Ka Nupepa Kuokoa, Volume LVIII, Number 34, 20 ʻAukake 1920 — Page 6

Ka Nupepa Kuokoa

KE KILOHANA POOKELA NO KA LAHUI HAWAII.

 

Ka Nupepa Kuokoa, Honolulu, T.H., Poalima, Augate 20, 1920

Ue Moolelo No

Elese, ka U'i Nohea i Liliia

A i ole

Ka Ipo Aloha a ke Kanaka Waiwai

 

            "E @oi aku ana au ia Hale e hele ae i kekahi manawa i ko makoa wahi pupupuhale. i ikemaka oia i ko'u wahi e noho nei. Aole oia he kanake hookae a i ole hoowahawaha pa @a in a he aloha i'o kona ia'u. A ina no kona hele i'o mama iaia a e ike iho ana oia @ona iho i ko Hale mau ano apau, a ke ike ka hoi o mama @ia la. alaila he mea makehewa ko'u hoike ana aku iaia no ka Hale mau mea o ke kamailo ana mai ia'u. He mea laahia loa ke aloha. Aka o! Ua kuhihewa anei au ma ia manao ana elike me ia!"

 

            Haikea ae la kona helehelena i kona manawa i noonoo @@ ai he mea maikai ole nana ko noonoo nui ana aku no ia mea he aloha i ke kanaka i hoike ole mai i kona aloha no hookahi manawa iaia oia wale no paha ia e noonoo ana no ia mea he aloha. o ke kanaka ana e makemake loa ana aole @@@ i loaa ia mea iaia.

 

            "Ua aloha au iaia mekii naau ame kuu uhane, oiai nae @ona iho a@@ wahi huaolelo o ke aloha no'u i puai mai kona waha mai. He kanaka maikai oia me ke koa, a nana i hoopakele i kuu ola mai ka poino mai. a he mea pono e aloha aku au iaia, me kona panai ole mai mamua o ke aloha @le aku iaia."

 

            Oai oia ke kamailio ana nona iho, a ma ka hapalua paha o keia mau mea ana e noonoo ana, hoea aku ana o Harisona a ku mamua on a me kona noonoo mua ole ae no ia mea e @@ea aku an@ oia. Aole oia i ike mai iaia no kona mamao loa ma kekahi poo o ke pakaukau a e kulou mau ana no hoi kona poo ialalo, a oiao o Harisona e ku aku ana a nana iaia ke hookani wale la no oia i ka u'i o Elese.

 

            "O, aole au i ike i kekahi wahine opio maemae a nohea o ka helehelena elike me ia." wahi ana i namunamu wale iho ai no iaia iho. O e lilo oia i wahine na'u e pono ai; aole oia e lilo ana ia Hale. Elike me kanui o ke dala ana e makemake mai ai e loaa aku ana ia iaia me ha hoohakalia ole is. Hookokoke loa aku la oia ia Elese me ka nana pono loa aku i kona helehelena.

 

            Ia aea ana ae a Elese iluna ua ike mai la oia ia Mr. Harisona e nana pono aku ana iaia a pane aku la:

 

            "He kaikamahine hou loa oe o ke komo ana mai nei ianei, oia paha, ea? Mai maka'u oe i ke kamailio mai, nana pono mai ia'u. e kuu dear? O Mr. Harisona au. U'i maoli kou helehelena i ka aana aku, a ke manao nei au me ka hooiaio iho aole kanaka e ike mai ana i kou helehelena e kele aku nou, a aole no hoi he kanaka e haalele mai ana  kau pakaukau me ke kuai ole i kekahi mea mai a oe aku."

           

            Pii ae la ka ula ma ko Elese mau papalina ia manawa no nei mau olelo mahalo a Harisona, me ka manao he mau olelo mahalo nei no ka pono, eia ka he mau olelo pelo wale @@. Aole oia i manao o kekahi kanaka i like na makahiki me ko Harisona. he kanaka hanohano a ua elemakule no hoi. a e nana pono aku ana hoi iaia me ka manao makemake wale no no kona u'i a pau ae la, eia ka he kanaka oia i piha me na manao kepolo maloko.

 

            "Ae: he kaikamahina hou loa au o ke komo ana mai nei, aole i maa i nei ano hana mamua, aka e hooikaika ana no nae au e lanakila maluna o ko'u hemahema," i pane mai ai o Elese.

