Ka Nupepa Kuokoa, Volume LVIII, Number 32, 6 August 1920 — Page 7

Ka Nupepa Kuokoa

KE KILOHANA POOKELA NO KA LAHUI HAWAII.

 

He Moolelo No

Elese, ka Ui Nohea i Liliia

A I Ole

Ka Ipo Aloha a ke Kanaka Waiwai

 

            "Elike me kau i makemake ai e hanaia aku, e Hale, pela no au e hooko aku ai; aole hewa e hanaia aku ana no ia kaikamahine. ma kou aoao hoi, e hoonoho aku ana au iaimaloko o kekahi keena kahi e kuaiia ai na lihilihi, A peha la, e haawi aku anei au iaia i ewalu dala o ka pule?"

            "Pela kou manao, no ka mea, wahi ana o ka olelo ana mai nei iau he ohana ilihune lakou, a ua makemake loa ola e loaa kana hana i mea e loaa ai ke dala no ke kala ana ae i ko lakou mau pilikia o ka noho ana. Nolaila in a ua ma nao oe e haawi aku ia mau dala iaia, ia oe aku ia. Me hemea la ke kai mai la ola i ei manawa no ka makemake e ike a e kamailio pu me oe."

            Ia manawa huli aku la ko Mokana alo i kahi e a o kona kua ia Hale, a akaaka ma-lu iho la. "He kaikamahine maemae a ui oia, ola anei? Uhu @@@@@@@@@@@@@@@@@@@@@@@@.

            "He lede opio ka i makemake e ike ia oe, e Mr. Mokana," i pa-e mai ai ka leo o kekahi o na kakauolelo, ia Mokana i huli aku ai e komo iloko o ka rumi.

            Huli mai la o Mokana ma kahi o ka leo o ka pa-e ana aku, a hoomaka mai la e hele me na maka hoihoi ahiki i kai a Elese e ku aku ana me na maka o ka mea i pija i ka hilahila ame ka haalulu, a e naholo ana no oi ka ula ma kona mau papalina.

            "O, ui maoli io no kela kaikamahine!" i olelo iho ai ua o Mokana iloko wale iho no on a i knoa manawa i ike aku ai ia Elese.

            "E huikala mai oe iau no keia hele ana mai la e hoouluhua aku ia oe," i pane mai ai o Elese me ka leo ano haalulu.

            "I hele mai la au e noi aku ia oe in a e hiki ana e loaa i hana nau maloko o keia halekuai."

            " I hana? Ua hana mua no nae paha oe maloko o kekahi haiekuai?" i ninau aku ai o Mokana.

            "Aohe," i pane mai ai o Eleso, me ke kulou o kona mau maka ilalo, mamuli o kona hilihila, a mamuli no hoi o kona hoomaopopo ana iho i ka lilo o kona maa hana ole mamua aku maloko o kekahi halekuai i kumu alakai i ka loaa mai o kana hana.

            "Aohe oe i hana mamua, ea? Ina pela, ke ike ole nei au i ka hana hiki iau ke kokua aku ia oe, koe wale no keia, in a e ae mai ana oe e hana no kekai ukuhana uuka ahiki i kou makukau ana i ka hana, alaila hoomahuahua ae."

            "O, ua ae au e hana me ia uku uuku au e haawi mai ai ahiki i kou makaukau ana i ka hana. He aapo au me ka hikiwawe loa ma na hana e haawiia mai ana iau a ke manao nei au e hiki ana no iau ke hana iloko o ka manawa pokole ahiki i kou makaukau ana elike me kau i makemake ai."

            "Ina pela." i pane aku ai o Mr. Mokana, me ke kau pu ana mai i kona lima maluna o ka poohiwi nepunepu o Elese, "ke ike aku nei au he kaikamahine maikai a ke hana io no oe, nolaila au i manao iho la e hoao ia oe. Eia nae, e hoike mua mai oe i na inoa o kekahi poe au i ike ai no ka hooia ana mai i kou mau ano maikai."

            Aole hiki ia Elese ia manawa ke hoomanawanui hou aku no ke kau loihi o ka lima o Mokana maluna o kona poohiwi. aka, nae. aole hiki iaia ke pale ae me ka loaa ole o ka hewa ma ia pale ana ae, a aole no hoi oia i moe@nane iki he kanaka o Mokana me ka manao deholo iloko on a.

