Ka Nupepa Kuokoa, Volume LVIII, Number 34, 20 ʻAukake 1920 — Page 3

ʻaoʻao PDF (1.72 MB)

This text was transcribed by:  Kamehameha Schools Gift To Dr. Chun
This work is dedicated to:  Dr. Michael J. Chun

Ka Nupepa Kuokoa

KE KILOHANA POOKELA NO KA LAHUI HAWAII.

NUPEPA KUOKOA, HONOLULU, T. H., POALIMA, AUGATE 20, 1920

 

KE ALAKAI KOKUA NO KE KOHO BALOTA

Hoomakaukauia e W.J. Coelho uo ka Pouo o na Hawaii.

(Hoomauia)

Kanawai Koho Wae Moho

Pauku 32. Na Hoakaka. O na huaolelo me na mahele manao maloko o keia mokuna, ke ole e kulike ole ia me ka manao kumu, e hoomaopopoia no ia eiike me ia mahope iho nei:

1. O ka huaolelo "koho wae moho," oia no ke koho balota no ka wae moho i hoomapopoia ma keia mokuna.

2. O ka huaolelo "koho balota," oia no ke koho balota lauhea okoa ae i koho wae moho a koho balota kuikawa paha.

3. O ka huaolelo "mahele koho," oia no kahi i hoomaopopoia ma ke kanawai, malaila ka poe apau i hookuponoia up ke                    koho balota e koho ai ma kahi koho hookai

4. O ka huaolelo "aoao," oia no ka pohai o ka poe koho balota i hoohuiia no ka lawelawe hooholomua like i kekahi kumuhana politika, a i ole, no ke kako ana paha i kekahi alakai hoohana politika nana e noho alakai poo ana maluna o na ahahui like apuni ke Teritore, maloko hoi olaila ke Komite Teritore Kuwaena me na Komite Kalana.

5. O ka huaolelo "oihana," oia no ke kulana oihana o ka lehulehu koho balotaia.

6. O ka huaolelo "kalana," oia no na Kalana o Hawaii, Maui, Kauai ame ke Kulanakauhale me Kalana o Honolulu, elike me ka manao pili o ke kanawai e hoakaka ana.

7. O ka huaolelo "kakauolelo," oia no ke kakauolelo o ke kulanakauhale me kalana a i ole kakauolelo kalana paha elike me ka manao pili o ke kanawai.

E hoomaopopoia no ka manao pili o keia mokuna ma ke ano akea i ole ai e kinaiia ka makemake o ka poe koho baltoa @amuli o na manao hoopololei areak@a a i ole no ka nele ana paha i ka hooko i kekahi mau kuhikuhi hoakaka o ke kanawai e pili ana i ka haawi ana i hoolaua, a i ole no ka malama ana paha hoi i kekahi koho wae moho, a no ka hooiaio ana paha no ka hopena o ia hana. (K. 1913, k. 1@1; p. 1; K. H. 1915, p.26)

Pauku 33. Waiho inoa moho. O na moho apau no na oihana balotaia e waeia no elike me ne kuhikuhi a keia mokuna, a aole ma kekahi ano e ae. Aole hoi e pili ka manao o keia mokuna i na koho balota kuikawa, aka ma ia mau koho balota* kuikawa o na moho apau e waeia no lakou mamuli o na palapala noi moho i kakauinoaia a waihoia elike me ke kuhikuhi a ke kanawaui. (K. 1913, m. 151, p. 2; K. H. 1913, p. 27.)

E nana p. 60, koho balota kuikawa.

Pauku 34. Ma@awa koho wae moho; na moho wale no e waeia.

1. E malamaia no ke koho wae moho ma kahi maa mau maloko o kela me keia mahele koho ma ka Poaono mua o Okatoba, o ka makahiki 1916, a pela mau i kela ame keia elua makahiki mahope aku: aka nae hoi, maloko o ke kalana a mau kalana paha, a i ole, kukalanakauhale me kalana kahi o kekahi koho lunaoihana kalana i hoomaopopia ai ma ke kanawai no ka malamaia iloko o kekahi mahina okoa ae ia Novemaba, alaila e malamaia no i koho wae moho ma ka Poano ekolu o ka mahina mua mamua koke iho o ia mahina koho balota, a pela i kela ame keia elua makakihi mahope aku, no ia mau luna oihana kalana.

2. Aole kekahi mea e lilo i moho no ke koho balota lauahea e hiki mai ana, a i ole, no kekahi koho balota oihana kalana ke ole e waeia ma ke koho wae moho i malamaia mamua koke iho o ia manawa. ((K. 1913, m. 141, p. 3; K. 1915, m. 152, p. 1; K. H. 1915, p. 28; K. 1917, m. 3, pl 1; K. 1919, m. 92, p. 1) E nana p. 142, manawa koho balota kalana.

Pauku 35. Kuahaua, hoolaha.

1. Aole e emi malalo o kanakolu ia mamua ae o ka manawa no ka malama ana ia koho wae moho, e hoomakaukau ke Kakauolelo o ke Teritore a e hoouna aku i kela me keia kakauolelo kalana i kuahaua ma ke kakau ana e hoomaopopo ana no na oihana e wa@ia ai o ia mau moho ma ia koho wae moho no n oihana teritore a kalana a e hoike ana i ka, a me kahi o ia koho wae moho e malamaia ai maloko o kela me keia mahele koho.

2. I ka loaa ana o ia kauhaua, iloko o ehiku la mahope iho, e hoolaha uo kela me keia kakauolelo kalana i na mea i pili i kona kalana, ma ka olelo Beritania me ka olelo Hawaii, no hookahi manawa o ka pule no ekolu pule kailike, maloko o hookahi nupepa hoopua la*aheaia maloko o ke kalaua, ka haahaa loa.

