Ka Nupepa Kuokoa, Volume LVIII, Number 12, 19 Malaki 1920 — SGT REMES KUKAPU UA HALA. [ARTICLE]

SGT REMES KUKAPU UA HALA.

Mr. Lunahooponopono o ka Nupepa Kuokoa, Aloha oluolu mai kou puuwai ahouui no'u noi kekahi wahi keena kaawale o kaua hiwahiwa, aau hoi e hoomaikeike aku i ka 'u 'wahi ukana ko'iko'i a luuluu a ka puuwai ij •na kupuna, na makua, na hoahanau ame ka ohana, mai ka la puka ma'Ha 'eha'e i Kumukahi i ka lae o ka i'a, a ke kaohi ana a ka la ika weiona o Lehua. £ ha 'i iho hoi oe, o kuu mea alōhā he kane, ua hookoo, a ua wehe i ka pili a niaua i pili ai, me ke aloha oiaio o ka wahine i ke kane, a o ke kane hoi i ka wahine. Luuluu wale! Aloha Kailua, Kona kaiopua i ka la 'i ua malie, e hooipo ana hoi me Hiku me Kawelu, o ua mau hoahanau o'u i ka i'a ka kowali o ka aina he ahi; he ahi ko aloha e kuu kane i kuu houpo, he momi hoi na kuu puuwai a'u e poina ole ai, pehea hoi e poina ai, he mea na'u i minamina ai. Ae, aloha o Hoookohau anje Kaloko, kahi a kuu kane i holoholo ai i kon.i mau la kamalii, bebe, hiialo hoi nau c Kaloa ame Puukala.; He milimili hoi nau e Keaukukuiula ame Hu 'ehu 'e, he punaheie hoi nau e Makalawena- i na Kekaha, o Keaukaha a i ole aia no ola i ka ihu o ka moku, i«ka uka hoi o ke kuahiwi, i ka loa.hoi o.Kailua. Walohia wale! - Aloha Hualalai, nani o na Kona, konakona ko aloha e kuu kane, alaiiai paa hoi mamua o'u, i ka ukana nui a ka lihilihi he waiinaka, hoomakamaka hewa hoi au e kuu aloha me ko kino wailua, "ua puanuanu ke kino, ua hala hoi ka uhaue. Menemene wale! He oiaio, ua hanauia kuu kane aloha, Sgt. Remes Kukapu ma- Puukq|a, Kailua, Kona, Hawaii, ma ka mahina o .Maraki, la 12, 1881, mai ka puhaka mai o Akina ame Rev. Kukapu, kona mau luaui makua aloha, a ua hoonaauaoia hoi ma ke kula hanai o Hilo, a.ma ka makahiki 1903, hoomaka maua e noho pu ma Kapalama , a i ka 1911 neemai ko maua noho ana uo Alamoana Road ame Oooke, helu 721, kahi a maua i noho a pili aloha ai no eiwa makahiki, a haalele hookahi iho la oia ia'u me na keiki hanai lehulehu a maua, e uwe aku ana nona ko lakou makuakaue aloha, i ike ole ia mea he kaniuhu ame ka huhu, oiai he mea nui kana mau keiki apau iaia, a pela hoi me ka ohana ame kona mau hoaloha, e ai ia ana hoi kahi mea uuku i ka wa loaa ame ka wa nele, a iloko o ka loihi o ko maua noho ana o umi-kumamahiku makahiki, aole loa he wa i mokuahana ai ke kane ame ka wahine, ua noho ia iloko o ka puihehana o ke alolia ame ka hauoli, a i ke kikoo ana mai la o na lima o ka make a lawe aku iaia, ua kanuia iho la kana momi ma'ema'e iloko o ko'u puuwai he aloha ilo.ko o ka hoomanawanui. "He kakiana ke kulana o ka'u kane iloko oka pualikoa Hawaii, M. C. o ka N. G. IJ., oia hoi ke Quartermaater C'orps, National Guard of Hawaii, no umkkumamawalu makahiki ka loihi o kona noho ana iloko o keia pualikoa Hawaii, me ka'u mau hooniaikai palena ole i na aliikoa, Capt. Im. Hoopa'i, Majors J. M. Camara, John W. Short aine Wm. R/ Ouderkirk, Bam Kepano. Na ke aloha keiki i kono aku i kona mau makua e holo mai no Honolulu nei, a ike i ka huaka'i hope loa o ka laua keiki, a i ka .make aua aku la o kuu aloha, ua piha iaia na makahiki he 39 o kona hanu ana i na ea oluolu o keia ao, no'u ka nawaliwali am? na keiki a maua, eia nae, oia ka niea o maua i haalele mai i keia ola ana, iloko o ke kaumaha ame ka ehaeh. Me ka'u mau hoomaikai hoi no ka ohaua ame na hoaloha ame kd ku kiai ana o ka oihanakoa i ke kino o kuu aloha, ma kahi i waiho ai o kona kino, a }jola hoi me ua makana pua apau, a pela hoi ma kana huaka'i hope loa, no ka pa ilina o Kawaiahao, e lawe aku i ka'u inau hoomaikai no oukou apau ]oa. Nana no i haawi mai a Nana no i lawe aku; e hoomaikaiia ai ka inoa o ko kakou Makua Lani ma na lani kiekie loa, ha malu hoi Kona ma ka honua npi, he aloha i na kanaka. Owau iho no me ka oiaio amo kuu maii keiki i hooneleia i ka makua. ! MRS. KLIZA R. KUKAI'U. | 7-1 (Jook,e St., Kewalo. i