Ka Nupepa Kuokoa, Volume LVIII, Number 22, 4 June 1920 — Page 6

Ka Nupepa Kuokoa

KE KILOHANA POOKELA NO KA LAHUI HAWAII.

HE Moolelo no

MAGARITA ADAMU

a i ole

Ka Hoohokaia Ana o na Manao Lapuwale o

ka Mea Kolohe---Ka Papahi Ana o ka Mea

Hoopono i ka Hanohano me ka Waiwai

 

He me oiaio mahope o ka make ana aku o lokia Adamu ua hoomau no o Magarite ma ka hele ana i ka lawai'a. oiai he hana ia nana i lawelawe mai kona mau la kamalii loa mai ahiki i kona kanaka makua ana. me kana mau i'a e loaa mai ai. e kuai aku ana oia, a o na dala e loa mai ana. e kuai ana oia i mau meaai nana, me kona ike ole i ka pololi. e lako mau ana kona home i na manawa apau

 

No kona lilo loa nae me keia mau hoaloha hou i loaa iaia, aole ona hoomaopopo i ka nui o kana mau meaai i koe, eia @ he uuku loa, nolaila ho-a aku la oia i ke ahi o ke kapuahi okioki mai la i mau apana o ka puaahame me ke kau ana aku iluna o ke pa palapai. hookau aku la no hoi i ka ipu waiwela. laau aku la i ka omoomo palaoa, a okioki iho la, a i @ makaukau ana o kana mau meaai, o kona hoomak'i iho la no ia e ai, ahiki i ka maona ana. holoi aku la i kana mau pa. a o kana hana hope loa. o ia no kona noho an iho. noke i ka noonoo. i kana mea e hana aku ai, i loaa ai kana mau meaai.

 

"Ina penei mau iho ka'u hana, o ka hele wale iho no,me ka imi ole i ua mea e loaa mai ai ka'u ai. e pololi ana au, oiai aole he may meaai i koe maloko nei o ka hale keia manawa. No ko'u ke maoli iho no. ua loaa ia'u ka maha @ pela au i hoomau aku ai i ka hoopipili ana me kela mau hoaloha o ka mea apiki nae. he alahele ia e hoopololiia mai ai ko'u opu.

 

"E lawe aku ana au e hoomoe i ka upena. malia o hei mai kekahi mau i'a. loaa ka'u mau meaai o ke koena aku, o keia la. pela hoi me ka la apopo, a nana aku ana ua la. he keu aku no paha a ko'u naaupo maoli, o ka noonoo ole ana i keia pilikia. O e kuu Akua, heaha la ka waiwai o ka hooikaika mau ana i ka hana, me uuku loa kahi mea e loaa mai ana. no keia ola ana? He keu aku maoli no a ko'u naaupo, o ka haalele ana i ka'u mau hana, a punihei wale aku no i ke koikoi mai a keia mau hoaloha!

 

"He mahina hookahi a he mau pule e paha ko keia poe e noho mai ai. o ko lakou nalo no ia, a koe hookahi wale iho la no au. me ka oi ae o na haawe o ke kaumaha a'u e hoomanawanui aku ai. Pehea no la hoi au i like ole aku ai me  ka nui on na kaikamahine opio elike me ko'u mau makahiki? Pehea la i loaa ole ai ia'u ke ano o ka noho oluolu ana. elike me ia i loaa aku ia Nina Hilakona? Pehea la, he u'i i'o no paha ko'u helehelena, elike me na olelo a kela keiki opio i kapa mai ai ia'u, iaia e kamailio pu ana me Kapena rede ma nehinei? o kona ku ae la no ia iluna, me ke kii ana aku i kekahi aniani kahiko i hele a aneane e pau ka heu ohope.

 

Lawe aku la oia i kela aniani, no kahi o ka puka aniani a nana aku la iloko, aole no he ike pono ia iho o kona hele- helena, he hiki no nae iaia ke hoomaopopo iho i kona ano maloko o kela aniani, a hoohoae la i keia mau olelo:

"Aole au i like aku me kekahi mau pikapua hoonani ka @ i maoli, aka nae hoi aole no he pupuka o ko'u helehelena O e kuu Akua, in a e hiki ana ia'u ke kaawale mai keia wahi aku: a he mana paha kekaho nana e okioki ae i na kaula nana e kupee nei ia'u iloko o na hana hoehaeha, e hoea mai auanei i ka la a'u e ike aku ai i ka malamalama olinolino o ka hauoli. o kuu ola ana.

