Ka Nupepa Kuokoa, Volume LVIII, Number 41, 8 October 1920 — Page 6

Ka Nupepa Kuokoa

KE KILOHANA POOKELA NO KA LAHUI HAWAII.

HE MOOLELO NO

LEOLA DALE

A I OLE

MAI KE KULANA NELE A I KA WAIWAI-NA

ALOHA ELUA I KA IPO HOOKAHI

I ka makaukau ana hoi o ka aina ahiahi, maloko o ke Ka@ela @ome ua iho mai la o Leola Dale noloko o ke keena ana a iaia ae ai maloko o na keena nei, he keu aku a ka lelele o kona oili, i kau a mea o ka piha me ka kahaha, no @ mean aia na kauwa e ju mai ana ma kela ame keia wahi, me ka kakali ana mai i kana mau kauoha, aia hoi na ihoiho kukui. e a ana ma na wahi like ole o j kela keena a ma ke ano nui ke olelo ae. me he mea la, @like me kekahi po ano nui loa. @ @onoia aku ai kekahi mau malihini hanohano a ko'iko'i o ka aina. o ke kulana maoli iho la ia a Leola e ike la me ka hooho maile ana ae i keia mau huaolelo. Owau anei ka ona ame ka haku o keia mau mea apau?

Mahope o ka ai ana o na mea apau, na hoi aku la o Leola Dale me kona mau hoa maloko o ke keena hoolauna no ka @nea ana no kekau manawa, a malaila i laweia aku ai na @ko inini. mahope iho o ka lawe ana aku o na kuene i na @ ame na pola. i noi mai ai o Mr.Foda ia Leola e hookuu aku iaia. no ka hele ana maloko o ke keena waiho buke, e hooponopono ai me ke poo kuene no na hoolilo o ke kakela.

Noho kokoolua wale iho la no o Leola me Mrs. Waka, a no ko laua mehameha loa, i koi okoa aku ai o Leola i kona @koolua, e hoi laua maloko o ka rumi o na meakani e nanea @ o ke ku ae la no ia o ua mau lede nei iluna, a hele aku la no kekahi rumi. e pih koke mai'ana ma ka aoao mai o ka rumi hoonanea.

la laua nei o ke komo ana aku iloko, aia hoi e waiho mokaki mai ana imua o ko laua mau maka na pili like ole. e laa ka okana. ka piano. ka hapa me na ano pila e ae he nui. i waihoia ma ko lakou mau wahi pakahi, a e waiho pu mai ana @ hoi kekahi pahu. ihele a piha me na papa mele, i hakuia e na kanaka ame na wahine kaulana loa i ka hakumele. I ka ike ana aku o Leola i ke ku  mau o ka okana. ua hiki ole iaia ke uumi iho i kona manao mahalo me ka hoomaikai, no ke ku maoli o kela pila i ka nani. He okana keia na ka makuakane o Geofere Lome i kuai na kana keiki. a oiai he kanaka akamai ka makuakane o Geofere Lome i ka himeni, pela iho la i hoolako au oia na ano pila like ole maloko o kona kakela. e holo aku ai kela mau waiwai apau i kona ohana. Oiai o ka hookani pila kekahi o na kalena kiekie loa i loaa ka Leola, aole e hiki iaia ke noho maile io, i ka wa i ike aku ai i ka piano, o kona hele aku la no kona mau lima @ kaomi i na ki, me ka hoomama i kana hookani ana, a ke ike la oia o kela kekahio na okana maikai loa.

Mai ka liilii mai ke kani ana o ua okana nei ahiki i ka nui ana no ka mea ke kuupau la ua o Leola i kona akamai hoo-kani pila, a oiai o Mrs. Waka e noho aku la hoolohe, ua hele oia a lilihia maoli. i kau a mea o ka nani o kekahi mele o Leola i na mea apau e hoopuni ana iaia o kona hoomaka ae la no ia e himeni me ka hookani pu ana i ka manawa hookahi nana aku oe i ka leo o ua kaikamahine la he kaili puuwai maoli no a i ka hooki ana iho o ka Leola himeni ana, ia wa i ku okoa ae ai o Mrs. Waka iluna me ka hele ana mai a paa aku la ma ka poohiwi o Leola me na waimaka e hiolo ana ma kona mau papalina a pane mai la.

Auhea oe e kuu aloha aole au i lohe i kekahi mea me ka leo nani elike me kou Miss Dale i keia po a'u no e kaena ne nei he leo kou i like aku me ko ka anela.

