Ka Nupepa Kuokoa, Volume LVIII, Number 4, 23 Ianuali 1920 — Page 3
| This text was transcribed by: | Kamehameha Schools Gift To Dr. Chun |
| This work is dedicated to: | Dr. Michael J. Chun |
Ka Nupepa Kuokoa
KE KILOHANA POOKELA NO KA LAHUI HAWAII.
Kela Laau Kaulana
B.B.C.
He laau i hoohuiia o na launahela, laau e hana pu ana me ka kana a ke Akua, he hoomaemae a hooikaika ae i na mea paahana holookoa o ke kino, e kipaku ana i ka ma'i kino ame na ma'i ili wale mai, e haawi ana i ke kino i ka ikaika, ke ola ame ka mana i na aalolo.
E hoopiha ana ka B.B.C. i ke kino me ka ikaika hao o ke ola ame ka ikaika o na la opio. Ua hoolaia na poe nawaliwali ma na manawa lehulehu mahope o ka inu ana he mau pule wale no. Ua aponoia e na kauka kaulana he nui ame na kanaka iloko o ke ola lahui ana. O ka B.B.C. ka laau kamahao loa ma ke ao.
KAUIIA MA NA WAHI APAU.
Keena Kuai Laau B.B.C., 161 Alanui Moi,
Honolulu, Hawaii.
TERITORE O HAWAII
Keena o ka Puuku, Honolulu, Oahu.
Ma ka hana e hoopau ana i ke STAR DRY GOODS COMPANY; LIMITED.
OIAI, o ke STAR DRY GOODS COMPANY, LIMITED, he hui ia i kukuluia a e ku ana malalo a ma ka mana o @a kanawai o ke Teritore o Hawaii, i kulike ai me ke kanawi i hoomakaukauia ma na hana o keia ano, ua waiho ia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia i koiia ai ma ke kanawai.
NOLAILA, ma keia ke haawiia aku nei ka hoolaha i kekahi mea, a i na kanaka apau he mau kuleana mamua a e kuleana nei paha i keia manawa ma kekahi ano iloko o ka hui i oleloia, e pono e waiho mai i na kue ana no ka ae ia aku o ka palapala noi i oleloia maloko o keia keena, mamua ae o ka hora 12 awakea o ka la 15 o Maraki, 1920, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike mai i ke kumu, ina he kumu kekahi i wahi e ae ole ia aku ai ka palapala noi i oleloia.
DELBERT E. METZGER.
Puuku, Teritore o Hawaii.
6382--Jan. 9, 16, 23, 30; Feb 6, 13, 20, 27;
Mar. 5, 12, 1920.
TERITORE O HAWAII
Keena o ka Puuku, Honolulu, Oahu.
Ma ka hana e hoopau ana i ke JORDAN & COMPANY LIMITED.
OIAI, o ke JORDAN & COMPANY, LIMITED, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia i hoohui pu ia me ia, elike me ia i koiia ai ma ke kanawai.
NOLAILA, ma keia ke haawiia aku nei ka hoolaha i kekahi mea, a i na kanaka apau he mau kuleana mamua a e kuleana nei paha i keia manawa ma kekahi ano iloko o ka hui i oleloia, e pono e waiho mai i na kue ana no ka aeia aku o ka palapala noi i oleloia maloko o keia keena, mamua ae o ka hora 12 awakea o ka la 30 o Maraki, 1920, a o kela ame keia mea e makemake ana e hooloheia aku maluma o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike mai i ke kumu, in a he kumu kekahi i wahi a ai ole ia aku ai ka palapala noi i oleloia.
DELBERT METZGER,
Puuku Teritore o Hawaii.
Honolulu, Ianuari 13, , 1920.
6383--Ian. 16, 23, 30; Feb. 6, 13, 20, 27;
Mar. 5, 12, 19.
TERITORE O HAWAII.
Keena o ka Puuku, Honolulu, Oahu.
Ma ka hana e hoopau ana i ka NARUMIYA & COMPANY LIMITED.
OIAI, o ka NARUMIYA & COMPANY LIMITED, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kullike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia hui pu me kekahi palapala i hooiaioia i hoohui pu ia me ia elike me ia i koiia ai ma ke kanawai.
NOLAILA, ma keia ke haawaiia aku nei ka hoolaha i kekahi mea, a i na kanaka apau he mau kuleana mamua a e kuleana nei paha i keia manawa ma kekahi ano iloko o ka hui i oleloia, e pono e waiho mai i na kue ana no ka aeia aku o ka palapala noi i oleloia maloko o keia keena, mamua ae o ka hora 12 awakea o ka la 30 o Maraki, 1920, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike mai i ke kumu, in a he kumu kekahi i wahi e ae ole ia aku ai ka palapala noi i oleloia.
DELBERT METZGER,
Puuku Teritore o Hawaii.
6384--Ian. 23, 30; Feb. 6, 13, 20, 27;
Mar. 5, 12, 19, 26.
HOOLAHA KUAI O KA HOOLIMALIMA AUPUNI.
Ma ka hola 10 a.m., Poakahi, Feberuari 16, 1920, ma ka puka komo mamua o ka Hale Kapitala, Honolulu, T. H., malaila e kuaiia aku ai ma ke kudala akea malalo o ka Pauka 380 o na Kanawai Hooponopono Hou ia o Hawaii o ka 1925, ka hooloimalima laula i ka waiwai Aupuni i hoakakaia malalo iho nei:
Ke Kahua Luawai Hooki'o o Lualualei, he hapa o ka aina Aupuni o Lualualei, Waianae, Oahu, nona ka iliaina o 37.5 eka, oi aku a emi mai paha.
