Ka Nupepa Kuokoa, Volume LVIII, Number 25, 25 June 1920 — Page 6

Ka Nupepa Kuokoa

KE KILOHANA POOKELA NO KA LAHUI HAWAII.

He Moolelo no

MAGARITA ADAMU

a i ole

Ka Hookaia Ana o na Manao Lapuwale o

ka Mea Kolohe-Ka Papahi Ana o ka Mea

Hoopono i ka Hanohano me ka Waiwai

-------------

            Ua Po ʻ oikaika no au e hoahu aole no nae he nui o ka ʻ u @@@ @ala haole nae no ko ʻ u haku hewa, aka no ʻ u ponoi @@@ He kanaka maikai loa ko ʻ u haku eia nae, he makua@@@ e lilo ana kekahi hapa mahuahua o ko ʻ u uku no ka ma ʻ ama ana ia lākou i kela ame keīa mahina. ʻ A ʻ ole no he nahuahua loa o ko ʻ u uku, eia nae, aole no a ʻ u mea e hoo@lahala ai. no ka mea he u ʻ uku loa ka ʻ u mau hana, a ua @@ loa no kela uku mamua o kekahi mau hana e ae, me ka @@ o ka hana a u ʻ uku ka uku.

            "Pehea, aole anei he mea nui loa ka loa ʻ a ana he ho ʻ okahi @@@@ @ala. i kekahi mea."

            "No ʻ u iho. aole loa he manawa, i loaa ai ia ʻ u he hookahi@@@ @ala. ma ko ʻ u inoa. @lna e ho ʻ omaopopoia ana ko ʻ u @@@ iloko o keIa mau makahiki, aia ma kahi o na hane@i @@@lehulehu i loaa mai ia ʻ u. o ka mea apiki nae. aole i piha @@@@@ i ka hane@i @ala ia'u e wiho hei ma ko ʻ u inoa."

            " ʻ A ʻ ole oe wale no ke kanaka mua loa. i ukaliia e na haa@@@@ pakalaki. aka he nui a lehulehu wale ia poe. a o ia ka ʻ u @@@ haha nui ai i kekahi manawa. i ka noho nele mau o kekahi poe aliiki i ko lakou make ana, a noho ulakaloako hoi @@@@ poe ahiki i ko lakou make ana, a noho ulakolako hoi kekahi poe, me ka hauoli o ko lakou ola ana. Ke manao hei au, e hanoli loa ana oe e hana aku no kekahi kanaka. @@ haawiia mai he hookahi haneri dala no ia hana, aole anei @@@ e Robaka.?"

            "O wai hoi ia mea hauoli ole, aia no hoi paha kekahi ia @ in a e loaa mai ana kela huina dala mahuahua me ka @@alahi loa?"

            No kela pane oa Robaka. i huli papu mai ai ka nana ana @ Kalani Fiki ma na maka o Robaka. me ka pane koke ole @@@ nae no kekabi mau sekona a o ia ka Robaka o ka ninau ana mai.

            "Aia anei kekahi mea au i makemake ai e kuai mai a ʻ u @ku?"

            "Ae he mea ka ʻ u i makemake loa ai e loaa mai, ke oiulu @@qe hoi oe."

            "Heaha kau mea i makemake ai ia ʻ u e ha ʻ awi aku?"

            "Ke makemake nei au e haawi mai oe i kela leka. a ko @ka o ke kakau ana. a kauoha mai nei ia oe e haawi aku ia Miss Adamu. mawaho ae o kela leka iloko o ko ʻ u lima. o kaa pau.

            "Aole he maopopo pono ia ʻ u o kau mea e kamailio mai @@@ e oluolu oe e hoakaka pono mai!"

            "He keu aku keia a ka mea moakaka loa. o ia hoi. ua ma@@make oe e loa ʻ a aku he hookahi haneri dala, a ua makemake no hoi au e kaa mai kela leka a ko haku malalo o @@@ malu. a ke hoohiki aku nei au imua ou. owau ponoi ka mea nana e lawe i kela leka. a haawi aku ia Miss Adamu.

            "Heaha iho la ke kumu o kou makemake ana e haawi aku au i keia leka ia oe?"

            "He kuleana ia i pili wale mai no me a ʻ u aole no ou wawai e lohe ai. i ka ʻ u mea e manao nei e hana. No ka hoo malamalama iki ana aku nae ia oe e kuu hoa, he makemake ko ʻ u e hoopakele i kela kikamahine. mai na mana ʻ o kuhihewa mai aka nae e lilo ana ka ʻ u mau hooikaika ana i mea waiwai ole. ke loaa aku ka ʻ ike ia Kapena Rede. aole o oe ka mea nana i lawe aku i kā leka, a haawi ia Miss Adamu. Nohe@no au mea e kamailio wale aku ai iaia e pili ana no @ela leka. e noho haumau loa kou waha. Pehea, aole anei he @omaikai nui keia i loaa ia oe i keia po? O kou ae wale mai no. e loaa aku no ka hookahi haneri dala ia oe me ka maalahi loa. aole i hanaia e kahe ai ka hou o ka lae."

