Ka Nupepa Kuokoa, Volume LVIII, Number 24, 18 June 1920 — KAHEA HALAWAI MAKAHIKI NO KA AHAHUI EUANELIO PAEAINA O KA HOOMANA NAAUAO O HAWAII. [ARTICLE]

KAHEA HALAWAI MAKAHIKI NO KA AHAHUI EUANELIO PAEAINA O KA HOOMANA NAAUAO O HAWAII.

I kulike ai me ka pauku 12 o na kanawai o ka Hoomana Naauao o Hawaii, e malamaia ana ka halawai makahiki o ka Ahahui Euanelio Paeaina, ma ka malama o Iulai o kela ame keia makahiki ma ka manawa i hoikeia ma ke kahea, a I kulike ai me ka mana piha o ka Papa Kahu Waiwai o ka Ahahui i oleloia, e hoopuka i ke kahea halawai no ka ahahui i oleloia: Nolaila e hooholoia e ka Papa Kahu Waiwai o ka Hoomana Naauao o Hawaii, ma kona halawai mau i malamaia ma Honolulu, ma ka la 9 o Iune, 1920, o ia hoi e noho a e malamaia ka halawai makahiki o ka Ahahui Euanelio Paeaina i oleloia ma Koula, Honolulu, o ke Kulanakauhale a Kalana o Honolulu, ma ka Poakahi, Iulai 23, 1920, ma ka hora 9 a. m. R. L. KEKUEWA, Kakauolelo o ka Papa Kahu Waiwai o ka Hoomana Naauao o Hawaii. Koula, Honolulu, Iune 10, 1920. — TOKIO, Iune 14. —Pakele wale iho no ke ola o Takahashi Hara, ke kuhina nui o Iapana, ma ka po i hala, i ka manawa a kekahi kanaka pupule i hoao mai ai e powa iaia, aohe nae i holopono kana powa ana.