Ka Nupepa Kuokoa, Volume LVIII, Number 31, 30 July 1920 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

SOLOMON HANOHANO, LUNAHOOPONOPONO

HOOPUKAIA I NA KAKAHIAKA POALIMA APAU

POALIMA

IULAI 30, 1920

 

KE KAHUAHANA A KA AOAO

REPUBLIKA O HAWAII NEI

 

            O ke kahuahana a ka ahaelele Republika o Ha-waii nei o ke apono ana ma ka Poakahi aku la i hala, o kekahi ia o na kahuahana i hookomoia ai he mau kumuhana lehulehu, e hiki ole ai i ka hapa nui o na manakoho o Hawaii nei, me ka nana ole i ko lakou mau aoao kalaiainaiho, ke ku-e, no ke kupono o ia mau kumuhana, e hookoia aku, ma na hooponopono ahaolelo federala ame kuloko.

            Aia nae he mau like ole o na manao o ko Hawaii nei poe, ma na mea e pili ana i na moho no ke kuiana Peresidena o Amerika Huipuia, pela hoi me ka haawi piha ana aku i na kakoo ana no ka Elele Kuhio aka nae ma ka mahele nui o kela kahuahna, aia iloko olaila na mea a ko Hawaii nei poe i manaolana ai, no ka lakou mau mea i iini nui ai e hanaia ai, ma ke ano he hapa o Hawaii nei no Amerika Huipuia.

            Elike nae me ke ano o na kahuahana kalaiaina o na wa ae nei i hala, ka hooko ole ia o kekahi mau kumhana ano nui loa, a i haawi aku ai hoi ka aoao kalaiaina i no hooia ana, no ka hookoia mai o ia mau mea. aole he kanalua iloko o keia pepa ka olelo ana ae. e ukali aku ana no keiakahuahana mahope o ia mau kahuahana, me ka hoao ole ia e hoea aku i ka hookoia ana o na kumuhana apau, no ka pono o Hawaii nei ame ka pomaikai o kona mau makaainana.

            Oiai nae, o ka bila hoopulapula i na Hawaii, kekahi o na kumuhana ano nui loa, ua hookahahaia mai ka manao o keia pepa, no ka hookomo ole ia ma maloko o kela kahuahana, kekahi mau hoakaka no ke apono ame ke ku-e ika bila i hookomoia aku iloko o ka ahaolelo lahui, no ka mea ke ole ke Kuokoa e kuhihewa, e laweia mai ana ka bila hoopulapula i na kanaka Hawaii, i ninau kalaiana iloko o keia kau, a na moho o na aoao kalaiaina kuloko e ku ae ai imua o ke kahua mokomoko.

            No na kumuhana maikai nae, maloko o kela kahuahana i aponoia e ka ahaelele Repubalika, a keia pepa e manaoio nei, he mau kumuhana ia i kulike me ka manao o ka hapanui o na mana koho, a i kau aku hoi i na manaolana ana no ka hoea mai i ka wa e hookoia ai, ma ka keia mua aku, he mea pono no ia makou ke hoikeike ae, ma ke ano nui:

            E ikeia mai o Hawaii nei, ma ke ano oia kekahi i kuleana iloko o na hooponopono ahaolelo ana, me na mokuaina apau, no na haawina dala pili i na aianui.

            E loaa he oihana koa nui ame ka oihana kaua ikaika ma Hawaii nei, no ke kupale ana i keia mau mokupuni, a no ka hoopakele ana hoi i na Kapa@ai o ka Pakipika.

            I mahele kupono o na haawina pili i ka oihana hoonaauao. iloko o na hooponopono ahaolelo federala, aole ma ke ano, he kokua mai ke aupuni makua mai ia Hawaii nei, aka o hko Hawaii nei kuleana maoli no ia, ma kona ano he hapa no Amerika Huipuia.

            E haawi wale ia no na hana federala apau i na makaainana Amerika, me ka haawi ole ia o kela mau hana i na lahui e.

            O na hookohu oihana federala apau ma Hawaii nei, i ko Hawaii nei poe wale no ia, aole i kekahi malihini mai Amerika mai.

            I haawina dala no ka hoohana ana aku i wahi e @@aa mai ai ka wai no na aina hookuonoono.

            E hoomahuahuaia ae ka haawina, malolo o ke kanawai hoaie., no kokua ana aku i ke kanaka mahiai me hanai holoholona.

            I mau haawina dala lawa kupono, no na uwapo ame na awakumoku, e hiki ai ke kukuluia na uwapo ma kela ame keia mokupuni, no ka pili ana o @a moku, e lele aku ai na ohua mai ka moku aku a i ka uwapo.

            E hooponopono hou ia, ke alahele o ke kau ana i ka auhau ma ke ano kaulike maloko nei o keia Teritore.

            I hooponopono ahaolelo, ma ke ano e hiki ai ke hooponoponoia na pilikia mawaena o na limahana ame na haku hana.

            E loaa ka pono koho baloka i na wahine o Hawaii nei, me ka minamina loa o ka ahaelele i hala aku la, no ka hooko ole ana o ka ahaolelo kuloko aku nei i hala, i ke hauahana, ke mea nana i hoo@ele mai i na wahine, i ka pono koho, me nei, ua koho baloka lakou i keia kau.

            E hoomaopopoia ka pono o na limahana, ma ke kauia ana o kekahi ana kupono o ko lakou noho hana ana, me ka hoomahaia mai ka hana aku, mamuli o ka elemakule.

