Ka Nupepa Kuokoa, Volume LVIII, Number 3, 16 January 1920 — Page 5
| This text was transcribed by: | Kamehameha Schools Gift To Dr. Chun |
| This work is dedicated to: | Dr. Michael J. Chun |
Ka Nupepa Kuokoa
KE KILOHANA POOKELA NO KA LAHUI HAWAII.
NUPEPA KUOKOA, HONOLULU, T. H. POALIMA, JANUARI 16, 1930
---
He Moolelo no KEONI HANAFODA
---
Ka Hua Awahia o ak Uhauha me ka Puni Lealea--Loaa Nae ke Kaulana ma ka Hoomanawanui
---
"Aohe au papuahulu ana e hele mai keia wahi aku e Mrs. Hanafoda, no ka mea ua makemake loa au e hoike aku ia oe i kekahi mea a o kekahi no hoi, ua ike mua no oe ia'a, pela au ia oe."
Ina no paha he mau mea kau i makemake ai e kamailio mai ia'u, aole no e lilo kau mau olelo ame kou mau manao i mea ano nui i ko'u noonoo," i pane aku ai o Helena no ka manawa mua loa.
"O kau paha ia i noonoo ai e Mrs. Hanafoda, aka nae ua kuhihewa loa oe," alala noke okoa ae la ua wahine nei i ka akaaka me ka leo nui. "O ke kumu nui o ko'u makemake ana e hele mai e ike ia oe ea, no ke noi ana aku no ia e loaa mai he huina dala ia'u mai ia oe mai."
"Ua makemake anei oe e haawi aku au i kekahi huina dala nau?" wahi a Helena me kona piha me ke kahaha, me ka hoonaukiuki pu no hoi.
"O ka mea oiaio maoli no ia mai manao mai oe, he mau olelo pulapu wale no keia a'u, aole, aka o ke kumu nui wale no ia o ko'u hoea ana mai la imua ou, i keia la, a haalele aku la i ko'u mau oa. I ka nana aku, he nui maoli no kau dala pela i hiki ai ia oe ke kuai i na lole maikai, e loaa ole mai ai i na wahi dale uuku; a o ia ka'u e olelo ae nei, ua pomaikai maoli no oe, iloko o keia mau makahiki he umi i kaahope aku nei, a no ke komo pu ana aku iloko o na pomaikai a ke Akua i haawi mai ai ia oe, pela au e koi aku nei, e haawi mai oe i kekahi dala na'u.
"Ma ka'u ike aku ua oi loa ae kou ulakolako o ka noho ana i keia manawa mamua o ka wa e noho pu ana me kau kane. Ma ka manawa hope loa o ko'u hoea ana aku no Kapalakiko, lohe iho la au, ua holo mai oe no Nu Ioka nei, a he nui maoli kau mau dala e loaa ana i kela ame keia manawa, akahi nae au a ike i ka oiaio o ia lohe, he nani maoli no kou lole e komo nei." me ke kilohi pono ana aku o ka nana ana a ua wahine nei, mailuna mai o ke poo o Helena ahiki ilalo o na wawae.
"O ka'u mau mea i lohe ai ma Kapalakiko, o ia no kou lilo ana i kumu a'o himeni a hookani piano, me ka nui o na dala a ukuia mai ana ia oe no kela hana, a i kekahi manawa no hoi, e hoolimalimaia mai ana oe, i mea himeni maloko o na anaina hoonanea a hoohauoli a na kanaka hanohano o keia kulanakauhale.
"Ua hoike pu ia mai no hoi ia'u kou hookomo ana aku i kau kaikamahine maloko o na kula, no ka hoonaauao ana iaia, ma na ike kiekie loa i pili i ko ke kanaka ola ana: he home nani ko olua e noho nei, a he nui hoi na hoaloha i makaukau mae e haawi mai i na kokua ana i ko olua wa o ka pilikia. Ea pehea la i hiki ai ia oe ke pailaka i kou moku, a oili aku ma kela aoao o ka moana kupikipikio? Ma ka Keoni mea o ke kamailio ana mai ia'u, he keu maoli aku no oe a ka wahine akamai i ka malama ana i na mea liilii, ame ke akamai pu no hoi i ka hoohana ana aku ma na alahele apau e loaa ai ka noho ulakolako ana."
"Eia oia ihea i keia manawa?" wahi a Helena, me kona nana pololei ole aku i ka ninau a kela wahine iaia, o ke kumu paha o kona ninau ana aku no Keoni Hanafoda, no kona hopohopo loa malia o ua kanaka nei kekahi me keia wahine ma Nu Ioka, a ua hele a kau ka weli iaia no ka halawai hou aku me kana kane mua, o lilo auanei ia i mea e kamailio nui ai kona mau hoaloha nona.
