Ka Nupepa Kuokoa, Volume LVIII, Number 28, 9 July 1920 — Page 2

Ka Nupepa Kuokoa

KE KILOHANA POOKELA NO KA LAHUI HAWAII.

 

WAE NA DEMOKARATA IA J.M. COX I MOHO PERESIDENA.

---------------

            O James Middleton Cox ka moho a ka Demokarata i wae mai la no ka holo na a ana mai ia Harding ka moho a na Repubalika i wae ai he ona oia no kekai mau nupepa elua a he ekolu hoi oka manawa i kohoia ai i Kiaaina no ka Mokuaina o Ohia he kulana hanohano i loaa ole i kekahi kanaka o ka Mokuaina o Ohio koe o Rutherford B. Hayes.

            Ua ainania oia maloko o ke Kalana @.  Oaio i ka 1870 a maloko o na  aupuni i hoonaauaoia ai.  O kona @ maa loa he kumukula no ke kula @ hele ai ma ke ano he haumana a @ mua loa hoi i lawe ai i na haahaa na mua loa.  Mahope mai ua lawelawe oia i ka hana kakau mea hou no @ ai nupepa “Ka Enquirer.”  He kakauolelo pilikino oia na kekahi o na namakaainana iloko o ka ahaolelo la@ ai he ona no kekahi mau nupepa elua @ hoa kaukanawai no ka ahaolelo lakou no ekolu kau.

            Elike me kona holomua ma na hana @ aina pela no kona holomua ma @ na mau oihana a mamuli o kona hoomaka ponoi ana oia kekahi o na kanaka waiwai i helu pu ia me na kanaka waiwai e ae maloko o Amerika.  I ka makahiki 1912 kona hoomaka ana e lilo ana makai no ka aoao kalaiaina Demokarata ma kona manawa i kohola ai i kiaaina.  I ka 1916 i koho hoi ia ai oia o Kuaaina e ka aoao Demokarata a ua koho mauia i ka 1918 ke kolu o kona loaa he kou ia ana i kiaaina a ma ka @ oia hookahi ke kanaka maloko o ka mokuaina o Ohia i noho loihi no @

ka wai e pili ana i ka uku o na kanaka @ ame ke kanawai limahana o na @ iki a i lilo ai ia mau kanawai i kuma @ oualike no na mokuaina e ae apau a ka olelo ae na kumukula apuni ka aina o na kanawai i hooholoia e ka ahaolelo maloko o ka Kiaaina Cox alakai ana e @ o ana ia i kiahoomanao no kana mau kona maikai.

            Mahope o kona noho hana ana ma ke @ he mea kakau meahou no ka Nupepa Enquirer ua kohoia oia i kakauolelo @ li kona na ka Lunamakaainana Paul @ o Ohio a mahope o ka pau ana o ka hana i kuai ai oia i ka nupepa Daily News me kona aie ana aku i ka poe ma ka dala i kekahi huina dala no ka @ okaa ana aku i ke koena o ke kumukuai o ka nupepa a oiai no oia e hooikaika ana no ka holomua o ia nupepa i kona hou aku la oia i kekahi mupepa o Spingfield ke Daily News.  I ka 1908 ona koho mua ia ana i wahaolelo no ka lehulehu iloko o ka ahaolelo lahui.

            Me kakahi manawa kokoke i hala mai nei ua kuaiia eia kekahi aina ma @ ma kahi kokoke i ke kulanakauhale o Jacksonburg kahi ona i hanauia @ o maluna o kela wahi i lilo mai la oia i kukulu ae ai oia i home nani no @ a o kahi hoi ana i manao ai ina no kona waiho aku i kaua mau hana apau no hoi aku ana oia a noho ma ia wahi no ke koena aku o kona mau la.  Ua mare la a he eha ana mau keiki e ola mai nei.

            Noloko no o ka mokuaina o Ohio ka noho a ua Repubalika o ka wae ana mai ia oia o Harding a no ia mokuaina hookahi no hoi ka na Demokarata moho o ka wae ana mai la oia o Cox a he mau kanaka ona nupepa no a elua.

            Ma ka moolelo o keia mau kanaka ko’iko’i he mau kanaka like laua i hooikaika no laua iho ma ka pii ana i ka puu ahiki i ko laua kau ana ma na kulana kiekie a he mau ona nupepa i ke no hoi a elua he senatona kahi a ke kiaaina hoi kekahi.

