Ka Nupepa Kuokoa, Volume LVIII, Number 22, 4 June 1920 — Page 5

Ka Nupepa Kuokoa

KE KILOHANA POOKELA NO KA LAHUI HAWAII.

I kela ike ana o Tazana ua make kona hoa hakaka, akahi no oia a huli mai nana i ke Paele. Aole oi i lele aku e pepehi i ka liona, no ka mano e hoopakele ae i ka kanaka Paele aka no kona hoonaukuki maoli no i ka ai o kela liona paualelo i kana holoholona o ka pepehi ana i meaai nana, aka nai i ka wa i ike aku ai i ka waiho mai o kela paele iloko o ke kulana pilikia maoli, akahi no a komo mai i loko on a, kekahi mano makee no ka pono o ka mea pono.

            I loko o na la opio o Tazana kela mau la e noho pu ana. Ke ola pu ana iwaena o na holoholona hihiu, heaha la ia mea ke aloha hoakanaka iloko on a, in a iloko o ia mau la kahiko, kela ike ana mai la i ke kanaka Paele aole ana hoopakele an ke i kela kanaka, aka nae; mamuli o ka hala ana o kekahi aku makahiki loihi iaia o ka noho pu ana me na kanaka o ke au malamalama, pela i loli ae ai kona auo, a ike ai ia mea ke makee no ka pono o ka hoakanaka.

            Kulou iho la o Tazana ilalo. ma ka aoao o ka Paele poino, me ka haha ana iho ma kona kino, a holoi ae la no hoi i ka loko e kihe'ahe'a ana ma kona mau palapu, a o ia ka ua Paele nei o ka ninau aua ae :

            "Owai oe?" wahi ana me ka leo haalulu, ke auo o ka mea i piha i ka maka'u me ka weliweli.

            "OWau keia o Tazana o na mapu, i pane aku ai no hoi o Tazana, me he mea la ua oi loa ae kona haaheo i kela inoa, mamua o kona i aku, oia ka Haku Keoni Kelekona o Lakana

            "Luliluli ae la ke poo o ka Paele. me ka upo‘i ana iho

kaua mau maka. a i ka hala ana o kekahi mau minuke, me kona manao paha. e pepehiia iho ana oia. ua kaakaa hou ke la kona mau maka. me ka i hou ana mai : "Heaha ke kumu o kou pepehi ole ana mai ia‘u?'

            "Aole au i ike i kekahi kumu kupono a'u e hookau aku ai i ka make maluna ou, no ka mea. aole oe i hoopoino wale mai ia'u, a o kekahi no hoi, aole no ou wahi i koe, oiai ua kukonukony loa ka ooino maluna ou."

            "Alaila, aloe i'o anei oe e pepehi mai ana ia'u?" wahi mau a ke kanaka Paele me ka haalulu o kona leo.

            "Ina eia ia'u ka mana, e hiki ai ke hoola aku ia oe, ua makaukau loa au e hana aku pela, aole nae ia'u ke ola, a ke kaumaha loa nei au. ua kokoke loa mai kou hopena. Nokeaha oe i manao ai e pepehi aku ana au ia oe a make?"

            No kekahi mau sekona, aole i pane koke mai ke kanaka Paele aka nae iaia i kamailio mai ai, me ka hooikaika wale lo oia. i puka pono mai ai na huaolelo mai kona waha aku. "Ua ike mua no au ia oe," wahi ana, "mamuli nae o ka loihi loa, ua poina ko'u hoomanao ana nou. Ua ike au ia oe i kela manawa au e noho ana maloko o ka ululaau o ka aina o Monaga, ka mea e nohoalii ana maluna o ka lahui Paele. E noho ana au he kahuna ma kela manawa au pepehi aku ai ia Kulonaga ame kekahi poi kanaka e ae apau i ka make; o oe ka mea nana i komo aihue i na kauhale o makou. a lawe aku i na pana ame na pua. a nau pu i aihue i ka ipuhao e pailaia ai ka laaumake, e hookomoia ai o na pua pana. [Kinohi, aole no au i hoomaopopo aku nei ia oe i ka nae. ia'u i noonoo ae nei no kekahi manawa, akahi no a ka mai ka'u mau hoomanao ana no na makahiki loihi i hala. O oe no ka mapu ili keokeo, e hele pu ana me na mapu puhuluhulu. me ka hookau ana i ka weliweli maluna o na kanaka Monaga. Aole he loihi o ko'u manawa i koe e ola ai, o ka make no ia. ke makemake nei au e ike, he kanaka maoli no anei oe. a i ole, he akua paha, ka mea a makou i kuhihew loa ai?"

