Ka Nupepa Kuokoa, Volume LVIII, Number 19, 14 May 1920 — Page 8
| This text was transcribed by: | Kamehameha Schools Gift To Dr. Chun |
| This work is dedicated to: | Dr. Michael J. Chun |
Ka Nupepa Kuokoa
KE KILOHANA POOKELA NO KA LAHUI HAWAII.
NUPEPA KUOKOA, HONOLULU, T. H., POALIMA, MEI 14, 1920.
IKE I KA NANI O HALAWA, MOLOKAI.
------------
@ @@@@@ hanahooponopono o ka Nupepa Kuokoa. Aloha kaua a nui loa:
@@@@@ loaa ana ia'u he wahi meahou @@@@@ @@@@ pela au e maalo hou aku @@@@@@@@ o kou hanohano, no ke noi ana @@@@ i kou puuwai ahonui in a he @@@@@@@ kekahi o ka hiwahiwa a @@@@@ nana e aha'i nei i ka lono @@@@@ moku o Hawaii nei, no ka'u @@@@@@@@ a'u i ike ai, a nona hoi.
@ @@@@@ e kau ae la maluna, a @@@@@@ la e @@@ke ae ma ke akea i ike @@@@@ na kini makamaka o kaua e no@@@@ ma na moku o Hawaii kuauli, a @@@@ @@ keia mau hoohena malalo nei.
Ma ka la 23 iho nei o Aperila, 1920, @@@@@ aku ai kou wahi kiu ha@@@@@@@ ma ke kahawai o Halawa, @@@@@@@ ma ka hale o kekahi keiki @@@@@@ kahawai nei, nona keia inoa o R. W. Kamakahi, a ua pa mai la no @@@@@ a kamaaina i ka malihini e @@@@@@ ke hoa, a he mea hauoli no @@@@@ i ku'u manao, me ka lululima @@@@@@@ kamaaina, me ka hauoli nui @@@@@.
@@@@@ makua o ka home oia ka wa@@@@ R. W. Kamakahi e hoomakaukau @@@ ana i wahi meaai no ia ahiahi @@@ hiki aku no au ia auwina la, @@@@ ka makaukau ana o na meaai, na @@@@ a noho iho la iluna o na noho @@@@ hoomanao ana ae i ko kakou Ma@@@@@ lani e pale ae i na pilikia @@@@ meaai. I ka amama ana o ka pule, AAAAA iho like iho la no ia, ia ea @@@@@ ke poo iluna, na piha aku la @@@@@ ka inaina, a noho aku la no @@@@@ o ka rumi hookipa o ka @@@@@@ ka nanea ana.
@@@@ ana iho, i hoi aku au e @@@@@ ko'u wahi moe i hoomaamaa @@@ mai e kamaaina, a na haule @@@@@@ hoi au a hooluolu, oiai ua @@@@@ ko'u wahi pauku kino a eha i ka @@@@@ e ka @@, ia kau ana no o ke @@@@@ iluna o ko'u lilo aku la no ia me @@@@pua.
@@@@ ana ae, hoolale mai la kama@@@@@ ai i na mea i hoomakaukauia @@@@ kakahiaka, a he mea oiaio no hoi @@@@@@@ kowaho ialoko, ahiki i ka @@@ ana o kahi waihonaai, a nee aku @@@@@@ e hoomaha ai, oiai o ke kakahiaka Poaha keia, o ka la 29 o Apelila.
@@@@ no hoi ka nanea ana o ke kono @@@@@ @@ o ko'u kamaaika oia o R. W. Kamakahi ia'u, no kona lawe ana @@@@@@ maka@kai i ka nani o ua kaha@@@ @@ @ Ha'awa, a he mea oiaio, na @@@@@ aku la au ame ko'u kamaaina @@@@@ kekahi uwapo haka lewa i @@@@@@@@@ ma ka nuki muliwai, e ka noeau @@@@@@ kanaka Hawaii nona keia inoa @@@@@@@.
@@@@@@@ @@mana keia nana i hana keia @@@@@ uwapo no mamua i hanaia no na kela nuku muliwai, he hiki i ke kaa @@@@@ ke hele ma kahi aoao, ika @@@@@@ na'e, lilo ka paa o ia uwapo @@@@@ a pela i hana hou ia ai keia uwapo.