HOEA MAI KE AUMOKUKAUA O KA AKELANIKA.

---------------

            Ma ke kakahiaka o ka Poaono aku mai i hala i kapalulu mai ai he eono mau mokukana o Amerika Huipuia o ka mahele o ka Akelanika ma ka lakou maka’i hoomaamaa i ua haumana a’o i ka oihana kaua me ko lakou hoohala ma i kekahi mau la maanei mamua o ka hoomau hou ana aku i ka lakou huaka’i aumoana ma keia Poalima.

            Ma ka manawa e nee malie mai ana ana mokukaua mawaho ae nei o Waikiki aia na mokulele o ka oihana koa me ka oihana kaua e hookikakaha ana iluna o ka lewa no ka hoohanohano ana i kela mau mokukaua a iloko o ka manawa pokole ua hookomo mai la ua mau mokukaua nei noloko o ke awa me ka holo loa aku hoi o kekahi mau mokukaua no ka hoolulu ana malalo o Puuloa.

            O keia kekahi o na huaka’i loihi loa a keia mau mokumaua e holo nei mai ka Moana Akelanika mai a hoea wale i ka Moana Pakipika a oiai keia mau mokukaua ma Honolulu nei e waihola ana ua a’o ana i na haumana a’o oihana kaua ahiki i ko lakou hoomau ana aku i ka holo ana ma ka moana.

UA OI AKU NA HANAU MAMUA O NA MAKE ILOKO O IUNE.

----------

            Aneane ekolu i ka hookahi ka oi aku o na hanau mamua o na make iloko o ka mahina o Iune i hala aku la elike me ka hoike a ka lunakakau kope nui o ka Papa Ola, Miss M. Hester Lemon o ka hoikeia ana ae ma ke akea ma ka Poalua nei.  Iloko o ka mahina o Iune he 281 na hanau i hoikeia ae i ka papa ola noloko iho o na palena o ke kulanakauhale o Honolulu, 103 mau make a 106 mau mare.

            No na make 103 he 60 o ia heluna he mau kane a he 43 mau wahine.  He ehiku mau opu aneane e haakohi no ia mahina i hoikeia ae.  He elima mau make i ninauinauia ua kumu ekolu i kahaia a eono i koroneroia.  He 10 o ka poe i make aole he poe nohopaa ma keia kulanakauhale he 48 poe i make maloko o na halema’i.

            Ma na lahui no na Hawaii ame na hapa-Hawaii he 15, he 40; Kepani, 30; Pake, 8;  Pukiki, 8;  Amerika, 4; Pilipino, 4; Roto Riko, 4;  Pelekane, 3; Korea, 1; Paniolo, 1; huina, 103.

 

            No kekahi mau makahiki lehulehu aku nei i hala ka hoeueu a hoohoihoi mau ana o ka oihana mahiai o Amerika i na kanaka maloko o Florida e kanu i ke kalo a ma o kela hopunaia ana no la i Nu Ioka he hoike ia o ka hooko o na kanaka maloko o ia mokuaina ia hana a i ka manawa i hoea ae ai ke kaa mua loa ua pau koke i ka lilo.

ELUA MAU PAELE I LIIA NO KA HEWA PEPEHIKANAKA.

---------

            PARIS, Texas, Iulai 7- O Irving ame Herman Arthur, he mau Paele no laua na makahiki pakahi he 19 ame 28 na puhiia laua i ke ahi ma kahi o ka poa i hoopaaia ai laua e kekahi ahakanaka piha inaina maanei ma ka po i hala.  Ua hooiaioia mai ko laua ki ana a make ia J.N. Hodges ko laua haku hale ame kaua keikikane ma ka pa Poalima.

O EWA MILL I KA I’A HAMAULEO ME KONA MAU ANOAI.

--------------

            Mr. Lunahooponopono o ka Nupepa Kuokoa, Aloha oe: -E oluolu mai kou ahonui i wahi rumi kaawale no Ewa Mill i ka I’a Hamauleo me kona mau anoai mamuli o ko’u lohe mau i ka olelo a kekahi poe kanaka e hele ana i ka hana i ka mahiko o Ewa Mill e olelo ana lakou i ka maikai o ka hana a pela pu hoi me na luna na lakou e hoohana ana i na kane me na wahine me ia lohe ana ia mau olelo ua hele kino au e ike i ka mea oiaio elike me ka olelo a’u i lohe ai.

