Ka Nupepa Kuokoa, Volume LVIII, Number 21, 28 Mei 1920 — Page 7

Ka Nupepa Kuokoa

KE KILOHANA POOKELA NO KA LAHUI HAWAII.

MAGARITA ADAMU

a i ole

Ka Hoohokaia Ana o na Manao Lapuwale o ka Mea Kolohe-Ka Papahi Ana o ka Mea Hoopono i ka Hanohano me ka Waiwai

---

MOKUNA X.

            I ke ao ana ae ma kekahi la mai, he ano omamalu ka lewa, me ka pa ana mai nae o kekahi wahi makani aheahe mai ka moana mai, ua kupono loa nae, keia la no ka lawai'a.

            Aole i iike hou o Nina ia Kapena Rede ma ka po aku mamua, ahiki wale i ke ao ana ae ma kekahi la, no ka mea ua piha maoli oia me na manao lili, no kela ike pono ana aku ana ia Kapena Rede e hele pu ana me Magarita, ma ka la aku mamua, ia laua i hoi mai ai, mai ka holoholo waapa mai, a o kekahi kumu paha hoi, no ka hoonuinui loa ana aku o Kalani Fiki iaia, aia ka noonoo o ke kapena opio maluna o Magarita, aole hoi maluna ona.

            Ua hao mai no hoi ua o Nina iaia iho a paihi ma kela kakahiaka, iaia i hemo mai ai iwaho o ka lani o ka hokele; a i kona ike ana mai i ka noho hookahi o Kapena Rede, me ke puhi ana i kona ciga, pahola ae la ka minoaka ma kona mau papalima, me ka hele ana mai, a noho iho la ma ka aoao o Kapena Rede a hoomaka koke aku la no e kamailio:

            "Ua koi mai o Magarita Adamu ia'u, e hele maua i ka lawai'a i keia la, a i ka nana aku, o keia kekahi la maikai moli no ka lawai'a ana, peha, a ae mai ana anei oe o kakon like ke hele i ka lawai'a?

            "Ke hopohopo loa nei au, malia paha e ua ana keia la, akahi ka hele a hakumakuma ka lewa i ke ao," wahi a Kapena Rede, me ka mana ana ae iluna o ka lewa.

            "Ina no paha e ua mai ana, manao au, aole no ia he mea na'u e maka'u ai. ua maka'u nae paha oe i ka pulu mai i ka ua ea?"

            Ua waihoia aku kela ninau imua o ke kapena opio e Nina, me he mea la ua nele ia mea he maka'u iloko on a no ka pulu mai i ka ua, a no ke kuoo o kona ano, i minoaka iho ai o Kapena Rede me ka i ana mai:

           "Aole o'u maka'u no ia mea he ua, aka o oukou o na wahine ka'u i ike i ka makemake ole ke hele iloko o ka ua, o pulu mai auanei na kuka koloka o oukou.

            "Aohe paha he komo ana i na kuka koloka. i ka wa e hele ai i ka lawai'a." wahi a ua o Nina, me ka noke okoa ana ae i ka akaaka. "Manao au, ina no ka ua mai i keia la, a pulu au, aole no ia he mea pilikia. Ina no nae aole ou makemake e hele mai me maua, aole ia he mea no maua e noho ai. no ka mea ua paa ka maua papahana i ka hoolalaia, a oiai nae, aole e lilo ana kou noho ana i mea e ua ole ai, a e ua mai ai paha, o ka'u e koi aku nei ia oe e hele like kakou i ka lawai'a mamua hoi o kou noho hookahi wale iho no i ka hokele nei."

            "Me ka mahalo a nui ia oe e Miss Hilakona, ke haawi aku nei au i kou ae e hele pu me olua i ka lawai'a. I ka wanae paha e pii mai ai ke kai, e hele ai olua ea?"

            "Ae, pela ka maua i hooholo ai."

            "Ina pela, e hele aku au e nana i na hemahema o na ohe, pela me ka maunu, auwe, mai poina ka hoi! O kekahi mea maikai loa, e , hele aku au e kauoha i mau meaai na kakou no ka paina awakea, a na kekahi o na kuene o ka hokele nei e lawe ae i kahakai, mamua hoi o ko lakou pauaka hou, mai i ka hoi i ka hokele nei, i ka paina awakea."

            "O kena maoli ka oi aku o ka nani, ua palaka maoli ko'u noonoo, aole he manao no na meaai mama na kakou, a o ka mea oi loa aku o ka nani, o ia kokakou ai like ana me Magarita i kahakai."

