Ka Nupepa Kuokoa, Volume LVIII, Number 32, 6 August 1920 — Page 6

Ka Nupepa Kuokoa

KE KILOHANA POOKELA NO KA LAHUI HAWAII.

He Moolelo no

MAGARITA ADAMU

a i ole

Ka Hoohokaia Ana o na Manao Lapuwake o

ka Mea Kolohe Ka Papahi Ana o ka Mea

Hoopono i ka Hanohano me ka Waiwai

 

            "E hoike aku anei a@ ia oe, i kau mea i haawi aku ai i ka leka au i kakau?" me ka haka pono loa ana mai o ka nana ana a Kapena Rede maluna o kana kauwa, ae makau kau aku ana o Robaka e kamailio, ua papa e mai la nae kona haku iaia, me ka i hou ana mai o Kapena Rede:

            "Aole au makemake e hoomahuahua mai oe i kou lioo punipuni ana iau. He hookahi wale no aw mea e mahalo aku nei ia oe e Robaka o ia no ka hiki ole ia oe ke hoike i ka hoopunipuni ma ke ano e nalo ai; a o ia kau e olelo aku nei ia oe, aole he mea ae au i haawi aku ai i kela leka. aka ia Kalani Fiki no ia."

            "Pehea i maopopo ai ia oe, ua haawi aku au iaia?" i wikiwiki aku ai o Robaka i ka pane ana me kona ike koke an@ iho nae, i ka lilo ana o kela pane i mea kumakaia iaia.

            @ole no au i ike. aole no he mea nana i kamailio mai iau, na @@ mau ano i hoike mai aole oe i kamailio mai i ka mea pololei."

            I kela manawa nae, i ku mai ai o Tede iluna, a i mai la "He mea makehewa wale no kou hoopunipuni hou ana mai e Robaka. no ka mea oway, ponoi ka mea i ike i kou haawi ana i kela leka ia Kalani Fiki."

            "Pheha auanei e hiki ai ia oe, ke ike mai iau. oiai he poeleele i kela manawa. a owau hookahi wale no me Kalani Fiki maluna o ke kaa," me ka hooki honua ana iho nae o ua o Robaka i kana kamailio ana aku, no jona ike ana iho, ke alako aku la no oia iaia iho iloko o kahi e ahuwale ae aika noaluna mawaena one ame Kalani Fiki, aia hoi kona mau maka, ke nana la mai ia Kapena Rede ae a ia Tede, elike me kekahi mea i hana maoli i ke karaima, e ake ana e pakele mai kahi paa aku.

            "O ka oiaio, a o ka oiaio wale no kau i makemake ai ia oe e Robaka e kamailio mai, he mea makehewa wale no nou. ka hoomau ana mai i ka hoopunipuni ana iau. Ua ike au i na mea apau i hanaia e oe ame Kalani Fiki, a koe aku ka huina o na dala, a Kalani Fiki i kipe mai ia ia oe, no ke kaa aku o kela leka malalo o kona malu."

            Elike nae me ka olapa ana ae a ka uwila a nalo aku, pela iho la i loheia aku ai ka leo kapalili o ka ole e wawalo hele ana ma na wahi apau o ke kahua o ka helakoa, ia manawa i hoopoina aw ai o Kapena Rede no Robaka, no Miss Adamu, a no Tede hoi, o ka noonoo wale no iloko on a, o ia ka hana i haawi aku ai oia i kana hoohiki, no ka pono o kona aupuni, ia wa i ku okoa aw ai oia iluna, me ka hawele ana ae i kana pahikaua ma kona puhaka, aole nae oia i makaukau, weheia mai la ka puka, me ke ku ana mai o kekahi o na kakiana, e kakali ana o ka loaa aku o ke kauoha no kana mea e hana aku ai.

            "E haawi aku i ke kauoha no ke ku laina ana o ko kakou puali!" wahi a Kapena Rede imua o ke kakiana, a me kona alawa ole aku i kona mau hoa olelo  o na minuke mamua iho, o kona oili aku la no ia iwaho, a hele aku la nomua o ka halekoa, kahi e akoakoa mai ana o na aliikoa o na puali e ae.

            I loko o ka manawa pokole loa, mahope iho o ka haawiia ana ae o ke kahea i na pualikoa apau e ku laina, aia kela ame keia ma kona wahi iho, a i ka haawiia ana mai o ke kauoha, no ke kai ana o na puali imua, o ka wa no ia i haalele iho ai kela mau pualikoa, no kahi, o ka hana i makemakeia mai ai lakou e haawi aku i na kokua ana.