Kumu aelike o ka hoollimalima, 21 makahiki mai Feberuari 16, 1920 aku.
Uku hoolimalima haahaa, $250 o ka makahiki, e uku hapa makahiki mua ia.
Na ka mea kuai mai e uku i na hoolilo o ka hoolaha ana ame na lilo e ae ma ka hoomakaukau ana i ka hoolimalima.
No na hoakaka aku i koe, e noi ae ma ke keena o ke Komisina o na Aina Aupuni, Hale Kapitala, Honolulu, T.H.
HOAKAKA NO KA HOAHUI.
O ROBERTSON, CASTLE & OLSON, Kulanakauhale a Kalana o Honolulu, T.H., Ianuari 1, 1920.
I ka Puuku o ke Teritore o Hawaii, Honolulu, T.H.
Me ka mahalo:
E HOIKE ANA KEIA, ma ka ka mua o Ianuari, 1920, ua komo ae ka poe no lakou na inoa malalo iho nei ma kekahi hoahui laula, a ke waiho aku nei maloko o kou keena i kulike ai me ke kanawai, i ka hoakaka penel:
1. O na inoa ame na wahi noho o na lala pakahi o ka hoahui i oleloia o ia keia:
A.G.M ROBERTSON, o Honolulu, Kalana o Honolulu, Teritore o Hawaii; ALFRED L. CASTLE, o Honolulu, Kalana o Honolulu, Teritore o Hawaii; CLARENCE H. OLSON, o Honolulu, Kalana o Honolulu, Teritore o Hawaii; W.A. GREENWELL, o Honolulu, Kalana o Honolulu, Teritore o Hawaii; A. WITHINGTON, o Honolulu, Kalana o Honolulu, Teritore o Hawaii.
2. O ke ano o ka oihana o ka hoahui i oleloia, o ia no ka malama ame ka lawelawe ana aku i ka oihana loio ma ke kanawai.
3. O ka inoa o ka hoahui i oleloia, o ia o ROBERTSON, CASTLE & OLSON.
4. O kahi lawelawe oihana o ka hoahui i oleloia, aia ma ka Helu 125 Alanui Kalepa, maloko o ke
Kulanakauhale a Kalana o Honolulu, Teritore o Hawaii.
Ikea ko makou mau lima i keia la mua o Ianuari, A.D. 1920.
(Kakauinoaia)
A.G.M. ROBERTSON,
ALFRED L. CASTLE,
CLARENCE H. OLSON,
W.A. GREENWELL.
ARTHUR WITHINGTON.
Honolulu, Ian. 13, 1920.
6384--Ian. 23, 30.
HOAKAKA NO KA HOOPAUIA ANA O KA HOU-HUI.
O ROBERTSON & OLSON, Kulanakauhale a Kalana o Honolulu, T.H., Ianuari 1, 9120.
I ka Puuku o ke Teritore o Hawaii, Honolulu, T.H.
Me ka mahalo:
E HOIKE ANA KEIA, ma ka la mua o Ianuari, 1920, o ka hui hoa-hui o ROBERTSON & OLSON e malama ana a e lawelawe ana i ka oihana a na loio ma ke kanawai ma Honolulu, maloko o ke Kulana kauhale a Kalana o Honolulu, Teritore o Hawaii, ua hoopauia, mamuli o ka aelike ana, a i kulike ai me ke kanawai, ke waihoia aku nei ka hoakaka niahope ae nei penei:
O NA HOAHUI o ka hui hoa-hui i oleloia ma ka la o ka hoopauia ana o ia iho keia:
A.G.M. Robertson, e noho ana wa Honolulu, i olelo mua ia ae nei; Clarence H. Olson e noho ana maloko o Honolulu i olelo mua ia ae nei.
Ikeia ko maua mau lima i keia la mua o Ianuari, A.D. 1920.
(Kakauinoaia)
A.G.M. ROBERTSON,
CLARENCE H. OLSON.
Honolulu, Ian. 13, 1920.
6384--Ian. 23, 30.
Teritore o Hawaii, )
Kukanakauhale a Kalana 0 )ss.
Honolulu. )
O W. H. Campbell, mamuli o kona hoohiki pono ia ana, ua hoike ae me ka olelo ana he Mea Uku Dala oia no ka First American Saving and Trust Company of Hawaii, Limited, a o ka papa hoike malalo iho nei, he hoakaka oiaio a pololei ia o na waiwai o ka First American Saving and Trust Company of Hawaii, Limited, ahiki me ke komo pu o ka la 31 o Dekemaba, 1919; o ua papa hoike la, ua koi ia mai ia e ka Pauku Helu 3327 o na Kanawai Hoohuihuiia, o 1915, o ke Teritore o Hawaii.
O ke kahuwaiwai i hoamanaia o ka Hui he $200,00000, i maheleia iloko o 200 kea no ka waiwaio o $100.00 pakahi. O ka heluna o na kea i hoopukaia je 2000, o ke kanahiku pakeneka o ia mea, ua like pu me $14,000.00, ua ke kauohaia aku e ukuia mai. O na loaa aie o ka hui ma ka la 31 o Dekemaba, 1919, elike me ia i hoomaopopoia, o ia keia malalo iho nei:
Kumupaa i ukuia mai …….$ 140,000.00
Puka i mahele ole ia ……… 55,225.13
Na hoahu dala ……………… 890,676.65
Na hoemi …………………… 3,677.88
$1,089,579.88
Na loaa o ka Hui ma ka la 31 o Dekemaba, 1919, o ia keia malalo iho nei penei:
Na bila loaa mai ………………$ 803,594.08
Na kea, bona ame hoopukapuka 206,356.25
Na waiwai paa ……………….. 23,708.22
Na waiwai paa aelike kuai …… 2,700.00
Dala ma ka banako …………… 48,398.81
Ukupanee e loaa mai ana ……… 4,822.30
$1,089,579.66
W.H. CAMPBELL,
Mea Uku Dala.