3. Iloko o umi la mahope iho o ka loaa ana o ia kuaha@a, e hoopuka no ke kakauolelo kalana i hoolah no ia koho wae moho, ma ka olelo Hawaii me ka olelo Beritania a e kau ia ma ekolu wahi ikeia e ka lehulehu maloko o kela me keia mahele koho iloko o ke kalana. E hoike no ia hoolaha no ka manawa ame kahi e malamaia ai o ke koho wae moho maloko o kela me keia mahele koho maloko olaila, me na oihana i makemakeia mai ai e wae i poe moho a e kohoia ai hoi. (K. 1913, m. 151, p. 4; K. H. 1915, p. 29).

Pauku 36. Na palapala waiho inoa.

1. Aole e pa@a ka inoa o kekahi moho maluna o kekahi balota oihana no kekahi koho wae moho ke ole iloko o iwakalua la ka haahaa loa, mamua ae o ia koho wae moho, e waiho e ia aku he palapala waiho inoa ma kona inoa elike me na kuhikuhi o keia mokuna a i hoomaopopoia hoi ka manao ma ke ano kulike me keia mahope iho nei:

O makou, ka poe koho balota ihookuponoia no lakou na inoa malalo iho nei o ka Apana . . . . . . . . ka Teritore o Hawaii, a he poe lala hoi no ka aoao kalaiana . . . . . . . . . . . ma keia ke waiho aku nei i ka inoa o . . . . . . . . . . . . . . , e noho nei ma . . . . . . . iloko o ke kalana (a i ole kulanakauhale me kalana o) . . . . . . . . . . . . ma ke ano e lilo oia i moho maluna o ka paa balota no ke kulana oihana . . . . . . . . . . . e kohoia ma ke koho wae moho e malamaia ai ma . . . . . . . . . . . a ke hoike hoi aku nei makou i ko makou manao e kakoo @a aoao ame ia moho.

Inoa o ka mea kakau…….. Apana ……., Mahele Koho ……… Owau, o ……….., ka moho nona ka inoa maluna ae nei, ke hooia nei au, he lala au no ka aoao kalaiaina …….. a he mea i hookuponoia no ke koho balota maloko o ka apana o'u e lilo nei i moho, he manaoio au i na kumuhana o ia aoao kalaiaina, a in a e kohoia o na kumuhana i hoopaopopoia ame na olelo hoopaa o ke kahuahana a ia aoao kalaiaina , a e hooko no hoi i na rula me na hooponopono a ia aoao.

Oka in a a'u e makemake nei e hookomoia ma ka balota o ………. a o kona pili hoi ma ka olelo Hawaii o ………, a o ko'u helu hale leka . . .

(Kakauinoaia) …….

2. O na palapala waiho inoa apau e ano kulike me ia i kakauia maluna a i ole i pa'iia paha, aka hoi, no ka poe i waihoia @ai na inoa moho no ka holo kuokoa e kapaeia ae no na olelo "a he poe lala hoi no ka aoao kalaiaina…." pela no hoi me ka hooia malalo o ia. Aole e heluia na inoa i kakauinoaia ke ole e kau maluna o ke kino o ka palapala i kauia ai o na manao, elike me ia maluna ae nei, a ke kakauolelo kalana hoi e hoolako aku ai.

3. Aole kekahi mea e kakauinoa i na palapala waiho inoa a oi aku maluna o hookahi moho no ia oihana like, a aole hoi a oi aku maluna o ka @eluna oihana maoli o ka papa hokahi. E hoomaopopoia na palapala waiho inoa elike me ko lakou hookomoia ana, a o ka inoa o kekahi mea e paa ana maluna olaila e heluia no ke ole e ku-eia keia mau hoakaka ana, a aole hoi mahope aku.

4. Aole inoa maluna o ua palapala waiho inoa e heluia, ke ole ka mea kakauinoa he mea koho balota, i kupono hoi uo ke koho i ka moho ma ke koho wae moho mahope koke iho o ke kalana a i ole koho lauahea paha.

5. O na palapala waiho inoa moho elele i ka ahaolelo laui e kakauinoaia aole e emi iho malalo o iwakalua-kuma-malima poe koho balota i hookuponoia e ke Teritore.

6. O na palapala waiho inoa no ua moho no na mahele o ka ahaolelo a no ka oihana kalana e kakauinoaia no e aole e emi-iho malalo o umi-kumamalima ma poe koho balota i hookuponoia o ka apaua a kalana paha, a i ole mahele aupuni paha o laila no laila hoi ka mea i kakooia i moho; aka hoi, maloko o ke Kalana o Kauai o na palapala waiho inoa no na moho no ka oihana lunakiai e kakauinoaia no e aole e emi iho malalo umi-kumamalima a aole hoi e oi aku maluna o iwakalua--kumamalima poe koho balota i hookuponoia. (K. 1913. m. 151, p. 5; K. 1919, m. 98, p. 1; K.H. 1915, p. 39.)

Pauku 37. Hoomaopopo ana i ka aoao kalaiaina o ka moho. I ka wa o kekahi mea e waeia ai e ka oi aku maluna o hookahi aoao kalaiaina, e waiho koke mai oia me ka lunaoihana iaia ke kuleana hoomakaukau i na balota, i palapala e hoakaka ana i ka aoao kalaiaina malalo olaila e pa@a ai kona inoa maluna o ka balota wae moho aupuni. I ka wa e hele ai ko ia moho hana ana pela, wa e hele ai ko ia moho hana ana pela, moho aoao kalaiaina ole (kuokoa). K. 1913, m. 151, p. 6; K. H. 1915, p. 30.)

            Pauku 37. Hoomaopopo ana i ka aoao kalaiaina o ka moho i ka wa o kekahi mea e waeia ai e ka oi aku maluna o hookahi aoao kalaiaina, e waiho koke mai oia me ka lunaoihana iaia ke kuleana hoomakaukau i na balota i palapala e hoakaka ana i ka aoao kalaiaina malalo olaila e paiia ai kona inoa maluna o ka balota wae moho aupuni. I ka wa e hele ai ko ia moho hana ana pela, wa e hele ai ko ia moho hana ana pela, noho aoao kalaiaina ol (kuokoa). K. 1913, m. 151, p. 6; K. H. 1915, p. 31.

