Ka Nupepa Kuokoa, Volume LVIII, Number 28, 9 July 1920 — Page 6

Ka Nupepa Kuokoa

KE KILOHANA POOKELA NO KA LAHUI HAWAII.

            'O ka'u e manoalana nei e loa'a ole aku ka ike iaia eia au maloko o keia kulanakauhale i keia la oia no hoi ko'u kamu o ka holo ana mai nei me ka hoanoe loa. ia'u iho, i ole au e ikeia mai. Mai ike ole no oe ia'u in a aole au i hele okoa mai e hui me oe ma ka hale hoolulu kaaahi.

            'O ka'u waie no i mahalo iho la oia kou hoike mua ana mai la ia'u ia mea a he haawina laki ia ma ko'u aoao e makaale loa ai au ma ka'u hana ana aku.

            'Oia no hoi, ua ike au i kou hemahema maoli ma o ko'u hookomo ole ana ia leka ma kahi e haule ole ai, a no ia hemahema ma ko'u aoao i noonoo iho nei au he mea maikai ia'a ke hoike aku ia oe no ia mea," wahi a Hale o ka mihi ana ae.

            Ua pono oe i kou hoike e ana mai la no ia mea ; ua pau ia a e ninau aku ana au ia oe i kekahi mau ninau kakaikahi, a nau ia e hoakaka mai ia'u no ka mea e pili ana i ka hana elike me ka ike i loaa ia'u no ia hana, ka hana hoi nana i @@@@ aku ia Gomeza ame Dupona e holo mai no keia kulanakauhale.

            Aohe pane aku o Hale, alaila ninau mai la ka Makaikia Taravai "Pehea ke ano o kela haku hale o Ka Umii.' he kanaka nui anei ia a he wiwi paha?"

            "He kanaka poupou, a pu'ipu'i a ka lawai'a oia, a ke nana mai malalo o ka lae e lena mai ai, elike me ke ano o na kanaka aihue lio, a i ole powa.'

            Nee ae la ka Makaikiu Tarava i ka akaaka no nei hoakaka a Hale. a ninau hou mai la : "Ua hoike aku nae paha oe i kekahi kanaka okoa mawaho ae o Joe Keranatona no kekahi mea e pili ana i keia hana?"

            "Aole." i pane aku ai o Hale.

            "No ke aha kou mea i hele ole ai imua o ka oihana makai a hoike aku i na makai ma ka mea e pili ana i helia hoopaaia ana o olua?"

            "Aohe i ulu mai ka noonoo iloko o'u no ia mea, no ke kumu no. aohe maopopo ia'u o ka'u mea e hana aku ai."

            "Manao anei oe ua loaa aku ka ike ia Dupona ua mahuka mai olua mai kela hale mai o olua i hoopaaia i?"

            "Ke manzo nei au pela i keia manawa a kaua e kamailio nei."

            "E hoike mai oe, elike me ka paanaau i hiki ia oe ke hoomanao 'ae. no kau mau mea o ka Iohe ana aku i kela mau kanaka e kamailio mai ana maloko o kela hale."

            Alaila hoike aku la o Hale, elike me kana mau mea apau i lohe a i hoomanao ai, mai ka mua a ka hope, a oiai oia e hoike aku ana ke noho malie loa mai la ka makaikiu hoolono me ke kahamaha ole mai, a hiki i ka pau ana o ka Hale mau mea i hoomanao ai.

            "O kena kau mau olelo a pau la o ka lohe ana aku ia laua o ke kamailio ana?"

            "Ae."

            "He hiki pono no nae paha ia olua ke lohe aku i ka laua mau mea apau e kamailio mai ana maloko?"

            "Ua lohe aku maua i kekahi mau olelo a lohe ole aku i kekahi. aka nae. ma ka hapanui o ka laua mau mea i kamailio mai ai ua lohe aku maua. mamuli o ka nunui o ko laua mau leo o ke kamailio ana ae." wahi a Hale.

            "Ua maopopo no anei ia oe ka kaikamahine a laua e hoo@@@@ mai ana e ahai aku ana a pepehi iaia?"

            "Ae ; o Mate Wilamota. pela ka'u e hoomanao nei. ioa ka laua kaikamahine i manao ai."

            "No ke aha kou mea i hele ole aku ai e hui me ia a hoakaka aku no kona pilikia? Ua lohe aku la ka hoi oe i ka hoolala mai o kela mau kanaka i ka hana e make ai o Mate, o kau hana maikai loa oia ka hele ana aku a hoike iaia, aole ka huna a lohe aku ua make oia alaila mihi iho."

