Ka Nupepa Kuokoa, Volume LVIII, Number 35, 27 ʻAukake 1920 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

KE ALAKAI KOKUA NO KE KO@O BALOTA

 

Hoomakakauia o W.J. Coelho no ka Pono o na Hawaii. (Hoomauia)

 

Pauku 41. Balota aupuni. Na ke kakaaolelo kalaua e hoomakaukau a e pa'i i na balota aupuni a e kulike ka laula, ke koikoi me ka manoanoa a o ka waihooluu like no hoi a maloko o laila ua inoa o na moho apau o na aoao kalaiaina ole no hoi apau, ina he mau moho kahi. E hoomaopopoia no ka hoonohonoho ana o na balota ma ke ana pake neta o ka huina balota ku i ke kanawai i kohoia iloko o ka Teritore ma ke kau koho mamua koke iho no ka elele labui, a e haawi ana hoi i ka aoao nona ka maho no ia kulana oihana i kohoia ka heluna balota kiekie loa maloko nei o ka Teritore ke kulana mua maluna o ia poe balota; a i ka aoao kalaina hoi nona ka moho i kohoia iho no ia kulana i konoia maloko nei o ka Teritore ke kulaua elua maluna o ia poe balota, a pele akuu. E pa'iia no ka inoa o na moho apau maluna olaila, ma ke kolamu o ko lakou aoao kalaiaina pakahi a aoao kalaiaina ole paha, ma ka hoonoho papa hua pi-a-pa, me ko lakou inoa pili ma ka olelo Hawaii, ke koiia e hana pela, elike me ia i hoomaopopo mua ia. E hookaulikeia no ia balota e ke kakauolelo kalana iloko o na manawa i kauia a ma ke ano hoi i hoomaopopoia e na kanawai koho balota lauahea me kalana no na balota teritore me kalana a e kulike hoi ma ua ano e ae apau, koe na mean i hoakaka okoa ia e keia mokuna, me n a kanawai koho balota lauahea. E kulike hoi ke ano o ka balota me keia mahope iho nei, a e hookulikeia no hoi me ke kupono no kela me keia apana me na kalana.

(O keia mahope iho nei ke ano maoli o ka balota e haawiia mai ai i ka mea koho no ke kahape'a ana, Nolaila, e hoomaopopo pono mai e ka makamaka heluhelu i ke ano me na kuhikuhi no ke kaha ana.)

 

OFFICIAL BALLOT.

Primary Election, 1920 Representative District.

To vote for a person make a X with a black lead pencil in the space opposite his name to the right of the black line.

No ke koho ana i kekahi mea, e kaha i X me ka penikala eleele ma ke kowa ma o aku o kona inoa ma ka aoao akau o ka laina eleele.

 

Territorial Officers.

National National Non-

Republican Democratic Partisan

Delegate to Congress

Vote for one only. Koho no hookahi.

First Senatorial District - Island of

Hawaii

Senators

For the term of four years beginning

19

Vote for two only. Koho no elua.

First representative District - Districts of Puna, South Hilo, North Hilo and Hamakua, Island and County of Hawaii

Representatives.

For the term of two years beginning

19

Vote for four only. Koho no eha.

City and County Officers.

City and County of Honolulu.

Mayor.

For the term of two years beginning January, 1920.

Vote for one only. Koho no hookahi.

Supervisors.

For the term of two years beginning

January, 1920.

A pela aku a pau pono na luna oihana kalana. K. 1913, m. 151, p. 10; K. H. 1915, p. 35.)

Pauku 42. Balota hookuku; na paewa me na mea haule.

1. Iloko o ka manwa emi ole malalo o umi la mam ua ae o ke koho wae moho e hoomakakau ke kakaolelo o ka Teritore me ke kakauolelo kalana i balota hookiki a e haawi aku i kope o ia i na lunahoomalu o na mahele koho teritore, a i na lunahoomalu o na komite kalana, a ina moh oma ko lakou hale leka pakahi elike me ia i hoikeia maloko o ko lakou palapala waiho inoa moho, a e kau n ohoi i kope o ia ma kahi ikeakeaia maloko o kona keena oihana.

2. Iloko o ka manawa emi ole malalo o elima la mamua ae o ke koho wae moho, e hooponopono hou ke kakauolelo kalana i ua paewa me na mea haule o ka balota aupuni a e kauohaia e pa'iia a e hoolakeia aku i na luna kulena ia elike me na kuhikuhi a kekauawai. (K. 1913, m. 151, p. 11; K. H. 1915, p. 36.)

Pauku 43. Poe kuleana e koho. Aole kekahi mea e kulean e koho balota ma kekahi koho wae moho ke ole oia e hoopaainoa mua ia i kupono ai me ka ano mea koho balota no ka mahele koho iloko o ka manawa emi ole iho malalo o umi la mamua ae o ia koho wae moho, a e hooiaioia ana hoi ia mea mamu! i o na papai noa e haawiia aku ai i na luna mana kohe e ke kkauolelo kalana iloko o ka manawa emi ole iho malalo o ekolu la mamua ae o ia koho wae moho. (K. 1913, m. 151, p. 12; K. H. 1915, p. 37.)

Pauku 44. Koho ana.

1. E hamama no na wahi koho ma na koho wae moho mai ka hora 8 o ke kakahiaka ahiki i ka hora 5 o ke ahiahi, a aole balota e hookomoia i ka pahu balota mamua a i ole mahope iho paha o ia manawa.