            "Aole au i kaawale iki mai kou home mai no kekahi manawa mamua," i pane mai ai o Elese, "a aole no hoi o mama e ae ana e hele mai no kona hooia ana aku ia oe i kou mauano. a pehea la kuu kumukula Sabati. e ae ana nei oe iaia oia ka mea nana e hele mai e hooia aku ia oe nou? A, in a aole ia, pehea la ke kahunapule o ka halepule au e hele mau nei Kupono anei oia ke hele mai?"

            Minoaka iho la o Mr. Mokana no nei mau hoakaka a Elese, a i aku la: "Ke manao nei au ua hiki no iau ke hilinai aku maluna ou me kou kii ole aku i kekahi mea e hele mai e hooia no@ imua ou. Owai lou inoa?"

            " O Elese Beranadona."

            "O, he inoa maikai kela no kekahi kaikamahine maikai elike me oe. A ke kakahiaka o ka la apopo e hele mai ai oe i ka hana a lawe ae i kou wahi o ka hana maloko o ke kahi o na keena o keia hale. No ka mea e pili ana i kou ukuhana @ea e haawi aku ana au ia oe i ewalu dala no ka pule."

            "O. me ka mahalo nui!" i hooho ma iai o Elese me ka hauoli. "Aole au i manao e haawi mai ana oe i kela mau dala iau no ka manawa mua loa, ke haawi aku nei au i kou mahalo a i mea hoi e hookoia aku ai o kou makemake ai."

            " Ke manao nei au aohe no he kanalua ana no ia mea." i pana aku ai o Mokana me ka minoaka o ke ano hoohie ma kona mau niaka. "A ka hora 9 o ke kakahiaka o ka la apopo hele mai oe, no ka mea. aole au e makaukau ana e ike aku ia oe mamua ae o ia manawa. E ninau mai no Mokana ke hoea mai oe. O ke aloha no kou e kuu dear!"

            O ko Elese huli aku la no ia hele me ka piha hauoli iloko o kona naau no ka loaa o kana hana no kona home, a ia Mokana no hoi i hol aku ai noloko o kona keena maloko loa, kahi a Hale e kakali mai ana nona o kona hoi aku, i lohe i kana meahou.

            "Oia io no anei kela?" i ninau mai ai o Hale.

            "Ae. o Elese Beranadona. elike me kaua i hoike mai nei i kona inoa iau: auhea oe e Hale, aole ai i ike i kekahi kaikamahine maemae o ka helehelna elike me kela. a aole no hoi kela kaikamahine i komo mua iloko nei o keia halekuai mamua aku nei o kela ka makamua loa, pela kou manao no ka mea, akahi no a like kou mau maka iaia maloko o keia hale."

            "E kuu keiki, me Mahela Harrison kau wahinemane, ame Elese Beranadona hoi--"

            " O uwoki kau olelo ana mai me kela!" i papa aku ai o Hale me ka leo okalakala: "ua aloha au i kela kaikamahine au i ike ole ai ia mea he aloha i kekahi wahine okoa aku. Oia hookahi ka mea iloko o kuu puuwai i nei wa, aole o Mahela Harisona au i olelo mai la!"

            "Pela no kou manao i ka minuke i kau aku nei ka ike a kou mau maka maluna on a." wahi a Mokana o ka i ana aku me ka hapai ana ae i hona mau poohiwi," o ka nani io mai ananei kela la enele ole ai ka hoohihi o kekahi kanaka opio elike me oe. I ka lihilihi no oe lawe o Maho i ka la."

            Aohe pane hou mai o Hale aka hele mai la oia no kahi e ka puka a ku ilio la me ka paa o kokahi lima on a ike panipuka a huli aku la ihope e nana ia Mokana, a pane aku la me ka helehelena i piha i ka hilihila:

 

            " E Mr. Mokana, makemake au ia oe e akahele loa i ka@ kamailio a i ole i kau hana ana aku paha i kekahi mea e o hoopoinoia aku ai oia. O kou manoio maoli no keia au i hai aku la ia oe."

            " Ua pono kela, e Hale: mai noonoo kaumaha oe no kou hana aku i kekahi mea e manuheu ai oia, nau ia mai kepoo a ka hiu."

            O ko Hale oili aku la no ia iwaho a papani mai la i ka puka mahope on a. Ia hala anaaku o Hale, o kela helehelena maikai a minoaka maluna o na maka o Mokana ua nalohia aku ia, a he helehelena o ke ano hoonaikola ke pahola ana ma kona mau maka me ka hoopinana ana ae i kona mau lehelehe a ahuwale mai la knoa mau papaniho.