            No kela mau olelo a Nina i kamailio ae ai no ka ai pu o Magarita me laua ma ko lakou paina awakea, ua hiki loa iaia ke ike aku i ka lamalama o ka helehelena o ke kapena opio, ka mea nana i hookomo hou mai i na manao lili iloko on a, mamuli o kona hoomaopopo ana aku, aole maluna on a ka noonoo nui o Kepena Rede, aka aia maluna o magarita, a o ka mea wale no i mahalo mai ai o kela kapena iaia, mamuli o kona mau ano oluolu ia Magarita.

            Me ka pane ole mai, ku ae la o Kapena Rede iluna, me ka wehe ana ae i kona papale, alaila kaha aku la hele no ka hooko ana i kana mau mea i kamailio mua mai ai, aia hoi o Nina ke nana aku ana ia Kapena Rede, ua hoopuiwa loa, ia oia i ka @he ana aku i ka leo akaaka o Kalani Fiki, me ka huli ino ana mai a nana i kona hoa ohumuhumu o ka la mamua aku, a o ia ka ua kanaka kolohe nei o ka pane ana mai:

            "Ke ike aku nei au ma kou mau maka e Nina, ua hoea mai i ka manawa au e hoomaopopo ai i ka aiaio o ka'u mau olelo apau i kamailio aku ai ia oe i nehinei. no ka haulehia ana o kela kapena i ke aloha no Magarita."

            "O kau mau mea i kamailio mai ai ia'u. ua hoalaia mai ko'u noonoo no ka moolelo e pili ana ia Diabolo me Paulo. I hoike aku au ia oe ea eia oe malalo o kuu kueku'e lima kahi i waiho ai, e hiki ole ai i kau mau hana ke lanakila maluna o'u"

            Ke noke la o Fiki i ka akaaka no kela mau olelo a Nina, mamuli no o kona ike, he oi aku ka maalahi ma kona aoao, ka hoohoka ana aku i ko Nina mau makemake.

            Ke nana mai la hoi o Nina ia Fiki, ma ke ano kahaha, no ka mea ua komo ua kanaka nei i kona paalole maikai, he papalekapu hoi ma kona poo, a he kulana keonimana kona ma na ano apau ke nana aku, a o kona kanaka u'i iho no hoi, aole no e nele ke komohia o na manao hoohihi iloko o ka poe i kamaaina mua ole i kona mau ano.

            "Auhea e e Nina, nokeaha no hoi ko kaua mea e lilo ole ai i mau hoaloha, aole hoi i mau enemi? O ka mea pono a kaua e hana ai, o ia no ke kokua ana aku o kekahi. no ka holopono o ka papahana a kekahi, aole hoi o ka lilo i mea hokai: a hoala mai i na hana e holopono ole ai."

            Kulou iho la ke poo o Nina ilalo no kekahi manawa pokole, alaila haawi aku la i kona lima akau, me ka lalau ana mai no hoi o Fiki, alaila kamailio mai la: "He hoike anei keia no ko kaua hoopaa ana ia kaua iho e lilo imau hoaloha oiaio loa?"

           "Ae, no ka mea mamuli wale no o kau mau kokua ana mai e kaa ai ke lanakila ma ko'u aoao, a o kekahi no hoi, pela wale no e hiki ai ia'u ke ku aku imua o ke kahua kaua me ka maka'u ole."

            Me kela hoopaa mawaena o Nina me Fiki. hoohala iho la laua i kekahi mau minuke ma ke kamailio ana i ka laua papahana, alaila haalele mai la o Fiki i kona kokoolua, no ka mea ua holopono ai la no kana mea i makemake loa ai. a koe hookahi iho la o Nina. me ke kakali ana aku o ka hoea mai o Magarita no ka hokele.

            No ka hora hookahi paha kela noho ana a Nina mawaho o ka lanai, ike aku la oia i ka oili ana mai o Magarita, ia wa i ku ae ai oia iluna, a iho aku la ilalo o ke alanui no ka hui pu ana me kona hoaloha, aia hoi na malihini o ka hokele ke naho mai la nana i keia mau wahine opio, a o ia ke kekahi o na wahine malihini o ka i ana aku i ka makuahine o Nina:

            "Ua lilo no anei i mea maikai i kou noonoo ka ike ana aku i kau kaikamahie e hele pu ana me Miss Adamu?"