            Aole i pupuahulu wale o Robaka ma ka haawi ana mai @kona ae i kela hoowalewale a Fiki e ki-pe auku nei iaia @@ kekahi mau minuke kona noho haumau loa aka hulu aku a ka nana ana a ua kanaka nei i kahi e. alaīala pane mai la.

            "Ke kanahia loa nei au i ka hiki ana ia ʻ u ke ae aku i kou manao. He oiaio. He wahi hana uuku loa kei, o ka ae wale @@@ no alaila loaa mai ka haneri dala. o ka mea nui nae o ia no ko ʻ u kupaa ole mahope o ko ʻ u haku. "

            No kela pane a Robaka hilinai okoa mai la o Fiki imua. me ka paa ana aku o kekahi lima i ka lima o Robaka e paa ana i na kaula kaohi o na lio, me ka hawanawana ana aku ma na pepeiao o Robaka.

            "Malia paha. no ka uuku o keia haneri dala ke kumu o @@@ kanaloa ana. aolee haawi mai i kena leka, ma ko kuka. pehea in a i elua haneri dala, e hoole mai ana no anei oe."

            No ka noho malie loa o Robaka manao iho la a o Ka@@kahi Fiki. ua puni kela kauaka iaia uolaila nanao aku la kekahi lima on a. maloko o ka pakeke o ke kuka o Robaka, @eahi ana i ike ai. i ka hookomo ana mai o kela kanaka i ka leka. a unuhi mai la a paa iloko o kona lima. aohe wanimea a ku-e iki mai o Robaka no kela hana ma kona aoao.

            "E ike mai oe e Robaka, i ka maalahi loa o ka loaa ana e na haneri dala elima ia oe. ahoe wahi luhi iki ma kou aoao. owau ponoi no ka mea uaua i lalau aku la i keia leka, a paa mai la iloko o kou lima. E hoomauao e Robaka e noho hamau loa kou waha."

            Oiai ua kokoke loa ko laua kaa e hoea no kahi i ku ai o ka halekaa. o ka lele aku la no ia o Fiki iwaho me ka olelo ana mai e hoi malie ana no oia a hoea no ka hokele. Ua hele no boi a hapalua o ka hora ekahi. hoea aku la ua o Kalani Fiki noloko o kona rumi aia no hoi ka rumi o kana wahine, e pili kokoke mai ana i kona rumi. ua kaia loa ia nae i ka hiamoe kulipolipo nolaila aole he hoouluhua waie aku o ua kanaka nei. aka papui mai la oia i ka puka a paa a hoi mai la noloko o kona rumi a i kona noho ana aku mamua o ke kukui e a ana uhae ae la oia i ka wa hi leka a hoomaka iho la e heluhelu i na mano o ka leka i kakauia e Kapena Rede:

            "E Miss Adamu:-Ua konoia mai au e haalele koke iho i ka hokele i keia po. mamuli o ka loaa ana mai la o kekahi kauoha awiwi loa iaʻu e hoi koke aku no koʻu pualikoa nolaila roe ua mauao kaumaha au e kakau aku nei i keia mau laina pokole ia oe, no ka hiki ole iaʻu ke hooko. i ka aelike a kaua i hana ai i keia la, no koʻu lawe aku ia oe ma ka paina kakaiaka o ka la apopo, maloko o ka haleiaina. E kakau mai ana au i kekahi leka uau, i koʻu wa e hoea aku ai no Nu @oka. Ma kekahi ano nae ua komo ka manao. hopohopo iloko oʻu no ka haalele iho ia oe, me he mea la. aia kekahipilikia ke hoohalua mai la ia oe. I makemake nae oe i kekahi mea nana e kokua aku ia oe iloko o kou wa o ka pilikia mai poina i ka hoea ana aku imua o Tede Dougala. o kou hoa kupono loa ia. me he mea la aia pu au me oe. Aohe au mea e nakaʻu ai. a e hopohopo ai paha nona, e hilipai piha aku maluna oua. ahiki i koʻu hoi ana aku. Na kou hoaloha oiaio loa-Pilipo Rede"

            I ka mao popo pono ana o ka manao o kela leka pahola ae la ka minoaka o ka hoowahawhaha ma na papalina o ua kanaka nei o ka lalau aku la no ia i ka omole inika, ka peni ame ka pepa, hoomaka iho la e kakau i kekahi leka kolohe, a o keia kana mau mea i kakau iho ai.