            He mea oiaio i ko’u la mua loa o ka hele ana i ka hana ua haawiia mai la ka hana e hiki ana ia’u ke hana ia’u e hana nei me ko’u mau hoa limahana ke ike i’o nei au i ka oluolu maikai o ka hana ana eia pu no ko makou luna hoohana ke ku mai nei nana i ka makou hana ana ke hana nei kekahi poe ke puhipaka nei kekahi ke ku mai la hoi kekahi poe e olelo ana i na olelo e hoolana ai i ka manao o na hoa limahana he mau minuke loihi e ku ai aia no ka luna ke nana mai la aka ua hamau no nae kona leo.

            Mai ko’u la i hele ai i ka hana i ka mahiko o Ewa Mill ahiki i ka Poaono, Iulai 3, 1920 ua kamaaina a ike pono i’o no i ka oluolu o ka hana ame ka oluolu pu o ka lunanui o ka mahiko o Ewa Mill ame kona mau hope o ka hana lahui Pake, Pukiki, Paniolo, Poto Rico, Niga ame ka Rusia; aole nui loa o ka mahiko o Ewa Mill ka oi aku o na limahana mamuli o ka oluolu o ka lunanui ame kona mau hope i ka hoohana ana i ka poe limahana ma ka hana la ame ka hana ukupau ka hapai ana i ke ko i okiia a hoopiha i ke kaa lawe ko no ka $2 o ka piha kaa hookahi o ke kane me kana wahine mare o ka makuakane me kana mau keiki o ke kaikuahine me kona kaikunane o ka wahine me ka wahine ke kane me ke kane a he hookahi wale no kekahi o keia hana ukupau hapai ko o ia kekahi hana makemake loa ia mamuli o ka nui o ke dala e loaa ana i ka poe ukupau aole e emi iho malalo o umi dala ka haahaa ahiki i ke kanakolu a kanaha dala o ka la no ke kane elua dala no ka wahine na keikikane hookahi dala kekahi he hookahi dala me hapalua kekahi a pela no ka uku o na kaikamahine o ka hana la ka hapanui o na limahana e hana nei.

            O Mr. George F. Renton ka lunanui o ka mahiko o Ewa Mill G.F. Renton Jr., hope lunanui; G.F. Olding luna; C.W. Kiesel, luna; Chas. Kekoa, luna hoohana nui no na kane hana la iloko o keia mau la a’u i hana ai he oluolu maikai i ka hana me ke aheahe malie hamau pu hoi me ka leo o na luna aole hoopuka mai i na olelo e eha ai kou manao ke kanaka hana ke huiia keia mau maikai apau ua lilo ia he laau hana aloha na Geo. F. Renton i kona mau limahana ia lilo ka hora 3 a.m. o kela ame keia la i mea poina ole iloko o ka puuwai o na limahana o Ewa Mill i ka i’a hamauleo no ka makemake no e loaa mau ke dala i kela me keia la mai ia Mr. Renton mai ka puuwai i hoopihaia i ke aloha no kona mau limahana.

            No keia mau maikai apau a’u i ikemaka ai ke haawi aku nei ae i ka mahalo kiekie loa ia oe e Mr. G.F. Renton ame kou mau hope lunanui no lakou na inoa ma keia hoolaha a na ke aloha o ke Akua mana loa e kokua mai ia oe e Mr. Renton oiai o kona makemake ke hanaia aole o ko ke kanaka.

            No oukou apau na oiwi Hawaii oiaio na kane na wahine na kaikamahine ame na keikikane e hele nei i ka hana i Ewa Mill, Waipahu ame Aiea no oukou apau ka’u e haawi aku nei i ko’u aloha ame ko’u mahalo a nui loa no ko oukou hele ana i ka hana me ka nana ole i ka hanohano o ke kane ame ka wahine me ko keia ao oiai he ao luhi keia ua piha i na pilikia ame na ehaeha he nui e hoohanohano ae oe i kou wahi uhane anoai o loaa kou wahi rumi me kela ao pau ole ua laki no oe!

            E na oiwi Hawaii oiaio e noho nei ma Honolulu nei loaa ole na hana paamau a ke noho nei hoi iloko o na hale hoolimalima he mea pono ia lakou ke hoi i ka hana ma Aiea, Waipahu ame Ewa Mill oiai he hale hoolimalima ole he wahie loaa wale ame ka loaa pu o ka hana i na manawa apau me ka ukuhana kupono elike me kau i apono like ai me ka hake hana o ka mahiko o Ewa Mill ka oi aku o ka maikai o oukou e na oiwi Hawaii oiaio e hana nei i Ewa Mill ka hoike oiaio.