2. O kekahi mea e makemake ana e koho ma kekahi koho wae moho e hoike oia i kona inoa me kona wahi noho i na luna naua koho balota, na hookahi o lakou e hoike ae no ia mea me ka leo moakaka kupono e loheia ai e na poe apau maloko o kahi koho. Ina ka mea e makemake ana e koho e ku-e ole ia, e haawi aku no hookahi o na luna nana iaia i hookahi balota aupuni i opi kulike ia i nalo ai na mea oloko o laial (aole e ikeia). E hele aku no ka mea koho a i kekahi o na wahi keena i hoomakakauia no ia hana a maloko o laila e kaha ai i ka balota, Alaila e opi oia i ka balota elike me na opi mua i ka wa i haawiia ku ai iaia a hohoi aku ia i na luna nana. E hookomo koke ia no ka balota i kahaia maloko o ka pahu balota i hoolakoia no ia hana. (K. 1913. m. 151, p. 13; K. H. 1915, p. 38.)

Pauku 45. Ku-e ana. O kekahi mea kuleana maloko o kahi koho e hiki no e ku-e aku i ke kuleana koho o kekahi mea e hiki kino ana imua o na luna nana koho balota no ia hana. O ia ku-e ana e hookahuaia no ia maluna o na kumu: (1), aole ia mea o ka mea e hookohukohu ana oia no; a i ole (2) aole ia mea koho i kulena e koho maloko o ia mahele koho. Aole e aeia kekahi ku0e okoa ae a ku0e hou ana paha. E haawi koke ia no ka olelo hooholo no ia ku-e ana e na luna nana, a o ka hooholo ana a ka hana nui mahina o ia ninau e lilo no i mea mana paa. (K. 1913, m. 151, p. 14; K. H. 1915, p. 39.)

Pauku 46. Helu ana i na balota; hoike helu. Mahope koke iho o ka paa ana o na wahi koho ma ke koho wae moho e helu na lunanana i na balota i kohoia, elike me ia i hoomaopopoia ma ke kanawai no ka helu ana i na balota ma kekahi koho balota, Na na lunanana no, maluna o na apana pepa kaokoa a mau pa'ihakahaka paha i hoolakoia no ia hana, e hana i hoike piha no na baloka i kohoia a e hoouna koke i kope o ia i ke kakauolelo o ka Teritore a i ke kakauolelo kahi o ke koho wae moho i malamaia ai a i hookahi kope i na lunahoomalu o ke komite teritore me na komite kalana o kela me keia aoao kalaina.i K. 1913, m. 151, p. 15; K. H. 1915, p. 40.)

Pauku 47. Ka hopena o ke koho baloka. 1. O ka mea e loaa ana aia ka heluna balota kiekie loa ma kekahi koho wae moho ma ke kulana moho o kekahi aoao kalaiaina no kekahi kulana oihana ke lilo i moho na ka aoao kalaiaina ma ke koho baloka mahope koke iho, a o kekahi moho aoao kalaiaina ole e loaa ana aole emi iho malalo o iwakalua pakeneta o na balota i hoopaaia i kohoia ma ia koho wae moho ke lilo i moho pu ma ke koho balota mahope koke iho, Aka nae hoi, o kekahi moho e loaa ana iaia ka hapa nui o na balota i hoopaaia e koho ana o ka apan an ae holo moho ana e lilo no ia i moho i kohoia a puka no ka oihana ana e holo moho ana ma ia koho wae moho. A pela pu no hoi, ina no kekahi oihana e kohoia ai a oi aku i ka hookahi mea elike me ka ke kanawai i hoomaopopo ai, oia hoi, ina paha i mau lunakiai a no kekahi kalana paha, a i ole kulanakauhale me kalana, a no kekahi mahele aupuni paha, maloko o kahi o ia, maloko nei o ka Teritore, ke oi aku ka heluna moho maluna o ka huina e kohoia ai e loaa ana ka heluna balota oi aku i ka hapanui o na balota o ka heluna wale no e puka, elike me ka ke kanawai i hoomaopopo ai no ia mea, a oia no hoi na moho i loaa ka heluna balota kiekie loa ma ia koho wae moho ana, ke hooholoia a e kuahauaia ua koho pono ia.

2. Elike me ke kupono mahope koke iho o ka heluana o na balota o ke koh wae moho e hoolah a no ke kakauolelo kalaua, maloko o kekahi nupepa lave nui ia e ka lehulehu maloko o ke kalana, i kekahi hike i hooiaioia no ka hopena o ke koho wae moho no na moho no na oihana like ole, a e hoouna hoi i ke komite teritore kuwaena me ka komite kalana o kela me keia aoao kalaiaina elike me ke kupono i na mea o ia hoike i pili ia aoao kalaiaina.

Pauku 48. Balota like. I ka wa e pa'i-a-pa'i ai ka heluna balota. alaila e hooponopono koke ia no ia heluna like ma ka huki helu ana, malalo o na hoohana ana a ke kakauolelo kalana; a e hoikeia aku no i na moho kuleana ia me ke komite kuwaena a kalana paha, elike me ia ehoomaopopoia ai, o ka aoao o na moho kuleana ilaila, e ke kakauolelo kalana no ka manawa me kahi o ia huki helu ana a e loaa hoi i na lala ia lakou ka manawa kupono e hiki kino ai ma ka wa o ia hapa.

Pauku 49. Na hakahaka. I ka wa o ka make, unihi hou, a i ole kupono ole paha o kekahi moho mamua ae, a i ole mahope iho paha o ka malamaia ana o kekahi koho wae moho, o ka hakahaka i kupu ae e hoopihaia no ka hakahaka i kupu ae e hoopihaia no e ke komite kuwaena a kalana paha o ka aoao kalaiaiana, elike me ia e hoomaopopoia ana.