"No ke kanaka au e ninau mai nei, aole au i ike iaia, a aole no o'u nana i ka hopena e loaa aku ana iaia, no ka mea he ekolu ae nei makahiki i hala ko'u kipaku ana iaia mai ko'u alo aku."
"Alaila e olelo mai ana anei oe ua--" me ka hooki honua ana iho o Helena i kana kamailio ana aku. He hana kupono anei nana ka hoohaahaa ana iho i kona kulana malalo o kela wahine mahaoi. He mea maikai anei nana ka ni ele ana aku i kela wahine, i wahi e loaa mai ai iaia ka ike no na mea e pili ana no ke kanaka, nana i haalele iho iaia ame kana kaikamahine? Heaha kona pilikia, in a no aole on a makemake e maopopo ke kuleana o keia wahine maluna o Keoni Hanafoda, ame ke ano o ko laua kaawale ana. O keia na kumu ano nui nana i kaohi mai ia Helena mai ka hoopau pono ana aku i kana mea i makemake ai e nina mai ia Marie Dukana, eia nae, ua loaa aku la no ka ike i ua wahine nei a o ia kana o ka pane ana mai.
"O ka mea oiaia ea, ua hookaawale aku ua ia Keoni Hanafoda mai ia'u aku, ma kekahi hoopii oki mare, ekolu ae nei makahiki i hala a ke hauoli loa nei au ua ka mea a'u i hana aku ai, no ka mea o kela kekahi o na kanaka molowa me ke kauka'i mai owau ka mea nana e malama aku iaia. He keu aku maoli no a ko'u hupo, o ka ae ana, e punihei wale aku malalo o kela kanaka waiwai ole.
"He nui maoli kana mau dala ma kela manawa o kona haalele aua iho ia Kapalakiko, no ka nui o kana mau dala i manao aku ia au, oia paha kekahi kanaka waiwai a ae aku e mare me ia aka nae i ka puehu ana o kana dala, noho iho la oia, me ka hookohukohu ana, ma kona kulana keonimana, aohe wahi mea a hooikaika e huli i kekahi hana nana e malama aku iaia. He keu au maoli no a ko'u hupo, o ka ae ana, e punihei wale aku malalo o kela kanaka waiwai ole.
"He nui maoli kana mau dala ma kela manawa o kona haalele ana iho ia Kapalakiko, no ka nui o kana mau dala i manao aku ai au, oia paha kekahi kanaka waiwai a ae aku e mare me ia aka nae i ka puehu ana o kana dala, noho iho la oia, me ka hookohukohu ana, ma kona kulana keonimana, aohe wahi mea a hooikaika e huli i kekahi hana nana e pono ai ko maua noho ana, aka e kauka'i mai ana oia owau ka mea nana e huli i ke dala, no kona mau lealea ame kona mau makemake apau. Aohe a'u nana nona i keia manawa in a paha ua make oia a i ole ke ola mai nei no paha he oi aku nae ko'u hauoli in a ua make oia."
Ma na mea a Marie Dukana e noke aku nei i ke kamailio imua o Helena, ua hiki ia Helena ke ike aku, ua pau loa ka noonoo ana o kela wahine no Keoni Hanafoda, elike no hoi me kela manao hookahi i loaa i ua o Helena, ma ka manawa a kela kanaka aloha ole i haalele mai ai iaia, a lilo aku la i ke alualu i ka wailiu la o Mana. Heaha nae ka manao nui o ko laua kau like ana ma ke ana iliwai no ko laua makemake ole ana ia Keoni Hanafoda? He hookahi wale no kumu nui, no ka howahawaha mai, ma kela wahi, i ala kokemai ai na hoomanao ana iloko o ua o Helena, no na olelo a ke kahunapule i heluhelu mai ai mailoko mai o ka Baibalam kela kakahiaka: "O ka mea hoowahawaha aku i kona kaikaina, he pepehikanaka oia."
Aole e hiki i ua o Helena ke pane mai mahope iho o ke kuu ana iho o ka leo o Marie Dukana a no kona noho hamau loa hoi, ua hoomaka hou mai la ka wahine hanakeaka i kana kamailio ana:
"Eia au ke nana hou nei i kekahi mea oi ae o ke kupono a no ka makahiki holookoa aku nei i hala, ua ukali maoli ia no au e na ulia pakalaki," me ka nana pono loa ana mai o Marie Dukana i ke eke dala a Helena a paa ana mamua o kona alo. "Ua pomaikai oe o kaua, a ua pilikia hoi au no laila e haawi mai oe i kekahi mau dala na'u i keia manawa a i na manawa no apau a'u e'hoea aku ai imua ou, au no e ike iho ai aole i poho ia mau dala au ikokua mai ai ia'u iloko o ko'u manawa o ke nele."