           

MOKUNA XXVIII

            E waiho iki aku kaua e ka makamaka heluhleu i keia wahi o ka mooleleo, a e hoi hou aw kaua i hope a nana ia Magarita, maloko o ka home o Kalani Fiki.

            He mea oiaio, aia iloko o Magarita ka manao hoowahawaha no Kalani Fiki, mamuli o na hana piha maalea a keia kanaka, o ka pahele ana iaia ahiki i ka hoea ana ma kela home, o ka mea wale no nana, i hoauhee aku kela noonoo mai iaia aku. no kona manao iho, he hana kupono ole paha ia oiai o Kapena Rede ame Nina Hilakona i hana mai ai i kekahi mau hana maikai maluna on a, a o kela no na hoaloha na laua i hookamaaina aku iaia me kalani Fiki.

            Mahope iho o ka haawi ana aku o Aline, ke kaikamahine lawelawe i ke kauoha e hoomakaukauia mai ka aina ahiahi, ua hoi hou mai la oia nokolo o ka rumi o Magarita, aole o Kalani Fiki maloko olaila. nolaila ua hoomaka koke aku la no o Aline e hoomakaukau ma ka hookomo ana i ka lole Magarita. He nui na lole nani maloko o kela hale, o kekahi nae o kela mau lole, ka Aline o ka lawe ana mai, me ka hoololiloli liilii ana, a i ka hookomoia ana aku maluna o Magarita, ua kupono maoli, a ke nana aku i ua kaikamahine nei. aole ke hiki ia kaua ke ike aku. oia no kela kaikamahine a ke kanaka lawaia ma Manakeka, aka o ka moiwahine kona hoa e kohu ai. Ku io aku la o Magarita mamua o ke aniani kilohi, a iaia i ike aku ai i kona helehlena, me kela lole nani akaahi no oia a ike io aku i kona wahine ui, a o ia kana o ka hooho ana ae:

            "Ke hauoli loa nei au i ka ike ana i ka pololei o na mea a kou mau hoaloha i hoike mai ai nou o ia hoi, aia na pomaikai nou ke kakali mai la, ma o kou wahine ui la. a ke lana nei koua manao, aole i makehewa kau mau upu ana aku e hoea io mai i ka hookoia ana o na mea apau."

            "Nawai no e ole ka hoohihi o ka manao o kuu haku ia oe, i kau a mea o kou ui maoli no," i pane mai ai o Aline @a Magarita. "Ua pau kaukani ia ae kou ui mamua o ka Madame Devere. Ina maloko o Parisa kou wahi e noho ai, ua hiki loa iau ke olelo ae. he hana maalahi loa na kekahi o ua keikialii. ka hele ana mai a kukuli imua o kou alo@"

            Aole i lilo na mea a kela kaikamhine kauwa e kamailio mai ana. i mea hoihoi no Magarita, eia nae aole oia i ike i kekahi kumu maikai e pakike aku ai i ke kaikamahine kauwa o ka mea pono wale no, o ia kona noho malie ana.

            I ka makaukau ana nae o ua o Magarita, iho aku la oia noloko o ke keena aina, aia hoi o Kalani Fiki malaila kahi i kakali mai ai iaia, me ka pana ole mai nae he hookahi huaolelo, aka ua hiki loa ia Magarita ke heluhelu aku i na mea iloko o ka manao o kela kanaka. ma ke ano o kona nana ana mai, a komo iho la ka manao hilahila iloko o Magarita. me kona kamailio okoa ana aku:

            "Ua piha maoli au me ka hilahila e Kalani Fiki, me ka hiki pono ole nae iau ke hoakaka aku imua ou i ke kumu oiaio, koe wale no keia, o ia kou kuleana ole, e komo i ka lole o kekahi wahine au i ike mua ole ai."

            "He mau manao lalau loa kena ou e Miss Adamu," i pane mai ai o Kalani Fiki," wahi a Kalani Fiki, me ka pii ana ae o ka ula ma kona mau papalina. Iwaena o na wahine apa@ ma ka honua nei o oe hookahi wale no ka wahine huapala, e makaukau loa ai kekahi kanaka e molia aku i kona ola no kou pono. Heaha la ia mea he makau ame ka make, in a e hopu aku ana kou mau lina. a kiola aku i kekahi kanaka iloko o ka luaahi."