            Noke ae la o Tazana i ka akaaka me ka leo nui, a i aku la: "Aole au he akua, he kanaka no au i like me kou ano loe wale no he keokeo ko'u ili, a he eleele hoi kou."

            Nui iho la ka hanu o ke kahuna Paele, me ka luliluli ana oe o kona poo, a pane mai la : "Ua hoao oe e hoopakele ae ia'u mai ka liona mai. no ia hana au, e paniia aku no oe me kekahi makana mai a'u aku. He kahuna ka'u oihana, ua hiki ia'u ke ike i na mea o ka wa i hala, ame ko ka wa hoea mai ana; nolaila e hoolohe mai ia'u e ke kanaka ili keokeo. He mau la ino aku keia e nee mai la mamuo o kou alo. ua hiki loa ia'u ke heluhelu aku i ke ano o ia mau la, loko o ke koko e kahe nei ma kuu poholima.

            "O ka leo o ke ola e ka malihini, o ia no keai; eie aku mamua o kou alahele, e ku mai ana kekahi Akua, i oi aku ka ikaika ame ka mana mamua ou, Oia auanei ka mea nana e pahau mai ia oe, a ma ka apua kou ola, in a ia he mea nou e pakele ai. I kou lohe ana i keia mau ollo wanana, maanei no, huli ihope no kahi au i hele mai nei, mai oopaakik oe o hoea mau auanei ka la au e mihi ai me ka walania loa. Na no he poino mamua o kou alahele, pela no mahope ou he hapa mai nae ka poino ma kou alahele huli hoi ihope, e hiki ai no ia oe ke hoomanawanui, mamua o ka poino mamua ou he make wale no kou hopena a'u e ike nei," alaila ka pau loa ae la no ia o ka olelo mai ua Paele nei mai. hina aku la oia ilalo make loa.

            Ke ku malie la o Tazana nana i kela kanaka, me ka lilo ke o kana mau olelo i kamailio aku ai iaia, i mea ano nui, oiai heaha ia mea he pilikia iaia, ua ku aku oia imua o ka pilikia, ua na wale aku la no ia ma kona mau pepeiao, me ha pa ana la na ka makani, a nalo aku la.

            Ua hele a aumoe loa, hoea hou aku la o Tazana, no kahi e kona poe kanaka e hoomoana ana; elike no me kona ike ole ia ana mai i kona haalele ana aku i kela wahi, pela no ka Paele kiai i kona oili hou ana aku nolaila iloko o ka palamimo loa, i hoea hou aku ai oia, ma kona wahi mua no i hiamoe ai, o kona haule iho la no ia hooluolu, me ka noonoo nui ana nae no ka wanana a ka Paela kahuna, a i kona pouho ana ae ma kekahi la mai, o ka mea hookahi no ia i oili ae i kona noonoo, eia nae aole loa oia i manaoio la mau olelo, a hoololi ae i kona manao e hoi hou ihope, no ka mea aole oia i ike ia mea he maka'u i na poino.

            Ina paha he wahi mahu'i iki kekahi iloko ona, a i ole i hoakaka maopopo aku ka Paela kahuna, i ke ano o ka pilikia ohope, e laa ke komo aku o kana jene iloko o ka poino, in a aole loa oia e hoohakalia iho-i ka holo hou ana i kahi ana i haalele aku ai i kana wahine, me kona nana ole i ke gula ome ka waiwai, e waiho mai la ma ke kulanakauhale o Opa.

            Ma kela po hookahi a Tazana i pepehi aku ai i ka liona a make, ka po hoi a ka Paela kahuna i wanana aku ai no na poino ame na pilikia e halawai mai ana me ia mamua o kona alahele, a e hoohalua mai la hoi mahope o kona ohana. aia pu ia manawa hookahi kokahi kanaka ili keokeo ke hookoke aku la iaia, o ua kanaka nei oia no o Alabaki Wepa. Ua lohe aku o Wepa iloko o kela pouli o ka po, i ka leu kuwo o ka liona, ame ka leo hoomaka'uka'u hoi o kekahi mapu pilikua, ka mea nana i hopii mai i ka lia okakala i kona mau lauoho, a aneane low no oia e huli hoi hou ihope, me kona moeuhane mua ole nae, o kela leo hooweliweli ana i lohe aku ai, ma ka waha mai o kekahi kino kanaka, elike no me kona kino ke ano.