            "Aole o'u makemake e hoohaahaa ka'u kaikamahine iaia iho, ma ka hele pu ana me Miss Adamu, aka nae ua lilo ka'u mau olelo iaia i mea hoolohe ole ia mai. Aia iloko o ka'u kaikamahine na manao makee me ke aloha no Miss Adamu, o kana i pane mai ai imua o'u, aole loa he pololei iki o na mea a na kanaka e ahewa wale nei maluna on a, a o ka mea oi loa aku o ka hookahaha i ko'u noonoo. o ia no kona olelo oka ana mai. i kona wa e huli hoi aku ai no Nu loka e lawe pu ana oia ia Miss Adamu me ia."

            I kela halawai ana ae o na wahine opio a elua, ua kuikui-lima pu ae la laua, a pii mai la noluna o ka lanai o ka hokele, ma kahi e huli ana i ke kai. He mau minuke helu wale no ko laua noho ana iho, ku ana no o Kapena Rede, me kekahi kauwa o ka hokele, me ke ie meaai, pela hoi me na ohe lawaia' a lakou.

            Me ka piha ohohia i haawi mai ai o Kapena Rede i kona lima. no ke aloha ana ia Magarita a mahope o ke kamilio ana mawaena o lakou no kekahi manawa pokole, ku ana no o Kalani Fiki, a haawi mai la i kona aloha kakahiaka ia Magarita me ka pane ana mai:

            "O ke aloha no kou e Miss Adamu, ke manao nei au, aole no oe i poina ia'u"

            Aole au i poina ia oe, no ka mea o oe kekahi o na hoaloha o Miss Hilakona."

            Ua hookahahaia aku ka manao o Kalani Fiki, no kela pane a Magarita, he pane na kekahi lede, aole hoi na kekahi kaikamahine kuaaina, i maa ole i ka launa ana me ka poe paa rula.

            "Me ka mahalo a nui ia oe e Miss Adamu. Ua noi mai ne o Miss Hilakona ia'u e hele pu me oukou i ka lawai'a, he mau ku-e ana anei kekahi no ko'u hui pu aku ma keia haka'i lawai'a?"

            "Ua pono loa kela, in a o oe kekahi e hele pu ana me makou e Fiki i pane mai ai o Kapena Rede. Ua lawe pono iho la kakou, a ua hoomakaukau mai nei no au i kekahi mau meaai mama e lawa ai ka aina awakea, in a nae hoi e ua ole ana keia la."

            "Aohe no a'u hana e ae o keia la, nolaila ua hiki ia kakou ke noho ahiki i ke ahiahi ana, a ua lawe mai nei no au a nui ke kika, e lawe ai kaua no keia la holookoa. ua ike no oe e kuu kapena maikai, he mea haule ole ke ciga ia kakou, o ka mea no ia e nanea ai ka lawai'a ana."

            "Aohe he manawa hou aku no ka hoolohilohi ana, e hele ae kakou ua makaukau na mea apau, a ke mokumoku ae la ke ao, e poha mai ai ka malamalama o ka la me kona nani nui." wahi a Kapena Rede, me kona hoomaka koke ana aku no e iho ma ke anuu o ke alapii.

            Iaia i hoea aku ai ilalo o ka honua, kakali mai la oia aliki i ka akoakoa ana aku o kona mau hoa nana mai la o Kapena Rede ia Magarita, me he mea la e i okoa mai ana, e hele aku oia ma kona aoao. i hookahi ko laua hele like ana: ua loaa e aku la nae ia Nina Hilakona, ka ike, no ka manao o ke kapena opio, o kona eleu aku la no ia a pili ana ma ka aoao o ua kapena nei, aole e hiki ia Kapena Rede ke hoole mai o ko laua hele aku la no ia mamua, aohe no hoi he mea hiki ia Magarita ke hana ae, o ka hahai wale aku no mahope me kona hele pu ana me Kalani Fiki.

            "He keu aku maoli no o ka mea kupaianaha loa, o ko olua lilo ana i mau hoaloha oiaio." i huli mai ai o Fiki a kamalilo ia Magarita, oiai laua e hookokoke loa aku ana i kahakai. "He pule ae nei i hala, he mau malihini olua o Nina Hilakona, i keia la nae me he mea la, he mau kaikamahine lua na ka makuahine hookahi."

            "He mea oiaio hoi kau e kamailio mai ne e Mr. Fiki, aole nae mamuli mai o kekahi kumu okoa, aka no ka oluolu maoli no, me ka waipa-he o Miss Hilakona. O ka nui o kona makee me ke aloha i ka mea iloko o na haawina o ke kaumaha, a hui pu iho me kona kulana Kristiano pela wale no maua i lilo ai i mau hoaloha oiaio, in a paha elike me ka nui o na wahine, ka hookae i ko lakou mau hoa, ke ike aku aia kekahi mau mea maikai ole a lkou i hana ai, in a he o ia mau no ko'u noho hookahi me ka nele i ke kokoolua e hoohala ai i kekahi manawa me ke kamailio ana a ma ka hele holoholo ana ma kekahi mau wahi.

