Ka Nupepa Kuokoa, Volume LVIII, Number 11, 12 March 1920 — Page 2

Ka Nupepa Kuokoa

 

 

NA MEAHOU LIKE OLE MAI HONOKOHAU AHIKI I KAHAUIKI.

 

            Mr. Lunahooponopono o ka Nupepa Kuokoa. ka ipukukui hoi nana e hoomalamalama nei i kela mea keia mea heluhelu apuni ke Teritore o Hawaii, Aloha mai: --E oluolu hou mai oe no’u kekahi kolamu kaawale, a e hookipa aku hoi i kela poomanao e kau ae la maluna.

            Mamua o ko’u hoakaka ana aku ke haawi mua aku nei au i ko’u mahalo a nui i na mea na laua ka paina, oia hoi o Mr. ame Mrs. Lizzie Choy Foo.

            Ma ka Poakolu. Feb. 18, o keia makahiki, aia hou ua loaa mai la ke kona ia’u no ka hiki ana aku ma ko laua home me ka malama pu ana i ka laua paina konohi ma ia ahiahi.

            Nolaila ua haalele iho la au i ko’u home ma Kahauiki nei, a hooko aku ma ke akahele no Honokohau, aia hoi ua hiki mua aku la au ma ka home o ko’u mau makua, Mr. ame Mrs. Kalama. Hoea aku au. e hoomakaukau ana ko laua paina awakea me ka laua moopuna. Ia wa no, pepehiia iho la o Hanale e Keoni bulu.

            Pau ia. pii aku la ko’u unele no kaho o ka leo kono i kaheaia mai ai ia makou; a li’uli’u wale iho oiai au me ko’u aunty e nanea ana, hoea ana no o Choy Foo, a kahea ana no ia’u, hele mauka, Lizzie makemake oe: o ko’u ae aku la no hoi ia. Pane aku la au i ko’u aunty o pii kaua: pane mai la hoi kela mahope aku no au: aole no hoi o’u ae i kona manao. a o kona haawipio mai la no hoi ia, a o ko maua lilo ana aku la ia me kuu Mabel dear.

            Ia makou e oni la, aia hoi mau lo’i kalo e ulu ana. a e noho ona ia aku ana hoi e ka Mea Hanohano David T. Fleming e Honolua Ranch; oiai aia o Mr. Choy Foo ke noho nei ma Honokohau no ka malama ame ka hana ana i na lo’i kalo i pau ke kalo. a e kanu hou ak uana hoi ma ia mau lo’i.

            Ke lilo la no maua a hoea aku la mamua iho o ka auwai e kokoke aku ana i ka hale o ko’u kaikuaana punalua, ma o ke kaikuaana la o ka’u aliikane, pane no hoi kela ia maua, e pii loa ana no ka ko olua kino, o ko maua oe aku la no ia. Pane hou no hoi kela mamua aku olua a mahope aku ko’u kino. Ae aku la no hoi maua, a ke nee la no maua poniua; aneane aku ana e hoea i ka home kahi o ke kono, pa-e ana no ka loe kahea. “Mai, mai,” o ko maua eleu aku la no ia ahiki ana i kauhale.

            Nanea iho la a li’uli’u hoomakaukau koke no, kuke mai la o Choy Foo, a mai la ka imu puaa; makaukau no hoi ka papaaina; mahope wale iho mo-a no hoi na meaai e kukeia ana iloko, mo-a no hoi ka puaa, weheia mai la a hoomakaukauia aku la ma ke pakaukau.

            Auwe, he ulumahiehie hoi kau o ka papaaina, i hoomakaukauia me na meaai like ole, e laa ka poi, laiki, palaoa, meaono, puaa kalua paa, puaa uwahi, moa i kupaia me na mea hoonoono a ka Pake. opihi me ka limu, waimomona, maia. pineki. Alani. A he nui wale aku. He ono. He nani, he ohuohu, a he ulumahiehie hoi kau; ua ai a inu i na mea i hoomakaukauia a lawa, a koe i ka papaaina. a o ia ka’u e mahalo nei.

            Ma ka papaaina mua Mr. Choy Foo me kana mau keiki, Jas. Hood, Henry Chong, Mr. ame Mrs. Sol. K. Pali me ka laua mau keiki, Geo. Kauhi, Mrs. Punohu Keaupuni me kana bebe, Koa David.

            Ma ka papaaina pope, Mrs. Lizzie Choy Foo, Mrs. Kalama, Mrs. Koa David, Mrs Kauhi. Mr. ame Mrs. S. P. Kaaia me ka laua moopuna, a owau no hoi ka mea kakau nei, a ia makou e haupa ana komo ana no ko’u uncle mai Nakalele mai kona hoi ana mai, mai ka hana mai, o ia hoi ke puhikukui. Ko makou ai ia a pau, nanea iho la, hoi no hoi ka poe hoi, koe ka poe i koe iho; ua hoaumoe iho la ma ia home.

            Ua ala aku ka mea kakau nei, ahiki ole ke hoomau aku, ua lilo aku la au me @olopua. a puiwa i ke kani a ka pahupahu o ka hora 12 keia; ala ae la, e hoomanamana ana na Pake. Auwe, he oehia hoi kau!

            Pau ia hoomakaukau mai la o Choy Foo he papaaina mama no ka ohana o ka home, oiai o Mrs. Choy Foo, Mrs. Kalama, Mrs. Keaupuni, Mrs. Koa, e ala ana no. ame ka mea kakau nei hoi i ala aku ai. O ia papaaina maemae no hoi ia, mo-a no hoi ke ti mahana, o ka meaono no hoi, kanake Pake, alani Pake, anoano, lau ti, pineki, a he nui wale aku.

            Pau ia papaaina ua hoi aku la ko makou poe e hooluolu, a koe iho la maua me Mrs. Choy Foo, e nanea wale ana no. a kani no hoi ka leo o ka moa, e i mai ana ua ae: o ko maua eleu aku la no ia, a a ana kahi ahi. mo’a kekahi waiwela ti, o ke kakahiaka Poaha ia.

            Pau ka inu ti kakahiaka, hoi aku la o Mrs. Koa me Mrs. Keaupuni, koe no ao me ko’u aunty, nanea ana me na mauao hanoli me na mea o ka home. a kani ka aina awakea, a ma ka auwina la na hoi mai la au me ko’u aunty a hoea i ko laua home a hoomakaukau ae la au no ke alahele e hoi mai ai no Kahauiki nei.

            Ma ke alahele kikeekee a’u i hoi mai ai. lohe iho la au, he ma’i o Mrs. Annie Keanu mamuli ka o ka pepehiia ana e kana kaikamahine hiapo. Kupaianaha, hoi mai oia mai Kalihi mai no ke aloha i ke keiki, ela ka o ka hana ia a ke kaikamahine e hana aku ai i kona manua.