"Aole loa au i ike iki i kekahi kmu maikai a'u e haawi aku ai he hookahi keneka ia oe, aole loa!" i pane mai ai o Helena me ka leo kuoo."
"O ke kumu ekahi, o ia no ko'u malama ana i kau kane no na makahiki he ehiku, me kona hoopilikia hou ole aku i kou noonoo, nolaila ua pomaikai maoli oe, i kona kaawale ana mai kou alo mai, e hoouluhua hou ole aku ai ia oe."
"Heaha auanei ko'u kuleana iaia, ua pono no kou malama ana aku i ke kanaka au o ka hoowalewale ana, a e loaa he haawina a'o kupono loa ia oe e pono ai," wahi e Helena me ke kuoo.
Noke ae la o Marie Dukana i ka akaaka, aole i lilo no olelo a Helena o ke kamailio ana aku iaia i kumu e hoopepe iho ia ua wahine nei, a o ia kana o ka pane hou ana mai:
"He ohi ole hoi @oha kou i na pomaikai auehauoli nei i keia la, in a aole au i komo aku a hoopakele ae ia oe, mai na haua mai a kela kanaka lupuwale. Nolaila o na pomaikai i loaa ia oe i keia manawa, he kuleana pu ko'u iloko o ia mau pomaikai."
Hele mai la o Helena a hoonaukiuki maoli i na olelo kohu ole a keia wahine e kamailio aku nei iaia, me kona hoowahawaha pu i ka mahaoi, me ka hilahila ole o keia wahine, e koi wale aku nei no iaia, e haawi mai i kekahi o kana mau la'a, ana i hooikaika kino wahine ai. No kela hoonaukiuki loa on a, ku okoa ae la oia iluna, me ka makemake ole, e hoomau aku i ke kamailio ana me kela wahine, ua ku pono ae la nae o Marie Dukana mamua o kahi ana e hele aku ai, a pane aku la:
"Aohe au pupuahulu ana no ka haalele koke mai i ko kaua kamailio pu ana, oiai, aole au i hoea aku i kahi a'u i makemake ai ia oe e hana mai no ko'u pono, a ua kou pono pu no hoi kekahi. Ke makemake nei au e wehe ae oe i ko eke dala, a mahele like kaua i kau mau dala e waiho la maloko olaila."
"Aole loa e loaa ia oe he hookahi keneka maloko o keia eke dala," wahi a Helena, me ka hookomo okoa ana iho i kana eke, iloko o kona lole.
"O kau paha kena i manao ai, aka ma ke ano maikai nei, he mea pono no ia oe ke haawi mai."
"Ma ka inoa o ke kaulike, ke koi ak nei au i kou kuleana, e hookikina mai ai ia'u e haawi aku i kekahi o ka'u mau dala nau e Marie Dukana!"
"Malia paha, aole ou makemake e hoikeia ae na mea e pili ana ia oe aine kau kane maloko nei o keia kulanakauhale, a e lohe aku hou mau hoaloha no kou ano maoli, he wahine i kaawale mai kau kane aku, mamuli o ke kanawai o ka aina?"
"Ina he wahine oe i makee i kou inoa maikai, ke manao nei au, aole loa oe e aa ana e hoike ae i ka mea o ka wa i hala, o ili aku no auanei maluna ou iho, ka auamo ana i na ko'iko'i o ua hilahila, no kau mea i hana aku ai mulana o Keoni Hanafoda, a i lilo ai hoi i kumu nona e kaawale loa ai mai ia'u aku," wahi a Helena me ka manao koa.
"Heaha auanei ka'u nana no'u iho, no ka mea eia no na alina o kana mau hana ke kau nei maluna o'u, o oe paha kau e nana iho, no kou hoohilahilaia mai e kou mau hoaloha hanohano, ka poe i lohe ole i kekahi hapa o kou moolelo."
"Alailoa ua pau anei kou noho ana me kou hui hanakeaka, a ua kaawale loa anei oe, mai na hana keaka mai?" i hooainau wale mai ai no o Helena.
"Aole o'u lawelawe hou i kela ano hana i keia manawa, mai ko'u wa i mare aku ai ia Keoni Hanafoda, no ka mea aole on a makemakea iki e hooluhi wale ia ko'u kino ame ko'unoonoo, ma na hana o kela ano."
"Me ko'u nana ole i ka hopena i kau mai maluna ou, aole loa au e haawi aku ana i kekahi o ka'u mau dala elike me kau koi, aka e hele aku ana i kekahi o ka'u mau dala elike me kau koi, aka e hele aku no oe e huli nou iho, elike me ka'u i hana aku ai. Aia me oe na kalena kiekie loa a ke Akua i haawi mai i i kela ame keia kanaka, a maluna iho o kakou ke ko'iko'i o ka hoopukapuka ana aku ia mau kalena."