            "EMiss Adamu:-Ua konoia mai au e haalele koke ho i keia wahi i keia po, me ka hakalia ole, no ka hui pu ana. aku me koʻu pualikoa. Ua liko keia i mea hookaumaha loa mai i koʻu noonoo, no ka hiki ole iaʻu ke hooko aku i ka aelike a kaua i hana ai. no koʻu lawe aku ia oe i ka haleaina no ka paina kakahiaka ma ke kakahiaka o ka la apopo, aka nae e ae mai oe, o kuu hoaloha, o Kalani Fiki, ka mea ma koʻu aoao o ia kou hoa e hele pu ai no ka haleaina.

            "E hilinai aku oe iaia, elike me kou hilinai ana mai maluna oʻu. O kekahi mea ano nui aʻu i manao ai e kamailio aku ia oe ma ka la apopo, no na mea no ia e pili ana i kou noho ana aku. eia nae ua poho wale ia manaolana, no ka me aole e hiki iaʻu ke pale ae i ke kauoha a koʻu poo ma ka oihana koa. Ua hui pu nae maua me kuu hoaloha me Kalani Fiki, a oia ka mea nana e hoakaka aku ana ia oe. no na mea aʻu i hoolala ai no kou pono. Ma kana mau mea apau e kamailio aku ana imua ou. e ae wale mai no oe, no ka mea naʻu no i hoakaka aku iaia. i na mea ana e kamailio aku ai no kou pono. E haawi aku i kou hilinai piha ana maluna on a. elike me kou hilinai ana mai iaʻu. Na kou hoaloha oiaio loa-Pilipo Rede."

            Opiopi iho la ua o Fiki i ka leka a hookomo aku la maloko o kekahi wahi leka okoa, me ke kakau ana iho i ka inoa o Miss Adamu mawaho, hookomo iho la maloko o kona kuka, o ka hoi aku la no ia e hiamoe, me ka maikai o kona noonoo no ka holopono o kekahi papahana e maalahi ai kona pahele ana i ka noonoo o Magarita.

 

MOKUNA XVIIL

 

            I ka puoho ana ae ma kekahi kakahiaka nui, ua hao mai la o Kalani Fiki iaia iho a paihi, ua akahele loa oia i ke ano o kona lole e komo ai ma kela kakahiaka. aole pela i na la mamua aku, a mahope o ke kakau ana iho i kekahi palapela na kana wahine. me ka haawi ana aku i ke kaikamahine kauwa, o kona hele aku la no ia no kahi o ka halelio, a kauoha aku la e hanaia mai kekahi kaa, nona e hele ai i ka holoholo.

            He manawa pokole, ia hanaia ana mai o kekahi kaa ua makaukau, o ko ia nei kau aku la no ia a holo aku la no kahi i noho ai o Magarita. I kela hookokoke ana aku o ke kaa o Fiki. i ka hale e noho ana o Margarita, ike aku la oia ua makaukau mua o Magarita. a e noho mai ana ma ka puka aniani no ke kakali ana o ka hoea aku o Kapena Rede elike me kana i manao ai.

            He kakaikahi loa ka poe o na kauhale, e ku kokoke mai ana. I ala i kela manawa. o ka hoea ana aku o ke kaa o Kalani Fiki, nolaila aole i ikeia mai ko ia nei hoea ana aku. Nakiikii aku la oia i kona mau lio, i kahi hoopaa o na holo holona. alaila pii awiwi aku la noluna o ka lanai, me ke kikeke ana aku ma ka puka, aole no hoi i emo iho weheia mai la ka puka e Magarita, a haawi aku la o Fiki i kona aloha kakahiaka. me ka hoike koke ana aku i ke ano o kana misiona:

            "I hoea mai la au ma kahi o Kapena Rede. aole oia e hiki mai ana, elike me ka olua i hooholo mua ai. Ua kauoha awiwi ia mai oia e hoi koke aku no kona pualikoa, a ua kauoha mai oia iaʻu e haawi aku i keia leka ia oe," alaila unuhi ae la oia i kela leka apuhi ana. o ke kakau ana, a haawi mai la ia Magarita me ka minoaka hoohie ma kona mau papalina.

            Ua hiki loa ia kaua e ka makamaka heluhelu ke ike aku i ka maikai ole o ka helehelena o Magarita, no ka lohe ana mai. aole e hoea aku ana o Kapena Rede, eia nae, aole no oia i kamailio mai, aka lalau mai la i ka leka a heluhelu iho la i na mea i kakauia maloko me ka i ana mai:

            "Heaha ka manao o keia? Ua hala aku oia ihea?" wahi ana me ka haalulu o kona leo.

