Ka Nupepa Kuokoa, Volume LVIII, Number 20, 21 Mei 1920 — Page 6

'Ike Pono

He Moolelo no

MAGARITA ADAMU

a i ole

Ka Hoohokaia Ana o na Manao Lapuwale o ka Mea Kolohe-Ka Papahi Ana o ka Mea Hoopono i ka Hanlhano me ka Waiwai

 "E kakali maile ana nae au pela, ahiki i ka ike ana o Nina aole maluna on a ka iini o Kapena Rede, ia wa au e komo aku ai a paani i ka'u pepa hauhau, me ko Nina komo pu mai ma ke kokua ana, i wahi e lilo mai ai o Miss Adamu na'u, pela wale no e hookoia ai ko Nina makemake maluna o kela kapena opio. Pehea  ka nui o na ahewa ana a na kanaka maluna o Miss Adamu, no ka hawahawa on kona mau lima, i ke karaima pephikanaka, aole loa o'u manaoio, ua pili kauwahi lihi o ka hewa maluna on a, a o keia no hoi ke kaikamahine hookahi ma ka honua nei, nana i kaili aku i ko'u mau manao hoohili maluna on a, a ke paa loa nei kuu manao, in a au e hoikeike aku ana iaia i ko'u mau ano oluolu, a hana aku hoi i kekahi mau mea nona e hauoli ai, e hoea mai ar a no he la, ana e aloha mai ai ia'u. "

            Oiai hoi o Mr. Fiki e hoolala la i kekahi manao lapuwale, no ka mea he kanaka keia i maa i na hana ekaeka loa, aia o Magarita ke hele pu la me kona mau hoa, me ka moeuhane mua ole ke imijima aku nei ke alahele nona e poholo ai iloko o ka umii.

Mokuna VIII.

            I ka hoea ana aku no ka uwapo, kahi o ka waapa o Magarita i waiho ai, hookau pakahi aku la o Kapena Rede i na lede opio maluna o ka waapa me kona kulana keonimana. a iaia i hookuu aku ai i ka waapa o ua mau Kaikamahine nei e holo, ku aku ia oia a nana me na maka hoihoi maluna o laua, aole oia i haalele iki i kana wahi e ku ana, a ahiki i ka nalowale ana aku o ka waapa ma kekahi aoao o ke awa.

            Aia mau iloko o Nina HIlakona na hoomanao ana o Kapena Rede, e kali wale ana no oia, o ka pau o ka laua holoholo waapa ana, alaila huli hoi mai, no ka hui hou ana me ia, o ka mea apiki nae, a o ka mea hoi nana i hookahaha loa aku i kona manao, i ka wa i pili mai ai o ko laua waapa i kauwapo, aole o Kapena Rede malaila, eia nae aole oia i hoikeike ae i kekahi ano maikai ole maluna o kona helhelena ia laua i huli hoi aku ai ma ke alanui.

            I ko laua nei hoea ana aku nae, ma kahi o ke alanui, e mana ai ke alanui no ka hokele, ku iho la ua mau kaikamahine nei i kahi hookahi, me ka huli ana mai o Nina a kamailio ia Magarita:

            "E hookuu kaua ma keia wahi, e hoi no hoi oe no kou home, a e huli hoi aku no hoi au no ka hokele, mamua nae hoi o ko kaua hookaawale ana, ke haawi aku nei au i ko'u mahalo ui loa ia oe, no kou ae ana mai e hele pu me a'i i ka holo waapa, a i hoike aku no au ia oe ea, o keia ke kakahiaka hookahi a'u ike maoli iho ai no i ko'u hauoli, mamuao na la aku nei i hala, o ko'u noho ana ma Manakeka nei. Aole oe i maopopo i ke ku a uluhua molim no i ka noho mau me ka pohai o ka poe lalawai, a i ko'u kaawale ama i keia kakahiaka. me ka hoohala ana he mau hora me oe i keia kakahiaka, me he mea la, i ka'u ike maoli iho no, he wahine ano hou loa au. O keia hele holoholo ana kau nei o kaua, ua like no ia me na kulu pakaua hu'ihu'i, i haule iho maluna o kekahi kumu rose i panoa ka lepo.

            "Ua like loa oe e Magarita me na kulu pakaua hu'ihu'i e noi aku ana au ia oe ke loaa hou ia oe na manawa kaawale, alaila e oluolu oe e hele hou mai e ike ia'u, in a aole no ka hele ana e holo waapa, aka no ka nanea ana no hoi, ua oi aku ko'u makemake ia oe, mamua o na malihini o ka hokele."

