Ka Nupepa Kuokoa, Volume LVIII, Number 28, 9 July 1920 — Page 7

Ka Nupepa Kuokoa

KE KILOHANA POOKELA NO KA LAHUI HAWAII.

He Moolelo no

MAGARITA ADAMU

a i ole

Ka Hoohokaia ANa o na Manao Lapuwale o ka Mea Kolohe––Ka Papahi Ana o ka Mea Hoopono i ka Hanohano me ka Waiwai

 

            "Aole i maopopo ia ' u kena wahine au e kamailio mai nei, o ka ' u mea i ike, o Mr. Kalani Fiki, ka on a nona keia home, a he poe kauwa lawelawe makou apau malaio aku on a," wahi a ua kaikamahine nei.

            "Pela i ' o ka!" i hooho ae ai o Magarita me ka manao kanalua loa ikoko on a no ka noho aku ma kela home, no ka mea ua kulike ole keia me na mea i kamailioia aku ai iaia ko Magarita helehelena, me' he mea la, e ake mai ana ua kaikamahine nei e lohe i na hoakaka mai keia wahine malihini aku, no na mea i hoikeia aku ai iaia, aole nae he kamailio 'iki aku o Magarita i kekahi mea.

            I loko on a, ua oi loa aku kona hauoli, in a i kamailio mai kela kaikamahine, he home keia no Mrs. Hilakona, no ka mea pela o Nina i kamailio aku ai iaia, e hoi mai ana oia, a noho ma ka hoe o kona makuahine, o ke kumu wale no nae nana i hoopau ae i kona manao pihoihoi, o ia kona noonoo hou ana iho, malia paha, ' ua hoololi hou ae kona mau hoaloha, i na mea i hooholo mua ia, pela iho la i hoihoiia aku ai oia, no ka hale o Mr. Fiki e noho ai.

            Aole no he hooniele hou aku o Magarita i ke kaikamahine lawelawe, aka hoomaka aku la oia e inu i kona poiati, me ka' noho mai o ke kauwa, nana i kona inu ti ana, a i kona waiho ana aku i ke pola ti ilalo, aea ae la kona poo iluna, a i aku la:

            "E hookuu mai oe ia ' u e hooluolu liilii no ka hoomaha ana, mamua nae hoi o kou haalele ana mai ia ' u ke makemake nei au e ike owai kou inoa?"

            "O Aline ko ' u inoa,' wahi a ke kaikamahine lawelawe me ka minoaka, a i hou mai la : "E kii ae anei au i kekahi lole moepo nou?"

            Kunou wale aku la no ke poo o Magarita, ia wa i nalo aku ai ua kaikamahine nei, a ia oili hou ana mai, e paa ana oia i kekahi muumuu moepo silika, i hanaia ka a-i, me na lima me ka lihilihi aeae loa, he ku maoli i ka nani ke nana aku, aole o Magarita i ike i kekahi lole o kela ano mamua. a laila wikiwiki aku la oia i ka pane ana :

            "Aole no ' u kena lole moepo! Aole no hoi h elole hou ae, i hana ole ia me ka lihilihi?"

            "Ke kanalua loa nei au, no ka loaa o kekahi lole moepo o ke ano emi mai o ka maikai, a i hana ole ia me ka lihilihi, no ka mea ua maa ka Madame Devere i na lole nani wale no.  Ua hania keia mau lole he nuim no ka Madame Devere, eia nae ua mahaoi loa paha au i ka hoike ana aku la ia oe i keia mea. Ua kauoha mai kuku haku ia ' u, o na mea apau maloke nei o keia hale, nou ia mau waiwai, a e hana oe elike me kou makemake, me ka hopohopo ole i kekahi mea."

            "Eia ka Madame Devere ihea i keia manawa?"

            Pahola ae la ke ano kaumaha ma ka helehelena o kela kaikamahine, no ka noke loa aku o Magarita i ka niela, aka nae pane mai la no oia i ka i ana mai :

            "Ua hula hoi hou aku oia no Parisa. Ua loaa he noho paee ana mawaena on a me kuu haku, a o ia ka ' u e olelo ae nei, he keu aku kela a ka wahine naaupo, o kona haalele ana i keia home. Auhea nae oe e ka madame, ke ole au e koho hewa, aole he aloha ike o kuu haku i ka Madame Devere."