            "Ke hoomanao nei no oe, he aliikoa o Kapena Rede ma ia ano i hoounaia mai ai he kelekalapa  iaia ma ka po nei, no ka hoi koke aku. a alakai i kona pualikoa. no ka hoopio ana i kekahi haunaele nui. Owau kana i hoounu mai ai, e lawe ia oe no ka hleaina; nolaila aole au me e hopohopo ai, aia hoi kaua a kau aku maluna o ke kaa. ia wa au e hoakaka pono aku ai i na mea apau ia oe."

            Me ka manao nei. he pono keia, o ka hemo mai la no ia o Magarita iwaho, me ke alakai ana aku o Fiki no kahi o ke kaa e ku mai ana a hookau aku la o Fiki iaia maluna o ke kaa me ka wehe ana ae i ke kaula i hoopaaia ai o na lio, o ko laua nei lilo aku la no ia.

            No ka hopohopo o Fiki o ikeia mai auanei laua e na kanaka ua kalaiwa aku la oia i ka lio. ma na alanui mehameha, oiai no nae he kakaikahi loa ka poe i ala i kela manawa, nolaila ua pomaikai maoli ko laua nei hele ana i ka wa kakahiaka, eloaa ole ai ko laua nei nemaia mai e na kanaka.

            "Ua hala iʻo aku anei o Kapena Rede no Nu Ioka?" i hoomaoe mai ai no o Magarita, me he mea la, aole oia i manaoio, ua hala aku ke kapena opio no kekahi wahi ol=koa.

            "Ua ala iʻo aku oia no Nu Ioka, ma ka po nei ua holo pu aku au me ia no Bevale, mamuli no o kana noi iaʻu. eia ka auanei, he manao nui kona, o ia no ko maua kukakuka pu ana. no na mea e pono ai koua noho ana aku, o keia mua e nee mai nei."

            "He mea malihini loa keia iaʻua o kona noonoo nui ana no koʻu pono aka nae mamuli mai no paha ia o ka maemae o kona naau. Ua lioike aku au iaia. no ko Tede manao e komo oe iloko o ka hanakeaka a ua kulike ooa ka manao o Kapena Rede me ko Tede, nolaila o kana i makemake ai, e hoi koke aku oe no ke kulanakauhale o Nu ioka, me ka hookalia hou ole iho, a oiai aole ana mea kupono e ae, e waiho aku ai ia oe ua waiho mai oia i kela hana iloko o koʻu lima, a naʻu e lawe aku ia oe no Nu Ioka."

            "O kena anei ka mea oiaio e Mr. Fiki? He mea hookahaha loa mai i koʻu noonoo kena mau mea au e kamailio mai nei, no ka mea aole oia i hoakaka mai nei maloko o kana leka iaʻu no kou lawe aku iaʻu no Nu Ioka."

            "He oiaio kena mea au e kamailio mai la e Miss Adamu aka ua kakau mua ia kena leka e Kapena Rede, mamua o kona haalele ana iho i ka hokele. a i ko maua holo ana aku no ka hale hoolulu kaaahi i kukakuka like ai maua. a hooholo iho la oia i kona manao e hoea koke aku oe no Nu Ioka no ka mea aia kona noo nui ana hou i na manawa apau. Ua hiki loa ia oe ke hoomaopopo iho ma ka hapa hope o kana leka e hoakaka mai ana e kau mai oe i kau mau hilinai piha ana maluha oʻu oia hoi, o kana mau mea i hoakaka ole mai ai maloko o kana leka ia oe. owau auanei ka mea nana ae hoike aku."

            Ua punihei loa mai la o Magarita i kela mau olelo hoopunipuni a Fiki iaia. a hoopoina loa iho la ua kaikamahine nei i ka ninau ana mai. pehea la i maopopo ai ia Fiki, o kela kekahi mau olelo maloko o ka leka elike me ia a ua kanaka nei o ka hoike ana aku no kela puni loa i na olelo a Fiki wikiwiki mai la ua o Magarita i ka pane ana:

            "Ae ua ike no au i ka noonoo nui loa o Kapena Rede maluna oʻu nolaila mai manao iho oe e Mr. Fiki. aole oʻu hilinai maluna ou no ka mea he mau hoaloha wale no ou koua apau noʻu."

            "Alaila ua makaukau anei oe no ka hele pu ana me aʻu no Nu Ioka?"

            "Manao au aole no he hana nui ka hoomakaukau ana. ua hiki loa iaʻu ke haalele iho i keia wahi iloko o ka manawa maikai loa a olua i manao ai."

