Aug. 24. Plebiscite, koho balota apono.
"Na kahuahana apau a keia aoao, na kakoo aku i na kahuahana mua."
D. M. KUPIHEA,
Fighting Dave.
AOHE MAKEMAKE O KA WAHINE I KA MAKUAHONOWAI.
No ka mokuahana o ka makua honowai wahine me ka hunonawahine i laweia ae ai o Mr. ame Mrs. Hackenberg mamua o ka Lunakanawai LIghtfoot ma ka Poaono aku nei i hala.
He kanaka hana o Hackenberg no ka hale uweaolelo uweaole o Kahuku. Hookahi wale no halenoho malaila a maloko o kela hale eha poe, o Hackenberg me ka wahine ame na makua o Hackenberg. Ma ka lakou olelo he akea loa na rumi maloko o ia hale no lakou, eia nae, ma kekahi manawa aku nei i hala ua hoomaka ae la e ulu he mau manao pono ole e pili ana i ka oluolu maikai ole o ka noonoo no ka noho pu ame na hooponopono e ae.
O ka makuahine o Hackenberg ka mea nana e kuke ka lakou mau meaai i ka hapanui o ka manawa, elike me ka Hackenberg o ka hoike ana ae imua o ka aha. Ua ulu ae he mau hoopaapaa ana mawaena o ka wahine a Hackenbergg ame ka makuahine, a ua lilo ia i kumu e haalele aku ai o Mrs. Hackenberg ia Kahuku ma kekahi manawa kokoke aku nei, a hoi mai la no ke kaona nei, a no Hackenber nae ua noho aka no oia i Kahuku i kahi o kana hana.
"Ua makemake kuu wahine e huli au i hana na'u maloko o Honolulu nei, " wahi a Hackenberg o ka hoike ana ae i ka aha. "He hana maikai ka'u i nei manawa a ua makemake no au e malama ia hana. O kekahi no hoi he makemake au e noho pu me ko'u mau makua. He mikauika kuu makuakane a e a'o mau mai ana ola ia'u i ka hana ana i na mea e pili ana i na mikini," wahi a Hackenberg o ka hoike ana ae i ka aha.
"Aole o'u makemake e haalele oia i kana hana ma Kahuku a e huili oia i hana nana ma HOnolulu nei, " wahi a ka wahine o ka pane ana ae, "aole o'u ku e i ka noho ma Kahuku, aka nae, aole o'u makemake e noho pu me kona makuahine, nolaila he mea pono i kuu kane e malama mai i kuu ola."
Noonoo iho la ka Lunakanawai Light-foot he hana pono ka mahele ana i ka hale i elua mau rumi no Hackenberg me kana wahine, a i elua no hoi rumi no na makua o laua, ma ia ano e hiki ai ia Mrs. Hackenberg ke kuke nona iho, ke hoolakoia aku oia me na lako kupono apau no ke kuke ana.
No ia kumu ua kauoha mai la oia ia Hackenberg e hookaawaleia ka hale ma na rumi, a oiai oia e hoomakaukau ana e waiho ae oia me ka ana i $20 i ka pule no na mea e pono ai ke ola ana o ka wahine.
MAUNA KA MAMA I KONA OLA A PAKELE KA BEBE.
Hoko o ka manawa e holapu ana me ka weliweli na ulaahi anaole i ka hale kuai o T. Terada ma ke alanui Moi, aei o ka pule i hala aia maloko o ia hale i kela manawa kekahi bepe e hiamoe ana maluna o kona wahi moe, a no ka hoopakele ana mai i kona ola i mauua okoa aku ai kona makuahine a hiki i kona kaawale ana mai kahi o ka poino, eia nae, mamuli o ia mauna ana o ka makuahine i kona ola no ka hoopakele ana mai i ke ola o kona bepe ua papaa kekahi mau wahi o kona kino. O ke kumu o kela ahi o ka a ana ae a i hana ai hoi i kekahi poho nui i ua waiwai i koho wale ia aia ma kahi o ka $10,000, he mea pohihi loa ia.
Ma ka manawa o ke ahi o ka hoomaka ana ae e a maloko o ka rumi hookipa o ka halenoho e pilipu aka ana i ka hale hoahu ukana a e huli mai ana i ke alanui Moi, e hana ana o Mrs. Terada maloko o kekahi hale mahope aku o ka halenoho. Maloko o kekahi rumi ma ka papahele maloko o ka hale noho kona wahi o ka hoomoe ana i ka bepe.
Hoko o ka manawa e holapu ana ke ahi ialoko o ka hale, he mea maka'u loa ia e kekahi poe, ua nana ole ae la i kona poino, o ke ola wale no o kana bepe ka mea nui iloko o kona noonoo o koaa holo mai la no ia a hoopu i ka bepe he 15 wale no mahine, he bepe keikikane, oiai ola e noke ana i ka awe, a lawe aku la i ka bepe mai kahi aku o ka make, a ma ia hana ana i papaa ai kona helehelena aina kona lima hema mamuli o ka ikaika loa o ka wela.