           

            O, pela no i ko'u manao. "i pane aku ai o Harisona. me ka neenee ana aku a kokoke lia ia Elese, me ke kau pu aku i kona mau manamanalima wiwi maluna o ka lima o Elese. "Ke manaoio nei au e hooikaika io' ana no oe e lanakila maluna o kou mau mehameha iloko o ka manawa pokole, a e hoomau mai ana no hoi au i ka nana ana maluna ou i mea nou e hookiekieia ae ai ma kekahi kaluna hana."

 

            Aohe makemake iho la o Elese i ke kau mau o na manamanalima wiwi o Harisona maluna o kona lima me kona ike maopopo ole i ke kumu o kona maka'u honua ana i nei elemakeule. a eia nae pane mai la me ke ano hoohilahila i ka i ana mai:

           

            "Me ka mahalo ia o e Mr. Harisona."

            "He hilahila anei kou?" i ninau aku ai o Harisona; "kupanaha no he nui loa keia poe e nana mai nei ia oe. No'uiho he nui ko'u makemake i na kaikamahine u'i, a o oe ka oi aku o ka u'i a'u i ika. E miss Piasona," i kahea aku ai ua oi aku ai ua o Harisona, me ka hoonui ana ae i kona leo i lohe mai o Rose.

 

            Ia loha ana aku o Rose, emoole ku ana oia mamua o ua o Harisona, a pane mai la:

 

            "Eia au, a heaha la kau i makemake ai ia'u?"

 

            "He makemake au i kekahi mau lihilihi no ka hoouna ana aku i kuu kaikamahine. Ua maopopo ia oe ke ano o ka lihilihi no ka hoonua ana aku i kuu kaikamahine. Ua maopopo ia oe ke ano o ka lihilihi e hoouna aku ai. Haawi mai oe a na keia kaikamahina @ @we aku ia lihilihi ia Mebela Harisona i ka hale. Owai kou inoa e kuu dear?"

           

            "O Elese Beranadona," wahi a ka Elese pane.

            "O Elese! He inoa maikai kela no kekahi kaikamahine @@! E hoonua aku iaia e lawe i na lihilihi e Miss Piasona."

            No kekahi manawa kona nana ana aku ia Elese me ka makemake nui iloko on a alaila hele aku la elika me ka hele awna a ke kanaka opio.

            "Aole anei kela he elemakule lapuwale, e Rose: kohu ola ke ano o kana kamailio ana mai nei me he kanaka opio la ka hooha'i," i hawanawana ae ai o Elese ia Rose.

            "Aole: he kanaka maikai olā me ka lokomai ame oluolu elike me n@ kanaka maikai e ae apau au i ike ai.  O kona ano iho la no ia. Ua like oia me he makuakane la i ma kaikamahine apau oloko omkeia halekuai, a ua mkemake oia ia oe aole ia ma ke ano e hooipoipo mai ana, aka, e hookiekieia ae ana oe ma kekahi kulana ma kakahi la."

            "Ma ke ano hoi o kona nana ame kana kamailio ana mai nei me ke kaomi pu mai o kona mau lima me he mea la o ke ano hana a ka poa e hooipoipo ana, aka ua kuhihewa nae paha au." i pane aku ai o Elese.

            Ua ano hilahila iho la i Elese no kana mau olelo o ke kamailio ana aku la ia Rose no ke ano hana kapunaha a Mr. Harisona; in a i'o he kanaka maikai a lokomaikai o Harisona alaila e hoonui aku ana oia i kona makemake iaia, ala@@a hoahewa iho la oia iaia no hikiwawe loa o kona hoopuka ana aku i kana mau olelo kupono ole no kona hakuhana ana o ka i wale ana iho no iaia iho, in a no ka hoikeia aku o ia mau olelo ana e Rose ia Mr. Harisono, e lilo ana paha ia i kumu nona e kipakuia ai mai ka hana aku.

            "E Miss Piasona. ke kaumaha nei au no ko'u kamailio ana aku nei ia oe no ka mea e pili ana ia Harisono. O ke @umu pela ko'u manao no kona nana ana ai ia'u ma ke ano me he mea la he ipo au nana. Ua oo loa oia e kapaia aku ai he elemakelu, aole anei ou manao pela?"

            Uumi wale iho la no o Rose i kona akaakailoko on a no ei mau olelo a Elese a pane mai la me ke kuoo:

            "Aole oia i oo loa e kapa aku ai oe iaia he elemakule, e nana aku oe iaia ma ke ano he makuakane. Ka ko'u manao he makemake wlae no oia ia oe ma ke ano he keiki oe nana a he makuakane oia nou, aole ma kekahi ano apiki e ae." i pane mai o Rose.