            Ke hoihoi loa la o Magarita no kela mau olelo a Nina iaia, a o ia kana o ka i ana mai:

                        "Ahiki iho la i ko kaua hookamaaina ana, me he mea la he pono noho wale no ko'u, aia ka pono o ka hala ae o ka la, a nana aku ana o ka oili mai o ia la hou, me ke ano hoihoi ole maoli i keia ola ana. I keia la nae. akahi ahiki ia'u ke nana aku iamua me na manaolana no ka hauoli o keia ola ana. Aole e hiki ia'u ke hoakaka aku ia oe i ka nui maoli o ko'u mahalo no kau mau mea e Miss Hilakona i hana mai ai no'u."

            Heaha auanei ka'u wahi mea i hana aku ai nou, au e hoomaikai mai ai?'

            "Ina i hiki ia oe ke heluhelu mai i ko'u mau manao, a heluhelu mai i na mea i palaplaia iloko o kuu uhane, no ka hele i na manaolana no ka hauoli, penei, aole oe e niau mai ia'u. no ka'u mea i hana mai ai. Ua ku a mehameha maoii no ko'u ola ana, aole paha i maopopo ia oe ka wahia o ia mea, aka no'u nei nae ua ike au i kona hopena. Ua oi loa aku ko'u olioli, in a i hookau aku lakou ia'u maluna o ka amana likanaka, mamua o ko lakou hookoe ana mai i kuu ola, e hapa iho ana ka ehaeha e loaa ia'u, mamua o ka mea a'u i auamo ai, mamua o kou hookamaaina ana mai ia'u.

"Ua hala aku la nae na la o ka ehaeha, no ka mea ua loaa ia'u he hoola ma ou la e Miss Hilakona. Ua lalau mai oe i kuu mau lima a huki ae mailloko mai o na lua pouli o ka loowahawahia ua kahea mai oe i kuu inoa kela inoa i kauia ka weli e na mea apau, a o ka mea oi loa aku me kou nana ole ae i ka mea a na kanaka e kapa mai ai maluna ou ua kamailio mai oe me ka oluolu loa ia'u. "

            "Elike me ka'u mau mea i hana aku ai nou e Magartita, pela no au e hana aku ai ma keia mua aku, a malia e oi aku no paha i na hana o keia wa o ko kaua hookamaaina ana no ka manawa pokole loa.

            "Na ke Akua e hoomaikai mai ia oe, ko'u hoaloha hookahi wale no ma keia ao," alaila huli aku la o Magarita i kahi e, no ka holoi ana ae i na waimaka mai kona mau lihilihi mai.

"Alaila ua poina ka paha oe no Kapena Rede?"

"Aole au i poina iaia, oia ka mea nana i haawi mai ia oe i hoaloha no'u, aia mau na mahalo ana iloko o'u nona, aka nae maluna ou ka oi loa o ka'u mau hoomaikai nui, me ko'u minamina ole e mauna aku i ko'u ola. nou a nou wale no."

            Noke okoa ae la o Nina Hilakona i ka akaka, me ka pane ana mai: "O oe  wale no e Magarita ka mua loa o ko'u, mau hoaloha i kamilo mai i kena mau olelo, pela au i hiki ole ai ke uumi iho i ko uakaaka. O kena a'o anei ka mea oiaio au e hana mai ai no'u?"

            "Ina he manawa kekahi ma keia mua aku o ko kaua ola ana, au i makemake ai e hoao mai ia'u, i wahi nou e ike pono ai i ka mea oiaio, alila e hana mai oe elike me kau i ke ai he pono a mai kanalua a hopohopo iho paha kou manao, aole au e hana aku ana no kou pono. Ina no ia he kau loa au e make nou. "

            "Ua oi loa aku paha kau mea e hoopaa mai nei mamu o ka mea kupono!" me ka luliluli ana ae o ke poo o Nina.

"In a i maopopo ia oe ke ano o ko'u ola ana o ka wa i kaahope aku nei, in aole oe e ninaninau mai ia'u ma ke anohanalua."

            "Alaila e hele mau mai an aanei oe e ike ia'u ma ka hokele?"

            He hookahi wale no kumu a'u e ae aku ai i kau kono, in a oe e hoohiki mai ana, e kipaku mai oe ia'u ke hoea aku

            Ina o kou makemake ia ea, alaila ke hoohiki aku nei au imua ou, e hooko elike me kena mau olelo au."

            "Mai hopohopo iki oe, a maka'u paha, i ke kipaku ana mai ia'u elike me kou kipaku ana i kekahi ilio no ka mea pela maoli ihio la no ko'u ano ua like pu au me kekahi ilio e moe aku ana malalo o kou mau wawae."

            "Mamuli wale no o ko'u manaoio ana, he hoaloha pilipaa, a hooko pono ka ilio i ka makemake o kona haku, pela au e lawe mai nei i kai mau hoohalike ana me ka manao mai kai, aole ma kekahi ano okoa ae. E hele i'o mai ana anei oe i ka la apopo?"