            I hooponopono ahaolelo me na haawina dala, no ka hania o na alanui o ke ano paa me ka maikai.

            I mau hooponopono ahaolelo, e loaa ai ka oi ae o ke kupono o ke a'o ana i ka hana kumukula, me ka loaa o na uku maikai, i na kumu makaukau loa.

            E hoopauia na kula e a'oia ana ma na olelo e.

            I haawina dala mahuahua no ke kokua ana aku i ke Kula Nui o Hawaii, ke kula nui hookahi ma ka Pakipika.

            @ mahelele kupono o na haawina pili i ka oihana @oonaauao, iloko o na hooponopono ahaolelo federala, aole ma ke ano, he kokua mai ke aupuni makua mai ia Hawaii nei, aka o ko Hawaii nei kuleana maoli no ia, ma kona ano he hapa no Amerika Huipuia.

            E haawi wale ia no na hana federala apau i na makaainana Amerika, me ka haawi ole ia o kela mau hana i na lahui e.

            O na hookohu oihana federala apau ma Hawaii nei, i ko Hawaii nei poe wale no ia, aole i kekahi malihini mai Amerika mai.

            I haawina dala no ka hoohana ana aku i wahi e loaa mai ai ka wai no na aina hookuonoono.

            E hoomahuahuaia ae ka haawina, malalo o ke kanawai hoaie, no ke kokua ana aku i ke kanaka mahiai me hanai holoholona.

            I mau haawina dala lawa kupono, no na uwapo ame na awakumoku, e hiki ai ke kukuluia na uwapo ma kela ame keia mokupuni, no ka pili ana o @a moku, e lele aku ai na ohua mai ka moku aku a i ka uwapo.

            E hooponopono hou ia, ke alahele o ke kau ana i ka auhau ma ke ano kaulike maloko nei o keia Teritore.

            I hooponopono ahaolelo, ma ke ano e hiki ai ke hooponoponoia na pilikia mawaena o na limahana ame na haku hana.

            E loaa ka pono koho baloka i na wahine o Hawaii nei, me ka minamina loa o ka ahaelele i hala aku la, no ka hooko ole ana o ka ahaolelo kuloko aku nei i hala, i ke kahuahana, ka mea nana i hoo@ele mai i na wahine, i ka pono koho, me nei, ua koho baloka lakou i keia kau.

            E hoomaopopoia ka pono o na limahana, ma ke kauia ana o kekahi ana kupono o ko lakou noho hana ana, me ka hoomahaia mai ka hana aku, ma-

muli o ka elemakule.

            I hooponopono ahaolelo me na haawina dala, no ka hania o na alanui o ke ano paa me ka maikai.

            I mau hooponopono ahaolelo, e loaa ai ka oi ae @ ke kupono o ke a'o ana i ka hana kumukula, me ka loaa o na uku maikai, i na kumu makaukau loa.

            E hoopauia na kula e a'oia ana ma na olelo e.

            I haawina dala mahuahua no ke kokua ana aku i ke Kula Nui o Hawaii, ke kula nui hookahi ma ka Pakipika.

            E hoomauia aku na kokua pili dala i ka Buro o @a Malihini Kaahele o Hawaii nei.

            O kekahi ae la keia o na kumuhana ano nui maloko o kela kahuahana, he mau kumuhana hoi i hoopaa aku ai ka Aoao Repubalika iaia iho, e hooikaika maloko o ko kakou ahaolelo kuloko, a ma ka ahaolelo lahui, i wahi e loaa mai ai na pono ame na pomaikai a kakou na makaianana o Hawaii nei,

i iini ai e loaa mai. Aole no paha i nele ka like ole o na manao ma kekahi mau mea liilii, aka nae ma ke ano nui, i ka nana aku, e lokahi ana kakou

apau, o na kumuhana maluna ae nei, he mau kumuhana kupono loa ia, e haawiia ai na kakoo piha ana, e ko kakou mau aoao kalaiaina kuloko.

 

MAI HOOHEMAHEMA I KA

MANA KOHO BALOKA !

 

            Aole keia o ka manawa mua loa a ke Kuokoa i kauleo aku ai i na Hawaii, maluna o ka ninau mana koho, aka ua pinepine wale na manawa i uwalo aku ai, i ka poe i hele ole ae e hoopaa i ko lakou mau inoa, ano ka manawa e hele ae ai me ka hoohakalia hou ole aku, no ka mea, aole ka mana koho baloka, he wahi mea uuku loa, aka he pono nui ia i lilo i waiwai makamae, i ka poe naauao, ame ka poe i makee i ko lakou mau pono.

            Mai manao iho kakou na Hawaii, o kela hoopaa kahiko ana i na inoa i kela mau makahiki aku nei, ua lawa iho la ia, aole pela, ua koiia na mana koho  apuni keia Teritore e hele e hoopaa i ko lakou mau inoa i keia manawa, a o ka poe e hana ole ana pela, e nele ana lakou i ka mana koho, no ke koho ana i

na moho ma keia kau hakoko kalaiaina kuloko e hoea mai ana.

            He hookahi no mahina maopopo loa i koe, alaila paniia ka buke o ka poe kupono i ke koho baloka, a iloko koke ae nei no o ka mahina o Okatoba, ma ka pule mua, e malamia ai ke koho baloka wae moho no ko kakou ahaolelo kuloko, a i ka mahina aku o Novemaba ke koho baloka laula.