Pauku 50. Wahaolelo ma ka aoao o ke kalaiaina.

1. Ma na ninau apau e pili ana i na mea i hoakakaia malokok o keia mokuna o ke komite kuwaena Teritore ka wahaolelo ma ka aoao o ke kalaiaina.

2. O na hakahak iloko o kekahi ia komite e hoopihaia no e ke komite ponoi.

Pauku 51. Na lilo pa'i e ukuia e wai. O na lilo balota, pa'ihakahaka, me na lako e ae e hoohanaia ana ma kekahi koho wae moho, me na lilo kupono e ae apau e pili ana i ka hoomakaukau ana, a i ole no ka lawelawe ana ia hana koho wae moho, e hooponoponoia no ia elike me ia mahope iho nei, penei:

O ka lilo o ke pa'i ana me ka hoolaha ana ia mau balota, na hoolaha me na pa'ihakahaka elike me ia i kauohaia e lhoolako, pa'i a hoolaha hoi e ke kakauolelo kalana, e ukuia no e ia kalana,

O ka lilo no ke pa'i ana me ka hoolaha ana i ke kahuahana o kela me keia aoao kalaiaina e ili no ia koi'ko'i o ka uku ana maluna o ia aoao kalaiaina.

Pauku 52. Na lilo wahi koho balota, na pahu balota, e ukuia na lunanana e ke Teritore. Na ke kakauolelo o ke Teritore, mamuli o na lilo o ka Teritore, e hoolako i na wahi koho balota kupono me na pahu balota, a o na lunanana koho balota e ukuia no e ke Teritore no ka lakou lawelawe ana ma ke koho wae moho elike me ka uku i hoomaopopoia ma ke kanawai no na hana pili koho balota.

Pauku 53. No hoopai. O kekahi mea e haawi ana i kepe a i ole haawi ae paha i pomaikai, a i ole me ka maopopo no ia mea ae nae i kekahi mea e haawi i kipe a haawi ae paha i pomaikai no kona pono, i kekhai mea koho balota no ka hoohuli iaia e kakau i kekahi palapala koho balota, a me kekahi mea e lave ana i kekahi o ia kipe a ae haawi pomaikai paha o kela me keia ano no ke kakauinoa ana ia, ina no ia kipe a ae haawi pomaikai paha ua haawiia a laweia paha mamua a i ole mahope iho paha o ke kakauinoa ana, e ku no i ka hewa mkamina a ke ahewaia no ia mea e hoopa'iia no ma ka ukuhoopai emi ole malalo o iwakalua-kumamalima a aole hoi e oi aku maluna o elima haneri dala, a i ole ma ka hopaahao no ka manawa emi ole malalo o umi la a aole hoi e oi aku maluna o eono mahina, a i ole e hooukuhoopaiia me ia hoopaahao pu.

E manaoia no keia mokuna he mahele no na kanawau koho balota o ka Teritore elike me na kuhikuhi apau maloko olaila e pili an ai na offeni ku-e ia mau kanawai.

Aole i pau.

KE HU NEI KE DALA PEPA MA WAIANAE NEI.

I ke koa kawalia Solomon Hanohano, ka meanana ehookele aua i ka mana nunu lawe kauoha me ka pololei apuni o Hawaii aina, oia ka Nupepa Kuokoa, Aloha nui kaua me ka mahiehie: -Eia au kau kiu hanu meahou imua o kou alo me kela mau lalani olelo e kau ae lamaluna, ke loaa nae hoi kahi rumi kaawale, oia iho keia, i kahoomaha ana o ke kula aupuni o Waianae nei ua loaa ka hanohano i ke poo kumu, oia o F. Nobriga, ke noi ana i hana nakana poe hauman kula i khaku mahiko o Waianae nei, oia o E, Brecht; ua aeia mai me ka maikai.

I ka la elua o Iulai ua hoomaka ka hele ana i ka hana o ke pookumu no ka luna o keia poe keiki hele kula, ekolu  ano uku i haawiia mai e ka haku o ka mahiko, oia hoi, 40c.,45e., ame 50c ka uku o ka la hookahi; i ka hana ana o keia poe keiki a pau ka mahina o Iulai komo no i i ka mahina o Augate la 13, ohi n kenikeni a ua poe keiki nei.

Me neia ke ano o ka uku ana, o ka poe he hapalua ka uku la, ua like ia me 13 dala, hui pu me ka uku manuahi, oia hoi $3.35 n oke dala hookahi keia, ua like ia me $56.55 ka loaa i ke keiki hookahi, in a no hoi e emi @ la hana o ka mahina emi pu no me na mea e loaa mai ana. Ua nui ka hauoli o na keikikane ame na kaikamahine no keia uku kiekie i loaa ole ma kekahi mau mahiko; o keia dala i haaviia mai ia lakou ma ke dala pepa wale no, oia kela mau hualelo e kau ae la maluna, ke hu nei ke dala pepa ma Waianae nei.

O keia uku kiekie loa i haawiia i na keiki kula ua like aku ia me kekahi mau luna oihana aupuni mai ka umi makahiki a pii aku, iluna o lakou ka poe aeia e hele i ka hana, o na keiki Kepani ka oi aku, o na Hawaii aku, na Pukiki ame na Pilipino ame na hapa Hawaii. Eia no ka helwili ke hoonii nei i na punako, he mau kilihune ua liilii kekahi. Pehea hoi na keiki o ke kaona o Honolulu, loaa paha keia uku ia lakou aole paha? Eia ke ola i ka wai o ka niuhaohao o Poka-i;me neia mau mea hoohauoli noonoo, me oe e ka Lunahooponopono ko'u mahalo ame kau mau boy. Owau iho no a mau,

KAWAIOOLOPUA.