            Nolaila ke paipai aku nei au me ka manaolana e ae ana oukou na oiwi Hawaii mai na kane na wahine ame na keiki e hoi i ka hana i ka mahiko o Ewa Mill me ka nana ole i ka hoi hou ae o na Kepani olohani i ka hana hui a kuka pu me ka lunanui mamua a o ka hoi ana aku ina aole e hiki ia oukou ke hele e hui me ka lunanui alaila e hele aku e hui pu me Chas. Kekoa a na ka oluolu o ia keonimana e hoolana aku ia oe me Mr. Renton ka lunanui o ka mahiko o Ewa Mill i k i’a hamauleo me ka manaolana o ia mau e lilo kakou na oiwi Hawaii i mea nana e hoohamau aku i na Kepani.

            O kaua Hawaii oiaioo no keia me ka haahaa.

WM. K. KALEIHUIA.

UA MAE KUU LEI PIKAKE.

-----------

            Solomon Hanohano, Lunahooponopono no ka hiwahiwa a ka lahui, Aloha oe:  -E oluolu mai oe i kekahi wahi rumi kaawale o kou moku no keia wahi puolo a ke aloha nana hoi ia e ha’i ae i ka lohe mai ka la hiki ma Kumukahi a ka welona a ka ka i Lehua.

            Ma ka hora 1 a.m. o Iune 5,1920 ma ka Leahi Home i haalele mai ai ka hanu hope o kuu Helen Kekahiliula Anoholani Naone i keia ola honua ana a moe loa iho la oia pili na maka pau ka lohe ana ake i kona leo pau ka oni ana a ke kino kuu ka luhi me ka ehaeha he nui.

            Haalele iho la ia’u i kona mama aloha ma ha’i o kona moe make me ka naau i piha i ke aloha nona ame ke kaumaha.  Auwe luuluu wale au i kuu lei aloha!

            Ua ha’iia aku la ka lohe i kona mau hanaumua e kali mai ana o ka leo hope o ka weliweli e pa-e aku ana mai ko lakou makuahine aloha nei ua hala ka pokii o oukou a hoike loa ia aku la no hoi keia lono kaumaha i ka Ehukai o Puaena ke onehanau o kuu kama he @ la opiopio ua ukali pu mai hoi kona mau hanaumua kona aunty ponoi, Mr. ame Mrs. W.H. Makuakane ame ko makou papa.  Aloha wale kuu lei poina ole ua eha au i ko aloha!

            Ua hanauia oia ma Laukihaa, Waialua, Mar. 26, 1982; ua piha iaia na makahiki he 28 2 mahina ame 10 la a hele wale aku la oia i kana huaka’i hele loa me ka minamina nui.

            Ua hoonaauaoia no oia ma ke kula olelo Beritania ma Waialua nei a ua puka pono mai oia mai ia kula mai me na mahalo a hoomaikai mai kana kumu mai.

            Ua hoouna hou ia oia i ke Kula A’o Kumu ma Honolulu no ka makemake no e hoonui hou ia kona ike no elima makahiki ua puka pono mai oia me kona palapala hoomaikai piha ua pa-e mai ka leo kahea mai Kilauea, Kauai no kona hoi ana aku e a’o malaila eia nae ua hooikaika no ke kumupoo o ka apana o Waialua nei oia hoi o Mrs. M. Churchill e noho no oia me keia apana e a’o ai ua aeia kona manao maanei oia i lawelawe mua ai i ka oihana kumukula a oia no ka hope kumukula no na makahiki 3 o kona a’o ana maanei.

            Waiho oia ia Waialua nei mamuli o kona ae ana aku i ka leo kahea o ka apana o Hauula malaila oia i noho kumupoo ai no na makahiki ekolu a waiho oia i kana hana malaila a ma ka halekula o Kauluwela oia i a’o hope ai no hookahi makahiki me ekolu mahina a waiho oia i ka hana mamuli o ka nawaliwali i loaa iaia.

            Ua hoi mai no ka hoomaha ana ma kona home aloha nei no eha mahina a i ka la elima o Aperila 1920 i hoi aku ai oia i ka Home Leahi a malaila i hookuu mai ai oia i na mea apau.

            Ua mare kane oia a ua puka mai hookahi hua ohaha mai kona kihapai mai no hookahi makahiki me eono mahina.