            No ke Kulanakauhale a Kalana o Honolulu nei, o ka hapalua wale no o ka heluna nui o na mana koho, ka i hoopaa i ko lakou mau inoa, a o ke koena

aku ke hoololohi wale mai nei no, a i ole he noho nanea paha me ka maopopo ole; no lakou nae ka keia pepa e hoeueu aku nei, e hele koke ae e hoopaa i na inoa i keia manawa, me ka kauka'i hou ole aku a kokoke loa i ka wa e paa ai ka buke.

            No oukou no na Hawaii ka ke Kuokoa e makee nei ma eia ninau, aole no na lahui e ae, in a no lakou i manao e hele ole ae e kakau i ko lakou mau inoa, no lakou no ia kuleana; aka oiai ke kauka'i aku nei kakou e hoouna i na kanaka kupono iloko o ka ahaolelo, no ka hana ana mai i na hooponopono ahaolelo e pono ai ka lehulehu, pehea iho la e hookoia ai ko kakou manao, in a e hoohemahema ana kakou i keia pono koho baloka.

            O na Hawaii kekahi e noho ana ma na kalana lehulehu, ua hookaawale na kakauolelo kalana i ko lakou mau la e kaahele ai no ka hoopaa ana i na inoa; e makaala loa ka poe e noho ana ma kahi kaawale mai ke keena mai o ke kakauolelo i kela mau la, a o ka poe e hooneleia ana i kela pono no lakou iho ka mihi ana mahope aku, no laila o ka makaala ka lanakila !

            Ke manzo nei makou, ua maikai maoli keia hoopaa hou ana o na mana koho i ko lakou mau inoa, pela wale no e maopopo pono ai na nana koho

oiaio loa, no ka mea, ua nui ka poe i pau kahiko i ka make, a i hele no kekahi mau wahi mamao loa, eia nae, e kau mau ana no ko lakou mau inoa, maloko o na papainaoa o ka poe kupono i ke koho baloka o ka lakou mau mahele koho iho, me ka lilo i hana nui, a i hana hoaa no hoi, ka huli ana i ko lakou mau wahi i noho ai, ma keia hana ana nae, e hoopauia ae ana na pilikia i ikeia o na manawa koho aku nei i hala.

 

NA BONA AIE NO KE KULANAKAUHALE

 

            Ua hoea mai i ka manawa a ka papa lunakiai o ke Kulanakauhale a Kalana o Honolulu nei, i hoomopopo ai, o ke alahele wale no e hoea aku ai i ka hookoia ana o ka makemake, e hookau ae i keia kulanakauhale ma ke ana kiekie o kona kupono, ma na mea pili i kona oihana sua ame ka oihana wai, pela me na hanahou i manaoia ma kekahi mau wahi, o ia no ka hoopuka ana aku i mau bona aie, ma ke koho baloka ana a na mana koho, no ko lakou apono ana mai, ke manao nei makou, e lokahi like ana no mana oho i key manawa me na lunakiai, o kela wale no ke alahele hikiwawe loa e hoea mai ai i ka hookoia ana o na hanahou apau i makemakeia.

            Ke makemake nei nae keia pepa e a'o aku ia kakou na Hawaii, ma keia ninau no ka hoopuka ana aku i mau bona aie, aole ia he ninau pili kalaiaina, e kuhikuhi ae ai kekahi aoao, na kekahi aoao keia manao, aole loa pela, he hana keia i pili loa aku i ka pono laula o ke kulanakauhale, no ka mea o ke kakali ana aku ahiki i ka loaa ana he haawina dala maopopo no na hanahou i manaoia, e koiia mai ana kakou e kakali no kekahi manawa loihi mamua o ka hoea ana mai i ka hookoia ana o ia mau hana hou.

            No ka maopopo ole i kekahi mahele o kakou na Hawaii, ka manao maoli ame ka makemake i uiia aku ai oukou no ke apono ana mai, ma ke koho baloka maluna o keia kumuhana, ma kekahi manawa ae nei i hala, pela i haule wale ai na hanahou i makemakeia ai no kekahi mau apana o Honolulu nei, he hana kuhihewa nae, i hoea mai ai lakou i ka mihi ana i keia la, no ke kulana o ko lakou mau apana e ikeia nei.

            E lilo nae ia kuhihewa, i haawina a'o ma keia koho ana aku maluna o na bona aie, in a nei no ka uiia mai imua o na mana koho, ma ke koho ana aku, ma ka aoao e loaa mai ai na dala, no ka hana ana aku i na hanahou i makemakeia.

 

            Ma ka po o ka la apopo, malalo o Aala Paka, e wehe mai ai ka Aoao Repubalika, i ke kukala kaua kalaiaina , no ke ku ana aku imua o na enemi, maluna o na kahuahana i hooholoia eka ahaelele Repubalika, ma ka Poakahi nei. E hele ae i lohe pono i na haiolelo a na alakai kalaiaina me kela po !

 

 

Nuhou Kuloko

 

            No ka piha loa o na aoao o ke Kuokoa i keia pule, ua hoopaneeia ka hoopuka ana aku i kekahi mau palapala a na makamaka, ahiki i ka loaa ana o kahi kaawale o ka pepa.

 

            Ina e pau ana ke anaia ana o kekahi mau apaua aina ma Lahaina, alaila e

kuaiia aku ana ma ke kudala akea ma kahi o ka ekolu haneri mau pahale pili kahakai, ma keia mua iho.

 

            Eia ke Kuokoa ke oili aku nei me kona mau aoao mau ewalu, no ka mea ua hoea mai nei ka pepa, ka mea i hiki ole ai ke hoopukaia aku kona kiho e@ke me ka mau, ma ka pule aku nei i hala.

