Ka Nupepa Kuokoa, Volume LVIII, Number 17, 23 ʻApelila 1920 — Page 7

He Moolelo no

KEONI HANAFODA

Ka Hua Awahia o ka Uhauha me ka Puni Lealea Loaa Nae ke Kaulana ma ka Hoomanawanui

 

            I kela manwa nae i hoea mai ai o Dora me kana kane, ia wa i huli koke aku ai o Keoni Hanfoda imua o laua, a olelo aku la, he mau kii ano nui kekahi ana i makemake ai e hoikeke aku i kana mau keiki, o ko lakou hele aku la noia noloko o kekahi keena okoa aku, a koe hookahi iho la o Helena maloko o kela rumi.

            I kela hala ana aku hoi o Keoni Hanafoda me Dora ma, a koe hookahi iho la o Helena; ua komo mai la ka: manao mihi iloko on a, no kona mahaoi o ka nonoi a a@a aku ia Keoni Hanafoda e nana oia i kela kii, oiai in a ua huna loa kela kanaka, i ua kii nei mai ka hoikeike ana aku imua o kana kaikamahine, alaila, he hana maikai ole loa nona ke ake ana aku e ike, i kekahi kii i lilo i meahuna na Keoni Hanafoda.

            Ua lohi loa nae kela mihi ana, a i kona nana ana ae, aole he poe e ae mawaho on a, o kona hele aku la no ia, a wehe ae la i na kaula i hoopaaia ai o ke kapolena, a i kona hu e ana ae i ke kapolena, a kaawale mai ke kii mai, ua hoopiha ioa ia mai oia me na manao kahaha, iaia i ike aku ai, he kii kela nona ponoi, ua like maoli no ka nui, me kona kino e ku aku ana, aohe wahi loli, aka ua kulike loa ia ma na ano apau, o kahi loli wale no, o ia kona lole e komo ana.

            O ka lole a Keoni Hanafoda i hana ai no kela kii o kana wahine mua, pela hoi me na mea hoonai e ae he nui ma@@na on a, ua kulike loa no ia me kela kii ola o Helena, ana i haalele aku ai, i ua wahine nei maloko o kona home, iaia @huli hoi mai ai no kona hokele, mahope o ka halawai pu ana me Dora ame Alekana, a kono aku ai ia lakou e hui pu mai me ia, ma ka paina awakea, ma kona hokele e noho ana ma Nu Ioka, he ekolu makahiki aku i hala.

            Oiai o Helena e kilohi pono ana i kona kii ponoi, ua aneane e hiki ole iaia ke uumi iho i ka hookahe ana mai i kona mau waimaka, no ka mea o kela ano no apau ona, ma kela la ana o ka halawai pu ana me Keoni Hanafoda, o ia okoa no ia ana e ike aku la ma kela kii, a i wahi e hoonalo koke ia ae ai kekahi mau hoomanao ana, no na mea o ka wa i hala, ua uhi hou iho la oia i ke kapolena, maluna o kela kii, a hemo aku la no kahi e waiho ana o ke keena hookipa no ka hoomalielie ana i kona mau manao maikai ole, mamua o ka hui hou ana aku me kona mau hoa.

            Oiai nae ua o Helena e kakali aku ana o ka hoi mai o Dora ma, ke lohe la oia i ka noke mai o kana kaikamahine i ka akaaka, a hoomanao ae la ua o Helena, e kolohe ana ka i ka akaaka, a hoomanao ae la ua o Helena, e kolohe ana ka makuakane ame kana kane iaia, ma kekahi mau mea a lakou e nana ana, pela iho la i lohe aku ai oia i ka akaaka mai o Dora.

            Ua ma@u okoa kela noho ana a Helena, hoea aku la o Dora mai a hio hou ae la lakou, me he mea la, aole he mau mea nana i hookaumaha aku i ko Helena noonoo, aka nae no Keoni Hanafoda, ua ike oia, aia kekahi mea ano nui loa, i loaa aku ia Helena, ma kela manawa ana i ike aku ai i kona kii.

            Oiai aole he manawa hou aku no ka hoohakalia ana, ua haawi ae la na aloha lululima ana, mawaena o Keoni Hanafoda me kana mau malihini, a haalele aku la o Keoni Hanafoda me kana mau malihini, a haalele aku la o Helena ma i ka hale o Hanafoda, me na manao hauoli, no ka lakou mau mea i ike ai ma kela la.