            Alaila olelo wale iho la no o Elese iaia iho ma ka manawwa kupono mau loa e loaa ana iaia e hoike aku ana oia i kela keonimana elemakule aole oia i mahalo no kona maikai elika me ko kakahi poe e ae. Me keia manao e pumehana mau la iloko one i lalau aku ai oia i ke ope lihilihi a hoomaka aku la e hele mailoko aku o ka halekuai no ka hale o Harisono, me ka manao he pono nei.

            Ua kakauia manawaho o ke ope na mea maloko a iaia i hooea aku ai i ke alanui kauaoao ku iho la oia malaila e noonoo o ke alahele hea la ka maikai loa ana e lawe ai e hoea koke aku ai i ka hale o Harisono kahi e loaa aku ai o Mebela Harisona iaia, ka mea nana ke ope lihilihi ana e lawe ana.

            "E hele ana anei oe e Elese i nei manawa?" I lohe mai ai oia i kekahi leo haalulu mai kekahi mea mahope aku on a o ka pa@e ana aku, a iaia i huli mai ia ihope o Mr. Harisona iaia, ka mea nana ke ope lihilihi ana e lawe ana.

            "E hele anaa anei oe e Elese i nei manawa?" i lohe mai ai oia i kekahi leo haalulu mai kekahi mea mahope aku one o ke pa@a ana aku, a iaia i huli mai ai ihope o Mr. Harisona ke nana pono aku ana iaia.

            "Ae;" i pane ae ai oia me ka hoihoi ole a konakona pu iloko on a, oiai aia mau no maloko ono kela hoowahawaha no Harisona, mamuli o kona koho iho he elemakule o Harisona me na manao debolo.

            "Oia ka pono, e kuu dear. Makemake au ia ka'u mai kaikamahine e eleu, a no kou uku o ka lawe ana i kena puolo, ea. e kau pu oe me a'u maluna o kuu kaalio nei. Eia no kuu kaalio maanei. Hele mai a kau ae kaua."

            No keia hikiwawe loa o ke koüa ana mai la me ke kauo pu ia aku o ua o Elese no kahi o hookauia aku, i hikiwawe oia i ka hale, aole hoi e maloeloe ke hele wawae aku, ua ae aku la oia i ke kono a Mr. Harisona, me ka manao he kono pono nei, eia ka e hele ana i ke au a ka hewahewa. He kaalio nani keia a laua o kekau ana aku la he nolunolu na pulu e noho iho ai, a ke makemake loa la oloko on a no ka oluolu o ka noho ana iho. eia nae, aole i liuliu loa ia wahi a laua o ka holo ana aku ua loli ae la ia hauoli on a i hooowahawaha. Aole ona makemake e kau a e hele pu o Harisona me ia,. aka, aole hiki iaia he alo ae aohe no hoi he hiki iaia ke olelo aku ia Harisona aole e kau pu mai oiai oia ka mea nona ke kaalio a oia no ka mea kupono e kalaiwa ia kaa. aohe no hoi he kumu kupono iki ma kona aoao e makemake ole ai ia Harisona i ke kau pu mai me ia.

            "Aole anei he oi aku keia o maikai au e ike iho la mamua o ke kau ana maluna o ke kau ana malna o ke kee uwila me ka piha i na kanaka e nana mai ana ia oe. me ka hookeke pu mai o ka poe au e makemake ole ai noho mai ma kou aoao?" i kulou iho ai ua o Harisona maluna o Elese ma ke ano maikai ole a Elese e ike ihio ana nona iho.

            "Ae," he oi aku keia o ka maikai aka ama kekahi ano aohe iho la o'u makemake," wahi ana o ka pane ana ae, a ke makemake loa la oia ia manawa e lele ilalo mailuna ku o ke kaalio, no kona hoihoi ole iho i ka nee aku o Harisona a pili iaia.

            Ma ia manawa ua nee loa aku la o Harisona a pili ma ka aoao o Elese a nana iho la maluna on a me kona mau maka poopoo o Elese e makemake ole la i ka nana ai, a ke pa paiho la mia kona mau papalina ka hanu kaumaha o ke kanaka elemakule.

            Nee loa aku la oia a pili ma ke poo o ka noho, a nee aku la no o Harisona a pili ma kona aoao.

            "Ua ike anei oe, e kuu dear," wahi a Harisona o ka olelo ana iho me ka leo mali," he lehulehu na kaikamahine. liilii u'i elike me oe i hoomaka i ko lakou noho hana ana maloko o ka halekuai elike me ia au hoomaka iho la, a@ hoopau i ka lakou hana ana maloko olaila ma o ka lilo ana hemau on a no kekahi mau kaalio nani no lakou ponoi, elike me keia. Pehea kou manao in a o oe ana kekahi o na kaikamahine e loaa ana kou kaalio nani elike me ko kela mau kaikamahine?"