Hanaia a hoohikiia imua o ʻ u i keia la 7 o Ianuari, 1920.
J..H. ELLIS,
Noteri no ka Lehulehu, Apana Hookolokolo Kaapuni Ekahi, Teritore o Hawaii.
Ma keia ke hooia aku nai ai, o ka papa hoike maluna ae, he kope oiaio a pololei ia o ka papa hoike kumu i waihoia aku maloko o ke keena o ka Puuku o ke Teritore o Hawaii.
J.H. ELLIS,
Noteri no ka Lehulehu, Apana Hookolokolo Kaapuni Ekahi, Teritore o Hawaii.
3638--Ian. 16,23,30.
HOOLAHA HOA-HUI.
Ma keia ke haawiia aku nei ka hoolaha, ma ka la mua o Ianuari, 1920, i komo ae ai ka poe no lakou na inoa malalo iho nei, Louis K. Silva, Odelia Ruphina Ordenstein ame Jacob K. Ordenstein, no Honolulu, Teritore o Hawaii lakou apau, ma kekahi hoa-hui, no ka lawelawe ana i ka oihana hoolewa maloko o ke Kulanakauhale a Kalana o Honolulu, malalo o ka inoa hui a i kapaia SILVA ʻ S UNTERTAKING ESTABLISHMENT.
LOUIS K. SILVA,
ODELIA RUPHINA ORDENSTEIN,
JACOB, K. ORDENSTEIN.
Honolulu, T.H., Ianuari 8, 1920.
6383--Jan. 16, 23.
C.T. BAILEY,
Komisina o na Aina Aupuni.
Hanaia ma Honolulu, Ianuari 14, 1920.
6383--Ian. 16, 23.
DAVID KEEHUOKALANI KAULAKOKO HOLI, UA HALA.
Mr. Lunahooponopono o ka Nupepa Kuokoa, Solomon Hanohano, o kou maa mau no o ke aloha; Aloha kaua:--E loaa hoi ia'u ke ahonui ia ame ka oluolu no'u hoi kekahi wahi keena kaawale iki. e loaa ana iloko o na rumi ka pena lehulehu o ka kaua hiwahiwa, a na kona mau papaki uwila makeneki hoi ia e hii aku i ka ukana luuluu a ka puuwai, e aha'i mama ia ana hoi e na eheukani o Magoni, ka uweaolelo kamahao lua ole hoi, e ikeia nei ma na alahele pohihihi o ka lewa, e hoike ana hoi oe i ka nani o na huahelu mama kikokiko maluna o na papalina aiai o kou mau paia laahia. Hoike aku hoi oe imua o na kupuna, na makua, na kaikuaana, na pokii ame ka ohana, mai ka la puka ma Ha ʻ eha ʻ e i Kumukahi a ka welona a ka la i ke kaohi ana o Lehua, kuu moku lehua nui hoi i ke kai.
Owau o Kuakapu A. Kane e komo pu aku nei iloko o na hoomanao walohia no kuu mea aloha he kaikoeke, he pokii hoi no'u, ua hala ua hookoo i ka pili mawaena ona ame kana wahine, ame ka laua leialoha he keiki, ka ohana hoi me a'u kona kaikoeke ponoi, kona kaikuaana hoi, ke kane hoi a kona kaikuahine aloha, i hala e aku i ka po, he eha makahiki i kaahope ae nei, e uahi ana hoi i ke alahele a ko laua luaui makuahine i hala e aku, he mau makahiki lehulehu i aui hope aku la. Luuluu wale!
Ae, aloha Hamakua i ka i'a kaulana o ka aina, he uhini hoomalihini kuu pokii ia'u, aole ka heahea mai, ua eena na maka, aohe ike wale iho, ke nihi hele ae la me ka makani kualau ma ke mokana, a'u hoi e uwe iho ai nou e kuu pokii me na waimaka helelei i ke alanui. Pehea la hoi oe i nanakee mai ai ia'u, o ua poe aloha ole, o oukou ia'u ia Lopaikihelewale, heaha la hoi ka'u hala nui i ewaewaia ai? He hookahi no o kuu haku pokii, i ka makani ukiukiu o Keehia i na kapuaiwawae hoi o Maunakea, haawe ma ke kua, kau mahope, eia he ukana luuluu na'u a'u ma kuu alo, ke aloha o kuu kaikoeke, kuu haku pokii i ka lae kahakai o Ookala, i ka pali hahako i Kolalalele, hoapili hoi o Kukaiau; lele ke aloha hooau ana hoi me kainehe i ka uka o Paauilo, kahi a kuu haku pokii i hanau a holoholo ai i kona mau la heu ole. Aole loa oukou e ike hou ana i kuu haku, ua pouliuli ka hale. ua hele ke kanaka. Walohia wale!