@ Mr. Solomon Hanohano, e ahonui @@@@@ ia'u, oiai eia au ke ku nei ma @@@@ keia uwapo me ko'u pahaohao @@@@ ke kilohi nei au ma o a maanei me @@@ ninau ana aku i ko'u kamaaina i ka wa i hanai ai o keia uwao @@@ Ha'awa nei a paa, a ua hoolahaia @@@@@@@@ uwapo maloko o ka nupepa Kuokoa, @@ pane mai ko'u kamaaina, @@@@@@, malia paha nau e hoo@@@ aka i ike mai ai ka lehulehu i kela wahi meahou o Halawa nei.
@@@@@@ hou no au i kamaaina, heaha @@@@@@ o keia uwapo i hanaia mai ka @@@@@@ paa o ka aina. He 15 kapuai @@@@@@@@@@@@ a oi kona loa, mai kahi @@@@@ ka nuku muliwai a kau ma kahi @@@@. Heaha kona laula! He ekou kapuai.
@ Mr. Solomon Hanohano, he uwapo @@@@@@@ kela i hanaia, a eia no au a @@@@ pono nei i keia mea a'u i ke @@@@@ a mamua, aia malalo ae o keia uwapo @@@@@ mau uwea nunui o 1 iniha a @@@ mapuni, a na hukiia keia mau @@@@@@ ma kahi aoao, a paa a ha@@@@@@ iho ka papa maluna me ka umiiia @@@@@ papa me kela mau uwea a paa, a ma ka aoao o keia uwapo, ua hanaia ka mea uwea ahamaka. I kou wa e @@@@@@@ a hana o kela uwapo, aole oe e @@@@@ loko o ka wai.
@@@@ mai ko'u kamaaina aole hiki i ka malihini ke hele maluna o keia @@@@@@ e koloheia mai kahi aoao e kamaaina, o ia hoi ka hooholuholu ana i kela uwapo, he holuholu hoi kau, me ka @@@@ pono ole ke hele ma kahi aoao. Ua @@@@ ko'u ka ana malalo o keia @@@@@@ i pane mai ko'u kamaaina, ma @@@@ @@@ keia nana ana maanei, e @@@@@@@@ kaua e nana i kela mau hale, @@@@@ @@@@ @@@, a ua hele i'o maua e @@@@@@@ hale e ku mai ana iloko o ka nahelehele, he mau halelaau wale no @@@@@@ hole ka papa, ahiki maua ilaila me ko'u ike ole i kanaka, ua pane mai @@@@ ko'u kamaaina, o keia mau @@@@@ e ku mai nei iloko o keia nahelehele he kanaka wale no, a i keia manawa ua nalo aku lakou no ka manawa pau @@@. Aloha no!
O ka noho ana o kanaka o keia wahi, aohe pilikia, ulu no kahi lau kalo, a he mau la malie no hoi keia o Halawa nei, a he nani no hoi ke nana aku; a o ke alanui hele o keia owawa kahawai, aia i ka pali, uakee ana iloko a iwaho, ao ka aina, aia ilalo.
O kela ka panina o na mea i kuhikuhiia mai ia'u. Me oe e Mr. Sol. Hanohano ame na keiki hoonohohua kepau e kou keena pa'i ko'u mahalo nui.
Owau no kou kiu hanu meahou o ka Moku o Hina,
DAVID UMI
HE MANAO HOAKAKA.
----------
Mamuli o ke ala ana mai o kekahi mau manao maikai ole i waena o na makamaka, no na mea i hoopukaia e Rev. Henry P. Judd maloko o ka Hoaloha o ka mahina o Feberuaru, 1920, malalo o ke poomanao, "Na La Mua o na Misionari Kristiano ma Hawaii Nei," he mau manao hoi, aole nana ponoi iho i kakau, aka ua kopeia mai eia maileko mai o kekahi buke kahiko i pa'iia ma ka olelo Hawaii, e hoopauia ana ia mau manao maikai ole, a ku-e no hoi iaia, ke heluhelu iho i kana mau hoakaka mahope ae nei.
Ua hoea mai kekahi palapala i keia keena, ma ke ano he pane i ke kupono ole o na mea i hoopukaia e Rev. H. P. Judd, ua kaohiia nae kona hoopukaia ana aku, mamuli o ka ikaika loa o na olelo maloko olaila, a mamuli no hoi o ka oluolu o ka mea nana i waiho mai ia manao, ua alwe hou aku no oia.
Ma ka uiia ana aku o Rev. H. P Judd, ina paha he mea maikai nona ka hoakaka akea ana ae i kekahi manao, e hoopauia ai na manao ku-e a maikai ole o na makamaka Hawaii, ua hoolako mai la oia i keia keena me kekahi kope o ka Hoaloha o ka mahina o Aperila aku la i hala, maloko olaila kana hoakaka akea maluna o keia ninau, elike me ia e hoopukaia aku nei malalo iho, me ka lana o ka manao, e hoopau loa ia ae ana na manao maikai ole apau iaia, a e nohoalii iho ka oluolu me ke aloha mawaena o ka hoakanaka, i ka hoakanaka.
