Ka Nupepa Kuokoa, Volume LVIII, Number 29, 16 July 1920 — Page 5

Ka Nupepa Kuokoa

KE KILOHANA POOKELA NO KA LAHUI HAWAII.

            Ua poeleele iho la i kela manawa, ho-a ae la na kanaka i @ ahi nui, me ka lele ana aku o ka malamalama o ke @ a loaa ke kuahu i kukuluia, me he mea la iloko o ka @ o La, ke ike aku la oia i kekahi hiona ku i, ka weliweli, ma ka manawa e oili mai ai ka malamalama o ka la ma kekahi kakahiaka ae.

            I loko o kona noonoo, me he mea la, ke ike okoa aku la @ i ke kino o Tazana, e kupaka ana i o a ianei, iloko o ka ula o ke ahi, o kela mau lehelehe e haawi mau mai ana i na minoaka ana iaia, aole ia, aka he ulaahi ma ia wahi, me ka helelei ana mai o kela mau niho aiai mai ka waha aku, a he nui okoa aku kekahi mau hiona ku i ka weliweli e hoea mai ana, alaila hoala mai loia i keia ninau: "Aia anei ka @ lili iloko on a no keia kanaka?"

            Ua uhi paapu mai la ka pouli ma na wahi apau, a koe @ no kahi a ke ahi e a aku ana, no ke kipaku ana aku i na holoholona ahiu ai kanaka o ka po, aia uo hoi o, Tazana @ moe malie la maloko o ka hale i hanaia nona, o kona pili kia wale no o ia ka maloohaha o kona puu, a me ka eha o kona mau lima me na wawae i ke kaula i hauhoaia ae, aole nae i lil oia mau pilikia i mea nana e uwalo mai ai e loaa aia ka maha.

            Ua kamaaina oia i na ano o na holoholona, aole o lakou @ wale mai i na kokuaia aku no ko lakou pono, nolaila me kela ano holoholona iloko on a, oiai nae he noonoo kanaka iloko o kona poo, aole no oia i pane ae he hookahi huaolelo, a kekahi kumu paha hoi, e hoopokoleia ana kona auwe ana, ke oili mai ka la ma kekahi kakahiaka ae, o kona @ aku no ia imua o ke akua o la ame kona mau kahuna.

            I loko o kela pouli aaki o ka po, i kulou iho ai o la maluna o ke kino o Tazana, iloko o kona lima akau, ke paa la kana pahi, a iloko hoi o kona noonoo, e hookau aku oia i na hana hoehaeha maluna o Tazana, Hoopa aku la oia i ka oi o kana pahi, ma ka aoao o Tazana, me ka hoopili ana ihohoi i kona mau paplina ma kahi o ka helehelena o ke kanaka i hoole mai i kona makemake, iloko nae o kela manawa i hoomalamalamaia ae oloko o ka hale, ma o ka lalapa ana ae o ke ahi, ma o ke kauia ana aku o na wahie hou, ia wa i nana iho ai oia i kela helehelena u'i e waiho pono ae ana imua o kona alo, a ma kahi o kela manao paa iloko o ua wahine nei e hookau aku i na hana hoehaeha, ua ulupuni koke ae la oia i ke aloha i papaluaia iho, i kela aloha kahiko on a no Tazana.

            Me kela pahi no e paa ana iloko o kona lima, ku ae la o na iluna, me ka ani ana ae i kana pahi maluna pono o ke poo o ke kanaka nana i heiku aku i ke kapu ame ka laahia o kana oihana, a hooholo koke iho la oia, aole e hookauia aku na hana hoehuaha maluna o kela kanaka, aka e hookauia aku ka make maluna ona, i ka manawa pokole, me ka hoohaumia ole ia o ke kuahu o kona akua, e ke koko o keia kanaka hewa ole.

            Aia iloko o ua wahine nei ka manao e hookau koke aku i ka make maluna o Tazana i kela manawa, alaila e mohaiia aku kona kino make, imua o ke ahi e a mai la mawaho. Hapai ae la oia i kona lima a kiekie iluna, me ka makaukau e hou iho ma ka puuwai o Tazana, eia nae ma kahi o kona hookau anaa aku  ika make maluna on a, ua hehee iho la ua wahine ne, a kukuli iho la ma ka aoao o ke kanaka ana i aloha ai, me ka hopu anan aku o kona mau lima ia Tazana.

            Haule aku la ka pahi mai kona lima aku, ke haha la hoi oia i ke kino olohelohe o Tazana, me ka lele okoa ana iho e honi ma kona ihu, ma na papalina no hoi, me ka lele okoa ana iho maluna o ua o Tazana, me he mea la e kupale aku ana oia i kela kanaka, mai na poino e kau aku ana maluna on a, a me ka leo haalulu i uwalo aku ai oia imua o Tazana, e maliu mai i kona leo, ma ka lilo ana mai kane na ia nei.