Noke hou ae la o Marie Dukana i ka akaaka a i mai la:
"Ia'u ma Kapalakiko, hoikeia mai la ia'u ka pii ae o kau kaikamahine a lilo i wahine huapala, pehea ana la kona noonoo, ke lohe mai, i keia mau mea a'u e kamailio aku nei imua ou, kona makuahine Pehea la kou noonoo, no ka hun'iia ae o ka moolelo o kona makuakane, maloko o na nupepa o keia kulanakauhale.
"Pehea ana la ka manao o kou mau hoaloha, ke ike iho i ko oukou mai kii ekolu me ko'u kii pua maloko o ka nupepa, me kekahi moolelo loihi, e hoakaka ana, i ke ano o Keoni Hanafoda? Eia me a'u ko oukou mau kii apau, ua loaa aku i ia'u iwacna o na ukana o Keoni Ranafoda, he mau makahiki ae nei i hala. E haawi aku no au i keia mau kii anau iea oe, no kekahi huina dale uuku, aka ina e hoole paakiki mai ana oe, aole e haawi i kekahi dala ia'u, alaila e hele aku ana au maloko o kekahi hale hoolaha nupepa, a haawi aku i kela mau kii, me ka moolelo i pili ia lakou, a hoopuka aku maloko o na nupepa o keia kulanakauhale."
Ua lilo keia mau olelo ku i ka hooweliweli a Marie Dukana e kamailio aku nei i kumu e aneane loa ai o Helena e maule, aka nae aole i noho wale kona noonoo, aka ke hana la oia, ma na ano apau, i wih nona e lilo ole aku ai i meapaahana malalo o ka mana o kela wahine maalea. Iloko o keia hui kukakuka pu ana o laua e kahea mau aku ana o Marie Dukana iaia, ma ka inoa o Mrs. Hanafoda: a o kahi ioaa aku ai o na ike i keia wahine no ko laua kulana ulakolako ma Nu loka, ke pohihihi loa la ia i ua o Helena, oiai nae, ua kamaaina ko Nu loka poe iaia, ma ka inoa o Mrs. Foda, ana e manao la aole no e manaoio ana kona mau hoaloha, oia ka wahine a Keoni Hanafoda, ina no ka hoopukaia o kekahi moolelo me na kii ekolu maleko o ka nupepa.
Ke noonoo la oia, iloko o na makahiki he umi, o kona aoho ana maloko o Nu Ioka, ua loli loa kona helehelena, mai kela manawa mai i pa'iia ai kona kii, pela no oi me Dora, ua wahine makua maoli oia i keia manawa, nolaila aia he like ole nui mai kela manawa mai o ke pa'iia ana o ko laua mau kii, ame keia manawa ana e kamilio pu nei me Marie Dukana, nolaila, aole no on a maka'u iki, in a e hooko aku ana kela wahine i kana mau olelo hoowelweli iaia.
Ma kekahi aoao nae, in a e ae aku ana oia i ke koi mai a kela wahine, aole no he pomaikai e loaa mai ana iaia, koe wale no ka hoea mau aku e kela wahine imua on a, e noi ai i dala, a i ole, imi ae paha ma kekahi mau ano epa okoa, i wahi e hooko mau ia ai kona makemake. Me ka manao koa apau i loaa iaia, pane aku la ua o Helena i ka i ana aku:
"No ka manawa hope loa, ke hoole hou aku nei au i ka haawi ana ia oe i hookahi keneka o ka'u mau dala, aole hoi e kuai aku i kela mau kii mai ia oe mai, a i ole ki-pe aku paha ia oe, i wahi e hoohamauia aku ai kou waha, aole e kamailio ae i ko'u moolelo, a i ole hookomo aku paha i kau mau mea apau i hooweliweli mai nei ia'u, maloko o na nupepa," wahi a Helena me ke ku ana ae o kena kino a pololei iluna, a kamailio mai la hoi me ka hopo ole imua o kona hoa olelo o kela la.
"in a nae ua pau kou ano kanaka, a o ka holoholona kou hoa e like ai, ma ka hoao ana mai e hoopoino i ke ola o kekahi mau kino kanaka elua in a kekahi hana hoohilahilo, i kuleana ole aku ai laua, a laua hoi i noho hoomanawanui ai no kekahi mau makahiki lehulehu, a i hooikaika kino wahine aku ai, me ka paio ana me na inea o keia noho ana no ka hew a kekahi i hana mai ai maluna o laua; a in a ua manao oe, pela iho la e hookoia ai kekahi manao lapuwale o ka lokoino iloko ou, 'alaila e hana aku oe elike me kau e manao nei, a'u nae e a'o aku nei ia oe mamua, e ohi ana no oe i ka hua awahia o ia hana au."