"Maloko o "Ka Hoaloha" o Feberuari i hala aku nei, malalo o ke poomanao, "Na La Mua o ka Misionari Kristiano ma Hawaii Nei," i unuhiia mai ai kekahi mau manao mailoko mai o kekahi buke i kakauia i ka M. H. 1841, i kapaia "Ka Moolelo no ka Ekalesia o Iesua Kristo," e pili ana i ke kulana ame ka noho'na o na kanaka Hawaii ma keia mau paemoku mamua o ka pae ana mai o na misionari. Aia hoi he poe kekahi i kuhihewa i na manao i hoopukaia ma ia helu, a manao ua hoino aku au i na kanaka Hawaii. Aole loa ia mea iloko o ko'u noonoo e hoino aku i na kanaka e ola ana ma Hawaii nei. I mea e hoikeia ai ke kulana maoli o na kanaka ame ko lakou nele nui i ka mea hoomaemae o ka euanelio o Iesu Kristo, o ia ko'u mea i kuhi ai mai keia buke kahiko mai i pa'iia i ka M. H. 1863, kuaiia apuni keia mau mokupuni, a heluheluia no aneane 60 makahiki.
"Ma ke koena o ia manao i hoopukaia ma ka helu o Maraki, ua hoao au e hoike i ko na kanaka Hawaii ku makaukau ana e pane i na noi a na misionari, ko lakou hauoli ana i ka naauao pomaikai hou ame ka pono o ka hoomana ana a hoohanau hou ia ko lakou naau, mamuli o ka olelo a Iesu Kristo i laweia mai i o lakou la e Binamu me kona mau hoahanau pu. Ua puka mai lakou mai ka poeleele haalele a i ka malamalama hauoli o ka euanelio o Kristo. He moolelo kupaianaha o ka loli ano hou ana o ke kulana.
"Mai ka hoomanakii me kona mau ponalo aai maluna o ke ola home ana, ma ka hewa ame ka noho haahaa, i hoea mai ai lakou a komo i ke ola hou ma o Kristo la. O Kaahumanu, Kapiolani, Naihe, Hoapili, Keopulani a he lehulehu aku o na pua alii i hoike mai i ka mana hoololi o ka euanelio, a i hooia loa ia mai ma o ko lakou mau ola pakahi iho i hiki ke loli kupaianaha mamuli o ka hilinai ana ia Kristo a hahai iaia.
"O ka moolelo o na hana misiona ma Hawaii nei, ua hoikeia apuni ke ao nei, a he mea kupaianaha no ko ka lahui holookoa apo ana mai i ke kahea a ka Haku. I keia kenekulia, e hauoli kakou apau no keia lanakila nui i hanaia maluna o ko kakou mau paemoku nani aloha no ka haneri makahiki i hala, a iloko o ko kakou hauoli ana, mai poina kakou i ka hoomanao pu ana i na alii i hookipa aloha mai i ka euanelio o Kristo a alakai i ke ala no ka ae ana i ka hoomana Kristiano no na kanaka apau. Ina nae ua eha kekahi oiwi Hawaii ma na manao i hoopukaia, a oiai he keiki Hawaii no hoi au, a ma Hawaii nei no i hanauia ai ko'u mau makua, ke komo pu aku nei au iloko o ia eha pu ana, a e hoihoi mai me a'u ia mau haawe apau na'u e auamo. E alu like kakou apau no na hana hoomanao kenekulia.
"Me ka mahalo,
"HENRY P. JUDD."
NA LEKA KII OLE IA MAI AHIKI I MEI 8, 1920.
------
Akeo, Miss Eliza Kama, Mrs A
Eleneka, Wm Kamoani, Mrs
Omea, Miss Hattie Kamakau, Ed.
Hulikee, D Kane, Geo.
Hookaaku, Miss J Kanilao, Mary (2)
Haui, Mrs. M Kapuniai, Lulu
Kaiwi, Sam Keanu, Sam
Kailieha, Mrs F Maikai, D
(2) Namakaelua
Kauhi, Miss D Pohia, Wm & Mrs
Kaumaouka, Mrs E Paekuku, Jos.
Kahule, A Puha, Mrs J
Kalama, Albert Pakalia, Mrs
Kalani, Mrs E Puuhau, Mrs Alice
Kaleikini, D H
Kamahoahoa, Abr. Waialae, Rose
AEKAI O KAHALUU, KOOLAU.