            Ma kela hala ana aku o Helena ma, ua loihi maoli ke ku malie ana a Keoni Hanafoda i kahi hookahi, a nana aku i kana mau malihini, a iaia i noho iho ai maluna o kekahi noho, aole e hiki iaia ke ku koke ae iluna, no ke poho wale o kona mau manaolana.

            Ua piha paha ka hapaha hora o kela noho malie ana a na o Keoni Hanafoda i kahi hookahi, o kona ku ae la no ia iluna, me ka hele ana aku no kahi o ke kii o Helena e waiho mai ana, alaila wehe ae la i ka uhi kapolena, a kilohi hou aku la i ke kii o kana wahine, no kekahi manawa loihi, a iaia no pah@ ka ike, no kekahi wahi maikai ole, kii aku la i kana hulu penakii, a noho aku la pena, no aneane e piha ka hora okoa.

            Mahope o ka pau ana o na mea ana i manao ae e hoololiloli ae i ke kii, ke nana aku kaua e ka makamaka heluhelu, na hiki loa ia kaua ke ike aku, aia ka oluolu, ka oiaio ame ka waipa-he iloko o ka mea nona ke kii, ma o kona helehelena la a ua kanaka kahakii nei i haololi ae ai me ka maiau loa.

            I ka pau ana o na mea a ua o Keoni Hanafoda i manae ai o ka holopono ia o kana hana, nee mai la oia ihope he mau kapuai, a nana aku la maluna o ke kii o kana wahine, ua kulike loa ia me kela ano o Helena, he hookahi hora aku mamua, ma kela manawa ana i ike hope aku ai i kona helehelena.

            "Akahi no a holopono ka@u mau mea apau i makemake ai no keia kii," i hooho ae ai ua o Keoni Hanafoda, alaila kii aku la i ke kapolena, a uhi ae la maluna o ke kii o Helena, me ka maha o kona noonoo, o kona huli hoi mai la no ia noloko o kona keena hana, no ka hoomau ana aku m kaua mau hana.

            Hoko o na makahiki lehulehu mahope mai, ua pii mau aku ke kaulana o Keoni Hanafoda, ma kela ame keia wahi o ke ao nei, no ka mea i ka wa e waihoia aku ai o kana mau kii e pena ai, ma na wahi hoikeike kii, a kuaiia hoi me na @ala nunui, aole he inoa e ae, e kamailio, nui ia ana iwaena o ka poe hanohano, o ka inoa wale no o Keoni Hanafoda, ke kanak kahakii kaulana.

            Ua pii pu ae kela kaulana, me ka ukaliia aku e ka hanohano ame ka waiwai, aole nae malaila wale iho la no pau kona kaulana, ma ka hana pena kii, aka ua lilo pu oia i mea kokua nui aku i ka poe nele, ilihune, a iloko o na popilikia.

            O na kanaka kahakii keia i holomua ole ka lakou oihana, ua komo aku o Keoni Hanafoda, ma ka haawi ana i na kokua ia lakou, ma ka hoikeike ana aku i na mea e hooiia ae ai ka maikai o ka lakou mau kii, he mea oiaio, mamuli o ia mau kokua i haawiia aku, ua loaa i@o na pomaikai i kekahi heluna nui o kela poe kahakii, me ka loaa nui o ka waiwai ame ka hanohano i ka hapanui o lakou.

            O na kanaka i nele me na home no lakou e malu ai, ua @@@lakoia aku lakou me na home, o ka poe i nele i na hoa@@ha, a i halawai maoli me na haawina popilikia, o keia ola ana ua hoohauoliia aku ko lakou mau manao, mamuli o na hana ku i ke aloha oiaio a keia kanaka.

            Nolaila, ma ke ano nui ke olelo ae, ua nanaia aku o Keoni Hanafoda, aole wale no, he kanaka pookela loa ma ka hana penakii, aka he kanaka pu i piha me ka waipa-he, a o kona hale nani ana i kukulu ai ma Parisa, he home ia i kipa nui ia aku e na kanaka i ake e ike i kana mau kii nani, a e ka lehulehu no hoi, mai na wahi like ole mai o ka honua nei, no ke ake ana i ke kanaka a lakou i lohe nui ai i kona kaulana.

            Aole wale i pii ae keia kanaka mai ke kulana haahaa mai ahiki i kona lilo ana i kanaka kaulana, mamuli o kana mau hooikaika ana aka ua loli pu ae kona mau ano apau, mai kela kulana uhauha, puni lealea, a i kona lilo ana i kanaka maikai loa, he kumu alakai hoi , no kekahi poe kanaka i like ko lakou mau ano me kona, i ukali aku ai  na makahiki mahope mai o kona ola ana @ o keia iho la ka hookoia ana o na mea a Helena i wanana mua aku ai no Keoni Hanafoda kana kane, aia mamua o kona alo ke kaulana, ka hanhano ame ka waiwai, ke hooikaika oia ma kana kalena o ka ike kahakii, he mea oiaio loa, mawaho ae o na mea i ikeia no keia kanaka, ua loaa pu iaia ka noho hauoli ana, a o ka mea oi loa aku, o ia no ka maha o kona uhane.