ELIMA MAU MOKIKAUA PILIKUA

E HOEA MAI ANA

ma ka la 7 o ka mahina o Sepatemaba e hoea mai ana i Hawaii nei kekahi mau mokukaua pilikua o ke aumokika@a o ka Moana Pkipika, oia ka New Mekiko, New York, Idaho, Wyoming ame ka Arkansas mai Kapalakiko mai, a maluna o ia mau moku e laweia mai ana aneane 10,000 koa kahiko i hookoeia mai na mokuaina mai o ka hapa komohana o Amerika.

O ka moklawahae a ka Adiarala L. Rodman ke ku iho ana maloko o ke awa o Honolulu, me hookahi mokukaua e ae, o kekahi mau mokukaua e holo aku ana no Hilo a o kekahi no ke awa o Puuloa. O ka mokulawehae o ka Adimarala Rodman oia ka New York, ka mokukaua Amerika maloko o na kai o Europa iloko o ka manawa kaua i hala, ua hoea mua mai ia ianei iloko o Augate o kela makahiki aku nei, ka mokukaua nana i lawe mai i ke kakauolelo o ka oihana kaua moana Daniels.

O ka Arkansas wale no mawaena o keia aumokikaua e holo mai ana mawaho ae o ka mokukaua New York, kekahi i komo pu aku iloko o ka ehuehu o ke kaua ma na kai o Europa. O ka mokuahi lawe aila ke Cuyama ke manaoia aku nei e hoea mai anaia nei ma ka la 30 o keia mahina me ka aila no na mokukaua e holo mai ana.

O ua koa kahiko i hookoeia e holo pu mai ana me na mokukaua o ko lakou manawa holo mokahiki keia no Hawaii nei ma ke ano a'o a makaikai. Ina e lilo ana lakou i poe haanui aku i ko AMerika poe no na ano maikai apau o Hawaii nei, elike me ka hana a kela poe koa kahiko i hookoeia i hana ai a i nui mai ai na malihini holo makaikai i Hawaii nei me kela aumokikaua, e piha hou mai ana na wahi hokele o Honolulu nei i ka poe makaikai i keia hooilo.

NA LEKA KIIOLE IA MAI AHIKI I AUGATE 22, 1920.

Keihenui, Dan (2) Kaneao, Mrs Louisa

Kauakahilani, A. Kawawahinui, Mrs

Lei F

Kaualua, J W Kekai, Miss Maude

Kahole, Miss HattieKeliikoa, Mrs D

Kahopewai, Sol Kupihea Jno P

Kakalia, E Miau, Jno

Kakalia, F D Nawaikeawe, K

Kalua, Isaac Pahuole, P

Kalauahi, Kaimi I Panee, D

(2) Wekiuna, Karl

Kama, Frank Auna, Rose K

E ninau i na leka hoolaha ia ke kii mai.

KA HOME O NA KAIKAMAHINE E MALAMAIA NEI.

Kuu Solomon Hanohano, Aloha no kaua: - Ma ke kakahiaka Sabati nei i haalele iho ai maua i a Pauoa a holo aku la no ua home nei, a i ko maua hiki ana aku e ai nui ana ia manawa; ke nana nei kou meakakau i ka nani o keia home ame na halekula e malama@a ai, he kulana maemae maoli ke nana aku. Aole i loihi ia kalu ana iho a maua ia manawa i hookuuia mai ai na keiki e hoi ma kolakou wahi iho me ke kahakaha o ka manao o kou meakakau nei i kaloaa o ke ola kino maikai i na keiki, a ha'i mai kla ka makamaka mai kai, no kana keiki i ka hoi ana mai i keia home he omali kahi kno, aka, i ka noho ana a piha na mahina ewalu, ua ola maoli ke nana aku, a i ka ae ana mai o ke pookumu iaia e puka mai no ka launa pu ana me kona luaui makuahine, oia hoi he wahi hoomanao piha makahiki no kona mama aloha, a i hui ia hi me kona makuakane aloha, ma ka nana aku a ka meakakau nei, o na helehelena maluna o ke kamiki ua like loa me kona papa aloha, ka mea nani i loaa i keia mau makua i ka hoihoi ana i ka laua mea aloha ma kahi e maluhia.

E na makua, ina ua oi loa mai ka ai mai na hoowalewale he nui.

hana a na keiki mamua o ka meakupono e hoihoi koke i kahi e maluhia ai, me ka loaa o na a'o maikai ana, alaila e puke ana no kou inoa. Ma ka nana aku a kou kiu o ko kaua koko no ka hapanui me ka nunui maikai o na kino, piha pono mailuna a lalo, aole kela ano hoomali ano pilipu ke hele mai, keia ke nana aku oe he piha maoli me ka hauoli.

