Ka Nupepa Kuokoa, Volume LVIII, Number 35, 27 ʻAukake 1920 — EO I NA MOHO HAWAII NA HEIHEI AU Haule Ia Kahanamoku ka Manawa Mama Loa i Auia o 100 Mita Iloko o 1:2-5 Sekona O PUA KEALOHA KA I UKALI AKU IAIA Kaa ia Norman Ross ke Eo o ka Heihei Mua o 1500 Mita ka Mamao [ARTICLE]

EO I NA MOHO HAWAII NA HEIHEI AU

Haule Ia Kahanamoku ka Manawa Mama Loa i Auia o 100 Mita Iloko o 1:2-5 Sekona

O PUA KEALOHA KA I UKALI AKU IAIA

Kaa ia Norman Ross ke Eo o ka Heihei Mua o 1500 Mita ka Mamao

Ma ka loao meahou o ka loaa mai i Hawaii nei ma o ka Associated Press ia ma ke kakahiaka Sabati nei i hoikeia mai ai ka nu hauoli a hoolana manao e haaheo ai na Hawaii Amerika no ke kaa ana mai la o ke oo o na heihei au i na moho Hawaii, ma ka 100 mita a ma ka 1500 mita ka mamao o ka pahu oo, elike me ia e ikeia iho ana malalo nei: ANTWERP, Aug. 23, -- Ma ka la aku la i nehinei i welo haaheo ae ai na hae Hawaii ma ka welelau makani ma na heihei hookuku au i uleleia e hoike ana i ke kaa ana o ke ao i na moho heihei au a ka hui Amerika ma ka manawa i haule ai na manawa heihei au i eo ai ma na heihei mamua aku nei i na moho Hawaii, ma ka manawa o ka hookuku ana no ka hookupno ana. Ua haule ia Duke P. Kahanamoku kona manawa ponoi mua o ka manawa pokole loa i auia i paa ma ka moolelo o ke ao o 1 minuke me 45 sekona iloko o ka au ana no 100 mita. Iloko o ka manawa i heihei ai no ka mea e eo ai, ua auia e Kahanamoku ka 100 mita iloko o 1 minuke me 1.5 sekona, he 3.5 sekona ke emi iho o keia manawa i auia mai la o ka 100 mita. Ua lilo o Pua Kealoha, kekahi o na moho Hawaii iloko o ka hui au Amerika, i mea buroia ma ka manawa o ke kaa ana o ke eo o 100 mita iaia ma ka manawa o ka hoaoia 1:02. O Norman Ross ame W. W. Harris Jr. pu kekahi i hookuponoia no ka heihei hope ana. No ka 1500 mita o Ludy Langer o Honolulu ame Eugene T. Bolden ka i hookuponoia. no ka heiehi hope ana. Ua loaa pu ia Hawaii ka hanohano ma ka heihei au kua iluna ke alo ma ka manawa a Kruger me Warren Kealoha i hookuponoia ai, ua haule ia Warren Kealoha ka manawa mama loa i auia o 100 mita iloko o 1:15 sekona. O kekahi mau moho e ae i hookuponoia oia o Perry McGillvray, o ka hui o ka mokuaina o Ilinoi, ame Kergeris. Ua haule ia Kruger ame Kergeris ka manawa mama loa i auia ma ka hookuku au Olympic. Aohe poe au Amerika i hookupnoia ma ka heihei au umauma ma ka 100 mita a i ole ma kekahi hookuku heihei au kiekie e ae. Ua weheia na heihei au o ka la e na moho Amerika ma o ke eo ana o ka heihei paku'i o 400 mita me ka loaa o ka manawa hou o 45 1.5 sekona a haule ka manawa mua no ia mamao i ikeia mamua. O na hua e ae i komo pu ma ia heihei ana oia ko Palani, Suedena, Enelani, Denemaka, ame Luxemberg. O na moho a ka hui Amerika i komo ma ia heihei ana oia o Paddock, Choltz,Murchison ame Kirsey. No ka heihei kukini ua lilo ke eo ia Wm. Kolehmainen. he moho no ke aupuni mai o Finalana iloko o 2 hora me 32 minuke ame 35 4.5 sekona. O na aupuni na lakou na moho i komo pu ma keia heihei oia o Esthonian, Italia, Belegiuma, Finalana, Denemaka ame Amerika. Ma ka heihei o 3000 mita ka mamao o ka pahu o na aupuni na lakou ua moho i komo ma keia heiehi oia o Suedena, Amerika, Palani ame Enelani. NEW YORK, Aug. 25 -- Mai ka manawa mai o ka malamaia ana o ka ahaelele lahui Repubalika ma Kikako ua emi iho malalo o ka miliona dala i luluia no na hana hooikaika baloka no ka moho persidena Repubalika. O keia ka ka Puuku Upham o ka hoike ana ae no ka pane ana aku i na olelo oiaio ole a na moho Demokarata he puu dala nui ka i hoahuia e na Repubalika no na hana hooikaika balota no ka moho peresidena Repubalika. O ka huina i ikeia maloko o ka buke he $944,353.29 wale no. oiai nae o ka huina i kohoia e lawa ai e ka Lunahoomalu Hays he $3,000,000.