            "Ke kanaka opio hupo a!" wahi ana iaia iho. "Ke manaoio nei au in a e hookuu aku ana au iaia me ka hana ole ku i kekahi mea nona e hina ai e mau ana kona kupaa a hoopono. Hoopono! Hu! O, aole. aole ia o kau mea e hoolala ai nou. e Hale Venona. E hele aae au e ike ia Rose a e olelo aku iaia e hoomakaukau i kana apana hana.

            Ku ae la oia a hele pololei aku la noloko o ka halekuai, me ka palanehe wale no ia hele ana aku ana e lohe ole ia mai ai ka halulu o kona mau kapuai, a ua manao maoli no na kupakako heoi aku ka palanehe o kaua hele ana mamua o ka kekahi tiga.

            Hoomau aku la ua o Mokana i ka hele ana a hoea i ka rumi a na kaikamahine e kuai ai i na lihilihi, aia ia runni ma kekahi kihi loa o ka halekuai nui.

            O kekahi poo o ke pakaukau kuai ua huuaia ae e na lihilihi i kauia maluna o na laau, a ia wahi o Mokana i hele aku ai. Aole oia i kamailio a i ole hana paha i kekahi hana e loheia mai ai ola eia nae ua kaa e mai la i kekahi kaikamahine ma kekahi kihi o ke pakaukau ka ike i ua o Moana a hele mai la e hui me ia.

            He kaikamahine niape oia, he kulana lede. a he huapala no kona helehelena, a ia hui ana ae a laua lamalama ae la na maka o ua kaikamahine la, ke ano o ka mea e ikeia aku ai ua piha loko i ka makemake i ka manawa i kau mai ai ka ike a kona mau maka maluna o na maka o Mokana.

            "Ua manao iho nei au aole la oe e maalo mai ana maanei i keia la. e Iosepa. eia ka, e hele mai ana no oe," i pane mai ai o Rose me ka leo liilii loa.

            "Owau pu kekahi i manao pela, e Rose, aka mamuli hoi o kekahi hana a Hale Venona o ka hele ana ae nei, pela iho la au i hele mai la e hui me oe. A ka la apopo e hoea mai ana kekahi kaikamahine hou i kokua nou, he wahi kaikamahine makemake hana, ua hele ae nei e noi iau i hana nana, a oia au i hele mai la imua ou i keia manawa." i pane aku ai o Mokana.

            "Oia anei ka mea oiaio, e Mr. Mokana? Mai hoao mai oe e hoopunipuni iau. o olelo--"

            "Kaikamahine naaupo!" i nee ae ai o Mokana i ka akaaka : "o kau i olelo aku la ia oe he oia io loa. Ua aloha o Hale Venona i kela kaikamahine. ua hookaunu wale paha laua, pela kou koho aku. Eia nae ua ae aku nei au iaia e hele mai e hana iauei, nolaila a i hiki mai oia ea, nau hoi ia e ao aku iaia i kana mau mea e hana ai."

            "O ka hana hea la kau i makemake ai iau e ao aku iaia, o ka hoao aku anei i mea nona e poino ai a lilo oia i kaikamahine lapuwale ma nei hope aku? Oia maoli anei kou makemake?"

            "Aia paha ia i kou makemake i pane aku ai o Mokana, me ka hapai ana ae i kona mau poohiwi. "Ma kau nana aku nei i kela kaikamahine aole oia i maa i ke kolohe, he kaikamahine maemae hala ole oia, he wahi kaikamahine i nauupo i na mea o keia ao, ua ike oe, nolaila, he hana paakiki ole mau kou aoao ka hoohulihuli ana mai iaia e punihei ai oia. E Rose, he mea ano nui keia a kaua e kamailio nei molaila me ka akamai loa oe e hana aku ai ahiki i ka holopono ana o na mea apau. Ke maopopo mai la keia ia oe la?"

            "O, he hana maalahi loa ia, e losepa. He hana maalahi loa ka hoowalewale ana iaia a lilo kona inoa maikai ame kona ano hoopono i mea ole, elike me kou ano, aka, eia kau ninau ia oe,heaha ana kou uku no ia hana? O Kou inoa anei? He komolima daimana a gula anei ma kuu manamanalima, me ka pono e nana aku ai au i na maka o na wahine mare apau ma ko lakou mau maka? E ae ana anei oe e mare me au?