            Aole he wahi puai leo mai ia Tazana ae, me he mea la, ua humumuuia aku kona mau lehelehe a paa, no  kekahi mau hora kela uwalo ana aku a la imua o Tazana me ka loaa ole mai o kekahi pane maopopo, no ka hookoia o ka imi o kona puuwai, ua lulumi mai la ka makehiamoe maluna on a, o kona hiamoe aku la no ia ma ka aoao o Tazana, me ka mau no o ka puliki o kona mau lima i kela kanaka. Aohe no hoi he wahi mea a onioni ae o Tazana, ke hiamoe maile la no oia me ka maikai, me kona ae mai, e apoia aku oia e na lima o keia wahine, ana i aloha ole aku ai iaia.

            Uoko o kela paæuhia i ka hiamoe kulipolipo, ua puoho ae la o Tazana i ka wa i wehe ae ai o ke alaula o ka malamalama, ma kekahi kakahiaka mai, mamuli o ua leo olioli o na kahuna, e hana mai ana, ma ka'e o ke kuahu a lakou i hana ai, nolaila. hoonunulu aku la oia i kona leo no ka hoala ano ia I. a me ka hoopili loa ana mai o ua wahine nei ia Tazana imua o kona umauma, a me ka minoaka ma kona mau papalina. i puoho ae ai oia, a i ka lohe ana aku i ke olioli o kona poe kahuna, ia wa i nalohia aku ai kela minoaka mai kona mau papalina aku, a nohoalii iho la ke kaumah, alaila noho pono mai la oia iluna, me ka i ana aku ia Tazana:

            "E aloha mai oe ia'u, e haawi mai oe i kou ae, e lilo i kane nau e hoolo no au ia oe mai ka make mai!"

            Ua hele na lima me na wawae o Tazana a eha loa, i kau a mea o ka puali i ke kaula i uikiikiiia ai oia, i ka lohe anamai i ke koi aku o la e lilo mai i kane na keia wahine, ua noke ae la oia i ke kupaka, me ke olokaa ana aku ahiki i ka huli ana mai o knoa kua ia la. O keia iho la kana pane no kela koi a la iaia, a i ka wa i ike ku ai o ua wahine kahuna nei. ua hoohokaia mai kona makemake, ku ino ae la oia iluna. aia hoi ka hilahila ma kona makemake, ku ino ae la oia iluna, aia hoi ka hilahila ma kona mau maka. hele mai la oia a ku iho la ma ka puka o ka papa'ihale, me ka hele a haikea kona helehelena. alaila kahea mai la me ka leo nui:

            "F. na kahuna kiekie o ke akua la, e kii mai ouko a lawe aku i ka mohai imua o ke kuahu, a waiho aku i kona puuwai na ko kakou akua!"

            Hakalia no a pau kela kamailia ana a la, o ka holo mai la no ia o kekahi poe kanaka, a komo iloko o ka hale, me ka hapai ana aku i ke kino o Tazana, me ke kaapuni ana i ke kino o ka lakou pio, e hookikahakaha ana hoi ko lakou mau kino onaha i o a ia ne, elike me ke ano o ko lakou leo kanaenae.

            O la kekahi e ukali pu la i kona poe kanaka, me ka hoolewa pu ana i kona kino, aole nae ma ke ano elike me ia'a kona poe kahuna e hoolewa like la, aka ma ke ano i piha me ke kaumaha, i owili pu ia me ka weliweli, no ka hopena e kau aku ana maluna o ke kanaka hookahi wale no ana i aloha ai.

            Aia ma ka helehelena o la ke nohoalii la ka haikea, ke kaumaha ame ka weliweli pu, no ka hopena weliweli e hoea mai ana maluna o Tazana. Me ia kaumaha no nae, me ka minamina pu no ka make aku o kela kanaka ana i li ʻ a mau ai i kane nana, aole ia he mea nana e hoololi ae i kona manao, e hookau aku i ka hoopa ʻ i maluna o ke kanaka, i pale mai i ke aloha i waihoia aku imua on a.

