Ka Nupepa Kuokoa, Volume LVIII, Number 16, 16 ʻApelila 1920 — E MAKEE KAKOU NA HAWAII I KA NAAUAO [ARTICLE]

E MAKEE KAKOU NA HAWAII I KA NAAUAO

Eia ka oihana hoonaauao ke hoouna nei i na palapala i kekahi poe o kakou, a i na ahahui Hawaii. e noi aku ana i na makua meakeiki, e hoouna i ka lakou mau keiki i ke kula a'o kumu, mamuli mai o ka nele maoli o na kula o kakou i keia wa i r.a kumukula. he hoike ana mai hoi keia i ka iini o ka oihana hoonaauao i ko kakou poe ponoi iho. e lilo i mau kumukula me ke kauka'i ole aku i na malihini. Ma ka hoomaopopo ana. maloko o ke kula a'o kumu i keia manawa, ua hapa loa na keiki Hawaii, o na keiki a na Kepani, na Pake. ame kekahi mau U,hui e ae ka hapanui, a ina no ko lakou hookuuia mai, e lilo ana na keiki a kela mau lahui. i mau kumukula, me ke kakaikahi loa o ko kakou mau keiki c noho aku ma kela oihana. Eia mahea ka pilikia i hapa loa ai ko kakou mau keiki. ma ka imi ana i na makaukau ma ke!a oihana? O kekahi o na pilikia nui, aia no ia ma ka oaao ona makua. Ua ili aku ke ko'iko'i maluna o lakou. ka hooikaika ana e hoouna i ka lakou mau keiki ma ke kula a'o kumu. he wahi mea ano maikai ole ia kakou ke nana aku. i ke emi hope loa o ka kakou mau keiki, ma keia oihana ano nui, a o na keiki o na lahui e ae ke pii mau mai iluna. O kakou na kanaka Hawaii ka poe i kamaaina loa i ko kakou ano. aia iloko o kakou na manao makee no ko kakou lahui iho. nolaila i ka noho ana 0 na Hawaii ma ka oihana kumukula, e hiki pono ana ia lakou ke a'o i na keiki Hawaii, mamuli o ia kamaaina i na ano ona keiki Hawaii; aole nae nialaila wale iho la no pau ka waiwai o na«kumu Hawaii, aka o lakou ka poe hiki ke hoomanawanui i ka noho ana ma na wahi kuaaina, no ka mea 'ūa kamaaina no kakou i ka noho ana o ko kakou aina. Ua kupono maoli ka oihana kumukula i na kaikamahine a kakou, ina paha i hiki ole i na keikikane ke hooikaika a loaa ka makaukau ma ia oihana, mamuli o ke katika'i i na oihana e ae, aole ia he kunui e hoohemahema wale ai na makua i ka hoonaauao ana aku i ka lakou mau kaikamahine ma keia ike. O ka mea oi aku o ka pono, o na keikikane e hooikaika lakou ma ka imi ana i ka naauao ame ka 1 ike, ma na hanalima, o keia no kekahi mea a ka oihana hoonaauao e ake nui mai nei i na keikikane t kakou e hoi aku ma ke kula ike hanalima; a o na kaikamahine no hoi, ma ka ike i ka oihana kumukula; ma ka olelo pokole ana ae, e lilo na kakou e hoonaauao ieiio kakou poe iho, a e lawe mai hoi i na oihana sfpau e hiki ana ia kakou ke hopu aku, me ke kauka'i ole na na nialihini e noho ae ia mau oihana.