            "Heaha ke kuleana no kekahi kanaka e aloha aku ai iaia, me kona ike no he wahine kana e ola ana?" wahi a Magarita ma ke ano o kana mau mea i kamailio aku ai, i kona piha me ke kahaha ame ka huhu pu, ka mea nana i kono aku ia Aline e nana pono mai maluna on a, a he mau mana-wa ka ua kaikamahine nei i makaukau ai e pane mai i na mea oiaio ana i ike ai, a i maopopo ai hoi i ka noho ana o Kalani Fiki ame kana wahine, o ka mea apiki nae, aole he hookahi huaolelo i oili ae mai kona mau lehelehe mai, koe wale no kona pane ana aku :

            "Aole he kulean io o kekahi kanaka e aloha aku ai i kela wahine." wahi ana me ka leo malie. "E ae mai oe e kokua aku au, ma ka wehewehe ana i kou mau lole," me ka miki okoa ana mai no o ua kaikamahine nei, a wehehwehe ae la i na pihi o ka lole o Magarita.

            Aole no he ku-e aku o Magarita, i ka wehewehe mai o kela kaikamahine i kona lole, oiai nae, he hana hiki wale no ia iaia ke hana me ka maalahi, no ka mea aole oia i maa i ke komo na i kona mau lole, me ke kokua ana mai a kekahi mea mawaho ae on a. o ka mea apiki nae, aole e hiki iaia ke kamailio ae, nolaila ua ae aku la oia i na mea apau a kelu kaikantahine e hana mai la nona.

            I loko o ua o Magarita, aole on a hoihoi aku la i kela kaikamahine kauwa, he oi aku kona akamai me ka piha maalea, aole ma ke ano o kana kamailio ana, aka ma ke ano pu kekahi o kana lawelawe ana i kana mau hana, e punihei maoli aku ai no ka mea i malihini loa i kona kulana ; a i kioili ana aku o ua kaikamahine la iwaho, akahi no a loaa kamaha i ko Magarita noonoo, me kona haule ana aku maluna o ke koki, hooluolu .

            Oiai o Magarita e moe hoololo la, me na manao haaheo iloko on a, no kela lole moepo ana e komo la, pela hoi ke koki veleveka nolunolu me ka uluna palupalu, hooho okoa ae ia oia i keia mau olelo:

            "Aole o ' u makemake i kela kaikamahine, no ka mea ma ko ' u hakilo aku i kona mau ano, ua piha loa oia me ka maalea, aole no hoi he oiaio iloko on a, eia nae me ia makemake ole no o ' u i kela kaikamahine aole nae e hiki ia ' u ke ku-eaku iaia, ua noho mana mai oia maluna o ' u.

            "Ua loaa nae kekahi ike ia ' u nona i keia manawa, nolaila e makala loa ana au ma keia mua aku, me ko ' u hoala ole mai i kekahi mea e noke mai ai oia i ke kamailio. He kaikamahine kauwa wale no oia, he mea i kupono ole e kamailio pu me ka poe, maluna ae o lakou, ma ia ano ua ku a mahaoi maoli no kela kaikamahine.

            "No ' u iho, pehea iho la la au i lilo ai i haku no keia home? Ina no Kalani Fiki i ' o keia home, aole keia he wahi kupono no ' u, aka he keu aku a kuu hauoli loa in a o Kapena Rede ka on a nona keia home nani," ma ka paholaa, ana ae o ka minoaka ma kona mau papalina, alaila namunamu liilii iho la, no ka mea ke lulumi mai la ka makehiamoe maluna on a.

            "Pehea la, e hele mai ana paha oia e ike ia ' u i keia ahiahi, a i ole, i ke kakahiaka paha o ka la apopo?"

            O ka mea oiaio loa nae, aole i hoea aku o Kapena Rede e ike iaia ma kela po, pela no ma kekahi la ae, ame na la mahope mai, aole no hoi ona lohe mai i na mea e pili ana i kona mau hoaloha, nolaila ua piha maoli na la o ko Magarita noho ana ma kela home me ka pihoihoi.

            I wahi nae e molowa ole ai kona noho ana, ua kokua mai la oi ia Aline i ka wehewehe ana i kekahi mau lole kahiko, me ka hana hou ana, me kona haawi ana aku i manawa liilii loa no Aline e kamailio mai ai iaia, oiai nae ke nalu loa la kona noonoo no ka Madame Devere no kona pili ia Kalani Fiki.

            O kana mea nae e hoomaopopo mau la, ma na manawa apau a Aline e hoea mai ai imua on a, e hoao mau mai ana kela kaikamahine e hoala i na mea e nieleia aku ai oia e Magarita no ka Madame Devere, aole nae he ninau hou aku o Magarita i na mea e pili ana no kela lede. Ma ka manawa, aole a Magarita hana me Alina, e hoohala ana oia i kona manawa o ke ao, ma ka heluhelu ana i kekahi mau buke moolelo a i kekahi manawa no hoi e hele okoa ana oia i ka holoholo maloko o na malapua nani.