            Pauku 38. Na moho kuokoa (aoao kalaiaina ole). E hiki no na palapala waiho inoa ke waihoia ma ka inoa o na moho aoao kalaiaina ole (kuokoa). E kulike no ia mau palapala; a e kakauinoaia no hoi ma ke ano like me ko na moho aoao kalaiaina, a aole kekahi mea kakauinoa waiho moho e aeia e kakauinoa i kekahi o ia ano palapala in a ua kakauinoa mua i kekahi palapala waiho inoa no ia koho wae moho like ma ke ano lala no kekahi aoao kalaiaina. (K. 1913, m. 151, p. 7; K. H. s. 32.)

            Pauku 39. Manawa waiho palapala. E waihoia no na palapala waiho inoa elike me ia malalo iho nei:

            1. No ka elele i ka ahaolelo lahui me ko na lala o ka ahaolelo, me ke kakauolelo o ka Teritore, iloko o ka manawa aole e emi malalo o kanakolu la mamua ae o ka la e malamaia ai o ke koho wae moho.

            2. No na oihana kalana, me ke kakauolelo kalana, iloko o ka manawa aole e emi iho malalo o iwakalua la mamua ae o ka la e malamaia ai o ke koho wae moho.

            3. E waiho pu @aaku me cela âme aie palapala waiho inoa moho oihana teritore a kalana paha he fee (uku) o @mi uala, no na lilo o ka hooponopono ana i ke koho wae moho,  e ukuia aku no iloko o ka waihona o ka Teritore, a i ole o ke kalana paha, elike me ia e hoomaopopoia ana, ma ke ano he loaa aupuni.

            4. I ka loaa ana aku ma ke keena o ke kakauolelo o ka Teritore a i ole ma ke keena paha o ke kakauolelo kalana o kekahi palapala waiho inoa moho, e kakauia no maluna o laila ka la, ka hora ame ka minuke i loaa aku ai. (K. 1913, m. 151, p. 8; K. H. 1915, p. 33.)

            Pauku 40. Inoa o na moho.

            1. Aole e emi malalo o umi-kumama-lima la mamua ae o kekahi koho wae moho, a hoouna aku no ke kakauolelo o ka Teritore i kela me keia kakauolelo kalana i papainoa i hooiaioia, e hoike piha aha i na inoa o ka poe apau no lakou na palapala waiho inoa moho i waihoia aku iloko o kona keena oihana, a i kuleana hoi e palokaia iloko o ke kalana ma ia koho wae moho ana, a e hoke pu ana hoi i ka oihana a kela me keia moho e holo ana, a in a hoi he moho aoao kalaiaina a aoao kalaiaina ole paha.

            2. E kau koke no ke kakauolelo kalana i kope o ia papainoa ma kekahi wahi ike akeaia maloko o kona keena a ma na wahi ike akeaia e ka lehulehu i emi ole malalo o ekolu maloko o kela me keia mahele koho. E hoouna koke no hoi ia kakauolelo me ka hakalia ole i kela ame keia moho i hoikeia ka inoa maloko o ia mau papainoa i kope oiaio o ia mau papainoa.

            3. Iloko o na la emi ole malalo o umi kumamamalua mamua ae o kekahi koho wae moho, e homakaukau no ke kakauolelo kalana i papainoa e hoike ana i na inoa o ka poe apau no lakou na palapala waiho inoa i waihoia aku ma ko na keena oihana a i kupono hoi e polokaia maloko o ke kalana ma ia kohe wae moho, a e hoike ana hoi i ke kulana oihana o kela me keia moho i waeia ai, a in a hoi he moho aoao kalaiaina a aoao kalaiaina ole paha. I kope o ia papainoa e kauia maloko o kekahi wahi ikea akeaia o loko o kona keena wahi a ma na wahi ike akeaia e ka lehulehu i emi ole malalo o ekolu maloko o kela me keia mahele koho.

            E hoouna pu no hoi ia kakauolelo me ka hakalia ole i kela me keia moho i hoikeia na inoa maloko o ia mau papainoa i kope oiaio o ia mau papainoa. (K. 193, m. 151, p. 9 ; K. H. 1915, p. 34.)

(Aole i pau.)

 

E ka Mea Heluhelu:

            E oluolu e malama i keia mau mea a ke Kuokoa e hoolaha nei no ko kakou pono. Mai hoohewahewa kakou i keia mau la. Eia na haole ke oni mai nei no ke kinai ia kakou me ka kakou olelo. Aole o na haole apau–aka, e ike kakou ia kakou iho i keia wa, a e hoomakaukau ma na mea e hiki ai e hooko i na kuhikuhi a ke kanawai.

            He mea nui ka mana koho balota. O ke kuleana iho la no hoi ia iloko o ke aupuni me ka nohona lahui ana. I ikeia mai no kakou i kahi mana koho a kakou paa nei. Ina aole ia, in a ua hele loa kakou i ka hoomaopopo ole ia e ka poe mana iloko o ko kakou aina ponoi.

            I ke kau o 1909 hookomo au he bila i ka aha senate e hoomaopopo ana i ka helupapaia o ka auhau waiwaipaa, ka auhau waiwai lewa me ka auhau loaa. Ma ua kanawai la a'u, in a i holo ia kau, in a ua ola kakou ka poe ilihune me na wahi kuleana liili, a o ke ko'iko'i o na auhau maluna o ka poe waiwai. Makekuu kanawai i ka poe waiwai iloko o ka ahaolelo ia kau. Eia ke ala hou mai nei ua kanawai la. Oia kekahi kahua hana a ka poe kalaiaina o keia kau. He ninau nui keia ia kakou ua Hawaii. Nolaila, e ala, a e paio no ko kakou pono ponoi.

            O ka mana koho balota wale no ke alahele e loaa ai ia kakou keia palekana.

            No keia pule ae oili hou aku on a mau pauku kanawai pili i ko kakou pono koho. Ka oukou kauwa haahaa,

W.J. COELHO

Aug. 17, 1920.

 

KALAIAINA A KALEPA HOOKAHI NO KINO.