            "Ina pela ua pono a e hoolohe mai oe e Miss Adamu, he hookahi mea nui loa a Kapena Rede i kauoha mai ai iaʻu e hoike aku imua ou, o ia no kou makaala loa no Tede Dougala. He maikai no ka manao o kela keiki opio, aka nae ua hopohopo loa ke kapena nona, ua ike no oe i ko kamalii ano, aole he paa o ko lakou waha ma ka lakou maa mea apau e lohe ai, a e ike ai paha. Nolaila aole he mea maikai nou ka ike ana iaia, mamua o kou haalele ana iho i keia kulanakauhale, a holo aku no Nu Ioka, ua hiki no iaia ke holo ae. a hlaawai kakou ma Nu Ioka, aohe he pilikia malaila. o ka pilikia, o ia ke kamailio o kela keiki, no kou hele i Nu Ioka. e lilio ana ia i mea kamailio nui na na kanaka o keia wahi. Pehea ke hoomaopopo pono mai la anei oe i keia mau mea aʻu e kamailio aku nei?"

            "Ae, ke hoomaopapo aku nei au, a i ka manawa hea au e holo ai no Nu Ioka? Heaha hoi ke kumu o ke kauoha awiwiia ana mai o Kapena Rede?"

            "Aia kekahi haunaele nui o ka poe olohani ma Bolatimoa. in a ua heluhelu oe i na meahou maloko o ka nupepa. He kapena o pilipo Rede no kekahi pualikoa kiai lahui. ua kauohaia na pualikoa e hele aku e hoomalu i kela haunaele. o ke kumu iho Ia ia i kauhaia mai ai o Kapena Rede. e hoea aku no Nu Ioka. a alakai aku i kona pualikoa."

            "Alaila aia anei oia ma kekahi kulana e pilikia ai?"

            "He ninau pohihihi loa ia iaʻu ke pane aku ia oe, aka e ike ana no nae oe in a o ko kaua hoea koke ma Nu Ioka e heluhelu mau ana oe i na meahou o kela haunaele i na la apau. mamaua ao keia wahi kaawale loa mai iaia mai. No ka pane nana aku hoi, no kau ninau mua eia no koʻu manao i keia la no kaua e haalele iho ai i keia wahi no Nu Ioka."

            He keu aku no ka hoi ka hikiwawe, aole au i manao penei iho. la au e haalele iho ai i keia kulanakauhale!"

            "O ka hikiwawe o kou hoea aku no Nu Ioka. o ka oi loa ia a ka pono. O Nina ka mea nana e lawe aku ia oe he hana hiki wale no keia iaʻu aka nae ua ike no oe e Miss Adamu. i ke ano o na kanaka, he nui ka walaau a no koʻu makemake ole e hoopilikia aku ia oe ma kekahi ano. pela au i waiho aku la o Nina kou pailaka nana e lawe aku no Nu Ioka."

            "He keu aku maoli no kou maikai me ka oluolu pu e Mr. Fiki!"

            Aole i maopopo i ua o Magarita. he mau hana maalea wale no keia a Fiki e pahele aku nei i kona nonoo, a ua puni maoli oia i kela kanaka. me kona ike ole mai nae, o ke kumu o ka aa ole ana o Kalani Fiki e hele pu me ia no Nu Ioka. he kanaka keia i kaulana kona ino no kana mau hana lapuwale. a i ka wa e ikeia mai ai kona hele pu me keia kaikamahine, a loheia aku paha. e holo koke ana ka lohe ma na wahi apau. no ka hooliloia aku o kela kakamahine opio. i pio no na hana pauaka a Kalani Fiki.

            "O oe kaʻu e haawi aku nei i na hoomaikai ana no kou mau ano maikai he nui e magarita; aʻu e olelo ae nei aole au e lpono e mahaloia mai, ke ole e loaa mua aku ka ike ia oe. eia iloko oʻu na manao makee e hoopakele i kou inoa maikai. No'u iho. aole au e hilhila ke olelo ae, i ka nui maoli o koʻu hoomaikai ia oe, no kou hilini ai piha ana mai maluna oʻu."

            "O! Mai kamailio mai oe i kena ano olelo! Heaha aua nei kaʻu mea i hana aku ai. e panaiia mai ai au me na mahalo ana he nui? He mau hana aloha ka Kapena Rede ka Nina Hilakona ame oe no hoi e Kalani Fiki i hana mai ai noʻu. ua hoopakele ae oukou apau iaʻu. mailoko mai o ka lua mimilo o ka hoohilahila ame ka hoohaahaaia; a in a no au e noho hana aku malalo ou e Mr. Fiki, aole no ia i lawa no ka uku ana aku i ka hapalua; o koʻu aie, no ka mea i hanaia mai no koʻu pono.