I ka makaukau ana ua holo aku la makou ma ke ano poaipuni i ua kahua nei, he nani maoli ke nana aku, a ike aku la au ia kumu e hooponopono ana me na keiki i na lole no ka holoi ana; ua kupono maoli oia e lilo i makua no na keiki, ma ka'u nana aku, a mea mai la ko'u kamaaina, he hookahi kaikamahine i noho iloko o keia kula no na makahiki ewalu mai Kauai mai, aole hookahi manawa o kona ohana i hele mai ai e ike. O kekah kumu pilikia keia he hilihila paha, ina oia ke kumu, ua uuku loa ia manao ana pela, no ka mea, ua makaukau ke keiki a he buke banako kana no kona waihona, ua makaukau maoli elike me Mr, ame Mrs. J. K. Palama; ua nui loa ko laua hauoli no ka laua lei aloha no ka lankila ana maluna o na hoowalwale o ko keia ao, a e lilo aku ana i makuahine maikai e hooulu ana i kona kino nawaliwali no keia mua aku.

Ua nui na mea a maua i kamaiho ai i pili no keia halekula, ua mea aku au iaia, ua hana no au i ka'u keikikane mamuli o ka pii ana mai o kona leo maluna o'u nei, aia hoi e mare oia i ka wahine, aka, iloko o na hora he 10 ua waiho aku au iaia ma Waialua no kona pono, mamua o ka piha ana o ka mahina, ua maliu mai oia i ka'u mau a'o ana a hookkoia ka'u mea i iini ai, no kona pono, a hoi mai la oia me ka maikai, aka, ua ako koke ia ae ka pua e popohe ana a hoi aku la me ka mea nana i hana mai, aka, ahiki i keia manawa, eia no au ke hoomanao nei nona i na manawa apau, oia maoli ke aloha; e a'o koke i ka manwa e mauae mai ai i kou mana e ka makua aloha keiki, aka ina e ae wale aku i kona makemake ua ae aku oe e hoolilo iaia i kanaka e hana mai ana i na mea e plikia ai oe.

Nolaila o keia mau makua ua piha maoli laua me ka hauoli no ko laua lanakila ana maluna o na hana epa a o malu ke kamiki ma o kona mana la ka'u leo pule.

Me oe e kuu Kapena ahonui ko'u welina pau ole. Kou no a mau,

J.K. MOKUMAIA.

KA WAHINE PUUWAI ALOHA I KA

LAHUI HAWAII, MARY ROBIN

Solomon Hanohano, Aloha oe: -E oluolu oe e hookomo iho ma kauwahi rumi kaawale no keia wahi poomanao e kau ae la maluna, i ike iho ai hoi o Hawaii nui akea amena lahui e ae e ai nei i ka pi, ke kuai nei o Mary Robins i ka poi o Laie ame ka poi o Honolulu i ka Uakukalahale e, e Kauai i ke ala mokihana e, e Molokai i ka lau o ke kukui e, e ke kuahiwi o Haleakala e, e ka makani apaapaa o Kohala e, e ke kai hawanawana o Kawaihae e, e ka ua kupuupuu o Waimea, e ka wailele o Hiilawe e , e Hilo i ka ua kanilehua e, e Puna i ke ala o ka hala e, e Kau i ka makani kuehu lepo e@ e Kona i ke kai opua i ka la'i e, ina eia kekahi poe o keia mau aina ma Honolulu nei e oluolu e iho ma ka makeke o Aala, pakaukau 78, e loaa ka poi 9 paona i ka hapalua ehoike aku au i ke aloha o kuu kaikuahine i kona lahui Hawaii penei:

Pane aku au aohe paha ou puka e kuai nei i ka 9 Paona i kahapalua.

Eia kana pane: Aole au i kuai i ka poi no ka imi waiwai, aka, no kuu aloha i kuu koko Hawaii a ke Akua hoi ma ka lani e kokua mai ai ia'u.

Kulu iho la ko'u waimaka, he mea oiaio ia o ka Makua maka lani ka mea nana e kokua i akakou e na Hawaii i puka ka inoa, e lawe ka oukou i'a ia Mary Robins i loaa ke kumukuai haahaa loa, aole ia Pake ma ame Kepani ma A puka hou aku no.

Me na keiki onui hua kepau ko'u aloha.

KEAOILILANI.

Keiki o ka Makani Apaapaa o Kohala

WASHINGTON, Aug. 25.-I kulike me kalono i loaa ae i ke keena kanikela Polani ma ka po nei, he mau kaukani paahao Rukini a na makaainana Polani i hoolakoia me na pahi kakiwi oki mauu i lawe ae i ke kulanakauhale o Warsaw, i kela ame keia la. Mamuli o ka lilo ana o na makaainana i mau kiai no na paahao ua hookuuia aku na koa kumau no ka hele ana aku i ke kaua ma na kahua kaua.

MA KE KAUOHA.

HOOLAHA KOHO BALOTA WAE MOHO.

Ma keia ke hoolaha ia aku nei i kulike ai me ka manao o ka Mokuna 8 o na Kanawai Hooponoponoia o Hawaii, 1915, he koho balota wae moho, no ka wae ana i moho elele no ka Hale o na Lunamakaainana o Amerika Huipuia a i mau moho Senatoa ame na Lunamakaainana no ka Ahaolelo o ke teritore o Hawaii, elike me ia i hoakakaia malalo iho nei, ke malamaia ana, ma ka Poaono, la 2 o Okatobe, A. D. 1920, apuni ke Teritore, mawaena o na hora 8 A. M. ame hora 5 P. M.

NA APANA SENATOA.

O na Apana Senatoa ameka heluna o na moho Senatoa e waeia ai e kela ame keia aoao kalaiaina elike penei:

APANA EKOLU-Mokupuni o Oahu-Ekolu.

NA APANA LUNAMAKAAINANA.

O na Apana Lunamakaainana ame ka heluna o na moho no ke kulan Luna makaainana e waeia ai e kela ame keia Aoao Kalaiaina elike iho penei:

Ma ka APANA EHA-Eono.