            Aole he maikai iki o kela mau olelo a Kalani Fiki i ka noonoo o Magarita, me kona noonoo ana iho, ua oi loa aku ka hauoli i loaa iaia ma Manakekea me kona kulana nele, mamua o kona hoi ana mai no keia wahi e noho ai. me ka lilo ole o na meaai maika, ame na lole nani. i kumu e hoohihi ai kona manao, oiai ke ike okoa mai la oia. aia kekahi manao epa o ke kolohe iloko o Kalani Fiki.

            Ikekoke@ aku la o Kalani Fiki, aia kekahi mea iloko o Magarita e holopono ole ai kana papahana i hoolala mua ai, no laila, hoao mai la oia e hoomalimali, ma ka olelo ana mai. 

            "Peha la oe e Magarita i hoohalike ai ia oe iho me kekahi kii mahala, ka hoike ole mai i kekahi mau ano ohohia no na mea nani e hoopuni nei ia oe, o ka iini a kuu puuwai o ia no ka hookomo ana mai o ke Akua iloko ou i kekahi manao, e lilo kou noho ana ma keia wahi i mea hooluolu aku i kou ma umanao."

            "Pehea ka nani ame ka maikai o kekahi wahi, aole no ia he kumu e konoia aku ai kekahi mea, e komo iloko o na hauoli ana, in a ua hoopuniia kona ola ana e na mea pohihihi he nui."

            No ka manawa mua loa, i komohia aku ai na manao huhu me ka hoonaukiuki iloko o Kalani Fiki, aka. i wahi nae e ike ole ia aku ai kela huhu on a, noke okoa ae la ua o Kalani Fiki i ka akaaka ma ke ano hookamani, oiai nae o ka noonoo iloko on a. ua like loa ia me ka mea e olelo mai ana.

            "E ike na oe i ko mini, no kau mau olelo i kamailio mai nei, a ke hoohiki nei au. aole e moe kuu mau maka, ahiki i ka hookoia ana o kuu iini maluna ou," a laila kamailio okoa ae la oia me ka leo nui:

            "O oe ka wahine mua loa a'u i ike ai, i ka lilo ana o na olelo hoohauoli, i mea makemake ole ia; no ka nui o na wahine, in a e lohe ana i ko lakou paiia aku, aole ana e nele ka hoohauoli loa ia o ko lakou manao."

            "Ina ua hoopilikia aku kou noonoo, mamuli o na mea a'u i hana aku ai imua ou i keia la ea, alaila e huikala mai oee Mr. Fiki iau me ke kau okoa ana aku o ua o Magarita i kekahi lima on a iluna.

            Lalau aku la o Kalani Fiki i ka lima o Magarita, a hoopili ae la i kona mau lehelehe, me ke kamailio ana mai: "Aole au mea e nonoi mai ai iau e huikala aku ia oe, pehea la kau mau mea e hana mai ai iau, ua huikala mua aku au ia oe mamua o kou nonoi ana mai. Ua makaukau na meaai i keia wa, e komo koke ae kaua noloko o ka rumi aina, o lohi loa auanei kaua, i ka hele ana aku i ka nana keaka i keia ahiahi!" o kona lalau mai la no ia i ka luma o Magarita, a alakai aku la noloko o ka rumi aina, kahi o na meaai ono e kakali mai ana ia laua nei.

            Aia o Kalani Fiki ma kekahi aoao mai o ke pakaukau, a pela no hoi i Magarita, ma kekahi aoao mai, a ia laua e ai la, aia wale no na makao Fiki maluna o Magarita kahi i nana ai, no ka mea ua hele ke kuko ame ka makemake iloko o ua kanaka nei a nui, no Magarita, me kona aloha okoa ana aku i kela kaikamahine, a oi aku mamua o kona aloha i kana i mare ail a i ka nana aku me he mea la, o kana mau mea aloha apau o ka wa i hala, ua auhee loa aku lakou mai iaia aku.

            Oiai laua e ai ana, me ka uuku loa o na olelo e kamailio ana mawaena o laua, ua ninau mai la o Magarita i ka i ana mai: "I ka manawa hea o Nina Hilakona e hoea mai ai no keia wahi?"

            "I na i makemake oe e ike iaia, ua hiki loa iau ke hoouna aku i kelekalapa i keia manawa me ka hoohakalia hou ole aku," wahi a Kalani Fiki, me kona ku okoa ana ae iluna a hele aku la a kokoke loa ia Magarita, ke hamohamo wale aku la no kona mau lima ma ka aoao o ua kaikamahine nei. me he mea la ua hele ka makemake a nui iloko on a, e honi aku ia Magarita.

            "Alaila manao no anei oe e hoea mai ana oia, ke loaa aku kau kelekalapa?"