--------
Kuu Solomon ahonui, aloha kana:- Eia mai no kou kiu hanu meahou ke hooluhi hou nei i kou hanohano, in a he mea hiki i keia mau hua inamona e kau ae la maluna.
Ma ka la 9 iho nei, hora 9, i hiki aku ai au me kuu kaa no ka home o B. N. Kahalepuna, o ia uka iuiu, a hoomanao mai la au ia keiki kaulana o ia uka e poina ole nei ma ke mele:
Aia'i Pauoa ka liko lehua,
Ke iini pau ole a ka makemake:
Makemake no au a e ike lihi,
Kahi wai milimili me ke aloha.
Aloha kahi wai a o Aleiki,
Ia wai i hooheno me kuu ipo:
Palua, pakolu i ke kekona,
I ka hoi akau wili i ka hema.
Hemahema ka lawe-na nalolelole,
Ua ewa ka pilina me ka nihoniho.
Nihoniho mai nei ko palekoki,
I ka iho makawalu a ka lihilihi:
A he lihi kuleana ko'u ilaila.
I ka lou umii a ka huapala.
E kala mai, ua pakika loa aku la i ka hoomanao no hoi i na la kamalii e holoholo ana ia uka iuiu, a kau mai la no hoi kana aliiwahine ame na keiki ame na mea e pono ai keia kino, a o ka oni mai la no ia o ua kaa nei, o ka hora 8:30 a. m. ia me kela kulana mau no, o ka makaala.
Eia makou ke oni nei mamua, me ka maikai no hoi o ke alanui, nana aku oe la, aohe mea nana e hoopuiwa mai, ke kaalo nei na mea apau mahope, a ku iho la i ka nuku o Nuuanu, a e kiei ana no hoi i kona nana ame ka waiho lapuu ae o Kaneohe ame Kailua, a hoomanao ae la au ia mau huamele o ia uka:
I Nuuanu anuanu au,
Hoi iho i Kaneohe pumehana au:
Makani houhou ili.
Iniiki inisi malie.
O ka iho aku la no ia o ua kaa nei, nana aku oe la, he nanea mai hoi hau i ka lapuu i o a ianei, e holu malie ai, a hoomanao ae la au i keia wahi lau oliwa a ke aloha i ka lapuu mai ma ke kuono.
Kiei aku au ma ka pukaki,
O ka pela o ka uluna ke waiho ana:
O ka a mai no a ke kukui,
Aole e ka mea i manaoia.
Auhea wale oe a e Kuku,
Aia ko moopuna i ka lewa:
Sua a oluna ana a olalo,
Sua na wahi apau.
E kala mai, na pakika loa aku la. Ahiki i ka loaa ana aku o ke alanui i hana hou ia iho nei, he nani maoli ke nana iho, a loaa mai la i kahi ua liilii, o ia kaha, he olu mai hoi kau, a pii ana makou i kahi piina puikaika, a ninauia mai la au i ka inoa o keia wahi piina, o ko'u lohe mai, he kanaka ka he kumu o ia kona hana ana i kekahi mea nona e kamailioia ai, he ikiiki no keia wahi piina, o ia no paha ke kumu i ku ai keia kanaka a kapa ai i ka inoa o keia wahi puu o Kukululaau, a eia no ke nee nei nomua me he mahimahi la, a kaalo ae la o Kaneohe me kona nani me ka hale hookolokolo, he nani maoli ke nana aku, a holu ana i Heeia, a eia no ke oni nei nomua, a ku iho la i ka home o ke kamaaina, a ike no hoi i ka nani o ka aekai o Kahaluu ame kahi ua kaili puuwai o ua kaha nei, i pupue iho ai na ipo a opili i ka ua mea o ka noho mau o ka ua, a hoomanao ae la au i na keiki o kuu kaha:
E pupue iho au mawaho,
Maloko mai oe o ka rumi,
A kani e ka hora e five,
Ahuwale iho la e@ pae opua.
O keia ua kaulana, o keia ka oi a no ka ua poaihale o Kahaluu, a kuu iho la ka luhi o na kamahele o ka hora 10:15 a. m. ia, a hui no hoi me na kamaaina a ke nana nei i kona nani, a ike no hoi i ka home o ke Kapena Waipa Paka.
He nani no hoi kona kahua e ku ana, na malumalu i na lau laau o na ano like ole apau, me ka oluolu maikai, a eia au ke hele nei ma ua aeone nei, e makaikai ana i na hale kamaaina, e ike aku ana oe i na upena o na ano like ole apau, ua makaumaku maoli no, a hui iho la me ia makamaka maikai, oia o Mr. Thomas Watson ame kana aliiwahine.