            I ke aku la oia i ka hookau ana aku o kona poe kanaka i ke kino o Tazana iluna o ka puu wahie, i hanaia ma ke kuahu; ike pu aku la no hoi @ i kona poo kahuna, me ka pulupulu ahi e paa ana iloko o kona lima, e hookokoke mai ana imua o kona alo, no ke kuni ana aku i ke ahi, i ka wahie, aia hoi ua kahuna nei ke noke la i ka haa, a ke noke la hoi i ka akaaka, no ka piha hauoli, e kakali wale mai ana no o ka haawi aku o la i ke kauoha iaia, o kona kuni aku no ia i ka wahie i ke ahi, a nana aku i ka wili o ke kino o Tazana, iloko o ka ehaeha nui me ka weliweli.

            Hookokoke aku la o la ma kahi e waiho ana o ke kino o Tazana, leha aku la hoi kona mau maka, ma kahi a ka la e oili ae ai, hapai ae la i kana pahi a kiekie iluna, me ka namunamu ana ae o kona mau lehelehe i ka leo pule, i kamaaina i kona lahui kanaka, e pule ana i ko lakou akua, oiai hoi ke kahuna poo e nana mai ana me ka piha nauki no ka hakalia loa o ka manawa e kuniia aku ai ka wahie i ke ahi, no ka mea ke kokoke loa aku la ke ahi i kahi o kona lima e paa ana.

            No ka maopopo loa ia Tazana, aole he manaolana i koe no kona palekana, opo ʻ i iho la kona mau maka a kakaliaku la o ka hoeea mai i kona manawa e make ai, ke ike la oia, aole kela he wahi make ae a uuku, aka he make iloko o ka ehaeha, oiai ua ike mua oia i kekahi hiona o kela ano eia nae, heaha la ia mea he make i ka kaua koa, he wahi ia no na holoholona o ka ululaau, he mea hoi i kamaaina loa ia Tazana, i na makahiki lehulehu o kona ola ana, e hele pu ana me ia i ke ao ame ka po.

            Oiai o Tazana e moe malie la, iluna o ka puu wahie, a iloko o ka make i kokoke loa e hookauia mai maluna on a. aia pu iloko o kela manawa ke noonoo la oia no kana mau pohaku momi makamae, o ka aihueia ana mai iaia aku.

            Laia nae e, moe la, hoomaopopo ae la oia i ka pumehana o kekahi o kona mau papalinam nolaila kaakaa ae la kona mau maka, aia hoi e kulou iho ana o la maluna on a. aia hoi na kulu waimaka ke halo ʻ ilo ʻ i mai la ma na maka o ua wahine nei, me ka i ana aku:

            "Auwe no hoi oe e kuu Tazana" me kona noke okoa ana iho i ka uwe: E hoike mai ia ʻ u, aia ke aloha iloko ou no ʻ u a e huli hoi like aku kaua no Opa, e hoopakele no au i kou ola mai ka make mai. Pehea ka hele o ka inaina o kuu poe kanaka a nui nou e Tazana, ua makaukau loa au e hoopakele ae i kou ola mai ka make mai, i hakalia wale no i kou pane mai, o ka pakele no ia o kou ola, ke haawi aku nei au i keia manawa hope loa i wa nou e koho ai mawaena o ka make ame ke ola. @ kau pane e kuu Tazana!"

            Iloko o kela mau minuke a la e ku la, me he mea la, ua papale ae oia i ka oihana kahuna nui mai iaia aku, a he ano kino kanaka kona me na noonoo apau i pili wale no i ko ke kanaka ano, aole hoi he wahi noonoo no kona akua iloko on a. O kana mea e ike la, aia maluna o ke kuahu, ke moe mai la ke kanaka kona me na noonoo apau i pili wale no i ko ke kanaka ano, aole hoi he wahi noonoo no kona akua iloko on a. O kana mea e ike la, aia maluna o ke kuahu, ke moe mai la ke kanaka hookahi wale no, i hele ai kona aloha a lala me he ahi la nona, in a nei no ka pakele o ke ola o kela kanaka, alaila e lilo mai ana oia i kane nana i kekahi la aina aole pela, alaila e konoia mai ana oiam e lawe mai i ke kahi o na khuna helehelena pupuka i kokoolua nona.

            Me kela aloha no nae e paila la iloko o ka houpo o ua wahine nei, ua makaukau no oia e haawi aku i ke kauoho Tazana i kona makemake a o ia kana o ke kulou hou ana iho ilalo a pane aku la:

            "Ke haawi aku nei au i manawa hope loa nou e Tazana e pane mai ai. E ae ana anei oe e panai mai i kuu aloha, aole paha?"