            No Helena hoi, ua noho pu no oia me kana kaikamahine, ahiki i kona mau la hope, me kona lawe hou ole mai i kane nana, aka nae, ua hoohauoli loa ia aku nae kona manao, mamuli o ka ike ana, ua hooko aku o Keoni Hanafoda  kana mau mea apau i hooikaika ai no kona pono.

            Ua hoea mai la kaua e ka makamaka heluhelu i ka hopena o keia moolelo, me ka manaolana o ka meakakau, ua loaa he mau haawina ao lehulehu mailoko mai o keia mooloaa he mau haawina ao lehulehu mailoko mai o keia moolelo no ko kakou ola ana, e lilo ai ia mau haawina ao, i mau mea na kakou ola ana, e lilo ai ia mau haawina ao, i mau mea na kakou e hoomanao ai, o ke alahele o ka noho oluolu ana, ka noho lako ana, ame ka hauoli, o ia no ka hoomanawanui ma ka kakou mau hana apali, e hooko pono, hoi i na kumu aelike mawaena o ke kane ame ka wahine, a o ka mea oi loa aku, e hookaawale mai na lealea hua ole o keia ao, ka luamimilo nana i hookomo aku he heluna nui o na kane ame na wahine, iloko o na poino o keia ola honua ana.

Ka Hopena

MAKAIKIU MAKENEKI

(Mai ka Aoao Eono Mai.)

ikaia i puhi aku ai ua kanaka la i ke komolima a kau maluna o ka poohiwi hema o ke kanaka opio a ia kau ana aku ua loli ae la i puuwai dala.

            Ia manawa huki mai la ua kanaka la i na pulima o kona lole me he mea la e hoomakaukau ana no ka hoikeike ana aku i kekahi mau hana mana hou ana.

            "O, e Peti," i kahea mai ai o Mahela, kekahi o na lede elua e ku mai ana me ka piha i ke pahaohao no kana mau mea o ka ikemaka ana mai la.

            Holo aku la ne lede a ku ma kekahi puka ma ka aoao o ka rumi a i ke kanaka opio hoi i ani mai ai i kona lima i ka Punanana me he mea la e haawi mai ana i kona aloha, a oiai no oia e hele aku ana me ka o-i ua hui aku la oia me na lede ma kahi o ka puka.

Ua piha loa o Mahela Sanale i ka maka'u. Pale ino aku la laua i ka puka a ia hemo ana o ko laua oili aku la no ia iwaho o kekahi rumi aku: na laua hoi ka hele hookahi ka hahai ana aku o ke kanaka opio mahope o laua, a elike me ka wehe ino ia ana mai o ka puka mua, pela no me ka puka nui maloko aku o kekahi rumi a ka lunanana o ka ohe ana aku.

            "A-ha-a-ha, e ka hoaloha Rafaela." wahi a ka I unanana Baida o ka namunamua ana iho, iaia i hoi mai ai mai kekahi pakaukau mai. "A-ha-, a-ha, me kela kalena ike i loaa ia oe he kanaka aihue ku oe i ka weliweliia. E lawe koke aku i ka'u a'o i nei manwa, e hele oe ma ke alanui o ka pololei a e hana ma ka pono a ma ka pololei, a i ole pela, e halawai ana oe me ka pilikia ma keia mua aku."

            Haawi mai la ka Lunanana Baida i kona mau lima no ke aloha ana iaia i kamailio mai ai, a i ka nana aku iaia ia manawa me he mea la ua hoakoakoa mai la oia i kona mau noonoo maikai apau me ia ia manwa.

Ua ike mai nei anei oe i ka'u hana mana, e Mr. Baid?" i pane aku ai o Rafaela me ka akaaka ana aku.

            "Ae," wahi a Baida, "aka, e makaala loa oe i kau hana ana o lilo auanei ia hana mana au i mea hoopoino mai ia oe."

"Mai kanalua oe a mai hopohopo." i pane aku ai ke kanaka hana mana. Alaila ia hoopa ana aku a Rafaela i kekahi poohiwi o ka lunanana a ia kaili ana mai i kona lima hoikeike aku la i kekahi puuwai dala i ka lunanana, a he manawa pokole ma ia hope iho ua loli ae la ua puuwai la i peahi Kepani.

