Ka Nupepa Kuokoa, Volume LVIII, Number 35, 27 August 1920 — Untitled [ARTICLE+ILLUSTRATION]

O ke kii malalo nei na haumana kumukula ame na kumupoo o na kula kiekie o ke kula o ke kau o ke Teritore i pa'iia ma ke alo iho o ka ha'ekula kiekie McKinley ma ke kakahiaka Poalua aku nei o ka pule i hala. O ke kii ma ka akau loa ma ke kii maluna oia ke Kahukula Nui Vaughan MacCaughey. Ma kona aoao iho o Miss Hattie Saffery, ke kumupoo o ke kula o Kapulena, Hawaii. Ma kona akau iho o Lorrin A. Thurston, ka mea i haiolelo mamua o na kumukula ma ia kakahiaka. E noho ana ma na wawae o L. A. Thurston ka akena hoolaha kuikawa o ka Mokupuno o Hawaii, L. de Vis Norton. Ma ka akau loa o ke kii malalo iho o William McCluskey, ke kumupoo o ke kula kiekie o Kauai, a o ka mea hoi nana i alakai na hana o ke kula o ke kau. Ma ka hema loa o Elmer A. Brown, ke kumu poo o ke kula o Puunene, Maui a o ke kokua alakai o na hana o ke kula kumu o ke kau. Maloko o ka halekula McKinley i malamaia ai na hana hope loa o ke kula ma ia kakahiaka Poalua.