Kuu haku pokii hoi o na aleapiipii kualoloa o Alenuihaha, haha hewa ae nei au i kuu pokii ame ke aloha, aole iho nai me ka lei a maua he keiki, aia paha la i ke kei o Kealaikahiki, e hooaikane pu ana hoi me kahi kai o Alalakeiki. He oiaio he keiki na'u kuu @haku pokii, he, hoahele no ka moana i ka aina lewa i ke kai, he hoa ohumuhumu pu hoi no ka ainapaa i na kapu auwawae o Keehuokalani. He mamo hoi na Koloa ame Nunukakohe, he pua hoi na Kakoaekea ame Haukoae, he lei moopuna ponoi hoi na Kinolau (w) ame P.K. Paele (k) o Keaka-Kilohi-Opu-momona-o-Maalo Nakia-Kaumu-Kapu-o-Kekua, pilipaa ke aloha o kuu pokii i kuu puuwai, pehea la ia e pau ai, aohe e pau, ua au pu ia i ke kai hookuakea i ka ili ame ka makani heleuluulu o ka moana o kahi kai o Auau; anoai lihaliha wale!
Ae, auau ka hele a kuu kahu pokii, aohe ike wale iho, ua lilo i ke ko a ke au i Hala-e i kahi kai hoi o Pailolo, hoololo ke aloha o kuu haku pokii ia'u, hoapili hi o ke kai o Kaiwi. O oe no e kuu haku pokii, ka iwi o kuu mau iwi, ka i'o hoi o kuu mau i'o, anoai wale nou- e Kaula-e Koko-a e Holi Opio hoi, ame kou home imi naauao, Lahainaluna, Maui.
He oiaio, aole loa he mau hauli o ka pilikia ame ke kaumaha i loaa ia'u, a i ole halialia mai la hoi ia'u o kuu haku pokii kaikoeke, ua haalele mai oia i keia ola ana, a hou aku hoi i kahi mau o na mea apau; aole loa he mau lono o na o ia ano i loaa mai ia'u ahiki i ka loaa ana mai o ka leka a ko makou luaui makuakane, S.P. Koko Holi, o Dek. 15 1919. i aui hope aku la me kana mau hana, e hoike mai ana hoi ia'u o kuu haku pokii aloha, ua haalele mai oia i keia ola ana, me kekahi no o ka laua leialoha he keiki, i hele pu aku la ma ke ala hookahi.
He mea puiwa loa keia no'u, no ka mea, aole i kala i make ai kuu haku pokii, akahi no a hoikeia mai ia'u, a kani iho la ka'u uhu, "I ike ia mai no ka i ka wa o ke ola, a'ina e make, pau ae la no ia o kou ike ia ana mai"; a helelei iho la ko'u mau waimaka no ka hoomanao ana ae no ka'u wahina aloha am ka'u mau keiki no e noho pu nai no imua o ko'u alo, me ke kau moakaka loa ana mai hoi o na hali'ali'a imua o ko'u mau maka. He mahu ke ola o ke kanak i pua ae a nalo aku.
Ua hele mai oia mahope o kona kaikuahine aloha ponoi, Mrs. Sarah Kainoa Kupunakane, ka'u aliiwahine i hala e aku i ka po; ua noho pu oia me a'u ma ke Alanui Ilaniwai, Kewalo, ame ka huikau o Kakaako, e ai like ana hoi i kahi mea uuku e loaa ana, a pela hoi i ka wa nui o ka loaa, aole loa au i noho enemi me kuu haku pokii, aole no hoi maua i hoopaapaa a hakaka no hookahi manawa, elike me ka hapanui o na kaikoeke a'u e ike aku nei, aka, ua aloha mai oia ia'u me he kaikuaana ponoi loa lla nona, a ua aloha aku h@@ au iaia me he pokii la no'u, a ua kamaaina oia i keia kulanakauhale o Hohoaloha ame ka nui pu hoi o kona mau hoaloha, aole oia wale, he kanaka opi, kuu kaikoeke i hoonaauao maikai ia ma ke kula hanai o Lahainaluna, a mamuli o ia naauao ame ia makaukau, ua noho ohidala oia maluna o na kaa uwila a na ka loaa ana no hoi o kana hana i kaawale loa ai oia mai kona kaikuahine aku, a ua ike oia i ka hanu hope o kona kaikuahine ame a'u, a koe hoi oia aole au i ike i kona mau ehaeha hope loa.
Ua noho oia nona iho, a mare hoi oia i ka wahine, Mrs. Annie Maria Kaula, a noho ma Magoon Block. alanui Moiwahine, a ua hoopomaikaiia mai ko laua mau puhaka me na hua ohaha o ke aloha, he keiki. O kuu haku pokii he makuakane aloha wahine ame kana mau keiki ame ka ohana e hoea aku ama ,a ko laua home, 'a na ka nawaliwali i ko no mai iaia e waiho i ka hana, a hoi i Ookala. Hawaii, kona onehanau, imua hoi o ke alo o kona luaui makuakane. He oiaio, o ko'u hui hope loa ana me kuu haku pokii iloko no ia o ka mahina o Iulai, o kana wahi olelo hope ia'u, "E hoi ana au me kuu wahine ame kuu mau keiki i Hawaii, a oluolu kuu ma'i, " o
KUU KAIKUAANA, MRS. EMILY MAELE KAAWA JR. UA HALA.
Kahe ka waimaka uwe ka opua,
Ka anoi pua ia a o Kona,
Alo ana au ia oe e nei anu,
Ua wehe i ka pili hooko ialoko.
Mr. Solomon Hanohano, Lunahooponopono o ka Nupepa Kuokoa. Aloha oe: --E oluolu mai kou puuwai ahonui e hookipa aku i keia mau waimaka o ke aloha no ko'u kaikuaana aloha i haalele mai ia'u ame ka nui ohana ma keia aoao o ka muliwai eleele, e uwe mau nona no na kau a kau.