Minoaka wale mai la no o Leola no keia mahalo aku o Mrs. Waka i ka maikai o kona leo alaila ku ae la iluna me ka haalele ana aku i ka okana a pane mai la ia Mrs. Waka

Aole anei ou manao o keia kekahi o na okana miakai loa i hanaia Aole o'u kanalua no ka maikai pu o kela piano @ela me na pila e ae apau maloko nei. a ma ko'u koho wale iho o keia ka helu ekahi o ka'u mau rumi apau i makemake ai.

Mamuli o kou lilo ana he puukani himeni, i hoohihi ai kou manao i keia rumi aiai nae he nani wale no na rumi apau loa maloko nei o keia kakela. O oe ke kaikamahine opiopio loa i loaa kekahi kalena kiekie loa a no kela leo i loaa ia oe. aole  no hoi e nele ka loaa nui o ka waiwai ia oe.

O ka mea kupaianaha a'u e hoile aku nei ia oe e Mrs. Waka. ma ko'u manawa i loaa ae ai ia Mr. Foda aole au he wahine waiwai he hookahi wale no wahi peni i koe ma ke no nei. alaila minoaka mai lo oia me ka hoololi koke ana ne i kana mea e kamilio mai ai:

Aole e hiki i'i ke manaoio i ka'u mau mea apau i ike ai iloko o ka manwa pokole loa a e nonoi aku ana au ia oe e hoi kaua e hiamoe ua hele mai la ko'u mau maka a lulumi i kau a mea o ka maluhiluhi.

Ua oili ae ka mahina i kela manawa a ke kiola mai la i kona malamalama maluna o ka aina a ia Leola o ke ku ana ae iluna. a nana aku la iwaho o ka puka aniani he mea e ka nani o ka hiona ana e ike aku ana me he mea la ke ike maoli iho la no oia iaia iho iloko o kekahi aina moeuhane.

Hoi maile aku la laua a hoea no ko Leola rumi moe ma ka papahele elua e kakahi mai ana ke kaikamahine lawelawe iaia. Aole oia i maa ke kokuaia aku e kekahi mea. a ua aneane no oia e olelo aku i ke kaiakamahine lawelawe e waiho mai  oia ponoi no ka mea nana e wehewehe i kona mau lole aka nae no kona ike aku i ka oluolu maoi o ka helehelena o kela kaikamahine  ua ae aku la no oia iaia e noho mai a wai ho aku la iaia iho malalo o na kokua ana mai a kela kaika mahine ma ka wehewehe ana i kona mau lole a hookomo mau la i kona lole moepo.

Aole i pane ae ai o Leola me ka nana ana aku iloko o ke aniani kilhi a huli ae la i ke kaikamahine lawelawe me ka ninau ana mai me ka leo oluolu E huikala mai oe ia'u kd ninau aku i kou inoa he mea pono e loaa kou inoa ia'u O mele ko'u inoa wahi a ke kaiakamahine lawelawe me ka ninau ana mai me ka leo oluolu E huikala mai oe ia'u ke ninau aku i kou inoa he mea pono e loaa kou inoa ia'u O Mele ko'u inoa wahi a ke kaiakamahine lawelawe me ka pii o ka ula ma kona mau papalina O kekahi kela o na inoa maikai loa. Auhea oe e Mele aole au i maa i ke kokuaia mai e na kaikamahine lawelawe a ke lana nei ko'u manao aole paha au e hoopilikia wale aku ana ia oe Ina no he nui kau mau i makemake ai na'u e hana aku ke manao knei au aole no ia he mea hoopilikia mai i ko'u noonoo aka ua makaukau au e hana aku i na mea apau i ku like me kau i makemake ai Aia ko'u wahi e moe ai maloko'o ka rumi e pili pu mai nei me kou rumi a i makemake oe ia'o ea e kaomi iho oe i ka hele kahea ma ka aoao o kou moe e hoea mai no au i ka manawa pokole loa

Me kela mau kamailio mawaena o Leola me kana kaikama hine lawelawe i haawi ae ai ko laua aloha hope a iho aku la o Mele nolalo no kahi o na kauwa a malaila i hoike aku ai oia i kona mau hoa kauwa no kana mau mea i ike ai no Leola i ka pane ana aku.