"Aole loa o'u kanalua iki, in a no ko'u hoea maloko o ke-kahi kulanakauhale okoa loa, e loaa ana no ia'u kekahi hana kupono. aole i maopopo i na kanaka o kela wahi, na mea e pili ana i ko'u moolelo, ma ia ano e olokaaia ae ai ka haawina kaumaha a'u e auamo mau nei i kela aame keia la, o ko'u ola ana."

 

Me kela mau olelo i kamailioia ae e Magarite ua palulu ae la oia i kona mau lima ma na maka. me ke lulou ana iho o kona poo iluna o ke kikina o ka puka aniani, aole ne oia i uwe, aka, o kona noonoo wale no ka i hele a ano e maoli; ua hoopuiwa loa ia mai nae oia i ka hopa ana mai o kekahi lima ma kona poo, a iaia i aea ae ai iluna, eia ka o Kalani Fiki. e ku aku ana mawaho o  ka puka anani.

 

I kela ike ana mai o Kalani Fiki i ka nana ana aku o Magarita iaia. Pahola ae la ka minoaka ma na papalina o ua kanaka nei. he minoaka o ka mahalo ame ka hoohie, no ka helehelena u'i o Magarita, a o ia kana o ka pane ana mai:

"Ma ka'u mea e hoomaopopo aku nei ma kou mau maka aole i loaa ka hauoli ia oe i keia kakahiaka, elike me ia ma kela la aku nei i hala."

Ku pololei ae la o Magarita  i luna, aia ho'i maluna o kona mau maka ke kahaha, no kela hoea ana aku o Mr. Fiki. me ka maopopo mua ole iaia. a pane aku la:

"Ua ike no au e hookahahaia aku ana kou manao e Miss Adamu. no keia hoea ana mai la o'u i keia kakahiaka, aole nae ia mamuli o ko'u manao wale iho no, aka na Nina au i hoouna mai nei e hele mai e  ike ia oe. i kou haalele ana ae no hoi ia makou. i ke ahiahi nei. ua hooala iho la o Kape-na Rede. e lawe ia lakou i ka holoholo maluna o kona mo-kuheihei i keia la. pela iho la au i hoea ma la imua ou, no ko kakou akoakoa ana aku i ka hokele i keia kakahiaka, a i hookahi ka hela like ana aku e kau maluna o ka moku."

 

Aia mau iloko o Magarita ka makemake e kau maluna o kekahi mokuheihei. no ka holo makaikai ana aku ma kekahi mau wahi ana i hele mua ole ai, nolaila i kela lohe ana aku, i ka manao nui o ka huakai a Mr. Fiki o ka hoea ana aku ma kela kakahiaka. ua hopiha ia mai oia me ka hauoli, iloko pu no hoi o kela hauoli, i oili ae ai ka manao, no kona po-loli, ke huli hoi hou mai no knoa home, mahope o ka pa'i ana o ka holoholo ma kela la. Nolaila ke hakoko la na manao elua iloko o ua kaikamahine nei, ahiki i ke kalele hou ana iho o kona manao elua iloko o ua kaikamahine nei, ahiki i ke kalele hou ana iho kona mau lima, maluna o ke kikina o ka puka aniani, nana aku la hoi oia i waho ma kahi mamao loa. a i ka maopopo ana iaia o kana mea e pane mai ai i aku la:

"Ke kaumaha loa nei au i ke kamailio ana aku ia oe e Mr. Fiki. aole e hiki ia'u ke ae aku e hele pu me oukou i keia la."

"He mea maikai ole ka hoi keia. heaha ke kumu e hiki ole ai ia oe ke hele pu mai me makou?"

 

Nana pono loa aku la o Magarita maluna o Mr. Fiki, no kona hilahila ke hoike okoa mai i ke kumu oiaio loa, o ka hiki ole ana iaia ke hele aku i ka holoholo maluna o ka mokuheihei i kela la, aka nae i aku la no oia:

"No ka mea he nui na mea pono ia'u ke hana aku. i hoo-hemahema wale ia. Oiai au e hele ana no ka hoohauoli ana i keia kino, ua hoohemahema wale au i ka'u mau hana, i pililoa i ko'u home nei. Aole paha he olelo ana no ka poe waiwai, ua like wale no keia la, me ka la apopo ia lakou; no'u nei la. in penei iho la ko'u lilo mau ma na mea e hoo-hauoli ai i ka manao, e pololi ana au, ua ike no oe e Mr. Fiki, o keia kekahi o na mea a kakou i makemake ole loa ai e kipa mai i ko kakou mau home."