"no kela mau mea au e kamailio mai nei ia'u e ka madame, e hoea mai ana i ka la au e mihi ai, no kou ae ole ana mai e haawi i kekahi dale iau," i pikanana hou mai ai no o Marie Dukana.
"Mai kou lehelehe ponoi mai i hoike mai ai oe ia'u i keia la, i ka nui o na dala a Keoni Hanafoda, ma kela manawa ana i holo mahuka aku ai me oe no na aina mamao, mai Kapalakiko aku," ihoomau aku ai ho'o Helena i kana kamailio ana, me ka hoolohe ole aku no na olelo a Marie Dukana o ke kamailio ana mai iaia. "Ua maopopo no anei la oe kahi i loaa mai ai o kela mau dala mahuahua iaia, ke dala ana i uhauha aku ai no ka hoolako ana i kou mau makemake, a no ka hooko ana aku i kona mau manao lapuwale. Ua aihue aku oia i kela mau dala mai kana kaikamahine ponoi aku, au no e ike iho ai i ka ili aku o ka hilahila maluna ou ame ke kanaka au i manao aku ai, oia ka mea nana e hoolako mai i kou mau makemake apau.
"O kahi i loaa mai ai o kela mau dala, i lohe oe, penei no ia, I ka wa i make aku ai ko'u makuakane, ua waiho iho oia i kekahi huina dala uuku na'u na kana kaikamahine; aka nae ia'u i ike ai i ka noho uhauha o Keoni Hanafoda, me kona hooikaika ole e hele i ka hana i wahi e loaa mai ai ke dala no ka malama ana ia makou, ua hookomo aku la au i kela mau dala maloko o ka banako, ma ka inoa o Dora kuu kaikamahine, no ko'u makee me kela mau dala e loaa ai iaia ka hoonaauaoia maloko o na kula kiekie.
"Ia'u i makeukau ai e haaleleiaku ia Kapalakiko, a e holo mai no Nu loka nei, aia ke kau mau ana o ko'u noonoo maluna o kela mau dala a kuu kaikamahine, no ke kokua ana mai i ko maua noho ana ma keia aina malihini, ahiki i ka loaa ana o kekahi hana ia'u, nolaila i kekahi la, hele aku la au i ka hale banako no ka unuhi ana mai i kela mau dala, hoike mai la nae ka on a o ka banako, no ka hoea ana aku o Keoni Hanafoda, he ekolu mahine mamua aku a lawe i kela mau dala apau loa, me ka waiho ole aku he hookahi keneka; ua haawi mai ka poe o ka banako i kela mau dala iaia, ma ke ano oia ponoi ka makuakane o Dora me ka manao nae, ma ke ano maikai oia i kii aku ai e unuhi mai i kela mau dala.
"Ma kela hana a Keoni Hanafoda, ua ku aku la oia a hele me oe, me kona haalele ana iho ia maua iloko o ke nele ame ka pilikia. Ia'u i ike ai i ka mea a Keoni Hanafoda i hana ai, ua aneane maoli au e haalele iho i keia ola ana, o ka mea wale no nana i hoopakele ae i kuu ola, no ka manao aloha wale no i kuu kaikamahine, a mamuli no hoi o na kokua ana mai a ko'u mau hoaloha, a'u e olelo ae ai, o ko'u mau makua ai iloko o ka wa o ka poino. Pehea ka nui o na dala a kuu kaikamahine ana i hoonua'nu'a aku ai maluna ou, o oe hookahi wale no ka mea i ike: aka mamuli o ko'u kamaaina i ko Keoni Hanafoda ano, i ka wa e piha ai kona mau pakeke me ka dala, aole oia e hoohakalia iho ana, ma ka hooliho ana i kana dala me he kahe ana la a ka wai, maluna o ka mea a kona noonoo i iini loa ai.
"Me keia mau mea oiaio loa a'u e hoakaka aku nei imua ou, ke manao nei au e ike iho ana no oe, i na kumu kupono loa, o ka hiki ole ana ia'u ke ae aku i kau koi, au no e hoomaopopo iho ai, ua hoole aku au ma ua ano apau e hooko i kou mau makemake, malalo o na kumu maikai wale no."
I ka wa i lohe pono aku ai o Marie Dukana i kela mau hoakaka a Helena, ua loli ae la kona ano, mai kela helehelena kuoo'o ka hooko aku i kana mau mea i hoolala mua ai, a i ka oluolu maikai o kona mau maka, me he mea la, ua 'oopaia aku kona uhane me kela mau olelo walohia ku ike aloha, alaila kulou iho la kona poo ilalo, me he mea la, ua piha loa oia i ka hilahila no kona komo pu ana aku iloko o ka hew ko'iko'i a Hanafoda i hana ai, o ia ko laua uhauha like ana i na dala a laua a elua i kuleana ole ai.