Ma ka la 9 o Dekemaba, 1919, i niau palanehe aku ai kuu kaikuaana aloha i ke ala hoi ole mai, oia hoi o Mrs. Emily Maele D. Kaawa, Jr., a haalele iho la i kona mau hoa pili he kane me ka laua kaikamahine hookahi wale iho no, e uwe mau nona i ka po ame ke ao.
Ua hanaioa kuu kaikuaana aloha, mai ka puhaka mai o ko makou mau makua, o ia hoi o Mr. me Mrs. Gideona Maele, ma Kukuiopae, Kona, Hawaii, i Ianuari 24, 1889, a ua piha iaia he 32 makahiki a oi o ka hanu ana i na ea hu'ihu'i o keia ola ana.
Ua mare aku oia i kana kane, oia hoi o David Kaawa, Jr., a ua hoohua mai mai ko laua mau puhaka mai he ekolu kaikamahine nona na makahiki he eono.
Ma Honolulu no kuu kaikuaana aloha kahi i noho ai no na makahiki loihi, a malaila mai no kona kaa ma'i ana ahiki i kona hoi ana mai i ka aina hanau, hoi no hoi i ka aina, wehe ka pili, mae ka pua no ka wa mauloa. Aloha no!
Aloha ka leo o kuu kaikuaana i ka pane ana ae i kona hoapili, in a au e make e malama pono oe i ka luhi a kaua. Ua nalo, ua mae, ua pau ka lohe hou ia ana o kona leo e himeni ana, e hula ana i na la hauoli o ka makahiki; ua pau no hoi ka lohe hou ia ana o kona leo e auwe ana i na hana hoehahe a ka ma'i, ua kuu ka luhi no ka wa mau loa.
E Kona i ka wai puolo i ka maka o ka opua e, ua pau ka holoholo hou ana o kuu kaikuaana aloha ma kou ala kikeekee.
E na ale kupikipiki-o o Alenuihaha e, ua ike anei oe i kuu kaikuaana aloha? Ina ua ike oe iaia, e hoihoi mai hoi oe i o'u nai i hoomamaia ae nei puuwai i hooluuluuia.
E Kilauea i ka halelana e, kahi hoi a kuu kaikuaana aloha e holoholo ai, ua ike anei oe i kuu Mrs. Emily Kaawa, Jr.? Ina oe e ike iaia e hookipa aku oe iaia iloko o kou poli pumehana a hoihoi mai i o'u nei.
He eono mahina a oi ke kaama'i ana o kuu kaikuaana e auwe ana i na ehaeha o keia ola ana, aka i keia manawa ua kuu ka luhi, pau ka auwe ana no ka wa mau loa. E hoonaniia ka Makua kiekie, Nana no i haawi mai, a Nana no i lawe aku la.
Mahalo a nui loa i ka Lunahooponopono o ke Kuokoa, ame ka ohana no apau i akoakoa mai me makou i na hora o ka ehaeha. Ke hooki nei au me ke aloha pau ole.
Na ka pokii o ka mea hele loa,
MRS. NELLIE M. KEMA.
Hookena, Hawaii, Dek, 14, 1919.
kona leo hope loa keia ia'u, a nalo aku la oia no ka wa pau ole. Walohia wale!
Ua hanauia o David Keehuokalani Kaula Koko IIoli ma Keehi, Ookala, Hamakua, Hawaii, ma Aperila 25, 2891, mai ka puhaka mai o kona luau'i makuahine Kalaikulani Kapai ame kona luau'i makuakana e ola, nei, S.P. Koko Holi, a ma ka mahina o Nov., la 29, 1919, i kuu mai ai oia i kona aho hope loa, a moe aku la oia iloko o ka maluhia ma Hilo, i ka 28 o kona mau makahiki, 7 mahina ame 5 la o kona hanu ana i na ea oluolu o keia ao inea. Luuluu wale!
Ke haawi aku nai au i ka'u mau hoomaikai he nui, i kona mau kaikuahine Mrs. Ua Pekelo ame Mrs. Keao Tucker ame kona kaikoeke aloha Mr. Tucker, ka mea nana i hooponopono ilio i kona kino puanuanu ame na makuahine o makou, Mrs. Makee Kaula ame Mrs. Keaka Hopkins ame ko makou luau'i makuakane hoi i hooneleia me kana mau mea aloha he keiki ame ka moopuna no ka mea, he elua wale iho no ana mau keiki ponoi mai kona puhaka mai, a ua nalo aku hoi lua no ka wa mau loa, a i ahona i ka nui a lehulehu o na moopuna e ola nei ame ka ohana.
E hoomaikai mau loa aku kakou i ko kakou Makua aloha kiekie loa ma ka lani, no ka mea, Nana no i haawi mai a Nana no i lawe aku. Pela no auanei oia e hoomaha a hoomama mai i ka puuwai kaumaha o ko makou makuakane, i kana mau keiki, ka hauoli hoi o kona mau la opio ame kona mau la hapauea.
Ke haawi pu aku nei i ka'u mau hoomaikai i na puuwai o ke aloha, i haawi makana iho i na pokepua o ke ahonui ame ka paumako o ke kaumaha no kuu haku pokii, a pela hoi me ka ohana ame na mea apau i hele pu ma ka huaka'i hope loa a kuu haku pokii, no kona wal@ e hoomoeia iho ai no ka wa mau loa. Ina e loaa ia'u ke aloha ia ame ke ahonui, e lawe aku i ka'u mau hoomaikai hope no kuu haku pokii, ame na welina hoomanao luuluu o ke kaumaha, a pela pu hoi me ka'u mai lei aloha he keiki no ko laua uncle ponoi, e komo pu nei ma keia hoomanao ana nona.