            Ua lohe aku oia i kela leo ku i ka weliweli o Tazana, ma kela manawa a ua kanaka mapu nei, e ku ana, a nana aku iluna o ka mahina, no ka piha loa i ka maka'u i palulu okoa ae ai o Alabaki Wepa i kona mau make, a hoomanawanui wale iho la no me kelo piha i ka weliweli ahiki i ke ao ana ae ma kekahi la.

            Elike nae me ka oili ana mai o ka malaunalama o ka la ma ke kakahiaka, pela no i oili pu mai ai ka maka'u iloko on a, no ka hoomau ana aku i ka hele ana imua, e hoohalua ai i ke ola o Tazana, a ua kupu ae no kona manao, e hoohalua ai i ke ola o Tazana, a ua kupu ae no kona manao, e huli hoi hou aku ihope, o ka nana ae nae, aia no he make ke waiho mai la nona, in a nei no kona hoea hou imua o ke alo o kona haku uumi hoomanawanui wale iho la no oia, i kela maka'u, a e hoomau aku no oia makona alahele, in a paha no ka make, a no ke ola paha, he oi ae ia mamua o ka huli hoi hou ana ihope.

            Me kela manaopaa iloko o keia mau kanaka a elua, i hoomau aku ai ko laua hele ana imua, me ka ike ole mai o kekahi, hoe wale no ka Lukanela Wepa, oia ka mea o laua i maopopo i ka Tazana huakai, ame kana wahi e hele ana.

            E hoomamao ana o Alahaki Wepa iaia iho mai ia Tazana mai ame kona poe kanaka, in a no e hoomaka o Tazana ma i ka po, a i ke ao paha, pela no o Wepa e hoomaha pu ai pela iho la ko lakou hele ana, ahiki i ka oili ana ma kekahi wahi malelae. e huli aku ai nana i ka waiho mai o ke awawa o Opa. me na pa kahiko, e hoopuui ana i ke kulanakauahale.

            Ma kela wahi i hoomoana iho ai o Tazana me kona mau hoa, no kona manao, oia hookahi no ke hele e nana i kahi i waiho ai o na puupuu gula i ka wa poeleele, a hoihoi liilii mai elike me ka nui e hiki ana iaia ke hapai.

            Ma kela manawa hookahi a Tazana ma e hoomoana la. aiao Alabaki Wepa ma kahi kokoke loa ia lo=akou, ke hoekepua mai la oia, iwaena o na halo'alo'a pohaku nunui, me ka hakilo pono loa ana o ka ike mai ia Tazana ma kana misiona huli waiwai.

            He mea oiaio, iaia e pee malie ana iwaena o na pohaku. ma kekahi po ike mai la oia i ka oili hookalii ana aku o Tazana hele no ke awawa kahi e ku mai ana na pa pohaku kiekie a oiai he nui na pohaku okela wahi, ua hiki loa iaia ke hookolo malie aku mahope o Tazana, me kona ike ole ia mai. Aia o Tazana ke pinana la iluna o kekahi mau pohaku kiekie, he wahi a Alabaki Wepa e aa ole ai e hele ma nei he wahi hana ano ole ka i hoounaia aku naua e hooko ma mekeia wahi, o ka nana ae nae, aia he pomaikai nui e loaa mai ana iaia, no laila hoomanawanui aku la no oia i ka pinana ana mahope o Tazana a ua kekahi manawa kela noke ana i ka hooikaika akahi no oia a kau pono aku iluna o ka piko o ka mauna, aole nae on a ike aku ia Tazana, me ka maopopo ole iho la iaia o kahi nalowale aku ai o ua kanaka eepa nei.

            Aole o Wepa i pupuahulu koke aku, no ka hui ana Tazana aka pee ae la oia mahope o kekahi mau pohaku no kona maka'u o loaa pono mai auanei oia ia Tazana aole no hoi on a makemake e ukali aku mahope on a, o kona iini wale no, o ka huli hoi mai o Tazana me ke gula, alaila, kii hou oia i kona poe kanaka, a i hookahi ko lakou hele ana mai e ohi i ke gula elike me ko lakou makemake.