            "Ae e hoea mai ana au, a pehea, he makemake no nae paha oe i ka hele e lawa'a ea?"

            Ua maa no au i ka hele i ka lawai'a i kekahi manawa, o kekahi kela o ka'u mau hana makemake loa."

            "I mea hoi ha e makepono ai ko'u hele ana mai e ike ia oe, e hele kaua i ka lawai'a i ka la apopo. E noi pu aku oe ia Kapena Rede, oia pu kekahi e hele me kaua. He hana maa na'u ka hele ana i ka lawai'a, ma kahi o na pali kahakai. a i kamilio aku la au ia oe no Kapena Rede ea no kamea maliala kahi a ke Akua i hoohalawai mua loa ai ia'u me kona akena, ana i hoouna mai ai no ka hapai ana ae i na haawae kaumaha mailun ae o ko'u mau poohiwi."

            Imoimo iho la na lihilihimaka o Nina, no ka mea kahi no oia a lohe, eia ka ma na pali kahakai, kahi i halawa mua ai o Magarita me Kapena Rede, a i aku la: "Ua pono na'u e noi aku iaia e hele pu kakou i ka lawai'a."

            "Me ka mahalo a nui ia oe e Miss Hilakona." o ka haawi ae la no ia o ke aloha hope o ua mau lede opio nei, a hulihoi pololei aku la o Magarita no kona home, pela no hoi o Nina i hoi aku ai no ka hokele.

            I ke kaalo pono ana ae nae o Nina malalo o ka malumalu o kekahi kumulaau nui e ku ana ma ka aoao o ke alanui, akahi no oia a huili mai ihope, a nana ia Magarita, e hookokoke aku la i kahi o ke alanui  oloi, e moe pololei loa ana no kahi i ku ai o kona hale.

            Aohe ana noonoo hou aku no kela kaikamahine, o kona huli aku la no ia hoi, o ka mea nae nana i hookahaha mai i koua manao, o ia no kona ike ana aku ia Kapena Rede, i ka iho manana mai mailuna mai o ka hokele, a kaha aku la kanahele  ma kekahi alanui, e hoea aku ai i ke alanui a Magarita e hoi la, ike  koke iho la no o Nina, ua oi aku ka noonoo nui i kela kapena ia Magarita mamua on a.

            Ma kela whai, pii mai la na manao lili iloko o Nina, me ka hiki hou ole iho la iaia ke hoomau aku i ka hele ana imua, aka ku maile iho la oia, a nana aku la i ka hele o Kapena Rede, aole no nae i loihi kela hele ana aku, loaa koke aku la no o Magarita iaia, a ike aku la keia i ka hopu ana aku o ke kapena i ka lima o Magarita no ke aloha ana, ana nae i ike iho ai, ike kohu ole o kela aloha ana, no ka mea he mau hora wale no kela kaawale ana o lakou.

            O kekahi manao o Nina Hilakona e ku la, aia a pau ka Kapena Rede kamilio ana me Magarita, alaila hooku aku i kela kaikamahine e hoi no kona home, ia wa e huli mai ai a loaa keia hookahi ko laua hoi pu ana aku no ka hokele, oka mea apiki nae, aole he wahi mea a nana iki mai o Kapena Rede no kana wahi e ku aku nei, o kana mea i kie aku ai, o ia no ka pe'a ana ae o na lima o u a kapena nei mahope o kona kua, a hoi like aku la me Magarita.

            Ua pia maoli o Nina me ke kuaki, mamuli o kona ike maoli iho no i ke ano o kona mau manao, nolaila me kona piha loa i ka hoonaukiuki, huli ino mai la oia a hoomakaaku la e hoi, o ka mea nae nana i hooi loa mai i kona kahaha, iaia i huli aku ai a anan ai ka pa laau ma ha'i o ke alanui, aia hoi'e ku mai ana o Kalani Fiki, me ke kalele ana o kona mau lima maluna o ke kaola o ka pa, ma kahi he elima wale no kapuai ke kaawale mai iaia aku.

            Aia ka inaina ame ka hoonaukiuki ma kona helehelena kahi i nohoalii ai, o ka mea apiki nae, i kona wa i kamailio aku a he keu a ka waipa-he o kona leo, o ia no oe o kekahi mea i loaa ole he manao huhu iloko ona:

            "Ua hookahaha loa mai oe ia'u e Mr. Fiki mamua o ka mea hiki ia'u ke hoike aku imua ou. Ua nanea moli au, no ia nanaea, i loaa ole ai ka ike ia'u no kekahi mea i kokoke loa mai imua o ko'u alo."