            Kuu Solomon Hanohano, Aloha: E kala mai no kou hanohano i ko'u hooluhi ia oe no kela poomanao e kau ae la maluna, in a he mea hiki.

            I ko'u noonoo ana i na mahele apau i pili aku i keia mau poomanao, ua kukulu iho au i ko'u kalena ike he hookahi no kino ma na mahele ano nui apau e pili ana i ke kalaiaina ame ka hana kalepa ana, aka, e kala mai no e ua makmaka heluhelu ina hu loa aku ka'u mau wehewehe  ana mamu ao ke kupono.

            I ka hoihoi pono ana ae i ka noonoo ma ka mahele mua, ua ikeia no me keia: No ka hoomaka ana e kukulu i na mahele like ole e loaa mai ia la@a mai ke kikowaena mai o ia mahele mua, a i ka nee ana imua e loaa he 12 i lawa ai ke kolamu no ka hapai ana i na mahele hana, nolaila o ka mua, oia no ka peresidena ame kona hope, puuku, kakauolelo moolelo aine na papa alakai ame na lunakanawai, o lakou nei na lunahoohana nui i koho ponoia no ka malama ana i na pono ame na pomaikai o ia hana he kalalaina no na makahiki elua, a pela aku ana ka nee ana ame na hoolala ana i na makahiki apau, pela no ka mahele elua e loaa ana i ka mea hookahi ka noonoo nui ana no kekahi mea e holomua ai, alaila e hapa ana ka mea nana i hoolala i na mea a ka meahookahi i hoolala ai a kaupaona, ua ike ia ka holopono, alaila ia manawa e kohoi ai na lunanui.

            O ka mea pololei maoli o ka mea nana i hoolala na mahele like ole e pono ai ia hana ua kaa aku ia maluna o ka mea nana i noonoo, a e lilo oia ka peresidena ame kona hope, ame na lala o ka papa luna hooia, a i ke ku ana o keia mau mea, e loaa ana ka mana i keia mau lunanui i ka noono ana i ka puka ame ka holomua o na mea e lawelawe ia ana iloko o na makahiki elua, oiai nae, me ke dala wale no e hiki ai na mea apau, nolaila, ke ku nei keia mau mahele elua me ko laua makaukau piha no ka lawelawe ana aku imua o ka lehulehu, a ke lawe ae nei ka meakakau i ka mahele mua a kukulu aka, oiai o kona ku ana ame kona nee ana aia wale no i ke kokoke ana aku e makahiki me hapa, alaila hoomaka e hoonioni i na mea paahana no ka pono o ia hana, a e kukulu ana i na kalapu like ole o kela ame keia mahele ame ka noonoo, a elilo oia ka peresidena ame kona hope, ame na lala o ka papa luna hooia, a i ke ku ana o keia mau lunanui i ka noono ana i ka puka ame ka holomua o na mea e lawelawe ia ana iloko o na makahiki elua, oiai nae, me ke dala wale no e hiki ai na mea apau, nolaila, ke ku nei keia mau mahele elua me ko laua makaukau piha no ka lawelawe ana aku imua o ka lehulehu, a ke lawe ae nei ka meakakau i ka mahele mua a kukulu aka, oiai o kona ku ana ame kona nee ana aia wale no i ke kokoke ana aku e makahiki me hapa, alaila hoomaka e hoonioni i na mea paahana no ka pono o ia hana, a e kukulu ana i na kalapu like ole o kela ame keia mahele ame ka noonoo ana i ke kahua e ku aku ai imua o ka lehulehu a hoike aku i na mea i manao ia ana he pono ke loaa mai.

            I ke ku ana o na mea mo ka maikai, alaila aia maluna o kela ame keia lunanui i koho pono ia ke ko'iko'i o ka imi ana i na mana koho e noii ana iloko o kona mahele ponoi ame ka makaala ana i kahi hoopaainoa, oia ka hiki mua o na mea apau ame  ke kukulu ana mai i ua moho e holo ana. Aia iloko o keia mahele ke ko'iko'i loa o ka noonoo ana, no ka mea i kou hooko ana i kau maea i manao ai e ike ana oe i ka mua ame ka hope o ka mea au i manao ai, aia iloko oia mea au i hilinai ai ke Kuokoa e malama ana i na mea a kona lima kuokoa i hana ai, oiai, aole loa e hiki i kou lima ke hana i kekahi hana aia wale no a koho oe ua pololei kau mea i noonoo ai maluna o ia kanaka, alaila hookauwa ih@la oe i kou manamanalima maluna o ke aiai o ka pepa e hoopaa ana oe i kau mau moho i manao ai ua kupono, o keia iho la ka mahele ano nui.

            O keia ko'u kaupaona mua ana i na mea a ko'u pepeiao e lohe ai mai na poe e ake ana e loaa ka hilinai ia ana, oiai he nui na poe e holo ana, o kekahi poe ua kuokoa no lakou iho, aohe mea nana e huki hele ma o a maanei, o kekahi e hana ana me na hui kalepa, o kekahi me na oihana aupuni, o kekahi he mau kahunapule, a pela aku, oiai aole loa i papa ia kou makemake e holo ma nakulana au i makemake ai e holo, ua ao ke kanawai ia oe, aia wale no a he karaima kau i hana ai, oia wale no ka paku nana e paa ia oe; aole e hiki ke holo, aka, o ka mana piha aia iloko o kou lima. E ka mana koho, e ike i ka mua ame ka hope o ka mea au i ake ai i kauwa hoopono, i kauwa holohe.

(Aole i pau.)

            DUBLIN, Aug. 17–He kanakolu mau kanaka i lako me na mea kaua i komo aku iloko o ka halekuke o Dubelina ma ka la no ia hale he mau minuke pokole mahope iho me ka lawe ole i kekahi mea mailoko aku o ka hale. O ka manao nui o ko lakou hoea ana ae noloko o ia hale aohe i maopopo.