            "Aole e hiki hou aku ia Nina Hilakona ke noho ma Manakeka in a au e hoike aku ana iaia, nou ka makemake iaia e hoea mai. E hoike aku anei au iaia pela?"

            Me he mea la iloko o ka noonoo o Kalani Fiki i kela manawa, he oi loa aku ka pono e hoea koke mai o Nina Hilakona, a ma on a wale la no e hiki ai ke paheleia aku ka noonoo o Magarita ahiki i ka ae ana mai i na manao lapuwale o ua kanaka nei, aia hoi kona mau maka, ke haka pono loa aku la maluna o ka helehelena nohea o ke kaikamahina opio, me ke kakali ana kau i kana pane, a o ia ka Magarita o ka i ana mai:

            "Ina hoi paha o Nina Hilakona kekahi maanei, aohe au mea e hopohopo ai, nolaila he mea maikai ole kei ao kou noho hookahi ma keia wahi malihini," i pane aku ai o Magarita, me ka luliluli ana ae o kona poo.

            "Elike me kau i makemake ai e Miss Adamu, pela no e hookoia aku ai, e kauoha aku ana au iaia e holo mai no ka halawai pu ana me oe e Miss Adamu. Aole he manawa hou aku no kaua e kakali ai, ua makaukau ke kaa. aia mawaho kahi i ku ai, i hakalia ia kaua, o ko kaua holo pololei noia no ka halekaka."

            Elike me kekahi keiki hipa imua o ka mea nana e ako mai ana i kona hulu, pela iho la o Magarita imua o Kalani Fiki, aohe mea hiki i ua kaikamahine nei ke hana ae, o ka hooko wale aku no i na makemake o kela kanaka, nolaila lalau aku la oia i kona paple, a kau ae la ma kona poo, komo mai la no hoi i na mikinilima, a o Kalani Fiki ka mea nana i hookau mai i kona kuka koloka ma kona kua, a ke eeke wale la no oia. i ka wa i pa mai ai na lima o ua kanaka nei ma kona ai, iaia e pihi ana i kekoloka a i ka makaukau ana o na mea apau. alakai aku la o Kalani Fiki noluna o ke kaa.

            Ma kela alahele a laua e holo la maluna o ke kaa no ka halekeala, iloko o ka noonoo o Kalani Fiki, o kela kekahi o na manawa i hoopiha loa ia ai oia me ka hauoli, aole i lio ka loihi o ke alanui i mea nona e uluhua ai, i kona ike maoli iho no, i ka lelele mau o kona oili oiai o Magarita e noho ana ma kona aoao.

            Aole no he mau hana hoopilikia wale mai a kela kanaka i a Magarita, ke noke wale mai la no oia i ke kamailio ma na kumuhana lehulehu e hoohoihoi mai ana i ko Magarita ma kumuhana lekuleku e hoohoihoi mai ana i ko Magarita ma nao no na pomaikai e kakali mai la iaia, mamuli o kela mau kamailio ua auhee loa aku ka makau ame ka hopohopo mai ke kaikamahine opio aku.

            Ke noke la ua o Kalani Fiki i ka naanui, i ke ano o na anaina hoohauoli, no ka mea ua makemake oia e komo aku ka hoohihi loko o Magarita no ka pohai o ka poe hanohano, a i kela ame keia manawa, e hoke okoa ae ana ua kaikamahine nei i ka akaaka, no kona piha loa i ka hoihoi i na moolelo like ole ana e lohe aku la i ka hoike mai o Kalani Fiki, na mea hoi ana i ike mua ole ai, iloko o kona ola ana.

            O kela ano eeke on a ia Kalani Fiki, ua auhee loa aku ia mai ia Magarita aku, no ka mea ma kela holo ana aku a laua no ka halekeaka, aole he hookahi manawa a ua kanaka nei i hoao aku ai, ma kona ano kolohe e hoopilikia ia Magarita, aka ua hoikeike wale aku no oia i kona kulana keonimana, a i ke ku ana aku o ke kaa mamua pono o ka hlaekeaka, lele e aku la o Kalani Fiki ilalo, a lalau mai la i ka lima o Magarita, me ke kokua ana aku i ua kaikamaine nei, ahiki i ko laua ku like ana aku ma ka aoao o ke kaa.

            Oiai ua hoea mai i ka wa e hoomaka ai na hana keaka, ma kela p@, aole laua nei i hoohakalia wale iho, aka komo aku la laua iloko, me ke alakai loa ana aku o Kalani Fiki ia Magarita, no kekahi mau noho i hookaawalei, a i ka noho ana iho o Magarita ilalo, i miki koke mai ai o Mr. Fiki a wehe ae la i ke kuka koloka mai ia Magarita ae, a no Magarita hoi. ke nana wale la no oia ma o a maanei o hakekeaka, i hele a piha i na kanaka, no ka mea o keia no ka makamua loa o kona hele ana malojo o kekahi halekeaka.