            "Aole loa au i moeuhane mua. e hoea mai ana ka la aʻu e haalele io ai i koʻu punana a hele aku no kahi mama. e haʻo ai ka ike mau ana, i na maka hookokoe o na kanako keia wahi maluna oʻu. Aole loa au i moeuhane e haalele iho ana au i koʻu ola kahiko ana mahope nei. pela hoi me na ahewa wale ana mai a na kanaka maluna oʻu. no kela karaima pepehikanaka. Me he mea la ke ike nei au. ua hamana na ipuka o ka lani no ka hookipa ana aku iaʻu. a e apo ae hoi koʻu mau lima i na ea maemae loa. me ke kioia ana aku i ka makaʻu ame ka hopohopo mai iaʻu aku no ka manawa pau ole. O he keu aku a ka nui a kuu hauoli e noho ku nei e Mr. Fiki!"

            Me ka malie loa kela kamailio ana mai a Magarita i kinohi. a i ka loihi ana aku ua hiki hou ole iho iaia ke hoomanawanui ahiki i kona uwe okoa ana iho. aole no kona minamina no kona haalele iho i kona wahi i noho ai a kupa, aka he hauoli. no kona hoea aku i kekahi kulanakauhale okoa. kahi ana i kau aku ai i kona mu manaolana, elike me na kii lehulehu i kahakahaia aku imua o kona alo no ka ohi i ka waiwai, ka hanohano ame ke kaulana.

            Aia ua o Magarita ke palulu la  kona mau maka, me na lima, a i ka ike ana mai o Mr. Fiki i kela ano o ke kaikamahine. opio, ke alaalawa la oia ihope a imua o ke alanui, aole he wahi mea a ikeia aku o kekahi kanaka, a i ole hoi ia kekahi kaa paha i ka holo. Ke holo malie loa la kona lio, nolaila hoihoi ae la oia i na kaula kaohi a iloko o hookahi lima. a o kona lima waiho wale, apo mai la oia ma ka poohiwi o Magarita. a pane iho la me ka leo hoomalielie:

            "E hoopau i ka hookahe ana i kou mau wiamaka e kuu keiki. O kena mau waimaka o ka hauoli he mea hoehaeha mai kena i koʻu manao. Ma keia mua aku, e pule no au i ke Akua. o keia kou mau kulu waimaka hope loa e hookaheia. O e Magarita no ke koena aku no kou mau la ikoe o ke ola ana. e hooikaika no au e hana aku ma na mea apau e hauoli ai oe, iloko auanei o ia hauoli, e huli mai ai oe ihope nei. a olelo iho, he ola waiwai ole keia au e haalele iho ai mahope nei. Pehea ke mau nei no anei kou hilinai ana mai maluna oʻu?"

            "Ae, aia maluna ou kaʻu mau hilinai ana." i pane ae ai o Magarita me ka hoomau no i kona uwe ana.

            "Ae ua ike no au e hilinai piha ana oe maluna oʻu," wahi a Kalani Fiki. me ka imoimo ana l=iho o kona mau maka: ua hele aku hoi ka ihu o ua kanaka nei a o ka honi wale aku no koe ma ka papalina o Magarita. hele mai la ka makemake iloko o ua kanaka nei a nuii e apo aku ma ka a i o Magarita. a honi aku hoi ma kona ihu aka nae mamuli wale no o kona hoomanawanui an iho e uumi malie i ka imi o kona puuwai pela i kumakaia ole ai oia iaia iho, imua o kela kaikamahine.

            "Aole loa he mea au e Miss Adamu e kanalua ai noʻu ua hiki iaʻu ke hoolilo aku ia oe i kaikamahine hauoli hookahi ma ka honua nei ke hoohiki aku nei au ia mea imua ou. a imua o na lani!" alaila hooki honua iho la ua o Kalani Fiki, oiai no nae aole i pau aku kana mau mea i makemake ai e luaʻi aku imua o Magarita. o ke kumu nae. mamuli o ka ike e ana aku o Fiki, i ka oili ana mai o kekahi kaa halihali o na meaai in a paha aole i hoea koke mai kela kaa. in a o ka noke aku no ia o ua kanaka nei i ke kamailio ahiki i kona limanui okoa ana aku ia Magarita.

            Ua puiwa hikilele loa o Kalani Fiki i kela ike ana aku on a i ka hoea ana mai o kekahi kaa, me kona piha loa i ka hoonaukiuki, eia nae ua lilo no ia i mea maikai i kona noonoo mahope mai. i kona wa i ike iho ai, in a oia e lawelawe aku ana i na hana pupuahulu, e kumakaia okoa ana oia iaia iho, a ahuwale kana mau hana ame kona ano imua o Magarita, o kahi no nae o ka laki, ua nalo Ioa kana mau mea e hana nei imua o kela kaikamahine, me ke kome ole aku o na manao hoohuoi iloko on a, eia ka nahesa ke hoowalewale aku nei iaia.