           

            O Mr. J. K. @ keia me kana moopuna wahine, Clara Likolani Williams, i ke 49 makahiki i ka la 8 iho nei o keia mahina o ka hanu ana o keia ola honua ana ame ka piha hauoli i kona hii moopuna ana i keia mau mahina he umi-kumamalua o ka hanu ana o ke kamaiki me ke ola kino maikai. Hoonaniia Kona inoa, he malu mai laia mai no kona lilo aku i mea hooulu i ka lahui i makuahine maikai ka'u leo pule, kona kupunakane.

 

KA UWAPO O S. S. KILAUEA ME KONA ULUMAHIEHIE

            Kuu Solomon Hanohano:–E kala mai no in a ua nui ka'u hooluhi ana no keia mau hua inamona e kau ae la maluna. Ma ke kakahiaka poniponi o ka Poalima nei, la 13, oiai kou kiu hana meahou e ku ana, ua ike aku @au au i keia keonimana i ka hele ana ae a ninau i kekahi makamaka, aia ihea ia keonimana o Mokumaia, a e kaulana nei? Aia ke k@ mai la me kela papale o ka poe Pelekane ame ka lolwawae epani, o ua kaaka nei ia. Ke ike aku la au no'u ko laua manao, a i ka hui ana ame nalululima pumehana au, o oe o Mokumaia? Ae. Ua ike wale no ia oe ma ka ipukukui o ka malamalama, a ua hui no kaua ma Kailua, Kona, i kela makahiki aku nei, a no ia hoomanao no nou, oia no ka mea i imi mai la a loaa @e. Owau o Mr. Jos. Kahananui, a o Mr. G. M. Paiwa ame ko'u mau luaui makuahine.

            Ua nui ka piha hauoli o keia halawai ana ame na kukakuka maikai ana, ua kakali lakou ia'u apau ka'u hana, alaila kii mai iaa lakou e hoihoi i ko lakou e hoihoi i ko lakou home; ua nui na olelo i hoolauna a mawaena iho o makou no na mea e pili ana i na kalaimanao e puka nei ma ke Kilohana, ka ipukukui aa mau me na mea e pili ana i kela holokaapuni ana i ka moku o Keawe; o@a ka laua i olelo mai ai, o ka makou mea mua ia e nana ai no kou mau manao, e hoikeik@ ana i na mea a kou mau maka i ike ai.

            Ma ko'u nana aku ia lakou aia me lakou ka iini e ike i na meahou, noho ae no ia me ka ipukukui, noho ae no ia me kana ipukukui me ka piha maoli i ka hauoli; o kekahi au i mahalo loa ai na nui ka'u hana i ka lawe i na ohua. O ka mea apiki na nui na kalaiwa i hele aku e lawe ia lakou aole loa lakou i ae mai. Aole e Iriki, na hoopaa mua iho nei makou me ka mea a makou i manao ai he keonimana oia. Ea, ua nui no ke ala ia o kahi inoa, oiai no nae ke kau ala no maluna o kou kiu nei ia mamalaolelo a kahiko, "ka makua o ka maia." he maia ke kanaka a kona wa e hua mai ai. Nolaila ea, owai hou ae nei mea he moku i piha i ka maia, o kou kiu hana meahou wale no.

            I ke kau ana mai o ua mau makamaka maikai nei, "Ea, o ua mokukaanei keia la nana i hehihehi ku i naaapele o na Kona?" Ae aku la au, oia no keia e hii aku ana ia oukou i ko oukou home. I ka makaukau ana o ka nee aku la no ia o ua mokukaa nei no mua, a o ko'u mea aku la no ia ia lakou, o keia kahua alanui a kakou e holo nei la ea, o Kapuukolo keia, a hapu ae la au i keia wahi kanaenae:

            Kapuukolo i ka Nekina,

            Holo lio laau me ka huapala,

            Koiuiu i ka lokowai,

            Haaliliamanu honi-kaua;

            I Kapalama loi laiki,

            Keoheula kikii pau;

            I ke kula loa hoi o Kalihi,

            Makani houhou ili, inisi, inisi malie.

            E kala mai, ua pahee loa aku la. A ku iho la ua moku kaa nei i ke alanui  eha o Kamehameha ame Kalihi, a kuuiho la ka luhi, me ka ulumahiehie o na kamahele i ka nui o na olelo hooheno mai kou kiu aku ame na hoomaikai mai ia lakou mai, a me na lululima pumehana ana, hoi mai la au i ke kaona ne nei m@ na manao e hapaipai mai ana ia'u i ka lilo ana o keia holopuni a'u i mea o ikeia mai ai, a ua makepono maoli no na mea i hoolalaia a@ a ke ike nei i ka mua ame ka hope o ke kanu a@ i ka maia apuni o Hawaii a o ke kumu eia i Oahu nei, kahi o ka momona e pua ia nei.

            O ka'u leo pule, ma o Kona malu la e kiai mai ia oukou apau ame kakou apau.

            Me oe e kuu kapena ko'u welina pau ole ame na keikki kikokiko ko'u iini pau. ole   Kou a mau

                                                                                                            J. K. MOKUMAIA

            CONSTANTINOPLE, Aug. 10–Ke lele kaua ae la @a pualikoa Bolsheviki ma ka hapa hema o Rusia i na koa o ke Kenerala Baron Wrangel e pii mai la i ka akau me ke kaua ana mai ka Anemoku mai o Crimea.

 

MA KE KAUOHA

 

HOOLAHA KOHO BALOTA WAE MOHO.

            Ma keia ke hoolaha ia aku nei i kulike ai me ka manao o ka Mokuna 8 o na Kanawai Hooponoponoia o Hawaii, 1915, he koho balota wae moho, no ka wao ana i moho elele no ka Hale o na Lunamakaaina o Amerika Huipuia a i mau moho Senatoa ame na Lunamakaainana no ka Ahaolelo o ke Teritore o Hawaii, elike me ia i hoakakaia malalo iho nei, ke malamaia ana, ma ka Poaono, la 2 o Okatoba, A. D. 1920, apuni ke Teritore, mawaena o na hora 8 A. M. ame hora 5 P.M.

NA APANA SENATOA.