Ma ka nana aku a kou kiu, he makaukau maoli ko laua noho ana, o kahi lawai'a no ka laua imi waiwai ame ka mahiai, ua lako maoli, a o kana keiki opio oia o James Watson, oia kana poo lawai'a ka mea nana i kii aku i ka i'a i ke kai kaulana o Mokolii, a loaa ai he haneri paona amaama, o ka loaa ua oi aku maluna o kanakolu dala, oiai he elua wale iho no laua i aa ai e lawai'a i kela kai, i kaulana i ke ino, aka o kela ake e loaa ua mea i makemakeia ai, ua hookoia me ka piha pu me ka hauoli.
O ka loaa o kela mahina aku nei no na kanaka eha ka nui ma ka oihana lawai'a, ua oi aku maluna o ekolu haneri dala, oiai aole i hana mau, ma kela ano kuokoa o ke kanaka: ma ka lakou kamailio mai i kou kiu nei, aole loa o lakou makemake i ka hana alanui, in a no he eha a elima dala o ka la, ua oi ae no ka lakou loaa, u piha maoli ko'u lunaikehala i ka hauoli, no keia mau olelo: ma ka nana aku ua kupono maoli no elike me na mea e hoolahaia nei ma ka nupepa, e pili ana i ke alanui kahiko ame ke alanui hou, ua kupono maoli!
Ma ko'u nana aku, ua makaumakau maoli kela makuakane i na mea apau a na keiki e hapai ae ai, a kau loa iluna, no ka mea, ua hana ka makua i na mea apau, a ma ka aoao o na keiki ame na moopuna ka hoonui hou aku.
Ma ka lohe mai o kou kiu nei, elua hui e ku nei, hookahi na ka Pake, na ke kanaka Hawaii e hookele, no kona pomaikai e aum@ume ana ka lakou, e waihoa loa i kela ano maikai ole, ma kahi e loa, e lawe ae i na mea maikai a ka makua mamua, o ia kou hoaloha maikai loa. E kala ana i kou pilikia i na manawa apau, o ia ka mua ma kau noonoo ana, o ia ka mua o ka hemo ana o kou lima aloha, e lawe mai i na mea a ka makua i hana ai a makaukau, a kukulu ae mamua ou, i loaa ai kou panana e imi ai, i ka meahuna a na kupuni i waiho iho ai nau ame a'u e imi aku ai.
Ma ka nana aku a ka meakakau, ua makaukau maoli na home apau me na mea 9 pono ai a hoi mai la i ka hale o na kamaaina, ua makaukau mai la na mea e pono ai neia kino, a nana aku oe ia Hanale, elua hoe i ka manawa hookahi, ia Keoni Bulu e kauaheahe mai ana ame na olelo hoakaaka mai kou kiu aku; o ka haalele iho la no ia i ka hora 2:45 p. m., a nee mai la ua kaa nei, nana aku oe la, he pii mai hoi kau i ka makani, a holu ana makou i Heeia, a ike aku au ia hulu makuahine o'u, a ku iho la ua koa nei, a lele aku la e ike i ka makuahine maikai me kela muki lehelehe ana o ke keiki i ka makua, a ke nana la i kona kaha, he maikai no hoi me ka au@a ana mai e paina: aole, eia no makou ke hoi nei.
Haawi ke aloha, o ka lilo mai la no ia, ke ike mai la au i ka nuku o Nuuanu, ua hele, no hoi ia la a pouli, aka o kela kulana pailaka, he mea ole wale no ia, oiai eia ua kaa nei o makou ke auku nei ka ihu i ka makani, o ka pii aku la no ia, a hoomanao ae la au i na elemakule o kuu kaha:
Auhea wale oe e ke kualau,
E ka na@nuhele ma ka moana,
Hoike ae oe i kou nani,
I ka malamalama oi kelakela.
Makani houhou ili,
@uiki inisi malie.
Eia au ke wehe pau nei i na ki, eia na mokukaa nei ke eku nei iloko o keia ino nui, a kau no hoi iluna o ka nuku a manao ae la ka maha, a huli mai la nana i ke kaona, a honi mai la no hoi i kona ea, a oia no ke naku nei iloko o ka ua, a ku iho la i ka home, o ka hora 4 p. m. me ka maikai o na mea apau a hoi mai la me ka lana o ka manao e mai la no ia, eia no hoi ka ua ke huhui me ka'u aliiwahine, e noho ana iloko o ka pihoihoi no kona ike i ka ua mau, a kani ana ka'u kelepona ame ka'u olelo, Mama dear, pehea oe? Ua nui loa kona hauoli i kona lohe ana mai i ko'u leo, a loaa ae la ka maha iaia.