            He hookahi la i komo mai ai ka makemake iloko o Magarita e hele oia i ka makaikai, me ka hoike ana aku i kona nmanao i ke kahu lio, e hana mai i ke kaa nona, o ka mea apiki nae, he mau minuke wale no mahope iho o kona haawi ana aku i ke kauoha, ua hoea hou mai la kela kahulio, a hoike mai la, aole e hiki iaia ke hele i ka holokaa ma kela la, no ka mea ua ma ' i ia kekahi o na lio.

            Ua pau wale ae la no ko Magarita manao e hele i ka holoholo ma kela la, no kono manaoio i na hoakaka a ke kaulio, o ka mea kupaianaha nae, oiai no oia e noho ana ma ka puka aniani o kona rumi, ike aku la oia i ua kanaka nei e lakai ana i na lio a elua, me ka ma ' i ole, mailoko aku o ka halelio, aole no nae on a ninau wale aku, aka hooholo iho la oia, ua oi aku no kona helewawae ana no kekahi wahi a hoi mai no, me kona houluhua ole aku i na kauwa o keia wahi.

            O kana e hoomaopopo la i kona noho ana ma keia wahi hou, aole ia i like aku me Manakeka, malaila ua hiki iaia ke hana elike me kana i makemake ai, aka ma keia wahi, me he mea la, ua like ka noho ana me ka poe o na wahi hoopaa lawehala, ke ano hoi o na wahi ana i heluhelu nui ai maloko o na buke moolelo, a no ia ano i komo mai ai na manao maikai ole iloko ona.

            I loko o na la ekolu o ka noho ana o ua o Magarita ma kela home, me he mea la he mau la ia i loaa ole iaia o ka noho oluolu ana, e hoopiha mau ia ana oia me na manao pihoihoi o kela ame keia ano ; ma ka ekolu nae o na la, iaia e noho ana ma ka puka aniani o kono rumi, i na hora o ke ano ahiahi, a e kilohi aku ana hoi kona mau maka i ke kihapaipua rose, e wahiho pono mai ana imua on a, lohe aku ia oia i ke kikeke ana mai o kekahi mea ma ka puka.

            E komo ana ua o Magarita i kekahi lole akala nahenahe, me ka pu ia hoi o kona lauoho iluna o ke poo, me ka waiho olohelohe o kona mau lima, me ka a-i, a ke nana aku iaia, he keu maoli no ka huapala.

            Ma ke ano nae o ke kikekeia ana mai o ka puka, ike iho la oia, aole kela o ke ano o ke kikeke ana a Aline, ke kaikamahine lawelawe, aka he mea malihini kela, mamua nae o ka eu ana ae o ua o Magarita iluna, ua wehe e ia mai la ka puka a hamama, komo ana no o Kalani Fiki iloko, aia hoi maluna o kona helehelena ka hoihoi e hoike mai ana no kona ake nui loa e hui pu me Magarita.

            I ua kanaka nei nae i ike mai ai i ka noho aku o Magarita me kela kulana wahine u ' i on a, ku honua iho la oia, aia hoi iloko on a, kekahi haawina ilihia loa, i oi aku mamua o ka mea hiki iaia ke hoomaopopo, a laila hooho ae la i keia mau olelo :

            "O, e kuu Akua!" wahi ana. "He keu maoli no kou u ' i e Magarita, a ua kuhihewa loa au ia oe, he anela mai ka lani mai."

            Mae iho la ka helehelena o Magarita, mamuli o kela mau olelo a Kalani Fiki e pili ana iaia, aka nae, ku mai la oia mai kona wahi mai e noho ana, me ka hele ana mai, a haawi aku la i kona lima no ke aloha ana ia Kalani Fiki, me kona piha loa me ka hauoli, mamuli o kona manao, ua hoea aku keia kanaka, no ke kokua ana i na mea e hoea mai ai i kona hui hou ana me Kapena Rede.

            "Ua piha loa au i ka hauoli no kou hoea ana mai la e Kalani Fiki', wahi a ua o Magarita i pane aku ai. "I loko o keia mau la kakaikahi wale no o ko ' u noho ana ma keia wahi, me he mea la, i ka ' u ike iho, ua loihi maoli. i kau o mea o ko ' u noho hookahi."