            "Hookahi no kumu. aohe loaa ia'u he manawa kupono e hele aku ai e hui me ia, ua loaa no ia manao ia'u. a ua hooholo iho in a no ka loaa o kekahi manawa ia'u i keia ahiahi a i kekahi manawa kaikai paka o keia la oia ko'u manawa e hele aku ai e mahaoi a hoolauna aku ia'u iho imua on a, me ka hoike aku iaia i keia mau mea apau a'u i lohe ai nona."

            "O. in a pela mai hele oe. owau ke hele aku e hui me ia." wahi a Tarava o ka pane ana mai, "ua ike au i kela kaikamahine a ua kamaaina iaia, nolaila ea, owau ke hele aku e ike iaia."

            Ua kamaaina no nae oe ia kikamahine?" i ninau aku ai o Hale.

            "O, he hana hiki loa ia ke hanaia!" i pane mai ai ka makaikiu me ka minoaka ma kona mau papalina.

            "He keu ku ka a ka mea kupauaha, aohe i piha ae nui ka hora ia oe ua kamaaina ae ia Mate Wilamota. He Mate okoa aku la paha ia au i kamaaina mua ai.. aole ka Mate a kela mau kanaka i hoolala ai e pepehi?"

            "Ua kamaaina au : ua ike mua au a maopopo loa no hoi i ke kaikamahine i kapa iaia iho o Mate Wilamota."

            Nee ae la hoi o Hale i ka akaaka i nei manawa ma ke ano hoopahene i ka makaikiu, alaila ninau aku la : "Ina i'o ua maopopo oia ia oe. alaila owai oia, a mai hea mai oia, a owai kona mau makua?"

            Me ka pane ole mai o ka makaikiu i na ninau lehulehu a Hale o ka ui ana aku la. wehe ae la ka makaikiu i kekahi kii mailoko ae o kona pakeke a i ke kaomi ana iho i ke pilina e hoopaa ana i ke pani, hemo ae la ke pani a ahuwale mai la ke kii o Mate, he kii i kulike loa me ko ua o Hale o ka hoohalike loa ana me ko mate ana ikemaka ai.

            "O keia ke kii o Mate Wilamota, oia ko'u mea i olelo mua aku nei ia oe ua ike mua au iaia, a in a no au e hele aku ana e huli aole e nele ana kona loaa aku ia'u."

            Aohe pane aku o Hale. aia mau nae kana nana ana maluna o ke kii a ka makaikiu o ka hoike ana mai la iaia.

            "E Hale, e hoike aku ana au ia oe i ke kumu i holo mai ai kela mau kanaka ino ianei. a mamua o ka pau ana o ka'u kamailio ia wa e ike iho ai oe owai la ua kaikamahine la." wahi a Tarava.

            Alaila hoomakaukau iho la o Hale iaia iho no ka hoolohe aua aku i na mea apau a ka makaikiu e hoakaka mai ana iaia e pili ana i ko Mate Wilamota moolelo.

            MOKUNA XVI.

Ka Hoopaapaa Maloko o ka Hale.

Mahope o ka loaa ana o ka leka i haule ai ia Hale ma ka haleleka ia Gomeza, ke kanaka Mekoko, hoi aku la oia me ka awiwi loa mai ka haleleka aku ahiki i ka ho'ea ana aku i ka hale i kapaia "Ka Barbary Coast," he hale inurama me pahupahu, a ma kekahi puka ma ka aoao o ia hale ma kekahi alanui ololi loa i komo aku ai oia a pii aku la no ka hale oluna, me ka ike ole ia mai.

            Iaia i komo aku ai iloko o ka rumi, papani mai la oia i ka puka a paa me ka laka ana mai mahope on a, a kiola aku la i ka huihuiki iluna o ke pakaukau, kahi a Dupona e noho ana a e kulou ana e kakau.

            He kanaka okoa kekahi e noho ana maloko o ia rumi ia manawa. Aole oia he mea e aku, aka, o Porota no, ka hakuhale o ka "Hale Umii" kahi o Hale ma i hoopaaia ai i ka po mamua iho.

            Ia Gomeza i komo aku ai ua hoopau o Dupona i kana kakau ana, a e u kamailio ana me Porota, a e ike mua aku ana no ka makamaka heluhelu i ka laua mau mea e kamailio ana, no ka mea no ia e pili ana i ka holo mahuka ana o na paahao a lakou o ka hoopaa ana maloko o ka halelua o ka "Umii" ma ka po mamua iho.