            Ia laua nei e noho ana ma ko laua mau noho, aia na ohenana he hui k ehoohuli pono ia mai la maluna o Magarita, aohe nae he ike aku o ua kaikamahine nei i kela mau ohenana, no ka mea ua lilo kona noonoo, no na hiona nani ana e ike la maloko o ka halekeaka, a ua hoopihaia mai no hoi oia me na manao hauoli o ka ulumahiehie no kona ikemaka ana i kekahi mahele o na mea i haanui ia aku iaia no ke ano o ka hanakeaka.

            Aole i loihi iho ka laua noho ana, ua hoomaka mai la ka poe hookani pula e paani i kekahi himeni opera auwe, ke nana aku i na o Magarita, ke oni wale la no oia i o a ianei, a i ka uuia ana ae o ka paku a hoomaka mai la ka poe hanakeaka i ka lakou mau hana, ua hoopiha loa ia mai oia me na haawina ilihia, ahiki i kona koho maoli ana iho iloko ona aole loa oia e hoi hou aku ana iloko o kela ano kahiko o kona ola ana.

            I ka manawa i pau ai kela mahele o na hanakeaka, a hookuuia iho la hoi ka paku ilalo ua loheia aku la na lea huro me ka paipai o na kauaka, ua like kela mau mea, me ke kahe ana la a ka wai o ke kahawai, e holo ana iloko o na aakoko o ua o Magarita.

            Oiai nae ua o Magarita e hoonuu la i na hiona kamahao ana i ike ole ai mamua, aia hoi kekahi mahele o ka poe maloko o kela halekeaka, maluna on a kahi i nana pono mai ai, a ke ike la o Kalani Fiki, e hoea mai ana i ka manawa o koii mai ai o Magarita e komo aku iloko o na hana keaka.

            i ka wa nae i hohoalii iho ai ka maluhia maloko o ka halekeaka, ia wa i huli mai ai o Magarita a kamailio aku la ia Kalani Fiki. I le keu maoli aku ka nani o kau mau mea apau i ike ai ma keia po, a ua aie nui au i kou lokomaikai no ka mea in a aole oe i lawe mai nei iau. aole loa au e ike i na mea i hanaia i keia po na mea hoi i noho pouliuli loa ai au i na makahiki aku la i hala o kou ola ana.

            Aole a Kalani Fiki pane no kela mau hoakaka a Magarita koe wale no kona haawi ana mai i kekahi minoaka ma kona mau papalina.

            i ka manawa hoi i pau ai na hana keaka ma kela po ua hookau hou aku la o Kalani Fiki i ke kuka koloka o Magarita, a o ko laua haalele iho la no ia ialoko o ka halekeaka, ke nana aku ia Magarita, aole on a wahi mea a noonoo ae no ke anaina e hemo nei iwaho, no ka mea ua hoopiha loa ia kona noonoo no kana mau mea i ike ai i ka hanaia mai e ka poe keaka.

            ia laua nei nae e hemo nei iwaho, ke hikinai aku la o Magarita ma ka linma o Kalani Fiki e paa mai ana iaia, a e noke aku ana no hoi ua kaikamahine nei i ke kamailio, me ka hoomaikai pu aku ia Kalani Fiki, no kona oluolu me ka lokomaikai o ka lawe ana iaia ma kela po e nana keaka aka no kela kanaka nae ke ike mai la oia i ka loli loa o ko Magarita mau ano, mai kela eeke mai iaia, a i ka hoihoi maoli a o ia ka ua kanaka nei o ka i ana iho i loko on a, e eha ana o Magarita iaia, ke hoea mai i ka wa pono.

            Ke awiwi la ka Kalani Fiki hele ana, me he mea la aia ka manao hopohopo iloko ona no kekahi mea hakalia no ia laua a hoea mawaho o ka halekeaka o kona lawe pololei aku la no ia ia Magarita no kahi o kona kaa i ku ai malalo pono mai o kekahi pou ipukukui e kakali mai ana no ke kalaiwa kaa ia laua nei a iaia i hookomo aku ai ia Magarita iloko me kon@ kau pu ana aku no hoi a pani mai la i ka puka o ka aoao o ke kaa ike mai la oia i kekahi kanaka opio e kiei aku ana mailuna aku o kekahi kaa e ku ana ma kekahi aoao mai o ke alanui o kona haawi aku la no ia i ke kauoha i kona kalaiwa e hili aku i na lio aia ka pono o kona kaawale koke aku mai ka nui mai o na kanaka.