            "E Rose, ke hoohiki aku nei au imua ou, i ka manawa e holopono ai o keia hana. e mare aku ana au ia oe. loho oe?" i pane aku ai o Mokana me ka helehelena kuio.

            "O, ua pono kela! A heaha ia hana au i mano ai naa e hana aku?" i ninau mai ai o Rose, me he mea la ua makemake loa oia ia hana ia manawa, ma ke ano o kona hoihoi.

            "E hana oe ahiki i ke kaa ana o Hale Venona malalo o kuu mana ma o kou noi haahaa ana aku iaia e hana i kekahi hana haihai kanawai, a hoomare aku iaia me Mabela Harrisona.

            "Alaila. me ia hana ana e lilo ai o oe kekahi hoahui me ka hui a Harisona ma, ea, oia, anei?" ane ka leo liilii loa o Rose o ia ninau ana mai ana, no kona hopohopo o loheia mai kona leo e kekahi o na kupakako.

            "Oia maoli ka mea iloko lilo o kou puuwai i nei manawa. I keia manawa, e ike iho oe nou iho, owau ka mea nana e hookele nei i keia hui, nolaila, aole e na ana kou makemake ahiki i ka lilo ana mai iau o kekahi mau mahele nui o keia hui."

            "E hoohiki mua mai ana nae oe, e lokepa. e mare mai ana oe iau?"

            "E hoohiki aku ana au imua ou ma ka inoa o ka Mea Laahia oe iau?"

            "Heaha ia mea huna laahia loa au?" i ninau mai ai o Rose me ka leo okalakala.

            "O kuu aloha ia oe, e kuu dear. E Rose, aole anei ou ike iho aole kaikamhine e ae i hiki e paa i ka malamalama mai kou maka aku. o oe wale po. O ke aloha no kou. e kuu dear. E pono au e hoi ae i kou rami."

 

            Mokuna IV. Lanakila ke Aloha Mamua o ka Hewa.

           

            I ka hoe ana aku o Elese i ka hale hoike aku la oia i kona mama ame ka kaikuaana no kona laki no ka loaa ana o kekahi hana maikai nana maloko o ka halekuai, a oiai ua nui no ka laua mau ninau o ka niele ana mai i ua o Elese, a ua paneia aku no hoi ka laua mau ninau apau me ka maikai, aole laua i ike i kekahi kumu maloko o ka Elese mau mea i hoike aku la ia laua a laua e hopohopo iho ai nona.

            "Ua nianu pu mai laua iaia ma ka mea e pili ana ia Mokana. kona ano, a pela aku, a ua hoike aku oia i na mea apau ana i ike ai no Mokana : he mea maa mau i na mea apau o ka mea huna i oi loa aku ka makemakeia oia ka ua o Elese o ka hoike ana aku, oia hoi ma ka mea e pili ana i kona halawai ana me ka ulia poino ame kona hoopakeleia ana e Hale Venona, e like me ia au e ka mea heluhelu i ike mua ae nei.

            No kela ulia poino i halawai ai me ia ana hoi o ka waiho ana a mahope loa alaila hoike aku ua noi aku oia e huikalaia mai, a o kana kumu o ka hoike ana aku, aole on a makemake e lilo kona halawai ana me ka ulia i mea e hookaumahaia aku ai ko laua mau noonoo, a e lilo ai paha ia i kumu ikaika e kaohi ai iaia mai ka hele ana aku i ka hana.

            O ka mea huna nae e pili ana i kona aloha ana ia Hale Venona ua hunakele loa oia ia mea maloko loa o kekahi keena huna o kona puuwai, ua huna pu i ka Hale Venona mau mea o ka hoohiki ana mai imua on a no ko laua hui hou, o ke kumu no ana o ka noonoo ana iho aohe loaa iaia na huaolelo kupono e hoakaka aku ai oia ia mea imua o kona makuahine.

 

            Oiai o Keie e hoolohe mai ana i ka Elese mau mea apau o ka hoakaka ana aku la aia mau iloko on a ka hopohopo kahi i nu ai no kona kaikaina, ke olelo mau iho la oia iloko on a aohe pono iki i kona kaikaina ke hele aku e hana maloko o ka halekuai, eia nae, aohe hoike ae o ka makuahine o laua i kekahi manao e kokua ana i kona manao, a no ia nele kani wale iho la no kana uhu e hoike ana i ka nui o kona kaumaha.