            O na Apana Senatoa ame ka heluna o na moho Senatoa e waeia ai e kela ame keia aoao kalaiaina elike penei:

            APANA EKOLU–Mokupuni o Oahu–Ekolu.

            NA APANA LUNAMAKAAINANA.

             O na Apana Lunamakaainanana ame ka heluna o na moho no ke kulana Lunamakaainana e waeia ai e kela ame keia Aoao Kalaiaina elike iho penei:

            Ma ka APANA EHA–Eono.

            Ma ka APANA ELIMA–Eono.

            O na apana Lunamakaainana, na mahele koho ame na wahi koho elike iho penei:

            APANA LUNAMAKAAINANA EHA–HAPA O KA APANA SENATOA EKOLU.

            Ka hapa o ka Mokupuni o Oahu ame ke Kulanakauhale ame Kalana o Honolulu ma ka hikina hema o ke Alanui Nuuanu ame ka laina e hooloihi ana mailaila aku, mai ka pali o Nuuanu ahiki i ka Lae o Mokapu.

            MAHELE EKAHI–O ka hapa o ka Apana o Honolulu ma ka hikina akau o ka laina mai ka lala@i mauna mai o Koolau i hooloihiia aku a pili me ke Alanui Mauumae, mai ia alanui aku i oleloia, Alanui Umi-kumamakahi, Alanui Daimana Hila ame ka laina i hoolohiia ahiki i ke kai. Wahi koho, kihi o Alanui Koko Head ame ke Alanui Waialae.

            MAHELE ELUA–O ka hapa o ka Apana o Honolulu mawaena o ka in a hele ekahi ame ka laina mai ka lalani mauna mai o Koolau a e holo ana ma ke kualapa ma ka aoao hikina o ke Awawa o Manoa a hoea i ke kahawai o Manoa, malaila aku ma ke kahawai i oleloia a hoea i ke alanui e moe ke@a ana i kahawai makai iki aku o kona hui ana me ke kahawai o Palolo, alaila ma ia alanui, Alanui Campbell, Alanui Kakela ame Alanui Daimana Hila. Wahi koho, kihi o Alanui Eono ame ke Alanui Waialae.

            MAHELE EKOLU–O ka hapa o ka Apana o Honolulu ma ka hema o na mahele ekahi ame elua a ma ka hikina o ka laina e holo ana ma na Alanui Kapahulu ame Alanui Makee ahiki i ke kai. Wahi koho, Alanui Kalakaua ame ka puka nui e komo ai i ka Paka Kapiolani.

            MAHELE EHA–O ka hapa o ka Apana o Honolulu ma ka hema o ke Alanui Moi ame ke Alanui Waialae mawaena o na na mahele elua ame ekolu, a ma ka laina mai ke kihi mai o na Alanui Punahou ame Moi ahiki i ke alahaka loihi ma ke Alanui (alanui kahakai) Ala Moana. Wahi koho, kihi o Alanui Kalakaua me Alanui Keoni Ena.

            MAHELE ELIMA–O ka hapa o ka Apana o Honolulu ma ka akau o ka mahele eha a ma ke komohana o ka mahele elua, i hoopuniia ma ke komohana e ke Alanui Punahou a ma ka akau e ke Alanui Waila ame ke Alanui Metalf ahiki i ke alanui e holo ana i ka hikina ma ka hema iki mai o ke Kulanui o Hawaii, ma ia alanui i oleloia ame ka laina i hooloihiia aku ahiki i ka palena pau o ke kualapa e hoopuni ana i ka mahele elua ma ke komohana. Wahi koho, ma na Alanui Young ame Alexander.

            MAHELE EONO–O ka hapa o ka Apana o Honolulu ma ka akau o ka mahele elima a mawaena o ka mahele elua ame ka laina e holo ana mai ke Alanui Waila mai ma na Alanui Punahou ahiki i kona hui ana me ke Alanui Moana, alaila ma ke kualapa ma ka aoao komohana o ke Awawa o Manoa ahiki i ka lalani mauna o Koolau. Wahi koho, Alanui Liloa, Rice ame Alanui Kamehameha.

            MAHELE EHIKU–O ka hapa o ka Apana o Honolulu ma ke komohana o na mahele eha amo elima, ma ka hema aku o ke Alanui Beretania a ma ka hikina o ka laina e holo ana mai ke kai mai ma ke Alanui Sheridan ahiki i ka welelau e hooloihi ana i ke Alanui Piikoi alaila ma ua laina nei i oleloia no ka hooloihi ana ame ke Alanui Piikoi. Wahi koho, kihi o na Alanui Keeaumoku ame Moi.

            MAHELE EWALU–O ka hapa o ka Apana o Honolulu ma ke komohana o na mahele elima ame eono, ma ka akau o ka mahele ehiku a ma ka hikina o ka laina mai ke Alanui Beretania mai ma ke Alanui Piikoi ame ka laina e hooloihi ana malaila aku ma ka palena komohana o ka pahale o ka Home Lunalilo ahiki i ke kihi hema o Kalawahine, alaila ma ka palena hikina o Kalawahine ahiki i kona hui ana me ka palena komohana o ke Awawa o Manoa. Wahi koho, kihi Alanui Waila ame Alanui Liholiho.

            MAHELE EIWA–O ka hapa o ka Apana o Honolulu ma ka hema o Alanui Beretania a mawaena o ka mahele ehiku ame ka laina e holo ana mai ke kai mai ma ke Alanui Ward ame ke Alanui Kapiolani. Wahi koho, Kamaki Kuea.

            MAHELE UMI–O ka hapa o ka Apana o Honolulu ma ka akau o ka laina mai ke Alanui Alapai mai ma ke Alanui Moi ahiki a ma ke Alanui Kapiolani, alaila holo hikina ma ke Alanui Beretania mawaena o ka mahele ewalu ame ka laina ma ke Alanui Alapai a i hooloihiia ahiki i ka pahuhae kahiko ma ka piko o Puowaina, alaila ma Puowaina ahiki i ka palena mawaena o Kewalo ame Auwaolim@, alaila ma ka palena komohana ahiki i ka palena komohana o ka mahele ewalu. Wahi koho, Hale Kula A'o Kumu.