            "Makemake au ia mena âme kuaana Kete o laua ke kau maluna o ia kaa," wahi a ka Elese o ka pane ana ae.

            Ua manao o Harisona e hoopuka ae i kekahi mau olelo hoino no Kete ame ka mama o Elese, eia nae noonoo hou iho la paha la he hewa ia oki pu iho la a pane mai la:

            "O, he mea kaikai loa kela no laua, aka aohe nai no laua ka'u nana, aku nou. Aole anei ou makemake e loaa kekahi wahi hale nani i hoolakoia me na pono hale apau, na kaalio ame na lio nani, na lole kilika no hoi ame na mea hoonani o na ano apau, na mea gula me na pohaku momi?"

            "O, sure, he makemake au, a ia manawa no hoi ua pau ka mama ame ka Kete hana ana a he mau kauwa ka poe na lakou e hana mai, aka ke ike nei no nau au aohe manawa iki e loaa ana o ia mau mea ia'u."

            "E kuu Elese, e loaa ana ia mau mea ia oe.' i nui iho ai ka hanu o ke keonimana elemakule a hina pu aku la iluna o Elese, a no ia hina ana aku la iluna on a pili loa aku la oia i ka pale o ke kaa, "e loaa aku ana ia mau mea ia oe a oi aku, in a nae e lilo ana oe i kaikamahina maikai. Pela anei. ea, e kuu dear?"

            Hopu aku la kekahi lima o tia o Harisona i kekahi lima o Elese a milimili iho la me kona hoomau no i ke kamailio ana, a ia manawa ke hoomahuahua loa iho la ka maka'u maluna o Elese, oiai nae ia manawa aole hiki iaia ke ike iho i ko Mr. Harisona manaoio maoli ame kana mea i makemake ai e hana aku ana maluna ona.

            Ua elemakule o Harisona ana e hoomaopopo la ia manawa, ua wiwi a maloo mai na lima me ka haalulu pu, no ia mau ano o ke kanaka elemakule aohe loaa ae o ka manao iaia e hoao aku ana o Harisona e hoowalewale iaia i mea nona e haule ai i ka hewa moekolohe. Ua haalulu wale ae la no ia i na manwa apau e pa aku ai ke kino ame ka lima o Harisona iaia. e like me ia ana e naka ae ai i ka maka'u ke ike aku i kekahi moonahesa. me ka nana ole he moonahesa hooopoino mai paha ia iaia a aole paha.

            "E hoao no au e lilo i kaikamahine waiwai," i pane ae ai o Elese. "O ka'u wale no e hauoli nei oia ka loaa ia'u o kekahi mau dala e biki ai ia'u ke malama aku ia mama ame Kete."

            "He wahi kaikamahine u'i a nohea maoli no oe e kupono ai e lilo i ipo aloha na kakahi mea! Aole au i halawai me kekahi kaikamahine u'i mamua a'u i makemake loa ai o oe wale no, a nou no ia hewa in a aole oe e hana i ka mea e hauoli ai a e loaa ai hoi ia oe ka waiwai, a e ike iho ai oe i ka waiwai o ia mea he ola."

            Ua hoonui loa ia aku ko Elese maka'u i ka manawa i hopu mai ai ua elemakule le i kona lima a noke iho la i ka honihoni, ahiki i kona kaili maoli ana aku me ka loaa eo ke kaumaha, ka maka'u ame ke ano mai'i iloko o kona naau.

            Mee ae la ua elemakule la i ka akaaka ahiki i kona puua ana a hooikaika wale ae la no ke kamailio ana a i mai la:

            "Ua like loa au me kekahi keikikane, e ike mai oe. Aole hiki ia'u ke kaohi iho i ko'u makemake ke ulu ae ia mea iloko o'u."

            "Ea e hoea koke aku ana anei kaua i ko hale?" i ninau ae ai o Elese me ke ailiili o kona hanu. mamuli o ka nui o kona makau i loaa iaia me ka manao aole hiki aiaia ke noho hou iho i elima minuke maloko o ke kaalio me ia.

            "Aole mamao loa o kahi i koe a hoea aku kaua, maloko paha o elua minuke a hoea aku," i pane iho ai o Harisona. Ua hiki ole ia Harisona ke hoomaopopo i ko Elese ano hoopono a kupaa, a ua manao kuhihewa oia (Harisona) he hiki wale no iaia ke hoopunikei ahiki i ka haule ana i ka hewa me ia.