            "Ua kuhihewa maoli no au, ua hoowahawaha mai la na mea apau ia'u, i ko'u ike ana nae, aia no he poe maikai ma ka honua nei, ua konoia mai au e hilinai hou aku i ke Akua lokomaikai. Aole i maopopo ia oe ka nui palena ole o kuu hauoli, no ka mea ana i hana mai ai no ko'u pono, a he nani hoi ia he hoaloa oe nona, aole no au e hewa ke olelo ae, ua makaukau loa au e kokolo aku ilalo me kuu mau lima, ame na wawae, in a no ia he mea e hooliloia aku ai au i kauwa lawelawe nana."

            "He pono pilipaa kena i loaa i na wahine apau, aka no makou nae no na kane, he kaokoa loa, no ka mea o kekahi kanaka e hoopuka mai ana i na olelo elike me ia au i kamailio mai la, ua like ia me ka hoehaeha ana ku i kona noonoo, aka. nae aia no he nui a he lehulehu wale o na kane, i hauoli loa e hana aku elike me kau i manao ai."

            "Aole he maopopo iki ia'u o ka manao o kena mau olelo au e Mr. Fiki, e oluolu anei oe e hoakaka pono mai imua o'u?"

            "Eia no ka manao maoli o ka'u mea i kamailio aku nei ia oe. He lehulehu na manawa a'u i ike aku ai ia oe, ua ku a mehameha maoli no hoi kou noho ana me ke ku maoli i ka pilihua o ka noonoo, oiai nae he kane au a he wahine hoi oe he hana kohu ole loa na kekahi kane, ka lawe ana mai ia oe i hoaloha no'u o lilo auanei ia i mea na ko ke ao nei e noke ai i ke kamailio me ka olelo iho, ua makemake aku au ia oe, no ka u'i o kou helehelena.

            "Ua komohia kahiko ka manao aloha iloko o'u no kou noho hoaloha ole kou lilo i mea na ka lehulehu e nanakee aku ai: me ka hoomanawanui wale no i hiki ai ia'u ke uumi hoomanawanui i na manao kaumaha aka nae mamuli o ko Nina lawe ana mai ia oe i hoaloha nou akahi no a hoea mai i ka hookoia ana o kuu iini, owau pu kekahi e lilo aku i hoaloha nou."

            Aia wale no ke poo o Magarita ilalo kahi i kulou ai i kau a mea o ka pahee maoli no o kela mau olelo a Mr. Fiki e kamailio aku nei, halo'ilo'i ae la hoi kona mau waimaka a i mai la"

            "Ua aie maoli no au i ka lokomaikai o Miss Hilakona, a oi aku mamua o ka mea hiki ia'u ke hoakaka ae ma na huaolelo."

            "He mea oiaio loa kena au e kamailio mai nei e Magarita, aole paha ia oe wale no ia manao, aka aia ia kakou apau. Ina he hana maikai na kakou ka hoike ana ae i ko kakou mau manao ano nui iloko o ko kakou mau puuwai, in a ua hiki i ko ke ao nei ke hoomaopopo mai i ko kakou mau ano maoli, aole nae pela, ua huna loa kakou i na mea laahia loa i kupono ole e ike waleia mai e ha'i.

            "He moolelo no ko'u i like aku ka ehaeha me kou e Miss Adamu, malia e hoea mai ana no he la ma keia mua aku, e hoike aku no au ia oe i moolelo me ke koi aku hoi ia oe e lilo mai i hoaloha oiaio loa @'u ka mea a'u e hana ole aku ai i kekahi wahi okoa ae-ia oe wale no.

            "Aole au e hookikina wale aku ana ia oe i keia manawa e lilo kaua i mau hoaloh, e hoomanawanui oe pela, ahiki i kou kamaaina pono anai ko'u ano, o ka mea pololei loa nae, e uinau aku oe ia Nina no'u, ua kamaaina oia ia'u ma na ano apau, aia a lohe oe mai iaia mai, nau no e koho nou iho, in a paha ua kupono io' au e lilo i hoaloha nou, aole paha.