            Me ka piha huhu loa o Dupona i noho aku ai hoolohe i ka Porota kamailio mai, a he nui wale kana mau olelo hooweliweli o na ano like ole o ka hoopuka ana aku imua o Porota, me ka olelo pu aku e kauia aku ana kekahi hoopa'i ko'iko'i loa maluna on a, no ka malama pono ole ana i na paahao i komo aku iloko o ka upena.

            Eia nae, ia komo, ana aku a Gomeza, ka Mekiko, ua kanahai iki mai ka inaina o ua o Dupona, a e hoolala ana iloko iho on a i kekahi hana i mea a paa hou ai ka kakou koa i ka hopuia, in a e hiki ana.

            O kana hana i hoolala ai no ko Mate Wilamota make aohe i holopono iki ahiki ia manawa, a no ia holopono ole, hoolala hou iho la i kekahi hana i mea e paa a e make ai o Hale.

            Ma ka la mamua aku, mamua o kona hoike ana aku i kana mea huna ia Gomeza, ua kakau oia i kekahi leka a hoouna aku la ia Mate Wilamota, me ka huna ana i kona inoa ponoi o "Eluene Fiseka," kona inoa o ke kakau ana malalo o ia leka, a oia no ka leka i ike mua ia ae nei e ka poe heluhelu ma kekahi o na mokuna i hala, me ka manao o ua o Dupona e lilo ana ia leka i mauna e puni mai ai o Mate, eia nae, ua ike mua ae nei oe, e ka makamaka heluhelu, i kona hoohokaia ana, no ka mea, e noho mai ana no ko Mate WIlamota aumakua e kiai i kana pulapula, nolaila he papai ka ia e hoi ai a ka lawai'a paoa, a ua ike mua ae nei no hoi oe, e ka makamaka heluhelu i kona paa ana iloko o ka umii a ma Makaikiu Tarava i hoomakaukau ai nona.

            Ua maopopo mua ae nei ia oe, e ka makamaka heluhelu, ka loaa ole'ana o ka i'a i ka maunu a ua o Dupona i hoomakaukau ai, a ua ike ae nei kakou ma na mokuna i hala i kona holo ana me Gomeza no ka "Umii" ma ke ahiahi loa ana iho o ka la mamua iho.

            Ma kekahi ano ua maopopo ole iaia kana mea e hana aku ai, a mahope o kona noonoo ana, noho iho la ma ke pakaukau maloko o ka rumi kahi a kakou e ike nei iaia, a kakau iho la i kekahi leka a ka Makikiu Tarava i hoouna mai ai ia Hale, a Hale o ka hookomo ole ana iloko o kona pakeke, elike me ia i ike muaia ae nei ma ka mokuna i hala.

            Aohe i liuliu loa o Gomeza o ka hala ana aku hoea ae ana o Porota a hoike ae la ia Dupona no ka pakele ana o Hale ma mailoko aku o ka Umii. O ka pau ana iho no hoi ia o ka Porota olelo a hoi aku ana no o Gomeza.

            Aohe i hookahahaia o Gomeza i ka manawa ana o ka ike ana mai ia Porota iloko o ka rumi, ua manao oia i hele mai no o Porota e hui me laua a e kuka no kekahi hana, eia nae, i ka wa i lohe ai ua o Gomeza ua lele na manu a lakou o ka hoopaa ana maloko o ka hale, ua hoopiha loa ia oia i ke kahaha, me ka ninau ana iaia iho, "pehea la i hiki ai i kela mau kanaka opio ke hemo mailoko aku o kela paa, oiai ua paa ko laua ma ulima ame na wawae i ka nakiikiiia?" He ninau nae ia i hiki ole iho ai iaia ke wehewehe nona iho, o oe e ka mea heluhelu ka i maopopo elike me kau i ike ae nei mamua.

            "Ua hemo na manu (Hale ame Joe) mailoko mai o kela hale," wahi a Dupona o ka pane ana mai i ua o Gomeza.

            "Pehea? Ua hemo kela mau kanaka?"

            "Ae ; ua hemo laua mailoko mai o ka hale, me he mea la ma kekahi manawa no o ka po nei," i pane mai ai o Dupona, no ka lua a no ke kolu o ka manawa, elike me ka Porota o ka hoike ana ae i ua o Dupona.

            "Akahi no a maopopo ae la ke kumu o ka loaa ana mai nei o keia leka ia'u e waiho ana maluna o ka papahele o ka haleleka," i pane aku ai o Gomeza, alaila lalau iho la@@ lawe ae la i ka leka mailoko ae o ka pakeke o kona kuka, a haawi aku la ia Dupona, ka leka hookahi no a ka Makaikiu Tavara i hoouna mai ai ia Hale, a i haule ai me ka maopopo ole ia Hale.