            I ka Poalima ana ae, ua hiki kino aku ka mea kakau nei no ka ike aha aku iaia, he oiaio e moe mai ana oia ma kahi moe. O ka pane mai iaia mai, ua like oia me ka mea keiki ole. Hele aku ka kaikamahine mahope o ka mea i iini ai. a aohe nanaia mai o ka makua. Hele mamuli o ke a’o a ka makuahine, a e ole kekahi keikikane, ma kahi paha o ka 12 a i ole 13 o na makahiki. loaa ka mea nana e malama i keia mama ma’i. wahi a ka makuahine i pane mai ai ia’u. Ua loaa no hoi ka mama i ka @.

            Kekahi. owau ka i lawe olelo ia. a aia like a like me ka noho paniolo o na keiki paniolo. Ke kau mau ia maluna o ke kua o ka lio. Peia iho la ke kau i ka nuku a pipili i ka lehelehe o ka poe lawe olelo. a pa@eo hoi ke ike mai.

 

HE HOALOHALOHA NO WILLIAM MOSES HE U.

 

            Mr. Lunahooponopono o ka Nupepa Kuokoa, Sol. Hanohano, Aloha oe:--E oluolu mai kou ahonui, no’u hoi kekahi wahi kaawale o ka kana hiwahiwa, i ike mai na ohana ame na hoaloha. No ka makou mea aloha. Ua wehe mai la i ka poli o ka makua, ke kupuna ame maua kona uncle ame kona aunty, a hoi aku la ka lepo i ka lepo, a o ka uhane me ka mea nana i hana.

            Ua hanauia mai ka makou mea aloha, mai ka puhaka mai o Mr. ame Mrs. Clement M. He-u, Jr., ma ka la 15 o Iulai, 1919, a wehe mai la i ka pili i ka la 25 o Feberuari, 1920, ua like me 7 mahina o kona hanu ana i keia ola maulena ana.

            Iloko no hoi o ka uuku o kona wahi kino, aka o kaua mau hana hoaloha loha ua lilo ia i kiahoomanao na makou e poina ole ai. Auwe no hoi ko makou hoaa e! Bebe Hoopa’i e, aia aku nei oe ihea? Aia aku nei paha me Hiku i ka nahele, me ka eueu o ke kualono me ka wahine kui pua lehua o Panaewa: aia aku nei paha me Niolopua kahi i hoonipo ai. Auwe no hoi kou haalele manawaino ia makou i kou mama, papa, tutu, uncle ame kou aunty nei!

            Heaha la ka makou hewa nui i haalele manawaino mai ai oe ia’u? Bebe Hoopa’i e, ke huli ae nei au ia oe, pehea la oe e loaa ai? E ke alanui Liliha e. ua pau ko bebe Wm Moses He’u holoholo hou ana maluna ou; e ke kaa uwila e owe mai nei, ua pau ko bebe Hoopa’i lohe hou ana i kou owe mai: ua pau no hoi kona minoaka hou ana ia oe.

            E Yee Wo Block e, ma kou mau rumi i puka mai ai ka makou mea aloha, a ma Hapai Block hoi i wehe mai ai i ka puili aloha ana o ka makua. Auwe no hoi ka manaonao e, ke hoomanao ae ia oe e bebe! E Nuuanu e. ua ike mai la paha me ke kaikuahine me Kaapana kahi i holoholo kaa otomobile ai; a i ole aia aku nei paha i ka nuku o Nuuanu, i ke alanui kikeekee. Ke ike aku oe ia bebe Hoopa’i, oluolu hoi oe e hoihoi mai iaia. Ua pau, ua hala no ka wa mau loa; ua pau no hoi kou hoopa hou ana i kou makani hu’ihi’i ma kona mau paualina lahilohi. E Niolopa e, ua ike mai la ao paha oe ia bebe Hoopa’i, oluohu hoi oe e hoihoi mai; ua pau, ua hala, ua pau kona holokaa hou ana ma kou mau alanui ua moe aku la i ka moe kau moe hooilo.

            Ua imiia no hoi ke ola i ke kauka. he ole nae ka loaa mai o ka maha. Ua oi aku ka ma’i mamua o ka mea hiki.

            Ua mae ka nani o ka pua, ua kii mai la no ka mea nana i hana; ua hoi ka lepo i ka lepo, a o ka uhane me ka mea nana i hana. Ma ka la 25 o Feberuari i laweia aku ai kona kino i kahi o ka papa ole, malaila ae i kahi waiho kino o W. Borthwiok, malila ae i maneleia aku ai kona kino wailua ma ka ilina o Maemae liilii, a hoi aku la kona kino no ka lepo, a oika uhane me ka mea nana i hana; nolaila, ke haawi aku nei makou i na hoomaikai ana i ka poe i lawe mai i ka lakou hoike pua ame na lei no ka hoohiwahiwa ana i kona kino wailua. A “E hoomaikaiia ka inoa o ka Haku o Iesu Kristo, nana no i haawi mai a Nana no i lawe aku. a pela no hoi oia e lawe aku ai i na kaumaha mailuna aku o kona mau makua.

            O makou iho no me ka luuluu, no ka makou bebe hele loa.

MR. & MRS. CLEMENT M. HE’U, JR.

 

AHAHUI KULA SABATI, MOKUPUNI O KAUAI.

 

            E noho mai ana ka Ahahui i oleloia i ka manawa e noho mai ai o ka Ahahui o na Ekalesia Ahahuina o ka Mokupuni o Kanai nei, ma ka luakini Hawaii o Lihue, Maraki 19, 1920.

            O ka malama ola no no Kula Sabati i ka Aha Mokupuni, $2; no ke Kula Sabati hookahi, $1 no ka waihona o ke kula; ina nae hoi e pau koke ana keia ma’i liku me ke ahulau.

            E hoomakaukau e na mea apau no ka aha.

ABBIE KAAUWAI,

Kakauolelo Ahahui Kula Sabati, Mokupuni o Kauai.

 

Pau ia, lohe pu iho la ka mea kakau nei i na olelo hoinoino a he nui wale e pili ana i na Maoamona mare lehulehu, mai kekahi hoa mai o ua halawai nei. Kupaianaha, o ia iho la ka paha ka hoopau ana o ka halawai a ka poe Kakolika. Ma keia halawai wale no au i lohe ai i keia mea hou. Ka huikau o na misiona me na hoahauau a he nui wale aku; manene no hoi ka papeiao ke hoolohe aku. aka, mahalo no; o ke alakai ana paha ia a ka uhane ma ka lakou leo pule.