            "Ua maikai maoli keia e Miss Adamu, ahoe poe na lakoa e kahamaha wale mai i ka kaua mau mea e hoolala ai, no ka kakou huakai no Nu Ioka i keia la. Aia kaua ea huli hoi mai, alaila hoi aku au a hoike ia Nina, i na mea apau, a oia ponoi no kehele mai ana o ka halawai pu ana me oe, a na olua no ia e hoolala i na mea apau e pono ai keia huakaʻi no ka mea ua kamaʻaina no oukou na wahine i ko oukou mau ano."

            I ko laua nei hoea ana aku no ka hale aina, lele aku la Kalani Fiki ilalo, me ke alakai ana aku ia Magarita iloko aia laua nei ke noho la ma ka aoao o kekahi pakaukau. a oiai e kakali ana, o ka laweia mai o ka laua mau meaai. ke noke wale aku la no ua kanaka nei i ke kamailio, i na mea nani he nui, no ke pahele ana no ia i ka noonoo o Magarita.

            Ua hala okoa paha he hora a oi o ka laua noho ana ma kela haleaina, alaila haalele aku la laua i kela wani. a hui hoi pololei loa aku la  no ka home o Magarita, me ke kau oha ana aku o Kalani Fiki iaia, e hoomakaukau a e kakau no ka hoea aku o Nina Hilakona no ke kii ana iaia.

 

MOKUNA XIX

 

            Ma ka auwina la o kela la hookahi no ua hoea aku la o Robaka, ke kanaka lawelawe a Kapena Rede me kakahi eke paalima, no ka home o Magarita, a kikeke aku la mawaho o ka puka o ka hale, eia nae ua hele kona helhelena a haikea pu, aole o kela ano maamau i kamaaina iaia.

            No kela kikeke ma ka puka ua hele mai la o Magarita e wehe eia nae aole ike i ko lakou hewa, aka i ka hamama ana ae o ka puka, waiho mai la o Robaka i ka paiki paalima, me ka i ana mai:

            "I lawe mai nei au i keia paiki elike me na mea i kauohaia mai iaʻu, e waiho ma keia hale, no Miss Adamu," whai a Robaka, me ke kaha koke ana mai hoi, me ka noho ole aku e hoakaka pono, i ka mea nana kela paiki paalima i haawi aku iaia.

            Ua haʻohaʻo loa o Magarita i ka mea nana kela paiki i hoouna aku, a e manao ana oia e ninau mai i ka mea nana i lawe aku i ua paiki nei, pane e mai la o Nina Hilakona ka i ana mai:

            "Owau ka mea nana i kauoha aku i kela kauwa, e lawe mai nou, no koʻu manao, aia kekahi mau mea hemahema ou. e pono ai e hoolakoia no keia huakai hele a kakou."

            Me na manao hoomaikai iloko o Magarita, no ka mea a Nina Hilakona i hana aku ai no kona pono, hoi mai la ola iloko o ka hale, a kukuli iho l imua o ke alo o Nina, lalau aku la i kekahi lima o Nina. a honi iho la me ka i ana ae:

            "He kau aku maoli no o ka nui o kou maikai e Nina, o ka noonoo ana i na mea apau e pono ai au, a e hauoli ai hoi. Heaha la kaʻu mea i hana aku ai, e kuleana ai au kau mau mea i panaʻi mai ai noʻu? Heaha la kauʻu hana. hooko aku ai, a ke Akua lokomaikai i hoouna mai ai ia oe. i mea nana e hoohauoli mai i koʻu ola ana?"

            Minoaka ae la o Nina. no ka ike ana mai i ka lilo o Magarita he pio no kana mau hana epa he nui, me pane mai:

            "E aʻo aku au ia oe e Miss Adamu, he nani ia. eia kaua ke hele nei iumua o na kanaka i maa i na rula maikai o ka pohai kiekie, o kaʻu wale no e makemake nei ia oe, he mea pono e malama oe i na rula maikai, aole e pioloke wale kou noonoo, elike me keia au e hana mai nei iaʻu. E haawi aku ana au i kekahi haawina aʻo maikai loa ia oe, e lilo ai ia i mea nou e pomaikai ai, me keia mua aku, o ia keia:

            "Pehea ka maikai a o ke ino paha o na mea e halawai mai ana me oe me keia hope aku mai hoikeike wale aw oe i kou mau ano pihoihoi, a ku i ke pahneheneia mai, no ka mea aole i he rula maikai. Aole nae a kaua kamailio hou ana maluna o kela kumuhana, no ka mea he nui loa ka manawa no kaua e kukakuka hou ai no keia mea.