Ua pomaikai maoli kakou i ka loaa ana ia kakou o kekahi haku maikai a oluolu loa He keu aku ka nani o kona lauoho eleele me ka loloa pu a manao au e makemake like ana kakou apau iaia ke kamaaina aku kakou iloko o keia mau la a kakou e noho pu ai me ia  @ kela noho hookahi ana iho hoi o Leola maloko o kona rumi moe aole e hiki iaia ke hoi aku e hiamoe mamuli o kona pihoihoi loa no kana mau mea i hoomaopopo iho ai no kona kulana hou

Ina nei no kona ninauia aku i kona ano aole ana oia e hoohakalia iho ana i ka pane ana mai ua piha oia i ka hauoli owai hoi ia mea hauoli ole i ka ike iho i ka nui o ka hanohano e hoopuni ana iaia ka mea hoi nana i hoohiaa i kona noonoo ahiki i kona ku okoa ana ae iluna me ka hele ana aku no kahi o ka puka aniani e waiho mai ana Pale malie ae lo oia i ke olepelepe o ka puka aniani a nana aku la iwaho o kekahi kahua manienie nui Aia hoi malalo pono aku o kona puka aniani kekahi mau ponaha i kanuia i na pua a ke honi okoa aku la oia i ke'ala kupaoa o na pua like ole e laweia mai la e ka makani hu'ihu'i a iaia e kilohi la i kela hiona nani i hooho wale ae ai no oia i keia mau huaolelo:

Owau anei ke kuleana maluna o keia mau nani apau a ko'u mau maka e ike aku nei? Heaha la ka waiwai ame ka pomaikai o keia mau mea nani apau ke loaa i kekahi mea in a oia hookahi wale iho no ke noho ma keia ao alaila nui iho la kona hanu.

Aole keia o ka manawa mua loa o ke ala ana ae o kela noonoo iloko on a no kona ku i ka mehameha no kona noho hookahi aka he mau manawa no i ala mai ai ka manao iaia aole he hauoli iloko on a in a pela mau iho la ke ano o kona ola ana i na manawa apau.

E hoomakaukau ana nae oia e pani aku i ua olepelepe o kona puka aniani aia hoi iloko o kona hikilele ike aku la oia i ka oili ana ae o kekahi kanaka a ku mai la ma kahi o ke kahua manienie uliuli me ka leha ana mai o kana nana ana i ke kakela.

Ke kula kela kanaka ma kahi a ka mahina e pa pono mai ai kona malamalama maluna on a a ma ka Leola hoomaopopo aku he keu aku a ke kilakila o ka oiwi kina o kela kanaka a oiai nae aole on a ike aku i ka helehelena ua hiki no nae iaia ke koho aku ma o ke kilakila la o kona kulana o kela kekahi o na kanaka u'i.

I kinohi ua nianoa o Leola Dale o kela paha ke kanaka nana e malama ana i ka malapua aka nae no kona hoomaopopo aku i ka noke loa mai o ua kanaka nei i ka nana i ke kakela manao iho la oia he malihini kela akahi no a hoea au no ka makaikai ana i ke Kakela Lome.

Aole e hiki i ua o Leola ke pani koke mai i na olepelepe o ka puka aniani no kona hopohopo o ike mai auaner kela kanaka iaia eia nae aole no ia he kumu nona e nalo ai no ka mea mahope iho o ke ku ana o ke kanaka malihini ma kela wahi me ka nana ana mai kekai aoao a i kekahi aoao o ke kakela o kona hele mai la no ia a ku iho la malalo pono o ka puka aniani o ua o Leola Dale e nana aku nei iwaho ia wa i ike mai ai kela kanaka malihini iaia ana e ike aku la i ke kahaha o kela kanaka o kona pani mai la no ia i ke olepelepe a paa a hoi mai la ilko me ka noonoo hou ole aku i ke kanaka malihini mawaho.

I kela ike ana mai hoi o kamalihini i ke paniia ana aku o ke olepelepe o ka puka aniani aole no oia i hoomau iho i kana ku ana malalo olaila aka kaha aku la oia hele ole nae ma ke ano awiwi aka me na kaina waewae maile loa e hoike mai ana no kona hopohopo ole in a nei no kona loaa aku i kekahi mau kauwa.

I kela hoi ana mai hoi o Leola a noho aku la maluna o kona noho paipai ua hoopiha loa ia oia me na manao pihoihoi ke awili la ka hopohopoho me ka maka'u malia paha he mea aihue kela o ka hoea ana aku mawaho o ke kakela o ka mea wale no nae nana i hoaehee aku ia noonoo mai iaia aku no ke ano o kela kanaka aole ia o ke ano o na kanaka aihue.