            Mamuli uae o ka hoi koke ole mai o Tazana, haalele okoa iho laua o Wepa i kona wahi e pee ana, a hoomaka aku ia e hele, me ka pono huli ana i ke alahele e hoea aku ai oia i kalu i hunaia ai o ke gula, ma ia pono huli ana aku nae ana. i loaa aku ai iaia he anuu pohaku, e iho ana ilalo, o kona hele aku la no ia me ka hopohopo mau no nae iloko on a, no kona loaa pono mai, ina nei no ka hoi koke mai o Tazana.

            Me kela hoomaka'uka'u mau i ka loaa ana iaia o kekahi wahi ku e Alabaki Wepa ahiki i ka loaa ana iaia o kekahi wahi ku ono pouliuli, noho iho la oia malaila, no ke kali ana o ka oili hou mai o Tazana, o kona wa no ia e komo aku ai iloko o kahi pouliuli no ka huli ana i ke gula.

            Oiai ua kamaaina mua o Tazana i kahi i waiho ai o ke gula, aole oia i hoohakalia iho i ka hele ana a hoea i kekahi panipuka laau, o kona wehe aku la no ia, a iloko o na sekona helu wale no, aia oia ke ku la iwaena o kekahi keena nui i hele a piha me na auka gula.

            Hoa ae la o Tazana i kana ihoiho kukui, i ka loaa ana ae o ka malamalama maloko o kela keena, nana aku la oia, ma o a maanei, he mehameha pu wale no, a o ka hiona ana i ike aku ai, o ka hiona no ia, ana i haalele hope iho ai ikela wahi aole hoi he kino kanaka i hoea hou mahope mai ona.

            Hoko o kela mau manawa apau eono a Tazana e oiii mai ai mailoko mai o kahi i waihoia ai o ke gula, e hoea mau aku ana no o Alabaki Wepa. eia nae iaia no paha ka ike. o ka wa ia a Tazana e hoea aku ai, eholo ana oia e pee ma kela wahi pouliuli ; a i ka ehiku no hoi o ka manawa ike mai la oia, he kanalima mau kanaka Paele e hele pu aku ana me Tazana noloko o ka lua waiwai.

            Ma keia huakai he kanalima kumamalua ka nui o na puupuu gula a lakou nei o ka lawe ana, ua like me hookahi haneli ka nui ke hui pu ia me na gula a Tazana i halihali mua ai a hoahu iluna oka piko o ke kuahiwi.

            O Tazana no ka mea mua loa o ka oili ana aku iwaho o ka lua waiwai, me koua ku ana iho nae ma ka puka. a nana mai ia i ka oili pakahi aku o kona poe kanaka, ahiki i ko lakou pau loa ana, huli mai la oia ihope, a nana i keia lua gula, me ke ala koke ana mai hoi o kona hoomanau, no na alahele elua, e moe la iloko o ka honua, no kekahi wahi mamao aku. Mamua o kona kinai ana iho i ka ihoiho kukui, oiliili mai ia iloko o kana mau hoomanao ana, kela mau wahi ilalo o ka honua ana i komo ai, a hoopaaia ai oia iloko o ke keena mohai e kekahi lahui kanaka ahiu, a ke hoomanao la uo oia i kekahi wahine opio kahuna, ka mea nana e molia aku i na kimo kanaka imua o ke akua.

            Aole oia i hoopoina i ka hauhoaia ana o kona mau wawae me na lima. i ke kaula. a waihoia aku ma ke kuahu, me ke ku mai o La, kela wahine kahuna opio imua o kona alo, me ka paa ana i kana pahi iloko o kona lima oiai hoi na kahuna e noke ana i ka haa. me ka hele a have, i kau a mea o ke ake e inu aku i ke koko o ka lakou mohai.

           Oiai ua o Tazana e ku la noonoo. no kaua mau mea i ike ai o ka wa i hala no kona pakele ana mai ka make mai, pela kona ku ana aku e hakaka me na kanaka ahiu o kela kulanakauhale. a ke noonoo la oia in a paha aia no o La, keia wahine kahuna opio ke ola la, a ua mare paha oia me kekahi o na kahuna ma kela wahi i luliluli iho ai ke poo o Tazana me ka huli ana mai hoi ma kela alahele a na kanaka Paele i hoi aku ai me ka loakou mau auka gula.

            Aia hoi ma kekahi kuono pouliuli o Alabaki Wepa kahi i hoekepua mai ai e kakali ana o ka haalele mai o Tazana ialoko o kela wahi, o kona hoi pu aku no ia. no kekii ana i kona puulu. a alakai mai no ke kii ana i ke koena aku o ke gula i koe maloko o ka lua waiwai.