 

            No ka hoikeike ole o kekahi Pake kuai i'a o ka makeke i ke kumukuai o

kana i'a, i kauia mai ai ka hoopa'i o umi dala maluna o Pak Soe, ma ka Poalua nei, maloko o ka aha hoomalu.

 

            Ua aneane e hiki aku ma kahi o ka $500 ka huina o ka hoopa'i a ka LunakanawaiFederala J.B. Poindexter o ke kau aua mai maluna o ka poe kuai waiona, ma ka Poakahi ame ka Poalua iho nei.

 

            No ke pani ana aku i ka makalua i hoohakahakaia iho, mamuli o ka waiho ana mai o Sam Chillingworth i kona kulana he lunanana no ka oihana wai o Honolulu nei, i hookohuia aku ai o Jesse Uluihi ma ia wahi.

 

            Ina e holopono ana na hooponopono ana ma keia mua iho, alaila e lilo aku ana ka halehana bia e ku nei ma ke alanui Moihwahine i ka Hui Ha@a Uwila me ka hooliloia o kela hale i 'wahi e hoohuia ai o na ukana.

 

            Ke pinana hou ae nei ke kumukuai o ka i'a i keia manawa, i oi loa aku i

na manawa ae nei i hala, a no ka hiki ole nae ke alo ae, ua kuai okoa ia no kela i'a pipii, me ka ukuia ana aku o ke kumukuai kano@o.

 

            No ka imi ana i na makaukau o kan@ oihana kalepa poi i hala aku ai ma Lunakiai Kumalae no Maui ame Molokai, no ke kuai ana i kalo, e hiki ai ke hoolako aku i kana poe lawe poi, no keia mau mahina ae e hoea mai aua.

 

            Mahope iho o ka loaa ana aku o ke kino make o kekahi Kepani opio, he ekolu ae nei pule i hala, akahi no a loaa aku ka ike i ka papa ola, ma ka Poalua nei, o Saichi Aoko ka inoa o kela keiki, na kekahi kanaka lawai'a e noho ana ma Iwilei.

 

            Mahope iho@o ka hoohala ana ma Hawaii no kekahi @pau la pokole, no ka nana ana i ke alanui o Keomoku, e holo la mai Waimea aku a hoea i Kona, i huli hoi mai ai o Kiaaina McCarthy ma ka Poalua iho nei, me ka mahalo mai i ka maikai o kela alanui, ke pau i ka hanaia.

 

            M ka mokuahi Niagara o ke ku ana mai ma ka Poakolu nei i huli hoi mai ai o Mr. J. Duncan, kekahi o na Maori kuonoono o Nu Kilani ame kona mau hoa, mahope iho o ka hoohala ana i kekahi mau pule ma Loko Paakai, me ka haawi ana ae o ke Keikialii ame ke Kamaliiwahine Kalanianaole he aha ike no lakou, a ma ka haalele ana mai o keia mokuahi ma kela ahiahi, i huli hoi loa aku ai lakou no Nu Kilani.

 

KIIA HE KOA A MAKE MA LEILE-

HUA

 

            Ma ka po o ka Poaha o ka pule aku la i hala he loa no ka puali kaualio 17 o Leilehua nona ka inao o S. J. Bigamen ka i kiia e ke Kakiana H. R. Hunt o ia puali like, a ma ke kakahiaka mai o ka Poalima ae i make ai ia koa maloko o ka halema'i o ia papu.

            Ma ka hoakaka ma ka moolelo e pili ana i keia ki pu oiai ke Kaiana Hunt, o kona mare koke ana aku nei no ia i ka mahina o Dekemaba, ua lohe aku la oia i ka uakeke mai o kekahi mea mawaho mai o ka puka aniani o kona

rumi, a ia kiei ana aku ana ua ike aku la oia ike aka o kekahi kanaka e ku mai ana, a i kona nana pono ana aku ua ike maopopo aku la oia he kanaka

mawaho mai, o kona lalau aku la no ia i kaua pu panapana a ki aku la hookahi

poka, a mahope o kona komoana i kona lole ua hele aku la oia no ka hale

o ke koa kiai a hoike aku la no kona manao ana ua kiia aku eia a ku kekahi kanaka.

            Mahope o ke ku ana o Bigamen ua kokolo aku la ka oia a hoea i ka hale o kekahi põe e ku kokoke mai ana ma kahi o 150 ia ka mamao a kahea aku

la no kekahi kokua, a na ia poe i hoihoi ae iaia no ka halema'i o ka papu. No

ka hana a ka oihana koa e hana mai ana no kela hi@ia aohe mea i hoikeia ae, uo ke kali a pau na ninaninau ana.

 

KA MANA KOHO BALOKA.

 

            Mr. Lunahooponopono:--Ike iho la au ma ua nupepa namu o keia mau la no ka põe e hoohemahema mai nei, aole hele e hoopaa hou i ka inoa no ke koho  baloka. Iloko o ka nui baloka o Oahu uei i oi aku i ka 11,000, he 5000 wale no a oi i hoopaaa hou iho nei.

            O ka'u ia e minamina nei, in a o ka nui o ka poe e hoohemahema mai nei he lahui e, ua hiki no--aka, in a o ko kaua, ea, minamina maoli!

            Nolaila, e oluolu na hoa Hawaii e heluhelu ana i keia--mai Hawaii a Niihau--e nonoi aku i ka poe i hele hou ole iho nei e hoopaainoa, e hele koke.