Hoi aku la oia noluna o kona moe aole nae e hiki @e hiamoe ahiki i ka hala ana he mau hora loihi mahope mai a i kona pa'uhia ana aku i ka hiamoe loaa aku la iaia kekahi noe uhane aia no ka hoi oia ma ka puka aniani kahi i ku ai a nana aku i waho i ke kanaka malihini me ke ani ana mai o ka lima o ua kanaka nei iaia e hele aku.

MOKUNA V

Uoko o ko Leola nanea i ka hiamoe ma kela po mua loa kona hoao ana maloko o ke kakela lome ua hoopuiwa hikileleia ae oia mamuli o ka lohe ana aku i ke kani mai o ka leo o na manu o kona puoho ae la no ia o ka mea apiki nae ana e hoomaopopo la aole i ala mai ka nui o ka poe o ke kakela a i ole o na kauwa paha.

Hoi hou iho la oia e hiamoe aole nae he hiki iaia ke hiamoe o na maka no ke pili o kona noonoo nae ke hiaa wale la uo ahiki i kona hooholo ana iho he oi aku ka pono o kona ala ana ae e komo i kona mau lole a hele aku e kilohi iawaho o ke kakela no ka mea aole i loaa iaia he manawa e makaikai ai i kona aina ponoi.

Me ka pupuaholu i komo iho ai o Leola i kekahi lole kupono no ka holoholo kakahiaka ana o kona iho mai la no ia no ka hale olalo me na kaina wawae palamimo e kulikuli ole aku ai ka poe e hiamoe ana i ke pahuphu o kona mau kamaa in a nei no kona akahele ole i kama hele ana a iaia i hoea mai ai no ka hale malalo loaa mai la iaia kekahi kaikamahine kauwa e pulumi ana i ka hale me ka haawi ana aku o ua o Leola i kona aloha kakahiaka a oili loa aku la iwaho o ke kakela.

Aia ke kaikamahine kauwa ke nana mai la mahope o kona haku a i ke kaawale loa ana mai o ua o Leola i kahi e ia wa i hooho ae ai ua kaikamahine nei i keia mau olelo i ka pane ana ae:

Ua pololei maoli ka mele mau mea i kamailio mai ai he u'i maoli no ka helehelena o kela lede opio me ka oluolu pu hoi o kona mau ano apau a @ hauoli @ nei ae e noho hana aku malalo on a.

Ma kela hoea ana aku o Leola nowaho o ke alanui ua kaha ae la kana hele ana ma kekahi alanui e moe pololei ana no kahi o na malapua a ke ike pu la nohoi oia i na laau uliuli i okiokiia a like ko lakou ulu ana.

Ma kana mau wahi apau e hele la a huli mai nana i ke kakela he ku wale no i ka nani na hiona ana e ike mai ana a no kona makemake e ike aku i ka nani o ka pa ua hoomau aku la no oia i ka hele ana aia hoi ma kela ame keia wahi na kii mabala o na holoholona e waiho mai ana pela na kii o na mauu ke hookani wale la no oia i ka nani o kela mau mea apau.

Haalele iho la oia ialoko o ka pa a hoomau aku la i ka hele ana ma kekahi alanui eia ka o ke alanui ia e hoea aku ai no kekahi paka nui aole nae e hiki iaia ke komo aku iloko o ka paka no ka mea ua hoopuniia e kakahi pa a e moe ana kekahi kaola hao mamua pono aku on a.

Aia ka makemake nui iloko o ka paka no ka holoholo ana o ka alahele wale no nae e hoea ai oia maloko olaila o ia no kona a'e aku maluna o kela kaola hao, e like me ke ano mau o ka poe i makemake ole e ikeia mai ka a'e ana aku ma kekahi aoao alawa ae la ka ua o Leola mana ana ma o a maanei in a paha he poe kekahi e nana mai ana iaia ua hoohikuleleia mai nae kona noonoo iaia i ike.

aku ai i kekahi kanaka e ku mai ana a e kalele ana hoi kekahi lima ma kela kuahao ana e manao la e a'e aku a komo iloko o ka paka. Aia wale no na maka o kela kanaka ke nana la i ke kakela me ka ike pu ana aku no hoi o ua o Leola o kela no ke kanaka hookahi ana i ike ai ma ka po aku mamua e ku ama malalo pono ae o kona puka aniani. Ku maile iho la ua o Leola me ka makemake ole e komo aku iloko o ka paka aia hoi oia ke nana la i kela kanaka me ka nalu ana iho iloko on a in a paha he kamaaina a i ole he malihini paha oia no kela wahi o ka manawa nae ia a ua kanaka nei i huli mai ai a ike mai la iaia nei me ko laua ku maile ana i kahi hookahi a nana aku kekahi i kekahi.