Ma ka APANA ELIMA-Eono.

O na apana Lunamakaainana, na mahele koho ame na wahi koho elike iho penei:

APANA LUNAMAKAAINANA EHA

HAPA O KA APANA SENATOA

EKOLU.

Ka hapa o ka Mokupuni o Oahu ame ke Kulanakauhale ame Kalana o Honolulu ma ka hikina hema o ke Alanui Nuuanu ame ka laina e hooloihi ana mailaila aku, mai ka pali o Nuuanu ahiki i ka L@e o Mokapu.

MAHELE EKAHI -O k hapa o ka Apana o Honolulu ma ka hikina akau o ka laina mai ka lalani mauna mai o Koolau i hooloihiia aku a pili me ke Alanui Mauumae, mai ia alanui aku i oleloia, Alanui Umikumamakahi, Alanui Daimana Hila ame ka laina i hooloihiia ahiki i ke kai. Wahi koho, kihi o Alanui Koko Head ame ke Alanui Waialae.

MAHELE ELUA-O ka hapa o ka Apana o Honolulu mawaena o ka mahele ekahi ame kalaina mai ka lalani mauna mai o Koolau a e holo ana ma ke kualapa ma ka aoao hikina o ke Awawa o Manoa a hoea i ke kahawai o Manoa, malaila aku ma ke kahawai i oleloia a hoea i ke alanui e moe ke'a ana ia kahawai makai iki aku o kona hui ana me ke kaha wai o Palolo, alaila ma ia alanui, Alanui Campbell, Alanui Kakela ame Alanui Daimana Hila. Wahi koho, kihi o Alanui Eono ame ke Alanui Waialae.

MAHELE EKOLU-O ka hapa o ka Apana o Honolulu ma ka hema o na mahele ekahi ame elua a ma kahikina o ka laina e holo ana ma na Alanui Kapahulu ame Alanui Makee ahiki i ke kai. Wahi koho, Alanui Kalakaua ame ka puka nui e komo ai i ka Paka Kapiolani.

MAHELE EHA-O ka hapa o ka Apana o Honolulu ma ka hema o ke Alanui Moi ame ke Alanui Waialae mawaena o na mahele elua ame ekolu, a ma kalaina mai ke kihi mai o na Alanui Punahou ame Moi ahiki i ke alahaka loihi ma ke Alanui (alanui kahakai) Ala Moana. Wahi koho, kiho o Alanui Kalakaua me Alanui Keoni Ina.

MAHELE ELIMA-O ka hapa o ka Apana o Honolulu ma ka akau o ka mahele eha a ma ke komohana o ka mahele elua, i hoopuniia ma ke komohana e ke, Alanui Punahou a ma ka akau e ke Alanui Punahou a ma ka akau e ke Alanui Waila ame ke Alanui Metcalf ahiki i ke alanui e holo ana i ka hikina ma ka hema iki mai o ke Kulanui o Hawaii, ma ia alanui i oleloia ame kalaina i hooloihiia aku ahiki i ka palena pau @ ke kualapa e hoopuni ana i ka mahele elua ma ke komohana. Wahi koho, ma na Alanui Young ame Alexander.

MAHELE EONO-O ka hapa o ku Apana o Honolulu ma ka akau o ka mahele elima a mawaena o ka akau o ka mahele elima a mawaena o ka mahele elua ame ka laian e holo ana mai ke Alanui Waila mai ma na Alanui Punahou ahiki i kona hui ana me ke Alanui Manoa, alaila ma ke kualapa ma ka aoao komohana o ke Awawa o Maoa ahiki i ka lalani mauna o Koolau. Wahi koho, Alanui Lilioa, Rise ame Alanui Kamehameha.

MAHELE EHIKU-O ka hapa o ka Apana o Honolulu ma ke komohana o na mahele eha ame elima, ma ka hema aku o ke Alanui Beretania a ma ka hikina o ka laina e holo ana mai ke kai mai ma ke Alanui Sheridan ahiki i ka welelau e hooloihi ana i ke alanui Piikoi alaila ma ua laina nei i oleloia no ka hooloihi ana ke Alanui Piikoi. Wahi koho, kihi o na Alanui Keeaumoku ame Moi.

MAHELE EWALU-O ka hapa o ka Apana o Honolulu ma ke komohana o na mahele elima ame eono, maka akau o ka mahele ehiku a ma kahikina o ka laina mai ke Alanui Beretania mai ma ke Alanui Piikoi ame kalaina e hooloihi ana malaila aku ma ka palena komohana o ka pa-hale o ka Home Luna lilo ahiki i ke kihi hema o Kalawahine alaila ma ka palene hikina o Kalawahine ahiki i kona hui ana me ka palena komohana o ke Awawa o Manoa. Wahi koho, kihi Alanui Waila ame Alanui Liholiho.

MAHELE EIWA-O ka hapa o ka Apana o Honolulu ma ka hema o Alanui Beretania a mawaena o ka mahele ehiku ame ka laina e holo ana mai ke kai mai ma ke Alanui Ward ame ke Alanui Kapiolani. Wahi koho, Kamaki Kuea.

MAHELE UMI-O ka hapa o ka Apana o Honolulu ma ka akau o ka laina mai ke Alanui Alapai mai ma ke Alanui Moi ahiki a ma ke Alanui Kapiolani, alaila holo hikina ma ke Alanui Beretania mawaena o k mahele ewalu ame ka laina ma ke Alanui Alapai a i hooloihiia ahiki i ka pahuhae kahiko ma ka piko o Puowaina, alaila ma Puowaina ahiki i ka pa@na mawaena o Kewalo ame Auwaolimu, alaila ma ka palena komohana o Kewalo a holo ke'a ma Kalawahine ahiki i ka palena komohana o ka mahele ewalu. Wahik koho, Hale Kula A'o Kumu.

