Ka Nupepa Kuokoa, Volume LVIII, Number 31, 30 July 1920 — MAI HOOHEMAHEMA I KA MANA KOHO BALOKA! [ARTICLE]

MAI HOOHEMAHEMA I KA MANA KOHO BALOKA!

I Aole keia oka maiiawa mua loa akc Kuokoa i kauleo aku ai i na Hawaii. maluna o ka ninau mana koho, aka ua pinepine wale na manawa i uwalo aku ai, i ka poe i hele ole ae e hoopaa i ko lakou mau inoa, ano ka manawa e hele ae ai me ka hoohakalia hou ole aku, no ka mea, aole ka mana koho ■ 'haloka, he wahi mea uuku loa, aka he pono nui ia i lilo i waiwai makamae. i ka poe naauao, ame ka poe i makee i ko lakou mau pono. ī Mai manao iho kakou na Hawaii, o kela hoopaa kahiko ana i na inoa i kela mau makahiki aku nei, ua lawa iho la ia, aole pela, ua koiia na mana koho apuni keia Teritorc e hele e hoopaa i ko lakou mau inoa i keia manawa, a o ka poe e hana ole ana pela, ' e nele ana lakou i ka mana koho, no ke koho ana i na moho ma keia kau hakoko kalaiaina kuloko e hoea mai ana. He hookahi no mahina maopopo loa i koe. alaila paniia lea buke o ka poe kupono i ke koho baloka, a iloko koke ae nei no o ka mahina o Okato- , ba, ma ka pule mua, e malamaia ai ke koho baloka 'wae moho no ko kakou ahaolelo kuloko, a i ka maliina aku o Novemaba ke koho baloka laula. No ke Kulanakauhale a Kalana o Honolulu nei, o ka hapalua wale no o ka heluna nui o na inana koho, ka i hoopaa i ko lakou mau inoa. a o ke koena aku, ke hoololohi wale mai nei no, a i ole he noho nanea paha me ka maopopo ole; no lakou nae ka keia pepa e hoeueu aku nei, e hele koke ae e hooi paa i na inoa i keia manawa, me ke kauka'i hou 'ole aku a kokoke loa i ka wa e. paa ai ka buke. No oukou no na Hawaii ka ke Kuokoa e makee nei ma keia ninau, aole no na lahui e ae, ina no lakou i manao e hele ole ae e kakau i ko lakou mau inoa, ng lakou no ia kuleana; aka oiai ke kauka'i aku nei kakou e hoouna i na kanaka kupono iloko 0 ka ahaolelo, 110 ka hana ana mai i na hooponopono ahaolelo e pono ai ka lehulehu, pehea iho U e hookoia ai ko kakou manao, ina e hoohemahema ana kakou i keia pono koho baloka? O na Hawaii kekahi e noho ana ma na kalana lehulehu, ua hookaawale na kakauolelo kalana i ko lakou mau la e kaahele ai no ka hoopaa ana i na īnoa ; e makaala loa ka poe e noho ana ma kahi kaawale mai ke keena mai o ke kakauolelo i kela mau la, a o ka poe e hooneleia ana i kela pono. no lakou iho ka mihi ana mahope aku, no laila o ka makaala ka lanakila! Ke manao nei makou, ua maikai maoli keia hoopaa hou ana o na mana koho i ko lakou mau inoa, •pela wale no e maopopo pono ai na nana koho oiaio loa, no ka mea, ua nui ka poe i pau kahiko i ka make, a i hele 110 kekahi mau wahi mamao loa, eia nae, e kau mau ana no ko lakou mau inoa, maloko o na papainoa o ka poe kupono i ke koho baloka o ko lakou mau mahele koho iho. me ka lilo 1 hana nui ,a i hana hoaa no hoi, ka huli ana i ko lakou mau wahi i noho ai. ma keia hana ana nae, e hoopauia ae ana na pilikia i ikeia o na manawa koho aku nei i hala.