            No na olelo akeakea a Keie iaia aole e hele i ka hana ua akaaka wale aku la no o Elese iaia : ma kekahi kakahiaka ae ua heie  aku la ua o Elese i ka halekuai me ka hauoli, me ka honi ana aku ia Keie no hapa kakini manawa, me ka olelo pu aku aole oia e kaumaha nona, a i ka pau ana o ka pule o loaa ana ia lakou ewalu dala no ko lakou mau hemahema o ka noho ana.

            Ma ke alanui mua no ana o ka hele ana ma ke kakahiaka mamua aku malaila no oia o ka hele ana aku aole oia i ike i kela halawai ana oua me ka poino ma ka la mamua aku a imi ae i alanui okoa, a i kona hoookokoke ana aku i ke alanui Umi-kumamaha, hoomaka ae la e pinapinai ka hanu ana, me ka pii ana ae o ka ula ma kona mau papalina.

            Me ka awiwi wale ia hele ana aku ana ma ke alanui Dorodawe a ae aku la ma kela aoao me ka palekana, a kamoe pololei aku la kana hele ana ma ke alanui Umi-kumamaha, i ke kokoke ana aku i ka halekuai, ae aku la oia ma kela aoao o ke alanui ma kahi hookahi no a laua o ka ae ana aku me Hale ma kala mamua iho, a ma kahi  no a laua o Hale o ka hele ana aku a ku mawaho o ka halekuai, malaila no oia o ka hele ana aku.

            Iaia i komo loa aku ai iloko o ka halekuai a liui aku la me Mokona ua hookipaia aku la oia me ka hauoli, a mahope iho o kona ike ana me Mokana, ua laweia ae la oia e hoolauna ia Rose Piasona. ke kupakako poo o ke keena e kuaiia ai na lihilihi.

            Haawi ae la o Elese i kana kunou haahaa loa ia Rose Piasona ma ko laua manawa i hoohalawai ia ae ai, a elike no hoi me ka poe akahiakahi ke ano hoohilahila i kinohi no ka nana pono mai o kekahi mau kaikamahine okoa aku iaia, pela iho la no ko Elese ano ia manawa, mahope o ka nana kaholo ana mai o lakou mai a Mokana a iaia me ka ano hoohnoi.

            "He mea anei kekahi i olelo mai ia oe he kaikamahine ui oe, e Miss Beranadona?" i ninau mai ai o Rose, i ko Mokana manawa i hoi aku ai noloko o kona keena.

            Nana aku la o Elese i ka mea nana ka ninau me ka kahaha iloko on a no kela ninau ana, a pane aku la me ka malie loa e pai ole ai iaia iho :

            "Aohe põe e ae i olelo mai iau pela, o kou makuahine wale no ame kou kaikuahine."

            "Minoaka iho la o Rose o ke ano hoowahawaha, a hapai ae la i kona mau poohiwi iluna. a mahope o kona hoolauna ana aku ia Elese i kekahi mau kaikamahine e aku oloko o ka rumi kuai lihilihi, alakai aku la ia Elese noloko aku o kekahi runni, kahi a ua o Rose ame Mokana o ka u kuka ana ma ka la mamua aku.

            "Olelo mai o Mokana iau e ao aku au ia oe i ka hana maloko o keia rumi, o kahi keia e kuaiia ai na lihilihi o na ano apau, e Miss Bernadona, nolaila e haawi aku ana au i keia buke ia oe no kau nana ana iho i na ano lihilihi."

            Me ko Elese hoohuoi ole iho kau mai la oia i ka buke iluna o ke pakaukau kuai i anaane e nalowale loa ae i ka paa i na lihilihi e kau ana iluna o ka laau, a hoomaka iho la e nana, me ka hooikaika mau e loaa iaia ka ike i kela ame kia ano lihilihi ame ko lakou mau kumukuai pakahi.

            Aohe i mopopo iaia kona loihi o ka noho ana malaila, a ia aea ana ae ana iluna akahi no oia a ike mai he mea ka kekahi e ku aku ana e nana iaia, a ia ike ana mai ana i ke mea e nana pono aku ana iaia, pii ae la ka ula ma kona papalina.

            "Aohe anei ou mau maka e nana mai ai i kekahi poe e ae no kena mau lihilihi wale no. e Elese?"

            "E Mr. Venona, ua maopopo iau he mea kekahi e nana mai ana iau, aka uo ka lilo loa hoi o kou maka ame kou noonao maluna o keia mau mea. ua haawi ole au i manawa no ka nana ana aku. Iehea i maopopo ai in oe eia au maanei?"