I ka loaa ana aku nae o ka hoomaopopoi ke kanaka malihini o keia no ke kaikamahine ana i ike ai ma ka po mamua aku ma ka puka aniani u ake pololei ae la oia iluna me ka wehe ana ae i kona papale a pana'i aku la no hoi o Leola ma ke kunou ana aku o kona poo a e makaukau ana oia e hoomau aku i kana hele ana no kekahi wahi okoa ua haalele e aku la nae ke kanaka malihini i kaua wahi e ku ana. a hele mai la imua o ua o Leola me ke kulou ana iho ilalo no ka hopu ana i kekahi pua i haule mai ka lima aku o ke kaikamahine opio a haawi mai la me kona pane pu ana mai.

E huikala mai oe ia'u ke ninau aku au ia oe in a paha ua paniia na puka o ke Kakela Lome.

He keu aku maoli ka waipa-he o kela leo o ka pane ana mai me ka hookahahaia aku o ko Leola manao eia nae aole no e hiki iaia ke hoohewahewa aku ua kulike no kela leo me ka helehelena o ka mea e ku mai ana imua o kona alo.

Ua ninau mai nei anei oe in a ua paniia na puka o ke Kakela Lome? wahi a Leola me ka kahaha.

O ka manao maoli o ka'u mea i ninau aku la ia oe in a paha he poe kekahi e noho nei i ke kakela i keia manawa i noi aku ai au in a paha he aeia kekahi malihini e makaikai ia loko o ke kakela.

Ke nono nei no kekahi poe maloko o ke kakela wahi a Leola me ka uumi wale ana iho no i kona minoaka a i hou mai la Aole au i manao he kumu kekahi e ae ole ia aku ai ka poe malihini e komo iloko o ke kakela e makaikai ai.

Nana mai la ke kanaka malihini ma na maka o ke kaikamahine opio alaila minoaka aku la E kala mai oe no keia noke loa aku o'u i ka niele no ka mea ua nui maoli ko'u makemake e ike ialoko o kela kakela no ka mea he loihi ko'u wahi i hele ai ai a ma ka'i nana aku o keia kahi oi loa o ka nani ma Enelani holookoa.

Ae he keu keia a kahi maikai me ke ku no hoi i ka hoohihi o ka manao i pane mai ai o Leola me kona minoaka pu ana mai.

Aohe mea nana e hoole ae i ka nani maoli o keia wahi ua kaapuni au iawaho o ke kakela me ke ku no hoi o ka manao i ka hoohihi elike me kau i kamailio mai nei a ke hopohopo loa nei au ua pili paha ke komohewa ia'u alaila kakali aku la oia o ka pane aku o ke kaikamahine opio i kona pane ole ana mai nae ua hoomau aku la ua kanaka malihini nei i kana kamailio ana.

Ke manzo nei nae au in a no e maopopo aku ana i ka on a nona kela kakela i ka manao nui o ko'u hoea ana mai no keia wahi aole ana no paha e nele kona huikala mai ia'u. eia no anei o Sa Geofere ma ke kakela i keia manawa?

Oiai e kakali aku ana i ka pane no kana ninau huli aku la ua kanaka malihini nei e nana i kakela a pane mai la no hoi o Leola me ka leo oluolu

Ua make i'o anei o Sa Geofere? me ka alawa ana aku o kana nana @ ia Leola Dale. O keia ka mua loa o ko;u lohe ana na make oia. me ka wehe ana ae o ua malihini nei i kona papale a holoi ae la no hoi kekahi lima i kona haina-ka ma ka lae me ka hoomau hou ana aku:

He hookahi kumu o ka maopopo ole ia'u no ko'u malihini mai i keia wahi i ka po nei aku la no ko;u hoea ana mai no keia wahi me ko'u poina loa no houi i ka ninau ana aku i ka poe o ka hale hookipa e pili ana nona aole no hoi he wahi mea a kamailio ae o kekahi poe malaila e pili ana no Sa Geofere.