            Lalau aku la o Kalani FIki i na lima a elua o Magarita, a hoopili ae la iluna o kona mau lehelehe, elike me ke ano o ke kanaka i hele a nui ke kuko me ka makemake no keia kaikamahin opio, a i aku la.

            "O wau pu kekahi i hoopihaia me ka hauoli, no keia halawai hou ana o kaua e Magarita," wahi a Kalani Fiki, me ka noke hou ana iho i ka honihoni i na lima ana e puliki la. "Aole no oe e hoohewahewa iho ana i ke kumu nui o ko ' u hoea koke ana mai la, nau no e ike iho ia mea. O, e Magarita, ua like maoli no oe me kekahi anela mai ka lani mai! Aole loa kekahi mea malalo iho o ka la i like aku ka maemae me oe e Magarita."

MOKUNA XXII

            Pahola hou ae la ka haikea me na papalina o Magarita, no keia mau olelo a Kalani Fiki, e noke aku nei i ka pai iaia i ka u ' i, ka huapala, ame ka maemae, a o ia kana o ka pane ana mai,

            "Ke hilahila loa nei au, i ka lawe ana mai a komo iho i keia mau lole, i kuleana ole ai au, eia nae aohe mea e ae a ' u e hana ai, no ka mea aole ko ' u mau lole me a ' u i keia manawa. Ua nana no au, ikekahi mau lole emi mai o ka maikai, maloko nei o keia hale, aole he loaa iki. he mau lole maika wale no i kupono ole no kekahi mea, i maa i ke komo ana i na lole haahaa o ko lakou mau kumukuai."

            No kela mau hoakaka a Magarita, ua noke okoa ae la o Kalni Fiki i ka akaaka me ka leo nui, me ka huki ana mai ia Magarita, e noho pu iho laua malune o ke koki, me kona mau no i ka puliki i na limo o Magarita, eia nae, i ke kaili ana aku o ua kaikamahine nei, he mau minuke mahope mai, aole no on a puliki hou iho, hookuu aku la no oia, i ole ai e komohia aku na manao hoowahawaha iloko o kela kaikamahine opio nona.

            "O na mea apau maloko nei o keia hale, ua noa ia ia oe e Magarita, a ole kela mau olelo mua au i kamailio mai nei, no kou hilahila, e kiola loa oe ia mea, oiai aohe mea e ae maanei nei e haawi aku ai i kela mau lole, nolaila heaha iho la ka pilikia, ina o oe ka on a nona ia mau waiwai!"

            "Aole he mea kuleana e ae i keia mau lole nani, o kau wahine mare wale no."

            Pupuku iho la na maka o Kalani Fiki, no keia kamailio ana aku a Magarita no kana wahine mare, a o ia kana o ka pane ana mai ma ke ano hoolalau, me ke ku pu i kahi o ko hoka :

            "Ua hoolako io au i keia mau lole nana apau nona, eia nae ua haalele loa mai oia, me ke makemake ole e lawe aku i kekahi mea mai ia ' u aku. Ua kamailio mai nae paha o Nina ia oe no keia mea ea?"

            "Ae, ua hoike mai oia ia ' u, a ke mihi loa nei au i ko ' u lolo, no ke hoopoina ana ia mea. E huikala mai oe ia ' u e Mr. Fiki, e kapae kaua i keia kumuhana no keia manawa, a i wa okoa aku e kamailio hou ai. E hoike mai oe ia ' u e pili ana no Miss Hilakona, pehea aku nei oia?"

            "Aole no he mea ano nui a ' u e hoike aku ai ia oe epili ana nona, koe wale no keia, he maika kona mau ana apau, elike no me ia au i haalelel aku ai ma Maunakeka. Ua haawi mai nei oia i kona aloha a nui ia oe, me kona kaumaha loa, no ka hiki ole iaia ke holo koke mai e ike ia oe, mamuli no hoi o ka oili ana ae o kekahi mau hana i manao mua ole ia : o kana nae i olelo mai nei ia ' u, e hoolana aku au i kou manao, me kou kau mau aku i na manaolana, e hoea mai ana no oia i ka wa pono a hui olua iloko o ka hauoli."

            "Alaila, ma kou manao maoli, o ka wa hea, kona manawa e hoea mai ai?" wahi a Magarita, me kona huna ole iho i kona ano pihoihoi, no kona noho hookahi me kela hale, me Kalani Fiki.

            "Manao au, iloko o na opuke kakaikahi wale no, he pokole loa kela manawa au e kakali ai. Aole anei i oloaa ia oe ka noho hauoli ana ma keia wahi?"

