Ka Nupepa Kuokoa, Volume LVIII, Number 20, 30 ʻApelila 1920 — LOAA KA UWAKI GULA ILOKO O KE ONE MA KA ULIA Hoohauoliia ka Wahine a ka Meia Rolph o Kapalakiko i ka Loaa Hou Ana o ka Uwaki I KEKAHI KEIKI KEPANI KA LOAA ANA O KELA UWAKI Haawiia ka Uku Makana o Hookahi Haneri Dala i ka Makuakane o Kela Keiki Kepani [ARTICLE]

LOAA KA UWAKI GULA ILOKO O KE ONE MA KA ULIA

Hoohauoliia ka Wahine a ka Meia Rolph o Kapalakiko i ka Loaa Hou Ana o ka Uwaki

I KEKAHI KEIKI KEPANI KA LOAA ANA O KELA UWAKI

Haawiia ka Uku Makana o Hookahi Haneri Dala i ka Makuakane o Kela Keiki Kepani

Mawaho ae nei 0 Tta aekai o Waikiki ma ka PoakolU o ka pule aku nei i hala i loaa aku ai ma ke.ano ulia, ka uwaki gula, i kiuohinQhiia me na pohaku daimana a ka wahine a ka Meia Jamos Kplph Jr., o Kapalakiko, i kekahi keiki Kepani uuku, a ua loaa aku hoi i ka makuakane o kela keiki, ka uku makana o hookahi haneri dala, mamuli o ka loaa ana o kela uwaki. O ke ano o ka nalowale ana o kela uwaki gula„ mai ka wahine aku a ka meia o Kapalakiko, he ano kupaianaha no ia, no ka niea, iaia e holoholo ana ma kahaone ma Waikiki, ua wehe ae la oia i kona mikinilima, a ia wa i loaa koke iho ai iaia ka ike, ua nalowale aku ua uwaki nei ana, mai kona li-ma aku, kana wahi i hoopaa ai. Ua hoopilikia nui loa ia aku kona manao, no kela nalowale ana o kana uwaki, 'nolaila ua hoike koke ia aku la ka lohe i ka oihana makai, me ka noke ia ana o keka-hi poe i hoohuoiia i ka ninau, ina paha he mea k-ekahi i maopopo ia lakou no kela uwaki, aole nae he mea i loaa mai ina ia Ainaninuia ana. Ua hoolimalima »koa hoi ka lunanui o •ka Hokele Moana, i kekahi poe e huli i ■kela uwaki, ma kahi pili i ka aeooe, me ka noke ana o kela poe i ka huli, ma na wahi apau i inanaoia ai, malaila o Mrs. Holph i hele holaholo ai ,aole no nae he loaa iki o ka uwaki nalowale.

Oiai nae, ua kokoke loa mai i ka manawa, e haalele iho ai ka Meia Bolph ame kana wahine no Kapalakiko, a no ka minamina loa o kela wahine i kana uwaki, ua haawi okoa ia aku he hooka•hi haneri dala, malalo o ka ma-lu o ka iunanui o ka Hokele Moana, ma ke ano he makana, i ka mea e loaa ai o kela uwahi, nolaila i ka haalele ana iho o •ka mokuahi ia Honolulu nei, ua huli hoi aku la kola wahiue, me na manaolana pohp, no koua ike hou i kana uwaki punahele. Me ia nmnaolana poho nae, ua hoohauoli loa ia aku o Mrs. Rolph, i ka wa i hoikeia aku ai ka lohe iaia ma ke kelekalapa uwea ole, >no ka loaa ana o kana uwaki, me ia manao hauoli, e hoea aku ai oia no Kapalakiko, a kakali mai i ka hoea aku o ua uwaki nei ana. Loaa ma ke Ano Ulia Elike no me ke ano kupaianaha o ka nalowale ana o kela uwaki, pela iho la ho ke ano kupaianaha o ka loaa ana aku, no ka mea ina kela auwina la Poakolu, no ka uwe loa o ke keiki uuku a kekahi Kepani, manao iho la oia e lawe aku iaia no ka aeone, malaila e paani ai kela keiki, i ole ai oia e hoomau aku i kana uwe ana. I ka hoea ana ma kahaone, ua waiho aku la ka makuakane i kana keiki iluna o ke one no ka paani ana me kona hele ana āku ma kekāhi wahi, me ka nana ole mai i kama keiki, no ka meu ua nanea loa ke keiki i ka paani i ke one. Mai ka Hokele Moana mai nae i ike mai ai kekahi o na Kepani kuene i ka paa o ke keiki uuku i kekahi mea iloko o kona lima, a e noke ana i ka paani me ua mea la, eia ka auanei, o kela ka uwaki i nalowale ai a Mrs. Rolph, o ka •hoike ae la no ia o kela Kepani i ka lunanui o ka hokele, no ka loaa ana o ka ' uwaki nalowale, a iloko o ka manawa | pokole loa, ua hoea ae la ka lunanui no kahi a ke keiki uuku e paani ana, a ilalau aku la i fca uwaki, aole he wahi i poino, a hoihoi aku la noloko o kona pa•huhao, a o ka hookahi haneri dala e waiho ana maloko olaila, o kana ia o ke kii ana aku a haawi ae la i ka makuakane o kela keiki Kepani.