            Ku pololei ae la o Kalani Fiki a noke pu ae la nohoi i ka akaaka, me ka'i ana mai: "He hookahi kumu o kou ike ole mai ia'u , no ka lilo loa o kou noonoo i kela mau mea e hele la, ma ke alanui ololi. Ua oi aku kou noonoo nui no laua, mamua o kou noonoo no'u."

            "Pehea auanei e nele ai ko'u noonoo nui no kela mau mea, oiai ma ka'u ike maoli iho no ua loli loa ko Miss Adamu ano, mai kela ano kahiko mai on a, a na wahine opio e nana aku ai iaia me na manao pahenehene."

            "Alaila aia anei maluna o Miss Admau kau mau mahalo i kela kaikamahine."

            "Ina he mahalo kekahi nou nona ea alaila alua olua i loaa na manao mahalo no Miss Adamu. O oe no hoi me Kapena Rede."

            Alawa ino mai la ka Nina nana ana ma na maka o Mr. Fiki, e hoike aku ana ia nana ana, aole loa i lilo na olelo a Fiki i kamailio aku ai i mea nona e hoihoi ai , me kaona manao nae, ua nalowale kona mau ano apau i kela kanaka, oiai nae o ka mea pololei, ua ahuwale kana noahuna no ka mea aole keia o ka manawa mua loa i halawai ai keia mau mea, aka ua kamaaina mua laua i ko laua mau ano iho.

            "Aole au i ike kekahi kumu e komohia ole ai ka makemake iloko o Kapena Rede no kela kaikamahine, "i pane aku ai ua o Nina ma ke ano hookamani, me he mea la aole on a lili ia Magarita, no kela pane hoi noke okoa ae la o Fiki i ka akaaka, no ka piha maoli o keia wahine me ka maalea.

            "Aole no i loaa ia'u kekahi kumu e haulehia ole ai kela kapena i ka makemake ame ke aloha no Miss Adamu. O ka mea oiaio loa nae e Miss Hilakona aia kekahi mau anoiloko o kela kaikamahine, i loaa ole i ka hapanui o na wahine opio, aia iloko o kela kaikamahine, i loaa ole i ka hapanui o na wahine opio aia i loko on a kekahi mana, e umeia aku ai kamanao hoohihi o na kana ka kupaa elike me Kapena Rede, a ke ole au e koho hewa, aia iloko o ka noonoo o kela kanaka o Miss Adamu ka mea ana i koho ai i hoa kaununona no keia noho honua ana. "

            "Ua kuhihewa oe e Mr. Fiki; aole kela o ka wahine i kupono ia Kapena Rede?" i pane okoa aku ai o Nina Hilakona me ka leo pikanana.

            "O ko'u manao maoli keia, aia oe a ike aku, mare ana o Kapena Rede me kela kaikamahine!"

            E olelo mai ana anei oe, e mare i'o aku ana o Kapena Rede me Miss Adamu?"

            "Aohe o'u kanalua iki no ia mea, a ua pomaikai maoli kela kaikamahine ke loaa iaia o Kapena Rede; ma ko'u manao nae o ka mea pono wale no ia oiai he kanaka o Kapena Rede i makee i ka poe iloko o ka pilikia. O keia kekahi kanaka waiwai i mea e hookauiae ai o Miss Adamu ma kekahi kulama hanohano.

            Elike me ka'u i kamalilo mua aku nei ia oe, oia kekahi o na kanaka waiwai lea, ua hiki i kona waiwai ke hoohamauku  i ka waha o na kanaka, ke manao oia e hana pela a iwahi e hookoia ai kona mau makemake apau, me ka mana o ke dala, e holoiia ae ai ke karama a kela kaikamahine i hana ai, a lilo oia kekahi o na wahine hanohano loa i hanauia mai e ka wahine. He hookahi no nae kumu nui emare aku ai o Kapena Rede me kela kaikamahine, o ka huaplaa maoli no, owai hoi ia kanaka hiki iho ke kupaa, imua o ke alo o kela kaikamahine!"

            "O oe pu anei kekahi i komohia na manao hoohihi a makemake no kela kaikamahine opio?"

            "Aole au e hilahila ke hoike aku ia oe i ka mea oiaio loa, ua makemake maoli no au ia Miss damu, aka he mea hoopau manawa wale no ko kaua kamilio ana maluna o keia mea. Ua kamaaina loa au ia oe e Miss Hilakona ua ike hoi i kou mau ano apau, mamua o kau mea i manao ai nolaila ma keia wahi la, i makemake ai au, e hana kaua i kekahi olelo hoopaa."

            "Aole he maopopo iki ia'u o ka manao o kau mea e kamailio mai nei e Fiki!" i pikanana mai ai ke kamailio an aa Nina.