Ua lawe koke ia aku ka makuahine ame ka bepe no kekahi hale aku e ku kokoke mai ana a malaila i malamaia ai laua. O ka mea laki loa oia ka bepe aohe on a wahi i wela i ke ahi, no kona mamao loa paha mai kalri aku o ke ahi, koe wale no kona moni ana i ka uwahi.
Ma ka manawa i hoikeia mai ai kela pauahi i ka oihana kinalabi ua hoea koke aku malaila ke kaawai kikowaena ame ko ka Palama, a maloko o na minuke he iwakalua ma ia hope iho na pio iho la ke ahi. O ka helenoho ka i oi aku ka poino, o na paia uliuli wale no e ku olohelohe ana i papaa ka mea ikeia aku.
He 300 mau eke papapa hana soi maloko o ka hale i pau i ka aia e ke ahi mahope o ka pio ana o ke ahi aohe mau apana eke i ikeia a i loaa aku hoi i na kanaka kiuai ahi. O na poho i koho wale ia aia ma kahi o ka $10,000, a he $2000 wale no ka inisua. Ohope o ka hale hoahu ukana ka i aia e ke ahi a ua nui ka poino, a o kahi hale nae a Mrs. Terada e hana ana ma ka manawa o ka ikeia ana o ke ahi ua wela no aohe nae i aia aku, oiai uae nohe no i mamano loa ihope mai ka hale e holapuia ana e na ulaahi.
He eono ka nui o na hale pauahi mai ka la hoomaemae kulanakauhale mai a i ole ka la hoopakele i na Ulia pauahi, oia ka Poaouo la 9 o Okatoba i hala, a iloko o ia mau pauahi eono o keia ka oi aku o ka pauahi i oi aku ka hoopoino.
HOAO E LAWE I KONA OLA MA O KE OKI ANA I KONA KANIAI
He haole nona ak inoa i hoopaaia maloko o ka buke a ka oihana makai o Bowley, ka mea i hoao e hoopokole i kona mau la o ke ola ana, no kona uluhua paha i ke ola loihi a makemake e hoi koke i ka aina o Kanehunamoku, ma o ke oki ana ae i kona kanini me ka pahi, a ma ka oleloia he haole Amerika ka oia a nona hoi na makahiki aneane i ka 29. O kona wahi ka o ka nolio ana aia ma kekahi hale ma ke alanui Moi kokoke i ke alanui McCully. Ma ka manaoio o na makai ua inoino ka noonoo o kela haole a ua ana opulepule, pela oia i hoao ai e hoopoina i kona iho.
MAHALOIA NA KEIKI O KE KULA KAMEHAMEHA.
Ua haawi ae ka Mekia Kenerala Morton i kana hoomaikai i na keikikane o ke Kula Kamehameha i holo kau nei e a'o ia mai no ka lilo ana i mau aliikoa ma kekahi hoomoana ma ke Camp Kearney, ma Kaleponi, ma kela kau wela aku nei, maloko o kana haiolelo o ka haawi ana ae ma ka auwina la Sabati iho nei imua o na haumana koa a'o hou o ke Kula Kamehameha maloko o ko lakou halepaikau.
Ma ka hoakaka a ke Kenerala Morton o ka hoike ana aku imua o na haumana koa a'o hou o na keikikane he 10 i laweia aku ai e a'o maloko o kala a'o koa ma Camp Kearney, na hookuponoia lakou ma ke ano he poe ki pololei, a ua hookau pu ia mai maluna o lakou kekahi mau inoa hanohano e ae no ka hoolohe ame ka hooko pono i na hana apau i kauohai mai ai ia lakou. Nui keia hanohano i loaa i na keila Hawaii.
HOOLAHA KUAI O KA HOOLIMALIMA AUPUNI
Ma ka hoia ekahi me ka hapa p.m. Poalima, Novemaba 26, 1920, ma ka Hale Hookolokolo o Kapae, Kawaihau, Kauai, malaila e kuaiia aku ai ma ke kudala i ka mea koho kiekie loa, malulo o ka Pauku 2=380 o na Kanawai hooponopono Hou ia o Hawaii, o ka 1915 ka hoolimalima laula o ka aina i hoakakaia malalo iho nei, maloko o ka Apana o Kawaihau, Mokupuni o Kauai.
Na Apana 15 a 40, i hui pu ia, o ka Apana Pa Hale o Kapaa, nona ka ili aina i kokoke loa i ke 33.74 eka, oi aku a emi mai paha; manawa o ka hoolimalima eono makahiki, mai Novemaba 26, 1920 aku; uku hoolimalima haahaa, Umikumamalima Dala ($15.00) ka eka, o ka makahiki, e uku hapa makahiki mua ia.
Na ka mea kuai mai e uku i na hoolilo o ka hoolaha ana, ame na kaki ae e pili ana i ka hoomakaukau ana keia hoolimalima.
No na kii palapala aina, ame na hoakaka aku i koe, e noi mai ana ke keena o ka Hope Akena, Mr. G. W. Sahr. Lihue, Kauai, a i ole, ma ke keena o ke Komisina o na Aina Aupuui, Hale Kapitala, Honolulu, T. H.
C.T. BAILEY,
Komisina o na AIna Aupuni.
Hanaia ma HOnolulu, Oct. 14, 1920.
6423-Oct. 22; Nov. 12.