            Ma ia la hookahi no. loheia mai la ua pau kekahi mau eka ko o ka mahiko o nahaina i ka a ia e ke ahi, ma keia aoao ma Mahinahina nei. He puhipuhi opala na ka poe hana o ka ranch nei, a mamuli paha o ka ikaika o ka pa ana a ka makani, peia iho ia ka lele o ka hunahuna ahi ma o a maanei, a pau he heluna nui o na eka ko ma kahi paha o ke 35 eka.

            Ma ka Lapule ana ae. ua hele aku ka poe hana o ka ranch nei, no ke oki ana i ke ko, a he mau la ia i okiia ai.

            He ua liilii ko makou i ka Lapule nei; aole no i ka nui aku.

            Pii makaikai aku la ka mea kakau nei mai Kahauiki aku nouka o Kaluanui, ike maka aku la i ka nani o ia uka; a i ka palena pau hoi o kahi e nee aku ai o ke kaa nomua. Aia hoi he alanui huli poepoe kahi o ke kaa e lilo la, ma o ka hookele ana a ka’u aliikane.

            Huli aku ia nana i ke kau mai o Eeke, a i ka uhipaaia mai hoi e ka ohu, me kahi o na mile ka mamao.

            Huli aku la hoi i kai i ke ku mai o na pali po i ka ohu a o Honokohau; auwe. he u’i hoi kau. O ka waiho mai hoi a na kaupapalo’i, auwe, he uliuli hoi kau a ko’u maka e kau malie la.

            Hoi mai la ma ke alahele, me ke kilohi pu ana iho i ke alanui ma kahi kiekie i ka pali. a o Kapulehu. a i ka hu hoi a ka makaui e pa mai ana. Auwe, kiekie no hoi ka pali ke nana iho. e ulu ana na kumu kukui, ohia, ama’u aine na nahelehele like ole.

            Maluna ae o na mea apau. ke manao nei ka meakakau ua nui a ua lawa keia hooluhi ana i kou lokomaikai e Solomon Hanohano ame na keiki hoolele hua kepau o kou keena pa’i.

Owau no me ka haahaa.

MRS. EMILY K. PALI.

 

KO MAKOU AUNTY ALOHA MRS. ANNIE K. KEKUEWA A UA HALA.

 

            Mr. Sol Hanohano, Lunahooponopono o ka Nupepa Kuokoa, Aloha oe:--E oluolu i kou ahonui e hookomo iho ma kekahi keena o ka kakou hiwahiwa i ke poomanao e kau ae la maluna, no ko makou aunty i aloha nui ia, Mrs. Annie Kaleoaloha Kekuewa i hala.

            No ka mea ua oluolu i ka Mea Mana loa ke kii ana mai a lawe aku i ka hanu ola o ko makou aunty ma na hora wanaao o ka Poaono, Feb. 21, 1920, a nihi malie aku la ka hele ana noke ala hoi oie mai; a ko iho la ka olelo a ka Buke Nui i i mai ai: “He mahu ke ola o ke kauaka i pua ae a nalo aku la no ka wa mau loa,” a e kali aku ana i ka leo o ka pu a ka anela o ke kani mai.

            Nolaila, o makou o na keiki hanauna lehulehu a ko makou aunty aloha hoi i aooliio mai ai ia makou me he la he keiki ponoi mai kona puhaka mai, oiai ua nele kona kihapai i ka hoohua ana mai ia mea he keiki.

            He makuahine hoi i piha me na hana maikai he lehulehu ia makou na keiki, na moopuna ame ka ohana, he makuahine no hoi e makaala ana i ke ano o kona noho home ana, a he noeau i na hanalima like ole, i pili loa aku i ka hooponopono home ana.

            He nui kana mau hana kokua i hana ai i ka poe i pilikia, e haawi ana me ka minamina ole, a oi loa aku i nui hana kokua i ko ke Akua aupuni.

            He makuahine haipule no hoi, he makuahine iini e hui pu i na hana pono o kona ekalesia, aka, mamuli o ka pili mau o ka nawaliwali i kona kino ua hiki ole ke hooko mau aku i ka hana. He makuahine no hoi i hoomanawanui i na ehaeha he nui a ha a aku la.

            He mau la wale no kona kaama’i ana, na imiia no ke ola iloko o na kauka, aole nae ia he mea e palekana ae ai, no ka mea, ua oi aku ka ikaika a ka ma’i mamua o ka mea hiki ke hana aku, nona makou e u ae nei me ka minamina ame ke aloha pau ole, e huli ae ana aohe e loaa.

            Ua akoakoa no kekahi hapa o na ke iki, oiai e aneane aku ana o haalele mai a o kekahi hapa o na keiki aole no i ike i kona hanu hope, no ka mea, ua kaawale aku ka noho ana ma keia kulanakauhale nei, aka i ka wa i oili aku ai ka lono hoohikilele ua hala o aunty, he oiaio ua akoakoa mai la na keiki ma kona home e paiauma aku ana nona me ke aloha kupouli. Auwe ka mea aloha ke hoomanao ae!

            Ua piliia eia kekahi mau wahi kaulana o ko kakou paemoku nei.  E Hilo i ka ua Kanilehua e, ua pau kona ike hou ana ma kou mau kualono nani. E ka wahine hookalakupua o ka lua, ke kikowaena hoi o Hawaii, ua pau kona kilohi hou ana i kou nani kamahao!

            E Kau e, i ka ua Haao, kahi ana i hoohala aku ai no kekahi mau makahiki lehulehu, ua pau kona hehi hou ana aku ma kou mau papalina aloha!

            E Kona i ke kai malina e, kahi hoi o kona hanaumua e noho mai la me kana wahine, Hon. Ame Mrs. E. K. Kaaua, ua pau kona auau hou ana ia kai kaulana o ia aina, a ua pau hoi kona maalo hou ana aku ma ko olua home aloha, no ka mea, ua nihi aku la ka hele ana a ka wahine e kuoe hookahi i ke ala makamaka ole. Aloha wale!

            E ka pali hulilua o Waipio e, ame ka wailele o Hiilawe, kahi hoi ana i holoholo ai i kona mau la kamalii me kena kaikunane ame kona mau hoaha hau, ua pau kona ike hou ana aku ia oe no ka wa mau loa.

            E ke Paniwai o Iao e, kahi hoi a ko makou aunty iholo makaikai aku a e ike kumaka ia wai kaulana o ia aina, ua pau kona haulani hou ana aku iloko o kou wai hu’ihu’i, a e kilohi ae ana hoi i ka waiho kahela mai o ke kuahiwi nani o Haleakala, ua pau ko oukou ike hou ana mai iaia, no ka mea, ua uhi mai la ka ohu a nalo aku la.