            I loko o kela manawa hookahi i lohe aku ai o Tazana i kekahi halulu nui, ka mea nana i hoolana ae i kona manao a i hookomo mai hoi i ka manaolana iloko on a no kona palekana, ia manawa i hoomaka ae ai oia e kahea me ka palekana, ia manawa i hoomaka ae ai oia e kahea me ka leo nui, ka mea nana i hookau aku i ka weli ame ka maka ʻ u maluna o la ame kona poe kahuna, me ka lele ana mai o la ihope, he mau kaina wawae, oiai hoi ke kahuna poo e noke mai ana i ka namunamu, no ka hoohakalia loa ia o ka hooko ana aku i kana hana, a ke haalulu wale la uo kona mau lima, me ka hookokoke loa ana aku i ke ahi, ma kahi o ka pulupulu i waihoia ai.

            "Ea, ke kakali aku nei au i kau pane e Tazana!" i kamailio hou mai ai o la, me ka nee ana mai a pili ma ka aoao o Tazana. " Heaha kau pane no ke aloha a ʻ u e waiho aku nei imua ou?"

            Ke kokoke loa mai la ka halulu a Tazana i lohe, mua aku ai, me ka lohe like aku o na mea apau, me ka maopopo loa, he halulu kela no kekahi elepani pilikua, alaila nana hou mai la o la maluna o Tazana, in a paha he manaolana kekahi no ka hookoia o ka iini a kona puuwai, aole paha, o kana mea nae o ka ike ana mai, aia kekahi hiona o ke kaumaha ma na maka o Tazana, ka mea nana i hookomo aku ka haupu iloko o ua wahine nei, no ka manao o kela leo o Tazana, o ia no ke kahea ana aku i ka elepani e hele mai e hoopakele ae iaia mai ka make mai, pela iho la ka elepani i hoolohe mai ai i ka leo kahea.

            Aia ka pihoihoi iloko o la i kela manawa, ke naka la hoi kona mau lima me ka haalulu, me ka nee hou ana mai a kokoke i kahi e waiho ana o Tazana, i mai la me ka leo o ka mea i piho me ka pihoihoi:

            "Ehoole mai ana anei oe e Tazana i ka makemake o la?" aole nae he wahi mea a pane iki aku o Tazana, alaila hulihou hu la ua wahine nei imua o ke kahuna e paa ana i ke ahi, a i aku la:

            "E make keia kanaka e pono ai! E kukuni i koke aku i ke ahi i ka pulupulu." me ke ani ana aku o kona lima, i ka mea e paa ana i ke ahi."

            Leha ae la na maka o Tazana iluna, a i aku la ia la "He manawa pokole wale no koe, alaila hoea mai ka elepani. I kinohi, ua manao au, e hele mai ana oia e hoopakele ae ia ʻ u, aka nae ke lohe nei au ma ke ano o kona leo e hele mai ana oia e pepehi ia ʻ u a ia kakou apau, me ka pakele ole o kekahi mea mai iaia mai. Elike me ka liona ameke tiga, e hoohalua ana i ko lakou mau enemi, pela iho la ka elepani e luku aku ai i ka poe apau ana e ike ai mamua o kona alahele, no ka niea ua hele kela elepani a ulupuni loa me ka huhu."

            Ua maopopo ia @ oiaio o ka Tazana mau mea e hoike aku nei imua on a oiai ua kamaaina loa oia i ke ano o ka elepani ke hoea mai kona huhu. he elua mea ana e noonoo la i kekahi manawa o ka poe wale no e loaa mai ana i ka elepani o lakou kana e pepehi a make a o ka poe e holo ana no ko lakou palekana aole on a hoopilikia hou ana aku ia lakou aka nae i kekahi manwa aole loa e na ka inaina o kela holoholona, ahiki i kona ike ana, ua pau loa na mea apau i ka make.

            "Aole e hiki ia ʻ u ke aloha aku ia oe e la, elike me kau makemake ai," i kamailio hou aku ai o Tazana, me ka leo uuku, e lohe ole mai ai ka nui aku o na kanaka. "O ke kumu o ko ʻ u aloha ole ia oe, he mea pohihihi loa ia ʻ u ka hoike ana ae oiai no hoi o oe kekahi o na wahine u ʻ i. No kau koi e hoi pu aku au e noho pu me oe ma opa o kekahi mea hiki ole loa no ia ia ʻ u ke ae aku no ka mea ua ama loa au i ka hele auwana ana ma ka lionua, mai kekahi wahi a i kekahi. Aole e hiki ia ʻ u ke aloha aku ia oe e La eia nae o ka mea hiki ia ʻ u ke hana aku, o ia no ka hoopakele ana ae i kou ola mai ka elepani mai, aole o ʻ u makemake e ike aku ia oe e pepehiia mai ana e kela holoholona, me ka nana aku no o kuu mau maka. Aohe wa hou aku i koe e kakali ai, aka e okioki ae i na kaula i hauhoaia ai kuu mau lima ame na wawae no ka mea ua kokoke loa kela holoholona e hoea mai e hiki uanei ia ʻ u ke hoopakele ae ia oe mai kona inaina mai."

