Ka Nupepa Kuokoa, Volume LVIII, Number 33, 13 August 1920 — POLOLEI WALE HOI O W. J. COELHO. [ARTICLE]

POLOLEI WALE HOI O W. J. COELHO.

Solomon Hanohano, Lunahooponopono o ka Nupepa Kuokoa; Welina pumeha na kaua:—E ahonui hou mai kou hano hano i kekahi wahi kaawale o ka kaua hiwahiwa, ka Nupepa Kuokoa, nona hoi kela mau hua e kau kehakeha ae la ma luna. He mea oiaio ka ua mea hanohano nei Hon. W. J. Coelho e olelo la maloko o kekahi kolamu o kau wahaolelo hope ole la, o ia hoi, no kahi aku i koe o ke alanui aupuni o Kahakuloa, Maui. Aia la ka ihea keia mau tausani dala a ko kakou ahaolelo kuloko i hoohala iho nei i keia mau kau ahaolelo no ke alanui aupuni o Kahakuloa, Maui Oiai, he elua mau kau ahaolelo aʻo ike iho ai, maloko o na kolamu o ka Nupepa Kuokoa, he mau bila haawina dala okoa ko ke alanui aupuni o Kaha kuloa; o ka apiki nae i ikeia, aohe ha naia aku o kahi aku i koe mai Molo kai aku. Ke ole kou kiu hanu meahou e kuhi hewa, he aneane paha hookahi mile <illegible> ekolu-hapaha aku kahi i koe, alaila, <illegible> ka pau no ia o ka pilikia o na kupa makaainana o ia awawa! Nolaila, ke ike mai la no kakou i ke pau akaakaia o ke alanui aupuni o Ka hakuloa, Maui, e lakou nei ma ae! Aia auanei a hiki mai i ka wa ko koke aku i ke koho balota, alaila, hele mai ka poe e holo moho lunamakaaina na ana e haiolelo hoopunipuni, iwaena o ka poe kupono i ke koho balota, ka puka lakou alaila hanaia ke alani a puhi o Kahakuloa, Maui. Pehea la e hiki ai ke holo ia bila ka nawai, ke ole e loaa ka hapanui o na hoa kaukanawai e kakoo i ua bila ka nawai nei? Nolaila, i hele hou mai e palaueka <illegible> moho lunamakaaina«a 0 Maui nei ala ila, e noonoo akahele no e ka poe koi balota o Kahakuloa, Maui, i ka oukou mea e koho ai, aole o oukou wale no; kakou like no apau ma ia kulana like oiai aole he ilio i nele ika huelo, ma lalo iho o ka malu o ka la. Nolaila, e pono no kakou e akahele loa i keia kau koho balota e hoea mai ana iloko o Okatoba 2, 1920, ame Nove maba 2, 1920. Kou oiaio mau, O. KNOX PONIAULANI