            "He hana ku ole paha i ke kulana keonimana oiaio na'o keia kamailio koke ana aku no keia mea he hoaloha, he ko kaua kamaaina pono ole kekahi i kekahi, aole nae e hiki ia'u ke alo ae no ka mea ua kaokoa loa ko kaua ola ana mai ke ola ana o ka hapanui o na kanaka. Aole poe i oi aku ka maopopo i ko kaua ano o ke ola aua, o kaua wale iho no

            "Ua like no ka ehaeha ame ke kaumaha i loaa ia'u elike me ka haawina i loaa ia oe koe wale no nae, o ko'u ehaeha, aia no ia ma kahi i pili loa aku i ka puuwai, ame ka uhane Oiai hoi, ua hoike aku la au i kekahi mea uuku loa o ko'u ola ana e ae mai ana anei oe owau pu kekahi o kou mau hoaloha.

            Nana mai la o Magarita maluna o Mr. Fiki aole e hiki iaia ke ike mai aia kekahi ano kolohe me ka epa iloko o keia kanaka i kau a mea o ka pahee maoli no o kana mau olelo i ka oluolu no hoi o kona helehelena, a i ke ku no hoi o kona mau ano apau i ke akahai, e pulapu maoli ia ai no kekahi wahine, e lohe aku ana i na olelo o kela no.

            "E hoomanawanui no kaua pela, malia o loaa ia oe kekahi manawa kupono ma keia mua aku alaila hoike mai oe i kou moolelo piha ia'u"wahi a Magarita me ka leo oluolu.

            MOKUNA XI

            Ua maikai maoli kela la no ka lawai'a aole i haule iho kekahi kuaua elike me na mea i koho wale ia aku ai, eia nae, he o ia mau no ka paa o ka lani i na ao hakumakuma. he mea nae ia nana e alai aku i ka la aole e hookuupau mai i kona malamalama wela e hoihoi ole ia ka lawai'a ana.

            I ko Magarita hoomanao iho nona, me he mea la ua wehe hamama ae ka Iani imua o kona mau maka, no ka mea ua piha maoli oia me ka hauoli ma kela la ka mea i loaa mua ole iaia a i moeuhane mua ole ai hoi e hoea hou mai aina he wa ana e nana aku ai iamua o kona ola ana me na manaolana e komo pu ana oia me na hauoli ana o na kanaka apau o ka honua nei.

            Aia mau no o Nina ma ka aoao o Kapena Rede i na manawa apau, me ka hana mai no hoi o Kapena Rede i na mea apau e hoohauoliia ai ko Nina manao, elike no me ka ua kapena nei e hana aku ai in a he wahine okoa mawaho ae o Nina kona hoa lawai'a ma kela la.

            Aia ka iini iloko o Kapena Rede, e loaa he manawa nui nona e hoohala pu ai me Magarita, ma ka lawai'a ana me ka hookaau olelo pu ana hoi kekahi e makaala loa ana nae o Nina HIlakona me ka imoimo mau aku ia Mr. Fiki e hoomamao mau aku ia Magarita ma kahi e i loaa ole ai he manawa no Kapena Rede e kaawale aku ai mai i ua o Nina ku.

            Mamua nae o ko lakou huli hoi ana aku no ka hokele, akahi no a loaa he manawa no Nina ame Magarita e hui pu ai o laua wale no oiai hoi o Kapena Rede ame Kalani Fiki e hoomakaukau mai ana i na ukana a lakou. E noho ana o Magarita maluna o kekahi pohaku nui, me ka huli ana aku o kona alo nana i ka moana ia wa i hoopa aku ai o Nina ma kona poohiwi, a i aku la:

            "Pehea, ua makemake anei oe ia Kalani Fiki e Miss Adamu ma ke ano he hoaloha nou?"

            "Aole no a'u mea e hoohalahala ai nona, a oiai he hoaloha oia nou, ua kuleana like kaua i kou mau hoaloha apau." i pane aku ai no hoi o Magarita, me he wahi mea ano ole loa la ka laua e kamailio ana.

            Ike aku la o Nina ma kela pane a Magarita, aole i komohia ka makemake maoli iloko o kela kaikamahine no Fiki, a o ia kana o ka i hou ana aku:

            "Ua nui maoli no ko'u kaumaha no Mr. Fiki no ka mea aole i nele kona halawai ana, me na mea e hoehahaia ai kona manao."

            "Ua hoehaehaia anei ka manao o keia hoaloha o kaua?"

            "Alaila, aole ka paha oia i kamailio mai nei ia oe e Magarita, ea?"

            "Ua kamailio wale mai nei no oia i kona ehaeha me ke kaumaha o kona noonoo, koe aku nae kona hoike maoli ana mai nei i ke kumu."