            MAHELE UMI-KUMAMAKAHI–O ka hapa o ka Apana o Honolulu ma ka hema o Alanui Moi a mawaena o ka mahele eiwa ame ka laina e hooloihi ana mai ke Alanui Moi mai alaila ma Alanui Hema ahiki i ke kai. Wahi koho, ma na Alanui Hema ame Kawaiahao.

            MAHELE UMI-KUMAMALUA–O ka hapa o ka Apana o Honolulu ma ka hema o Alanui Hokele a mawaena o na Alanui Alapai ame Hema ma kekahi aoao ame Alanui Nuuanu ma kekahi aoao. Wahi koho, kokoke ma Kapuaiwa Hale.

            MAHELE UMI-KUMAMAKOLU–O ka hapa o ka Apana o Honolulu i hoopuniia e Alanui Luso, Alanui Alapai, Alanui Hokele ame na Alanui Alakea ame Ema. Wahi koho, Ema Kuea.

            MAHELE UMI-KUMAMAHA–O ka hapa o ka Apana o Honolulu i hoopuniia e ka palena komohana o ka mahele umi, e ka palena akau o ka mahale umikumamakolu ame ka laina e holo ana mai ka huina mai o na Alanui Kula ame Ema ahiki i ka pahuhae kahiko ma ka piko o Puowaina. Wahi koho, kokoke i ka huina o na Alanui Luso ame Perry.

            MAHELE UMI-KUMAMALIMA–O ka hapa o ka Apana o Honolulu i hoopuniia e Alanui Kula, Alanui Ema amo Alanui Alakea, Alanui Hokele amo Alanui Papu. Wahi koho, Alanui Beretania ame Alanui Papu.

            MAHELE UMI-KUMAMAONO–O ka hapa o ka Apana o Honolulu i hoopuniia e ke Alanui Kula, Alanui Nuuanu. Wahi koho, kokoke i na Alanui Papu ame Beretania.

            MAHELE UMI-KUMAMAHIKU–O ka hapa o ka Apana o Honolulu ma ka akau o na mahele umi-kumamaha ame umi-kumamalima a mawaena o ka mahele umi ame ka laina e holo ana ma ke Alanui Papu ame Alanui Pacific Heights ahiki i ke kee mua o ia alanui a mailaila aku ma ka aoao komohana o ke Awawa o Pauoa. Wahi koho, kihi o ke Alanui Puowaina ame Alanui Luso.

            MAHELE UMIKUMAWALU- O ka hapa o ka Apana o Honolulu ma ka akau o ke Alanui Kula a mawaena o ka mahele umi kumamahiku ame ke Alanui Nuuanu. Wahi koho, Alanui Nuuanu ame Alanui Bates

            MAHELE UMI-KUMAMAIWA–O ka hapa o ka Apana o Koolaupoko ma ka hikina hema o ka laina mai ka Pali mai o Nuuanu ahiki i ka Lae o Mokapu. Wahi Koho, Halekula o Waimanalo.

APANA LUNAMAKAAINANA ELIMA–HAPA O KA APANA SENATOA EKOLU.

            Ka hapa o ke Ku@uakauhale ame Kalana o Honolulu ma ke Komohana Akau o ke Alanui Nuuanu ame ka laina e hooloihiia, mai ka Pali o Nuuanu ahiki i ka Lae o Mokapu.

            MAHELE EKAHI–O ka hapa o ka Apana o Koolaupoko mawaena o ka laina mai ka Pali mai o Nuuanu ahiki i ka Lae o Mokapu a maluna o ke kualapa mawaena o Heeia ame Ahuimanu. Wahi koho, ma ka Hale Hookolokolo o Koolaupoko, ma Kaneohe.

            MAHELE ELUA–O ke koena aku o ka Apana o Koolaupoko. Wahi koho, ma ka Halekula o Waiahole.

            MAHELE EKOLU–O ka hapa o ka Apana o Koolauloa ma ka hikina hema o ka palena hikina hema o Laie. Wahi koho, ma ka hale hui Yin Sit, ma Kupano, Punaluu.

            MAHELE EHA–O ke koena aku o ka Apana o Koolauloa. Wahi koho, ma ka haleaina kokoke i ka hale hoolulu kaaahi ma Kahuu.

            MAHELE ELIMA–Ka Apana o Waialua, e hookoe ana i kapa o na apana la, ma ka hema o ka laina mai ka piko mai o Kaala a komo i ka piko o Kamaohanui, Puu Pane ame Puu Peahinaia ahiki i ka palena o Koolauloa. Wahi koho, ma ka Hale Hale Hookolokolo o Waialua.

            No ke koena aku o ka Apana o Waialua, e nana i ka Mahele Umi-kumamaono.

            MAHELE EONO–Ka Apana o Waianae. Wahi koho, Hale Hookolokolo o Waianae.

            MAHELE EHIKU–Ka hapa o ka Apana o Ewa, e komo pu ana na aina o Hoaeae ame Honouliuli. Wahi koho, ma koho, ma ka Hale Hoolaule'a o Ewa (Ewa Pavilion).

            MAHELE EWALU–Ke koena aku o ka Apana o Ewa, hookoe ana i kela hapa o Halawa ma ke komohana hema o ka laina mai ka palena mai mauka o ka lokoi'a o Kuahua a e komo ana ma ka luapele o Makalapa ahiki i ka p@lena o Moanalua. Wahi koho, ma ka Hale Hookolokolo o Ewa.

            No ke koena aku o Halawa e nana i ka Mahele Umi-kumamahiku.

            MAHELE EIWA–O ka hapa o ka Apana o Honolulu ma ke komohana o ka laina mai ka la@ai mamua mai o Koolau @  ana ma ka @ hana @ i ke Alanui @ ahiki a ma ke Alanui Kalihi ahiki i ke kai. Wahi @ ho kihi @ Alanui Moi ame Kalihi.