            He kaikamahine aloha makua oia pela pu i ka ohana apau he akahai he oluolu ka launa ana me na hoaloha he hookipa he heahea he noeau ma na mea hanalima a he nui wale aku kana mau hana maikai a hala wale aku la oia iloko o ko Kristo aupuni nani ma o He mahu la hoi ke ola o ke kanaka i pua ae a nalo aku.

            Ka lani kuu home e maha mau ai.

            Pokole paa ole kuu noho maanei;

            Nokeaha e ohumu ke kau paapu mai,

            Ne eha na luhi na kaumaha e.

            Ke haawi nei au i ka’u hoomaikai piha i na makuahine o ka Home Leahi i ka malama ana i ka po ame ke ao i kuu lei aloha poina ole pela pu hoi i ka poe apau i ala pu me a’u iloko o ko’u mau hora o ke kaumaha a ukali pu no hoi no kaua huaka’i hope loa ma kona home mau.

            Ke haawi hou ae nei au i ko’u mahalo nui ka poe apau i haawi mai i ka lakou mau makana pua nui a hewahewa pela pu hoi i kona hoahanau i ka hoowehiwehi ana ialoko o ka luakini o Liliuokalani me na wehi like ole pela pu me ke anaina holookoa me ko lakou mau leo mele anoano a ia oe no hoi e ka makua nana i lawelawe iho i na hana hope loa ana o na hana ma ke ka’e o kona halelua a hoi aku la ke kino i ka lepo a o ka uhane me ka Haku Iesu Kristo aka ua hoike mai no ka Buke Nui Nana no i hana mai a Nana no e lawe aku e hoomaikaiia Kona inoa.

            Nou ko’u hoomaikai nui e Mr. Lunahooponopono ame na keiki o kou keena pa’i ko’u mahalo nui.

Me ka luuluu,

AHEWA O KIAAINA McCARTHY I NA LIMAHANA KEPANI.

----------

            Ma ka haiolelo a Kiaaina McCarthy o ka haawi ana ae mawaho o Kapiolani Paka ma ke Sabati aku nei i hala ma na manawa e malamaia ana na hana hoomanao i ka la kuokoa o Amerika Huipuia i hoike okoa ae ai oia i kona manao ahewa maluna o na Kepani limahana olohani no ka manao ana he hana maalahi wale no i kela poe ka hoao ana mai e hana elike me ko lakou makemake ma ka a’e ana maluna o na kanawai o ka aina.

            He mea oiaio wahi a Kiaaina McCarthy aia no he mau hemahema ma na aoao a alua o ka oi loa aku nae o ke ko’iko’i o kaua mau ahewa ana malina no ia o na Kepani no ka manao ana he mana ko lakou e pii nei maluna o ke kanawai.

            O ka haiolelo a Kiaaina McCarthy ka mea ano nui loa ma kela la hoomanao Pokiulai me ke komo pu ana i na mele i pili loa aku ia Amerika.

            Malaila ae he elua mau hana puhiohe kahi i hoonanea ai i ka lehulehu o na kaukani o ko Honolulu nei poe o na lahui ike ole i momoku aku nowaho o Kapiolani Paka no ka hoohala ana i ko lakou manawa ma kela la.

            Ua hoomakaia na hana hoomanao no ka la Pokiulai ma ka hora umi me ka hapa me ke meleia ana o na himeni lehulehu i kamaaina a i paanaau no hoi i na mea apau i kupono loa no kela la kuokoa a mamua ae o ke kani ana o ka aina awakea i hookuuia ai na hana iloko o ua manao hauoli o ka noe @

oi makahiki aku nei i hala o ka nse ana mai o ke aupuni o Amerika a i kela ame keia manawa e haawiia aku ana na pa’ipa’ilima ana mai ke anaina aku.

            Ua kuhikuhi mai ke Kiaaina i ke pookela ame ka luaole o ka lahui kanaka Amerika ame kona hooponopono pili aupuni ana no ka mea ua lokahi like na lahui kanaka apau elike me ia i akoakoa aku ai ma kela la a puana ae i na mele aloha aina me na manao lokahi ka mea i ike ole ia ma kekahi mau wahi e ae o ka honua nei.