            "Ua maopopo iaia, o kela kekahi o na kumuhana ano nui loa, i pili aku i kona ola ana, pela paha oia i kamailio ole mai nei ia oe. Ina nae au e kamailio aku ana i ka mea oiaio loa aole anei oe e kumakaia ia'u?"

            "Ke hoohiki aku nei au imua ou, o kau mau mea apau e kamailio mai ana nona, he meahuna ia mawaena wale iho no o kaua, aole au mea e maka'au ai, no ko'u hoike aku imua on a a imua paha o kekahi poe okoa aku."

            "O ka mea a'u e kamailio iki mai nei ia'u no kena mea!" wahi a Magarita me ka puiwa:

            "Ina no kou maopopo pono i ka moolelo o ke ola ana o Mr. Fiki aole au mau hookau wale ana aku i na ahewa ana maluna ona, wahi a Nina, me kela leo oluolu waipahe, o ka poe i maa i ke kolohe ame ka epa, ka mea nana i hoopoino aku i ke ola o kekahi poe lehulehu, i punihei wale mai i na mali leo ana o kela ano.         

            "Ma ka mare ana aku o Mr. Fiki i kana wahine aole ia i lilo he mea nona e haaheo ai, aka ua oi aku ka ehaeha o kona uhane mamua o ka mea hiki i kekahi kanaka ke hoomanawanui, no ka mea o ka wahine ana i mare aku ai oia kekahi o na wahine ino hookahi, me ka piha i ka huhu."

            "Ea he keu i'o aku hoi ha a ka mea maikai ole!"

            "Hoko no nae o na hana a kana wahine, ua auamo oia i kona mau ehaeha apau me ka hoomanawanui, a i kekahi manawa, no ka aneane hiki ole paha iaia ke uumi iho ia ehaeha, e lohe okoa aku ana oe i ka nui o kona hanu i kekahi manawa."

            Alaila o ka manao ka paha ia o kana mea i kamaiho mai nei no kona noho mehameha, mamuli o kona kaawale ana mai kana wahine mai?"

            "Ua pololei oe i kamailio mai la o kela ke kumu o ka ehaeha i loaa iaia."

            "Alaila, ua oki ka paha oia mai kana wahine mare mai ea?"

            "Aole oia i oki me kana wahine, aole on a makemake e hoikeike ai i kona pilikia imua o ka lehulehu, me he wahi hana ano ole loa la ke oki mare ana, oiai no nae, he nui ka poe i maopopo aole he noho pu o keia kanaka me kana wahine, no kekahi mau makahiki lehulehu. O ka'u mea ehaeha nona, o ia no ka opiopio o kona kino, eia nae, ua hooneleia aku oia i ka noho hauoli ana, ma o ke ano ino la o kana wahine.

            He opiopio no kana wahine i mare ai, au no e manao aku ai, oia kekahi o na wahine maikai, a kekahi kane e haaheo loa ai nona, o ka mea apiki nae o ke diabolo kona hoa e kohu ai ke hoohalike ae."

            "He keu aku maoli a ko'u kaumaha nona."

            "Ina i like aku kou kamaaina iaia elike me ko'u kamaaina, me ka maopopo pu hoi i kona mau pilikia, e oi loa aku aina kou kaumaha. Me ka nui no nae o kona mau ehaeha, aole ia he mea nana e ohumuhumu ai, e uumi malie ana no oia me ka hoomanawanui, me ke kamailio ole aku ia ha'i no ke ano o kona ola ana ikela ame keia la."

            "Imua nae o'u i hoike okoa mai ai oia i ka nui o kona ehaeha."

            Nana pono loa aku la o Nina ma na maka o Magarita, paa aku la hoi i kekahi lima a i aku la me ka leo malie loa:

            "E kamailio aku ana au ia oe, i kekahi mea e komohia aku ai ka manao hoowahawaha iloko ou no'u aka nae ke lana nei no kuu manao aole hoi oe e hana mai ana pela. Aole no Mr. Fiki ponoi iho ka hewa, i auamo ai oia i na ehaeha o ke Akua ka hoike no ka'u mea e kamailio aku nei ia oe. O ke ano o kou noho meameha ana, na ehaeha au i auamo hookahi ai me ka hoomanawanui, aole no ia i kao koa, mai ua ano ae apau o Mr. Fiki ua nana mai kela kanaka maluna ou, ma ike ano, ma ou wale la no e loaa aku ai ka maha i kona uhane a ma on a la hoi e loaa ai ka noha hauoli ana ia oe."