 

MOKUNA XXIX

            O kela kanaka opio a Kalani Fiki o ka ike ana aku i ke kiei ana mai mawaho o ke kaa aole no ia he mea okoa aku aka o Tede Dougala no ia ke kanaka opio i ka uai ka weli ia Kalani Fiki no ka loaa pono mai o kana mau hana kolohe o ka epa maluna o Magarita.

            I mea e loaa ai ia kaua ka ike e ka makamaka heluhelu no ke ano i hoea ai o Tede maloko o ka halekeaka, he mea pono ia kaua ke hoi hou aku ihope ma kela manawa o ka haalele ana iho o Kapena Rede iaia maloko o kona keena i ka wa i loaa aku ai ke kauoha i ke kapena koa no ka nee ana aku o na pualikoa no ke kahua o ka hana i makemake ia ai.

            Mamuli o kela kauoha no ka nee ana aku o na pualikoa mailoke aku o ka halekoa ua palaka pu maoli ko Tede noonoo no Robaka ke kauwa a Kapena Rede a i ka hala ana aku hoi o na pualikoa a au ae la kana nana ana no Robaka ua nalowale aku ua kanaka nei oi noke oia i ka huli aole he loaa iki iaia o kana nae i hoohoo iho ai o ia nokona hakilo pono ana aku i na hana a kela kanaka oiai oia maloko o ke kulanakauhale o Nu Ioka.

            No kona manao, aia paha o robaka ma na rumi i maa ia Kapena Rede i ka noho ma kekahi o na hale hoolimalima hele pololei loa aku la ua o Tede malaila i kona ninau ana aku i na kauwa lawelawe o keia hale ua hoole mai la lakou aole i ike ia Robaka malaila aka e waiho mai ana nae na ukana o Kapena Rede a Robaka o ka hoouna ana mai Manakeka mai.

            Mai kela hale hoolimalima aku i hele hou aku ai o Tede no ka halelio e waihoia ai na lio o Kapena Rede aole no i loaa aku o Robaka iaia malaila ua hoole mai no ke kanaka malama halelio no ka hoea ana aku o Robaka aole no hoi i hoea mai na lio o Kapena Rede.

            O ka ua o tede nae i kauoha aku ai i kek kanaka o ka halelio in a e hoea aku ana o Robaka malaila me na lio o kona haku alaila e hakilo pono loa oia i na hana a kela kanaka a e makaala loa hoi i kana whi e hele ai ame kana mau mea e hana ai.

            No kahi ole a ua o Tede e hoohala ai i kona mau hora o ke ahiahi ua hele holoholo wale aku la no ia ma @@ alanui a ma na ulia laki ua halawai aku la oia me kekahi mau hoaloha kahiko on a kela mau hoa no e hele like ai lakou i ka holoholo o ko lakou hele aku la no ia maloko o ka halekeaka.

            Ua loihi loa keia hele ana aku a lakou o ke keaka hope loa ke paaniia ana ma ko lakou manawa i komo aku ai iloko o ka halekeaka me ka loaa ole he wahi no lakou e noho ai nolaila ua ku wale no lakou iluna ahiki i ka pau ana o na hana ma kela po.

            No keia komo lohi loa ana aku o Tede iloko o ka halekeaka aole oia i ike mua ia Magarita ahiki i ka wa e puka ana o na kanaka iwho akahi no oia a ike aku i ka hilinai o ua kakamahine nei maluna o ka lima o Kalani Fiki ua hele no hoi na papalina o ua kaikamahine nei a lamalama i kau a mea o ka piha hauoli no kana mau mea i ike ai.

            No kela ike ana aku a ua o Tede i ka hoihoi maoli o Magarita, iaia e hele pu la me kekahi o na kanaka kolohe ino loa maloko o ke kulanakauhale o Nu Ioke, us hoopiha loa ia aku oia me na manao kahaha, me kona olelo okoa ana iho iloko on a in a he wahi hoailona kekahi maluna o ka helehele na o Magarita e hoike mai ana no kona hoihoi ole ia Kalani fiki in a ua hele okoa mai oia a hoopakele ae i kela kaikamahine mai ka mana mai o Kalani Fiki.