            He mea eleu no ka hoi ia la o ke Konela Dupona o ia lalau ana mai, a heluhelu iho la i ka inoa i kakauia mawaho o ka wa-hi, alaila wehe ae la i ka leka mailoko ae o ka wa-hi.

            Oiai oia e heluhelu ana i na lalani mua, i pihaa me na manao waiwai i pili loa iaia, haikea ae la kona helehelena, a ia manawa like pii ae la ka ula ma kona mau papalina a ma kona mau maka, oia no oe o ka ilio pulu i piha loa i ka huhu.

            I ka pau ana o kana heluhelu ana o ke ku ae la no ia o ua o Dupona, a hopu mai la kekahi lima on a i ke kania-i o Gomeza, a hooluliluli ae la iaia elike me ka kaka ana a ka ilio pulu i kekahi iole manaku.

            "Kanaka ino maoll oe, e kena hupo nui!" i hoopuka ae ai ua o Dupona, me ka piha loa i ka huhu. "Heaha kau mea i hana ai? Pehea oe i hana ai a waho hemahema i kekahi meheu na ka ilio a ke aupuni, ka Makaikiu Tarava, e hanu mai ai mahope o kou meheu, a mamuli o kau hana hemahema ana, e hoea mai ana ka Makaikiu Tarava ianei, me ka hookolo pu mai mahope o ko'u meheu? Kanaka hupo ino maoli no oe! Ke makemake loa nei au e pepehi ia oe i keia manawa a make loa."

            Mamuli o ka paa loa o ke kania-i o ke kanaka Mekiko, me kona luluia me he wahi mea mama loa la iloko o ka lima wikani o ke konela, ua pii la ka uli ma na wahi apau o ka helehelena o ke kanaka Mekiko ; o ka hele ia a puu na maka me ka lewalewa o ke alelo iwaho.

            I ka hooki ana iho ua o Dupona i kana kamailio ana, ka ino aku la oia i ke kanaka Mekiko ma kekahi aoao mai iaia aku, a nana aku la i ke kikiwi ana a ua Mekiko la a haule pa-hu aku la iluna o ka papahele.

            Aohe lele mai o Porota e kokua i ke kanaka Mekiko, a i ole komo mai la hoi e uwao i na mea hakaka, o ka noho wale mai no kana nana, me ka piha maka'u nae ame ka haalulu.

            Aohe nae i liuliu loa ia hina ana iho o Gomeza ilalo, ua ku hou ae la oia iluna maluna o kona mau wawae, me kekahi pahi winiwini oilua e paa ana ma kona lima. Ua like loa iho la no keia hana ana ana me kela hakaka ana a ua kanaka Mekiko la me hale maloko o ka hale pahupahu, i kona manawa i haule iho ai iluna o ka papahele, a ia ala kou ana ae he pahi loihi ma kona lima, a in a paha no ke kokoke aku o Dupona ma kona aoao ia manawa, in a ua ku oia i ka pahi a ke kanaka Mekiko, a o kona make no ia malaila ia manawa.

            Aohe hopo iho o Dupona ia manawa no ka ike ana kau i ka pahi a ke kanaka Mekiko, ke nana pono la oia maluna on a, a me ka huaolelo hookahi o ka pane ana aku, "uoki," haule hou iho la ka lima o ke kanaka Mekiko ilalo, a hoihoi hou iho la i ka pahi iloko o ka wa-hi ma kona puhaka, ua hoolohe mai la oia i ke kauoha.

            Mamuli o kekahi mana kupanaha i loaa ia Dupona, me he mea la ua hoopulapula loa ia ka naau o ke kanaka Mekiko, e hiki ole ai iaia ke ku-e mai, a me he mea la ua lilo ke kauoha a Dupona i mea maka'u ia e Gomeza, mamuli o kona hoolohe i ka Dupona kauoha.

            He mau minuke mahope iho ua maalili loa iho la ka huhu o Dupona, me ka hoopuka ole ia nae o kekahi mau huaolelo mawaena o laua a hala he mau minuke lehulehu, aka, no ke kanaka Mekiko, aia wale no maluna o Dupona koua mau maka e haka mau mai ana, me ka hulili, e hiki ai no ke ikeia aku aia he manao hoomauhala iloko on a.

            Ina no ka loaa o ka manao aa a koa iloko on a in a la paha ua lele mai oia e pahu i ke Konela Dupona me kana pahi oilua winiwini i hele a kohu pahi umiumi ka oi ma ka puuwai.