No kekahi mau minuke mahope iho o ka hooki ana iho o ka Helena kamailio ana, u a ku malie wale iho la no o Marie Dukana, o kela uahoa ma kona mau make, o kela ano ma-ko-na iloko on a, aole ia me ia ia mau minuke, alaila aea malie ae la kona poo iluna, a me na maka oluolu i mai la:
"Ua kaa ka lanakila ma kou aoao," wahi ana, me ka huli ana aku o kona alo i kahi a na kamalii e paani mai ana ma kekahi wahi o ka paka, aia hoi ko lakou mau leo hauoli ke hoopiha la ialoko o ua paka nei, a ke ku la hoi o Helena, me na manao hopohopo, o haalele mai paha kela wahine iaia ne ka pau ole o na kamailio ana mawaena o laua, elike no hoi me kana i noonoo mua ai, no kona ku a hele mai ia Marie Dukana mai, aka nae, i ka hala ana o kekahi mau sekona ia wa i huli hou mai ai o Marie Dukana imua on a, a hoomau hou mai la i kana kamailio ana:
"Ae, ua kaa ma kou aoao ka lanakila i keia la, a ua lilo au kaa ma kou aoao ka lanakila i keia la, a ua lilo au he pia nau," me ka halo'ilo'i hoi o na waimaka ma kona mau lihilihi. "Aole au i manao mua, penei iho la ka mea e hanaia mai ana ia'u i keia la, a ke ike nei au, i ke kuhihewa o ka'u mau mea apau i manao mau ai, nolaila aole a'u mea i koe e hoike hou aku ai imua ou i keia ia, ua hehee aku na manao maikai ole apau, elike me ka hehee ana o ka haupaa i u kukuna wela o ka la.
"Aole au mea e hopohopo ai mai keia manawa aku, no ka mea aole loa au e hoopilikia aku ana ia oe e i kau kaikamahine paha, aole loa, ke hoohiki aku nei au imua ou, a imua o na lani. Nou ka'u mau mahalo kiekie ana no ka hiki ana ia oe ke ku aku a paio me na inea o keia ola honua ana, me na auiui ale o na poino ame na popilikia, me ka noonoo ole ae i na mea e pili ana i na dala a kau kaikamahine i aihueia e Keoni Hanafoda. Aole au he wahine hemolele, aka nae aole no au he wahine lapuwale, aka aia no iloko o'u ke aloha no na kamalii.
"I kekahi manawa, ua ulu mai no ka noonoo iloko o'u, he mea pono e loaa kekahi home maikai ia'u, a e loaa no hoi ka'u keiki ponoi, elike me na makuahine e ae, me ko'u a ana e ai aku i na hunahuna liilii o na meaai, mamua o ka aihue ana aku i ka pono pilipaa i haawiia no kau kaikamahine. Ina e lilo ana au i mea hoopilikia aku no ka hauoli o kau kaikamahine, alaila pehea ana la ko'u noonoo, in a owau ma kou wahi, a e hoopilikiaia mai ka'u kaikamahine e kekahi poe okoa aku: no keia kumu, ame na humu lehulehu e a'e a'u e haawi aku nei i na mahalo kiekie ana, no kau mau mea apau i kamailio mai nei, ke hoohiki hou nei au, aole loa e hoopiliki aku i kau kaikamahine a ia oe paha ma kekahi ano."
Ma kela wahi i hoomaha iho ai kana kamailio ana mai, no ka mea ua aneane maoli e hanini okoa ihio kona mau waimaka, a mahope o ka hoomana iki ana no kekahi mau sekona, alaila hoomau mai la i kana kamailio ana:
"He keu maoli no a ke ano e o keia ola ana," me kona nana pono ana mai ma na maka o Helena. "Me he mea la ma ka'u hoomaopopo o ka wahine kekahi mea i auamo i na haawina ehaeha a ko'iko'i o ke ola ana. O kakou o na wahine i ka manawa e hoea mai ai na pilikia, e kaualakoia ana lakou e ke au o na popilikia a pae aku iluna o na puko'a o ka poino, aka nou e kuu hoaloha, ua puliki paa aku kou mau lima i ka hoeuli o ka palekana, a hookele aku la i kou moku ihope i kahi o ke awa lulu.