            Awiwi aku la ka Tede hele ana ahiki i kona hoea ana aku iwaho o ka halekeaka me kona holo koke ana aku a kau iluna o kekahi kaa e ku ana a mailaila mai oia i nana mai ai ia flani Fiki i ka hookau ana aku ia Magarita iluna o ke kaa.

            I kela manawa a Kalani Fiki i ike mai ai iaia ua mae koke ae la kona helehelena a no ka manawa mua loa i mihi okoa ihoa ai o Tede no kona hoikeike mua ole ana aku iaia iho imua o Magarita eia nae ua lohi loa kela noonoo ana @@@ oiai aia ke kaa ke holo ia me ka puahia.

            Lele hou mai la ua o Tede iloko me ka holo ana ae po kekahi aoao o ke alanui me ka manao e hoolimalima aku kaa hou no ka ukali ana aku mahope o ke kaa e lawa la @ Magarita. ua paa mai la nae kekahi poohiwi on a i ka hopuna mahope mai a i kona huli ana ae e ku aku ana kekahi kanaka aoo ana e noonoo la aole oia i ike mua iaia na he@ hoi ka helehelena o kei kanaka a haikea, a e eueu wale a@@ no kona mau lehelehe.

            No kekahi mau sekona aole e hiki i kela kanaka ke kamailio mai me he mea la ua hele oia a piha loa i ke pih@@ hoi aka nae i ke akakuu ana iho o kela ano pihoihoi iloko on a akahi no oia a kamailio mai.

            "Ma kau mau mea o ka ike ana mai nei, ua maopopo iaia ua kamaaina mua oe i ka lede i kau aku nei maluna o kela kaa e holo la. Owai ka inoa o kela lede opio?"

            "O ka lede hea kau e ninau mai nei iau?" wahi a Tede me kona hakilo pono loa ana mai i ke ano o kela kanaka

            "Ke ninau aku nei au ia oe no kela wahine o ke kau pa ana aku nei me Kalani Fiki maluna o ke kaa?"

            "Pehea i maopopo ai ia oe ua kamaaina mua au iaia i hoonalonalo mai ai o Tede i kana ninau ana i keia kanaka malihini.

            "Ina hoi paha ua kamaaina mua oe iaia ea alaila e louloa oe e hoike mai iau i kona inoa?"

            "Heaha auanei ke kumu au e hoike aku ai i kona inoa imua ou no ka mea he kanaka malihini loa oe iau." wahi a Tede me ka pii mai la o kona hoonaukiuki no keia kanaka.

            "Aole keia he mea paani wale no aka ua makemakea io maoli no au e maopopo iau kela wahine opio. Nou e kuu hoaloha opio ua ike mua au ia oe oiai no nae he mea malihini loa au ia oe. Aole e lilo kou hoike ana mai iau i ka inoa o kela wahine opio i mea pilikia in a no he kanaka hana karaima ekaeka loa au ma ka honua nei."

            "Aole e hiki iau ke manaoio aku i kena mau olelo au He hana maalahi loa iau ka hoike ana aku ia oe aohe au mea i maopopo no kela wahine aka nae mamua o kou hooko ana aku i kou makemake he mea pono e maopopo mua iau na kumu kupono o kou ake ana e lone i kona inoa oiai nae he malihini loa oe iau me kou maopopo ole i ke ano o kou kamaaina ana ia'u."

            Ua hoopilikia loa ia aku ka noonoo o kela kanaka malihi, mamuli o keia hooko ole aku o Tede i kona makemake me kona ike ana iho, aia wale no a hoakaka mai oia i kekahi mau kumu maikai, pela wale no e loaa aku ai iaia na hoakaka e pili ana no ka lede opio, a o ia kana i kamailio mai ai:

            "Ke hoomanao nei au, i ka wa liilii loa o kela wahine opio, ua kamaaina au iaia, a o ke kumu no hoi keia o ko'u ake ana aku e loaa kona inoa, in a hoi ua kamaaina mua oe iaia."

            No kela pane a kekanana malii, ua puiwa koke ae la o Tede, pii ae la no hoi ka ula ma kona mau papalina, me ka hoike okoa ana mai o kona ano i ke pihoihoi, me ka hopu koke ana mai i ka limao ke kanaka malihi, a ninau mai la.

            "Ina ua ike mua oe iaia i kona wahi wa liilii, alaila e hoike mai, ihea, a i ka manawa hea oe i ike ai iaia?"

            Haka pono loa mai la ka nana ana a ke kanaka malihi ma na maka o Tede, a i hou mai la:

            "Ma ke ano o kau mea e ninau mai nei ia'u, ua konoia mai au, e manaoio, ua pololei ka'u mea i koho mua ai no kela wahine opio. Ua maopopo anei ia oe ka moolelo e pili ana i kela wahine opio?"