            Alaila nee aku la o Hale Venona a pili i ke pakaukau kuai a kamailio kau la me ka leo liilii loa me ka i ana aku"

            "Ina no aole oe e loaa iau maanei e loaa aku ana no oe iau ma kekahi wahi o keia halekuai, Aohe anei ou hoomanao i kau i olelo aku ai ia oe e hui hou aku ana no kaua?"

            Hoomanao ae la o Elese ua hoolimalimaia oia e hana a e ukuia mai ana oia no kana hana, aole no ke kamilio wale e hoopau manawa wale ai, a no ia manao pii ae la ka, ula ma kona mau papalina a i mai la nae: @@@@@@@@@@@@@@@@@@@@

            "He hauoli kou i ka ike ana aku la ia oe e Mr. Venona. a oiai ke ike mai la no hoi oe he hana kau aole pono iau ke hoopau manawa wale ma ke kamailio ana me oe no nei manawa."

            Nee ae la o Hale i ka akaaka no nei mau olelo a Elese, a lele aku la kana nana ana i kahi e maluna o Rose. oiai oia e hele mai ana ia manawa me ka i ana mai:

            " O ke aloha kakahiaka no kou. e Mr. Venona. O Miss Beranaona keia, he kaikamahine makemake hana a o kona komo koke ana mai nei no ia ianei.

            Haawi aku la no hoi o Hale i kona aloha iaia me ka minoaka pu ana aku, aia kekahi manao pohipohi iloko o Rose elike me ia e ikeia aku ana ma kona mau maka, a i aku la ia Rose :

            " Malia paha he mea pono ia ia oe ka hoike ana ae ia Miss Beranadona aole ia he hana ku-e i na rula kona kamailio ana mai iau, oiai ma kekahi manawa i hala iho la ua olelo mai nei oia iau, oiai ma kekahi manawa i hala iho la ua olelo mai nei oia iau he hana kana i haawiia mai ai e hana, a ua manao oia aole pono iaia ke hoopau manawa wale ma ke kamailio ana oiai oia e hana ana, aole paha oia ke kumu, aka i kuu manao ana iho nei he makau kona i kona haku no kona oleloia mai  i ke kamailio wale no aohe hana."

            Nee ae la o Rose i ka akaaka no nei mau olelo aku la a Hale a i mai la : "Manao au he hana ku-e io no i na rula ke kamailio ana aku on a me oe e Mr. Venona," a huli aku la oia hele me ka hehe o ka aka, no ka nana ana, aku i kana hana ma kekahi aoao o ke pakaukau kuai.

            " Ke ole au e koho hewa, e Elese, ua hoopohihiia kou noonoo nou," i pane aku ai o Hale me ka leo liilii loa. "O kou lohe aku nae neia owau ke keiki a ka hoahui o keia hui a Harisona & Venona."

            "Pela!" i ninau mai ai o Elese me ka hauoli ame ka lamalama ana ae o kona helehelena. "alaila ia oe au i aie ai no kou aeia ana mai e noho hana maanei. O, maikai maoli oe. e Hale Venona!"

            " I hana hoi au ia no ke kokua ana aku ia oe. He makemake au e loaa aku keia manao ia oe he hoaloha oiaio aunou, oia wale no. aole ma kekahi  ano e ae," i pane aku ai o Hale ma ke ano e hoike aku ana he mea aloha a kokua oia i ka mea nele.

            " Ke ice nei au ia mea, a ke ike pu nei i ka nui o kou aie ia oe, a heaha ana la kau uku nui i kou lokomaikai?" i pane mai ai o Elese me ka leo kuio, oiai no nae kona mau maka e kulou ana ilalo a e nana iho ana i na lihilihi hoikeike e muu ana mamua o kona alo.

            Ke naua pono la ko Hale mau maka maluna o ka lauoho ehuehu i like me ke kilika ka hinuhinu maluna o ke poo o Elese. me ka nui o ka makemake  iloko on a e lilo o Elese i hoapili mau nona, i hiki ai iaia ke haawi aku i na mea maikai ma keia ao iaia, ina nei no ka lilo mai o kona mau lima ame kona naau iaia o hoopili mai iaia ma kona umauma.