            "Ea, ke hele loa aku nei kau mou olelo e Nina, a oi aku mamua o ka mea kupono!"

            "Ina ua kamailio aku nei au i na olelo e ala mai ai kou mau manao hoowahawaha nona alaila e kau mai maluna o'u na ahewa ana e pono ai. Aole on a hoaloha e ae ma ka honua nei, owau, hookahi wale no. Ua olelo mai hoi oe ia'u ua makaukau oe e hana mai i kekahi mea mo'u e pono ai, a o ia ka'u e olelo aku nei e lilo oe i mea hooluolu aku i na manao kaumaha o keia hoaloha aole anei pela e Magarita?

            "O na lani ko'u hoike, aole loa au e hoi hope ma ka'u mea i hooia aku ai imua ou, no ko'u hooko aku ma kau mau hana apau i makemake ai e hana aku."

            "Ina pela, e hana maikai aku iaia e hooluolu aku i kona mau manao, no ka mea he kanaka hiki oia ke hilinaiia mai maka'u iki oe no kona hooko mai i kekahi mau hana hewa maluna ou. Ina o oe onoi ko'u kaikaina ua hiki ia'u ke hilinai aku e hele pu oe me kela kamaka ma na wahi apau o ka honua nei, me he mea la, o kou kaikunane ia me kela manaoio mau iloko o'u elike me ka maemae o ko'u kaikaina ana i lawe aku ai pela no oia e hoihoi hou mai ai."

            "Ma kena mau mea au e hoakaka mai nei e Nina ua hiki loa ia'u ke ike aku i ka nui hilinai ou maluna o kela kanaka."

            "O ka'u mau mea apau e kamailio aku nei ia oe, o na ano ia i pili loa aku i kela kanaka. O ka'u e hoike hou aku nei ia oe, mai poina oe, i ka hoike ana aku i na ano oluolu apau imua, on a, in a paha ia aole no ka pono o kela kanaka aka no ko'u pono."

            "He mea e hookahahaia ai ko'u manao, no kou noi ana mai ia'u e hana oluolu aku ia ha'i oiai nae aole no au i kamaaina i ka nui o na kanaka a eia no hoi au iloko o ka noho mehameha ana e kauka'i aku ana e hana maikai mai kekahi poe ia'u."

            "O oe ka mea kupono loa e hana maikai aku iaia no ka mea elike no hoi me au i lawe mai ai ia oe i hoaloha no'u pela no hoi oe e hana aku ai iaia i hookahi kakou ma ka hoolilo ana ia kakou iho, i poe e ola ana iloko o na palena kupono o ka hauoli."

            "Mai kanalua oe e Nina no'u elike me ko Mr. Fiki lilo ana i hoaloha maikai loa nou pela no hoi au e lawe mai ne iaia i hoaloha no'u"

            No kela pane a Magarita kulou mai la o Nina imua a honi aku la ma ka papalina o Magarita aka nae iaia i noho pono mai ai iluna a nana ae la mahope o kona kua aia hoi e ku aku ana o Kalani Fiki a mamuli o ka hele o ka hele helena o ua kanaka nei a lamalama hoomaopopo iho la o Nina ua lohe mai paha oia i na mea apau i kamailioia mawaena o laua nei. Minoaka mai la oia ia Nina elike ye ike ano mau o ka poe kolohe, no ka holopono o kekahi mea i hoolalaia mawaena o laua, a o ia kana o ka i ana mai:

            "Ua makaukau ua mea apau, no ko kakou huli hoi ana aku i ka hokele, aia o Kapena Rede ke kakali mai la ia olua. Aole anei o keia kekahi o na la maikai loa, a kakou i hoohala ai ma kahakai nei?"

            Pahola mai laoia i kona lima imua, no ka huki ana aku ia

            Pahola mai la oia i kona lima imua no ka huki ana aku ia he hana nui, iloko o na sekona helu wale no, aia o Nina ma kona aoao, i nana mai nae kona hana ia Magarita, ua ku e ae la ua kaikamahine nei iluna, a ua lele aku la me kona kokua ole ia mai, a haule ana ma kekahi aoao, ma kele wahi a Mr. Fiki e ku ana me Nina.

            "Aole au i maa i ke kokuaia mai e kekahi mea, pela paha i eleu mai ai ko'u kino," i pane ae ai o Magarita, ihe ka noke pu ana ae i ka akaaka, i kona paa rulaole.

            Ua hoea mai la o Kapena Rede i kela manawa a hoi nui aku la no ka hokele me ko lakou hoi like no hoi, e noke ana i ke kamailio ma kela ame keia mea.