            Ua hoea aku na kanaka Paele nowaho o ka lua, a e pii kikeekee ana lakou no ka oili ana aku iwaho o kahi malamalama a oiai aole he mea aku i koe a ua o Tazana e kakali ai o kona kaha mai la no ia hoi. a iaia no a hala aku o ka oili mai la no ia o Wepa mai kona wahi e pee ana, a mio mai la noloko o ke keena i waiho ai o ke gula, me ka lalau ana aku'i kekahi papaa gula mailuna mai o ka pou laau a hoopili mai la i kona umauma. me ka olelo ana iho. i kona pomaikai ma ka hoomanawanui ana mai e hahai mahope o ka meheu o Tazana.

            La Tazana hoi e hele la o ka mea ano nui wale no iloko o koua noonoo, o ia koua noea aku imua o ke alo o kana wahine aloha, me ka pomaikai. me he mea la ua hiki loa iaia ke ike aku i na lima palupalu o Jene Kelekona e apo mai ana ma kona ai aka nae iloko o ia manawa hookahi i ala mai ai kana mau hoomanao ana no ka wanana a ka Paele kahuna.

            Ua phi like key mau kanaka a elua me na manaolana eia nae ua lilo ia mau mauaolaua o laua i mea ole iloko o na sekona pokole loa, no ka mea ua hookoia ka wanana a ke kahua Paele. a o ka hopena o ia wanana, o ia no ka hoopoina loa ana o kekahi o kela mau kanaka no ka lua gula mamuli o ka piha me ka weliweli, a o ka lua hoi, o ia no kona poina loa ana i na mea apau o ka wa i hala ma o ka loli ano e ana o kona noonoo mamuli o ka moku ana i ke kalii apana pohaku.

            MOKUNA V.

            Hoko o ka nanea o kela hele ana aku a Tazana me he anapa ana la na ka uwila, ua hiolo iho la na paia o ke alapii pohaku ana e hele aku nei, no ka mea ua hoonaueueia ae la ka honua e kekahi ola'i ikaika loa, a pa pono mai la kekahi apana pohaku ma ke poo o Tazana, ua kakaa aku la oia ahiki i ka pili ana ma kahi o ka puka, o ke keena i waiho ai o ke gula.

            No ka ikaika loa nae o kela hooku'iia ana aku o ka puka e ke kino o Tazana, ua hamama ae la ka puka o kela keena a komo aku la ke kino o Tazana iloko aole nae he onioni ae no ka mea ua hele a kupouli kona noonoo, o ia no oe o ka mea ua make.

            Ua helele'i mai la kekahi mau auka gula mai ko lakou mau wahi i kau ai. nakaka ae la hoi na paia o kela keena me ka helele'i ana iho o kekahi mau pohaku oluna o ke kilina, ela nae. ma ke ano nui ke olelo ae, he o ia mau no ke ku o ua aoao eha o kela keena in a paha he hookahi hoonaua ana a ke ola'i koe, ua hiolo hulookoa kela keena, e pau ai ka ike hou ia ana aku o na waiwai maloko.

            O Alabaki Wepa kekahi i hina ilalo. ma kela manawa i hoonaueueia ai ke keena o ke gula i waiho ai e ke ola'i a kaua mea nae i hoomaopopo, i kona wa i ku hou ae ai iluna aole he wahi o kona kino i poino aole no hoi on a ike iho i kona eha, nolaila ua palekana oia mana ano apau.

            Hoa ae la oia i ke kukaepele, no ka hoomalamalama ana ialoko o kela keena a ma ka ulia pomaikai ike aku la oia i ka ihoiho kukui i waihoia no e Tazana maloko o kela numi o kona kuni aku la no ia i ke kukaepele, ia wa i maopopo ouo aku ai iaia na ano apau oloko o kela numi nui.

            He mea oiaio, aia ke gula ke ahu mokaki mai la ma kela ame keia wahi, a i ke kamaaina pono ana aku o kona mau maka i na waiwai o kela keena, ia wa i huli aku ai kana nana ana no kahi o ka puka, no ka mea o ka noonoo nui waie no iloko on a, o ia kona oili hou iwaho, nolaila hele mai la oia no kahi o ka puka e hamama aku ana, o ka mea nae nana i hookahaha loa aku i kona manao, o ia no kona ike ana mai i ke kino o Tazana e waiho aku ana iluna o ka papahele.