            "aole e hiki ia ' u ke huna iho i ka mea oiaio loa, o ia hoi, ua loaa "o ka hauoli ia ' u ma keia wahi. Ma ka ' u nana maoli iho no, me he mea la ua loaa ia ' u ka ipukukua a Aledina, he ana wale ae no, ua loaa ka ' u mau mea apau i makemake ai. O ka ' u mea wahle no e kaumaha nei, aole no ' u keia mau waiwai, ke lawe wale nei au,  i ka mea i kuleana ole ai au ma na ano apau, a e hiki ole ai hoi ia ' u ke pani hou aku. E huikala mai oe ia ' u e Kalani Fiki, no keia mau mea a ' u e huikala mai oe ia ' u e Kalani Fiki, no keia mau mea a ' u e

            hoike aku nei ia oe, o ka mea oiaio loa no nae ia.

            "Ina no hoi he mau lole emi mai o ke kumukuai, e aho ia, mamua o keia mau lole hihiu, me ka nunui maoli o ke dal@ i hooliloia. O na lole haahaa mai o ko lakou mau kumukua ua hiki loa ia ' u ke pani aku."

            Noke hou ae la o Kalani Fiki i ka akaaka, a i aku la : "Ina o oe ka wahine a kekahi kana, e pomaikai auanei oia, no kou piikoi ole i na lole nani, ame na lako hihiu, ka pulakaumaka a na wahine apau. I hoike aku no au ia oe e Magarita, he nui loa ke dala ia ' u me ka maopopo ole i ka mea e hana aku ai no ia mau dala, a he mea hoi e hoohauoli loa ia mai ai kuuuhane, in a e hooliloia ana kekahi lihi o ia mau dala, no ke kahiko ana aku ia oe e Magarita, me ke kauka ' i ole aku e pana ' iia mai, elike me kau e manao nei."

            "Ua hooia mai keia mau mea au i waiho mai ai no ' u, i kena mau olelo au e Kalani Fiki, aka aole loa o ' u wahi i lihi kuleana i keia mau mea apau maloko o keia hale, no ia kumu, aole e hiki ia ' u ke lawe mai. Ke maopopo mai la anei ia oe e Mr. Fiki ko ' u manao maoli? Ia ' u i hele mai ai a noho ma keia hale, aole au i ike mua nou keia home."

            "Alaila in a nei no ka maopopo mua ia oe, owau ka on a nona keia home, aole anei oe e ae e hoi mai maanei nei e noho ai?" i ninau aku ai o Kalani Fiki, me ka nee hou ana ae i ka akaaka, me he mea lau, ua lilo i mea hoohauloi loa aku i kona manao, ke poholo ana o keia kaikamahine hala ole iloko o kana umii.

            "O ka mea oiaio maoli no ia, aole loa au e hoi mai a noho ma keia wahi, ke loaa mua ka ike ia ' u nou keia home," wahi a Magarita me ka nanahu ana iho o kona mau niho i na lehelehe.

            "O ka ' u no kena i manao mua ai, a i wahi e holopono ai ka ' u mau mea o ka hoolala ana, pela iho la au i koi aku ai ia Nina, oia ka mea nana e pulapu ia oe."

            "Alaila manao iho la anei oe, he hana maikai ia, o ka pulapu ana i ka hoaloha?"

            "Ke manzo nei au, o ka maua i hana aku ai, o ke alahele pono wale no ia. Aole e hiki ia ' u ke nanamaka wale aku, ma ka haalele ana ia oe, i kekahi kaikamahine maemae loa ma Manakeka, i loko o ka nele ame ka hune, ua like no ia. me ka ae ana aku i kekahi ululaau, o na kumulaau oheohe opiopio, e noke ia mai i ka okioki e ka poe pakaha. Auhea nae oe e kuu Magarita, ke wanawana e aku nei au i na mea e pili ana nou. Aole e hala he mau mahina mai keia manawa aku, e lilo ana oe i hokuhele kaulana ma na wahi apau e ike ia ma iai kou helehelena.

            "Ua komo mua ka manao iloko o ' u, o keia kahi kupono nou e noho ai, aka nae mamuli o ka nani, ka u ' i ame ke kilakila o kou helelehena, ua hiki ole ia ' u ke hoonohopaa ia oe maanei nei, aka e loaa i ko ke ao nei he manawa e nana mai ai maluna o kou helehelena."

            Aia ma ka helehelena o Kalni Fiki, kekahi mea a Magarita, o ka ike ana mai, nanan i hookomo aku i ka hoohuoi iloko ona, he epa kekahi hana i hoolalaia e keia kanaka, a o ia kana o ka ninau ana mai:

            "Ua manao mua anei oe e hoonohopaa ia ' u ma keia wahi?"