            "E nana mai paha oe i kei la," i pane aku ai o Rafaela, me ke ani ana ae i ka peahi i k a lewa mamua o na maka o ka lunanana.

Ia manwa ua lele mai la kekahi manu a kau iho la maluna o ka peahi mai kekahi wahi mai a ka lunanana i maopopo ole aku ai o ka poe wale no i ike ia ano hana ke maopopo.

            Ke haka pono loa mai la ka lunanana ia manwa, me kona hoolohe pu'i na olelo a Rafaela.  Aia kona mau lima ke lewalewa la ma kona mau, aoao me ka puupuu ole. Emoole owaka ae la kona mau lehelehe alaila pii ae la kona mau lima i ka lewa.

            "Ua ike mai la anei oe i kuu hana mana me ka hainaka?" i ninau mai ai ke kanaka, me ka paa ana ae i kekahi mea mamua o kona mau maka a hoikeike aku la i ka lunanana.

            "Aohe o'u ike aku la," i pane aku ai ka lunanana.

            Ma kela manawa aohe i akaaka loa ae ke kino o ka hainaka e hiki ai i ka lunanana ke ike pono aku, he aka wale no nae kana e ike aku ana e oni ana i ka lewa me he uwahi lahilahi loa la, ke kmau la no nae ka Porofesa Valenataine i ka paa ana aole i hapai ae iluna.

            Ua hoomaka iho la ka Lunanana Baida e hikaka ia manawa, a no elua a ekolu paha minuke ka oni ana ae o kekahi mea keokeo mamua o kona mau maka, me he mea la ua loaa mai i ka makani a e paialewaia ana i o a ianei i ka lewa.

Eia nae, aole i nee iki mai ka Porofesa Rafaela imua, ke ku la no oia ma kahi hookahi, me ka haka pono aku o kona mau maka i kahi o ke aka ana e ike aku ana i ka lewa i ka akau a i ka hema, a ke hookalanea wale no ka lunanana i kana ku ana oiai nae kona kino me he mea la ua ono oia a e aneane loa ana e hio aku i kekahi aoao.

            Oiai ka lunanana e ku ana me kela ano e o kona kino ua kiolaia mai la ka hainaka maluna on a mahope mai o kona kua. Hookahi lima i hopu mai a paa i kona waha ame kona mau pukaihu: o kekahi lima ua paa mai la mahope o kona poo, a me ke kanlua ole ke olelo ae aneane hiki ole iaia ke hanu ae ia manawa on a e paa ia mai ana.

            Ia manawa aneane hiki ole iaia ke hanu ae, alaila puliki aku la oia i ka lima e paa mai ana mamua on a a no kona ano on a iho la ia manwa hoomaka iho la oia e hikaka. O ka mea i hahauia mai mahope o kona poo ka mea nana i hoopouli ae i kona ike, a i ka manawa ana i hikaka ae ai ua hemo aku la ka lima e paa mai ana mahope o kona poo.

            "Ea, e na keiki!" wahi a ka lunanana o ka uwa ana ae me ka leo nui ana e lohe maopopo loa ana, a kekahi mau pepeiao okoa, aku nae i lohe ole mai ai i kana kahea. Ia manawa ua hanu ae la oia, no ka mea, ua loaa iaia he manawa, a me kona mau lima a elua, hopu aku la oia i ka lima mamua ona a iloko o ka manawa pokole o ke aumeume ana me ka ikaika ua hanu ae la oia a ua hanu hou me ka ikaika aia ka pono a loaa iaia ka maha.

            Iaia e kupaka ana ua hemo ae la ka hainaka i hooleiia mai ai mahope on a, he hainaka i hanaia me kekahi laaumake, a ma ka manawa e paa ana o kela hianaka ma kona mau pukaihu a ma kona waha ua komo loa ka ikaika o keea o ka laaumake iloko o kona mau akemama a iloko paha o kona mau aakoko, a oia ke kumu o kona hookaika mau ana e hanu ae i loaa iaia ke ea maikai e hanu ae ai, a ihookaawaleia aku hoi kekahi ea laau mailoko aku ona.

            Akahi no oia a ike iho i kona poino.  Kahea ae la oia me ka leo nui, "e a'u keiki, auhea oukou?" E kahea ana oia no na makai no ka hele ana mai e kokua iaia, a ma keia manawa ana o ke kahea ana ua oi ae ka nui o kona leo i ko ka manawa mua.  Ua hooikaika ae la no hoi kona leo i ko ka manawa mua.  Ua hooikaika ae la no hoi kona enmi e hemo oia mai ka paa ana aku a ka luna iaia aohe nae he hemo aku, ia manawa ua like na lima o ka lunanana me kekahi kupeehaokila.