 

            Mokuna VIII - Ka Hoao Ana e Limanui.

            Mahope iho, i ka manawa ana i noonoo iho ai ua pau ae la paha ka Harisona mau hana hoopuaa iaia, ike iho la oia ua mamao loa kela wahi a laua e holo ana ia manawa aole elike me ia i hoakakaia mawaho o ka puolo, a i ka manawa ana i noonoo iho ai no ka loaa o ka maha iaia ma o ke kaawale ana mai ka elemakule aku, o kona lele aku la no ia ilalo mai ke kaalio aku a pii pu aku la me ke kanake elemakule ma ke alanuipii akea o ka hale ana i manao iho ai o ko Harisona hale ia.

            Ia laua i kau aku ai iluna o ka lanai ke ha'oha'o loa la oia no ka hookani ana aku o Harisona i ka bele ma kahi hoi o kona wehe aku i ka puka me ke ki, aja no kona noonoo hou ana iho aole no paha ia he hana maa nana ka wehe maoli ana aku i ka puka o ka hale, he kauwa ka mea nana e wehe mai nona. no ka mea. he kanaka waiwai oia, hoopau wale ai la no oia ia manao ona.

            Ua manao iho oia na kekahi o na kauwa, opio e hele mai ana e wehe i ka puka no laua no ka mea, ua olelo mua mai o Rose iaia he hale nani ko Harisona a he mau kauwa opio wale no ka hapanui oloko o kona ahle, eia nae ma kahi o ke kauwa opio ana e noonoo ana he wahine Paeke ka mea i hele mai e wehe i ka puka, a mamua o kona hookomo ana aku ia laua noloko o ka hale, nana pono mai la oia maluna o na helehelena o na malihini e ku aku ana, me na manao kahaha.

            He mau minuke pokole wale no nae ia o kona hookuiheia ana aku a wehe mai la i ka puka no laua, he hana hoi a Elese e noonoo ana  me ke kahaha nui iloko on a. no ka mea. in a no ke kanaka elemakule ia hale, no ke aha la ka wahina Paele i hookunanaia aku ai no kekahi manawa. me ka ae koke ole mai ia laua e kono aku, he nunai nae keia i hiki ole iho la iaia ke pane nona iho, eia iho a mahope. He pouliuli wale no oloko o ka hale me ha meha. aohe lohe ia aku o ka hauwalaau mai o kekahi poe. O kekahi no hoi, in a he hale ia no ke kanaka waiwai aohe mau mea nani ana e ike aku ana.

            "E oluolu oe e awe aku i keia lede opio no ka hale maluna a ma ke rumi nui mahope loa," i kauoha aku ai o Harisona a ka wahine Paele. "E Elese e pee au aku oe me i nei."

            Ke hauoli wale la o Elese no nei kauoha no kona makemake loa e kaawale koke mai ke kanaka elemakule aku, no ka mea , aole hiki iaia ke hoomanawanuui hou iho i ke ku mau aku o Harisona mamua o kona alo, a in a no kona hui koke aku me Mebela Harisona, aole he manawa e hoopuaa hou aku ai o Harisona iaia.

            Ua uhiia ke alanuipii me ka moena weleweka, nolaila, oiai laua e pii aohe loheia o ka halulu o ko laua mau wawae, a no ke meha launa ole o ka hale maluna ua hoomahuhua hou ia iho la ko Elese manao kaumaha.

            O ka rumi ana o ka laweia ana aku he pouliuli, eia nae ke ike aku la no oia ua hoolakoia oloko me na lako hale nani apau, me na lihilihi kilika e kau mai ana mahai o ka moe, a he mau lihilihi nani no hoi o ke ano kaikai loa ke kau mai ana ma na puka aniani a he mau moena weleweka ke halii ana maluna o ka papahele, a no na noho ame na koki e kuku mai ana he laau mahokane wale no i kalaiia.

            "E hoea koke mai ana no anei o Miss Harisona maanei i nei manawa?" i ninau  ae o Elese i ka wahine Paele, me ka maikai oli o kona noonoo.

            Nana mai la ka wahine Paele iaia me ke kahaha loa no ia ninau ana aku la ana no Miss Harisona no kekahi manawa. a pane mai la:

            "Owai?"

            "O Miss Harisona, ka mea nana keia puolo lihilihi a'u o ka lawe ana mai nei. He mau lihilihi ka'u o ka lawe ana mai nei nana e nana iho ai a kaua mea e makemake ai lawe ae a o ke koena iho ka'u e hoihoi hou aku ai i ka halekuai."

