Ka Nupepa Kuokoa, Volume LVIII, Number 12, 19 Malaki 1920 — HE KEEHINA KU I KA NAAUAO [ARTICLE]

HE KEEHINA KU I KA NAAUAO

Ma na lono like <Me e hoea mai'nei i keia kulanakauhale, aole he wahi maloko nei o keia Teritore, i pakele mai ke kipa ana aku o ka ma'i flu, me ka nui o ka poe i loohia i keia ano ma'i, a ma kekahi mau walii, ua nui maoli ka make me ke kau aku 0 na haawina pilihua a hookaumaha, maluna o kekahi mau ohana lehulehu. He mea nae na makou e hoomaikai nei, no ka lawe ana ae o ke Kalana o Kauai i na keehina kupale i kona mau makaainana} ma ka hookapu ana 1 ka akoakoa nui ana o na kanaka ma kekalii wahi; ke manaoio nei keia pepa, o kekahi ia o na alahele e hoopakeleia ae ai he heluna nui o na kanaka mai ka loaa ana aku i ka ma'i. Ma ka hoomaopopo ana, he ma'i lele keia mai kekahi a i kekahi, elike me na mea oiaio loa e ikeia nei; e lilo ai ka hookapu anfe ka papa ana ika hoakoakoa ana o na kanaka i kahi hook'ahi, i hana hoopakele, a i hana pono loa; no ka mea i ka loaa ana' 0 kekahi mea iloko o ka ohana i ka ma'i, a komo 1 aku ana kekahi e kokua no ka pono o ka mea ma'i, | ua loaa pu mai la oia i ka ma'i, a mā ka moolelo o kekahi mau make lehulehu maloko o keia kulanakauhale, a ma na apana kuaaina, pela iho la i lilo aku ai ke ola o kekahi poe lehulehu. O ke kumu e papa a e hookapu ole ia.nei na hale kii onioni, na kula, na halepule ame kekahi mau wahi akoakoa nui o na kanaka, aole makou i ike; oiai nae i ka manawa i ikeia ai keia ano ma'i, he makahiki a oi i kaahope aku nei, ma keia kulanakauhale, ua laweia ae na keehina makaala apau, ma ka hookapuia ana o na wahi i 4ioikeia ae nei maluna. Oiai nae he kuleana keia i kau aku maluna o ko kakou papa ola, a kela papa nae e hana ole mai nei i kekahi mau hana hoopakele. a hoemi mai i ka laha ana o ka ma'i, o ka makou no e a'o hou aku nei ia kakou na Hawaii, e ao kanaka mai kakou i keia manawa, mai kauka'i a loaa maoli i ka ma'i, aiaila hana aku i kekahi mea, aka ē hoomaka aku ka hoomaemae ana i ke kino, e hoao e hookaawale a.ku i na mea pelapela apau o ka noho ohana ana, a maluna ae o na mea apau, e maka'u aku i ke Akua; he mau mea kokua mai keia i ka hoopakele ana ae 1 ke kanaka mailoko mai o ka poino.Ua kamailio nwi kekahi mea ia makou, o ko ke lima, kekahi iloko o keia ma'i e pahola nei, j a e luku nei i kekahi heluna nui o na kanaka; o ka pololei nae, ame ka pololei ole o ia manao, aohe niea.a keia pepa e kamailio ai, koe wale no keia, e hoao kakou e ola aku ma ke ano maemae, aole ma ke kino wale no, aka ma ka uhane kekahi; no ka mea aole kakou i ike i ka hora e hoea mai ai ka anela o ka make, aohe hewa o ka hoomakaukau i ka wa pono.