            Ua eake mai la o Wepa, me ka manao e hele ae e pee mahope o kekahi o na pou nunui no kona maka'u o ikeia mai auanei oia e Tazana, aka nae iaia i nana mai ai, a ike, aole he onioni ae o ke kino, akahi no a auhee loa aku ka maka'u mai iaia mai, mamuli o kona koho ana iho, ua make loa o Tazana.

            Me kela hoomaopopo iloko o Wepa, aole he ola i koe iloko o Tazana, o kona awiwi mai la no ia a hemo ana mawaho o ka puka me kona huli hou ole aku e nana, in a paha ua makeloa o Tazana, a i ole, he ola no paha kekahi i koe iloko on a he hookahi wale no ana mea noonoo, o ia ka pakele o kona ola mai ka make mai.

            O ka mea nae nana i hookahaha loa mai i ka manao o ua o Wepa. iaia i oili aku ai iwaho, a hoomaka aku la e hele, ua paa ke alanui e hemo loa aku ai iwaho okahi malamalama, no ka mea ua hiolo mai na pohaku mai na wahi like oie mai a paa ke alanui, aohe noonoo pono iloko on a in a aole e loaa ana he wahi hou ae nona e hemo ai alaila he hookahi no on a hopena. o ia kona make maloko o kela wahi.

            Hoko nae o kona mau manao pihoihoi, komo hou aku ia oia iloko o ke keena e waiho ana o ke kino o Tazana. me kona nana ole aku no i kela kino, ke huli la oia, in a paha he puka hou aku no kekahi ma kekahi wahi a mamuli o ke kokua ana o ka ihoiho kukui, i loaa i'o aku ai kekahi puka hou iaia, ua hamama no i ka wa i hoonaueueia ai e ke ola'i. Hemo koke aku la oia ma kela puka, aia hoi mamua pono aku o kona alo e moe pololei ana kekahi anuu alapii pohaka iluna, ma kahi he iwakalua kapuai, mai kela wahi mai i waiho ai o ka numi o ke gula.

            Hoko aku la oia ma kekahi wahi palahalaha akea, a iaia hapai ae ai i ka ihoiho kukui, no ka nana ana aku iloko o kela pouli, ike aku la oia i ke aka o ka ihoiho kukui, iloko o ka wa, akahi no a loaa mai ka ike. iaia, eia ka he wai mamua pono aku on a. Hapa hou ae la oia i ka ihoiho kukui, iloko o ka wa, akahi no a loaa mai ka ike iaia eia ka he wai ma mua pono aku on a. Hapa hou ae la oia i ka ihoiho kukui maluna o kona poo. o kana mea i ike aku ai, aia ma o aku ka wai, e moe ana ke alanui ololi, o ka wai wale no ka mea nana i oki ae i kahi ana e ku nei, mai kela alanui ololi mai.

            O ke alahele e hoea aku ai ma kela aoao, he ninau pohihihi no ia, ma kana hoomaopopo aku nae. aole no i mamao loa kela aoao o ka luawai mai iaia aku, e hoao no oia e lele, ma no hoi no ke kau ma kela kapa, ua pomaikai oia, a in a no hoi no kopa haule iloko o ka wai, malie ehiki ana no iaia ke hooikaika ahiki i ke kau hou ana luna.

            Oiai nae oia e nana pono ana i ke akea o kahi ana e lele aku ai, lohe ana no oia i kekahi leo uwe kapalili maluna po no iho on a, he leo malihini loa keia i kona mau pepeiao, a@ no i koho maoli iho ai, aole ia mai kekahi kino kanaka mai, me he mea la, mai kekahi uhane mai e uwe ana i ka wela i ke ahi.

            Alawa ino ae la kana nana ana iluna, ma kahi o ka leo kapalili ana i lohe mai ai, aia hoi he pohanaka nui akea, me kona ike maoli aku no i ka hoku o ka lani. O kekahi manao i ala ae iloko on a, o ia no kona kahea ana aku i kekahi mau kokua nona e pono ai, eia nae na kela leo kapalili i hoopau loa ae ia noonoo, no ka mea ke nohoalii la ka maka'u ame ka weliweli iloko oua.