Malia paha no ko lakou manao ua maopopo mua no ia oe ua make oia pela lakou i kamailio ole mai ai wahi a Leola. me ka kahaha no kona ike mai i ke ano haalulu o ka leo o kona kokoolua e kamailio aku nei iaia.

Ma kela wahi o ka laua kamailio ana ua noho hamau iho la na opio no kekahi mau sekona a o ke kanaka opio malihini nae ka mea o ka pane hou ana aku.

Elike me kau i hoike mua mai nei ia'u ua manao no anei oe ua hiki ia'u ke hele makaikai maloko o ke kakela me ke ku-e-ole ia mai?

Ua ku loa paha ka'u ninau i ke ano hookano a haakei aole anei ou manao pela? Ma kela wahi i minoaka iho ai ke kanaka opio me ka hoike puana aku hoi o kona helehelena i ka hoihoi ka mea nana i hoopii aku i ka ula ohelohelo ma na papalina o Leola me ka nalu ana iho o ua kaikamahine nei in a paha he mea maikai ma kona aoao ke noi ana mai i ka malihini e hele pu aku me ia no ke kakela aole paha.

No kela noho malie loa nae o Leola manao iho la ka malihini ua kanalua paha kela lede opio i ka lawe aku iaia o ke kakela mamuli o kona hoike mua ole aku i kona inoa a o ia kana i pane aku ai:

Oiai he malihini au mea Enelani nei eia nae aole a'u mua i hana ai e hilahila ai au ma ka'u wahi apau e kipa aku ai. O Kilakila Kinikela ko'u inoa. O ko'u hoea ana mai no ia mai Aukekelaila mai ma ka la mamua aku o nehinei. O keia no ka manawa mua loa o ka hehi ana o ko'u mau kapuai wawae i ka lepo Enelani eia nae ua noonoo iho au aole au he malihini no keia aina no ka mea he kanaka Pelekane no au. Nolaila e huikala mai no oe ia'u in a ua hana hewa loa aku au ia oe ma ka hoike mua ole ana aku i ko'u inoa ia'u i hoohele aku ai i ke kamailio malihini ana me oe.

Ua kamailioia aku kela mau olelo hope me ka piha paa rula maoli ua hoike pu aku hoi kela pio malihini i okna anokeonimana me ka hoopono ka mea i hookomo aku i ka hilahila iloko o Leola no kona hooka'ulua i ka pane ana mai i na mea a keia malihini i makemake loa ai e ike a o ia kana o ka pane ana ae.

Alaila he elua wale ae nei no anei la ka loihi o kou noho ana ma Enelani nei? wahi ana me ka pane pololei loa aku i na olelo a ka malihini i kamailio mai ai iaia.

Aole loa i komo aku kekahi noonoo iloko o Leola he mea maikai ole no kekahi lede opio ke kamailio pu ana me kekahi kanaka malihini i maopopo mua ole kona inoa iaia aole no hoi ia mea he maka'u a he hopohopo iloko on a no keia kaua ka aka me he mea la he kanaka no keia i kamaaina mua iaia i kona hoike piha mai i na mea apau e ninauia aku ana iaia a aia pu hoi iloko on a ka manao haaheo no kona lilo ana i haku maluna o ke Kakela Lome.

Ae he elua wale ae nei no la o ko'u hoea ana mai ma Enelani nei wahi a ka malihini me ka minoaka ma na papalina.

Ua minoaka pu mai la no hoi o Leola a i ma la: Ua pokole loa maoli kou manawa o ka hoea ana mai i keia aina me he mea la he uuku wale no kau mau mea i ike a no ka. nui aku o na mea nani o Enelani nei e hiki ana ia oe ke ike ia mau nani like ole ke hala he mau mahina au e noho iho ai ma keia aina a ka nani a haiamu ai.

Aole noo'u kanalua no ka nani o keia aina aka ma ka'u mau mea nae i ike iloko o keia mau la elua wale no ua ku a hoohihi moli ko'u manao.

Me he mea la he uuku loa kau mau mea i ike ma Leia wahi oiai i ka po nei aku la kou hoea ana mai he manawa kela e hiki ole ai i kekahi ke hele makaikai i ka loa ame ka laula o ka aina aole no hoi e hiki ia oe ke ike pono i na wah nani i ka po.