            Ke punohu ae la ka uwahi ma kekahi aoao mai o ke kuahu, me ka paapaaina mai o na wahie liilii i hoahuia ai ma lalo ae o na wahie nunui, aia hoi o la keku la me ke kii mabala la, e nana ana i ka ula o ke ahi a e nana aku ana hoi ia Tazana, me he mea la, iloko o kona noonoo, ke kaupona la oia i kana mea pono e hana aku ai oiai ke ahi ke hookokoke loa mai la i kahi e waiho ana ke kino o Tazana.

            Ke loheia aku ka hakihaki mai o na laau liilii me ka halulu o na kapuai wawae o ka elepani o ia no oe o kekahi kaa kaua nui e holo mai ana imua oke kahua kaua ke ku la hoi na kahuna me ka piha i ka pihoihoi e leha aku ana ka lakou nana ana i kahi o ka halulu a lakou e lohe la, a e nana mai ana hoi maluna o la.

            "E holo no ko oukou mau ola!" wahi a la i kahea ae ai me ka leo nui alaila kulou iho la ilalo me ka okioki ana i na kaula ma na wawae ame na lima o Tazana a iloko o ka manawa pokole ua ala ae la o Tazana a ku iluna, a i ka ike ma mai o na kanaka o la i kela hookuu lanaakilaia ana ae o ka lakou pio ua noke nui mai la i ka uwa me ka piha i ka inaina a o ke kahuna keia e ku kokoke mai ana ia la me ke ahi iloko o kona lima ua holo okoa mai la oia a imua o ko lakou haku wahine kamailia mai la em ka leo nui

            "He kipi!" wahi ana me ke kuhikuhi ana mai o keaei lima ia la.  "No keia mea au i hana iho la, e panana aku ana kou ola ma kona wahi e keia wahine hookamani" alana hapai ae la oia i kana pauku laau e paa ana, a holo mai la no ka hahu ana ʻ ia la eia nae aia o Tazana ke ku la mamua aku o ke alo o la a mamua o ka hahu ana mai o ua kahuna nei i kana pauku laau. ua loaa e aku la i na lima wikani o Tazana uwoki oe e lele koheoheo ana i ka lewa.

            No ka hoohokaia ana hoi o kona makemake, ua lele okoa mai la ua kahuna nei no ka hakaka kino ana me Tazana, he hookahi no ia hopu ana aku paa ae la oia iloko o kekahi lima o Tazana a kiolaia aku la iluna o ka nui aku o na kanaka e holo mai ana me ka manao e aiu mai i ka kakou koa

            Aia o la ke ku makaukau la me kana pahi iloko o konalima no ke kokua ana aku ia Tazana, a no ke kupale ana hoi iaia iho in a e mano ana kela poe kanaka e hoopoino mi ia laua eia nae aole e hiki i kela poe kanaka ke hookokoke mai oiai o Tazana hookahi e ku aku ana imua o lakou aia iloko o la ka manao mahalo a haaheo n o Tazana me kona minamina ole i ka pepehiia aku o kona poe kahuna e ka mea a kona puuwai i aloha ai.

            I ka ike ana o Tazana ua kau ka weli i kela poe kanaka puhuluhulu me ko lakou aa ole e hoonahoa mai imua on a o kona hopu aku la no ia ia la a paa iloko o kekahi lima hoomake aku la e hole me ka mama apua i loaa iaia no kahi i kekahi kumulaau kokoke e ku mai ana. no ka mea ua ike aku la oia ua kokoke loa mai ka elepani o ka pakele wale no ke kaawale mai kela wahi aku iloko o ka wa pono in a ao ʻ e pela alaila e make mai ana oia ame ka poe apau e loaa mai ana i ka elepani.

            I kela oili ana mai o ka elepani a ike i kaholo o Tazana me la ana o ka hookau ana ae ma kona kua na hoomaka mai la ua holoholona nei e alualu, aohe no hoi he wa a loaa aku o Tazana me ka wahine kahuna o opa ua lele e aku la oia iluna a paa ana kekahi lala laau, he hookahi no ia oni ana kau hou aku la ma ka elua o na lala me ka hahani loa o ka ihu o kea elepani malalo ae o laua.

            I kela oili ana mai o ka elepani a ie i kaholo o Tazana me la ana o ka hookau ana ae ma kona kua na hoomaka mai la ua holoholona ne e alualu aohe no hoi he wa a loaa aku o tazana me ka wahine kahuna o opa ua lele e aku ana kau hou aku la ma ka elua o na lala me ka hahni loa o ka ihu o ka elepani malalo ae o laua.