            Mamuli o ka nui o ka leo o ka lunanana o ia kahea ana ae, ua holokiki mai la na lala o ke kalapu o kela hale hui a kuku ma na puka a ua paa na puka ia lakou e hiki ole ai i kekahi ke komo mai.  O ke kuku wale mai no nae ka lakou aohe hele mai hoi e kokua i ka mea poino aohe no hoi he puaileo, a me he mea la aohe no o lakou makemake e hoopakele i ka lunanana.

Kaualako hele aku la ke kanaka a ka Lunanana Baida e paa ana ahiki i ko laua hoea ana ma kahi kokoke aku i ka puka me ka manao paha e hemo aku ana oia, a o kona holo koke aku no ia ma ka puka.

            Ma keia manawa e aumeume nei o ka lunanana me kopa enemi, holo aku la ka Porofesa Rafaela a oili aku la iwaho ma kekahi puka ma ka aoao o k rumi.  Ma keia manawa kiola iho la  Gerena i ka hainaka ana o ka hoolei ana mai ma na maka o ka Lunanana Baida a hoomaka ae la e uwa elike me ke kuwo ana a kekahi holoholna ahiu; ua hele kona helehelena a haikea oiai oia e hooikaika ana e hemo mai na lima aku o ka lunanana, eia nae ua lohi loa, no ka mea, ua lilo kana mau hooikaika ana apau i mea ole i nei manawam ua paa oia, a ua ike iho la hoi i'kona hopena poino.

            O keia no ke kanaka i hahai mai ai i ka lunanana mai Parisa mai ahiki iho la i keia wahi me ka manao e lilo hou aku ana na daimana iaia, oia nae ke lilo ana i moepuu no na daimana ana i kuko palaualelo ai.

            Ua loaa loa ae la ka maha i ka lunanana i keia manawa mamuli o ka loaa ana he manawa nui a lawa loa nona e mamuli o ka loaa ana he manawa nui a lawa loa nona e hanu ae ai, nolaila elike me kona ikaika i na manawa lehulehu mamua aku i hakoko ai me na enemi lehulehu, a me keia Gerena no hoi no hookahi manawa, pela oia e hoike nei maluna o Gerena i nei manawa.

No ka ike o Gerena i kona pilikia nonoi ae la oia e hookuuia ae, a kahea pu ae la e kokua aku kekahi mea iaia, eia nae aohe mea hookahi i haawi mai i kekahi kokua iaia, no ka mea, maloko o kela hale aohe on a mau makamaka, aohe on a mau hoaloha, aohe no hoi he mea kokua iaia.

            No ka haawi ole ia mai o kekahi kokua ua hooikaika ae la o Gerena e hemo kona lima mai ka paa ana a ka Lunanana Baida, a he oiaio, hookahi on a lima i kaawale ma ia hooikaika ana ana, a i ka loaa ana o kana pu panapana ua ki mai la oia a ku ma ka poohiwi o ka Lunanana Baida, a i ka elua o kana manawa o ke ki ana mai ua ku mai la ka lima hema o ka Lunanana Baida.

            Ma kela manawa elua mau kanaka i holokiki mai kekahi puka mai o ka rumi a paa mai la i ua o Gerena.  No kekahi manawa ka hoao ana o ua o Gerena.  No kekahi manawa ka hoao ana o ua o Gerena e hemo mai kela mau kanaka mai, eia nae, he hana hiki ole ia iaia ke hana, no ka mea, ia manawa hookahi on a lima e paaia ana e ka Lunanana Baida, a he eha hoi mau lima o na kanaka elua i holo mai ai a paa iaia.

            "E lawe aku iaia!" i kauoha aku ai ka Lunanana Baida i na kanaka e paa ana ia Gerena, oiai ka lunanana e hehee iho ana ilalo a kukuli iho la maluna o kona mau kuli, no ka mea, ia manawa ua hui kona on a i ka laaumake me kona ku ana mai i na poka i mea hoonawaliwali iaia ia manawa e hiki pono ole ai iaia ke ku pololei iluna maluna o kona mau wawae.