I ka hoopau ana i keia mau manao, me oe e kuu Kapena maikai ko'u welina pau ole, i kou hoomanawanui i keia mau manao ame na keiki nana e kikokiko i na kaula keleawe o kau ipukukui ko'u iini pau ole.
Kou kiu,
J. K. MOKUMAIA.
MAKEMAKE NUI IA NA KUMUKULA.
---------
I ka Lunahooponopono o ka Nupepa Kuokoa, Aloha oe:- E oluolu mai kou ahonui e loaa ia'u he manawa e hoomaikeike aku ai, imua o ka poe heluhelu o kau nupepa, i na kumukula i haalele mai i ko lakou ola ana, ma keia honua, a hala aku ma kela ao. Ke makemake nei au e hoike aku i ka nui o ko makou minamina me ke kaumaha pu, no ke oki pu ia ana o ka hana a keia mau kumukula ma keia ao; me ka nui pu hoi o ko makou mahalo, no na hana kilakila a luaole a keia poe kane ame na wahine, i hana aku ai no ko lakou aina.
O ka oihana kumukula no na kula aupuni, he oihana ia i like aku me ke koa no ka pono uhane, e paio ana me ka ikaika no na manao pookela o na kanaka Amerika, a no ka noho maluhia ana o Amerika.
O ka haalele ana mai o keia mau kanaka ame na wahine i keia ola ana, he poino nui ia i kau aku maluna o ko kakou mau kula aupuni. Aole wale no i hana aku keia mau kumukula no ko lakou pono iho, aka no ka pono o na keikikane ame na kaikamahine o Hawaii nei. Oiai e haawi ana i ko lakou ikaika, ko lakou noonoo, e hapai ae ahiki i ka loaa ana o na manao pookela loa o na kanaka Amerika, ua kikoo e ia mai la lakou no ka hele ana aku ma keia ao, me ka minamina nui ia.
O na kumukula no lakou na ola makamae i molia ia aku no ka pono o ka oihana hoonaauao ma Hawaii nei, e ikeia ko lakou mau inoa malalo iho nei penei:
Miss Anna Chang, Kula o Wahiawa, Oahu, Nov. 5, 1919.
Mrs. Moon Len Lo Wo, Kula o Maemae, Honolulu, Feb. 14, 1920.
Matthew H. Kane. Kula o Napoopoo, Hawaii, Feb. 16, 1920.
Otto L. Fritsch, Kula McKinley, Honolulu, Feb. 20, 1920.
Mrs. Emma McWayne, Kula o Pohukaina, Honolulu, Mar. 3, 1920.
Miss Anna Mabel Minthorn. Kula o Wailuku, Maui. Mar. 6, 1920.
Mrs. Margaret Braun, Kula o Waianae, Oahu, Mar. 19, 1920.
Miss Odetta Miner, Kula o Hauula, Oahu, Mar. 20, 1920.
Mrs. Sarah Kamakau, Kula o Napoopoo, Hawaii, Mar. 24, 1920.
Mrs. Alice M. Hustace, Kula o Lihue, Kauai, Mar. 26, 1920.
Frederie W. Hardy, Kula o Makawao, Maui, Apr. 3, 1920.
Miss Maria K. Lalakea, Kula o Piopio, Hawaii, Apr. 5, 1920.
Mrs. Sarah Kaaha, Kula o Kalihikai, Honolulu, Apr. 21, 1920.
Miss Ruth E. Hoag, Kula o Kalihiwaena, Honolulu, Apr. 21, 1920.
Mrs. Alice Martin, Kula o Piihonua, Hawaii, Apr. 7, 1920.
Owau iho no me ka haahaa,
VAUGHAN MacCAUGHEY,
Kahukula Nui.
Honolulu, Mei 5, 1920.
HOOLAHA
-------
Ma ka Hana o ka Hoopau Ana i ka IWILEI RICE MILL COMPANY, LIMITED, He Hui Hawaii i Hoohuiia.