 

Aia no o Mr. Fiki ke hoolohe mai la me ka nana pono no ho o Magarita ma na maka o ua kanaka nei, a ke hoo-maopopo aku la oia, aole i lilo kana mau olelo i kamailio aku ai, no kona hiki ole ke hele ma kela la, i mea maikai i ka noonoo o kela kanaka, eia nae, ua kamailio mai la o Mr. Fiki i ka pane ana mai:

 

"He keu aku a ka mea hilahila!" wahi ana me ka pa'i ana ae i kekahi lima i kekahi.  "Aole loa he kaulike o ke ano o ke ola ana o na kanaka ma keia ao. Nou iho, ke ola nei oe me ka hoomanwanui maoli, oiai nae o ka mea kupono, no kekahi wahine opio helehelena u'i elike me oe, e ola aku oe iloko o ka hanohano. Ma kahi nae o ia hanohano. o ka hooikaika mau iho la no ia i ka hana ma ka puka ana o ka la i ke kakahiaka, ahiki aku i ka napoo ana o ka la, no kahi hunahuna ai liilii loa e loaa mai ana ia oe, i mea e mau ai ak uhana i ke kino.

 

"Ma ka'u ike maoli no, ua oi aku ka mea e loaa nei i m-ilo maloko o ko lakou mau wahi i hoopaaia ai, a e hanaia nei i na lio, mamua i ka mea e loaa nei ia oe. O kekahai wahine me ka helehelena u'i nohea elike me kou. o oe ka pono e kapaia aku. he moiwahne iwaena o na wahina apau. MA ke ola ana o ke Akua kiekie lo e huikala mai oe ia'u,ke kamailio maoli aku i ko'u manao imua ou, u ahiki ole loa ia'u ke uumi i ho me ka hoomanawanui maoli aku i ko'a manao imua ou ua hiki ole loa ia'u ke uumi iho me ka hoo-manawanui i na mea i kupono ole paha ia'u ke kamailio. mamuli wale no o ka ike aku i kou kulana. a i ka hookuku ana mai no hoi me ko'u. ua ku a hilahila maoli au.

"O ka;u mau mea haawi nei no ka'u ilio e ai ai iloko o ka mahina hookahi. ua oi aku no paha ia,mamua o na mea e loaa neu ua ie ni ka makahiki holookoa. na mea au i kapa aku ai. he mau mea maikai a nani loa ia, oiai nae, he mau hunahuna wale no ia o na mea maikai, e loaa nei i kekahi poe

 

"Mea ko'u ike no nae i kou kulana nele, me ko'u ike maoli iho no i ka hiki ia'u ke kokua aku ia oe, ia'u nae e nana ae ai i ka mea'a a ko ke ao nei e kamailio mai ai, he ku maoli no i ka ehaeha. Eia iloko o'u ka manao aloha nou, ka manao makee e haawi aku i na mea apau e pono ai kou noho ana. a e hauoli ai no hoi kou manao. o ka nana ae nae, e ilio ana ia mau hana, i mea walaauia e na kanaka, pela wale no i kaohiia mai ai kuu mau lima nei. mai ka haawi an aku i na kokua ia oe  e Miss Adamu.

 

"Ua makaukay loa au e molia aku i ko'u ola, in a ia he mea e hoopakeleia ae ai oe mai kou noho nele ana: aka i ko'u manawa e hoao ai e komo aku maloko o kou home, e lilo ana ia i mea na na kanaka o keia wahi e kamailio ai. me ka hookau ana mai i na hana hoohilahila maluna ou. o keia wale no ka mea i hiki ole ai ia'u ke hana aku i kekahi mea no ka hoopakele ana ae ia oe e Miss Adamu, mailoko mai o ka noho nele ana."

 

Oiai o Kalani Fiki e noke aku nei i ke kamailio i kela mau olelo, ua auhee aku kele nanaina mohala maikai mai ka helehelena aku o Magarita, a ua nohoalii iho ka uahoa ame ke kuoo maluna o ua kaikamahine nei, a o ia kana o ka pane ana ae:

"Aole loa o'u nana i ka mea a na kanaka e kamailio mai ai, a e noonoo mai ai paha, no ka mea owau no ka haku ma-luna iho o ka'u mau mea apau e hana ai"

"O kena maoli anei ka me oiai e Miss Adamu?" wahi a Mr. Fiki, me ka hawanawana ana mai ma kekahi pepeiao o ke kaikamahine opio.

"O ka mea oiaio maoli no ia! Elike me ko'u noonoo ole i ka makani e pa nei, nana e hoonioni ana i ka lau o ke kumulaau, pela no au i noonoo ole aku ai no ka poe e noho  kokoke mai nei ia'u, aole no na lakou mai ka'u e noho nei aka elike me ke kuhikuhi ana mai a ko'u lunaikehala, no na mea pono, malaila wale no au e hana aku ai, aole ma kekahi ano e ae."