            Oiai nae lakou e pii aku ana ma na anuu o ke lapii e kau aku ai iluna o ka lanai o ka hokele o ka wa hookahi ia i oili mai ai kekahi kanaka opio mailoko mai o kekahi rumi e huii pono ana i ka lanai o ka hokele a iaia i ike mai ai i ke Kapena Rede awiwi mai la kana hele ana imua, me ka hooho ana ae:

            "O, hauoli maoli au i ka halawai pu ana me oe e Kapena Rede!"

            "Aue! O oe anei keia e Tede? I ka wa hea oe i hoea mai nei? He keu a kuu hauoli i ka ike hou ana ia oe!"me ka hopu ana aku o Kapena Rede i ka lima o ke kanaka opio.

            "He hora wale ae nei no paha a oi ka loihi o ko'u manawa ma ka hokele nei, a i ko'u ninau ana aku ia oe, hoike mai nei ka poe o keia hokele, ua hala aku oe i ka lawai'a. He manao no hoi ko'u e huli aku nei ia oe, o ka nana iho nae, ua hele au e lepo, i kau a mea o ka loa oke alahele, a hui pu iho no hoi ko'u e huli aku nei ia oe, o ka nana iho nae, ua hele au a lepo, i kau a mea o ka loa oke alahele a hui pu iho no hoi me ke ano maluhiluhi hooholo iho la au ua oi aku ko'u hoomaha ana, a huli hoi mai no hai oe. Pehea ua nui anei ka laki ma ka lawai'a i keia la?"

            "Ae aole no he wa au e hele ai i ka lawaiia e ukaliia ai e ka pakalaki. E ae mai oe e Miss Nina e hoolauna aku au ia oe imua o kuu hoaloha o Mr. Dokala keia F. Miss Adamu o Mr. Dokala keia, a o Mr. Fiki hoi keia."

            Ma kahi o ka haawi ana mai o ke kanaka opio i kona lima no ke aloha ana i na malihini i hoolaunaia aku iaia kunou wale mai la no kona poo aia nae ka nana pono ana a kona mau maka maluna o Magarita, me kona ike koke ana iho i ka like ole o ke kulana o kela mau wahine opio o ka hoolauna ana mai.

            Ua hoohalaia kekahi mau minuke pokole e lakou nei, ma ke kamailio ana alaila hoomakaukau iho la o Magarita no ka hoi ana aku no kona wahi, me ka huli ana aku nae o Kalani Fiki, a kamailio aku la me ka leo liilii:

            Minoaka wale mai la no o Magarita, me kona pane ole mai no kela mau olelo a Mr. Fiki no ka mea aole kona noonoo ma na mea a kela kanaka o ke kamailio ana aku iaia aka aia ma na olelo na i lohe aku ai i ke kamailio ana ae a ke kanaka malihini opio ia Kapena Rede penei:

            "Ea, e kuu kapena, owai hoi kela kaikamahine? Aole au i ike i kekahi kaikamahine u'i elike me kela iloko o kou ola ana. Ma ka'u nana aku, he hookahi olelo nui a ka poe o keia hokele o ia no ka mahalo i ka huapala o kela kaikamahine. I hea oia i loaa ai ia oe e Kapena Rede? E hoike mai ia'u i kau mau mea i maopopo nona!"

MOKUNA XII

            Hoko o kela mau la ekolu, ua ike maoli iho no o Magarita, i ka loli loa o kona ano o ke ola ana, me he mea la aia oia i kekahi honua okoa i kaokoa loa mai ka ano o kona ola aua mamua aku.

            Aole wale no ma kona manawa e hui pu aku ai me kela mau hoaloha, i hoopihaia mai ai oia me ka hauoli aka i kona wa no e hoi aku ai no kona home, a hiamoe maluna o kona wahi moe, aole e hiki iaia ke hoopoina, i na olelo hoolana, i kamailio mau ia aku iaia, e kela mau hoaloha ka mea ana i nana aku ai. o lakou ka malamalama o kona ola ana.

            Mamuli nae o kela lilo loa o Magarita me kona mau hoaloha hou, ua palaka loa kona noonoo no ka hoomakaukau ana i kana mau meaai, nolaila iaia i puoho ae ai ma kekahi kakahiaka mai i hele aku kona hana, e hoomo'a i mau meaai nana eia ka he uuku loa na wahi meaai i koe o ka pau no ia uolaila ke kau mai la ka pololi imua o kona alo, in a oia e hoohemahema ana i ka hoolako ana iaia iho me ua meaai nona e pono ai.

 (Aole i pau.)