"Mai keia la aku, aole loa au e a'e hou mamua o ka alahele e Helena Hanafoda: o ka lanakila i loaa ia oe i keia la maluna o'u, he lanakila ia i hookikina ole ia aku ai oe e hoouka me ka ikaika aka nae ua haawi mai o e kekahi haawina a'o maikai loa ia'u a'u e poina ole ai no kekahi manawa loihi ma keia hope aku. O kekahi kumu o ko'u lili loa a piha no hoi i ka hoowahawaha ia oe, mamuli o ka noke mai o Keoni Hanafoda i ka pai i kou mau ano maikai he nui, i oi kela aku imua o ko'u mau ano: i keia la nae i ike pono ai ko'u mau maka me ka hoohewahewa ole, i ka hiki ana ia oe ke kaili aku i ka'u mau meakaua i manao ai no kou poino, mailoko aku o ko'u mau lima, a waiho iho la ia'u me he wahi kaikamahine uuku la, i nele me kekahi mea e hoonilikia aku ai ia ha'i. Nolaila mai keia manawa aku aole loa he mea nana e okupe hou i kou mau wawae ma kau mau wahi apau e hele ai, ke waiho malealae nei au i kou mau alahele, a na ke Akua e kokua mai ia oe, ma ka hoolilo ana ia oe i wahine oi ae iwaena o na wahine apau."
(Aole i pau.)
He Moolelo no
KEAKA TAZANA
Ka Weli o na Ululaau Mehameha o Afreika a o ka Hoaloha o na Holoholona Ahiu
---
No kona hoohuoi aia paha kekahi kumu nui o ka noke ana o kela poe keko i ka walaau, nolaila holi awiwi mai la oia mamua, me ka haalele aku no ia Akuta mahope mai. Aole no hoi i loihi ia hele aua mai a ua o Keaka, hoea mai la no kahi e moe ai o Miriama, me ka waiho ana iho i kana mau waiwai o ka hoihoi ana mai, a kahea aku la i ke kaikamahine, aole nae he pane mai o kekahi mea.
Manao iho la ua o Keaka malia paha aia o Miriama ma kekahi wahi ana e paani mau ai me kaua kii, ualiala eleu aku la kana hele ana, a kau ana maluna o kekahi lala laaunui, he wahi no na Miriama e noke mau ai i ka hooluliluli me kana kii, aole no on a ike aku ia Miriama, o kana kii nae ke waiho mai ana ma ka pu a o ke kumulaau.
Ke mamao loa aku la ka leo o na keko, kelohe koli'uli'u aku la oia me ka maopopo ole, o ke ano o ka lakou me e kamailio ana, nolaila, lalau aku la oia i ke kii, a hookomo ae la ma kona ili kuapo, o ka hoomaka aku la no ia e holo, malia paha aia o Miriama ma kahi o kela mau leo hanakuli o na keko ana e lohe aku nei.
He manawa pokole wale no kela holo ana aku o Keaka oili aku la oia ma kahi e ikeia aku ai na keko maluna o ke kumulaau, a ia lakou i ke mai ai iaia nei, ua kamaaina no hoi kela mau keko ia Keaka, kuhikuhi aku la ko lakou mau lima ilalo, ma kahi a ka mapu e hele ana, me ke kaikai ana i ke kino o Miriama maluna o kona poohiwi.
I kela ike ana aku a Keaka i ke kino malule o Miriama, iluna o ka poohiwi o ka mapu, me he mea la, aole e hiki ke holo hou ke koko iloko o kona puuwai, no ka mea ua manaoio maoli no oia, ufa make o Miriama, i ka onioni ole ae.
Iloko o kela manawa, akahi mai la no oia a ike i kona aloha maoli i ke kaikamahine opio, me he mea la in a no ka make i'o o Miriama, alaila okonoa ike hope loa ana ia i ka hauoli, a me he anapu ana la na ka uwila, ua kuewo ae la oia me ka leo nui, me ka lele aua aku a haule ana mahope pono mai o kahi a ka mapu e hele ana.
I kela haule ana aku o Keaka iluna o ka honua, a no ka lohe ana mai no hoi kekahi i kona lea kuwo, ua huli mai la ka mapu ihope, a i ka ike ana mai i ke ku aku o ke kanaka opio, ua ho-a koke ia ae la ka inaina wela iloko o ua mapu nei no ka loaa o kona hou.
Ua hele na maka o Keaka a hulili me ka inaina, a iaia i ike pono aku ai i ka helehelena o kela mapu, akahi no a loaa mai iaia ka ike, aole ka kela he mapu okoa aku, aka o ka moi no o n mapu, akahi no a loaa mai iaia ka ike, aole ka kela he mapu okoa aku, aka o ka moi no o na mapu, a o ka mea hoi o ka hoao ana mai e pepehi iaia, ma kela po ana e poina @ no ko lau hoea ana aku amua o na mapu oiai lakou @ ana a e hulahula ana.
Me ka hooka'ulua ole iho, waiho aku ia ka mapu ia Miriama ilalo, oiai no ua kaikamahine nei iloko o kona noonoo kupouli, a huli mai la ima o Keaka, no ka hakaka ana, aia hoi iloko o kona noonoo, me he wahi mea paani loa la keia imua on a, aole hoi clike me kona hoa hakaka mua, ana o ka pepehi ana aku a make.