 

Hakalia no a pau kela kamailio ana mai a Magarita, o ke kulou aku la no ia o Mr. Fiki imua, a kamailio aku la me ka lea malie loa : "Ina hoi ha pela ea, alaila e ae m oe, e haawi aku au i na kokua nou e pono ai. E ae mai oe, na'u lawe ia oe mai keia wahi a noho ma kekahi kulanakau-hale okoa. Aole nae au e koi aku ana ia oe, o kaua wale no ke hele. he mea ia i ku-e loa i kou lunaikehala, aka e hele oe me kekahi o kou mau hoaloha. Pehea ua hilinai hoi paha oe maluna o Nina Hilakona ea?"

"O ke Akua wale no ko'u hoike ma ia ninau, o ia hoi, ua haawai aku au i ko'u hilinai piha ana maluna o Nina, me he mea la, kaikuaana ponoi loa oia no'u.

"Auhea oe e Miss Adamu, he kaikamahine ilihune a nele o Nia, aole oia i lawa i ke dala, e hiki ai iaia ke ,hoomau aku i ka noho ana ma kela kulana i maa iaia, elike me kona hoonaauaoia ana, a ua makaukau oia ma na ano apau o hana mai i wahi  nou e pono ai, a e malama mai ia eo, ahiki i ka loaa ana ia oe  o kekahi hana, e hiki ai ia oe ke malama nou iho. Ua kamailio pu no maua me Nina no keia ku-muhana hookahi mak po nei, a i ko'u wa i hoakaka aku ai imua on a, i ko'u manao ua piha loa oia me ka hauoli.

 

"Ua aloha maoli no oia ia oe, a i kona wae haalele iho ai i keia wahi, e lawe pu ana oia ia oe me ia, me kona hoo-lohe ole mai i ka'u mau mea e kamailio aku ana ia oe  e noonoo i keia ninau me ka pupuahulu, aka e noonoo oe me ke aka-hele loa me ko'u haawi ana aku i manawa nui kupono nou e kaana ai. no kou ae e hele ou me Nina. ame ka ole. E hoopoina loa kaua i ke kamailio ana no keia mea, a e hele pu mai oe me makou maluna o ka moku i keia la, a mahope aku e noonoo ai na mea e hoea mai ana. Ua hiki ia oe ke hooholo i keia ninau i kou wa e hoi mai ai i ka hale nei i kea ahiahi, pehea. e hele mai ana anei oe e Miss Adamu?"

 

Me ke kakali ole aku a haawi mai o Magarita i kona ae. pahola oloa aku la no o Mr. Fiki i kona limu imua, a elike me kekahi keiki uuku, i ka wa e hoikeike ia aku ai ka mea paani imua o kona alo, ka makemake loa e lalau mai, pela iho la oia i kona papale , a kau ae la ma kona poo, o ke ku ae la no ia, iluna a haawi mai la i kona lima ia Mr. Fiki, o ko laua nei haalele aku la no ia i ka hale a hele mai a no ka hui pu ana me Nina ma, ma ka hokele, e kakali aku la o ko laua hoea aku.

 

MOKUNA XIII.

He mea oiao, i ko laua nei hoea ana aku no ka hokele, ua makaukau na me apau, i hakalia i ko laua nei hiki aku, i ko lakou hele no ia no ka uwapo, kahi o ka moku heihei o Kapena Rede e ku mai ana me ka makukau.

He moku punahele loa keia ia Kapena Rede. i kapaia aku ma ka inoa o Dora, aole keia he moku nui, aka nea he nui kupono no e lawa ai kekahi poe kupono nei, he moku hoi e, hooihi ai ka manao o na keonimana e kau ana maluna on a, a e hoohie maoli iho ai, hoi ka manao o na wahine.

Ma ka holo, he kakaikahi loa na moku ikapiliia no ka holo lealea ana, e hiki ke lanakila mamua o kei moku, o ka oi loa aku o  kona holo, o ia no ka wa e hoopiipii ai i ka makani, ua kohu mahimahi no ke kai loa.

 

Oiai he kanaka waiwai o Kapena Rede, me ka nui o kana dala, ua hoolakoia kona moku me na mea nani o kela ame keia ano, e hoohihi ai ka manao o ka mea e ike aku ana i ua moku nei.

O ka põe i hele i ka holomoku ma kela la, oia no o Nina Hilakona ame kona makuahine, o Tede Dougala. o Maga-rita, Kalani Fiki ame Kapena Rede. O Vaioleka Dena no kekahi i konoia aku e Kapena Red, e hele pu i ka holo-moku ma kela la, i ka hookaumaha loa ia aku nae o ka manao o ke Kapena opio, no kela hele pu ole ana o Vaioleka me lakou.