            "E heluhelu iho oe i kena," a haawi aku la o Dupona i ka leka i ua o Gomeza. "Ua maopopo ia oe ko ʻ u manao ma ka ʻ u mau olelo," wahi hou a Dupona o ka i ana aku.

            "Ae, ua maopopo ia ʻ u kou manao," i pane mai ai ke kanaka Mekiko, "aka, e kauleo mua aku ana au ia oe mai hoao hou oe e uumi i kuu kania-i ma nei hope aku, o ike oe i ke kapalulu o ka winiwini o kuu pahi iloko o ko puuwai. Wahi au i olelo mai nei ua waiho au i ka meheu no ka hookolo ana mai o ka makaikiu mahope o kaua, ke ike ole nei au la ia mea, aohe i loaa iki he ike a i ole he haili ia ʻ u e hookolo mai ana kela makaikiu; ke ole au e koho hewa mamuli no ou i loaa aku ai ka ike i kela makaikiu eia kaua ianei, a in a pela heaha iho la kou kumu o ka huhu ana a hooili mai i na ahewa ana maluna o ʻ u?"

            Me ke okalakala loa ke kanaka Mekiko o ka hoopuka ana mai i keia mau olelo ae la maluna a Dupona e ike aku ana o kona manaoio maoli no ia elike me kana i olelo mai ai, e hoainu mai i kana pahi i ke koko o kona puuwai, in a e loaa ana he manawa kupono nona e hana mai ai ia hana.

            "E ike oe nou iho, elike me k manao maloko o keia leka, e holo mai ana kela makaikiu ianei no ka hookolo ana mai mahope o kaua; aole kumu e ae o kona konoia aku e holo mai ianei mamuli wale no o kau hana hoikeike, ke ike mai la anei oe?

            "He mea pono e hoopau kokeia ka kaua hana maanei i keia po, o ka make, a i ole o ke kaa mai o kela kaikamahine ame kela kanaka opio malalo o ko kaua mana, oia ka oi aku o ka maikai, i mea e hoopokoleia ai ko kaua noho ana maanei mamua o ka hiki ana mai o ka makaikiu ianei. Lohe ku la oe?

            "E pono oe e huli aku ia Hale Lesetera i keia pi, a, in a no kona loaa aku e pepehi aku iaia a make, in a e hiki ana ia oe. No kela kaikamahine hoi, na ʻ u ame Porota nei e hana aku i ka mea e paa ai oia aohe hoopahua a hana hoohoka hou ana i nei manawa, o ka make o kela mau opio ia kakou oia wale no ka pau o ka kaua hana maloko o ka kaua hana maloko o keia kulanakauhale, a in a no ka holopono o nei hana, ma ke kaaahi mua loa e hoi ana no ka hema e kau aku ai kaua, a hoi aku me ka hoohakalia hou ole iho, aohe i keia aku ka hoea mai o kela kanaka ino, ka Makaikiu Tarave ianei, a o ko kaua paa mai no ia i ka hopuia. Mamua o ka puka ana o ka la o ka la popo e pau mua keia hana i ka hanaia."

            "Nou iho, e Gomeza, e hoomakaukau oe no kau apana hana. Ke ike nei au aole e hele mai ana kela kaikamahine i ka hokele nei, e like me ia a ʻ u o ke kakau ana aku iaia, nolaila, no ke ko ole o ko ʻ u makemake, e aho owau ponoi ke hele aku e hui me ia, aole nae  i na manawa e ae, e kakali au a hoi ae oia i ka hale mai kahi ae o kana hana, no ka mea. aia no i ke ahiahi ka pau o kana hana.

            "E hele aku ana au a hoea i ka hala ana e noho nei a noi aku e kamailio pu me ia, a in a, no ka aeia mai, ia manawa au e waiho aku ai imua on a i kekahi mau olelo apuhi i kona noonoo me na huaolelo hoopunipuni maikai loa e loaa ana ia ʻ u aia ka pono a puni mai oia, a i kona manawa e ae mai ai i ko ʻ u manao alaila noi aku iaia e hele pu mai me a ʻ u iwaho mailoko mai o ka hale, a ka i ae iaia a ma kahi a Porota nei e kali mai ana me ke kaalio.

            "Nou hoi e Porota, e hoomakaukau oe i kau kaalio i keia ahiahi, e wae oe a na lio maikai holo loa, a ma kekahi wahi a kaua e hooholo like ai malaila oe e ku mai ai kakali o kuu hoi aku me kela kaikamahine, a i ka manawa e kau aku ai maua iluna o ke kaalio ea, o kou manawa no ia e kuupa@ aku ai i ka holo o na lio, aia ka pono a mamao loa ma kekahi wahi kuaaina loa o ke kulanakauhale nei.