He oiaio hoi kau i pane mai la no ka mea ua hele @  holo mai au i ka po nei me ka pau ole o ko'u makemake i ka nana i na mea e hoopuni ana i ke kakela i ahona nae i ke konane o ka mahina pela iho la i hiki ai ia'u ke ike aku i ka nani maoli o ke ano o ka waiho ana o ka aina Ua ike @ anei oe ia'u?

Kunou wale aku la no ke poo o Leola me kona pane ole mai ia wa i pane hou mai o Kikila Kimikele: Ua hana hewa maoli au ua komohewa i ko ha'i aina me ka loaa mua ole mai o ka aeia aole nae au i noonoo iki no ka'u mea e hana ia manwa oiai ma ko makou wahi @ Aukekelaia ua hiki i na mea apau ke hele ma ka lakou @ wahi i makemake ai me ke akeakea ole ia aku.

Malia paha he komohewa i'o ke ano o kau mea i hana ai ma ka po aku la i laila he hookahi nae a'u mea iike aole @ i hoopilikia wale aku i kekahi mea nolaila aole no ia he mea ano nui i ko'u manao. wahi a Leola me ka minoaka.

Nawai hoi ka ole no ka mea aole o kela wale aku la na ko'u komohewa hou nei i keia kakahiaka a loaa wale mai la no ia oe O ka mea oiai no e ka lede opio oiai au ma keia wahi he hana paakiki loa ia'u ka noho maile ana i kahi hookahi me ka hele ole mau e nana i na wahi e hoopuni ana i ka kakela.

He mea kupaianaha paha keia i kou noonoo ana iho no keia wahi ma nehinei koke aku la no ko'u ike ana no ka manawa mua loa.

Nana pono loa mai o Kikila Kimikele no kekahi manawa a i mai la Alaila i hele makaikai wale mai no ka paha oe no keia wahi e huikala mua mai nae oe no ko'u mahaoi ma oli no ka mea ua maa loa makou na kanaka o Aukekelalia i ka ninau pololei aku aka aole paha ia he ano maikai ia oukou maanei nei.

E ae mai oe e ninau aku ai owai la ka mea nana e hookani ana i ka okana me ka himeni pu ana ae me ke ku moli i ka nani no ka mea ua hiki ole ia'u kehoopoina i ka'u mau mea apau i lohe ai ia'u i kaalo ae ai mawaho o ke kakeia Aole ia he ninau hewa a no ka haina o kau ninau ea owau no ka mea e paani ana i ka okana a owau pu no hoi ka mea nana ka leo himeni au i lohe mai ai wahi a Leola me ka noke okoa ana ae i ka akaaka.

O ka'u mo ia i koho iho nei i ko'u wa i ike aku ai ia oe e hele mai ana a hoike aku no hoi au i ko'u wa i ike aku ai ia oe e hele mai ana a i hoike aku no hoi au i kou manao ia oe ea he keu aku maoli o ka nani ame ka maikai o kau paani ana a pela pu no hoi me kou leo E loaa ana anei ia'u ka hanohano o ka haawi ana aku i na mahalo ame na hoomaikai ana he nui no kela himeni ana mai au?

E hoomanao iho oe he mea malihini loa au ma ko oukou ama nei he kino hookahi wale no ko'u e pono hele wale ana no maluna o ka aina o ha'i a ua kupu ae ka manao iloko o'u oiai au e holoholo ana e huli hoi hou aku Aukekelalia ma ka mokuahi mua loae haalele mai ana ia Enelani nei iloko nae o ko'u nanea ua kani mai la ka okana me ka nani maoli a o ka mea nana i aili maoli aku i ko'u puuwai o ia no ka poha ana ae o kekahi leo me ka nahenahe loa ea he himeni haipule nae paha kau e himeni mai ana ea?

Luliluli ae la ko Leola poo me kona makemake ole no kela paiia mai i kona akamai i ka hookani piano me ka nani pu o kona leo i ka himeni aka nae mau mai la o o Kikila Kinikele i ka kamailio ana

O kela himeni au i mele mai ai ua like ia me kekahi aila oliva i nininiia mai maluna o kekahi mea i aneane loa ma ka'e o ka luakupapau no ka mea ia'u e ku ana me na manaolana poho ua poha mai la kela leo mele me he malamalama la no ka uwila e haawi mai ana ia'u i na manaolana hauoli a hoihoi no hoi ka manao ana iho e hoohala i kekahi mau la loihi ma ko oukou aina nei.