He mea pono i ko kakou lahui e paa mau i keia kuleana i ka poholima. O ko kakou wahi ikaika iho la no keia, e pono ai.

            He kanawai ka i hooholoia i kela kau aku nei no ka hoopaa hou i na

inoa o ka poe koho baloka. Nolaila, e pono kakou e makaala. Mai kali a ha-

la ka manawa. O ka mana koho, ua like ia me ka mana hooko--he kuleana piha ma ka hooponopono aupuni. He mana pookela a ke kanawai i haawi maai ai i ka makaainana.

            Me ka haahaa,

                        W. J. COELHO (KUELO).

 

            CHICAGO, July 27.--Elua mau kauaka posa âme elua mau kupakako haawi dala o ka hui kaa i kiia ma ka la i nehinei iloko o elua manawa o ka aihueia ana o na dala ukuhana maanei. Hoo- kahi o na kupakako haawi dala i kukonukonu loa ka eha. He $25,000 i aihueia.

 

            SANTIAGO, July 27.--He hoonane ola'i ikaika ka i ikeia maanei ma ka la i nehinei, a oiai he ikaika hoonaue kona e ikeia ai ma na wahi apuni ke

kulanakauhale âme na wahi e hoopuni mai ana, eia nae aohe pino i hanaia.

 

            LOS ANGELES, July 27.--He ola'i ikaika kekahi i ikeia maanei ma ka la i nehinei e walawala ai na puka uwahi ilalo, eia uae aohe mau poino nui i

ikeia ma kekahi wahi o ke kulanakauhale.

 

            KEMMERER, Wyo., July 27.--Eha mau kanaka i make i nehinei ma ka manawa i pahu ai kahi hoahu pauda maloko o ka lua lanahu Sublet.

 

            PEKING, July 27--He pualikoa Amerika ka i hoounaia aku i Tung Cho, kahi o na haunaele i hoikeia mai ai. E lawe mai ana na koa marina i na Amerika mailoko mai o Tung cho, in a e ikeia ana he hana pono kekahi e hanaia pela.

 

            TOKIO, July 27.--He halawai kukakukua ka i malamaia e na kumukula olelo Enelani, pau pu me na kumukula Kepani ame na kumukula o na lahui e ae e nono nei maanei a ua hooholoia e noi aku i ka oihana hoouaauao e hoololi i ke ano o ke a'o ana mamuli o ka makemake ole o na Kepani e holomua ole nei ma ka lakou mau haawina ma ka olelo Enelani.

 

            LONDON, July 27.--Ua kaupale loa ia aku ka Akibihopa Manui o Auseteralia mai ka lele ana mai iluna o ka lepo o Enelani mamuli o kana mau olelo  hoahewa i ke aupuni o Enelani ma kekahi manawa i hala koke aku nei, ua hoike ae ke Kuhina Nui Lloyd George ia mea maloko o ka hale o na lunamakaainana ma ka la i nehinei.

 

            SASKATOON, July 27--Eha mau mokuea Amerika i lele mai Mineola, N @ loka mai a i Nome, Alsaka, no ka hoomakaukau ana i palapala aina no ka oihana kaelpa ma ka lewa i hoea mai ianei i nehinei, a e lele aku ana no Edmonton, Alberta, i keia la, elike me ka papa kuhikuhi hana i hoolalaia e na kanaka lele i ka lewa.

 

            EDGEMERE, N. J., July 27--Ua pepehiia e George Weiss he kiai hoopakele ola i hoolimalimaia maanei kekahi mano nui he 450 paona ma kahi papau o ke kai ma ka kapakai Edgemere ma ka la i nehinei. Na ka poe e auau ana i ike mua i ka mano a mamuli o ko lakou uwa aua ae i hoalaia ae ai ko Weiss manao e pepehi i ka mano.

 

MAKE NO EKOLU PULE AKAHI NO

A MAOPOPO KONA INOA.

 

Aneane ekolu pule i hala aku nei ua loaa aku la kekahi keiki Kepani e wai-

ho ana maloko o kekahi pa waiho wale mahope ae o ka halekuai a Lewers &

Cooke ma ke alanui Kalepa, ua make, a ma ka hoike a ke kauka aupuni no ke

kumu i make ai ua keiki la, he ma'i puupaa, a iloko o keia manawa loihi aole i loaa iki ka ike i ka papa ola no ka inoa o kela keiki, eia wale iho nei no ka maopopo ana o kona inoa o Saichi Aoki, a nona na makahiki he 15, he haumana no kekahi o na kula aupuni.

            Mahope o ka loaa ana o ke kino o keia keiki ua hoihoiia ae maloko o ka

hale e waihoia ai na kino make o ka papa ola no ka hele ana ae o kekahi o

kona ohana e hooia na lakou ia kino make, a no eiwa la ka waihoia ana ma-

laila me ka maopopo ole i na luna o ka papa ola. Ma ka Poalua iho nei he makuahine hanauna no ua keiki la ka mea i hele ae imua o ka papa ola a nana i hoike ae i ka moolelo e pili ana i nei keiki. Ma kana moolelo ma ka la 4 @

Iulai ka ike hope loa ia ana on a, a ma ka la 8 mai o Iulai i loaa aku ai kona

kino make ma kahi i hoikeia ae nei. O kona makukane he kanaka lawaia o

Aoki ka inoa, a ma Iwilei ae nei  kona wahi noho. Aole i lilo ka nalowale ho-

nua ana o nei keiki i mea hookaumaha ae paha hoi i ka manao o ka ma-

kuahine hanauna o ka hoike ana ae i ka papa ola ma ka Poalua nei. O ke

Kino o ua keiki la i kanuia ai maloko o ka ilina o Kalaepohaku ua h-e hou ia ma ka Poakolu nei e puhiia i ke ahi.