            "Aohe pono e lawe a ʻ e i kela kaikamahine no ka "Umii," no ka mea ua ikiea kela wahi e kela mau kanaka opio, no ka mea, i ka manawa e lilo mai ai o kela kaikamahine e huliia aku ana ia hale, nolaila, e aho ka ahai i kela kaikamahine a kahi mamao loa a Porota nei i ike ai he wahi nalo ia, a ia wahi oe e hele ae ai a loaa makou. Ke maopopo mai la oe, e Gomeza la i keia?"

            "E pono oe e Gomeza e hele aku i ka hale kahi umiumi, a hoano-e ae oe i kou helehelena, no ka mea ua ikeia oe me kena umiumi nui ou, nolaila, e pono e pau kena weuweu i ke kahiia. E hele koke aku oe i nei manawa, mai kali hou no kahi manawa aku! No ʻ u hoi, na ʻ u e noonoo i ka ʻ u mahele o ka hana, a mamua o kuu ike hou ana aku ia oe, e pono e lilo o Hale Lesetera i ai na na ko ʻ e ame na ilo. E hoomanao oe i ka ʻ u mea i olelo mua aku nei!"

            I ka hooki ana iho o ua o Dupona i keia mau olelo, ku ae la oia iluna a komo ho la i kona kuka hoopumehana, no ka mea, he la huihui loa ia, a i ka paa ana, wehe mai la i ka puka a oili aku la iwaho a haalele mai la i ka rumi.

            I ka hala ana aku o ua o Dupona, a laila huli ae la o Porota e kamailio i ke kanaka Mekiko i ka i ana ae: "He kanaka piha debolo maoli kela, aole anei ou manao pela?"

            "Ua pololei kau iolelo mai la, e ike ana nae oia, he la no e hiki mai ana owau pu kekahi e lilo ana i debolo! Ina i loaa ia ʻ u ka manao koa a aa loa i kela manawa o kona hana ana aku nei kela e make ai oia ia ʻ u, a he kanaka make oia i keia manawa, aohe o ʻ u maka ʻ u i kekahi kanaka huhu a ika ika paha e like me kela, in a e hoao mai ana e hoopoino i kuu ola ma nei mua aku. He kanaka huhu ino kela a ʻ u i maopopo ai i kona ano mai mua mai o ko ʻ u hookamaaina ana me ia, o ka hooki wale aku no i kona makemake, pela oia e akakuu mai ai, aka, ua hala aku la ia manawa, nana aku ia mua," wahi a ka Mekiko.

            "O, no ʻ u iho, aole hiki ia ʻ u ke hoomanawanui i kana mau olelo ino, ʻ i pane mai ai o POrota. "Aole iho la keia o ka mua, he lehulehu wale, ʻ wahi a Gomeza.

            "Aole o keia ua hala, aka nana aku ia mua; in a no kona hoao hou mai i lawelawe inoino ia ʻ u, elike iho la me keia, o kona hana ana aku ia inu ka maka winiwini o kuu pahi i ke koko o ka puuwa on a. Aohe iho la o ʻ u makemake i nei mau hana ana e alakai ei ia ʻ u iloko o ka pilikia, in a no ka holopono o nei hana, e hoi pololei aku ana au no ko ʻ u aina hanau a hoopau i ko ʻ u mau ano lapuwale o na la i hala a noho aku ma ke ano he makaainana malama i ke kanawai maloko o Mekiko.

            "Aole iho la o ʻ u makemake i nei hana ana o ka haawi ana mai nei la na ʻ u e hana. Me he mea la he hana maalahi wale no i kona manao ka lawe ana aku i kela kaikamahine me ka halawai ole me na popoilikia. E pono oia e ike iho aole keia o ke kulanakauhale ana e hoaano iho ai e hiki ana iaia ke hana ia hana me ka maalahi, elike me ia ma ka mokuaina ma ka hema. Ma keia kulanakauhale ua piha na wahi apau i na kanaka o ke kanawai, a in a no ka holopono ole o kana hana ana, oia ana no ka luahi, a i ole owau ana paha a pau pu me oe, e Porota. Ke hoike aku nei au ia oe i nei manawa ua hele mai la au a piha i ka maka ʻ u i keia ano hana pepehikanaka."