            E Waialua Kupolua i ka la’i, kekahi o na wahi ana i hoohala aku ai i kona mau la o ka wahine u’i me kona kai kuaana hoahanau aloha, ua pau kou ike ana iaia ame kou hoopulu ana iaia me na ehukai o Puaena me ka makani kaulana o ia aina, Kawaikoloa, e iniiniki ana ma kona mau papalina nohea. Ua pau ua nalo aku la no ka wa mau loa.

            E Ewa i ka ia hamauleo e, kahi a lo makou aunty aloha i hoohala aku ai no kekahi manawa lehulehu, me ia mau keiki e noho mai la ma Waipahu, Mr. ame Mrs. Jas. Kapepa, ua pau ko olua lohe hou ana i kona leo aloha ame kona maalo hou ana aku ma ko olua home, kau hoi ana i hoohala aku ai no ka loaa hou mai o kona ola kino maikai; ua ikei: no ka pono ma ia hana ana, eia ka @ nalo aku ana oia no ka awa mau loa ua hiki ole aku ia kakou ke paa aku ia kuleana ia kakou, o ke Akua wale no.

            E ke kaona i ka huikau a na kanaka ame Hauhaukoi, kahi hoi o kona home aloha e kukilakila nei, ka home hoi ana i hoolilo aku ai o kona aniani kilohi ia e kilohi mau aku ai i na manawa apau, ma na paia ame na nani like ole ana i hana maiau ai me kona mau lima palupalu. Aloha wale ia mau hana maika a ko makou aunty i hana ai!

            E ko makou uncle aloha hoi, ka hoa pili o ko makou aunty, ke kane Edward K. Kekuewa, ka lima akau hoi o kona home i lawe mai ai i makua nona, a makua pu hoi-no makou na keiki, i hoa ohumuhumu pu no hoi i ko olua mau la i pliiia ai, a na ka moku ana o ke kaula gula, ka mea hoi nana i hookaawale ae i ko olua pili aloha ana. Aloha no!

            E ko makou makuahine, a kaikuaana hoahanau hoi o ka mea hele loa, ua pau ko olua pili ana he mau hoahauai kekahi ame kekahi, no ka mea, ua niau palanehe aku oia mai ia oe aku a waiho iho la i ka ukana nui nau e hiipoi aku mahope nei. aole oe e loke hou ana i kona teo e kahea mai ana e kua ana, auhea aku nei ho ioe? Pela no hoi me kona helehelena, i anoai paha i ke kau mai o kona kii ma na paio o kona home, au no hoi e paiauma mau nei i na wa apau. Auwe no hoi ka walohia e!

            Nolaila, o makou o na keiki i hoone leia i ka aunty, ke auamo pu nei makou ia ukana o ke aloha me ka poina ole i kau mau hana maikai i hana mai ai ia makou, me ke kunipaa ana iho iloko o ko makou puuwai pakahi.

            O ka makou hoomaikai i na makuahine ame na makuakane o kona ekalesia aloha o Kaumakapili, me ka Rev. S. K. Samaiopili, ame na hoaloha lehulehu e ae i komo pu mai hoi i ko makou wa o ke kaumaha me na makana pua lehulehu me ke ukali pu ana hoi ma kana huaka’i hope loa.

 

LIHIKAI O MOKUAEO O MOANALUA.

 

            Kuu Solomon Hanohano, Aloha kaua:--E oluolu mai no keia mau wahi puhee o kuu lihikai:

            Ma kekahi la o kela pule aku nei, ua loaa mai la ia’u ka lono no ka nawaliwali o kuu polii, o ka hoomakaukau iho la no ia no ka holo ana i aku maluna o ka waa, e kaaa hunona. a i ka makaukau ana, o ka nee aku ia no ia o na wahi waa nei me kona wahi kino pananai; o ka mea apiki, ua lilo kela kaumaha o mana i mea ole loa. nana aku oe la he hoohanea hoi kau. a eia au ke nana nei i ua aekai nei, a’u e holoholo ana i kuu manawa e komo ana i kahi olewawae ekekei, a kau pono iho la mana maluna o ke awa o Kalihi.

            Ke nana nei no kou meakakau, a kau aku la’i kahi papa’u, eia maua ke aloalo nei i ko ha lo aha, o la hoi e uhai ana i kekahi moali alanui, i hanaia no i ka wa kai papalu, a hoomanu o ae laau i ko’u manawa e noho pu nana me kuu wahi hulu makuakane, owau iho la no kona wahi kanena nana e paualo i ko maua waa ahiki i kana wahi e makemake ai a pe a hoi keia a’u e ike iwa @ ku iho la ua wahi moku waa nei o nomua.

            Mea aku la au i ko’u wahi hoa, ua ewa keia mau kai ia’u i ka heleia ma po maua papa, o ka mea apiki, aole i @aa ia’u ke ike lawai’a, a o kuu pokai ole ona kokoke nei me ko maua papa, ka oia o maua ke kanaka lawai’a.

            Hiki aku la i kona home; a hui iho a me ia, he ka laua no wailiwali maoli kona, no ke anu mai no ame ka hoekino mai loa kekahi. ame na kukakuka ana no kona pono, e ponoi mau aku i ka Makua ma ka kuai e kala mai i kau lawehala ia ha’i a e akahele ka hele mai ame i ke anu, a i ko’u nana apa i kona makaukau maukeia oihana lawai’a a makaukau piha maoli aoi, e hiki ke olelo nei @ iluna ua honua ilalo e ka ai na wa nae he lohe wale no kakou no a ike maka i kona makaukau.

            Ua nui ko’u mahalo iaia, i kona lawe na mai @ ka @lia a ka@nahua a kuku’u oa@ imua o na mea apau, a e nana@ a aku e na mea apau, a laweia mai au o e lo imua oiu i kona kulana makaukau, a i ko’u ikemaka ana ua hooiaio nei au ia mau olelo, aka, hookahi wale no uku mea i ahewaiai iaia, o ia keia, aole loa oia i lawe, mai i na rula maikai, oia hoi, e hoemi mai ka manawa hana. ke emi mai nei ka ikaika o ke kino, o ia iho ia ke kumu loaa o ka piliki.

            I kau nana ana i ua pokii nei o’u. ua loaa i ke anu, o ia wale no kahi pilikia ame na a’o maikai ana e malama nono loa e loaa ana no ka ikaika maia kai o ke kino, ua nui no hoi ko’u hauoli i ka hui ana aku me ia hula makua kane o’u nei, ame ka’u mau olelo nona. Eia no oe ke hookolo ae nei, eia hoi makou opiopio ke hoi mua ae nei. Ae, aa pololei oe e kuu keiki,  na hala aku ko olua makua ma kela ao, o koe hookahi no hoi au, e hana nei i keia oihana he lawai’a, o kahi hee no o kahi nanini no ame kahi puhi, loaa no kahi hapaha, aia wale no ia la i ka mama, a mau no kona noe ana nomua.