 

I kela hoea ana aku o na mea apau noluna o ka moku-heihei, o Nina ka mea mua loa i hoopihaia me ka hauoli. i ka ike ana aku i na mea nani i hoohiwahiwaia maluna o kela moku. me ka i okoa ana iho iloko on a, e hooikaika ana oia ma na ano apau e lilo mai o Kapena Rede i kane ma@e nana.

 

Me he mea la ma kana ike maoli iho no, aole loa he ka-naka e ae nana i ume aku i know mau manao hoohihi, elike me keia kapena opio, o ke kanaka u'i iho no hoi kekahi, oi loa ke kuko o keia wahine opio i kela kapena, Mawaho ae nae o na ano pililipaa loa aku i kela kapena opio, aia pu maluna o kona waiwai ka li'a ame ka iini o Nina, e lilo mai oia, ka mea nana e uhauha aku ia mau waiwai, a maluna ae nae o na mea apau, aia pu iloko on a, ka iini e haulehia mai o Kapena Rede i ke aloha iaia.

 

Ua hao mai o Nina hilakona iaia iho ma kela la a pailii, nana kau oe ia la, o ka moiwahine ka hoa e kohu ai, a he u'i maoli no ua wahine opio la ma na ano apau; no Maga-rita hoi, o kela lole no ana i komo mai ai, ma ka la aku ma-mua a lakoua o ka hele ana i ka lawai'a. o kona lole hookahi no ia, me kela papale kahiko ekaeka no hoi, eia nae, malalo mai na laulau o kela papale, e puapua'i mai ana ka hele-helena o ka wahine u'i maoli, e lihi launa ole aku ai o Nina, ina he like ke ano o ko laua lole e komo ana.

 

Ua kau mua aku o Kapena Rede me Tede Dougala ma-luna o ka mokuheihei, aia laua keku mai la ma ka paehumu o ka moku, nana i ka pii aku o na wahine opio, a o ia ka Tede Dougala, o ka hooho ana ae:

"E kuu Haku, he keu aku maoli no ka huapala o kela kaikamahine!" me kona kuhikuhi ana mai ia Magarita e pii aku ana noluna o ka oneki.

 

"Nawai no e ole ka lili o na wahine apau Manakeka nei, i ka u'i maoli no o Miss Adamu!"

Huli ino mai la o Kapena Rede, nana ia Tede Dougala, i ka wa i lohe mai ai i na olelo a keia keiki opio, me kona pane ana mai:

"Auhea oe  e Tede, ina i maopopo mua ia'u, aia kekahi pilikia ma o kou hhoea ana mai no keia wahi, no kou haul-hia aku i ke aloha me Miss Adamu, alaila e kauoha ana au ia oe, e hoi hou no ke kulanakauhale o Nu Ioka."

"Heaha auanei ka pilikia!" wahi a Tede me ka noke okoa ana aw i akaaka. "O ka mea oiaio e a, ua haulehia au i ke aloha no kela kaikamahine i keia wa. eia ne, aole e hiki ia  Miss Adamu ke hoomaopopo mai, no ka mea, ua lilo mua kona puuwai i ka mea okoa."

 

Pii ae la ka ula ma na papalina o ke kapena opio, me ka ninau ana mai: "Aole i maopopo ia'u ke ano o kau mau mea i kamailio mua aku nei ia oe. Elike no hoi me ko'u haulehia ana i ke aloha no kela kaikamahine, pela no i loaa. ai ia haawina hookai iaia."

"Alaila, e olelo mai ana anei oe ua haulehia kela kaika-mahine i ke aloha me Kalani Fiki?"

"O, mai hoao oe e pulapu mai ia' ue kuu kapena. Manao paha oe ua noho pouliuli au, aole loa, o ka mea oiaio ea, ua haulehia kela kaikamahine i ke aloha ia oe, aole ia Kalani Fiki."

 

"Aole i maopopo iki ia oe e Tede ke ano o kau mau mea e kamailio mai nei. Ua hehenaia anei oe?"

"He okoa loa ia mea hehena, no ka poe opulepule wale no ia kuleana, aka no'u nei la, eia no au me ko'u mau noo-noo maikai apau a ua ike no oe e kuu Kapena, aole keia o ke kaikamahine mua loa i haulehia i ke aloha ia oe, aka he nui a lehulehu wale lakou, a nau wale iho no ka hoahiuhiu mai ia lakou."