            "No ke aha no la hoi kou mea i olelo ole aku nei iaia pela a hookuu aku no hoi nana e hana hookahi i kana hana, a i paa mai no ia on a i ka hopuia oia no ke komo iloko o ka milikia a pakele no oe?" i ninau mai ai o Porata, me ka l@@ koikoi. "Owau iho nei kekahi i piha i ka maRa ʻ u i kuu manawa i ike aku nei i kou uumiia ana aku nei a mai make oe."

            "O, he kanaka ino kela mamua aku o na ino; in a aole @@ e hana i kana mea e kauoha mai ai, e pepehiia mai ana @@ a make. Ua kauoha mai nei oia ia ʻ u e hele au e kahi i kuu umiumi, nolaila, e pono au e hele koke, o hoi mai auanei a ike mai aole i pau, oia huhu okoa ana mai ia, a malia. o uumi hou mal no paha i kuu kahia-i, nolaila eia au ke hele nei. E noho no oe maanei e kali ai ahiki i kuu hoi a@@mai."

            "O, aole; he mau hana okoa aku no kekahi a ʻ u e hana a@ a ua kauoha mai nei ia ʻ u e hoomakaukau au no ka halawa ana mai me ia ma keia ahiahi mahope o ka uhi ana o ka pouli, a ma kahi ana i kauoha mai nei malaila au e ku ai me ke kaa a kakali mai iaia o ka lawe ae i kela kaikamahine."

            "Ahe, oia ka kau hana i kauohaia mai nei ea? Auhea oe, he uku ka holopono o ia hana a oluu i hoolala ai. Ina eia ka makaikiu ianei i nei manawa, a ke hoolala mai nei oia i kanaa papahana no keia po, e paa ana oia a i ole o kakou like ana no paha i ka hopuia."

            Ma keia manawa ua hookaawale ae la na kanaka maka ʻ u wale i Dupona, ia laua iho, hele kekahi no ka hale kahi umiumi, no ka hooko ana i ke kauoha a Dupona, a hoi no hoi o Porota no kona hale, no ka hoomakaukau ana i kana apana hana i kauohaia mai ai e Dupona, no ka hookoia ak@ ma ia ahiahi iho.

MOKUNA XVIII.

Paa o Gomeza i ka Halepaahao.

            I ka Makaikiu tarava e noho ana me Hale maloko o ka hokeia, nana mai la oia ia Hale a i mai la:

            "I ka manawa i loaa ae ai kau kelekalapa ia ʻ u e hoike a@@ ana eia o Gomeza maloko o keia kulanahauhale, e noho ana no au maloko o ko ʻ u kee@hana a e heluhelu ana i kekahi paila palapala e pili ana i kekahi hihia waiwai hooilina a ʻ u o ka huli ana ahiki i ka pau ana. He hihia loihi a paakiki loa ia a ʻ u o ka hana ana, me ka hana nui au i huli ai i n@ pilikoko ahiki i ka loaa ana, aohe nae he nana ana aku no ia hihia, ua pau aku la; ua maopopo ia oe he kanaka makemake au i ke kamailio, a ma ia ano no hoi i loaa ai ia ʻ u kekahi ike no kekahi mau hihia lehulehu.

            "Me ke kahaha nui au i heluhelu ai i au kelekalama ahiki i ka pau ana, me ke kapae ana aku i na palapala e ae e muu ana maluna o ka ʻ u pakaukau kakahu, alaila kalele loa iho la ka ʻ u noonoo ana maluna o kau kelekalama me ka haawi ana i ko ʻ u noonoo hohonu maluna on a no kekahi manawa ahiki i ka loaa ana o ka ʻ u olelo hooholo.

            "Ua lilo i mea nui iloko o ko ʻ u noonoo kau hana o ka hoike ana ae, a iloko o kekahi mau la kakaikahi ma ia hope mai i kakau mai ai au ia oe. Ua loaa mai no nae paha ka ʻ u leka ia oe?"

            "Ae; ua loaa mai, eia nae, aole i lilo ia leka au o ka hoouna ana mai i mea hoomalamalama nui mai i ko ʻ u noonoo he ano pohihihi no kou manao i ka ʻ u nana ana iho a e pau ana nae ia pohihihi ua hiki kino mai la hoi oe ianei," i pane aku ai o Hale.

            "Pela? He moakaka loa ka manao, aka, eia paha ke kumu aole au i maopopo loa no ka mea i hanaia maanei, nolaila aole au i hoakaka mai ma kekahi mea maopopo loa o kahi i laki loa ai ua pau kela hihia a ʻ u o ka hooikaika ana e pau, a ʻ u i huli ai, a ua kaawale hoi no ka hoohala ana i kekahi manawa liilii no ou pono.