            O na opio keia, ke pau aku nei i ka make, no ka malama ole no kekahi i ke ola kino; ae, ua pololei oe ke nana aku i ka noho ana o keia ohana maluna o keia moku ailana, ua makaukau maoli no ko lakou noho ana, hoihoi no hoi na maka ke nana aku ame ka makaikai ana i kahi no a’u e holoholo ana i kua nanawa liilii, o ia mau no, aka ua loli ae ma ka nui o n home ame na makeaukau piha maoli.

            Ua nui no hoi ka hauoli i ka hui ana aku me ia mau makamaka o ua kana nei, ua nui no hoi na opio e ulu ae ana na ka nana aku, a kou meakakau nei, ne piha Hawaii maoli no, ua nui maoli ia pulapula. Hawaii e ulu ae ana, ina pela ka pee ana, alaila o kahi kupono maoli keia no ka hooulu ana i ka lahui, aka o ka mea apiki wale no, he niki wale no ke helewawae aku a kau luna o ua wahi moku ailana nei, o ka haunaele no ia o ka noho maluhia ana, ame kuu noho iki ana me na pokii nei o’u ame ka’u mau olelo hoolana, a huli hoi mai la me ka hauoli o kahi manao, o ia hoi, na pau ka pikikio. eia oia ke alii malie mai nei i na manawa apau iloko o ka lima o ka Makua lani.

            E kala mai ua nui keia mau hua inanona.                       

Kou kiu.

 

OLELO HOOHOLO HOALOHALOHA.

 

                        Ua hala ia hoapaahana,

                        Ua kuu ka lohi,

                        Ua ko ka iini,

                        Ua hoi me ka makua.

            OIAI, elike me ka auapu awila i ka nae opua, pela ka lono hoohikilele a hoolelehauli kaumaha i pa e mai, mai na pali hauliuli o ke Koolau, inaiwaena nai o na malapua hoano o Laie, ka aina i ka ehou o na manu, ma ka la 13 o Feberuari, 1920, i ka hele palanahe ana aku ka uhane o ia hoapaahana iloko o ka hana a ke Akua, Keawe K. Kaleikini, ma ke alaloa i ke ao polohiwa a Kane i ka poli o ka makua Mana Loa, i waiho iho la i ke kino wailua na ko wahine kane make, na keiki ame ka ohana e u kau noua. Nolaila:

            E hooholoia, o makou o na kini haiWale Anaina Home o Kaimuki, Waialae ame Palolo, ma o ko makou komite la, ke komo pu aku nei iloko o ke aloha kaumako me ka wahine i hooneleia i ka hoapili, na keiki i hooneleia i ka makua ame ka ohana i hookiia ka launa hou ina me ia:

            E hooholoia, o ka makou leo kalokalo i ka Lani Kiekie, e hoomalielie ia ko oukou mau kaomaha, a e pahola mai ko ke Akua aloha maluna o oukou apau.

            E hooholoia, e hoounaia kekahi hope i keia olelo hooholo hoalohaloha i ka wahine kane make ame ka ohana, a i hookahi hope i ka Nupepa Kuokoa.

                                                JAS. KAMAKA.

                                                BENJ. H. MAHOE.

                                                GEO. MAKALENA.

                                                MRS. J. KAMAKA,

                                                MRS. LUCY KALAIWAHEA,

 

Maikei a nui loa a na ke Akua e hoomaikai mai ka mea oi ae, a i ka Lunahooponopono ame na keiki hoonohohua o ka papapa’i ko makou welina.

            O makou no me ka luuluu,

                        MR. & MRS. S. K. APELA,

                        MR. & MRS. CHAS. NELSON,

                        MR. & MRS W. W. JARRETT,

                        M. & Mrs. JAS. KAPEPA,

                        MR. & MRS. B. K. NAKILA,

                        MR. & MRS. W. KEALOHA.

 

KUU MINAMINA PAU OLE NO S. MAKAILA OPIO I HALA.

 

            Kuu Sol. Hanohano, aloha malihini kaua:--E oluolu mai hoi eo e kuu milimili o ia hoi ka Nupepa Kuokoa, i kauwahi kaawale o kou rumi, no ka’u mea aloha e kau ae la maluna, e hoike aku hoi i na ohana ame na hoaloha ame na makamaka, mai ka la hiki mai ma Kumukahi a ka welona a ka la i ka mole olu o Lehua.

            Ma ka la 28 o ka mahina o Feberuari i kii mai ai ka lima mana o ke Akua, ua lawe aku i kona wahi hoomaha ma ka lani, ma ka po Poaono hora 9:30 p.m. i pauaho mai ai kuu pokii kane aloha, a waiho iho la i ke kino wailua na’u ame kana wahine aloha me na keiki aloha i hooneleia i ka makuakane, me ka papa aloha me ka ohana apau, e u aku nona ma keia ao mauleule.

            Auwe no hoi ka ehaeha o ka puuwai e! Ko ae la ka olelo a ka Kuke Nui, e hoi ka lepo i ka lepo.

            Ua hanauia mai keia keiki opio mai ka huhaka mai o kona mau makua aloha Sam Makaila Ohule, i ka makahiki 1878, la 18 o Feberuari, a ua piha iaia na makahiki 41 o kona hanu ana i na ea hu ihu’i o keia ili honua.

            I kona mau makahiki he 19 mare aku la oia i ka wahine, oia o Miss S. Waia ea’e opio, na holo aku la lana i Honolulu a ilaila i hoohuiia ai i ka berita o ka mare, a ua hanau mai na keiki he nui na laua, a na pau aku kekahi mau keiki i ka make, a koe iho he 6 keiki, 4 wahine, 2 kane, a make aku la ka makua ane, a waiho iho la na mea apau mahope mei, na ka wahine e noonoo kaumaha aku nona.

            O kana ma i he hookahi pule me ka hapa, o ia no ka mai’i flu. e pahola nei ma Waimea, Kauai, i luku nui ia na Hawaii ame na Kapani i keia ma’i flu. Ua nui ko’u kaumaha nona; ua mare laua i ka mahina o Dec. la 24, 1889, a ua piha ia laua na makahiki he 22 o ko laua noho pu ana, a haalele wale mai la no kekahi o laua.

            O kana mau hana apau he kiahoomanao ia na ka lehulehu e aloha aku nona i na manawa apau, a eia kekahi oihana ana, o ia ka water works. ua malama maikai oia i keia oihana ahiki i kona haaiele ana mai i keia ola ana.