            I ka manawa i kauoha aku ai ka lunanana i na kanaka elua e lawe aku ia Gerena ua kau koke ae la o Gerena i kana pu panapana i na kanaka, a no ko laua ike ana mai i ke kauia aku o ka pu ia laua ua ano kuhau iho la laua.  Kahea aku la laua i kekahi mau kanaka e kuku mai ana ma ka puka e hele mai e kokua aohe nae he wahi mea a neeu mai o ia mau kanaka o ka nana wale mai no me ka hoopinana ana ae i ko laua mau poohiwi iluna.  Ma ka mea oiaio, o na makai aohe o lakou mau hoaoha maloko o kela ano hale.  no kamea, he poe ha'iha'i kanawai wale no na kanaka maloko o ia hale.

            "E lawe aku iaia he kanaka pepehikanaka oia!" wahi hou a ka Lunanana Baida o ke kauoha ana aku i na kanaka elua e ku ana.  Aole laua he mau mea e, aka, he mau makai iloko o ko laua mau aaahu makaainana.

            "Lawe koke aku iaia, he kanaka pepehikanaka oia!" wahi hou a ka lunanana me ka leo nawaliwali loa.

            Me na olelo ino, a me ka luliluli ana o ke poo, ua poha ae la ka pu panapana ia manawa.  Ua ki ae la o Gerena iaia iho a ku ma kona lae a hina aku la oa ilalo me ka puka poka ma kona lae.

            "Aole o'u makemake e laweia aku e hookolokoloia mai e kekahi aha hookolokolo o keia ao aka, ma kela ao," wahi a ua o Gerena o ka hoopuka ana ae me ka leo nawali, me ka hooikaika pu wale no oia o ia kamailio ana ae oiai kekahi o na makai e kulou iho ana e hoolohe i kana mea e kamailio ae ana, a hapai ae la i ua o Gerenea a noho iluna.

O ka lua o na makai ia Baida oia kahi i paa ai me ka hooikaika e kukulu mau ae iaia iluna, a i ke ku ana ae paa mai la iaia i ole e hina iho ilalo.

            "He makemake au ia oe." wahi a ka Lunanana Baida i namunamu iho ai, oiai oia e nana pono aku ana i ka Porofesa Valenataine e ku mai ana ma kekahi wahi kokoke i ka puka.  "Ua maopopo ia oe na mea apau i hana ia, no ka mea, aole oe i on a," wahi hou a ka lunanana o ka pane ana aku me ka nawali o kahi leo.

            "Ua on a au-aole au i ona! Owai ka mea i olelo mai nei ua on a au? Ua on a anei au?  Ke makemake nei au e ike i ke kanaka i olelo mai nei ua oha au!" i hooho ae ai ka porofesa me ke kukahalake.  Me he mea la ia manawa ua loaa oia i kekahi olai ikaika loa, ka naka, me he mea la e hooluliluliia ana i o a ianei.

            "E na kanaka, e makaala loa olua iaia o mahuka aku auanei," i kauoha aku ai ka lunanana i na makai no ka makaala ana i ka Porofesa Valenataine.  "E makemake ana ka kou iaia mahope aku.  Ua ikemaka iho nei oia i na mea apau i hanaia maanei nolaila e lilo ana oia i hoike."

            Ma kela manwa ke hiolo awai la ke koko mai na wahi iho o ka lunanana i ku ai i na poka a ke lana la malalo iho a kona mau wawae.  Ke lewalewa la kona lima hema ilalo ma ka aoao me ka ula pu o na manamanalima i ke koko.  Kalele aku la oia maluna o kekahi o na makai e paa mai ana iaia, a he haikea wale no kona helehelena ke nanaia mai ia manwa.

            "Pehea, ua kukonukonu loa anei kou eha?" i ninau mai ai ka makai e paa ana iaia.  "Aole o'u manao e lilo ana keia mau wahi i ku i ka poka i mea no'u e poino ai, o ka maeele nae oia ka'u mea e ike nei.  E oluolu e paa mai ia'u a e ka'i aku ia'u i kahi o kela kanaka e waiho mai la' i pane ae ai ka Lunanana Baida.

            No kona noi ka'i aku la kekahi o na makai e paa ana iaia no kahi e waiho mai ana o Gerena.  Ua pili na maka o Gerena a o Sa Keoni hoi kekahi inoa kapakapa on a, a e nunulu ana no hoi no ka nui o ka eha ame ka hooikaika wale no oia e hanu ae ana a e kamailio mai.

            Oia mau no ke ku mai o na lala o ke kalapu o ka Hale Goledona me ke kamailio a hele ole mai e haawi i kekahi kokua i ka mea i eha, oia nana wale mai no.