            "Aia maloko o kena eke paalima, kekahi lole, aʻu i hoomakaukau mua ai nou. o kou lole ia e komo aku ai, no ke kaahele ana. nolaila ke makemake nei au, e hookuku kaua i kela lole maluna ou a in a aole e kupono ana, ua hiki loa iaʻu ke hana aku. a pili pono ia oe. He oiaio, he loea oe ma na mea e pili ana i kahoe ana i ka waapa, aka ma kahi o ka humuhumu ana i na lole. aole e hiki ia oe ke uakali mai mahope oʻu, o keia wale no kaʻu hana akamai. no ka nui ae o na hana, i pili aku i na wahine, owau kekahi o na mea lolo loa." alaila noke okoa ae la ua o Nina Hilakona. i ka akaaka e ike maoli aku ai no kaua e ka makamaka heluhelu i ka piha hauole o kela wahine opio. me he mea la, aole loa he wahi lihi o ka epa ame ke kolohe maluna on a.

            Me na lima eleu, i lalau okoa aku ai ua o Nina i ke eke paalima, a wehe ae la. me ka lawe pakahi ana mai i na ukana oloko, o ia hoi, he mau paa paleili, he mau mikini lima. he paa kamaa, me kekahi lole, o keia mau waiwai apau. no Nona ponoi no ia aka nae i wahi e holopono ai. na mea a laua o Kalani Fiki, i hoolala mua ai, a e hoohilahila ole ia aku ai no hoi oia. ua lawe mai la oia i kela mau lako o no Magarita, no keia huakai no Nu Ioka.

            Hookomo aku la o Nina i ka lole maluna o Magarita me ke pelu ana ae i kekahi mau wahi ana i ike. ai i ke kupono ole, aia hoi kekahi lima. ke okioki la i ka u-pa. a o ke kui hoi ma kekahi lima e humuhumu ana. i kahi ana i oki ae ai a pili pono i ke kino o Magarita ke noke pu la no oia i ke kamailio ia wa hookahi.

            "Ehoomanano oe e Miss Adamu ke makemake nei au e hoopuhili aku i ka ike o na kanaka o keia wahi ma ka hoolilo ana aku ia oe. i kaikamahine okoa loa. aole o kela kaikamahine a na kanaka o keia wahi i nana mai ai maluna ou., me na manao hoowahawaha. Ma o keia lole auanei au e komo aku ai, e nanaia mai ana oe o oe kekahi o na wahine opio o ke kulana kiekie, no ka mea in a e lohe mahu aku ana koonei poe, e hele ana oe no Nu Ioka, aole ana e nele ka hoikeia aku o ka lohe i loko lakou mau hoaloha ma kela kulanakauhale nou, o ka lilo no ia, o ka hauoli a kaua e nana aku nei i manaolana poho."

            "O ma ke ola ana o ke Akua kiekie loa. e kokua mai oe e Nina iaʻu ma ka hoauhee ana aku i na ao panopano eleele o na ahewaia mailuna aku o kuu mau poohiwi. Aole au hopohopo ana e kuu hoaloha. o keia ka hana aʻu e lawelawe nei, no ka hoauhee loa ana aku i na ano maikai ole apau mai ia oe aku e Miss Adamu. Ua manao maua o Kalani Fiki aole he mea maikai ka ikeia mai. e haalele like iho ana kakou i keia wahi he kumu no ia e hoalaia aku ai he mau manao hoohuoi ana, a o kekahi no hoi, e maopopo aku ana i ka lehulehu, aia oe ma Nu Ioka, no ka mea o koʻu wahi kela.

            "O ka mea pono a kakou e hana ai, o ia no koʻu haalele hookahi ana iho i ka hokele a na Kalani Fiki no hoi oia e hele ae no ka hale hoolulu kaaahi, pela no hoi oe, a iluna aku kakou o ke kaaahi e halawai pu ai. pehea ke ike mai la anei oe i ka naauao o keia mau hoolala ana?"

            "Ae, ke ike aku la au, o kena maoli no ke alahele maalahi loa. Ua ike au no koʻu pono wale no kau mea i noonoo ai e Nina. a o ia kaʻu e hooia hou aku nei imua ou. @ oe hookahi wale no ka hoaloha maikai loa i loaa iaʻu ma ka honua nei."

            "Eia kaʻu mea i hoolala ai nou e Miss Adamu, e hele pololei oe no Bosetona maluna o ke kaaahi, a ma kela kula nakauhale, e halawai ai oe me kuu makuahine, e halawai ai oe me kuu makuahine, e holo mua ana oia, ma kekahi kaaahi kakahiaka loa, no ke kakali ana mai o kou hoea aku, a oia ka mea nana e hookau ae ia oe maluna o ke kaaahi e holo ana no Nu Ioka.

(Aole i pau.)