            Ke haawi aku nei maua i ko maua mahalo a nui loa i ka poe i hele mai e kumakena pu me maua na keiki i hoopeleia i ka makuakane; ke hoomaikai pu aku nei no hoi maua i ka Makua mana loa, ka mea no hoi i haawi mai, a Nana no hoi i lawe aku la. a waiho iho la i kona kino puanuanu na maua e paiauma aku ma keia no.

            Ke haawi aku nei maua i ka mahalo nui i ka poe i makana mai i ka lakou mau boke pua; ke haawi pu aku nei maua i ka hoomaikai nui ia lakou apau i ka ukali pu ana i kona huaka i ma ka luakini o Waimea, Kauai.

            Ke haawi pu aku nei au i ko’u aloha a nui loa i ka Lunahooponopono.

            Owau iho no me ka haahaa,

                        MRS. SARAH U. WAIALEALE.

 

E ALA E NA HAWAII OIWI.

 

            Mr. Lunahooponopono o ka Nupepa Kuokoa, Welina:--Ma ka nupepa puka a Star Bulletin o ka la 25 o Feberuari aku nei i ike iho ai kou meakakau i ka ha’i akea ana ae o Mr. Ken C. Bryan, ke poo o ke Kula A’o Hana Akeakamai me Mikanika o ke Aupuni Teritore, i ke ano hoihoi ole mai o na opio Hawaii e apo i ka ike hana e haawi wale ia nei e ke aupuni, a ua minamina oia i keia ohohia ole mai i kukuluia keia kula ma ka manao nui e a’o, hapai a hooholomua i ka lahui Hawaii ma na hana mikanika a akeakamai.

            Nolaila, e Mr. Lunahooponopono, ma ke ano he Hawaii makahehi, a makaala ma ka mea hiki i ko kakou kulana na Hawaii Oiwi, ke noi aku nei au i ko ahonui e uwila mau aku oe ma na kolamu o kau hiwahiwa e kalahea ana ma na paia apau o ka aina, eia ka wa ame ka manawa kupono loa no na keiki a na makua ulakolako, a nele, e loaa ai ona naauao i ka kalou mau pua, ma o ka oluolu la o na poo aupuni mamina ia oe e ka mamo a Wakea me Papa.

            Ka manao nui o keia ku’a o ia hoi ka hooponopono ana i na keiki i hiki ole ke komo i na kula kiekie mamuli o ka lawa ole i ke alanui ine ka haule ana ma na nininauia ana.

            Ua hiki i keia kula keiapo mai i na keiki. i haulehia mamuli o keia mau hemahema i ha’iia ae la, aka, o ia mau no nae o ke ake e loaa ona naauao, a he nolea ma ke kulana ola kino, a ke noi aku nei no hoi au i o’u mau hoa oiwi mai Kumukahi a Lehua, e ahu mai ka pule ia Hakalau, o ia wale no ke ki e hiki ai ke wehe i ka Kamehameha Nui mamala i waiho iho ai: “E na’i wale no oukou i kuu pono aohe e pau.”

            Me ka mahalo nui.

Ko’u oiaio,

K. W. KINNEY.

 

HAINA NANE.

           

            Mr. Lunahooponopono o ka Nupepa Kuokoa, Aloha nui:--Ke loaa he wahi rumi kaawale o ka hiwahiwa a ka lahui, e oluolu mai oe no’u kauwahi kaawale no ka haina o ka nane a Z. P. K. Kawaikauikamakaokaopua: penei no ia:

            He kama ka’u nona na mahele ekolu: Mahele ekahi: He keiki au na ka la i hanau mai; haina: Ku. Aohe no keia he kaina okoa ae, aka, o ka Nupepa Kuokoa no keia, a o ka Poalima ka la e hoopukaia ai, a ka mea haku nane hoi e o’elo nei na ka la i hanau mai.

            Mahele elua: Piliwale la e piliwale, piliwale ka i’a o piliwale. Haina: Oko. He enaena, okooko ka manao o keia hauolelo ma ka olelo Hawaii, a ke pono pulehu, lawalu, koala oe i ka i’a i ka wa enaena, he mea maopopo loa, aohe nao i’a i ka papaa, hookahi wale no mea e pakele ai, o ke kapae ma ha’i o ke ahi, a hoopiliwale aku no hoi, pela wale no e pakele ai mai ke okooko mai o ke ahi.

            Mahele ekolu: H kahiko no hoi oe aohe nui ana ae. Haina: A. Na kahi ko no hoi ka olelo kaulana, kahiko no hoi oe e Hua a. aohe nui ana ae. I ka hoohui ana ae i na mahele ekolu o ua kama nei a Z. P. K. K. loaa iho la ka inoa poloiei o ke kama a ia kaeaea, Kuokoa.

            Me ka mahalo i ka Lunahooponopono ame na hoa paahana o kou keena.

POHAKUOPELE.

 

 

KUU KEIKI HELE LOA SAMUEL PAHUKAPUONALII LANI.

 

            Mr. Lunahooponopono o ke Kuokoa, Aloha oe:--E oluolu mai hoi kou ahonui ina he wahi kaawale kekahi o kou moku, ka ahailono manoa hoi o ka Pakipika. no ka’u puolo waimaka hoi a ke aloha e kau ae la maluna; i ike mai ai na makua, na kupuna, na kaikuaana, no kaikuahine, na pokii, ka ohana, na hoaloha ame na makamaka o kuu keiki hele loa, mai ka puka i Haehae a ka welona o ka la i Lehua.

            Oiai, ma ka la 30 o Ianuari, 1920, ia’u i kona makuakane e walea ana i ka olu a ka makani, e pa kolonahe ana ma ko’u home nei, me ka haupu mua ole ae aia he mea hoeheaha manao, ua kokoke mai ma ko’u ipuka; aia hoi, me he leo hanehane la ka’u o ka lohe ana aku, i ka elele ahailono i ka hoike ana mai i ka nu kaumaha no kuu keiki Samuel Pahukapuonalii Kukailani ua hala, ua hala i ke ala hoi ele mai. Auwe kuu ehaeha, luuluu a mokumokuahua ka naau i ke aloha no kuu keiki!

            Ua haalele mai kuu keiki aloha i keia ola mauleule ana ma ka la 30 o Ianuari, 1920, ma Kaleponi, a mau palanehe aku la i ke ala Polikua a Kane. a waiho iho la i ka ukana a ke aloha na maua, na na makua ame ka ohana e uwe paiauma aku nona. Auwe, luuluu wale e!

