Ka Nupepa Kuokoa, Volume LVIII, Number 42, 15 October 1920 — HOOLOLIIA KA OLELO HOOHOLO E KA AHA KIEKIE. [ARTICLE]

HOOLOLIIA KA OLELO HOOHOLO E KA AHA KIEKIE.

Ua hoololiia ka olelo hooholo a ka Lunakanawai De Bolt e ka aha kiekie ma ka Poalua nei i hala ma ka hana e pili ana i ka hookohu ana ia o J. M. Dowsett i lunahooponopono waiwai no ka waiwai o Frederick Meyer, ka lunahoohana o ka hui mahiko o Waianae, ma kona manawa i make ai. 0 ka waiwaiio o ka waiwai o Meyer he $26,000. Ua ku-eia ka hookohuia ana ae o J. M. Dowsett e John J. Meyer, kekahi o na keikikane a Meyer, ka mea nana ke noi oia ke hookohuia mai e ka aha i lunahooponopono waiwai no ka waiwai o kona makuakane, a ua kokuaia ae kana ku-e ana no ka hookohuia ana ae o J. M. Dowsett e Geo. Meyer, ke keikikane hiapo a Mr. Meyer Na Mrs. Meyer i hookomo ae i ka noi e hookohuia ae o J. M. Dowsett i lunahooponopono waiwai, a ua kulike ole nae kona makemake me ka makemake o na keiki. 0 na keiki e ae eha a Mr. Meyer o lakou pu kekahi i hoea ae mamua o ka aha ma ka manawa o ka hooloheia ana o keia noi, a ua hoike ae lakou i ko lakou makemake o J. M. Dowsett ke hookohuia ae e ka aha i lunahooponopono waiwai.