"Aohe au hoolaulau ana e Nina, me kou manao iho, aole i maopopo ia oe ka manao o ka'u mea i makemake ai. Ua ike oe i ko'u makemake pela hoi au i kou, aohe au hoao ana mai e huna i kekahi mea, aka e hoike kaua i na meahuna apau iwaho. Ua ahuwale ia'u ka moolelo o kou ola ana. Mai hoopiolokeia kou noonoo no keia mea! Ua kamaaina au ia Dukana Ekeka, oia kekahi o ko'u mau hoaloha kahiko."

            "Auwe no ka hoi e!"

            "Mai auwe mai paha oe! E hoopoina loa ko kaua noonoo ana no Dukana Ekeka, oia kekahi o na kanaka, i like aku kona lapuwale me ka holoholona, aole a'u ahewa wale ana ia oe, no kau i hookau aku ai maluna on a, no ke ku o kana hana ia oe i ke aloha ole. o ka hana nui au i makemake ai e hana kaua i kekahi aelike, e pili ana no ia no Kapena Rede ame Magarita. "

            No ka manawa mua loa, akahi no a loaa aku ka hoomaopopo ana ia Nina, ua maopopo kona moolelo o ke ola ana ia Mr. Fiki, he moolelo hoi, aole no ka maikai, aka ua piha me na mea hoohilahila he nui, nolaila elike me ka anapu ana a ka uwila i oili mai ai ka malmamala iloko on a, he mea makehewa wale no ka hunahuna ana iho i kekahi mea, a i ole hoao paha e kupale no kona pili ole i ka hewa.

            No kekahi mau minuke, aole e hiki ia Nina ke pane mai, ua hele oia a piha me ke kaumaha loa, no ka mea, o ka nohuna ana i hunakele ai, aole oia i manao iki, ua hoea mai i aohe mea hiki ia Nina ke kamailio mai, nolaila hoomau hou aku la oia i kana kamailio ana, me kona nana ole aku nae ma na maka o Nina:

            "Ua noonoo nui loa au nou e Nina mamua o ko kaua kamaaina pono ana, aka iloko o na hora kakai kahi ae nei i hala, ua hoolala au i kekahi papahana no ka waiho ana aku imua ou; a'u no e manao nei, aole oe e hoole mai ana."

            "Heaha ia papahana au i hoolala ai, e khoike koke mai oe ia'u i keia manawa?"

            "Eia ua papahana la, ua makemake loa au e mare oe ia Kapena Rede, me ke kulou ana kau o ua o Fiki imua, e hakilo pono ana hoi i ko Nina ano, a o ia ka ua o Nina ano, a o ia ka ua o Nina o ka ninau ana mai:

            "Heaha ke kumu o kou makemake ana e mare au me kela kanaka?"

            "Eia no ke kumu nui, ua aloha au ia Magarita, pela au i makemake ai e hooikaika oe ahiki i kou mare ana me Kapena Rede. "

            "Pehea auanei e hiki ai ia oe ke mare, no ka mea he wahine no kau e ola nei?"

            "Pela no hoi me oe, ke ola nei no o Dukana Ekeka, kaukane, nolaila ua like loa no o kaua palakai, he mea liilii loa nae ia, aole he poe e ae i ike i ka kaua meahuna."

MOKUNA IX.

            Ke ike la o Nina, aia iloko o ka lima o kela kanaka kona ola eia nae aole no oia i maka'u no kana mau mea i hana ai o ka wa i hala, aka ua maka'u oia, i na hana hoopoino maoli mai a Fiki i kona kino.

            Ua like no nae kona pilikia, elike me ko Mr. Eiki nolaila in a he mau hoopoino ana kekahi a kela kanaka i mano ai e hana mai maluna ona, e pana'i pu aku ana oia i ka ino no ka ino, a i wahi nae e maopopo pono ai iaia ka mea a keia kanaka i manao ai e hana aku; ninau mai la:

            "Heaha kau mea i makemake ai e hana aku maluna o Magarita?"

            Noke ae la o Fiki i ka akaaka me ka leo nui, no kona ike aku i ka naaupo maoli o keia ninau a nina iaia, a pane aku la:

            "O kou hoohewahewa iho la no ka ia i ko'u manao maoli e Nina! Aia anei kekahi manao makee iloko ou no kela kaikamahine?"

            "O ka'u mea i ike nona, oia kekahi o na kaikamahine maemae, he kaikamahine i hele i na hoaloha, e pono ai e haawiia na kokua an aiaia; ma ke ano ku i ka pono."