            MAHELE UMI-O ka hapa o ka Apana o Honolulu ma ka hikina akau o Alanui Moi a mawaena o ka palena komohana o Kalihi ame ka palena hikina o ke Alanui Kalihi ahiki i ke Alanui Moi. Wahi koho, Halekula o Kalihiwaena.

            MAHELE UMIKUMAKAHI–O ka hapa o ka Apana o Honolulu i hoopuniia e Alanui Kula, Alanui Pupule, ALanui Moi ame Alanui Kaihi. Wahi koho, Alanui Moi ame Alanui Houghtailing.

            MAHELE UMI-KUMAMALUA–O ka hapa o ka Apana o Honolulu ma ka akau o Alanui Kula a mawaena o ka mahele  umi ame ka laina mai ka lalani mauna mai o Koolau ma ka palena pau o ke kualapa ma ke komohana o ke Awawa o Nuuanu ahiki i ka laina i hooloihiia o Alanui Kauka, alaila ma ia laina i oleloia ame Alanui Kauka ahiki i Alanui Liliha ala, la ma Alanui Lilihia ahiki i Alanui Kula. Wahi koho, kokoke i ke kihi o na Alanui Lilihia ame Kula.

            MAHELE UMI KUMAMAKOLU–O ka hapa o ka Apana o Honolulu ma ka akau o Alanui Kula mawaena o ka mahele umi-kumamalua ame Alanui Nuuanu. Wahi koho, kihi o ke Alanui Kuakini ame Alanui Nuuane.

            MAHELE UMI-KUMAMAHA–O ka hapa o ka Apana o Honolulu hoopuniia @ Alanui Kula, Alanui Nuuanu, Alanui Beretania ame ke Kahawai o Nuuanu. Wahi koho, Alanui Vinia ma ka aoao hikina o ke Kahawai o Nuuanu.

            MAHELE UMIKUMAMALIMA–O ka hapa o ka Apana o Honolulu ma ka hema o na Alanui Beretania ame Moi a mawaena o ke Alanui Nuuanu ame ka mahele iwakalua e komo pu ana me ka Mokupuni Hoomalu Ma'i ame na Mokupuni hapapa e ao. Wahi koho, ma Aala Paka.

            MAHELE UMI-KUMAMAONO–O ke koena aku o ka Apana o Waialua. Wahi koho, ma ka Halekula o Wahiawa.

            MAHELE UMI-KUMAMAHIKU–O ke koena aku o Halawa. Wahi koho, Halehalawai ma Watertown.

            MAHELE UMIKUMAMAWALU–O ka hapa o ka Apana o Honolulu i hoopuniia e Alanui Kula, Kahawai o Nuuanu, na Alanui Beretania ame Moi ame Alanui Liliha. Wahi koho, ma ka aoao komohana o ke Kahawai o Nuuanu.

            MAHELE UMIKUMAMAIWA–O ka hapa o ka Apana o Honolulu i hoopuniia e Alanui Kula, Alanui Liliha, Alanui Moi ame Alanui Papale. Wahi koho, Alanui Moi ma kela aoao mai o ka Halekula Kaiulani.

            MAHELE IKAWALUA–O ka hapa o ka Apana o Honolulu ma ka hema o Alanui Moi a mawaena o Alanui Kalihi ame ka pulena komohana o ka mahele umi-kumamalima. Wahi koho, ma ka Hale Paumawai o Kalihi.

            I HOIKE NO KEIA, ke kau nei au i ko'u lima me ka hoopili pu ia o k@ Sila Nui o ke Teritore o Hawaii. (SEAL) HANAIA ma ke Kapitala ma Honolulu, i keia la 11 o A@ gate, M. H. 1920.

(Kakauinoaia) CURTIS P. LAUKEA, Kakauolelo o Hawaii.

            I kulike ai me ka manao o ke hanawai, ke hoolaha aku nei au i ke kua haua Koho Balota Wae Moho i hanaia e ke Kakauolelo o ke Teritore o Hawaii a i pili pu hoi no ke Kulanakau hale ame Kalana o Honolulu. (SEAL) D. KALAUOKALANI, Kakauolelo o ke Kuhanakauhale ame Kalana o Honolulu, Teritore o Hawaii. 6414-Aug. 20, 27: Sept. 3.

TERITORE O HAWAII.

            Keena o ka Puuku, Honolulu, Oahu.

            Ma ka hana e hoopau ana i ka WHITNEY & MARSH. LIMITED,. OIAI, o ka WHITNEY & MARSH. LIMITED, he huyi ia i kukuluia a e k@ ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, na waihoia mai iloko o keia keena he palapala noi no ka hoopau ana i ka hui oleloia, hui pu me kekahi palapala i hooiaioia i hoohui pu ia me ai, elike me ia koiia ai ma ke kanawai.

            NOLAILA. ma keia ke haawiia aku nei ka hoolahu i kekahi mea, a i ua kanaka apau he mau kuelana mamua a e kuleana nei paha i keia manawa ma kekahi ano iloko o ka hui i oleloia, pono e waiho mai i na ku-e ana no ka neiaaku o ka palapala nui i oleloia maloko o keia keena, mamua ae o ka hora 12 awakea o ka la 25 o Oktoba, 1920, a o keia ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malaiho maloko o ka Hale Mana Hooko, Honolulu, ma ka @ 12 awakea o ka la oleloia, a e hoike mai i ke kumu, in a @ kumu kekahi i wahi e ae o e ia aku ai ka palapala noi i oleloia.

HENRY C. HAPAI,

Kokua Puuku, Teritore o Hawaii. Honolulu, Augate 16, 1920.

6414-Aug. 20, 27; Sept. 3, 10, 17, 24: Oct. 1, 8, 15, 22.

            PARIS, Aug. 1@ Ua @keia mai ia nei ka hoea ana aku la i Berlin o na elele a ke aupuni kuikawa o Rosia no ka hoomaka hou ana i ka launa a kukauka ana me Kelemania. He mau elele i kauohaia no ia hana like me ke aupuni o Auseteria ma ka oleloia ua hoea aku i Vienna.