            "Aohe au i ike i kekahi wahine opio maanei ma kena inoa au i ninau mai la." i pane mai ai ka wahine Paele, no ka mea, oia pu kekahi i hoopahaohaoia aku no kela inoa. "E ninau aku oe i kekahi mea okoa, aole ia'u no ka mea aole au i maopopo." wahi a ka pane pokole a ka wahine Paele.

            Me keia mau huaolelo o kokna huli aku la no ia iho no ka hale malalo a noho hookahi iho ia o Elese oia wale no maloko o ia rumi. Ia manawa ana e noho ana aohe ana mea e hoopilikiaia ai ma ka manao, eia nae aia mau ka makemake iloko on a e pau koke kana hana malaila a hoi koke aku no ka halekuai.

            "Kupanaha maoli ka malama ana a keia poe i ko lakou hale, aole i ka pouli a kana mai," wahi ana iaia loa, a hele malie aku la ahiki ma kahi o ka puka aniani a kiei aku la iwaho.

            Pale malia ae la oia i ka pa-ku puka aniani ma kekahi aoao a eia nae me kona manao e ike aku ana la oia i ke alanui eia ka o ka pa mahope o ka hale kana wahi e ike aku ana. Huli inoi ae la oia me ka hoowahawaha i kona ike ana akui ka mokaki mai o na opala ame na ukana kahiko nahaha like ole, a he ku maoli no hoi i ka hoohawawaha i ke aku ia mau mea.

            "O ke makemake loa nei au e hoea koke mai oia, i pau koke ae keia hana a hoi keka aku au i ka halekuai," wahi ana i namunamu iho ei.

            Ia manawa like ua hele aku la ka elemakule a komo iloko o ka rumi hookipa mahope loa o ka hale me he mea la ua kamaaina wale ia loko o ia hale. He wahine luahine poupou ka i ku mai a hele mai la e ike iaia me ka helehelena minoaka ma kona mau papalina. a me na huaolelo oluolu o ke ano hoaloha i mai la:

            "Ooe mai la ka ia, e Paulo Harisona! Hauoli maoli au i ka ike ana aku la ia oe! Noho iho ilalo!"

            "Aole," i pane akua u o Harisona, "e kala mai oe ia'u, he wahi le@e opio ka'u aia aku la i ka hale maluna, a'u e manao nei aole oia e kala mai ana ia'u in a au e hoololohi loa ana iaia me kona kali mai no'u."

            "Ahe. Hoopio mau no hoi oe e Paulo. O ka'u e makemake nei e ike heaha la nei kumu o kou hoopio ana ia ea, akahi ka lamalama o kou mau maka ke nana aku, me he mea la ka hoi he kanaka oe malalo o na makahiki he kanaha ua like kau hele ana, kou helehelena ame ke ano o kau oni ana me he mea la he kanake opio o kanakolu makahiki!" a nee ae la kahi luahina i ka akaaka.

            Ke ike iho la no o Harisona nona iho he mau olelo pai wale mai no kela a ka wahine iaia eia nae o kona olu ia o kona makaloia mai, nolaila aohe on a pane aku no na olelo pai a ka wahine.

            "Eia ko'u manao i hele mai la ia oe, e hoouna ae oe i omole waina i ka hale maluna. Aia he wahi kaikamahine huapala ke noho mai la maluna. @@a e ike aku ana oe iaia aole e nele ana kou hookani aku i kona u'i. e pono oe e pii ae, i ikemaka oe iaia. Oia kekahi o na uhane maemae loa i hoohuaia mai maluna o ka ili honua."

            "Aole no hoi paha i u'i loa, i nui i kou akena loa mai, aka, e pii i'o aku ana au e nana ; alaila ua makemake aku la no hoi ia ou la iaia." a nee hou ae la kahi luahine poupou i ka akaaka. "Aohe no he loaa mai o kou ano i na kanaka opio o keia mau la. Ke ole au e koho hewa ua makemake loa aku la no hoi oe iaia no ka mea, he kanaka makemake loa oe i na wahine opio, a nee hou la ka wahine poupou i ka akaaka.

            O ka huli aku la no ia o Harisona hele, a i ka hiki ana ma ke alapii o ka hale oluna hoomaka aku la ka pii ana me ka mma ahiki i ke kau ana i ka papahele maluna, a wehe aku la i ke pani o ka puka, kahi a Elese e noho mai ana, me i@ kikeke ole aku a ia manawa wehe ae la i kona kuka me @@ papapale a kau aku la ma ka paia.