            "Ae, ua komohia ka manao iloko o'u pela, e koi aku ia oe, e hoolilo i keia hale, i home nou, no ke koena aku o kou ola ana ' no keia kumu, ua aloha aku au ia oe, me ke aloha, o kekahi kanaka i ike mua ole ia mea he wahine."

            Ua hoopiha loa ia aku o Magarita me ka hoonaukiuki no kela mau olelo a Kalani Fiki, me kona ku okoa ana ae iluna, aia hoi ka ula ma kona mau papalina kahi i nohoalii ai, ua lalau e aku la nae o Kalani Fiki i kekahi lima  ahuki hou iho la ia Magarita ilalo, me ka nana ana aku ma na maka o ua kaikamahine opio nei, a i aku la "

            "O ke Akua wale no ka mea i ike, aole au i mano maoli e kamailio aku ia oe i keia mea, a ke nonoi aku nei i kau mau huikala ana mai ia'u e Magarita. Mamuli o ka hiki ole ia'u ke uumi iho i nahaku'iku'i makemake iloko o'u pela wale no i hanini okoa aku la ka waiu iwahi, aole nae a kaua nana hou ana aku i ka mea i hanini, e huikala mai oe no ia mau olelo a'u.

            "Iloko o keia mau makahiki o ko'u noho hookahi ana, ua ku a mehameha maoli no au, ua hoouka au i ka paio o ke kanaka makua, ua hoao e lanakila maluna o na inea o keia noho kino ana, eia nae, i kela ame keia manawa, e oili mau mai ana na hana hoowalewale, e hiki ole ai no ke pale ae. O, e Magarita, o na lani wale no ka i ike, ua hooko aku au i ka'u mau hana ma ka honua nei, elike me ka hiki ia'u. Nolaila, mai hoowahawaha mai oe ia'u e Magarita, mamuli o ka puka okoa ana aku nei o na mea hiki ole ia'u ke kaohi iho, o ke kumu no ea, ua oi ae ka paila ana a ke aloha iloko o kuu puuwai, mamua o ka hiki ia'u ke uumi iho."

            Aia o Magarita ke nana pono mai la ma na maka o Kalani Fiki; me ka hoolohe ana mai i kela mau olelo pelo o ka piha maalea a keia kanaka, i oi aku ke ino, ka lapuwale mamua o ka nahesa, nana i hoowalewale ia Eva, maloko o ke kihapai o Edena, o kana mea e ike mai la, aia ke kaumaha maluna o, ua kanaka nei, e hiki ai no iaia ke ike iho. ua oili mai ia kaumaha no ka nui maoli o ko Fiki aloha iaia.

            Ke hoomaopopo mai la o Kalani Fiki i ke kaumaha ma na makana o Magarita, he kaumaha, aole no ke kulike o kona mano me ko ua kanaka nei, aka no ka hiki ole iaia ke ae aku i kona manao, a o ia kana o ka hoomau hou ana mai me kela mau olelo pelo no :

            "Ua loaa mua aku anei ia oe ka ike, no ke ano o ko'u noho hoomanawanui ana iloko o keia mau makahiki loihi i kaahope aku nei?"

            "Ae, ua kamailio mua mai no o Nina Hilakona ia'u, i kekehi hapa o kou moolelo."

            "Ae, ua hiki ia oe ke heluhelu mai ia mea ma kuu mau maka nei. Aole anei hoi e huikala mai ana oe ia'u, no na mea a'u i kamailio aku nei imua ou. Aole a'u mea hou aku e ake aku nei mai ia oe mai, kou hoikeike wale mai no i kou mau ana oluolu ia'u, kekahi o na kanaka i ukaliia e na haawina pakalaki."

            "Aole he maopopo ia Magarita o kana mea e pane mai ai, aka nae, ahope iho o kona noho hamau loa ana no kekahi manawa uuku, aoea ae la kona pooo iluna, a i mai la :

            "He hookahi a'u mea e noonoo nei i keia manawa, o ia no ko'u haalele iho i keia home a hoomaka aku e hele i ka hana, e pono ai ko'u noho ana."

            "E ae mai ana anei oe e huikala iau e Magarita?"

            "Ae, me kuunaau apau, ke huikala aku nei au ia oe, me ke kaumaha no nae o kou naau, i ka ike ana, ua noi mai oe i ka mea hiki ole loa ia'u ke hooko aku i kou makemake."