 

O TOWNSEND KA LUNANUI O KA

HALEKAA O KE KALANA

Ma ka halawai a ka papa o na lunakiai o ka noho ana ma ka po o ka Poalua nei i kohoia ae ai o J.H. Townsend i lunanui no ka halekaa o ke Kulana-

kauhale a Kalana o Oahu nei, me ka holopono loa o ke pailaka ana a ke Kokua Meia Arnold, a poholo kona pohai, ma na kulana i manaoia no lakou.

            No ke koho ana o na hoa Demokarata o ka papa lunakiai e lilo o Colburn III, i lunanana waiu, kekahi o na ohana o Mr. Arnold, nolaila ua apono oia i ka hooholoia ana o ka olelo hoohoi, e kau ana i ka uku o Mr. Townsend i $250 o ka mahina.

            Aole nae malaila wale iho la no pau na mea maikai a ka Meia Arnold i hoomaopopo aku ai, i hania mai e na hoa Demokarata o ka papa, aka ua koho pu mai lakou ia George Wond o Aiea i mea malama buke no ka halekaa o ke

kalana, a i panai no kela hana, ua apono aku oia e kohoia o H. Myhre, he Demokarata, i lunanana 'ineaai.

            I ka ike ana hoi o na Demokarata i ka holopono loa o na hookohu oihana no ka põe apua a lakou i onou mai ai, nolaila ua hapaiia mai ka noonoo ana, no ka hoomahuahua hou ana ae i ka uku mahina o ka Makikiu McDuffie i $270, ke olu loa la Meia Arnold, no ka mea he ohana no kela nona.

            Ina paha o ka Meia Wilson kekahi i Honolulu nei a e noho ana hoi oia ma kona kulana oihana, lua he ukoa @oa ka hopena @ oili ae ana, aka o ke ano iho la no nae ia o na hana kalaiaina.

 

HE HOOMANAO ALOHA NO KUU

PAPA, GEO. WILL IKAIKA.

 

            I ka Nupepa Kuokoa, Alohi nui kaua:--E olulu mai oe i ka'u wahi leo

nonoi imua o kou hanohano, o ia hoi, o kela mau wahi hopunaolelo ma ka poo

o keia pisetole, e hookomoia hoi iloko o ka Nupepa Kuokoa, a mea paha, he

mau hoaloha a mau ohana kekahi o kuu papa e ola ana, a e @@ea ana paha iloko o ko lakou hauoli ana, a ike iho ua hala o Geo. W. Ikaika ma kela aoao ma@ o ko ke kanaka ola ana.

 

            Oiai ua lalau mai la ka anela o ke Akua mana loa i kona kuleana me kuu papa aloha, 'o ia hoi, ka uhane maemae, a lawe aku la me ka palanehe malie loa, a waiho iho la i kona kino puanuano imua ponoi no o kuu alo, ame ka ohana. E kokoke ana paha i ka hora 2 p. m. o ka Poakahi, Iulai 5, 1920, o ia kona minuke me ka hora o kona hele ana me kahi olelo uuku ame ka leo malie: "E kuu kaikamahine aloha, e haalele ana au ia oe, a na ke Akua e kiai ia oe iloko o kona aloha. Mai kaumaha oe no kuu hele, oiai ua lawa kuu noho ana me oe," a hala aku la kela me ka maemae.

            Ua hanauia mai kuu papa aloha, mai ka puhaka mai o Kaaaka (w) ame Kuaana (k), ma Holualoa, Kona Akau, Hawaii, ma ka la 20 o Okatoba, 1829, a i kona hala ana, ua lawa iaia ua makahiki o kona ola ana iloko o keia ao luhi, inea ame ka hauoli, i ke kanaiwa a oi, ua nui no kela mau la, e hoomaikaiia na lani.

            I kona mau la opio, ua hoonaauaoia ma ke kula o Holualoa, a ma ia kula aku a komo i ke kula hanai o Hilo, u@ noho iloko o ke kula o Hilo, a hoea i kona puka ana mai me kona palapala hoomaikai, a oiai paha oia e noho ana iloko o ke kula o Hilo, ua komomai la paha ka iini, ka makemake i ka u'i o ka paia aala o Puna, o ia hoi ua mare aku la oia ia Miss Alapai Kaheana, a mahope o ka mare ana, ua huli mai la ke alo i ka poli o ka makua, a hoi mai la me ka hauoli.

            I ka noho ana ma Holualoa, ua lilo koke no i kumukula no na luna o ke kula, he mea pono e hoonee mai i kona noho kumu ana ma Holualoa, a ua hookoia.

            I kona noho kumu ana no na kula o Holualoa, no ekolu paha makahiki, alaila ua waiho oia ia hana mamuli o na leo noi mai ia Simona K. Kaai, ka hope makai nui o Kona Akau e lilo i mkai no ia apana, a ua ae aku a waiho @ ke kumukula, a ma ia oihana oia a h@ ea i ka manawa i make ai o S. K. Kaai.