Mr. Lunahooponopono o ka kaua hiwahiwa, nou na hoomaikai ana he nui, i ka nui o kou ahonui ame ke aloha ame kou lima akau hoi'o ke aloha, no ka'u wahi puolo kaumaha o ka ehaeha, e haawi pu nei i na keiki hoonohohua metala kila o kou papapa'i ko'u welina pau ole.
O makou iho no me ka puuwai luuluu,
GEORGE K. KANE, JR.,
ALEXANDER K. KANE, JR.,
GEORGE K. KANE.
745 Richard & Quees St., Honolulu.
NA LEKA KII OLE IA MAI AHIKI I
IANUARI 17, 1920.
Halaula, P H Kokokalani Alexander
Hakuole, Peter
Kaone, George Kumukalani Goo W
Kalai, Mrs David Kalani, E K
Kaleikini, Miss Mary Mapanao, Mr
Naipo, Allen
Kupele, Miss Daisy Napapa, J H
Kala, Mrs Kaui Pa, J W
Kamolu, R Pahia, Nipoa
Kane, Lui (2) Pikao, Mrs M K
Kana, John Poepoe, Loka
Kanui, Jacob Piikoi, David
Koa, Ben K Pukahi, Miss Mamie
Keanu, Miss Annie
Kinoulu, Daniel Solomon, Mrs. Lizzie
Kiaaina, Mrs Emily
Koahou Mrs Ah Sing Solomon, Mrs Kalalehua (2)
HOOMANAO MAKAHIKI HOU
Mr. Solomon Hanohano, Aloha kaua:
---E oluolu mai kou ahonui in a he wahi rumi kaawale kekahi o ka hiwahiwa a ka lahui no kela poomanao e kaa ae la maluna.
Ma ka po o ka Poakolu, a ma ka hora 12 a oi, aia hoi e aa ana na imu puaa o kekahi hapa o Kahauiki uei, ma ka low camp, no ka malama ana i ka hoomanao makahiki hou.
Auwe, he piha hoi kau o na mea apau i ka hauoli, no ka loaa ana o keia makahiki hou o 1920. Nolaila hoolako iho la ka poe ma keia mau camp me na puaa momona no ia manawa.
I ka pau ana o na puaa o ka low camp o Kahauiki i ka po, aia hoi i ke ao ana ae, ua hoi mai la ka'u aliikane a kalua iho la i ka makou puaa ma kona hoahanau, oia hoi o Julian W. Kahue me ia hoa, oia o Willie Makaena. oiai ua hoi pu mai la me Akona Lum Lung no ke kalua ana i ka puaa a kona pokii, oia o Oliva Lum Lung me ka puaa a kona kaikuahine, Mrs. Maggie Ah Tiek.
Auwe, he aa like hoi kau o na imu puaa he eha i ka wa hookahi, oiai, aole i hoi mai o Oliva Lum Lung ia manawa. Ua liuliu wale iho, hoi mai oia me ka hanaumua, o ka'u aliikane, ua ohuohu mai la ua mau keiki nei me na lei rose mai Honolua mai.
I ka pua ana o na imua puaa i ke kalua, aia hoi ua hele hou aku la no ua mau keiki nei no ka holoholo ana.
Ma ke ahiahi Poakolu aku, oiai au ame ka'u aliikanee hoomakaukau ana i meaai no ko makou aina ahiahi, hiki ana no ka hanaumua o ka'u aliikane, a kono mai la iaia nei no ka hele pu ana aku me ia, ame kona mau hoa no ka holoholo ana ma ia po, ma ke ano himeni me hookani pila no ka hauoli makahiki hou. O ka liuliu mai la no ia o ka'u kane a hookahi ka hele like ana, a o ka mea apiki no nae i ka'u ike a hoomaopopo ana, oiai ua loaa no na hua makahiki hou ia lakou, eia nae ka mea kupaianaha, he mau la o ka waiho ana o ka lakou nei hua makahiki hou ,alaila luluia mai la; i keia poe wale no paha keia saila hou o ka makahiki 1920; oiai o ka pololei o ia hoi pau no ka la nui, lulu no na hua; i keia ka akahi no a lulu i keia la 11 o Ianuari.
Kekahi mea apiki oiai kekahi kalapu e hoomaamaa mau ana i ke a'o ana no ka hele ana i ka himeni po no ka makahiki hou ma ka la 1, me he mea la i ka ike a hoomaopopo ana a kou mea kakau nei, ua aneane paha e piha ka mahina o ke a'o ana, aneane no hoi e hiki mai i ka manawa, loheia @ai ana ua haalele kekahi o lakou, a koe aku paha eha kane a he ekolu wahine i hooko aku i ka lakou hana.
Oiai jou mea kakau nei me ka ohana o ka home nei e kakali aku ana o ka hiki mai o ua kalapu nei, a lohe aku hoi i ko lakou mau lea, me na mea hoi a lakou o ke a'o mau ana, me ka hauoli o ko makou manao, eia nae ua poho ale ko makou mau manaolana, me ka manao la hoi e lohe ana i ka leo hou o "Meleana e," me "E-a, e-a," me "Lululima ke aloha."
Ma ka auwina la ana iho, hoea mai la na keiki o Kaukini. mai Kahakuloa mai; auwe, he u'i, a he nani, a nanea no hoi i ka pepeiao ke hoolohe aku.
He maikai ko maikai ko makou la 1 makahiki hou 1920, aole he haunaele nui i ikeia. aole no hoi he uila iwaena o makou nei ma ke ano o na poino. Maile no hoi ma ia la ahiki i ka po ana me na manao hauoli.
