Ka Nupepa Kuokoa, Volume LVIII, Number 16, 16 ʻApelila 1920 — KA HOIKEIKE MAUKA O PUNAHOU [ARTICLE]
KA HOIKEIKE MAUKA O PUNAHOU
O na hana hoikeike mauka ae nei o Punahou, no na hana hoomanao kenekulia, ma ka auwina la o ka Pōalua aku la i hala, o kekahi ia o na hana hoikeike, i loaa ole kona lua ma na wahi e ae o ka honua nei, he hoikeike hoi, i ku i ka nani ame ka maemae, t- pono ai e haawiia aku na mahalo kiekie ana i Ka l»oe na lakou i hoolala i kela mau hoikeike. Ua pomaikai maoli na malihini ame na kamaaina j;u. i ka ike ana i kekahi mau hiona. i malihini loa i;i lakou; e haawi mai ana hoi i ka ike, no kela au e noho ana keia mau paemoku iloko o ka pouli, a i ke poha ana mai o ka malamalama o ka euanelio, a kakou e hauoli nei i kona mau pomaikai lehulehu i keia la. Aole i poho na hooikaika ana a ka poe na lakou i hoolala i kela mau hana, ame ka poe i komo kino aku iloko o na hoikeike, no ka mea, maloko o na rupepa, na buke nupepa, a ma na hale kiionioni I apuni ke ao nei. e hoikeikeia aku auanei na mea a lakou i hana ai, e hoopomaikaiia aku ai na mea apau ma o keia mau hana hoikeike la.