Mamuli o ka hanaia ana ame ka waihoia ana o ke Kanoha no ka Hoopauia ana o ka Iwilei Rice Mill Company, Limited, ma ka la 4 o Mei, A. D. 1920, a ma ia la no i oleloia, i hookohuia mai ai ka mea nona ka inoa malalo iho nei, Lum Gow. i Kahu, e ka Mea Hanohano Delbert E. Metzger, Puuku o ke Teritore o Hawaii, me ka mana piha e hooponopono i na waiwai o ka hui i oleloia, ma keia ke haawiia aku nei ka hoolaha i ka poe paa aie apau o ka hui i oleloia, e waiho mai i ka lakou mau koi ia Lum Gow, Kahu, i oleloia, ma ka halekuai o Wing On Tai Company, Helu 22 Alanui Moi Akau, iloko o kanaiwa la mai ka hoopukaia ana aku o keia hoolaha, o ua hoopuka mua ia ana la, ma ka la 14 o Mei, A. D. 1920.
O na koi apau e waiho ole ia mai ana iloko o na la he kanaiwa a i ole ma, a mamua ae o ka la 12 o Augate, A. D. 1920, e hoole mau loa ia aku no.
Hanaia ma Honolulu, Mei 14, 1920.
LUM GOW, Kahu.
6400-Mei 14, 21, 28; Iune 4, 11.
HOOLAHA LULU MANAWALEA
---------
Ke hoikeia aku nei ma keia i na lala apau o ka Ahahui Kokua a Hookuonoono o na Wahine Oiwi Hawaii e lulu mai i ka lakou manawalea o Hapalua Dala no ko kakou hoahanau i haalole mai i keia ola ana, Mrs. Miriam Kea@, a e haawi ae ma ka lima o ke kakau olelo iho dala, ma ka lima o ke kakauolelo ohi dala, Miss Helen Allen, ma Kapalama, Oahu.
MRS. MAIKAI KALEO,
Kakauolelo Moolelo o ka Ahahui Oiwi o na Wahine.
6398- Apr. 30; Mei 14, 21.
Lawe mai kekahi o ko makou mea kuai i mea hou ma ko makou halekuai.
O ke kaila, ka maikai, ka waiwaiio ame ke kupono o ka makou paalole ke kumu i lawe mau mai ai ko makou poe kuai i ko lakou mau hoaloha maanei.
Nana ae i ka makou mau paalole Palm Beach ma ka $15 a $21.
Na Paalole mai ka $15 a $65.
Wehe i Moohelu Aie.
Laweia na Bona Kuokoa.
The Model Clothiers
ALANUI PAPU.
Halekeaka Bijou
--------
Po o ka La Apopo
MA KA HORA 7:40
"NAZIMOVA"
Ka Aiwaiwa Luaole o ka Pa-ku
Kii Onioni me Hanakeaka Iloko o
"Ke Kukui Ulaula"
Eia mai ke Kii Onioni Nui Hookahi i Hoikeikeia ma Honolulu nei.
Ke Kii Onioni o ka Hoouka Kaua a na Boxer Maloko o ka Naele o Kina.
Oi aku ka Nani mamua o "Ka Uahoa"
Oi aku ka Nui mamua o "Na Puuwai o ke Ao Nei"
Oi aku ke Kaulana mamua o "Tazana o na Mapu"
UKUKOMO- 15c, 25c, 40c. Na Noho i Hookaawaleia, 60c.
(Komo pu ka Auhau Kaua.)
Ke kuaiia nei na Tikiki i keia wa ma ka Puka ma ka Hora 10:00 a. m. a ka Hora 9:00 p. m.
KELEPONO 3937
HE HOOMAIKAI.
Ke haawi aku nei au i kuu hoomaikai a nui loa i na Kula Sabato apau o ka Mokupuni o Kauai nei i ko lakou kokua ana mai i na lau oliva o ke aloha no ke kiahoomanao o kuu kane aloha i hala mua, Wm. Ellis, a pela no ke Akua mana loa e hoomaikai pu mai ai, a e hoonui mai hoi i ka oukou mau waihona pakahi me na pomaikai oi ae, a pela pu no hoi me na komite hooponopono no ke kiahoomanao, Hon. Wm. Hyde Rice ame A. G. Kaulukou, no olua kekahi hoomaikai a'u e poina ole ai, a mawaho ae o keia mau mea na ke Akua, Nona ke ola, Nana e kiai mai me Kana mau hooponopono ana maluna pakahi o kakou.
Me ka malu mai ka Haku mai; owai iho no me ka haahaa,
MRS. TABITA ELISS LOVELL.
HOOLAHA I KA POE PAA AIE.