MAHELE UMIKUMAMAKAHI-O ka hapa o ka Apana o Honolulu ma ka hema o Alanui Moi a mawaena o ka ma hele eiwa ame ka laian ehooloihi ana mai ke Alanui Moi mai alaila ma Alanui Hema ahiki i ke kai. Wahi koho, ma na Alanui Hema ame Kawaiahao.

MAHELE UMIKUMAMALUA-O ka hapa o ka Apana o Honolulu ma ka hema o Alanui Hokele a mawaena o na Alanui Alapai ame Hema ma kekahi aoao ame Alanui Nuuanu ma kekahi aoao. Wahi koho, kokoke ma Kapuaiwa Hale.

MAHELE UMIKUMAMAKOLU-O ka hapa o ka Apana o Honolulu i hoopuniia e Alanuui Luso, Alanui Alapai, Alanui Hokele ame na Alanui Alakea ame Ema. Wahi koho, Ema Kuea.

MAHELE UMIKUMAMAHA-O ka hapa o ka Apana o Honolulu i hoopuniia e ka palena komohana o ka mahele umi, e ka palena akau o ka mahele umikumamakolu ame ka laina e holo ana mai ka huina mai o na Alanui Kula ame Ema ahiki i ka pahuhae kahiko ma ka piko o Puowaina. Wahi koho, kokoke i ka huina o na Alanui Luso ame Perry.

MAHELE UMIKUMAMALUMA-O ka hapa o ka Apana o Honolulu i hoopuniia e Alanui Kula, Alanui Ema ame Alanui Alakea, Alnui Hokele ame Alanui Papu. Wahi koho, Alanui Beretania ame Alanui Papu.

MAHELE UMIKUMAMAONO-O ka hapa o ka Apana o Honolulu i hoopuniia e ke Alanui Kula, Alanui Papu, Anaui Hokele ame ke Alanui Nuuanau. Wahi koho, kokoke i na Alanui Pau ame Beretania.

MAHELE UMIKUMAMAHIKU-O ka hapa o ka Apana o Honolulu ma ka akau o na mahele umikumamaha a me umikumamalima a mawaena o ka mahele umi ame ka laina e holo ana make Alanui Papu ame Alanui Pacific Heights ahiki i ke kee mua o ia alanui a mai laila aku ma ka aoao komohana o ke Awawa o Pauoa. wahi koho, kihi o ke Alanui Puowaina ame Alanui Luso.

MAHELE UMIKUMAMAWALU-O ka hapa o ka Apana o Honolulu ma ka akau o ke Alanui Kula a mawaena o ka mahele umikumamahiku ame ke Alanui Nuuanu Wahi koho, Alanui Nuuanu ame Alanui Bates.

MAHELE UMIKUMAMAIWA-O ka hapa o ka Apana o Koolaupoko ma kahikina hema o ka laina mai ka Pali mai o Nuuanu ahiki i ka Lae o Mokapu.Wahi, kokh Halekula o Waimanalo.

APANA LUNAMAKAAINANA ELIMA HAPA O KA APAN SENAOA EKOLU.

Ka hapa o ke Kulanakauhale ame Kalana o Honolulu ma ke Komohana Akau o ke Alanui Nuuanu ame ka laina e hooloihiia, mai ka Pali o Nuuanu ahiki i ka Lae o Makapu.

MAHELE EKAHI-O ka hapa o ka Apana o Koolaupoko mawaena o ka laina mai ka Pali mai o Nuuanu ehiki i ka Lae o Makapu a maluna o ke kualapa mawaena o Heeia ame Ahuimanu. Wahi koho, ma ka Hale Hookolokolo o Koolaupoko, ma Kaneohe.

MAHELE ELUA-O ke koena aku o ka Apana o Koolaupoko. Wahi koho, ma ka Halekula o Waiahole.

MAHELE EKOLU-O ka hapa o ka Apana o Koolauloa maka hikina hema o ka palena hikina hema o Laie. Wahi koho, ma ka hela hui Yin Sit, ma Kapano, Punaluu.

MAHELE EHA-O ke koena aku o ka Apana o Koolauloa. Wahi koho, ma ka haleaina kokoke i ka hale hoolulu kaaahi ma Kahuku.

MAHELE ELIMA-Ka Apana o kWaialua, e hookoke ana i ka hapa o ua apana la, ma ka hema o ka lian mai ka piko mai o Kaala  komo i ka piko o Kamaohanui, Puu Pane ame Puu Peahinaia ahiki i ka palena o Koolauloa. Wahi koho, ma ka Hale Hookolokolo o Waialua.

No ke koena kau o ka Apana o Waialua, e nana i ka Mahele Umikumamaono.

MAHELE EONO-Ka Apena o Waianae. Wahi koho, Hale Hookolokolo o Waianae.

MAHELE EHIKU-Ka hapa o ka APana o Ewa, e komo pu ana na aina o hoaeae ame Honouliuli. Wahi koho, maka Hale Hoolaule'a o Ewa (Ewa Pavilion).

MAHELE EWALU-Ke koena aku o ka Apana o Ewa, e hookoe ana i kela hapa o Halwa ma ke komohana hema o ka laina mai ka palena mai mauka o ka lokoi'a o Kuahia a e komo ana ma ka lupele o Makelapa ahiki i ka palena o Moanalua. Wahi koho, ma ka Hale Hookolokolo o Ewa.