            "Ina i loaa aku ia oe e Magarita ka ike i ke ano o ko'u ola ana, in a ua kaokoa ae kau mea e pane mai ai. O, he ku maoli no i ka ehaeha! I ka manawa a ko'u puuwai e upu aku ai e loaa mai he maha, o ka ehaeha, ke kaumaha ame ka luuluu ke panaiaia mai. O ke Akua wale no ka mea i ike i ka nui o ka ehaeha a'u i hoomanawanui ai iloko o keia mau makahiki.

            "He kumuhana keia i hiki ole ia'u ke manailio me ka maha o ka manao, eia nae aole e hiki ia'u ke uumi iho, oiai ua like maoli no na makahiki aku nei i hala me he luahi la no Gehena. Aole e hiki ia'u ke hoomau i ke ola ana iloko o ka ehaeha. mamuli o na paumaele o ka wa i hala, aole loa. Pehea la i alaiia ae ai na alahele apau e loaa ai ka hauoli, mamuli o ka hewa hookahi wale no a'u i hana ai o ka wa i hala?

            "Ua ukali mau mai ia mahope o ko'u meheu, me he aka kino wailua la, e kipaku ana i ka hauoli, mai ko'u alahele ae, a e waiho iho ana i ka ehaeha, ame ke kaumaha ma kona makalua. Heaha ia mea he mare, ke ole e ukaliia e ke aloha?"

            Ma keia wahi o ke kamailio ana aku a ua o Kalani Fiki. ku okoa ae la oia iluna, me ka holoholo ana maloko o kela rumi, me he mea la, ua uluhiaia oia e na manao uluahewa o ka ehaeha, a i ole, ua like paha oia me kekahi kanaka, maluna o kahi hanakeaka. me kona makaala loa ana nae, e hoikeike mau aku i kona helehelena, i wahi no Magarita e ike mai ai, malia o komohia aku ke aloha iloko o ui kaikamahine nei nona, no ka mea he mau hana wale no kela o ka piha maalea ana e hoikeike aku la imua o Magarita, a i ka hala ana he mau minuke o kela holoholo ana a ua kanaka nei, hoi mai la 'oia a noho iho la maka aoao o Magarita, me ka lalau ana aku no hoi i kona lima, a i mai la :

            "E hoike mai oe ia'u i ka mea oiaio loa, e huikala mai ana anei oe no kau mau olelo i kamailio mua aku nei imua ou?"

            "Ae, ua hoike mua aku nei no hoi au ia oe, ua huikala aku au ia oe me kuu puuwai apau ; aka nae, e hookuu mai oe ia'u e hele mai keia hale aku."

            "Alaila, ke mihi loa nei au, no ka'u mau hana naaupo, pela wale no i konoia aku ai o e haalele mai i kahi a'u i manao ai, he home ia noe e noho ai me ka oluolu."

            "Aole he kupono nou e hoahewa wale iho no ia oe, o ka mea pololei maoli no, o ia ko'u  ku ana a haalele iho i keia hale no'u no ka hewa, o ka ae ana, ehele mai no keia wahi."

            "Ina pela oe e kamilio mai ai e Magarita, alaila e komo mai ana kekahi manao iloko o'u, aole loa oe i huikala mai i ko'u hewa."

            "I na no aole oe i kamailio mai la i kena mau olelo, ua paa no kuu manao, e ku au a hele no kekahi wahi okoa aku, e huli ai i kekahi hana na'u."

            "Ina oe e ku ana a haalele iho i keia home, ihea oe e hele aku ai?"

            "AOle he wahi i maopopo iau, koe wale no ko'u kauka'i ana aku maluna o na mea i hooholo mua ia ai, no ko'u komo aku iloko o na hanakeaka."

            "Ae, o ka kakou hana mua no ia i noonoo ai nau, a e hoea mai ana i ka hookoia ana o ia manao," wahi a Kalani Fiki, me ka hoololi ana ae o ua kanaka nei i kona ano, mai keia nanaina kaumaha mai, a i ke kulana hoihoi. Ke ae aku nei au e hele oe ma kela hana, aka nae, aole au e hookuu aku ana ia oe e haalele iho i na kaupoku o keia home, ahiki i kou komo maoli ana iloko o na hana keaka."

            "Ae, o kena maoli ka mea pono, elike me kau e kamailio mai la e Kalani Fiki, no ka mea, aole no he wahi hou aku a'u e hele ai."