Ua hoomaopopo mai la no ka mapu, o keia no ke kanaka o ka holo mahuka ana mai iaia aku, me ka loaa ole he manawa no kona mau maiuu loloa e komo aku ai iloko o kona i'o nolaila ke hauoli loa la ua mapu nei, no ka hiki ia ia kehaawi mai i kekahi haain a'o maikai loa i keia kanaka, e hiki ole ai iafia ke hoopoina, in a a koe no ke ola loko o komo kino.
I ka ike ana o ka mapu i ka hoonana mai o kona hoa hakaka, aohe wahi mea a hookaawale ae, o kona holo aku ia no ia imua, pela no hoi o Keaka i holo mai ai, a hooki'i ae la na poo o laua i kahi hookahi, me he mau pipi bulu la, me ka hopu like ana aku o ka laua mau lima, kekahi i kekahi. "Aia no ka Keaka pahi ma kona aoao kahi i lealea ai, aole nae on a laulau ae, ua oi aku kona makemake e hoohana i kona mau niho me na kima, o ka mea ia e ikeia ai kona ikaika, o ka noonoo nui wale no iloko on a, o ia ka pepehi aku i kela mapu a make, i hiki ai iaia ke pulama hou i ke kaikamahine ana i aloha ai, in a aia no ke ola ke kamau 'a iloko on a.
Aia o Keaka ke aumeume la me ka mapu, no kekahi manawa pokole wale no nae, no ka mea i ka wa i loaa pono aku ai ka puu o ka mapu i kona lima akau, ua kau ae la oia maluna o ke kua, o kona hoa hakaka, a noke iho la i ka nanahu me kona mau niho, me ka hiki ole i ka mapu ke hoopilikia mai iaia nei.
I kela wa oka paa ana aku o ka puu o ka mapu i ka lima o Keaka, o ka wa ia i kaakaa ae ai na maka o Miriama, a ike mai la i ka hakaka o Keaka me ka mapu, ia wa i kahea mai ai me ka leo nui.
"O, e Koraka! e Koraka! ua maopopo no ia'u e hoea mai ana oe no ka hoopakele ana ae ia'u mai keia mapu mai. E pepehi iaia a make e Koraka!" alaila ku okoa ae la oia iluna, me ka hele ana mai a ku iho la ma ka aoao o kona hoopakele, me ka haawi ana aku i na olelo hoolana, no ka pepehi ana i ko laua enemi.
Ke alaalawa la ka Miriama nana ana ma o a maanei, alaila ike aku la i ka waiho mai o ka ihe a Keaka ma kana wahi a ka lele ana iho mailuna mai o ke kumulaau, lalau aku la oia i ka ihe, a hou aku la ma ka aoao o ka mapu, he mea makehewa wale no nae ia, no ka mea, ua lawa na lima wikani o Keaka, no ka hookau ana aku i ka make maluna o kela mapu.
I ka ike ana iho o Keaka ua make kona hoi hakaka, ia wa i hookuu ae ai kona mau lima, i ka puliki ana ma ka puu o ka mapu, a nana mai la hoi ia Miriama me ka minoaka ma kona mau papalina. He keu maoli ka loihi o Miriama i kana ike mai. Ua loli ano e ae anei o Miriama i kela mau hora kakaikahi o kona kaawale ana mai iaia aku a i ole ua lilo paha eia lanakila i loaa iaia maluna o ka mapu i mea nana e hoololi ae i kana hoomaopopo ana no keia kaikamahine?
He mea oiaio, ua loaa aku o Miriama iaia he wahi kaikamahine uuku wale no, a kaili mai la iaia mai ka mana mai o ke kanaka, i kapa iaia iho he makuakane no keia kaikamahine a oiai aole e hiki i ua o Keaka ke hoomaopopo i ko laua noho pu ana oiai ohe nana manawa oloko o ka ululaau o kana nae e ike mai la, aole o kela kino nuku aka he kino nui maoli ko Miriama, he kino wahien: alaila nana iho la oia i ke kino make o ka mapu e waiho ae ana, a nana au aku la no hoi ma na maka o Miriama, akahi no oia a hoomaopopo i ka manao ame ka makemakea o ka mapu, no ka lawe ana aku no ia ia Miriama i wahien nana.
Ua hoea mai la o Akuta i ka manawa a Miriama o ka hou ana aku i ka ihe ma ke kino o ka mapu, me kona lele koke ana mai ilalo a nunulu iho la ma ke kino make o ka hoa paio o Keaka, aohe nana mai i na opio, aia oia ke pokakaa la mai ke poo mai a i na wawae o ka moi o na mapu me ka noke ana no hoi i ka namunamu, aole no koua minamina i ka make ana o kela mapu, aka no kekahi mea @.
---
(E nana ma ka Aoao Eono.)