            "Aohe kakaolelo ana o keia manawa; in a o kena iho la kou manao, alaila ua hoolilo oe ia oe iho i mea hupo maoli. Mai hoomau oe i kena ano noonoo ou, e ike mai ai o Kapena Rede i kou kupono ole e lilo i wahine nana. He oiaio no kaka Dukana Ekeka i kamailio mai ai ia'u nou, o ia kou nele i ka mana, e ume mai ai i ka noonoo o na wahine e ae, a hoolohe mai i kau mau kauoha.

            "Ina e hoikeike mau mai ana oe i kou mau manao makee no kela kaikamahine elike me na mea a Kapena Rede e hana nei nona, aole au e ku aku ana a nana wale i ka olua mau hana, aka e ike auanei oe" me ka hooki okoa ana iho o ua kanaka nei i kana kamailio ana ku, eia nae ua mao i ka hooko ana aku o kela kanaka ia mea.

            "O ka mea a'u e hoao nei e hooko aku, he hana ia ma ke ano Krstianon, aole e pono e hoohuiia o Kapena Rede ma ka mare me Miss Adamu. Aole anei ua ili aku na ahewa ana maluna o kela akiakamahine no ke karaima pepehikanaka?"

            "Ua laweia oia imua  o ka aha hookolokolo, a ua hookuuia mai oia me ka pili ole i ka hewa aole anei ia i lawa no kona mare ana aku me kekahi kanaka i kupono me kona kulana hewa ole?"

            "Ke pili nei au me ka'u dala hope loa, aole he kumu e ae o ka hookuuia ana mai o kela kaikamahine e na kiure, mamuli no ia o ka haulehia ana he hookahi o lakou i ke alha nona elike me ko'u haulehia a ma i ke aloha iaia i keia manawa. Ina no owau kekahi i waeia i kiure; aole no au e hookau aku ana i na ahewa ana maluna o Miss Adamu, in a i'o ua ike maka au i kona pepahi anan ia Iokia Adamu. ua i'o ua ike maka au i kona pepehi ana ia Iokia Adamu.  Ua ponon no ka pepehiia ana o kela kanaka a make, ike kumaoli no o kana mau hana i ke aloha ole!"

            "Aliaila manao no anei oe, he mea kupono loa no na kanaka lapuwale apau ke make?"

            "Pela no ko'u mano maoli, o na kanaka ino loa no nae, aole o ka poe wale iho no , mamuli o ka makemake walaau wale no o na kanaka. He lehulehu loa ka poe i kapa mai ia'u i ke kanaka ino, aole nae he hookahi manawa a ka'u wahine i olelo mai ai ia'u pela nolaila aole au he kanaka ino. O kekahi no hoi, aole nae he hookahi manawa a ka'u wahine i olelo mai ai ia'u pela, nolaila aole au he kanaka ino. O kekahi no hoi, aole loa he hookahi a'u he kanaka pilikia wale aku ai ma keia ao koe wale no keia manao o'u, e kaa mai o Miss Adamu malalo o ko'u malu."

Ike iho la o Nina, he mea makehewa wale no ka hoopaakiki ana mai, e kupale no ka pono o Magarita, a oiai aole oia he akena no kela kaikamahine, nolaila ua kaawale loa oia mai na ahewaiia ma, in a he mau hana hoopilikia ka Fiki i manao ai e hookau aku maluna on a. Noonoo iho la nae oia ma kekahi ano maila paha o lilo i'o o Fiki i mea kokua aku no ka holopono o kana mea i iini loa ai, ua oi aku kona hoolilo ana i keia kanaka i hoaloha nona, mamua o ka lilo mai i enemi ino loa.

            "Heaha kau mea i makemake ai ia'u e hana aku?" i ninau mai ai ua o Nina ia Fiki.

            "Ua hoike mua aku nei nohoi au ia oe i ko'u manao o ia no kou hooikaika ana ma na ano anpau, i wahi e mare aku a oe ia Kapena Rede. "

            Pahola ae la ka minoaka ma na papalina o Nina, no ka mea ua kulike loa ka noonoo o keia kanaka me kaua i hoolala mua ai, o ia kana'o ka pane ana mai: "Ma ko'u manao aole oe i hoohewahewa i ka'u mea e hana nei  keia manawa, he mea makehewa wale no paha ia'u ka hoike okoa ana aku ia oe, ua kulike no ia me kau i olelo mua mai nei."

            "Ua pololei loa kou koho ana mai nei e Nina, no ko'u ike mua i ke ano o kau mea e hana nei, he hookahi wale no nae ou kanalua o ia kou lilo mai i mea kokua ia'u ame koole, pela wale no au i makemake ai e ike kaua i ko kaua mau manao iho, a i hookahi ko kaua paani like ana i ka kaua mau pepa hahau. Pehea la ua noonoo anei oe no Vanoleka Dene?"