            "E hoea koke mai ana anei o Miss Harisona ianei @@ ninau mai ai o Elese, no ka mea, i kona ike iho ia manawa @@ ua loihi kela manawa ana o ka hoea ana aku e nele ola !! ko Mebela Harisona hele mai malaila.

            "Owai? O Miss Harisona? Alaila o kau anei e noo@@ la eia oe iloko o kuu hale?" wahi a Harisona o ka ni@@@ ana aku.

            "Oia maoli ko'u mana'o," i pane mai ai o Elese, me k@@ hele pu ana mai imua, me ke ala pu ana ae o ka maka@@ iloko on a ia manawa. Alaila he hale okoa ka paha keia @ i lawe mai nei ia'u? Alaila, eia au ihea?"

            Nee ae la ka elemakule hoopuaa i ka akaaka a pane @@ ia :

            "Alaila o kau ka paha ia i manao ai e lawe mua aku @@ au ia oe ilaila? O, aole, he hana naaupo loa ia na'u e h@@ ai: he hana apuhi wale no ia oe kou kenaia ana mai nei lawe mai i mau lihilihi na Mebela Harisona. Ina no ko Mebela ike nei i na mau lihilihi e hoopuiwaia aku oia @@ kona piha i ke kahaha. O, aole!

            "Nou iho ua pomaikai oe, e kuu dear; e laweia mai @@ kekahi omole waina iluna nei iloko o kekahi manawa pok@@ a e inu like ana kaua me ka hauoli maanei ma ke ano @@ ko'u hoahui, a mahope o ko kaua luhi ana ea, e haule aku !! kaua hooluolu maluna o kela moe e ku mai la."

            "Ke maopopo ole aku la ia'u kau ma mea apau la e k@@ mailio mai nei!" i nui  mai ai ko Elese leo, me he mea la @ kamailio maoli ia mai ana oia e kekahi mea he hana lapuwale ke hana limanui ia mai ana maluna on a. "Aole o'u mkemake i ka waina. no ka mea, aole o'u maa i ka inu ia mea. He makemake au e hoi keia hale aku."

            "O, pela iho, ai kamailio ai o elike me kele! Ua holopono hoi na mea apau i ko hoo makaukauia elike me ia i hoolalaia, pela ko'u manao, nolaila heaha aku kau e hoi ai, noho iho ianei, kahi e ike ai oe ia mea he lealea a he kauole. Malia aole paha ou manaoio i ka'u mau mea @ olelo aku ai ia oe no ka hale na kaa ame na lio ea? Ina oela, he hooia aku nei au imua ou i nei manawa e laa aku ana ia mau mea i aoe, ame ne mea e ae apau ae e makemake ai, ke ae mai oe i kuu makemake. Aohe a'u manawa i ike ai i ka nui o ko'u aloha i kekahi wahine opio iloko o ko'u mau la a apau o ke ola ana elike me ia i nei manawa a kaua e hui nei."

            Oiai ua elemakule la e kamailio aku ana, ke hele pu aku la oia a kokoke aku ia Elese, o ka weliweli, ame ka  manao koa ka i ala ae la iloko o Elese ia manawa hookahi; i ke kokoke loa ana aku o ka elemakule iaia o kona pale mai la no ia me kona ikaika a pau me ka piha loa i ka huhu ia manawa.

            "Kanaka lapuwale ino maoli oe! Mai aa oe e hoopa maiia'u! O, in a maopopo mua ia'u kou ano ame kou manao e hana mai ana oe i kekahi hana lapuwale limanui elike me keia, ina aole au e kau mai nei me oe maluna o kau kaa! E huaiia aku ana e a'u keia mau hana apau au i kela poe maloko o ka halekuai! E kukala pu ia aku ana oe e a'u ma ke ao holookoa o oe kekahi o na kanaka ino lapuawale piha debolo loa maloko o keia kulanakauhale."

            "Auhea oe e kuu dear," wahi a ka elemakule o ka pane ana mai, me ka paa ana ae i ka noho i ole oia e hina ino ilalo, "Ua aa au e haawai aku ai oe i kou uku e noi mai ai. Mai hoike mai oe i kou ano kupaa a hoopono no ka mea. aohe mea e loaa ana ia oe ma ia hookupaa ana iho ou, a aohe no hoi o'u makemake i kou hoohoku mai i kuu makemake. Heaha la kou makemake? He mea anei kakahi i loaa ole ia'u e hiki ole ai ia'u ke haaawi aku ia oe? He makemake anei oe i huina dala nui e uku hoomauia ai oe?"