 

            "He kupanaha," I namunamu wale iho ai no ua o Hale iloko on a, "aole au i haulehia i ke aloha i kekahi kaikamahine manua elike me keia au e ike nei i nei manawa. aole au i ike ia mea he aloha, aole i hoohakuikuiia kou puuwai me ia mea mamua, o keia ka makamua loa.

            " Ua nui a lehulehu wale na kaikamahine ui ao o ka ihe ana aole nae hookahi o lakou i kaili aku i kuu puuwai elike me keia kaikamahine, a e lilo ana paha auanei keia aloha o kimi hoopilikia i kou noonoo a e hiki ole ai iau ke hooka @wale mai iaia mai. ala wale no a ike aku iaia @@@@@ ka noonoo."

            No kekahi manawa loihi kona ku ana malaila a kamailio aku la ia Elese ma na mea e pili ana i ka hana, a maluna h@@ o na kumuhana like ole, me ke kamailio aku ma ia mau mea e hiki ole ai ia Elese ke hoohewahewa i kona mano. Ipu o ka mea i piha i ka hilahila ola e nana kaholo mai ai, eia nae iloko o ia manwa ke lelele wale la no loko o kona houpo me ka hauoli uo ka loaa ana o kana hana, a no ka loaa ana hoi o kekahi kanaka opio ui a waiwai i hoaloha nona, ana hoi e makemake loa ana ia manawa e lilo i ipo aloha nana.

            Ua poiua o Elese ia manawa i na olelo ao apau a kona makuahine i hoike mua mai ai iaia, o kana mea wale no e ike iho ana ia manawa aia ke aloha, ka makemake ame ka ii@@ ke hana ala iloko o kona puuwai no ke kanaka opio ui a waiwai e ku aku ana manua o kona alo, a e kamailio aku ana me na olelo maikai loa, me kona mau maka e naka pono aku ana iaia, me ka leo nahenahe, e kailii mi ai kona puuwai.

            Aohe oia i mopopo aku i ka na kaikamahine e ae e hana ana maloko o kela halekuai e kamailio mai ana nona, oiai ko lakou mau maka e kaukolo mai ana maluna on a me @@ manao lili a huahuwa ana i ike ole aku ai, a i ole mioamina paha nona.

            "Aohe pilikia o na kaikamahine helehelena ui. e loaa mau ana ka lakou hana maloko o keia halekuai me ka loaa o na kokua ame ka lilo pu i mea makemakeia," wahi a kekahi o na kaikamahine o ka pane ana ae i kekahi.

            "Laki no oia i ka lilo ana a Hale Venona i ipo nana." wahi hoi a kekahi o na kaikamahine. "E lilo ana oia i poonoloko o keia keena ma kekahi manawa kokoke ma nei mua aku." wahi a ka eha o na kaikamahine.

            Me nei mau olelo a na kaikamahine e noke mai la i ke kamailio hoohenehene iaia aohe a Elese mau mea i lohe aku, hookahi wale no ane mea nui e noonoo ana ia manawa oia ke ku mau aku o ke kanaka opio ana i aloha ai mamua o kona alo. me ke kamilio a nana mau aku iaia. I ka manawa keia o ka haalele ana mai o Hale iaia, i ko ua o Elese nana iho ia manawa, me he mea la ua napoo ku ka la ia manawa, a ua pouli ae la ka honua holookoa.

            " Mamua nae o ko Hale haalele ana mai i ua o Elese ninau mua aku la o Hale iaia ike i ana aku : "E hauoli ana no anei oe in a e hele hou main ana an e ike ia oe?"

            No kekahi minuke ke kali ana o ua Elese me ka hiki ole ke pane mai haina no ke Hale ninau. ke ku mai la oia me ke kulou o kona poo ilalo, a i ka hala ana o ia manawa i mai la me kahi leo liilii loa :

            "He hauoli mau au ke ike aku  ia oe, a no ka mea, ua nui kou aie ia oe."

            O ko Hale huli aku la no ia hele, a iaia i hele aku ai me he mea la i lewa wale no oia e helu ia. a maloko o kona naau me he mea la he akana nui kana e lawe pu ana ia manawa. "O. he anela kona hoa like!" wahi ana iaia iho. "Ke ike nei au ua aloha oia iau. a in a pela oia aku ana kau wahine e mare ai. E na lani, e kala mai iau no kou hoao ana e hoopaumaele i kona maemae!"