            I ka waiho ana i keia oihana, ua imi aku i na hana e ae i mea e pono ai ke wahine ame na keiki, a oiai iloko o keia mau la o ko laua noho ana iloko o na kipona o ke aloha, aia hoi, ua lokomaikai mai la ke Akua ia laua, me na keiki lehulehu, a hoea nae i keia la, aia he elua wale iho no maua e ola nei, o ia hoi, o ka mea nana e kakau nei i keia moolelo menemene ame kuu pokii aloha e noho mai la i ka Uakanilehua o Hilo, oia o Mrs. Ane Lui.

            O ko maua mama aloha, ua hala aka la oia ma kela kapa o ka muliwai ne@e malie o keia ola ana, a haalele i kana mea aloha o ke kane, ame k=maua kana mau leialoha, a ua noho iho la iloko @ ke ao nei, aohe ka makuahine, eia nae, ua hoopaia mai la ka puuwai ame ka uhane e imi aku i makua i mea e pono ai keia ola ana.

            Ua hookoia ka makemake a ua loaa ko'u makua, he oiwi no ka aina hookahi a he kupa a kamaaina no na Kona, a ua haawi mai ke Akua o ka lani i mau keiki na'u, eia nae, ua lawe aku no @ kekahi a ua waiho mai no i kekahi na'u i loaa ka'u hooilina. O ka hopena nae, ua lawe pu aku oia i kuu mea aloha, Joseph A. Kaiewe, a waiho ia'u ame na keiki iloko o keia ao luhi me ka inea.

            Iloko o ke ola ana o ko maua papa aloha, ua hoolaa oia iaia i hoahanau no ka Ekalesia o Mokuaikaua, iloko o kona mau la opio, a he haumana no ka mahele Kula Sabati o Holualoa, a he lala hoohanohano iloko o ka Ahahui C. E. o Holualoa, nolaila ua lawa na ano maikai o kona ola ana.

            Iloko aku nei o kekahi manawa o ka 1918, ua hoomaka mai la ka nawaliwali iaia, a koi mai la ia'u e kauoha aku au i kuu pokii ia Mrs. A. Lui, e hele mai e ike iaia, a ua hookoia ia manao on a, a ua hoi pu me ia kaiamahine i Hilo, a mahope o ka noho ana me ia kaikamahine i Hilo no aneane ewalu paha mahina, ua noi aku la i ka oluolu o ia kaikamahine e hoihoi hou mai iaia i Kona nei, a ua hookoia me ka hoopaapaa ole.

            No hookahi makahiki ame ka hapa kona waiho ana maluna o kona wahi moe, eia nae, e ai ana oia i na mea apau me ka maikai, a wahi ana i pane mai ai ia'u ke manaoio nei au, aole lawe koke ke Akua i kuu ola, a komo au iloko o ka piha kenekulia o ka olelo a ke Akua iloko o ke aupuni o Hawaii nei, ua haawi aku au i ka'u olelo hoolana, o ke Akua wale no ka i ike ia mea, o ka hopena nae, ua hookoia.

            I kona haalele ana mai ia'u, ua ha'i koke ia ka lohe i na ohana ma kahi mamo, a ua hiki mai la kuu pokii ma o na makua la o maua, oia o Mrs. Julia Keawehawaii ame kana kane, ka moopuna a maua Mary Masuo ame kana kane, ame na ohana lehulehu, oloko iho @ Holualoa nei, a ua ha'i pu ia aku ka lohe ia Mrs. A. Lui, a ua hoea mai, a ma ka hora 1 p. m. o ke awakea Palua, Iulai 6, 1920, i malamaia ai kona anaina hoomanao e Oliva Kamau ame John Keawehawaii, kekahi o na luna ekalesia o Mokuaikaua, a o na hana hope, ma ke ka'e o ka luakupapa'u a hoi ka lepo i ka leop, a o ka uhane i ka mea nana i hana.

            Ke hoomaikai nui aku nei au i na ohana apau i hoaea mai e ike hope iho i ka helehelna o kuu papa aloha, a pela no hoi au, e haawi aku nei i kuu hoomaikai i ka poe na lakou na poke pua i makana mai no kuu papa, a pela ka poe i ku kiai pu mai me a'u, a hoea i ke ao ana, a pela pu me ka poe himeni a hookani pila, no oukou ka'u hoomaikai nui; a ke haawi aku nei no hoi au i kuu hoomaikai me ka mahalo nui loa i ke Kapena o ke Kuokoa.

            Owau iho no me ke aloha,

            MRS. SARAH ADAMU KAIEWE.

HOLUALOA, N. KONA, IULAI 21, 1920.

 

            He halawai makainana nui ke malamaia ae ana ma Aala Paka, ma ke ahiahi o ka la apopo, e na Repubalika, no ke kukala ana aku i ka hoouka kalaiaina kuloko, e owela aku ai ke ahi i keia mau la iho.

 

KO MAKOU MAMA ALOHA UA HALA

 

            Ia oe e Mr. Sol Hanohano, Lunahooponopono o ka Nupepea Kuokoa: Aloha malihini kaua: --E oluolu mai kou ahonui ia'u no ke kauwahi kaawale o kau nunu aha'ilono, a nana hoi ia e uwila aku ma ka hikina a ka la i Kumukahi, ahiki aku ma ke komohana i ka welona a ka la i Lehua, i ike mai ai na kini ame ka lehlehu ohana o ko makou mama aloha i keia poomauao e kau ae la maluna.

            Ua oluolu i ka Makua Laui ke kipa ana ma ko makou home aloha ma Halawa, Molokai, ma ke kakahiaka Poaono, hora 2:30 a. m., Iune 26, 1920, a lawe palanehe aku la'i ka uhane o ko makou mama aloha, a waiho iho la i kona kino puanuanu i ukana luuluu na makou a paiuma aku ai ma keia no.