            "Oia hookahi wale no ka'u mea e hopohopo nei, no kona komo hokai ae mawena o'u ame Kapena Rede, no ka nui ae o na wahine opio, aole lakou i helu ia ke ku mai imua o kuu alo. "

            " O kau paha ia i manao ai e Nina, i hoike aku ane au ia oe i ko'u manao, he palewawae wale no o Vaioleka no Magarita, in a e huiia ae kela mau wahine a elua, he mau enemi ino loa ia nou, e aneane hiki ole ai i kou ikaika ke ku aku a paio no ka lanakila o kou aoao. Nou e Nina, aole ou wahi hoihoi iki ia'u me he mea la, owau kekahi o kau poe i hoowahawaha loa ai ma keia hana nae a kaua e hoolala nei, he mea pono ia oe ke hoohana i kou ike me ka piha maalea, e hoikeike aku oe imua o kou mau hoaloha, owau kekalhi o kou mau hoaloha pilipaa loa, he kanaka hoi au i hiliani loa ai mamua o kekahi mau hoaloha okoa ae ou."

            "Heaha iho la ke kumu o ko'u hana ana kau pela?"

            "Ua hilinai hoi paha o Magarita maluna ou! Ua makaukau oia e molia i kona ola no kou pono o kela hilinai la o kau ia i makemake ai , e lilo mai maluna o'u a ia'u auanaei e haalele iho ai ia Maunakea nei, oia pu kekahi e haalele iho i keia wahi, o ke kaawale ana aku o kela kaikamahine i kahi mamao loa, o ke alahele wale no ia e hiki ai ia oe ke hoohana aku i kou maalea ahiki i ka lawe ana aku o Kapena hoohana aku i kou maalea ahiki i ka lawe ana kau o Kapena Rede ia oe i wahine nana."

            Aia laua pakahi i kela manawa ke nana kau la kekahi maluna o kekahi, me he mea la, e kilohi pono ana ia laua iho, no ka hiki ia laua ke ku e aku i kekahi me he mea la, e kilohi pono an ia laua iho, no ka hiki ia laua ke ku-e aku i kekahi, ike  e iho la no nae o Nina, aole e hiki iaia ke lanakila maluna o Fiki. Ua houwahawaha loa oia i kela kanaka, mamuli o ka maopoppo ana iaiaia o kekahi hapa o kona moolelo o ke ola ana, eia nae ma kekahi aoao, aole no on a nana no ko Magarita pono, nona wale no kana mea e nana la, nolaila he hana maikai ole nona, ke kokua ana aku ma na alahele e hoohokaia ai ka papahana a keia kanaka, o ka hana pono wale no o ia ka ae ana mai i na mea a Fiki i hoolala ai, malia o ka mea pono loa ia o lilo i'o auanei o Magarita, i hoa paononi nona. no ke alualu ana e lilo mai o Kapena Rede i kekahi o laua.

            Kulou maile iho la ke poo o Nina ilalo no kekahi mau minuke, alaila iaia no paha ka ike, ua maopopo kana mea e hana aku ai, hapai ae la oia i kona mau lima a elua iluna i mai la:

            "Heaha la hoi, elike me kau i makemake ai ia'u e hana aku, e hooko aku ana au. Aole no nae o'u makemake i keia hana, ua oo maoli au iloko o na hana epa, na hana kolohe, me ke apuhi ana i ko ha'u pono, a no keia kumu wale no i makemake ai au e mare aku ia Kapena Rede, no ka mea o kela wale no ke kanaka hoopono hookahi, he epa wale no me ke kolohe ka hapanui o na kanaka e ae. Ina nei no ko'u mare aku me ia, e lilo ana au i wahine maikai ma keia mua aku."

            "Akaaka haalo'ulo'u iho la o Fiki, ma ke ano pahenehene, ka mea nana i hoopii aku i ka lena iloko o Nina. "Ua kuhihewa loa oe e Nina, mamuli o kou mare ana aku i kela kapena e lilo ai oe i wahine maikai, ma keia mua aku! O ka mea oiaio ea, i kou wa e mare aku ai me ia, a a i kou ike ana iho, aia oe iluna  o ka hanohano ame ka waiwai, e hooi loa ia ae ana kou mau manao haakei, na amano hookano a haaheo, e ike ole iho ai oe i kou mau hoaloha, o kou mau la nele. aka e noonoo iho ana oe, ua lilo ka honua holookoa ia oe, e nana wale ai no kou mau maka iluna, i ka lani.

