Ka Nupepa Kuokoa, Volume LVIII, Number 20, 21 May 1920 — E LELE HOU AKU ANA NO KAUAI. [ARTICLE]

E LELE HOU AKU ANA NO KAUAI.

Ma ka Poakolu o keia pule ae e haalelo iho ai he elua mau mokulele o ka oihana kaua o. Amerika i ko laua kahua hoolulu malalo ae nei o Puuloa, a lele aku no ka Mokupuni o Kauai, i kulike ai me na mea i hoolalaia e na ia lakou ke kuleana ame ka mana o ka hoohana ana i na mokulele. O na mokulele mua i lele ai i Kauai me ka holopono loa, a i loaa ai no hoi ka ike i ko kauai poe, i ke ano o na niokulele, he mau mokulele ia no ka oihana koa, a no ka manao o ka oihana kaua, ua hiki no i kona mau mokulele ke lele no Kauai me ka holopono, pe'la iho la laua e lele aku ai ma ke ano hoao. Ma na hora o ke kakahiaka o ka Poakolu ae nei, e haalele iho ai kela mau inokulele, a ua manaoia, e hoea aku aaa laua, i ka manawa hookahi no a na mokulele mua o ka oihana koa i hoea ai no Kauai. O kahi a keia mau mokulele e kipa aku v ai, ma Hanamaulu no ia, kahi i hoomaopopoia, ua kupono no na mokulele. Nolaila, e loaa ana keia pomaikai hou i ko Kauai poe, o ka ike ana mai,, he elua mau mokulele e kipa aku aiA i ko lakou mokupuni. He hora wale no a oi ka mana'wa i lele mua ia e na mokulele mai Oahu aku nei a hoea i Kauai, o ka manawa iho la no ia i kohoia no keia mau mokulele hou elua, e lele aku ai, a jfela no me ka huli hoi hou ana mai. ' "