            Ma kela manawa aia maloko o ka rumi ma-lu o ka hui maluna o Mr. Venona, ka makuakane o Hale kahi i noho ai me ka helehelena haikea, e nana pono mai ana ia losepa Mokana, ka lunahoohana o ka hui, a e kamailio mai ana hoi me ka leo haalulu :

            "E Mr. Mokana, ua loau ia oe kau meahuna. Ke ku nei mawaena ou ame ka hilahila nui ame ka poino pu hookahi mea alalai : oia hoi ka mare mawaena o Hale Venona ame Mabela Harisona. E oluolu oe e hooikaika aku i mea e hookoia ai ia mare, a nau no ia e koho mai i kou uku, na maopopo ia oe ia mea."

            "Mai hookaumahaia kou noonoo no ia mea, e Mr. Venona nau ia e hana aku ahiki i ka hookoia ana o kou makemake. ke hooiaioaku nei au ia mea imua ou," wahi a losepa Mokona i pane aku ai.

            Alaila ku ae la o Mokana iluna a hele aku la iwaho mai ka rumi aku i kona manawa i lohe aku ai i ka leo o Mr. Harisona mawaho mai o ka rumi a i ua o Mokana i hele aku ai, namunanum iho la oia i nei mau olelo :

            "Eia ka puu pepa hahau iloko o kuu mau lima, a he hana maalahi loa nau ka paani ana aku ma ke ano au i makemake ai e hanaia mai elike me kau i makemake ai. O ka mare oiaio mawaena ia o Hale Venona ame Mabela Harisona a o ka mare hoopunipuni mawaena o Hale ame Elese, a ia manawa e kaa mai ai ka makuakane ame kana kei@@mlalo o kou mana. ma ke ano o kou uka ia no ka hana. a iloko o ka manawa pokole ma ia hope aku owau ana ke p@@o keia hui.

            "A, e Hale!" i hooho ae ai ola me ka leo nui, alaila hooliilii iho la i kona leo a kohu hawanawana, "ua ike anei oe i ko ipo i keia kakahiaka? (No Elese ka manao o nei ninaa ana). "O, oia kekahi o na uhane maemae loa i hoohuaia mai i keia ao a kekahi kanaka i ke mua ole ai ia mea he ui, a he nani, a he maemae, a no ia nani i haulehia ai oe i ke aloha : aole nae oe e mare ana me ia ma ke ano kupono a maikai elike me ia a ko makuahine i makemake ai e mare aku ana oe me Mabela Harisona, me ka napa ole i kou hoole paakiki lua mai."

            Ua nanea loa o Mokana i ke kamailio nona iho a ua ho@ puiwa loa ia oia i ka manawa i poha mai ai ko Hale leo i ka i ana mai :

            "Uwoki kou kamailio ana i kekahi mea no kela kaikamahine au i koho ai uia aku ana kau wahine e mare ai! Aohe

 

                        Mokuna V.--No ka Pono o Kona Makuakane.

 

            Aohe kanalua ana no ko Hale manao i ka manawa ana i kamailio aku ai ia losepa Mokana me ka lelo kuio o Elese kaua wahine e mare aku ana @ no kekahi manawa me h@ mea la i ka Mokana noonoo iho e lilo ana kana papahana i hoolala ai i mea hooko ole ia, me he mea la he opala wale no i puhiia aku e ka makani a nalowale.

            "E hoolilo ia Elese i wahinemare nau? O kela wahi kaikamahine ilihune ka la oia iho la kau wahine e manao aku ai e mare?" wahi a Mokana.

            "He oi aku ka maikai o ke kaikamahine ilihune haahaa e hana ana no kona pono mamua o kekahi kanaka hanohano a waiwai palaualelo e ola ana maluna o ka ili honua." i pane aku ai o Hale.

            "Aole au e hoole aku ana i ka pololei o kau i olelo mai la. e Hale, o ka ninau nui oia keia, ua naauao anei oe@ma kau koho ana o kela kaikamahine ilihune iho la kau wahine e mare ai? E hele aku kaua noloko o kuu keena malu a malaila kaua e kamailio ai no keia mea."

            "Ke ike ole nei au i kekahi mea e kamailio ai me oe. e Mr. Mokana, ua kamailio aku nei au ia oe i kau mea e kamailio aku ai. a ua lohe aku nei oe, i mea nou e kamailio @@@ole mai ai i kekahi mea e kue ana ia Miss Bernadona, ka@@ea au i makemake ai e lilo i wahine nau in a no kona ae mai." i pane aku ai o Hale ma ke ano hookiekie.

(Aole i pau.)