            "Aole he mea e ae i mahaloia aku ai na popoki, o ko lakou mau maiuu ooi wale no ma na wawae, in a ole kela mau maiuu ua lilo kela holoholona i mea waiwai ole. Eia ka'u olelo hope ia oe e Nina, e mare aku ia Kapena Rede, a e hoolilo aku i kana mau dala, elike me ke kahe ana o ka wai, a mai lawelawe oe i ka hana hupo, o ka haule ana i ke aloha kupouli nona. Ke ike aku nei au, ua hele oe a wela i ke aloha iaia; ua lawa kela, mai hooi hou aku oe, o pa-huokoa auanei kou puuwai i ke ikaika loa  o ka hoonee ana a na paona mahu. "

            "Alaila o kau mea e makemake mai nei ia'u, o ia no ko'u hana ana aku ma ke ano e manaoioia mai ai, he kanaka oe na'u i hilinai loa ai, pela anei?"

            "Ae, no keia manawa, o kena kau mea e hana ai, ai hoi a mopoppo ia'u keia nee ana aku, alila haawi hou aku au i hana nau,  o ia no kou koi okoa ana kau ia Magarita e hele pu me oe no kou home, ma ke ano he malihini nau, no ka hoohala ana i kekahi manawa pokole ma kou home. Aole nae no keia manawa keia hana, he mea hiki wale no ia i na manawa apau. I ka manawa hea oe e hui wale no ia i na manawa apau. I ka manawa he a oe e hui hou ai me ia?"

            "Ua hooholo maua e hoea hou amai oia i ka la apopo."

            "Ke maikai la, a heaha ka olua hana i hoolala ai?"

            "Ua hoolala maua e hele i ka lawai'a ma kahi o na pali kahakai."

            "Pehea, o Kapena Rede no anei kekahi e hele pu aku ana me olua?"

            "Aohe mea i hooholoia o kela ano, aka nae, e koi aku ana no au iaia e hele pu mai me maua, i ka la apopo"

            "Ina hoi ha e ae mai ana o Kapena Rede e hele pu me olua, alaila e noi mai oe, owau pu kekahi e hele, a ia kakou auanei ma ka lae kahakai, e hiki ana ia'u ke koi aku ia Magarita e hele pu mai me a'u i hookahi o maua wahi e lawa  i'a ar, a koe kokoolua aku no hoi olua o Kapena Rede, pehea la keia i kou manao?"

            "Ke kupono loa la kena mau mea au e hoakaka mai la me ko'u manao, a i ka hora he akakou e hele ai?"

            "Aia mai i ka olua manawa e holoholo ai, heaha auanei ka'u, he mea hahai wale aku no keia mahope ou, malia o hihia mai i ka umiumi, he hookahi ko kaua pono like ana.

            "Pehea, o Kapena Rede no anei kekahi e hele pu aku ana me olua?"

            "Aohe mea i hooholoia o kela ano, aka nae, e koi aku ana no au iaia e hele pu mai me maua, i ka la apopo."

            "Ina hoi ha e ae mai ana o Kapena Rede e hele pu me olua, alaila e noi mai oe, owau pu kekahi e hele, a ia kakou auanei ma ka lae kahakai, e hiki ana ia'u ke koi aku ia Magartita e hele pu mai a'u i hookahi o maua wahi e lawai'a ar a koe kokoolua aku no hoi olua o Kapena Rede, pehea la keia i kou manao?"

            "Ke kupono loa la kena mau mea au e hoakaka mai la me ko'u manao a i ka hora hea kakou e hele ai?"

            "Aia mai i ka olua manawa e holoholo ai, heaha auanei ka'u he mea hahai wale aku no keia mahope ou, malia o hihia mai i ka umiumi he hookahi ko kaua pono like ana.

            "Pehea, in a i ka wa e hoomaka mai ai ke kai e pii, aole anei ou manao, he wa maikai loa kela?"

            "Ua pono ia, a i hoike aku no au ia oe i ko'u manao maoli ea, ua hele au a piha loa i ke aloha no kela kaikamahine i kau a mea o ka u'i maoli no, a ia'u e nana aku ai i ka la apopo, ua like pu ia me ka makahiki okoa e kakali ai, a hiki i ka ike hou ana aku i kona helehelena nohea. "

            Nana pono loa mai la o Nina, ma na maka o Kalani Fiki no kekahi mau sekona, alaila pane ae la: "O oe ke kanaka i nele i ka puuwai ame ka uhane, no ka mea, ua lilo aku laua a elua malalo o ka hoohana ana a ke diablo."

            No kela mau olelo hoi a Nina, noke iho la o Fiki i ka akaaka haalo'ulo'u, a no ka hoea ana mai o kekahi keonimana opio, ua hiki ole i ua o Fiki ke pane mai, aka huli aku la i kahi o kela kanaka e ku mai ana, me ka haawi ana aku i kona lima no ke aloha ana me ia. (Aole i pau)