 

Aohe a Kapena Redepane hou mai, no keia mau hua-olelo hope a kona hoaloha, aka. hookomo ae la oia i kona mau umiumi iloko o ka waha, a naunau iho la no kekahi mau sekona, o kona hele aku la no ia no kekahi aoao o ka moku.

 

Aia ua kapena la ke nana la iloko ke kai, aia hoi kona mau kanaka ke hoomakaukau la i na pea' o ka moku, no ka liuliu ana e haalele iho i ka uwapo. He manawa pokole wale no kona ku ana malaila, huli mai la nana i kekahi aoao o ka moku, o ka mea a kona mau maka ike mai ai, o ia no ke ku aku o Magarita me Kalani Fiki, a e nana like ana laua iuka o ka aina.

 

Ke noke la o Kalani Fiki i ke kamailio ia Magarita me ka hiki ole nae i ua kapena nei, ke lohe aku i ka laua mau olelo, a ke hoolohe loa la no hoi Magarita me ka piha hialaai, ua hiki ia Kapena Rede ke hoomaopop ake ma ke ano o kona helehelena , a oiai oia hookahi wale no ke ku la ma kela wahi. namunamu liilii wale iho la no oia:

"Ua kuhihewa loa ka Tede mau mea i koho ai no Miss Adamu. Ma ka'u hoomaopopo, aia ka noonoo nui o Miss Adamu maluna o Kalani Fiki, no ka mea aole one wahi mea a hoopilipili ma ia'u, a i ole ia, kamailio mai hoi, he oki loa no ma na ano apau. He kanaka o Kalani Fiki i mare mua i ka wahine, aka in a nae ke hohola nei oia i ka upena no ke poholo aku o keia kaikamahine maemae iloko o kona mana, e akahele loa oia, o hoea mai auanei ka la ana e mihi ai."

 

O ka pau ana iho no nae ia o kona kamailio ana ae i kela mau olelo, kalele ana no kekahi lima maluna o kona poo-aia hoi ka minoaka hoohi ma ka helehelena o ua wahine piha maalea nei me ka i ana aku:

"Aole au ike i kekahi moku nani elike me keia e kuu kapena, a in a he manawa kekahi, a'u e kau hou ai maluna o kona oneki, a holo aku no ka lokowai, ua hiki no ia'u ke olelo ae i keia manawa, ua kiei aku au ma ka ipuka o ka lani."

 

Nana wale mai la no o Kapena Rede ma na maka o Nina, me he mea la. aole he hoihoi iki iloko on a, pehea hoi e nele ai ka hoihoi ole, no ka mea aia kona noonoo maluna o ka lua aku na wahine opio maluna i kona moku, ke hookuku la oia i ka helehelena o Nina me ko Magarita, a iloko o kona pupuahulu, ua hoopuka mai la oia i kana pane, me ka noke pu ana ae no hoi i ka akaka:

"O ka manawa a'u e lawe aku ai i kuu Dora no ka holo-holo ana ma ka lokkwai, ma ka manawa no ia ia'u e lawe mai ai i kokoolua no'u, a o oe e Miss Hilakona kekahi a'u e kono aku ana ma keal huaka'i."

No kela noke o Kapena Rede i ka akaaka, ua hlli ino mai la o Kalani Fiki ame Magarita nana iaia, me ko laua lohe ana mai no hoi i na olelo i kamaililo ae eia.

 

Ua Hookahakaha loa ia aku ko Nina Hilakona manao no kela pane, me ka hiki ole iaia ke hoomaopopo aku i ka manao maoli o na olelo a Kapena Rede, a oiai nae ua lohe pu mai o Tede Dougala i kela mau olelo, nolaila paa mai la ua keiki opio nei ma kekahi lima o Nina a hawanawana mai la:

"Ke ole au e kuhihewa, o ka manao o ke kapena i kama-ilio mai la ia oe, aia a hoea mai i kona manawa e lawe ae ai i wahine nana, o oe kana mea e lawe mai ana i kokkolua nona, maluna nei o keia moku, e holo ai no ka lokowai, aole he mea e ae."

 

Kaomi maile aku la o Nina Hilakona. I kona lima, ma @ lima o Tede e paa la iaia, me ka hiki ole nae i kela kanaka opio ke maopopo mai. he kaomi paha keia no ka hoo@@@@ ia aku o ka manao o ua wahine, epa nei, a i ole, ua hoo@@ haia aku paha oia , no ka loaa pono ana mai la i keia kanaka opio ka meahuna e lolii ana iloko o kona puuwai.