            Ua hanauia kuu keiki aloha ma Pauoa, ka aina i Kaulana ma ke mele, aia i Pauoa ka liko lehua, i ka la 21 o Dekemaba, 1897, nolaila na piha iaia ma makahiki he 23, 1 mahina ame 9 la o ka hanu ana i na ea oluolu e keia ola maule ule ana.

            Ua hoonaauaoia oia ma ke Kula Alii o Kahehuna, a mailaila aku komo ma ke Kula o Kamehameha no 3 makahiki.

            Loko oia o na hanalima like ole o keia kulanakauhale, a ma ka makahiki i hala i komo aku ai oia iloko o ka oihana kaua muana maluna o ka mokukaua New York, a haalele iho la i ke onehanau a au aku la i ka moana nui o ka Pakipika no ka hau auu o Kaleponi, a malaila oia i loaa ai i ka mai’i numonia ame ka flu a panaho mai la oia i keia ola ana, a ma ka moku mua loa i haalele aku ni i ka aina, i hoihoiia mai ai kona kino wailua no ke onehanau nei Aloha wale kuu keiki!

            Auwe no hoi ka ehaeha o ka naau e, ke hoomanao ae nona, oiai oia iloko o na hora kupilikii o ka poino, e au wale ae ana paha na maka o kuu keiki o ke ake ae e ike i ka makua ame ka ohana, aole nae e hiki, no ka mea, ua oki pu ia e ke kai nui akea o ka Pakipika. Luuluu wale!

            Auwe au e, i ka ike ole iho i ka helehelena o kuu keiki no ka wa hope loa, a no ka mea, i ka hoea ana mai o kona kinowailua, aole he ae ia e ike aku i kona helehelena elike me ke kauoha a ka Papa Ola.

            O kuu iini e ike aku i kou helehelena no ka wa hope loa, ua poho wale. Ua halo wale iho no au ame ka ohana apau ma o a maanei, e hapapa hele ana mawaho iho o ka hale, kahi a kou kino e waiho oni ole ae ana, o na hua palapala o kou inoa o ka’u ia i ike iho, aole, hoi o kou helehelena; ua pakuia ae e ka pale manoanoa o kou hale hiki ole ke ikeia iho. Aloha wale!

            Aloha wale ka uka o Pauoa e ame kona mau kualono kahi hoi a kuu keiki e holoholo @ i. Aloha kuu home o ka uka o Pauoa e, ia home a’u i pili aloha ai me kuu mau keiki. E ka ua kilihune o ka uka o Pauoa e, aole oe e hoopunu hou ana i kuu Pahukapuonalii aloha.

            E Kiloa nui e, ame Kiloa iki hoi, ia mau wahi a kuu keiki e walea ai. a ike aku hoi olua i kuu keiki ia Pahukapu e haawi aku hoi olua i kuu aloha a nui.

            E Waikiki ei aole o Samuel Pahukapuonalii e maalo hou aku ana i ou la, no ka mea, ua wehe mai la oia i ka pili aloha a kaua, ua pili hoi na maka, ua kuli, lohe ole mai ia kaua ke hea aku e hoi mai. Auwe kuu keiki e!

            E na uwapo o ke awa o Kou e, aloha wale ia mana wahi a kuu keiki e holoholo ai. E ke kai lana malie o ke awa o Kou e aloha wale ia kai a kuu keiki e auau ai a!

            E ke kiu e, ka makani houhou ili o ka aina, e ha’i mai oe ia’u eia la ihea kuu keiki aloha Samule P. Lani i maalo wale iho nei?

            E ka hau ana o Kaleponi aole e houhou ana kou mau ea hu’ihu’i i kuu aloha. E na ale hanupanapa o ka moana Pakipika e. ka moa nana i hiipoi aloha i ke kinowailua o kuu keiki aloha, aole loa oia e maalo hou aku ana ma kou mau kai hanupanupa, no ka mea, ua pale ka ike, ua kuli, ua moe i ka moe kapu a Niolopua. Auwe kuu aloha e i kuu keiki hele loa a!

            Ko iho la ka mea i palapalaia ma ka Buke Nui. he mahu ke oia o ke kanaka i pua ae a nalo aku; a ua like no hoi me ua pua o ke kula i mohala i ke kakahiaka a awakea ae mae iho la. Nana no i haawi mai a Nana no i lawe aku e hoomaikai ia Kona inoa.

            Ke haawi aku nei au ame ka ohana apau i ko makou hoomaikai a nui ia Mrs. Chas. Mitchell, Mrs. Jos. Kaiwi, Mrs. Paulo Kauhane, miss Agnes Kualii, K. Hale Opio, Mrs. Kanoe Ah Siu, Mrs. Lydia Jones, Mrs. Alice J. Lilikoi, Mrs. Cecilia J. Pua, Mrs. Ryons ame Louis Feary, ame ka poe no apau no ka lakou mau po ke pua, a pela pu hoi i ka poe apau i hui pu mai e u pu me makou iloko o ke kaumaha.

            Pela pu hoi ia oe e Paul Kauhane, ia hoa o ka oihana hookahi me kuu keiki. Walohia wale au i ka lohe ana i kau kauoha i kou makuahine, oia hoi, a i hoea hoi ke kinewailua o Samuel P. Lani i kona home, e hele ae oe e mama e ike iaia; elike me kou aloha ia u i kau keiki nei, pela hoi oe e hele ae ai e ike ia Samuel P. Lani. Nolaila, nou kekahi hoomaikai nui loa, a no kou makuahine aloha pu hoi kekahi i kona hoea malihini ana mai ma kahi i waihoia a ke kinowailua o kuu keiki, a hui pu me makou iloko o na hora o ka ehaeha.

            Ke haawi pu aku nei au ame ka ona na apau i ko makou hoomaikai i ka Rev. Akaiko Akana, no kana mau olelo hoolana i ka ohana me na leo hope loa maluna o ke kinowailua o kuu keiki; pela pu ne hoi makou e haawi aku nei i ka hoomaikai nui i na keiki o ka oihana kaua moana, i ka hui pu ana mai ma ka huaka’i hope loa a ko lakou hoa ma ka oihana hookani no kona home lua. Pela pu no hoi makou e hoomaikai pu nei i ka poe apau i hui pu mai me makou no ka huaka i hope loa a kuu keiki no kona home ina ma ka ilina o Maemae, Nuuanu.

            Nolaila, e oluolu oukou e lawe aku i ka makou hoomaikai, a na ke Akua e kokua a e kiai mai ia oukou apau loa. Amene.