            "Akahi no au a pane aku i kau ninau me ka pololei, o ia hoi, ua maopopo kona moolelo ia'u."

            "Ma ke ola ana o ke Akua kiekie loa, e hoike mai ia'u kona moolelo!" i koi aku ai ke kanaka malihini ia Tede.

            "Mamua o ko'u hooko ana aku i kou makemake e ka malihini, he mea pono e loaa ia'u kekahi kumu ko'iko'i loa, a'u e manaoio ai, ua kupono ko'u hoike ana aku i na mea apau e pili ana iaia. No'u iho, eia iloko o'u ka noonoo nui ana no na mea e pono ai kela lede opio. Ua olelo mai nei oe, ua ike oe ia'u mamua, nolaila, aole a'u mea e hoike aku ai ia oe no'u iho, a no'u nei la, he mea malihini loa au ia oe; aka nae ina i makemake oe i ka mea pololei, alaila, ke koi aku nei au ia oe, e haawi mai i kau mau kokua ana ia'u ma ka hana nui a'u e lawelawe nei.

            "Aole a'u mau hana hoopilikia e hoao nei e hookau aka maluna o kela lede opio, aka o ka makee wale no i kona pono, me ka hoao ana ma na ano apau e hiki ana iaia. @ hoopakele ae iaia, mailoko mai o na poino. Ma ke ano @ kou leo ame kau mau ninau i waiho mai nei ia'u, ua hiki loa ia'u ke ike aku, aole he manao hoopilikia iloko ou no kela wahine. O kou hilinai mai maluna o'u, a hilinai ole mai paha, nou iho no ia kuleana. Elike no me ka'u i hoike mua aku nei ia oe, aole he hana maa na'u, ka hoike wale ana aku i ka inoa o kekahi lede, imua o na malihini, ke ole e maopopo mua ia'u na kumu maikai, e hiki ai ia'u ke hooko ana i ko lakou makemake."

            "Mamuli hoi o kou paakiki loa e kuu hoaloha opio ea, @@ nonoi aku nei au ia oe, e hele pu mai me a'u, aole keia h@ wahi kupono no ke kamailio ana i kekahu mau mea ano nui e lohe wale ia mai ai e na kanaka."

            Aole o Tede i pane aku no na olelo a kela kanaka malihini, aka ukali aku la oia mahope on a, oiai hoi ke kanaka malihini e hele la no kahi i ku ai o na kauhale o ka poe makai, a ike iho la ua o Tede, aole kela he kanaka kolohe. @@ ka hoauheeia ana aku o kona mau manao hopohopo ma@ iaia aku:

            Aole no i loihi loa kela hele ana aku a laua, ku ana mawaho o ka puka o kekahi hale, a iloko o ka manawa poko@ua hamama ae la ka puka, me kekahi ki. a ke kanaka malihini o ka wehe ana aku. o ko laua nei komo aku la no@ iloko.

            I ka a ana ae o ke kukui, a oiai hoi o Tede e noho au maloko o ka rumi hookipa, ua hookahahaia mai kona manao, no ka nani o na lako hale, e hoike mai ana kela mau mea nani, he kanaka keia i maa i ke kaahele ana mai kekahi wahi a i kekahi, a pela i lawe mai ai oia i na mea nani m@ na wahi like ole mai o ka honua nei.

            I ka noho ana iho o ke kanaka malihini ilalo, huli mai @ oia imua o Tede a ninau mai la:

            "He inu no nae paha oe e kuu hoaloha opio ea?"

            "Ae, he inu no nae paha oe e kuu hoaloha opio ea?"

e makemake ae ai," wahi a Tede, me ka makemake mai la e kamau wahi kiaha, i pahee ai na olelo ke kamailio aku.

            "Ina pela, e oluolu hoi oe, e kaomi aku i ke pihi o ka bel@ kahea ma ko aoao akau," o ka hooko aku la no ia o Tede elike me ke kauoha a kona kamaaina a iloko o ka manawa pokole loa, i oili mai ai he kauwa, a o ia ka kenaka malihini o ka ninau ana mai la Tede:

            "I aha ko kaua meainu o keia po?"

            "Manao au i wahi barani me on a waimomona, ua lawa i no kaua a elua, ke kuikahi kou manao me ko'u." wahi Tede o ke kunou aku la no ia o ke kamaaina o ka hale imua o ke kauwa, no ka hele ana aku e kii i ka rama i makemakeia.

 

(Aole i pau.)