Ka Nupepa Kuokoa, Volume LVIII, Number 42, 15 ʻOkakopa 1920 — NO KA IPUHAO PUHI OKOLEHAO KE KUMU O KE AHI. [ARTICLE]

NO KA IPUHAO PUHI OKOLEHAO KE KUMU O KE AHI.

Ua loaa aku he ipuhao puhi okolehao keleawe nui i na kanaka kinaiahi o Honolulu nei maloko o kekahi rumi ma ka hale maluna o kekahi Kepani e ku ma ma ke alanui 12, Kaimuki, ma ke kakahiaka Poakahi nei, ma ka manawa a ko kou i hoea aku ai ia hale mamuli o ke kahea ae a ka poe e noho kokoke mau ana i ua hale la, a ma ko lakou manaoio o ke kumu o kela ahi o ka hoomaka ana ae e a mai ke ahi aku o ka ipuhao puhi okolehao. Ma ka hoakaka a ka Lunakinaiahi Thurston elike me kana i manao wale ai ua ho-a o Yokomiza i ke ahi lanaha malalo o ke kapuahi puhi okolehao ma ke aumoe o ka po Sabati, a i ka ana haalele i ke ahi e a malie a iho ilalo no kahi o kekahi kihapai meakanu. Oiai paha oia e nanea ana i ka oluolu o ke kaomi a ke aheahe makani o ka po ua lele aku la kekahi hunaahi a >> iluna o kekahi eke mauu e waiho kok ke mai ana a hoomaka aku la e a. a oiai aia oia ma kahi e ia manawa < i loihi kela manawa o ka a ana a ke :i i hikiwawe loa e kinaiia aku a pio ina oia kekahi malaila i ka manawa i hoo maka ai e a. No kela pauahi i kaheaia ae ai ka oihana kinaiahi, a i ka hoea ana aku a ua kanaka kinaiahi ua ikaika loa ka e ana a ke ahi, a e holapu ana na ulaahi ma na wahi apau o ka hale. I ka hoea ana aku a na kanaka kinaiahi loaa aku o Yokomiza ma ka puka o ka hale ana kona ike ana mai i na kanaka kinaiahi o ia hoea ana aku i mai la ka : "Aole ahi maanei," a hoao pu ana la ka oia e kipaku i na kanaka kinaiahi me ka ae ole e komo aku lakou iloko o ka hale, oiai nae o ke kuleana ia o na kanaka kinaiahi o ka hoea ana aku. Ua paleia ae la ua Kepani la ma kekahi aoao a hoomaka aku la ko lakou kona ana iloko o ka hale a pii aku la ma ke alanui pii, ahiki i ke kau ana i ka hale maluna loa e pili ana i kaupaku. Malaila i loaa aku ai ia lakou kekahi ipuhao koleawe nui he 50 galani ame >> galuni okolehao e ku mai ana iloko o ke omole. Ma keia manawa i hoea aku ae na makai, a o ko Yokomiza paa koke iho la no ia i ka hopuia no ke ku e i ke kanawai hookapu waiona.