Ka Nupepa Kuokoa, Volume LVIII, Number 35, 27 August 1920 — UA PAU KA WAI KE PII NEI KA LEPA. [ARTICLE]

UA PAU KA WAI KE PII NEI KA LEPA.

Mr Lunahooponopono o ka Nupepa Kuokoa, Aloha oe: - E oluolu mai kou hanohano. noʻu kekahi wahi kaawale o ka hiwahiwa a ka lahui, no koʻu manao e pili ana i keia poomanao e kau ae la maluna. Ma ka la 11 o Iulai i hala iho nei, a mailuna mai hoi kekahi o na awai o kekahi Ekalesia Hawaii, e noho kahi ia ana no e ka kanaka Hawaii, i puka mai ai kekahi mau olelo hookiekie a haakei i kupono ole i ke ano o kona kulana ana e paa ana; a penei ua olelo la: "Ua manao anei oukou e na hoahanau o keia ekalesia i noho mai ai i keia ekalesia ia oukou?" Not a bit of it; oi aku mamua o hookahi manawa o ka hoopuka ia ana mai o kela mau olelo ku i ka hookiekie Ke hoomaopopo nei au, ua ae mai keia kahunapule e lilo i kahi no ua ekalesia la, ma o ke kakauinoa ana o kekahi poe he hookahi haneri me kanalima, me ka uku o $150.00 o ka mahina, a ke olelo mai nei, aole au i noho mai ia oukou. Ke imi pono ia ka manao o ka huaolelo, "not a bit of it," e loaa ana ia kakou ka ike maopopo loa, o ia kekahi o na huaolelo haahaa loa, me he mea la e i mai ana: Who are you? He mau olelo i kupono ole i na kahunapule e kamailio mai pela ke ano imua o ka poe na lakou e hanai aku nei ia ia. Wahi ana, na ka uhane oia i hoonoho mai. Pololei kela. na ka uhane o na hoahanau o ua ekalesia la oia i hoonoho mai, aole na ka uhane o mea mua aku! E na haipule apuni keia paeaina, he aha ko oukou manao ame ka oukou hana, ina e kamailio ko oukou kahunapule ia oukou elike ae la me keia ke ano. Eia kaʻu pane: O koʻu manao ono ke kahu a mau kahu o keia ano, hu puna wai ia ia pau ka wai ono, no ka mea, ke piinai ka huʻa ame ka wai lepo, he puupuu paakai hoi i pau kona liʻu, aohe iʻa. e miko iaia, e maea auanei na mea apau ina o ia ka paakai i kapiia ai ka ia O kona wahi kupono mawaho o ka ha lepule, a me maka awai. Ua lawa keia no keia manawa. Me oe e kuu kapena ahonei koʻu welina pau ole. Me ka haahaa CHAS. LAKE, SR 579 Queen St., Aug. 10, 1920 Warsaw, Aug. 23. - He 50,000 Rukini a na pualikoa a ke aupuni kuikawa 1 hoauheeia i paa he mau pio nana koa Polani ma ka la aku la i nehinei, i kulike me ka hoike a na luna aupuni Polani o ka hoikeia an ae ma ka po i hala. BERLIN, Aug. 13 - He kaua hahana ke hoouka ia m ai la i nei manawa ma ka hikina aku o Mlawa, he kulanakauhale ma ke alanui kaaahi mawaena o Warsaw ame Danzig, kokoke i ka palena o Perusia Hikina Polani. Ua emi hope mai na Polani i ka hema no Soldau