            Ua kuhikuhi pu mai oia ma kahi haikau o na lahui like ole aia no he mau pilikia e oili mai ana ma kona hoakaka ana mai e pili ana i na hana olohaai iho nei a na Kepani o na mahiko a i oa kana i hoakaka ae ai i kona manao ahewa maluna o na Kepani i ko lakou manao ana he hana hiki wale no mamuli o ko lakou heluna nui ke koi ana mai e hookoia aku elike me ka lakou i makemake ai pela hoi ka hoao ana e pii ae maluna o na kanawai o ka aina a lakou e noho ana.

            O ka ninau olohani mamuli mai o ka ukuhana he mea liilii loa ia aole i lilo ka ukuhana i mea ano nui e hoalaha ae ai ka olohani aka o ka ninau nui loa ma kona manao o ia no ka ae ana aku e lanakila na lahui e ma ka lakou mea e ake mai ana no ka noho mana ana maluna o na hana a Amerika no kela kumu i makemake ai oia e noho mana na hana Amerika maluna e pono ai a malalo aku na limahana o na aina e.

I HOLO MA-LU O McBRIDE NO KA MAKA’U O HOPUIA.

----------

            I kulike me ka McBride hoakaka ponoi elike me ia i hoopukaia ae maloko o ka Nupepa San Francisco Examiner o Iune 28 no ka maka’u o hopuia maanei no ka hewa moekolohe me kekahi kaikamahine o Honolulu nei ke kumu i holo aku ai oia no Kapalakiko maluna o ka mokuahi lawe ukana Hyades.

            Ua paa o McBride i ka hopuia ma Kapalakiko ma kona manawa i hoea aku ai ilaila ma ka mokuahi Hyades mamuli o kekahi kauoha i hoouna muaia aku i Kapalakiko mai ka Loio Kalana Heen aku no ke kumu na haalele mai oia i keia Teritore oiai oia a hele laula ana malalo o ka hela o $1000 a kekahi mau Pake o ka hoopaa ana ae ia laua i mau hope nona no ka hewa ona i hoopiiia ae ai oia kona ki-pe ana i kekahi o na kiure ma ka hihia e ku-e ana ia Col. Z.S. Spalding a ua haawiia aku ka pono o ka olelo hooholo ma ka aoao o ka mea hoopiiia.

            I kulike me ka hoakaka a ka Mupepa Examiner ua hoike aku no ua o McBride iaia i hoea aku ai i Kapalakiko ma kona manawa i hopuia ai ua hookuuia oia mamuli o ka belaia ana he $1000 aohe ona manao e holo mahuka mai ke Teritore aku ahiki i kona lohe ana e hopuia ana oia no ka hewa moekolohe oia kona manawa i hooholo ai no ka holo.

NA MEAHOU O WAIANAE.

----------

            I kuu Solomon Hanohano ke kapena opio nana e kiai ana i ka manu nunu laweleka hooko kauoha me ka pololei o ia hoi ka Nupepa Kuokoa Aloha nui me ka mahiehie: - Eia au kau kiu hanu meahou me na niuhaohao o Waianae  nei imua o kou alo me kela mau lalani olelo e kau ae la maluna na meahou o Waianae.

            I ka mahina o Mei i hala aku la he ekolu dala me hapalua ka uku manu ahi a ka mahiko o Waianae nei i haawi ai i kona mau limahana elike me keia hookahi dala kou uku la hui pu me na dala manuahi ua like ia me eha dala ame ka hapalua o ka la hookahi.

            He nui keia ka mahina keia o Iuna he ekolu dala me kanawalu-kumamalima keueka ka uku manuahi o ke dala nei o Kahuku.

            Eia no ka halehana hau ke hana mau nei i kana hana loaa mau ana na poke hau hui’hu’i i na kakahiaka apau.  Ke hana mau nei na kiionioni hoopau hapaha.

            Eia hou iho no ka wai o ka niu i ka la 19 o keia mahina o Iuna nei ia po ana iho he kii onioni powehiwehi ame ka hana hookani ohe he 25 keneka ka uku komo i ke ao ana ae o ia ka la 20 he paina luau no ka hoomana Kakolika o Waianae nei ua kukuluia kekahi lanai nui ua hoopuniia me ka launia aia maloko o keia lanai he ekolu pakaukau he 26 kapuai o ke pakaukau hookahi ka ai ana he hookahi dala o ke kikiki no ka ai ana a o kou kiu kekahi ua ike aku i na ono like ole @

like ole i kou kiu nei ke helu papa aku.