            I kela ike ana o ka elepani i ka hoohokai ana o kona makemake ia wa i huli mai ai no kahi o na kahuna e holo ana o kona alualu mai la no ia a o ke kanaka ua loa e loaa mai ana iaia he make wale no kona hopena. He hookahi kahuna o ka loaa ana aku i kona ihu a kiolaia aku no kaia mamao iloko o ka ululaau a o kekahi kanaka hoi ua wiliia ae e kona ihu a hahauia aku i kekahi kumulaau me ka weluwelu o kona kino a he elua mau kanaka i keehiia iho e kona mau wawae pilikua a make loa me ke ku i ka manaonao ke nana aku a no ka nui hoi o ka kahuna e ae ua naholo aku la lakou a nalowale iloko o ka ululaau me ka pinana ana iluna o na wahi e loaa ole aku ai lakou i ka elepani.

            I ek au ana ae o ka elepani aole on a ike hou aku i kekahi mea ua hoohuli ae la oia i kona noonoo no ke kumulaau a Tazana i holo aku ai e pee iluna olaila I ka nana aku ua hele kela elepani a piha loa i ka inaina ia Tazana oiai nae o kona hoaloha pilipaa loa kela i na la i kaahope aku a hoa paani pu no hoi o ka hele ana oloko o ka ululaau he ano e loa nae ke ano o ka elepani pehea ka nui o kona aloha no kekahi mea ke hoea mai i ka wa o kona huhu o kona hoaloa kekahi o kona enemi ino loa ua pomaikai nae o Tazana i ka ike mua ana i kela ano o keia holoholona pela iho la i hiki ai iaia ke holo e i ka wa pono no ka hoopakele ana i kona ola

            I kela hoea ana mai o ka elepani ma ke kumulaau e kaa ana o Tazana me la kau aku la kona mau wawae mua i luna o ke kumulaau me ko kikoo ana aku o kona ihu elike me mea a lihi launa aku i kahi a Tazana ma e kau mai ana ua loaa mua ka ike ia Tazana e hoi hou aku ana kela elepani no ka hoopoino ana iaia pela oia i @ aku ai hiki i kahi kiekie loa. e kiki ole ai ka ihu o kela holoholona ke lalau aku iaia.

            No kela loaa ole aku o kana pio iaia ua noke okoa ae la ka elepani i ke kuwo me ke keehi ana o kona mau wawae nunui ilalo o ka honua ke wili la hoi ke poo me ka hahau ana o kona ihu loihi i o a ianei me ke kau maoli no o ka weli i na hana a kela elepani. He kumulaau nui kela iloko nae o kona nui, aole no ia he mea e hopo iho ai ka manao nae o kona nui aole no ia he mea e hopo iho ai ka manao o kela elepani, nolaila hoopili aku la oia i kona poo i ua kumulaau nei a hoomak aku la e hoohina elike me ka ikaika apau i loaa iaia ke luli la ke kumulaau imua a ihope ika apua i loaa iaia ke luli la ke kumulaa imua a ihope aole nae he wahi mea a hina aku aia no o Tazana me la ke kau malie la iluna o ke kumulaau.

            Ina he liona he tiga a he mau holoholona ahiu e ae kela oloko o ka ululaau e i miaku nei i wahi nona e make ai, aole e noho malie o Tazana i kahi hookahi aka e noke mai ana oia i ke pahenehene me ka hoonou ana mai i na lala laau maluna o lakou aka no ka elepani nae aole e hiki iaia ke hoohaehae mai i keia holoholna aia iloko on a ka manao aloha no kona hoa hele oloko o ka ululaau a he hoopakele no hoi o kona mau manawa o ka poino ame ka pilikia.

            Ina no paha iloko o Tazana ka mana e hiki ai iaia ke pepehi mai i ka elepani a make aole no oia e hana mai ana pela no ka mea iwaena o na holoholona ahiu apau o ka elepani kana holoholna hookahi i aloha loa ai o kana wale no e noonoo nui la ia kona imi ana aku i na alahele e pakele ai aoia a e hookuu aku no i ka elepani e hele me ka hoo poino ole aku i kona ola.

            I kela ike ana hoi o ka elepani aole e hina ana iaia keia kumulaau ua hooi loa ia mai la kona huhu Leha ae la kana nana ana i na mea elua e kau hoolai mai aha i kekahi lala iluna loa o ua kumulaau nei alaila wiliwili ai la kona ma wawae o kona hoomaka ae la no ia e uhukume ka ika ika apau i loaa i kona kino.