 

"Ua loaa maoli no ka mana ume iloko o keia kapena @@ pupule loa ai na wahine opio apau e hookamaaina aku @@@ me ia." i noonoo wale iho ai no o Tede iloko on a, i kona wa i hoomaopopo aku ai i ko Nina Hilakona ana. "Aole @@ kaokoa ae ka helehelena o keia kapena, mai ko kekahi @@ kanaka opio mai, o ka mea apiki nae, aoho hooihi wale aku o na wahine opio ia lakou, heaha la ka meahuna o kona @@ holomua. Ina he mau makahiki hou aku ko'u kahiko, @@@ auanei keia kapena i kona lili no'u no ka mea ua loho @@@  aku nei no oia i ko'u manao , o ia ka haulehia i ke @@@@ no Miss Adamu.

 

"He keu aku maoli no o ka u'i o keia kaikamahine, he keu no hoi ke kilakila o kona kulana. Ma ko'u @@@@@ maoli. aole loa he wahine ma Enelani apuni, pela @@ @@. Amerika e hiki ke hookukuia me ia. Ia'u e hakilo pono @@ i kona helehelena. ua hoalaia mai na hoomano ana @@@@ o'u. no kekahi mea a'u i ike ai i like loa me ia ma@@@. Owai nae la ua mea nei ke poina loa nei au!"

 

Aia ka nana ana a ke kanaka opio maluna o Magarita, alaila iaia no paha ka haupu ae no kekahi mea ano nui. @@ ho maile ae la oia i keia mau olelo:

"Ke ole au e kuhihewa, ai o Mr. Fiki ke pahele nei i ka noonoo o Miss Adamu, a ma kekahi olelo ana ae hoi. ua aloha kela kanaka ia Margarita, e akahele nae oia, in a e loaa ana ka ike Kapena Rede, o kaua mea ia e hana nei i kela kaikamahine. e ike ana oia i ka uhakiia o kona kaniao, @@ ka mea he malihini o Magarita na ke kapena. E hak@@ pono loa aku ana nae au i ka Mr. Fiki hana, a e makaala @@ aku ana au. i wahi e ala oe mai ai kekahi pilikia ma keia mua aku."

 

Me kela manaopaa iloko o ke Kanaka opio, haalele iho @@ oia i kona wahi e ku ana, a hoolalau aku la kana hele ana no kekahi aoao o ka moku kahi hoi ana i ike aku ai ia Mr. Fiki, e noho pu ana me Magartia.

 

Aia o Magarita ke noho la maluna o kekahi o na noho paipai nani, e hooluliuli ana i kona noho imua a ihope, @@ haule aku kona papale, a waiho wale ka helehelena u'i o na kaikamahine nei , a ua hiki ole maoli no ia Tede. ke kaohi iho kona manao mahalo a hoohihi i kela helehelena nohea.

 

Ma ka Tede nana aku, ua punihei maoli no o Magarita i na olelo waimeli a Mr. Fiki e pahele la i kona noonoo, aohe nae a ia nei nana ako, o kana wale no e ake la, o ia @ona komo pu ana aku iloko o na hookaau olelo ana me kela maa mea.

Ua hiki loa no nae i ua keiki opio nei ke ike aku ma ka helehelena o Mr. Fiki, aole on a hoihoi iki, no keia hele ana aku o Tede, kahamaha i ka laua mau mea e kamailio ana. o ka iini o ua kanaka kolohe nei, o ia no ka hohola ana mai i kana upena ahiki i ka puni ana o Magarita iaia. o ka @@@@ mai no ia i ko hookoia ana o kona manao lapuwale i hoolala kahiko ai me Nina Hilakona, a no ka hookoia nae ame ka ole o ia manao kolohe, na keia nee ana aku ia o ka moolelo e hoike mai.

 

Hele pololei aku la la o Tede a noho iho la ma kahi e kokoke loa ana ia Magarita hoomaka koke aku la no e kamailio i ka i ana aku:

"Ua hiki loa ia'u ke hoohalike ae ia oe e Miss Adamu me Lala Ruka, e noho ana iloko o kona halealii," wahi ana ma ke ano hoopaani. "Ina nae aole oe i like pu me kela moi-wahine, alalia o Kalaka Keoki kou hoa e kohu ai, iluna @

kona moku, i kinohinohiia me ke gula. O ka hana kupono maoli nae e Miss Adamu, o ia no kou komo ana iloko o kekahi hui hanakeaka, a i hoike aku no au ia oe i ko'u ma-nao ea, ua kupono loa oe e lilo i moiwahine no ka hikina. Ina i makemake oe e ohi i na poomaikai he nui, ka waiwai ame ke dala, ua akea ka honua nei nou, e hana ai."