            Malia paha he lahui kanaka ano e loa, ka poe e noho ana ma kela wahi; o keia kekahi kumu o kona makemake ole e kahea ae i mau kokua, a mihi loa iho la ua kanaka nei i kona naaupo maoli o ka hoaano ana mai e hele ma kela misiona, me kona i koa ana iho no iloko on a, ua oi loa aku ka pono, in a no aia oia malalo o ka malu o Akena Zeka, a i ole ua oi aku no kona kaa ana aku malalo o ka mana o ka oihana koa, no ke karaima ana aku malalo o ka mana o ka oihana kona, no ke karaima ana i hana ai, mamua o kona noho i keia wahi e hoopuniia ana e na hana hooweliweli he nui.

            He hookahi no nae manawa ana i lohe aku ai i kela leo uwe kapalili, o ka pau no ia, in a paha no ka hana mau mai, ua ku a hehena maoli oia no kona lohe hou ole aku nae i ka leo uwe, aohe ana mea i koe e kakali wale iho ai, e hoao no ioa e lele ma kela kapa o ka luawai, malia o kau no hoi oia me ka maalahi, o ka pau no ia o ka pilikia.

            Me kela manao paa e lele aku a kau ma kekahi aoao o ke kahawai, emi mai la oia ihope, no ka iwakalua kapuai, alaila hoomaka aku la e holo imua ahiki i ke ka'e o kela aoao o ka luawai, hoomaka aku la e lele, aohe no hoi he wa a kau aku iluna o ka niao i palainaia me ka puna, hooku'i e aku la kona kuli i ka aoao o ua luawai nui nei, a mai haule oia iloko o ka wai, ua pono hapapa wale aku la no nae kona mau lima, paa aku la ka niao o ua luawai nei, a ma ka hooikaika ana e kupaka ana i o a ianei, kau aku la oia iluna, me ka hele nae a pau ke aho, i kau a mea o ka nui hooikaika.

            Ma kela manawa ana i lele aku ai ma kela aoao o ka luawai, ua pio kana ihoiho kukui, a i kela manawa hoi ana e noke ana i ke kupanaka, i wahi e kau aku ai iluna o ka honua paa ua haule aku la ka ihoiho kukui mai kona lima aku, no aila ke haha poele wale la no oia, me ka hiki ole ke ikeia aku o kana wahi e hele ai.

            Ua eha maoli kona kuli ma kela hooku'i ana aku me ka paia paa o ka luawai, a no ia hea, ua konoia mai oia e moe hoololo iluna o kahi i hanaia me ka puna no kekahi mau minuke loihi. I kona maopopo ana, ua loaa iki mai ka oluolu i kahi i eha o kona kuli, hoao ae la oia e noho iluna, a no ka manawa mua loa, i ala koke mai ai ka noonoo iloko on a, no kana ihoiho kukui. Me he mea la iloko o Alabaki Wepa i kela manawa, ua oi loa ae kona minamina i kela ihoiho kukui, mamua o ke gula ame na pohaku makemake, o kela ihoiho kukui wale no ka mea nana e alakai pololei aku iaia, ahiki i ka loaa ana iaia o ke alahele e oili hou ai waho o ke ao malamalama.

            Ua ma'u no kela manawa o ka noke ana o ua o Wepa i ka huli me ka hoomanawanui. ahiki i ka loaa ana o ka ihoiho kukui, molaila me ka manao hauoli, i koe ae ai oia i kekahi kukaepele a kuni iho la i ka ihoiho, akahi no ahiki pono iaia ke ike aku iamua, eia ka he luapao kekahi e waiho mai ana imua on a, a manao ae la ka pakele, in a he alanui kela e moe pololei ana ahiki i ka hoea ana iwaho o ka honua.

            Aia mau ka maka'u me ka weliweli iloko o Wepa no kela le uwe kapalili ana i hole ai, e ake wale ana no oia, e kaawale loa mai kela wahi aku a iloko o ke o'i o kona mau wawae, ua lilo ia eha i mea liilii loa, aia ka pono o kona hoea no kahi o ka palekana.

            Hoomaka aku la oia e hele malie iloko o ka luapao, aole nae i loihi aku ia hele ana, ua hookahaha loa ia mai oia i kona hoea ana aku ma kekahi paia pohaku paa, ka mea nana i paniku ae i kela luapao mailuna mai ahiki ilalo, e hiki hou ole aku ai ke hele imua.