            Ma keia manawa aia o Elese ma ka puka kahi i ku ai, alaila huli aku la oia a nana i ka elemakule me ka hulili o na maka a pane aku la:

            "Aohe o'u makemake i kekahi mea mai a oe mai. Aole o'u makemake e hanu i ke ea like me oe. He kanaka pelapela hewa loa oe e kena moo nahsa hilahila ole hookahi ou wawae aneane iloko o ka lua kupapa'u a ke hoao mai nei hoi e hoohihia i kekahi kaikamahine i nele i ka mea nana e hoopakele mai iaia."

            Wehe mai la oia i ka puka me ka manao e holo. eia nae. iaia i wehe mai ai a e anehe aku ana e holo, ua alaiia mai la oia e ka wahine Paele e paa ana ma kekahi pa nui e kau ana o ka omole waina ame na kiaha aniani maluna iho a mahope aku ao ka wahine Paele kahi wahine luahine poupou mai ka rumi hookipa mai mahope loa o ka hale.

            "Hookuu aku ia'u e hele!" i kauoha aku ai o Elese i na wahine e alali mai ana mamua o kona wahi e hele aku ai.

            Nee ae la kahi luahine poupou ma kekahi aoao o ka eawhine Paele a nana aku la maluna o Harsiona a maluna o Elese. Oiai oia e nana ana maluna o Elese ke hooiaio la oia i ka ui o Elese, elike me ia a Harisona i olelo aku ai iaia Eia nae, aole one makemake e hookuu aku ia Elese mai kona hoaloha kahiko aku Paulo Harisona.

            "E kuu dear, wahi ana o ka pane ana aku ia Elese, e pono oe e hoopau i kou manao pihoihoi ame kou manao ana e hoi aku, a e hooko aku i ka makemake o Harisona. no ka mea ke hooia aku nei au imua ou aole loa oe e kaawale aku ana mai keia hale aku, koe wale no a ae aku ka haku o keia hale ia oe e hele."

 

Mokuna IX - Hemo Mai Kekahi UpenaAe a ka Nananana a i Kekahi.

            O keia kulana kupilikii loa i loaa iho la ia Elese ua lawa loa ia e hoonawaliwaliia ai kona noonoo, a mai haalele mai paha iaia kona mau noonoo maikai apau ina aole i hoomau popo oia no ka Harisona mea e hana mai ana maluna on a oia hoi ka limanui aana mai iaia no ka hookoia ana aku kona makemake.

            Ua maopopo iaia ia manawa he mau hana hoopoino mai i kona kino ame kona inoa maikai ka mea e hanaia mai a@@ maluna ona, a wahi a ka waine o ka olelo ana mai iaia aia wale no a hookoia aku ko Harisona makemake alaila oia hookuuia aku e hele a e haalele iho hoi ia hale; ia manawa hookahi no nae, ke noonoo la o Elese aole e lanakila an! ka wahine maluna on a in a no ko laua lawelawe lima ma@@.

            O kana i noonoo iho ai ua maalea loa ka hana i hoolalai ai no ka hoopouli ana i kona noonoo. no ka hoopouli ana kona noonoo, no ka hoopoino ana i kona kino, ia manawa ua like ka lalapa o ka inaina iloko ona e ka ulaahi e holapu ana i kekahi hale. Huli aku la oia e n@a i ka wahine poupou, me he mea la i kana noonoo iho o ka haku paha ia kela hale hookamakama a i aku la:

            "E huaiia ae ana e a'u keia hana au i ke akea, a pela ho@ me ka Harisonal he mea pono i ka lehulehu e ike aku i kei mea. I ha'i aku au ia oe, e Harisona, o oekekahi o na kanaka ino loa e ola nei maluna o ka ili honua!

            "He kanaka inoa kiekie oe, a i ikeia e na kanaka apua maloko o keia kulanakauhale a ma na wahi pu no hoi apau he kanaka waiwai a hanohano, eia nae, me keia hana au e lilo ana oe i kanaka hoinoia, a pela me keia wahine. Pehealilo oe i aa ai e hoao mai e hana i keia hana ino loa maluna o'u?"

            "Ea, e kuu kaikamahine a o kuu ipo hoi i ne manawa mai hoonaaupo oe ia oe iho e loaa aku ana ia oe na mea apau ai i makemake au ke dala ame na mea e ae, ke hoo hamau oe i kou waha a ke ae mai hoi e hooko i kuu makemake lohe aku la oe?" i pane mai ai ke kanaka elemakule hoopuaa. 

                                                            (Aole i pau.)