 

Alawa ino mai la ka Magarita nana ana i Tede me ka nui ana iho o kona hanu mamuli o kona ike maoli ana mai i ka nui o na pomaikai e loaa ana iaia, in a no kona hooko@ mai elike me ka Tede mau hoakaka, aia hoi o Mr. Fiki ka hoawihi mai la i kekahi maka on a, no kona hoomaopopo ana mai, o na mea apau a Tede e kamailio aku nei, he mau mea wale no ia e holopono loa ai kana papahana i hoola@

ai no ke poholo aku o Magarita iloko o kana umii.

 

"Owau annei kau e kapa mai nei i ke kupono loa no na  hanakeaka?" wahi a Magarita me kona hoopiha loa ia mai me na manao kahaha.

 

"Malia paha ua hookahahaia aku kou manao, no na mea a'u i kamailio aku nei e Miss Adamu, o ka mea oiaio loa, me kou helehelena huapala, ua lawa ia no kou ohi i kekahi pomaikai nui, E hoahewa mai ana paha oe ia'u, no ke ka-mailio ana aku la i kela mau olelo, aole nae e hiki ia'u ke huna iho i ka mea oiaio loa. Ina i makemake oe e loaa nui mai ke dala, ke gula ame ka waiwai ia oe, me ka nui ole @

ka hana, alaila e lawe aku i ka'u amu a'o ana. ma kou kom@ koke ana iloko o kekahi hui hanakeaka, e ike auanei @, aole keia he mau olelo palaueka wale no, aka ua hookokoke ia mai ka waiwai imua o kou alo, iloko o ka imo ana a ka maka."

 

"Ua like pu kena mau olelo au e kamailio mai nei, me kekahi mea e moeuhane ana no ke kukuluia o kona kakela iluna o ka lewa! Aole o'u manaoio i ka pololei o kena ma mea e Tede, ke kolohe wale mai nei no oe ia'u." wahi a Magarita me kona noke ana ae i ka akaaka.

 

"Ina he kanalua kekahi iloko ou, no ka pololei o keia mau mea a'u i kamailio aku la ia oe ea, alaila ua makaukau au e pili me oe i hookahi kaukani dala. o ia hoi, aole koa e hoo@@ mai ana ka luna nui o kekahi hui hana keaka, ke hele aku oe imua on a. e noi aku e komo oe iloko o kana hui, me ka nana ole, in a he makaukau a makaukau ole oe ma i a h@@@@ ua lawa kou helehelena u'i nohea, nona e lawe aku ai ia @@. Elike me ka haiamu mau ia o kou helehelena me ke @@@ ona, pela iho la ka makaukau mau o na pomaikai e komo mai iloko o kau eke dala, he waiwai hoi i loaa mai ma ke ana hoopono, aole ma kekahi ana epa kolohe, elike me ka e loaa nei i kekahi poe,"

 

Me kela mau olelo i kamailioia aku e Tede, o ke ku ae @ no ia o ua kanaka opiao nei iluna, a hele aku la ma kekala aoao o ka moku, me ka namunamu liilii ana iho iloko @@@@.

 

"Ua loaa pono aku la kela kanaka kolohe ia'u! Me ke mea la, o kana hana paha ia, o ka noke i ka akena imua." Miss Adamu, no ka nui o kona waiwai, akahi nae e hookaa@ kaa pono ia aku na maka o kela kaikamahine, he mea hiki wale no ka waiwai e huliia aku, me ka nui ole o ka ha@@ me kona helehelena u'i, e maliu ole ia aku ai ka waiwai keia kanaka, in a o kana maunu ia e pakali la i wahi e puni- hei mai ai o Magarita iaia,

 

I kela hala ana aku hoi o Tede, a noho kokoolua iho la o Magarita me Kalani Fiki, ia wa i kulou aku ai ua kanaka kolohe nei imua, a kamailio aku la me ka lea liilii loa ana i makemake ole ai e lohe wale ia mai e kekahi poe mawalo ae o Magarita, i ka ana aku:

"Aia hoi paha la, ua lohe aku nei no oe, i na mea a k@@ keiki opio i kamailio mai nei, aole he hana paakiki nau, ka keiki opio i kamailio mai nei, aole he hana paakiki nau, ka hoihoi hou ana mai i ka'u mau dala, ke kokua aku no k@@ mau hemahema apau. Aole anei oe e ae mai ana, e haawi aku au i ka'u mau kokua ana no kou pono e Miss Adamu. Aole nei oe e ae ana e haalele koke iho ia Manakeka nei me Nina, a noho aku ma ke ano a'u i hoolala ai nou, aole hoi ma keia ana hoomanawanui maoli o ke ola ana, iloko o ka nele ame ka pilikia?"

(Aole i pau)