            Manao iho la kona poino, o ke alahele wale no ana e hana aku ai, o ia ka hoi hou ana aku ihope, a i ole, e noho no oia malaila ahiki i ka make ana. He kanaka nae ka Lukanela Wepa i honaauaoia, he kanaka i ike i na ano o na kanaka o ke au malamalama, nolaila e hoohana oia i kona po e pono ai, aole o ka noho wale iho no, me ka imi ole aku i na ala hele e pakele ai oia.

            O ka noonoo mua loa i ala ae iloko on a, he luapao kela i hanaia e moe ana no kekahi wahi loihi, a no kekahi kumu nae i maopopo ole iaia, ua panikuia iho la a paa e hiki ole aku ai ke ae ma kekahi aoao, nolaila nana pono loa aku la oia i ka paia pohaku, ma ia nana akahele aena ike iho la oia i ka hoonohouohoia ana o na pohaku, elike me ke kapailia ana o ka uinihapa, eia nae, aole he puna i hanaia maweana o kela ame keia pohaku.

            Hoao aku la oia e hoonaueue i kekahi pohaku, a iloko o kona hauoli nui palena ole, ua hemo mai la he hookahi pohaku; lalau hou aku la oia i ka lua o ka pohaku, he hemo wale no pela kona wehe pakahi ana mai i na pohaku ahiki i ka loaa ana o kekahi puka nui, e komo ai kona kino holookoa, o kona kokolo malie aku la no ia, a poholo ana ma kekahi aoao, iloko o kekahi keena nui, ua paa no na aoao apau o keia keena, aka nae, aia he puka ma kekahi aoao, iaia i hoao aku ai e wehe i kela puka, ua hemo wale aku la no, oiai aole i hoopaaia mai mawaho me kekahi mau kua laau nunui, elike me ka hapanui o na puka o ua keena o kela ano.

            Mawaho pono aku o kela puka, e moe ana kekahi alanui ololi, eia nae, ke uuku loa iho la kana ihoiho kukui, aole paha i piha ka iwakalua kainawawae o kela hele ana aku ana ua pau loa iho la ka ihoiho kukui i ka a ia me ka noke ana iho o ua kanaka nei ke kuamuamu, i kona halawai me ka poino.

            Aole he mea a ua o Wepa e hiki ke ike aku iloko o ka pouli, aka nae mahope iho o kona noho malie ana no kekahi mau minuke, hoomanawanui aku la no oia i ka hele hookolo ana, e hoopapa mua aku ana i kekahi wawae, mamua o ka hehi ana aku o ka lua o ka wawae, no ka mea aia mau ka hopohopo iloko on a, e haule aku ana paha oia iloko o ka lua, ai ole iloko paha o ka wai.

            I kekahi manawa, e kono okoa ia mai ana oia e kokolo ilalo ka hele ana ma kona mau lima ame na wawae a no ka maopopo ole iaia o ka loihi o kela laupao ana e hele aku ai, a olai no hoi, ua hele oia a maluhiluhi loa, me ka lulumi mai o ka makehiamoe, haule okoa iho la oia hooluolu.

            Ua ma'u no kela hiamoe ana a ua kanaka nei, me ka hiki ole nae iaia ke hoomaopopo ae, i ka nui o na hora o kona hiamoe ana, puoho ae la oia, ke nana la kona mau maka ma o a maanei. he o ia mau no ka pouli, elike no me kela manawa mua eia nae akahi no oia a ike mai la i ka pololi a ua ano maikai mai la nae kona kino, aole hoi he maluhiluhi.

            Ku ae la oia iluna a hookolo aku la no ka hele ana eia nae aole no i lohi loa kela hele ana aku, komo ana keia iloko o kekahi keena, he malamalama oloko o kela keena no ka mea e moe pololei ana kekahi alapii pohaku iluna o ke kilina o kela rumi; ua hiki loa iaia ke ike aku aia ka malama o ka la maluna ae o ke keena ana e ku la.

            Ke hoolono la oia, aole on a ike aku i kekahi mea a lohe aku paha i kekahi nakeke, koe wale no ka hu o ka maka @ e pa aku ana i ka lau o na laau, pela hoi ke kahi mai o ka leo o na manu, uolaila houluulu mai la oia i kona mau manao koa apau, o kona pii aku la no ia ma ke anuu pohaku a iaia i hoea aku ai iluna, eia ka he rumi nui okoa aku ia ala hoi mamua pono aku o kona alo, e waiho mai ana kekahi kuahu i hele a kihe'ahe'a me ke koko i maloo kahiko loa.

(Aole i pau.)