O ke ano lole pololei ka mea kokua ia oe no ka hoohauoli ana me ka nana ole mahea la oe.

E loaa ana ia oe ke ano pololei maanei no na manawa kupono apau, no na mauna, na kapa kahakai, no ua paani like ole, uo na oihana a no ke kahiko ana.

He mau paalole me na puliki a puliki ole ma na ano waihooluu like ole no ke kau wela ame na kaila like ole. O ua paalole no na opio i okiia a kupono no lakou mai ka $17.50 a ke $65.

Na lole wawae huluhulu o na ano apau.

He laweia na Bona Kuoko@ @

The Model Clothiers

1139-ALANUI PAPU-1141

"Ka Halekuai Hoomi Hoolilo."

No ke koena aku o Halawa e nana i ka Mahele Umikumamahiku.

MAHELE EIWA-O ka hapa o ka Apana o Honolulu ma ke komohana o ka laina mai ka lalani mauna mai o Koolau e holo ana ma ka palena komohana o Kalihi ahiki i ke Alanui Moi, alaila ma ke Alanui Moi ahiki a ma ke Alanui Kalihi ahki i ke kai. Wahi koho, kihi o Alanui Moi ame Kalihi.

MAHELE UMI-O ka hapa o ka Apana o Honolulu ura ka hikina akau o Alanui Moi a mawaena o ka palena komohana o Kalihi ame ka palena hikina o ke Alanui Kalihi ahiki i ke Alanui Moi. Wahi koho, Halekula o Kalihiwaena.

MAHELE UMIKUMAMAKAHI-O ka hapa o ka Apana o Honolulu i hoopuniia e Alanui Kula, Alanui Pupule, Alanui Moi ame Alanui Kalihi. Wahi koho, Alanui Moi ame Alanui Houghtailing.

MAHELE UMIKUMAMALUA-O Ka hapa o ka Apana o Honolulu ma ka akau o Alanui Kula a mawaena o ka mahele umi ame ka laina mai ka lalani mauna mai o Koolau ma ka palena pau o ke kualapa ma ke komohana o ke Awawa o Nuuanu ahiki i ka laina i hooloihiia o Alanui Kauka, alaila ma ia laina i oleloia ame Alanui Kauka ahiki i Alanui Liliha, alaila ma Alanui Liliha ahiki i Alanui Kula. Wahi koho, kokoke i ke kihi o na Alanui Liliha ame Kula.

MAHELE UMIKUMAMAKOLU-O ka hapa o ka Apana o Honolulu ma ka akau o Alanui Kula mawaena o ka mahele umikumamalua ame Alanui Nuuanu. Wahi koho, kihi o ke Alanui Kuakini ame Alanui Nuuanu.

MAHELE UMIKUMAMAHA-O ka hapa o ka Apana o Honolulu i hoopuniia e Alanui Kula, Alanui Nuuanu, Alanui Beretania ame ke Kahawai o Nuuanu. Wahi koho, Alanui Vinia ma ka aoao hikina o ke Kahawai o Nuuanu.

MAHELE UMIKUMAMALIMA-O ka hapa o ka Apana o Honolulu ma ka hema o na Alanui Beretania ame Moi a mawaena o ke Alanui Nuuanau ame ka mahele iwakalua e komo pu ana me ka Mokupuni Hoomalu Ma'i ame na Mokupuni hapapa e ae. Wahi koho, ma Aala Paka.

MAHELE UMIKUMAMAONO-O ke koena aku o ka Apana o Waialua. Wahi koho, ma ka Helekula o Wahiawa.

MAHELE UMIKUMAMAHIKU-O ke koena aku o Halawa. Wahi koho, Halehalawai ma Watertown.

MAHELE UMIKUMAMAWALU-O ka hapa o ka Apana o Honolulu i hoopuniia e Alanui Kula, Kahawai o Nuuanu, na Alanui Beretania ame Moi ame Alanui Liliha. Wahi koho, Alanui Winia, ma ka aoao komohana o ke Kahawai o Nuuanu.

MAHELE UMIKUMAMAIWA-O ka hapa o ka Apana o Honolulu i hoopuniia e Alanui Kula, Alanui Liliha, Alanui Moi ame Alanui Pupule. Wahi koho, Alanui Moi ma kela aoao mai o ka Halekula Kaiulani.

MAHELE IKAWALUA-O ka hapa o ka Apana o Honolulu ma ka hema o Alanui Moi a mawaena o Alanui Kalihi ame ka palena komohana o ka mahele umikumamalima. Wahi koho, ma ka Hale Paumawai o Kalihi.

I HOIKE NO KEIA, ke kau nei au i ko'u lima me ka hoopili pu ia o ke Sila Nui o ke Teritore o Hawaii.

(SEAL) HANAIA ma ke Kapitals ma Honolulu, i keia la 11 o Augate, M. H. 1920.

(Kakauinoaia) CURTIS P. IAUKEA,

Kakauolelo o Hawaii.

I kulike ai me ka manao o ke kanawai, ke hoolaha aku nei au i ke kuahaua Koho Balota Wae Moho i hanaia e ke Kakauolelo o ke Teritore o Hawaii a i pili pu hoi no ke Kulanakauhale ame Kalana o Honolulu.

(SEAL) D. KALAUOKALANI,

Kakauolelo o ke Kulanakauhale ame

Kalana o Honolulu, Teritore o Hawaii.

6414-Aug. 20, 27; Sept. 3.