Aia ka Leola nana ana ilalo me ka hele hoi o kona mau papalina a pii ka ula a o ia ka ua kaikamahine nei o ka pane ana aku.

Ua olelo mai nei oe o keia ka manawa mua loa o ka hel@ ana o kou mau wawae ma ka lepo o Enelani. Aole anei ou mau hoaloha ma keia wahi?

Aole hookahi o'u hoaloha Enelani nei a oki loa aku hoi ma keia wahi i pane aku ai o Kikila me ke pale ana mai i kona papale mahope o kona poo.

Ina aloe i'o ou mau hoaloha alaila heaha ke kumu nui o kou hele ana mai no kekahi mau mile lehulehu a hoea i ke Kakela Lome nui?

He ninau paakiki kena na'u a pane aku ai koe wale no paha ko'u manao ana iho e holo makaikai mai i ka aina hanau o ko'u mau kupuna ame na makua O kekahi kumu paha o ia ka manao ana e waiho aku i ka hana hanai holoholona ma Aukekelalia a holo mai no Enelani nei me ke komo ana aku ma kekahi hana okoa ae malia pela e holomua ai kekalii kanaka ke lana nei ko'u manao e halawai ana oe me na ulia laki in a o ke pakalaki ka mea i halawai mua aku me oe Me ka mahalo ia oe e ka lede opio o kena kekahi olelo maikai loa a'u e haawi e aku nei i ka'u mau hoomaikai ana ia oe no ka mea o oe wale no ka mea i kamailio mai pela mai kou hoea ana mai no Enelani nei ahiki iho la i keia minuke a kaua e kamailio nei a e mau aku ana ko'u hoomanao ana no ia mau olelo no kekahi manawa loihi loa.

AOle o Leola i pane mai no kela mau olelo a Kikila iaia a e manao ana ua lede opio nei e haawi mai i kona aloha hope a huli hoi aku no ke kakela ua pane e aku la nae o Kikila Ke mau la no anei kela manao ou aole au e kueia mai ana ke hele aku e makaikai ialoko o ke kakela?

Inan hoi ha pela ea alaila e oluolu mai hoi oe e hoike aku i ka on a nona ke kakela ua makemake kekahi malihini e ike i na paia o okna home aka nae o ka mua paha e hoike mai hoi oe i ka inoa o ka on a o ke kakela?

Aole kena he ninau hewa o Dale ka on a nona ke kakela e ku mau la.

Ea o keia ka manawa mua loa o ko'u lohe ana i kela inoa o Dale i namunamu liilii wale iho ai no o Kikila. E lilo ana anei i hana hooluhi loa ma ko'u aoao ke noi ana aku kou oluolu e hooikaika aku hoi oe i kela on a nona ke kakela i wahi nona e hookipa aku ai i kekahi kanaka malihini noloko o kona home

Aole ia he hana nui e noi i'o aku au i ka on a ke kakela e ae mai ia oe e komo iloko e makaikai ai a pehea auanei e loaa mai ai ka ike ia oe no kona ae mai i ka'u noi?

Maanei no au e kakali ai ahiki i ka loaa ana mai o ka lohe ia'u no ka ae ia e hele aku e makaikai i ke kakela. O he keu maoli aku no a ka nui o kou oluolu pehea la e hiki ai ia'u ke uku aku no a ka nui o kou oluoli pehea la e hiki au iau ke uku aku no kau mau mea i hana mai ai no'u i keia kakahiaka.

Ina pela ua pono e hoouna mai ana au i kekahi o na kauwa e hele mai e hoike ia oe a nana no e lawe hoomakaikai aku i kau mau mea apau i makemake ai e ike nolaila o ke aloha no kou.

Ae o ke aloha no kou e ka lede opio wahi a Kikila me ka wehe ana ae i kona papale a mamua mae o ka kaha ana aku o Leola hoi no ke kakela ua i hou aku la oia:

Ea mai poina ka hoi malia o keia wale no paha ka manawa a'u ike ai ia oe nolaila e oluolu hoi oe e hoike mai i kona inoa piha ia'u?

Ku iho la o Leola me ka noonoo ana he mea pono paha nona ka hoike ana mai i kona inoa ame ka ole aka nae i ka hala ana o kekahi mau sekona o kela ku malie ana me ka pane ole mai i mai la:

(Aole i pau.