            He mau opio wahine u’i na kuene o keia luau o ia hoi hapa pua o Kina hapa pua Mekiko hapa pua Pokukala hapa Hawaii ame na oiwi Hawaii maoli ua nui ka ono o na meaai like ole apau o keia paina luau o ke poo kuene o ia o James Nuuanu ame ka makua o ka hoomana Kakolika o Waianae nei.

            Ua ai a lawa me ka hoohalahala ole.  Eia ka mea a kou kiu nei i nui ai ka akaaka ana i ka wa e ai ana na mea apau o ia ka manawa i haki ai ka wawae o kekahi noho loihi e noho ia ana e kekahi poe e ai ana a palaha ana ilalo nui loa ka akaka o kou kiu nei ka i no hoi o ka pua ia palaha hou mai ana no kekahi noho akaka hou kekahi poe.

            Ua malamaia me ka maluhia na mea apau ua nui no hoi na hoahanau Kakolika i akoakoa ae ma keia paina i ka nana aku a kou kiu nei ua hanaia keia hana nui me ka puuwai lokahi oiaio e na hoahanau o keia hoomana.

            O keia mau hoomakaukau ana no ka manao ana no ia e kukulu aku i heiau no ka hoomana ana i ke Akua Mana Loa o ka nui o na loaa ua kokoke aku no ia ma kahi o ke kaukani dala.

            Eia hou iho no ua nui na Hawaii e hana nei ma ka mahiko i keia mahina e hoi mai kaua hoi mai kakou eia ka waiu ame ka meli ke kahe nei oia na home hookuonoono ke paa mai nei i na eka aina no lakou ponoi iho aole hoowae a nau auanei e ke Akua Mana Loa e haawi mai i ka noho lokahi ana o keia hoomana ame kona mau hoahanau pela hoi i na home hookuonoono.

            Me neia mau meahou me oe e ka Lunahooponopono ame kau mau keiki ke aloha nui.

Owau iho no me ka haahaa,

HOAHANAU.

EKOLU HOOPII OKI MARE I HOOKOMOIA AE I KA AHA.

------------

            He ekolu mau hoopii okimare hou i hookomoia ae i ka aha kaapuni ma ka Poalua nei a he elima mau paa mare i aeia mai ka hookaawale ana e ka Lanakanawai Kaapuni C.S. Franklin.  No na la mea eono o ka mahina o Iulai he ewalu mau hoopii okimare i hookomoia ae iloko o ka aha kaapuni noloko iho o ke kulanakauhale o Honolulu.  Mamaua ua hoopii okimare e komo mau ae nei iloko o ka aha kaapuni i nei mau mahina.  No na hihia okimare o ka hookomoia ana ae ma ka Poalua nei oia iho keia:  Christia Ponce ia Antonio Ponce no ka pepehi mau; Henry J. Kalawaia ia Luka Kalawaia no ka haalele wahi moe Lena Ball ia James C. Ball no ka malama oie i ke ola.

            O na paamare i aponoia ka hooko-o ana oia keia:  Victoria Beckwith Mead mai no ka haalelel wahi moe; Kaae mai ia Matsui Nishikawa mai no ka haalele wahi moe; Gussie Mueller mai ia L.D. Robinson mai no ka malama ole i ke ola; L.O. Fitzwater mai ia Maud Fitzwater mai no ka haalele wahi moe; Jinzo Saiki mai ia Tasumi Saiki mai no ka haalele wahi moe.

KIIA O STACEY CHANEY A MAKE I KEKAHI KANAKA POWA.

----------

            I kulike me kekahi lono ma ke keia kalapa ma ke Sabati nei o ka loaa a me ae i kona makuahine, Mrs. Caroline Bode oke alanui Moi ma ka po o ka Poaono aku nei i hala ua kiia nei o Stacey H. Chaney kekahi o na kanaka powa malina o ke alanui a make.

            Ma ka lono i hoikeia mai no o na make ana aohe moolelo piha i hoakakaia ma ke kelekalapa o ka mea wale no i manaoioia e kona mau pilikoko maanei me he mea la ua hoohaluaia oia e kekahi kanaka i pee ma ha’i o ke alanui oiai he mea ohi dala oia a he mea kuai hoi no ka hui a Boquet ame Sanders a me he mea la iaia i hoi mai ai ma ka apana kuaaina mai kahi ana o ka hele ana o ohi dala a he huina dala nui ma kona kino oia kona manawa i kiia mai ai.