            "Akahi no au a olelo ae, ua huikala mai oe ia'u e Magarita. Maanei no oe e noho ai, a o na lunanui oloko o na halekeaka ke hele mai e hui pu me oe, i ko lakou manawa auanei e ike mai ai i ke kulana o kou noho ana, e ike iho ana lakou, aole oe i komo aku iloko o kela hana, no ke ake i ke dala, ka waiwai ame ka hanohano, aka no kou makamaka maoli no e hoolilo ia hana, i mea hoohala manawa, ma ia ano auanei e ike ana oe, e haawi mai ana kela poe i na uku unui nou, aka, in a o oe ke hele aku ana imua o lakou, a in a no hoi e loaa aku ana ka ike, o ka nele mai ke kumu o kou makemake ana i kela hana, e hoemi mai ana lakou i kou uku no ka pule."

            "Ae, o kena paha ka manao pololei," wahi a Magarita me ke ano kanalua no nae.

            "Aole a kau kamailio hou ana maluna o keia kumuhana." me ka wehe ana ae o Kalani Fiki i kana uwaki pakeke. "E hele kau e ai like maluna o ke pakaukau i ko kaua aina ahiahi, eia no keia i na hora o ke ahiahi, e loaa ai no he manawa nui kupono no kaua e hoea aku ai i ka halekeaka, mamua o ka hoomaka ana o ke keaka i keia po."

            "E manao ana ka hoi au, aole ou makemake e Mr. Fiki e ikeia mai e hele pua ana oe me a'u."

            "Pela no, aka nae. aole he pilikia, in a e hele like ana kaua i keia po, e noho ana kaua maloko o kekahi wahi i hookaawaleia, o ka'u wale no e olelo aku nei ia oe, e komo oe i kau lole u'i loa i ike ai maloko o keia hale, no ka mea maluna o kou helhelena u ' i ama koy hiehie i ke komolole e loaa ai ka holomua loa ia oe, ma ka hana au e makemake aku nei. E hao mai oe a ppaihi, me he mea la, o oe wale no ka wahine opio u ' i a hiehie hookahi ma ka honua nei.

            "E hoomanao pu hoi, o keia ke anuu mua loa au e hehi aku ai, no ka hana a kaua e ake aku nei e loaa ia oe," o ke kaomi aku la no ia o Kalani Fiki i ke pihi o ka hele kahea, a i ka oili ana mai o Aline, i aku la oia

            "E hoomakaukau koke mai i ka paina ahiahi i keia manawa. a e kii aku oe i ka lole nani hookahi e waiho nei maloko o keia hale, no ka madame nei, no ka mea e hele pu ana oia me a ' u i ka nana keaka i keia po. E hana oe i kona lole a u ' i loa ke nanaia mai, no ka mea ke makemake nei au. oia ka helu ekahi iwaena o na wahine apau e hoea ae ana maloko o ka halekeaka i keia po."

            Ke hookahaha loa ia la ko Magarita manao, no ke ano o Kalani Fiki, i ka loli hikiwawe ana ae la o kela ano kaumaha mai kona helehelena ae, a he hoihoi kana mea e hoomaopopo mai la, me ka nalu nui ana iho i ke ano oiaio maoli o keia kanaka.

MOKUNA XXIII

            E waiho malie aku hoi kaua e ka makamaka heluhelu ia Kalani Fiki me Magarita, e kakali ana o ka makaukau mai o ka aina ahiahi, a e hoi hou ae kaua ihope a nana aku no na hana ma Maunakeka, ke kulanakauhale a Magarita i haalele aku ai, a ahele mai la i ke au a ka wawae, mamula o ka pelo a ka nahesa e hoopoino iaia.

            Ma ke kakahiaka ae, mahope o kela la, o ka hele ana o Kapena Rede me kana mau malihini i ka holo moku, oii o Tede Dougala e hiamoe ana maloko o kona rumi ma ka hokele, ua puiwa kona hiamoe, i ke kikeke ana aku o kekahi mea mawaho o ka puka.

            Ala ae la oia a hele ami la e wehe i ka puka, aia hoi he keiki elele ke ku ana, me ka waiho ana aku he wahi leka loihi iloko o kona lima, a i aku la.

            "E kakali ana au, ina paha he pane kekahi mai ia oe mui no kena palapala."

            Nana iho la o Tede i ka wahi leka, e kau ana ka inoa o ke keena kelekalapa, o kona uhae ae la no ia, a heluhelu iho la i na manao i kakauia maloko elike me keia

            "E loaa no au ia oe maloko o ka Hale Paka, Bosetona. Ina aole au e loaa ana ia oe malaila, alaila e kakali malie oe ahiki i ko ' u hoi ana aku. kapena Rede."

(Aole i pau.)