 

KUKAKUKA HOU NA KEPANI NO KA OLOHANI

 

            He mau halawai nui ka i ma@ na Kepani olohani ma Waipahu @ Sabati iho nei, o ka hoa i loaa @ nana ana aohe i loli ae ka ma @ Ahahui Uniona a na Kepani. @ lawai hou no ka i malamaia ma @ Poakahi nei ma ka hale halawa@ alanui Nuuanu. mamuli o ka a @ ana o ka Paka Aala ia lakou @ ike maopopo i loaa aku i ka poe mahiko no ka hooholo ana o na Kepani @ hana e hoi hou aku i ka hana ma ka Poakahi nei, nolaila ua hoomauia mai ka ohi ana i ka poe wawahi olohani no ka hana ana a pau keia pule. @ o ka manaolana o ka poe mahiko e @ aku ana na limahana olohani i ka @ ma ka la 15 o keia mahina a man@ paha e ko ole ana, elike me ka @ a ka nupepa Kepani Hawaii S@ ka manaopaa o ka Ahahui Uniona a na Kepani, wahi o ka hoakaka a ia nupepa a he mau olelo ikaika loa kekahi nupepa elike me ia i ikeia ma na @ i unuhiia malale, nei penei:

            “Ua ike ka poe mahiko i ka wa@ ole o ka lakou hooikaika ana a k@ mai nei e hoopau i ka olohani ma o ka hoouna liilii ana aku i kekahi hapa o na kanaka i na mahiko ma kekahi manawa ma o ke kokua la a na kiu a ua mahiko. He hana keia i hoolala o ka poe mahiko a he manaolana ko na @ a lakou e wawahi i ka olohani ma o na hoouna ana i mau kaukani leha@ na kanaka i na mahiko ma ka @ Maraki. Eia nae, ua ike e aku @ Ke pani limihana i keia hana a @ ohumu, a ua hookaakaaia ae na @ lakou, a ua kukaia ae lakou me @ naopaa aole e hoi hou aku e ha @ ki i ko lakou lanakila ana, ina @ kumu ia no lakou e make ai i ka @ Ua kauia aku na ahewa ko’iko @ na o na kiu a na mahiko ame @ a na mahiko i hoolala ai e hoopau i ka olohani ana a ua lilo ka hana @ lalaia e hoopau i ka olohani i mea @ paakiki loa i na noonoo o na limahana Kepani, aole e hoi hou aku i ka @ Ma ia ano iho la o ka hoao ana me ka manaolana poho a ka poe mahik@ wawahi i ka olohani mamua o ka la @ o Maraki i ko ole ai. O keia ka @ mua ana o ka poe mahiko a ma@ hoohoka hou ia aku ana no lakou @ hoae hou mai e hana ma ke ano ohana. Nolaila, e pono e makaala loa ka @ olohani ma ka lakou lawelawe hana ana i lilo keia olohani i hana ku e @ i ke kanawai i mea e loaa ia ka @ kila.

            O ka lanakila o na limahana o ka @ nakila ana no ia o ka lehulehu. aole i na limahana olohani wale no, aka. e loaa pu aku ana ka pomaikai ame @ hauoli o ka lanakila ana i kekahi @ e aku.

 

KE ALANUI KAHIKO AME KE ALA NUI HOU.

 

Hoomauia mai.

 

            E olelo mai ana paha kekahi o ka ma nawa keia e olelo mai ai kuu lahui. ana a kokoke mai alaila homalimali mai: ae le ia o ka manao o ka meakakau nei. e hoolaula i ka manao, a o lawe mai ka kou i na mea helu ekahi wale mo: no laila kukuluia ai keia kalaimanao ana.

            Na kela ame keia o kuu koko makua kane e kaupaona a noonoo nona iho a pela me kuu koko kaikuaana e kaupaa na a lawe mai i ka noonoo kaulike, a pela me kuu koko makuahine nana @ puunauwe i na mea maikai no ka @ noho home ana, a peia me kuu mau @ kii kaikuahine, e lawe mai a noonoo i na mea e pono ai oe ame kou home. a@ ka mea, aia mahina ou ke ko’iko @ keia kalaimanao ana. no ka mea, eia @ lahui ke nee nei nohope me ka hiki wawe loa, e lawe mai i laau e lapaaa ai hookahi wale no laau e ola ai, o @ no ka hoopono.

            E hoike ae i na mea oiaio, oiai a@a iloko pu ka hooulu lahui; nolaila e @ lahui, e nana aku i @ lahui o e nana mua ana lakou no lakou iho mamua a ka nana ana ia ha’i, a i ka lawe ana mai a hoohalike me ke ano o ke ala@ kahiko, o ia no ke kokua ana o keka@ i kekahi. e alu like ana ma na hana o pono ai ka noho ana, o ia hoi, ka maaia ame ka @ wai’a ha liilii kahi loaa. o @ mea i ikeia ai, ua loaa maoli ka olu@ ka noho ana, a i ka lawe ana mai i @ au hou, o ke alanui hou o ka mea i @ ia, aole loa he holomua, aole he ulu @ ka lahui, ua nele maoli, a i ka nawa aku. me he la aole no @keia lepo au@ keia @na, a na mea i maa i ko kana mau kupuna i ka hana, na kaawale aku ia mai ko kana lima aku, a pela @ kela noonoo i maa i ko kaua mau @ puna, e hana ana i na mea e pono @ ua kaawale loa, a i ka nana aku @ lahui e o han@i mai ia kaua, he @ paha kaua e hana mai ai nou aole pana.

 

HOOKUUIA NA PAKE MALAMA I KA HANA PILIWAIWAI.

 

            O na Pake e ua o Ah Fat ame @ Tuck o Waipahu i hoopiiia ae ai @ loio Kalana H@eu na ka lawelawe i @ hana piliwaiwai ma Waipahu a i hoop@ hoahewaia ae ai e ke kiure kiekie @ tore imua o ka aha kaapuni, ua hooku ia e ka papa kiure a ka Lunakanawa De bolt no ka pili ole o ka hewa ia lana.

            He elua hora ko ke kiure noonoo ana a he 20 minuke mamua o ka loaa ana o ka lakou olelo hooholo na kau@ a @ la lakou i ka makai o ka aha @ buke wehewehe huaolelo, no ko @ makemake e loaa ka manao o ka hua olelo “conducting.” No ka mea, na hoo@ piiia ae kela mau Pake no ka lawelawe i ka hana piliwaiwai ma Waipahu.

            Mahope o ka loaa ana aku o ka W@ ster buke wehewehe huaolelo a loaa ku manao o ka huaolelo a na hoa o ka kiure i hoopaapaa ai, ua lokahi ka ma nao o ke kiure e hookuu ia laua.

 

Kai nui ia oe e ka lunahooponopono.

            Owau iho no me ka h@luu.

                                                            DAVID KUKAILANI.

                                                                        Me ka Ohana.