Ka Nupepa Kuokoa, Volume LVIII, Number 20, 30 April 1920 — HE HOALOHALOHA NO KUU PAPA HELELOA, SAM. K. KEOLANUI. [ARTICLE]

HE HOALOHALOHA NO KUU PAPA HELELOA, SAM. K. KEOLANUI.

Mr. Soloxnon Hanohano, Aloha oe:—E oluolu oe e hookomo aku i ka'u wahi puolo aloha no kuu papa, ma kekahi wahi kaawale o ke Kuokoa, i ike mai ai na kini, na hoaloha, na makamaka ame kon a mau ohana, e noho ana ma o a mrcanei, o ia hoi keia: He manao he aloha no kuu papa heleloa, ua haalele mai ko makou papa aloha ia makou, a ke noho nvakua ole nei m&kou, nolaila, auwe ko makou papa aloha e, kuu ipea nui hoi a'u e noonoo mau ai i ko'u wa i kaawale aku ai mai ia laua aku i kekahi manawa; kuu papa leo ole mai ia makou na keiki. Auwe keia mau wahi a kuu papa aloha i hooinanawanui aku ai, e imi i pono no ka noho ana o keia ohana he nui. Ua pau'ko makou lohe ana i kona leo aloha i ka i mai e hehi mai i kuu kua, kuu papa aloha, e uweia ana eia ka po i ka eha ,a ao hele no i ka hana. Auwe kuu minamina pau ole i kuu papa, aole oia i hoeha mai ia makou kana poe keiki, a haalele wale mai oia. Ua piha no hoi ia'u kana hiapo, ka 29 makahiki, haalele wale mai la oia. He 12 ko makou nui i loaa mai ko laua mau puhaka mai; ke aloha ae nei au i kuu papa heleloa; ike ana i ka makani o Puuanahulu, hele mamuli o ke aloha i ike ai i ka ehukai o Kiholo, haalele i ke awa o Kiholo i ka hora 5 paha ia o ke ahiahi, aloha ia kula loa kahi a mak6u i alo ae ai, no Wiliwiliwai ke alomoe malihini ana au me kuu papa. Aloha ia no o 'Homelani kahi hoolulu a ka lehulehu. Auwe kuu hoaa wale i kuu papa. ]Cfea ole ka loa o Puuanahulu i ke aloha keiki o kuu papa, kuu aloha poina ole no *kuu papa; aloha ia kula malihini a makou i inoe ai, o kuu papa hookahi, o maua na kaikamahine elua, ame na moopuna, hoomanawanui* iho la makou e moe ia po, a ao ae la hoi mai la makou no Homelaml. Auwe kuu poina ole i ke aloha o kuu papa, ua pololi makou, ua hele loa o papa, kuu papa hoomanawanui iloko o oa mea apau e pono ai; ua pnu, ua pau kona luhi; aloha no ka lim'a akau o kuu mama ame makou hoi na keiki. E mania, ua pololi kakou, ua hele loa 0 papa, haalele loa m'ai la ia kakou. Auwe kuu aloha poina ole i na hana lokomaikai a kuu papa i kona wa e ola an'a. He kanaka lokomaikai, he aloha, he hoomanawanui iloko o na mea apau e pono ai. Auwe, ua hooneleia makou i ka meakua, kuu mea nui hoi a'u noonoo m!au ai i ko'u kaawale ana aku mai ia laua aku i kekahi mau manawa aku nei, e hele ana no au ma na wahi apau a 'u i noho ai, hoi no ke aloha ihope ia lana, pehea aku nei la o papa m'a, kuu papa aloha, ke kaula hoi hana au e huki, e hoi ia Keei nei, eia ka e haalele mai ana oia ia makou; haalele pu mai la-hoi i ka wahine. E o'u mau pokii aloha ua hooneleia kakou i ka makua, ka mea hoi a 'u i a'o aku ai ia oukou, e nialama i ka makuakane o kakou, e kokua aku i kekahi mau hana, no'u iho ko oukou hanaumua, e hele ana au ma o a maanei, ma kahi a'u i noho ai ;o oukou na kei&i e noho ana imua o ko laua alo, e aloha aku ia laua. Aloha no! Aloha no kon a luhi ana ia makou a pau ae la makou i ka nunui; auwe kuu papa aloha, aole oia e hoi hou mai ana e malama ia makou. E ka ulu kope o iKapolei e, mea ole ka ua ame ka la i ka hoomanawanuiia e kuu papa aloha, e ohi hookahi i kou mau hua, ua pau no hoi kou hoopulu ana i ka ili o īeuu papa. • hooki nei au i ko'u mau manao aloha maanei, ke noi ae nei au i ka Makua mana loa, e kokua aloha mai ia makou na keiki makua ole, ame ko ma* kou mama aloha, a nana no e malama ia makou, a e hoomama mai ia makou a e hoolokahi ia makou ma na mea apau 1 ku i ka pono. Owau no ka me a kakau nei, MRS. XAN€Y HEEMAX.