E holoholo ana no mea apau mai ke ahiahi mai o ka Poakolu a Poalima ae, a i ka Poaono, ua hele aku la ka hapanui o na kane i ka lakou mau hana malalo o ko lakou mau haku hana.
Me keia mau mea ae la i hoikeia maluna ke manao nei keia makapeni ua law, a ke haawi aku nei i ka mahalo a hoomaikai i ka mea hanohano ma ka noho, Solomon Hanohano, ame kona mau keiki o ka papapa'i.
Owau iho no me ka mahalo,
MRS. EMILY K. PALI.
Kahauiki, Maui, Jan. 11, 1920.
KEKAHI MAU MEA I HOOHOLOIA E KA PAPA.
He elua mau manu aloha i haawi makanaia ae i kahi hoikeike holoholona ma Kapiolani Paka e na Kauka W. C. Hobdy ame J.J. Shepard.
He palapala noi no ka hookohuia ae ma ke ano kakauolelo ka i hookomoia mai e Elizabeth S. Robinson. Ua waihoia aku ia ma kahi o na palapala.
Ua ae mai ka Hui Libby, McNeill & Libby no k holo ia o kekahi alanui maluna o ka aina a ia hui iloko o ka manawa e hana hou ia ana o ke alanui pali. He leka kekahi e hoakaka ana e hooiaio aku ke aupuni aole e koi pohoia aku ka hui no na poino ulia e loaa aaa i kekahi mea malaila.
Mamuli o ke apono ana a ke komite o na paka ua hoole ka papa i ka ae ana aku ia Fred Pfeifer e kukulu i hale inu wai momona maluna o na kahua paani polo o Kapiolani Paka.
Ua loaa ae he palapala mai ka Outrigger Club ae e noi ana e kuai ka papa na hana hou i makemakeia no ia wahi auau. Ua hoole ka papa i ka lawe ana mai ia mau mea.
I kulike ma ka Lunanana Hale Cain mea i noi ae ai i ka papa, aneane ma kahi o $1400 na lilo no ka hana hou ana i ka Hale Kapiolani no ka noho hanaia mai e ke aupuni kalana ma ke ano malaila na keena oihana o ke kalana ma nei mua aku, aka, aohe nae mea i hooholoia.
He olelo hooholo e hookaawale ana i ka huina o $7500 no kekahi pa pohaku kahawai o Kaukonahua ka i hooheloia a kauohaia no ke pa'i ana.
Ua waihoia ae he hoike mua o ka papa e ke Kakauolelo P.P. Wood no ke kakauinoaia ana o ka Meia na olelo hooholo malalo iho nei:
$200 no kekahi laina paipu uwea kukui uwila no ke alanui Beritania; $2264.30 no ka hooloihi ana i ka laina paipu meaino no ke alanui Pauoa; $10.000 no na hana hou o ka apana o Puunui; $3561 no ke ana ana i ke laina paipu meaino no ke alanui o Waimanalo; $3000 no ke kuai ana i asphalt no na alanui; hoololi ana i ka $9,500 mai ka waihona kula; $3,419.25 ukupanee maluna o na bona.
Ua loaa ae i ka papa he palapala kuai hoolilo no kekahi wahi apana aina uuku i makemakeia no kakehi puka hookahe wai ino ma ke kiekiena o Alewa mai ia Mr. ame Mrs. H. von Holt mai.
Ua hookuuia o Kalohi; ka mea ma@ lama halekula o Kauluwela, e hele hoomaha no elua pule no ka ma'i o ka wahine aia i Hawaii.
HOOMAKAUKAU NO MUA AKU NEI
E Hoao e Hoomakaulii Ano---E Malama i ke Dala e wehe i Buke Banako H@ahu me ke
CHINESE-AMERICAN BAMK
A NANA AKU I KA ULLU O KAU DALA
NA PAHU DALA ao ka Hoolimalima
$1.00 no ka Wehe Ana i ka Hoahu
Kihi o ke Alanui Moi me Nuuanu
LUAU
Na PA, NOHO, PAKAUKAU ame na HALEOLE no ka Hoolimalima.
PEOPLE ʻ S HARDWARE STORE.
453 Alanui Moi Akau, Kokoke i Palama Settlement.
KELEPONA 2670.
6348--8 wks.
Hoomanao i Kahi
156-158 Alanui Hotele
Mauka o ka Hokele Young
Ua hoao kekahi poe e hana i wahi no oukou e noonoo ino ai, ua nee makou mai ko makou wahi kahiko mai, o ka mea oiaio aole makou i nee.
O Kauka Capps ua kamaaina oukou, Mrs. Correa, Kauka Rushforth ame ka poe e ae, he o ia mau no lakou. Aole he kuleana o kekahi kanaka okoa aku o Thompson me ko makou wahi. Hiki ia makou ke olelo Hawaii.
Dr. Lewis Edwin Capps
KAUKA RUSHFORTH,
Kokua.
Thompson Optical Institute
156-158 Alanui Hokele.
Mauka o ka Hokele Young.
T. O. MURATA FURNITURE STORE
(Na noho hoolimalima me lako pa maanei.)
Na Lako Hale Hou me Kahiko.
Hoolimalima me Kuai Hoolilo.
717 Alanui Hema, Honolulu, T. H., Kelepona 1695.
HOAKA NO KA HOOPAUIA ANA O KA HOA-HUI.