            Ma ka moolelo e pili ana i na lala o keia kalapu o lakou kekahi poe ha'iha'i kanawai kiekie loa iloko o ka aina, aia iwaena o lakou he poe pepehikanaka, he poe powa, na hana alunu a pakaha wale a pela aku, a o keia kanaka i ki ae ai iaia iho i ka pu, o kekahi no ia o ko lakou pohai, eia nae, aole hookahi o ia poe i makemake e haawi mai i kekahi kokua i ko lakou ho ha'iha'i kanawai-me he mea la he mea ole wale no la ia lakou.

            Ma keia manwa a ka lunanana e hele aku ana me kona paaia e kekahi o na makai, ke hiolo la ke koko mai kona mau wahi iho i ku ai i ka pu, a me ka malie loa ko laua hele ana aku no kahi o ke kanaka e waiho oni ole mai ana, a ma kana wahi e waiho ana he ula pu wale la no i ke koko mai kahi iho o kona lae i ku ai i ka poka.

            "Ina i hiki ia kakou ke hoopakele ae iaia mai kona ki ana ae iaia iho me ka pu, in a ua lilo keia hihia i mea ano nui a i mea hoi e hoike aku ana i ke ao i ke ko'iko'i o ka keia kanaka i hana ai ame ka poe apau i hui pu me ia ma keia hana e pau loa ai lakou i ka hopuia aka, ua hiki ole.  O, heaha ana la ka mea hiki ia'u ke hana aku oiai e make ana keia kanaka, ka hoike ano nui a'u i manao ai e pau loa ai kekahi poe e ae i ka hopuia! Ke make aku keia kanaka e nalowale pu aku ana me ia na mea apau i hanaia ame ka ka poe apau i hui pu me ia ma keia hana aihue a powa," i namunamu iho ai ka lunanana.

            "He mea oiaio ia au i olelo iho la ua ike mua oia i ka hopena a pela oia i ki mua ae ai iaia iho i ka pu i mea e nalo ai kana hana hewa ame ka poe i hui pu me ia," i pane ae ai ka makai e paa ana iaia.  "Aka nou iho, pehea kou ana i nei manawa: pehea kou ike iho ia oe: ua nui maoli ke koko la e kahe la: aole anei ou ano maule iho?"

            "Ke ice nei au i ko'u ano nawaliwali mai, aka, he maule wale no paham pela ko'u manao.  Elua o'u mau wahi i ku i ka poka, hookahi ma kuu poohiwi a o kekahi ma kuu lima hema.  E olelo aku oe ia Masi e paa mai ke poo o ke kanaka iluna, he makemake au e ninau aku iaia i kekahi mau ninau, eia nae, aohe hiki ia'u ke kamailio aku a nui ka leo."

            Ma kela manwa hookahi o na makai i komo mai ai i kukuli iho ma ka aoao o Sa Keoni a e wehewehe ae ana i ke pihi o ka lole ma kahi o ka a-i o ke kanaka e moe ana ilalo. No ka hooko ana mai i ke kauoha a ka lunanana, hapai malie ae la oia i ke poo o ke kanaka e make aku ana iluna.  Ma ia manwa e hapai pu wale ae ana no ka hanu ana, a i ka wa i hapaiia mai ai kona poo iluna, kakaa ae la kona mau maka.

            "E Gerena, ke ike mai la no nae oe ia'u?" i ninau aku ai ka lunanana me kahi leo nawali, me kona hoao pu ia manawa e hooikaika ae iaia iho.  No kela lohe ana mai a ke kanaka e make aku ana i ka ninau a ka lunanana, kona enemi, huli mai la kona mau maka a nana mai la ma kahi o ka leo o ka pa-e ana aku.  O na maka o ka lunanana kana o ka ike ana mai a haka pono loa mai la kana nana ana maluna o na maka o ka lunanana me ka paweo a i ole wiwo ole iho, elike me ke ano o ka poe hewa.

            "E Gerena," i palua au ai ka ka lunanana kahea ana, me ka oi iki ae'nae o ka nui o kona leo i nei manawa mamua o Po ka manawa mamua aku.  "Ina e ninau aku ana au ia oe i kekahi ninau, e hiki ana no anei ia oe ke pane mai?"

            Ma kela manawa ua kulou iho la o Masi a kokoke loa i kahi o ka waha o Gerena, i hiki ai iaia ke lohe iho i na olelo a pau a Gerena e pane ae ana.  Ma ka manawa i pane ae ai o Gerena ua kahe mai la ke koko mai ka puka mai ma kona helehelena.  "Ae,." wahi ana o ka pane ana ae.