            I kinohi aole no he wahi mea a oni ae o ua kumulaau nei, ia nae, he elepani nui kela o kona kino, he nui pu hoi me kona ikaika iloko o kela hooikaika ana ke ike mai la o Tazana e ulaa pu ia ana kela kumulaau he oiaio lohe mai la oia i ka uuina o kekahi mau aa lililii a ike pu iho la no hoi oia i ka naueue o ke kumulaau aja no ka elepani ke hooikaika la e kula ʻ i i ke kumulaau a hina ilalo i ka ike ana o Tazana e lanakila ana kela holoholona maluna o kana hooikaiak ana o kona lalau aku la no ia ia la a pea ae la mahope o kona kua a oiai elluli ana ke kumulaau no ka hina aku o kona lele aku la no ia a kau ana ma ka lala o kekahi kumulau okoa aku ia laua no nae a kau ana iluna o kela kumulaau o ka hina aku la no ia okela kumulaau nui me ka hoohina pu la o na kumulaau liilii e ae e loaa aku ana i kona mau lala nunui.

            Ma kela manawa a la i ike ai. e lele ana o Tazana a kau ma kekahi kumulaau okoa aku ua okoa ae la oia i kona mau maka, no kona maka ʻ u oiai in a e paa ole ana ia Tazana kekahi lala laau nui, e haule ana laua a elua ilalo a make loa; he kawa nae kela na Tazana i lele a elua ilalo a make loa he kawa nae kela na Tazana i lele a onu aole he hopohopo iki iloko on a no laila i ke kaakaa hou ana ae o na maka o La, o kana mea e ike la aia laua ke kau la ma kahi kaawale loa mai ka elepani aku a ke hoomau la no hoi o Tazana i ka hela ana.

            I ka manawa i hina aku ai ke kumulaau ua nana koke aku la ka elepani iluna o kahi a Tazana ma i kau mua ai aole on a ike aku ia alawa ana aku nae ma kekahi aoao. ike aku la oia ia tazana e holo ana me kona kokoolua o kona hoomaka aku la e holo no ka uhai ana mahope o ka ana i makemake ai e pepehi aku a make.

            I kinohi e moe mau na ko la mau maka i ka manawa a Tazana e lele ai mai kekahi lala aku a i kekahi mahope mai nei i kona ike ana aole he wahi pilikia iki ua hoopau ae la oia i kona mak ʻ u me ka nana ana iho ilalo o ka hoonua oiai laua nei e hele ana iluna o ka lewa.

            Iloko o la aia na manao haaheo me ka mahalo no ka ikaika ame ka makau ole maoli o tazana a lebia malie aka la kana nana ana i ka la me ka haawi ana aku i na hoomaikai ana he nui, no kona hookau ole ana aku i ka make maluna o keia kanaka eia ka e lilo ana i mea hoopakele iaia alaoila kulu okoa iho la kona mau waimaka o kela ano uaho iloko on a ua auhee aku ia a ua hoi mai kona ano kanaka he wahine me ka puuwai oluolu o ke aloha i ka hoakanaka.

            No kela mahalo me ka hoomaikai nui iloko o la no Tazana kona hoopakele mai ka make mai ua hoopili loa iho la oia i kona heleheleena ma ka ai o tazana ana e puliki la me kona mau lima palupalu, me ka nalu okoa ana iho iloko on a aia mau no kela aloha ke paila ae la iloko o kona puuwai no keia kanaka me kona makaukau e molia aku i kona ola no ka pono o Tazana oiai nae he hapalua hora wale aku no i hala ua makaukau loa kana pahim e inu aku i ke koko hala ole o kela kanaka.

            Aia mau no ka elepani ke ukali la malalo ae o kahi a Tazana e hele hla iluna o ka lewa me ka haawipio ole o kela holoholona ahiki i ke kau ana aku o ka make maluna o Tazana eia nae mamului o ka ike e ana aku o ua holoholona nei i kekhi o na kahuna i ka oili pono ana ae mamua o kahi a ka elepani e hele ana ua huli aku la ka noonoo o ka elepani iaia me ka pephi ana aku i kela kanaka a make o ka pau no ia o kona inaina a kaha ku la hele ma ke kukulu hema me ka haalele ana mai ia Tazana e hele lanakila hou me ka hoopilikia ole ia aku.

            I kela meha ana o ka halulu o na wawae o ka elepani maopopo iho la ia Tazana ua haalele loa mai ka elepani i kela wahi no laila iho malie mai la oia me ke kau no o la maluna o kona kua ahiki i ko laua ku ana iluna o ka honua ia wa i huli ae ai oia a i aku la ia la.