5 CASTLE & WITHINGTON, Honolulu, Kulana kauhale a Kalana o Honolulu, T. H., Ianuari 16, 1920.
I ka Puuku o ke Teritore o Hawaii, Honolulu, T. H
Me ka mahalo--
E HOIKE ANA KEIA, ma ka la 21 o Iulai, 1919, ua hoopauia ka hui Hoa-hui o CASTLE & WITHINGTON, e malama ana a e lawelawe ana i ka oihana laula o ka hoomaamaa kanawai ana ma Honolulu, Kulanakauhale a Kalana o Honolulu, teritore o Hawaii, mamuli o ka make ana o David L. Withington, kekahi o na hoahui, ma ka la 21 o Iulai, 1919 i oleloia, a i kulike ai me ke kanawai, ke waihoia aku nei ka hoakaka mahope ae nei penei:
O ka hoahui e ola ana o ka hui Hoa-hui i oleloia ma ka la o ka hoopauia ana oia o WILLIAM R. CASTLE e noho ana ma Honolulu, Teritore o Hawaii; W. A GREENWELL, e noho ana ma Honolulu, Teritore o Hawaii.
(Kakauinoaia)
WILLIAM R. CASTLE,
ALFRED L. CASTLE,
W. A. GREENWELL.
6384--Ian. 23, 30.
HE HOOMAIKAI.
Ke haawi aku nei au i ka'u mau hoomaikai piha ia Wm. Werner, Sr. no kana mau hooponopono akahele ana no na mea e pili ana i ka huaka'i hoolewa o ka'u wahine aloha me kona wahi e hoomoeia ai no ka manawa pau ole; na u'i opio i kukiai i ke kino puanuanu o kuu wahine aloha.
Pela pu i na poe kamana, ka poe eli lua me hapai pahu, ka ohana me na hoaloha, i ala pu i ka po, oiai kona kino e wiho ana ma ko maua home, na ahanui aloha me Kaahumanu, na ahahui hoi nana i lawe ae i na kaumaha o na lilo hoolewa ame ka lehulehu apau ka'u mau hoomaikai, a na ka Makua ma ka lani e kau iho i na hoopomaikai ana ma luna pakahi o oukou. Ma ka inoa o Iesu Kristo, Amene.
Me ka luuluu,
P. KANEHE.
Wainiha, Kauai, Ian. 12, 1920.
Ma ka la hope o keia mahina e pau ai ka hana helu kanaka apuni keia Teritore, me ka pau ana nae o na apana liilii i ka heluia, a koe aku na apana i noho nui ia e na kanaka.
Kakelame Kuke
(KAUPALENAIA)
Poe Kalepa ma@
ke Komisa
A HE
Poe Agena no na Mahiko Lehulehu
Kuai Apana Aina ma Waikiki
E ike na kanaka apau ke wehe nei au he Apana Aina nui ma Lakimau Tract, Kapiolani Park, Waikiki, mawaena o kahi i noho ai o Kikila Baraunu (Cecil Brown) ame Kimo McGuire.
O ka poe apau e makemake ana e kuai aina makepono ma Waikiki, o ka manawa kupono keia e hooko ai.
Na mahele aina ma Kekio Tract, aole e loaa ke kuaiia malalo o Iwakalua keneka (20c) o ke Kapuai hookahi, nolaila ke kuai nei au i ko'u mahele aina no 12c o ke kapuai huinaha.
He alanui hou ke hoomoeia ana ma LAKIMAU TRACT no eono iniha ka manoano, me na pohaku paepae, 10 kapuai ke akea, ala helewawae, a me ka wai ma ha'i o kela ame keia pa.
He aina iliwai like keia, aole pohaku. Ke kumukuai o ka mahele, he $500 a pii aku elike me ka nui o na kapuai.
Uku mua me ka oluolu, ame ka uka liilii i na mahina apau. Ua lilo kekahi mau apana, a he holo loa ka lilo ana o na aina ma Waikiki. Hele koke mai o pau loa i ka lilo i ka poe hele mua mai.
PAULO KALAKAUA,
(P. E. R. STRAUCH).
Akena Kuai Aina Emi Loa.
Waity Bldg., Helu 71 Alanui Moi.
NUPEPEA KUOKOA
No ka makahiki (one year)………$2.00
No eono mahina (six months)……1.00
O na Dala ame na Hoolaha Apau e hoouna pololei mai i ka ADVERTISER PUBLISHING COMPANY, LTD., wale no, P.O. Box 208, Honolulu, T. H.
217 Alanui Moi, ma ke keena o ka Nupepa Advertiser.
Entered at the Post Office at Honolulu, T. H., as Second Class Matter.
CHARLES S. CRANE….LUNA NUI
J. BROWN, JR.
LOIO.
He keiki Hawaii i makaukau ma kana mau oihana a he oluolu na kuka ana.
Na hana Palapala. Huli ana i na Aina Pohihihi. Akena Kuai Aina, na Kei Aie ame Hoale Dala.
Keena Hana: Rumi 3, Waity Bldg. Iluna, Alanui Moi, Mauka o Wall Nichols. Kelepona Helu 3938.
ADVICE
E LAWE I KA MAKOU A'O
Kuai i kela paalole, kuka hele ua a kuka pumehana i keia wa aole e emi hou iho ana ke kumukuai.
Makemake makou e haawi aku ia oe i 100 keneka waiwaiio o ka lole no kau dala-- a na na kaukani o ko makou poe kuai e hoike aku ia oe, no ka maikai maoli o ko makou manao. HANA KOKE ANO.
E Wehe i Kuleana Aie.
Laweia na Bona Kuokoa.
The Model Clothiers
ALANUI PAPU.
Aole he mau kamailio e ae iloko o na la i hala aku la o keia pule, aka no na hana olohani wale no ia, i hoalaia ae e na hui uniona o na kanaka hana kaa o kekahi mau hui, ame na limahana Pilipino o na mahiko.