            Ua haalele iho o Chaney ia Honolulu nei no St. Paul me kana wahine ame elua mau keiki eiwa makahiki i kaahope aku nei.  He kanaka opio i ka i kamaaina ia e ko Honolulu nei poe he haumana oia i puka pono mai ke Kula Kaiulani mai.  Oia kekahi o na kanaka opio i komo kuhohonu aka ua ko o na hana lealea a hooikaika kino oia ke kinipopo ame ka au a he manawa pokole wale no i hala aku nei ka loaa ana mai o ka lono i Honolulu nei oia kekahi o na hoku i kaulana ma ka au maloko o ka hui heiehi au a hooikaika kino o St. Paul.  Oia kekahi o na hoa o ka hui heihei waapa Makala o Honolulu nei.

@@

Mrs. Daid Fairbain a he kaikaina oia o Aaron S. Chaney o Honolulu nei.

NA HUNAHUNA MEAHOU O KA PAPA O NA LUNAKIAI.

-----------

            Ma ka halawai a ka papa o na lanakiai o ka noho ana mia ka po Poalua nei i hoike mai ai ka Lunahoomalu C.N. Arnold i na hoa lunakiai i kona kakauinoa ana i ka olelo hooholo e nei ana e hookaawaleia i $1200 no ka hoopau ana ae i na pilikia o ke alahaka ma ke alanui Moi e moe ae la maluna o ka Muliwai o Nuuanu.

            Ma ka halawai o ka po Poalua nei i hoopukeia mai ai ke kauoha no ka uku ana i $1350 ma ke ano he uku mua no ka hana o ke kukulu ana i ka hale puhiole Mauumae ma Kaimuki.

KEU HOI KA PUIWA HIKILELE IA OE E KUU JOEL K. APUAKEHAU

------------

            Mr. Sol. Hanohano: - E oluolu mai oe i kowa kaawale o kau hiwahiwa no ka’u mau hoomaikai he nui i kuu hoaloha oiaio a makua o ua aina lewa la i ke kai no kana mau kipona wahime’i.

            E kuu Mr. Joel K. Apuakekehau ke haawi aku nei au i ka’u mau hoomaikai he nui nou ma o kou makaala pauaho ole me na makahiaa i kau kiina mai la pela iho la i kau ae la kela mau huaolelo e keha ae la ma ke poo o keia kukulumanao; a na ia hooni au pela i huli aku la i ua “Hoku olino la o Hawaii.”  o ka la 17 o Iune i kuuewa aku la.

            Ua alawa iho halalo a kilo pono i kona mau papa konane aole hoi hai.  Eia ka hoi la ua kakia pono iho kanao ia oe hoi keia hoopuiwa hoi oe ua kau o Iulai 2 nei ma o ka Hiwahiwa la a ka Lahui ka Nupepa Kuokoa.

            Ua pau ka’u mau hoakaka piha ma ua Hoku olino la o Hawaii no ka Paalo au e helu mai nei i ke kanuia o Iesu ma ka bapetizo a ma na papalina nohea lahilahi o ua Hoku alakai la o Betelehema a o ka nupepa alakai la hoi o ke kulanakauhale Moiwahine o ka Mokupuni o Hawaii Kuauli e loaa ai a mau wehewehe piha no ka pono ame ka pomaikai o ka poe ake oiaio a alakai Euauelio i ka manao oiaio o ua nana ha’i la e kaaoia nei.

            E hoomaka ana mai ka pewahi’u o ka 1917 a pau iho la i Iune 24; a o kaa kiina mai la no ka pono o kou aoao pela au e hai aku nei me na hoomaikai he nui no ka pono o ko’u hoomana.

            Ia’u i noho hamau iho ai ua hoohemahema a apono wale aku au i na pawa ame ua pololei ole apau loa; he pololei pela i makaalaia aku ai; oiai o ka loina alakai pookela no na mea apau:  “I kou noho hamau ana i ka manawa e hanaia ana o kahi hana ua apono aku oe ua pololei na mea apau loa.”

            I ka hooki ana iho ke poloai ae nui na ka Haku auanei o ka lani ame ka honua ma o kona Uhane mana la o hooholomua i Kana hana i kulike elike me kona makemake.

            Me oe e kuu Joel K. Apuakehau kana mau hoomaikai nui me ka Lunahooponopono ka anoai a no na keiki limahei o ke keena pa’i ka adieu.

Kou no a mau,

DANIEL K. HOOLAPA

Halawa, Ewa, Oahu, Iulai 3, 1920