            "Ua hoike mai au ia oe i ke kumi o ka loaa ana o ka ike ia ʻ u no ka ookuuia ana mai o Gomeza mai ka halepaahao mai, oia hoi, mamuli o ko ʻ u holo ana i kahi o ka halepaahao, i hoopaaia ai ua o Gomeza a ninaninau i ka lunapaahao, i pela i loaa ai ia ʻ u ka ike a  mahope mai ua ninaninau hele au i kana mau wahi o ka hele ana aku, a ma ka@ kelekalama i loaa ae ai i maopopo ai ia ʻ u eia oia ianei a no kona hoea ana mai ianei ua noonoo nui au i ke kumu a ua hooholo au aohe kumu e ae, no kona lohe wale ana no eia o Mate Wilamota ianei.

            "O ka hana hope a ʻ u i hana ai oia no ka hoao ana e hookolo mahope o ka meheu o Gomeza ma kana mau wahi apau e hele ai mahope o kona hookuuia ana mai ka halepaahao mai. Ma kekahi haawina laki ua loaa ia ʻ u kana mau wahi apau o ka hele ana aku ilaila loaa mai la ia ʻ u kekahi hoike ua ikiea oia e hele pu ana me kekahi kanaka, a ʻ u i koho iho ai, in aole au i manao ua make oia in a ua hooholo koke iho au o Edega Dupona no ia.

            "ua hookolo mai au mahope o keia mau kanaka ma na anuu liilii, a mhope o ka loaa ana ia ʻ u o kekahi mau ike liilii mai kekahi poe lehulehu mai a ʻ u o ka ninaninau ana no ka hookolo ana, ua koiia mai au e manaoio iho o Dupona no ke kanaka e hele pu ana me Gomeza, ke kanaka no a ʻ u i manaoio mau ai ua make oia, a eia ka ua ola hou a ke hele nei i ka loa ame ka laula o ka aina ma ke ano he kanaka ola. Kupanaha!

            "O keia ke kumi i malaelae ae ai kekahi mau mea ia ʻ u. Mahope iho kela o kuu kakau ana mai i ka leka mua ia oe. Ua loaa aku la ka ike maopopo ia oe i nei manawa. pela kuu manao, nolaila, e hoopau au i na kakaiahili kamilio ana e pili ana i ka ʻ u hana ulolohi o ka hookolo ana mahope o kela mau kanaka, a e hoi ae ka kaua kamilio ana maluna o ke kumuhana o keia la.

            "Ke hoomanao la no oe ua haaleleia o Dupona e kane wahine ma ka manawa he ehiku wale no makahiki o ke kaikamahine, oia paha ea?"

            "Ae, o Dupona a kaua i ike maka aku ai ua make a ua kiolaia aku iloko o ka muliwai, ua ola hou mai oia a ua pakele hoi kona ola mai kela puka poka mai i ku ai ia oe, aka no kekahi mau makahiki loihi ma ia hope mai aole kaua i lohe hou nona. Ihea la oia kahi i nalowale ai iloko o keia mau makahiki eha aole kaua i maopopo, ma ka mea oiai@ no e olelo ae ai aohe a kaua nana hou ana aku nona.

            Mamua aku o keia manawa ua hoikeia mai he kanaka waiwai loa oia, a elike io no me ka kaua i ike ai, he kanaka nui i ʻ o no oia o ka waiwai. O ka hapanui o ia mau waiwai on a aia maloko o ka mokuaina o TExas. Pehea i lilo ai ola i kanaka akole? A, he ninau ia na kaua i hiki ole ke pane i nei manawa, malia paha e hiki ana ke paneia ma nei mua aku, ke hoolokoia aku kona moolelo, aka aohe a kaua nana ana aku i kona waiwai a aokle ana, me ia ia.

            "O ka ʻ u mea wale no i ike oia ka pau loa ana aku o kona mau waiwai i ka lilo mai kona mau lima aku, a i keia la aneane oia e like me kekahi kanaka kuewa a makilo. Ma kona manawa i mare ai i kana wahine, he wahine waiwai, elike me ka ike i loaa mai ia ʻ u. aia ma kahi o ke kanalima kaukani dala ma kona inoa ponoi. NO ka ike ana o Dupona he wahine waiwai kela, oia ke kumu o kona mare ana iaia. E nana mai oe i keia."

            "Ke ice i ʻ o ku la hoi au, hele aku mua." wahi a Hale o ka pane ana mai, no ka mea, ua hialaai loa oia i ka moolelo a tarava e hoakaka aku ana iaia.

(Aole i pau)