            E kahea aku oe i kou poe kanaka i koe ko lakou mau ola e akoakoa mai imua ou

Ke hopohopo loa nei au i ke kahea ana aku ia lakou no ka mea ua piha lakou i ka inaina iau o ka make wale no ka lakou e hookau mai ana maluna o ʻ u

            Aole loa e hiki ia lakou ke pepehi mai ia oe oiai o Tazana e ku ana imua o kou alo Ehoakokoa mai ia lakou maanei a ma kekukakuka ana me ka maikai e loaa ai kekahi mea no kakou apau e pono ai.

            Me ka leo nui i kahe aku ai o la i kona poe kanaka e wawalo hele ana hoi kona leo ma na wahi apau oloko o ka ululaau a iloko o ka manawa pokole i loheia aku ai na leo o ka poe aku i koe aole i make i ka pane ana mai e hoike mai ana e hoea mai ana lakou imua o kona alo elike me kona leo kahea.

            Ke hooomau la no o la i ke kahea ana i pololei ai ka hele ana mai a kona poe kanaka a iloko o ka manawa pokole ua oiliili liilii mai la lakou ma ka pakahi a ma ka palua a pakoul no hoi me ko lakou ku hoomanao ana aku no nae ma kahi kaawale mai ia la aku ame Tazana.

            I ua põe kanaka kino oehaa nei e nana mai ana i ko lakou moiwahine me Tazana ke hookokoke wale la no ko lakou mau maka i kau a mea o ka piha huhuhu me ka hoonaukuki ia la i ka ae ana e hoopakele i ka lakou pio aka nae i ka akoakoa like ana mai o ua poe kanaka nei apua ma kahi hookahi ia wa i ku aku ai o Taxana a i aku la.

            Ua palekana o la ko oukou noiwahine mai ka make mai wahi ana. Ina i hookau mai oia i ka make maluna ouu aohe mea nana e hoopakele iaia aka ua lilo oia he pio na ka elepani pela hoi me ka hapanui o oukou aka ua hoopakele ae oia i kuu ola i hiki ai ia'u ke hoopakele pu aku iaia mai ka make mai nolaila o ka'u e a'o aku nei ia oukou apau e huli hoi no opa me ka maluhia a e hookuu mai no ia'u e hele me ka hoopilikia ole ia maloko o na ululaau. O kou manao ea e noho maluhia kakou o ia hoi mawaena o la ame tazana heaha ka oukou pane no keia mea?

            Ke namunamu nui la ua poe kahuna nei o la me ka wili ana o na poo ilalo a ma ka nana aku a la ame Tazana aole i apono kela poe kanaka i keia manao a o ka mea oiaio loa ua huhu lakou ia la me ka makemake ole e hoihoi hou aku iaia no Opa a ua makemake pu no hoi lakou e hoopau pono ia aku na hana mohai ia Tazana imua o ko lakou akua.

            No ka noho loihi mai o kela poe kanaka me ka hoike koke ole mai i ka lakou pane ia wa i ku hou ae ai o tazana iluna a kamailio aku la no ka elua o ka manawa:

            O ka leo o ke ola a'u e hoike aku nei ia oukou o ia no ko oukou hoolohe ana i na kauoha a ko oukou moiwahine me ka hoi pu ana me ia no ko oukou kulanakauhale Iua aole oukou e maliu mai ana i keia leo uwalo imua o oukou alaila e kahea ana au i na holoholona ahiu oloko o ka ululaau he mau hoaloha wale no lakou apau no'u no ka hele ana mai e luku aku ia oukou apau me ka hookoe ole i kekahi mea.

            Ua hoopakele ae o La i kuu ola i hiki ai ia'u ke hoopakele ae iaia ame oukou pu ua hiki loa iau ke hana aku i na mea e palekana ai oukou oiai ke ola iloko o kuu kino mamua o kekahi kanaka e ae a oki loa aku hoi in a i pepehiia au a make.

            Ina he põe noonoo maikai oukou aole hoi he poe hupo alaila e ike iho no oukou ke kamailio wale aku nei no au i ka mea kaulike. Aole au i maopopo i ka pahi hoano a ka moi wahine o oukou he mea hiki wale no nae ia ke hana hou ia aku. Ina aole au i kaili mai i kela pahi mai ia la mai, in a ua pepehi kahiko mai oia a'u a make i ko'u hana ana nae pela he mea na ko oukou akua e hauoli ai no ka mea ua hoopakele ae au ia la mai ka make mai. E ae ana anei oukou e hoi pu'aku me la no opa me ka hoopilikia ole aku iaia?

(Aole i Pau.)