---------
Mamuli o ke koho pono ia ana mai ma ke ano ku i ke kanawai, o ka mea nona ka inoa malalo iho nei, i Kahu no ka poe paa aie, ame ka poe paa mahele o ka LOOK YARD TING COMPANY, LIMITED, he hai Hawaii i hoohuiia, i hoopauia ma ke kauoha a ka Puuku o ke Teritore o Hawaii, ma ka la 7 o Mei, 1920, ma keia ke haawiia aku nei ka hoolaha i ka poe paa aie apay o ka hui i oleloia, e waiho mai i ka lakou mau koi iaia, ke Kahu i oleloia, ma o ka malu la o kona mau loio, Watson & Clemons. 416-418 Hale Kauikeolani, Alanui Moi, Honolulu, iloko o 90 la mai ka la aku o keia hoopuka mua ia ana, o hoole mau loa ia aku no.
CHIN YING,
Kahu o ka Poe Paa Aie ame Paa Mahele o ka Look Yard Ting Company, Limited.
Honolulu, Mei 11, 1920.
WATSON & CLEMONS,
Na Loio no ke Kaha.
6400--Mei 14, 21, 28; Iune 4, 11.
OLELO HOOLAHA
-------
Ke kauohaia aku nei na mea apau he pa-ilina a he mau he ka lakou ma ka Pa-ilina o Kawaiahao, Kamoiliilii ame Manoa, e hoomaemae koke i keia mau la, mamua o ka hiki ana mai o ka la Kau Pua. O ka poe e hooko ole ana i keia e komo no ke Komite Pa-ilina a hoomaemae me ke kahi ana i na lilo no ia hoomaemae ia ana.
Ma ke kauoha,
KOMITE PA-ILINA O KA HUI EKALESIA O KAWAIAHAO.
Honolulu, Mei 10, 1920.
6400-- Mei 14, 21.
HOOLAHA HOOKAPU
--------
Ke hoopukaia aku nei ka hoolaha ma keia, e papa ana i na kanaka apau aole e wawahi wale i ka palaau e hoopuni ana i ka pahale, e waiho la ma Kupeke, Molokai, ma ka inoa o Paele, ke kupunakane o kuu wahine, Keahi Kalawaia, ame na hale e ku la maluna iho o ua apana aina la. No ka oiaio o keia ke kau nei au i ko'u lima i keia la 14 o Mei, 1920.
Me ka oiaio.
JOE LIILII.
6400--Mei 14, 21, 28.
HOOLAHA I KA POE PAA AIE.
--------
Ke haawi aku nei ka mea nona ka inoa malalo iho nei, ma keia i ka poe paa aie apau o ka NEW YORK SHOE COMPANY, LIMITED, e waiho mai i ka lakou mau koi e ku-e ana i ka hui a hoohuiia, i oleloia iloko o kanaiwa (90) la mai Mei 11, 1920 aku, o ka la ia o ka hoopuka mua ia ana o keia hoolaha, ma ka Helu 1046 Alanui Nuuanu, Honolulu, T. H. O na koi apau e waiho ole ia mai ana pela, e hoole mau loa ia aku no.
S. GUNN,
Kahu no ka Poe Paa Aie ame Paa Mahele o ka New York Shoe Company, Limited.
6400--Mei 14, 21, 28; Iune 4, 11.
Aohe Ou Komo i Kou Lole Nani No na Hana o ka Home
---pela no hoi e komo ole ai ke kanaka o ka home i kona paalole ma kona keenahana. E olelo maoli mai ana no oe, "Aole loa, iloko o keia wa o na Kalapu Lolewawe Kaawe." Alaila nokeaha oe e hoohana nei i kau mau lako pa nani i kela me keia la! Hoomaka i ka hoomaemae kupulau ma ka hoolako ana i ka home me na lako pa oluolu o ke kumukuai. Ua waeia mai keia mau ano pa mai ka makou mau lakou pa mai he nui e hoolawaia ai ka makemake a oluolu i ka maka ke nana aku.
Na Lako Pa Ai Kinohinohiia
Na Ano Pa Lawa no 6 Lawa no 12
No ka Wae Ana 49 Mau Pa 93 Mau Pa
HUDSON……………….. $15.15 $25.60
CORNFLOWER………….. $22.40 $37.75
PEARL…………………. $39.95 $66.00
He mea maalahi loa ke kuai ana i keia mau lako pa ma ka uku liilii ana ma kahi o Dimond, no ka mea e hoohana ana oe i kou wa no e uku liilii ana.
Ke naha ia oe kekahi pa ma ke ano ulia o keia Lako Pa Ai Kinohinohiia aole oe e minamina loa ana elike me ka naha ana o kekahi mau pa nani loa.
W. W. Dimond & Co. LTD.
"THE HOUSE OF HOUSEWARES"
53-65 KING STREET, HONOLULU