            "Ma kana mea o ka hawanawana ana ae la a'u o ka lohe ana iho la, e hele ana ka oia ma kela ao no kona hookolokoloia mai ma o," i pane mai ai ka Makai Masi, oiai no oia e kulou iho ana e hoolohe i na mea apau a Gerena e kamailio ae ana.

            Alaila ninau hou aku la ka lunanana:  "E hopu anei makou ia Batolomaio no ka hewa pepehikanaka i hanaia maluna o ke kaaahi, a i make ai hoi o Reminelona?" i ninau aku ai ka lunanana.  "E lawe anei makou iaia ma ke auo l@e kanaka pepehikanaka?  E pane mai."

            "Aole," wahi a kana pane i hoike ae la," i pane mai ai ka Makai Masi.  "Ua kukonukou loa ka eha i loaa ia oe," i pane hou aku ai ka lunanana.  "Me ke kanalua ole au e olelo ae ai e make aku ana oe no kena eha.  E pane mai-owai ka mea nana i ki ia Remonetona a make a holo aku me na daimana i lilo aku ai iaia mailoko aku o ke kuka o Reminetona?"

            Me kahi leo nawali loa ua o Gerena o ka pane ana ae a ka Makai Masi o ka lohe ana iho oiai no na maka o ua o Gerena o ka pane ana ae a ka Makai Masi o ka lohe ana iho oiai no na maka o ua o Gerena e nana pono mai ana i ka Lunanana Baida.  Na ka makai i hoike mai i kana mau olelo o ka lohe ana iho, i ka i ana mai:

            "Pane ae nei na ka aha hookolokolo ka maluna e hookolokolo mai iaia."

            "E hoolohe hou mai, e Gerena," i kauoha aku ai ka Lunanana Baida, e kahi leo nawali, no kamea, ma ia manawa aneane loa oia e maule iho no ka hele awai loa o ke koko mai kona mau wahi iho i ku ai i na poka."  Ua hewa anei oe a aole paha-lohe oe-ua hewa anei oe no ka pepehi ana ia Reminetona a aole paha?"

            "U-a he-wa," i hawanawana ae ai ua o Gerena, a ia manawa loli ae la kana nana ana mai ka lunanana a ia Makai Masi e paa ana iaia, a o ke kanaka hoi nana i kaili aku i ka pu panapana mai ka lima aku o ua o Gerena, a i ka manawa i poha mai ai ka malamalama mai ka hale mai maluna a kau pono loa iho la maluna o na maka  alohilohi o ua o Gerena, leha mai la kana nana ana maluna o ka pu panapana a ka Makai Masi e paa ana, alaila haule aku la kona poo ilalo a pili iho la kona mau maka.

            "Ua hewa au: na'u i ki ia Reminetona-a me ke akamai loa au i hana ai ahiki i ka holopono ana, e al ana no oia ma kuu manawa i komo aku ai a ki ai iaia-owau hookahi ke kauia mai na ahewa ana no kona make ana, aole kekahi mea e ae-mai-"

            Aohe i pau pono mai kana mau olelo i makemake ai e kamailio mai, no ka mea, ua puka mai la ke koko mai kona waha mai, a ia manawa ua kahe pu mai la ma ka puka i ka poka ma kona lae.

            I ka ike ana mai o ka poe e kuku mai ana ma ka puka o ka rumi halawai i ka haule ana iho o ke poo o Gerena iluna o ka papahele, hoomaka ae la lakou e nune mawaena iho o lakou, aohe nae h nee mai imua no kahi o ke kanaka make e waiho ana.  Ua ikeia aku ia manwa kekahi mau peahi e ani ia ae ana mamua o kekahi mau helehelena o na lede o kuku mai ana, a o ka poe i inaina i ka lunanana mamua aku ua ikeia aku ko lakou menemene no ka Lunanana Baida, no ko lakou ike mai i ka heleawai o ke koko mai kona mau wahi iho i eha, e lana ana maluna o ka papahele malalo iho o kona mau wawae.

            Ua hoike ae kekahi o na lede e kuku mai ana oia ke kumu o kela hana hookahekoko maloko o kela rumi ia manwa i ala mai ai, a o ia lede i hoike ae ai pela, ua hiki ole iaia ke hoomanawanui i ka ehaeha  o na mea ana e ikemaka mai ana.

            "Ua lele loa ae la kona aho!" i hoke mai ai ka Makai Masi, me ka hoomoe pono ana mai i ke kino o Gerena maluna o ka papahele a pau kona loa.  "Ua make oia, elike me kana i olelo ae nei, no ka hookolokoloia mai ma kela ao!"

(Aole i pau.)