            Ua haalele iho ko makou mama aloha oia hoi o Mrs. Lonoaumoanamaikahiki Keahi Kaalouahi i ko makou papa aloha J. Kaalouahi, na keiki, na kaikuane elua ame na moopuna he lehulehu ame na ohana apau mahope nei, a hele aku la i kahi o na mea apau.

            Ua hanauia ko makou mama aloha ma Kanehiki, Koae, Puna, Hawaii, i ka 1868, mai ka puhaka mai o Keahi (k) ame Honuakaha (w) a ua lawe hanaiia oia e kona mau kahuhanai oia hoi o Naelewalu (k) ame Mrs. Aholo ma kahi i kapaia ka niu moe o Kalapana.

            Ua piha iaia ua makahiki he 52 o kona hanu ana i na ea hu'ihu'i o keia ola ana. I ka 1880 ua hoohuiia iho la ko makou mama aloha Lono Keahi ame ko makou papa aloha John Kaalouahi ma ka berita maemae o ka mare, e ka Makua J. N. Kamoku, a nolaila ua piha he 40 makahiki ko laua noho mare ana, a na ka make i hookaawale ia laua.

            He mea poina ole ka Hale o ke Akua ame kana hana i ko makou mama aloha, a na ka nawaliwali o kona kino e kaohi iaia ma ka home.

            He makuahine puuwai hamama, a oluolu ko makou mama, aohe mea koe iaia; mai ke kiekie a ka haahaa, ua like wale no iaia. O kona home he noa i na mea apau, he makuahine heahea.

            Ua puka mai ko laua puhaka mai he 12 keiki, ua lawe aku ka make he 3 a koe mai 9 e ola nei, a eia lakou ke noho nei ma Hilo, Hawaii, hookahi ma Honolulu nei he ekolu, a aia no hoi me ko makou papa aloha he eono e noho nei ma Halawa, Molokai.

            E ka wailele o Moaula e, me ka wai kilihune i na pali e, kahi hoi a ko makou mama i noho ai a kupa, ua pau kou hooma-u ana i kona helehelena, e ke awaawa o Halawa e, me ka ulukukui o Lanikaula e, ua pau ka hehi hou ana o ko makou mama aloha maluna o ko olua lepo.

            E puna paia aala e, ke onehanau o ka makou mea aloha, eia ko kama la ua hala, ua nalo, aole oukou e ike hou ana i ka helehelena o ko makou mama.

            E ke one o Kakuihewa ame ka uluwehiwehi o ke kaona, me ke awa la'i o Kou a, ua pau ka hehi ana o ka mama aloha o makou maluna o kou lepo, ua hala, ua nalo, ua pau kou ike hou ana i kona helehelena nohea.

            E Kauai o Mano e, ua nalo, ua pau ka hehi hou ana o ko makou mama aloha i kau nani, eia la ua hala, ua pau kana hana, ua kuu ka luhi, ua hoi aku la me ka mea nana i hana.

            He hookahi makahiki o ke kaama'i ana o ko makou mama, a ua imi ia ke ola i na kauka, eia ka pane he manawa wale no, eia nae ua loihi no kona hookanaaho ana. Ma Honolulu nei no ko makou mama i ka maina o Aperila no ka makemake no e ike i ka piha ana o ka 100 makahiki o na misionari oiai he la nui ia, a ua ike no ko makou mama i na hana o ia mau la, a hala aku la oia.

            E hoonani ia ke Akua ma na lani kiekie loa, he malu ma ka honua, he aloha i kanaka. Nana no i hana ke kanaka a Nana no i lawe aku. He mahu ka ea o ke kanaka i pua mai a nalo aku, wahi a ka Buke Nui.

            Ke hooki nei au me ka hoomaikai nui i ka Lunahooponopono ame na keiki oniuhua metala ko'u welina.

            O makou iho no me ka luuluu,

                        MRS. MIKALA K. PEREIRA,

                        MISS ELIZA KAALOUAHI,

                                                Me ka Ohana

 

NA MARE.

Bung Chin Choy ia Mary Mew Fa Young, Iulai 22.

 

NA HANAU.

            Na John Mailua ame Daisy Panole, he kaikamahine, Iulai 4.

            Na A. K. Lui ame Lucy Makekau, he kaikamahine, Iulai 17.

            Na Eddie Brown ame Emma Pakahi, he Kaikamahine, Iulai 19.

            Na Julean Azilla ame Annie Tories, he kaikamahine, Iulai 23.

            Na A. S. Dias ame Alice Kauhi, he keikikane, Iulai 24.

            Na W. Kahele ame Elizabeth Houghtailing, he keikikane, Iulai 25.

            Na R. K. Christ ame Mary K. Smith, he keikikane, Iulai 25.

            Na John Aki ame Helen Mabuka, he keikikane, Iulai 26.

 

NA MAKE.

            He bebe na W. F. Chuck, ma kahi kokoke aku i ke alanui Curtis, Iulai 20.

            John Kahawai, ma ke alanui Kukui, Iulai 20.

            He bebe na Irene Malulani, ma ka Home Kapiolani, Iulai 21.

            James Oku Jr., ma ke alanui Kalihi, Iulai 26.

            He bebe na John Aki, ma ke Alanui Allen, Iulai 26.

            Kahele Kekino, ma ke alanui Christley, Iulai 26.